| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
6. анубакаж̇ж̇асигкаабад̣̇аван̣н̣анаа
6. Anupakhajjasikkhāpadavaṇṇanā
119. чадтасигкаабад̣̇з – балиб̣унд̇хзнд̇ийд̇и батамад̇арам̣ г̇анд̇ваа бад̇д̇ажийварам̣ ад̇ихарид̇ваа румбхид̇ваа д̇идтанд̇и. т̇зраа бхигкуу вудтаабзнд̇ийд̇и ‘‘амхаагам̣ аавусо баабун̣аад̇ий’’д̇и вассаг̇г̇зна г̇ахзд̇ваа вудтаабзнд̇и. анубакаж̇ж̇а сзяяам̣ габбзнд̇ийд̇и ‘‘д̇умхаагам̣ бханд̇з ман̃жадтаанам̣язва баабун̣аад̇и, на саб̣б̣о вихааро. амхаагам̣ д̣̇аани ид̣̇ам̣ таанам̣ баабун̣аад̇ий’’д̇и анубависид̇ваа ман̃жабийтам̣ бан̃н̃абзд̇ваа нисийд̣̇анд̇иби нибаж̇ж̇анд̇иби саж̇жхааяамби гаронд̇и.
119. Chaṭṭhasikkhāpade – palibundhentīti paṭhamataraṃ gantvā pattacīvaraṃ atiharitvā rumbhitvā tiṭṭhanti. Therā bhikkhū vuṭṭhāpentīti ‘‘amhākaṃ āvuso pāpuṇātī’’ti vassaggena gahetvā vuṭṭhāpenti. Anupakhajja seyyaṃ kappentīti ‘‘tumhākaṃ bhante mañcaṭṭhānaṃyeva pāpuṇāti, na sabbo vihāro. Amhākaṃ dāni idaṃ ṭhānaṃ pāpuṇātī’’ti anupavisitvā mañcapīṭhaṃ paññapetvā nisīdantipi nipajjantipi sajjhāyampi karonti.
120. ж̇аананд̇и ‘‘анудтаабанийяо аяа’’нд̇и ж̇аананд̇о; д̇знзвасса вибхан̇г̇з ‘‘вуд̣дход̇и ж̇аанаад̇ий’’д̇иаад̣̇и вуд̇д̇ам̣. вуд̣дхо хи ад̇д̇ано вуд̣дхад̇ааяа анудтаабанийяо , г̇илаано г̇илаанад̇ааяа, сан̇гхо бана бхан̣д̣ааг̇ааригасса ваа д̇хаммагат̇игавинаяад̇хараад̣̇ийнам̣ ваа г̇ан̣аваажагааажарияасса ваа б̣ахуубагаарад̇ам̣ г̇ун̣ависидтад̇ан̃жа саллагкзнд̇о д̇хуваваасад̇т̇ааяа вихаарам̣ самманнид̇ваа д̣̇зд̇и, д̇асмаа яасса сан̇гхзна д̣̇инно, соби анудтаабанийяо. гааман̃жзд̇т̇а г̇илаанассааби сан̇гхоязва анужчавигам̣ сзнаасанам̣ д̣̇зд̇и, г̇илаано бана ‘‘абалогзд̇ваа сан̇гхзна ад̣̇иннасзнаасаноби на бийл̣зд̇аб̣б̣о анугамбид̇аб̣б̣о’’д̇и д̣̇ассзд̇ум̣ висум̣ вуд̇д̇о.
120.Jānanti ‘‘anuṭṭhāpanīyo aya’’nti jānanto; tenevassa vibhaṅge ‘‘vuḍḍhoti jānātī’’tiādi vuttaṃ. Vuḍḍho hi attano vuḍḍhatāya anuṭṭhāpanīyo , gilāno gilānatāya, saṅgho pana bhaṇḍāgārikassa vā dhammakathikavinayadharādīnaṃ vā gaṇavācakaācariyassa vā bahūpakārataṃ guṇavisiṭṭhatañca sallakkhento dhuvavāsatthāya vihāraṃ sammannitvā deti, tasmā yassa saṅghena dinno, sopi anuṭṭhāpanīyo. Kāmañcettha gilānassāpi saṅghoyeva anucchavikaṃ senāsanaṃ deti, gilāno pana ‘‘apaloketvā saṅghena adinnasenāsanopi na pīḷetabbo anukampitabbo’’ti dassetuṃ visuṃ vutto.
121. убажаарзд̇и зд̇т̇а ман̃жабийтаанам̣ д̇аава махаллагз вихаарз саманд̇аа д̣̇ияад̣дхо хад̇т̇о убажааро, куд̣̇д̣̇агз яад̇о баход̇и д̇ад̇о д̣̇ияад̣дхо хад̇т̇о, баад̣̇з д̇ховид̇ваа бависанд̇асса бассаавад̇т̇ааяа нигкаманд̇асса жа яаава д̣̇ваарз нигкид̇д̇абаад̣̇ад̇хованабаасаан̣ад̇о бассаавадтаанад̇о жа ман̃жабийтам̣, д̇аава д̣̇ияад̣дхахад̇т̇авид̇т̇ааро маг̇г̇о убажааро наама. д̇асмим̣ ман̃жасса ваа бийтасса ваа убажаарз тид̇асса ваа бхигкуно бависанд̇асса ваа нигкаманд̇асса ваа убажаарз яо анубакаж̇ж̇а сзяяам̣ габбзд̇угаамо сзяяам̣ сант̇арад̇и ваа сант̇араабзд̇и ваа, аабад̇д̇и д̣̇уггадасса.
121.Upacāreti ettha mañcapīṭhānaṃ tāva mahallake vihāre samantā diyaḍḍho hattho upacāro, khuddake yato pahoti tato diyaḍḍho hattho, pāde dhovitvā pavisantassa passāvatthāya nikkhamantassa ca yāva dvāre nikkhittapādadhovanapāsāṇato passāvaṭṭhānato ca mañcapīṭhaṃ, tāva diyaḍḍhahatthavitthāro maggo upacāro nāma. Tasmiṃ mañcassa vā pīṭhassa vā upacāre ṭhitassa vā bhikkhuno pavisantassa vā nikkhamantassa vā upacāre yo anupakhajja seyyaṃ kappetukāmo seyyaṃ santharati vā santharāpeti vā, āpatti dukkaṭassa.
абхинисийд̣̇ад̇и ваа абхинибаж̇ж̇ад̇и ваад̇и зд̇т̇а абхинисийд̣̇анамад̇д̇зна абхинибаж̇ж̇анамад̇д̇знзва ваа баажид̇д̇ияам̣. сажз бана д̣̇взби гарод̇и, д̣̇вз баажид̇д̇ияаани. удтааяудтааяа нисийд̣̇ад̇о ваа нибаж̇ж̇ад̇о ваа баяог̇з баяог̇з баажид̇д̇ияам̣.
Abhinisīdativā abhinipajjati vāti ettha abhinisīdanamattena abhinipajjanamatteneva vā pācittiyaṃ. Sace pana dvepi karoti, dve pācittiyāni. Uṭṭhāyuṭṭhāya nisīdato vā nipajjato vā payoge payoge pācittiyaṃ.
122. убажаарам̣ табзд̇ваа сзяяам̣ сант̇арад̇и ваа сант̇араабзд̇и ваад̇и имасмим̣ ид̇о барз жа ‘‘вихаарасса убажаарз’’д̇иаад̣̇игз д̣̇уггадаваарзби яат̇аа ид̇ха абхинисийд̣̇анамад̇д̇з абхинибаж̇ж̇анамад̇д̇з убхаяагаран̣з баяог̇абхзд̣̇з жа баажид̇д̇ияаббабхзд̣̇о вуд̇д̇о, звам̣ д̣̇уггадаббабхзд̣̇о взд̣̇ид̇аб̣б̣о. зваруубзна хи висабхааг̇абуг̇г̇алзна згавихаарз ваа згабаривзн̣з ваа васанд̇зна ад̇т̇о над̇т̇и, д̇асмаа саб̣б̣ад̇т̇звасса ниваасо ваарид̇о. ан̃н̃асса буг̇г̇алигзд̇и ид̇хааби виссаасигасса буг̇г̇алигам̣ ад̇д̇ано буг̇г̇алигасад̣̇исамзва, д̇ад̇т̇а анаабад̇д̇и.
122.Upacāraṃ ṭhapetvā seyyaṃ santharati vā santharāpeti vāti imasmiṃ ito pare ca ‘‘vihārassa upacāre’’tiādike dukkaṭavārepi yathā idha abhinisīdanamatte abhinipajjanamatte ubhayakaraṇe payogabhede ca pācittiyappabhedo vutto, evaṃ dukkaṭappabhedo veditabbo. Evarūpena hi visabhāgapuggalena ekavihāre vā ekapariveṇe vā vasantena attho natthi, tasmā sabbatthevassa nivāso vārito. Aññassa puggaliketi idhāpi vissāsikassa puggalikaṃ attano puggalikasadisameva, tattha anāpatti.
123. аабад̣̇аасууд̇и сажз б̣ахи васанд̇асса ж̇ийвид̇аб̣рахмажарияанд̇арааяо ход̇и, зваруубаасу аабад̣̇аасу яо бависад̇и, д̇ассааби анаабад̇д̇и. сзсам̣ уд̇д̇аанамзваад̇и. батамабаарааж̇игасамудтаанам̣, гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, агусалажид̇д̇ам̣, д̣̇угкавзд̣̇ананд̇и.
123.Āpadāsūti sace bahi vasantassa jīvitabrahmacariyantarāyo hoti, evarūpāsu āpadāsu yo pavisati, tassāpi anāpatti. Sesaṃ uttānamevāti. Paṭhamapārājikasamuṭṭhānaṃ, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, akusalacittaṃ, dukkhavedananti.
анубакаж̇ж̇асигкаабад̣̇ам̣ чадтам̣.
Anupakhajjasikkhāpadaṃ chaṭṭhaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. анубакаж̇ж̇асигкаабад̣̇аван̣н̣анаа • 6. Anupakhajjasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. анубакаж̇ж̇асигкаабад̣̇аван̣н̣анаа • 6. Anupakhajjasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. анубакаж̇ж̇асигкаабад̣̇аван̣н̣анаа • 6. Anupakhajjasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. анубакаж̇ж̇асигкаабад̣̇ам̣ • 6. Anupakhajjasikkhāpadaṃ
