| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
3. ануломабажжанийяаван̣н̣анаа
3. Anulomapaccanīyavaṇṇanā
45-48. ид̣̇аани ануломабажжанийяам̣ ход̇и. д̇ам̣ д̣̇ассзд̇ум̣ сияаа гусалам̣ д̇хаммам̣ бадижжа гусало д̇хаммо уббаж̇ж̇зяяа хзд̇убажжаяаа нааарамман̣абажжаяаад̇иаад̣̇и аарад̣̇д̇хам̣. д̇ад̇т̇а ‘‘хзд̇убажжаяаа нааарамман̣абажжаяаа…бз… хзд̇убажжаяаа наавиг̇ад̇абажжаяаа’’д̇и хзд̇убад̣̇асса сзсзсу д̇звийсад̇ияаа бажжаязсу згзгзна сад̣̇д̇хим̣ яож̇анаавасзна хзд̇убад̣̇аад̣̇игз згамуулагз д̇звийсад̇и ануломабажжанийяаани. д̇зсу згзгасмим̣ згуунабан̃н̃аасам̣ гад̇ваа сад̇д̇авийсаад̇хигаани згаад̣̇аса бужчаасад̇аани хонд̇и. д̣̇умуулагз бана хзд̇аарамман̣абад̣̇аанам̣ сзсзсу д̣̇ваавийсад̇ияаа бажжаязсу згзгзна сад̣̇д̇хим̣ яож̇анаавасзна д̣̇ваавийсад̇и ануломабажжанийяаанийд̇и звам̣ ануломз вуд̇д̇зсу саб̣б̣зсу згамуулагаад̣̇ийсу згзгам̣ бад̣̇ам̣ барихаабзд̇ваа авасзсаанам̣ васзна бужчааг̇ан̣анаа взд̣̇ид̇аб̣б̣аа. згамуулагаад̣̇ийсу жзд̇т̇а яаа бужчаа баал̣ияам̣ ааг̇ад̇аа, яаа жа на ааг̇ад̇аа, д̇аа саб̣б̣аа хздтаа вуд̇д̇анаяаанусаарзнзва взд̣̇ид̇аб̣б̣аа.
45-48. Idāni anulomapaccanīyaṃ hoti. Taṃ dassetuṃ siyā kusalaṃ dhammaṃ paṭicca kusalo dhammo uppajjeyya hetupaccayā naārammaṇapaccayātiādi āraddhaṃ. Tattha ‘‘hetupaccayā naārammaṇapaccayā…pe… hetupaccayā naavigatapaccayā’’ti hetupadassa sesesu tevīsatiyā paccayesu ekekena saddhiṃ yojanāvasena hetupadādike ekamūlake tevīsati anulomapaccanīyāni. Tesu ekekasmiṃ ekūnapaññāsaṃ katvā sattavīsādhikāni ekādasa pucchāsatāni honti. Dumūlake pana hetārammaṇapadānaṃ sesesu dvāvīsatiyā paccayesu ekekena saddhiṃ yojanāvasena dvāvīsati anulomapaccanīyānīti evaṃ anulome vuttesu sabbesu ekamūlakādīsu ekekaṃ padaṃ parihāpetvā avasesānaṃ vasena pucchāgaṇanā veditabbā. Ekamūlakādīsu cettha yā pucchā pāḷiyaṃ āgatā, yā ca na āgatā, tā sabbā heṭṭhā vuttanayānusāreneva veditabbā.
д̇иган̃жа бадтаанаварам̣…бз… ча ануломабажжанийяамхи наяаа суг̇амбхийраад̇и зд̇т̇а бана хздтаа вуд̇д̇анаязнзва д̣̇вз ануломабажжанийяаани – д̇хаммаануломабажжанийяам̣ бажжаяаануломабажжанийяан̃жа. д̇ад̇т̇а ‘‘гусалаа д̇хаммаа’’д̇и звам̣ абхид̇хаммамаад̇игаабад̣̇зхи сан̇г̇ахид̇аанам̣ д̇хаммаанам̣ ‘‘гусалам̣ д̇хаммам̣ бадижжа на гусало д̇хаммо’’д̇и ануломабажжанийяад̣̇зсанаавасзна бавад̇д̇ам̣ д̇хаммаануломабажжанийяам̣ наама. ‘‘хзд̇убажжаяаа нааарамман̣абажжаяаа’’д̇и звам̣ жад̇увийсад̇ияаа бажжаязсу лаб̣бхамаанабад̣̇аанам̣ ануломабажжанийяад̣̇зсанаавасзна бавад̇д̇ам̣ бажжаяаануломабажжанийяам̣ наама. д̇ад̇т̇а хздтаа адтагат̇ааяам̣ ‘‘д̇иган̃жа бадтаанаварам̣…бз… ча ануломабажжанийяамхи наяаа суг̇амбхийраа’’д̇и аяам̣ г̇аат̇аа д̇хаммаануломабажжанийяам̣ санд̇хааяа вуд̇д̇аа. ид̇ха бана аяам̣ г̇аат̇аа д̇хаммаануломзязва бажжаяаануломабажжанийяам̣ санд̇хааяа вуд̇д̇аа. д̇асмаа ‘‘ча ануломабажжанийяамхи наяаа суг̇амбхийраа’’д̇и адтагат̇ааг̇аат̇ааяа д̇хаммаануломабажжанийяз д̇игабадтаанаад̣̇аяо ча наяаа суг̇амбхийраад̇и звамад̇т̇о взд̣̇ид̇аб̣б̣о. имасмим̣ баногаасз хзд̇убажжаяаа наарамман̣абажжаяаад̇и звам̣ бавад̇д̇з бажжаяаануломабажжанийяз зд̇з д̇хаммаануломзязва д̇игабадтаанаад̣̇аяо ча наяаа суг̇амбхийраад̇и звамад̇т̇о взд̣̇ид̇аб̣б̣о.
Tikañca paṭṭhānavaraṃ…pe… cha anulomapaccanīyamhi nayā sugambhīrāti ettha pana heṭṭhā vuttanayeneva dve anulomapaccanīyāni – dhammānulomapaccanīyaṃ paccayānulomapaccanīyañca. Tattha ‘‘kusalā dhammā’’ti evaṃ abhidhammamātikāpadehi saṅgahitānaṃ dhammānaṃ ‘‘kusalaṃ dhammaṃ paṭicca na kusalo dhammo’’ti anulomapaccanīyadesanāvasena pavattaṃ dhammānulomapaccanīyaṃ nāma. ‘‘Hetupaccayā naārammaṇapaccayā’’ti evaṃ catuvīsatiyā paccayesu labbhamānapadānaṃ anulomapaccanīyadesanāvasena pavattaṃ paccayānulomapaccanīyaṃ nāma. Tattha heṭṭhā aṭṭhakathāyaṃ ‘‘tikañca paṭṭhānavaraṃ…pe… cha anulomapaccanīyamhi nayā sugambhīrā’’ti ayaṃ gāthā dhammānulomapaccanīyaṃ sandhāya vuttā. Idha pana ayaṃ gāthā dhammānulomeyeva paccayānulomapaccanīyaṃ sandhāya vuttā. Tasmā ‘‘cha anulomapaccanīyamhi nayā sugambhīrā’’ti aṭṭhakathāgāthāya dhammānulomapaccanīye tikapaṭṭhānādayo cha nayā sugambhīrāti evamattho veditabbo. Imasmiṃ panokāse hetupaccayā nārammaṇapaccayāti evaṃ pavatte paccayānulomapaccanīye ete dhammānulomeyeva tikapaṭṭhānādayo cha nayā sugambhīrāti evamattho veditabbo.
д̇зсу ануломз д̇игабадтаанзязва гусалад̇д̇игамад̇д̇асса васзна аяам̣ имасмим̣ бадижжаваарасса бан̣н̣ад̇д̇иваарз сан̇кибид̇ваа бужчаабабхзд̣̇о д̣̇ассид̇о. сзсзсу бана д̇игзсу сзсабадтаанзсу жа згааби бужчаа на д̣̇ассид̇аа. д̇ад̇о барзсу бана сахаж̇аад̇аваараад̣̇ийсу гусалад̇д̇игассааби васзна бужчам̣ ануд̣̇д̇харид̇ваа лаб̣бхамаанагавасзна виссаж̇ж̇анамзва д̣̇ассид̇ам̣. ‘‘ча ануломабажжанийяамхи наяаа суг̇амбхийраа’’д̇и важанад̇о бана имасмим̣ бажжаяаануломабажжанийяз чаби зд̇з бадтаананаяаа бужчаавасзна уд̣̇д̇харид̇ваа д̣̇ассзд̇аб̣б̣аа. бадтаанам̣ ван̣н̣аяанд̇аанан̃хи аажарияаанам̣ бхааро зсод̇и.
Tesu anulome tikapaṭṭhāneyeva kusalattikamattassa vasena ayaṃ imasmiṃ paṭiccavārassa paṇṇattivāre saṅkhipitvā pucchāpabhedo dassito. Sesesu pana tikesu sesapaṭṭhānesu ca ekāpi pucchā na dassitā. Tato paresu pana sahajātavārādīsu kusalattikassāpi vasena pucchaṃ anuddharitvā labbhamānakavasena vissajjanameva dassitaṃ. ‘‘Cha anulomapaccanīyamhi nayā sugambhīrā’’ti vacanato pana imasmiṃ paccayānulomapaccanīye chapi ete paṭṭhānanayā pucchāvasena uddharitvā dassetabbā. Paṭṭhānaṃ vaṇṇayantānañhi ācariyānaṃ bhāro esoti.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 3. бужчаавааро • 3. Pucchāvāro
