| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
੬. ਅਨੁਪਖਜ੍ਜਸਿਕ੍ਖਾਪਦવਣ੍ਣਨਾ
6. Anupakhajjasikkhāpadavaṇṇanā
੧੨੧. ਛਬ੍ਬਗ੍ਗਿਯੇਸੁਯੇવ ਥੇਰਾ ਭਿਕ੍ਖੂਤਿ ਕੇਚਿ। ਪਾਦੇ ਧੋવਿਤ੍વਾਤਿਆਦਿਮ੍ਹਿ ਪવਿਸਨ੍ਤਸ੍ਸ વਾ ਪਾਦਧੋવਨਪਾਸਾਣਤੋ ਯਾવ ਮਞ੍ਚਪੀਠਂ ਪਸ੍ਸਾવਤ੍ਥਾਯ ਨਿਕ੍ਖਮਨ੍ਤਸ੍ਸ વਾ ਯਾવ ਪਸ੍ਸਾવਟ੍ਠਾਨਨ੍ਤਿ ਯੋਜਨਾ ਕਾਤਬ੍ਬਾ। ਏવਂ ਸਨ੍ਤੇ ‘‘ਪਸ੍ਸਾવਤ੍ਥਾਯ ਨਿਕ੍ਖਮਨ੍ਤਸ੍ਸ વਾ’’ਤਿ ਨ વਤ੍ਤਬ੍ਬਂ, ‘‘ਪਸ੍ਸਾવਟ੍ਠਾਨਤੋ ਨਿਕ੍ਖਮਨ੍ਤਸ੍ਸ વਾ’’ਤਿ વਤ੍ਤਬ੍ਬਂ। ਪਸ੍ਸਾવਟ੍ਠਾਨਨ੍ਤਿ ਕਤ੍ਥਚਿ ਪੋਤ੍ਥਕੇ। ਤਥਾ ਹਿ ਮਾਤਿਕਾਟ੍ਠਕਥਾਯਂ (ਕਙ੍ਖਾ॰ ਅਟ੍ਠ॰ ਅਨੁਪਖਜ੍ਜਸਿਕ੍ਖਾਪਦવਣ੍ਣਨਾ) ‘‘ਪવਿਸਨ੍ਤਸ੍ਸ ਪਾਦਧੋવਨਪਾਸਾਣਤੋ ਯਾવ ਮਞ੍ਚਪੀਠਂ ਨਿਕ੍ਖਮਨ੍ਤਸ੍ਸ ਮਞ੍ਚਪੀਠਤੋ ਯਾવ ਪਸ੍ਸਾવਟ੍ਠਾਨਂ, ਤਾવ ਉਪਚਾਰੋ’’ਤਿ વੁਤ੍ਤਂ, ਤਸ੍ਮਾ ‘‘ਪਾਦੇ ਧੋવਿਤ੍વਾ ਪવਿਸਨ੍ਤਸ੍ਸ, ਪਸ੍ਸਾવਤ੍ਥਾਯ ਨਿਕ੍ਖਮਨ੍ਤਸ੍ਸ ਚ ਦ੍વਾਰੇ ਨਿਕ੍ਖਿਤ੍ਤਪਾਦਧੋવਨਪਾਸਾਣਤੋ, ਪਸ੍ਸਾવਟ੍ਠਾਨਤੋ ਚ ਮਞ੍ਚਪੀਠ’’ਨ੍ਤਿ ਕਤ੍ਥਚਿ ਪੋਤ੍ਥਕੇ ਪਾਠੋ, ਸੋ ਅਪਾਠੋ। ਕਸ੍ਮਾ? ਮਞ੍ਚਪੀਠਾਨਂ ਉਪਚਾਰਸ੍ਸ વੁਤ੍ਤਤ੍ਤਾ। ਪવਿਸਨ੍ਤਸ੍ਸ ਯਾવ ਮਞ੍ਚਪੀਠਾਨਂ ਉਪਚਾਰੋ, ਨਿਕ੍ਖਮਨ੍ਤਸ੍ਸ ਤਤੋ ਪਟ੍ਠਾਯ ਯਾવ ਪਸ੍ਸਾવਟ੍ਠਾਨਂ વਚ੍ਚਕੁਟਿਚਙ੍ਕਮਟ੍ਠਾਨਨ੍ਤਿ ਇਮਿਨਾ ਅਤ੍ਥੇਨ ਯਥਾ ਸਂਸਨ੍ਦਤਿ, ਤਥਾવਿਧੋ ਪਾਠੋਤਿ ਆਚਰਿਯੋ।
121. Chabbaggiyesuyeva therā bhikkhūti keci. Pāde dhovitvātiādimhi pavisantassa vā pādadhovanapāsāṇato yāva mañcapīṭhaṃ passāvatthāya nikkhamantassa vā yāva passāvaṭṭhānanti yojanā kātabbā. Evaṃ sante ‘‘passāvatthāya nikkhamantassa vā’’ti na vattabbaṃ, ‘‘passāvaṭṭhānato nikkhamantassa vā’’ti vattabbaṃ. Passāvaṭṭhānanti katthaci potthake. Tathā hi mātikāṭṭhakathāyaṃ (kaṅkhā. aṭṭha. anupakhajjasikkhāpadavaṇṇanā) ‘‘pavisantassa pādadhovanapāsāṇato yāva mañcapīṭhaṃ nikkhamantassa mañcapīṭhato yāva passāvaṭṭhānaṃ, tāva upacāro’’ti vuttaṃ, tasmā ‘‘pāde dhovitvā pavisantassa, passāvatthāya nikkhamantassa ca dvāre nikkhittapādadhovanapāsāṇato, passāvaṭṭhānato ca mañcapīṭha’’nti katthaci potthake pāṭho, so apāṭho. Kasmā? Mañcapīṭhānaṃ upacārassa vuttattā. Pavisantassa yāva mañcapīṭhānaṃ upacāro, nikkhamantassa tato paṭṭhāya yāva passāvaṭṭhānaṃ vaccakuṭicaṅkamaṭṭhānanti iminā atthena yathā saṃsandati, tathāvidho pāṭhoti ācariyo.
੧੨੨. ਉਪਚਾਰਂ ਠਪੇਤ੍વਾਤਿ ਇਧ વੁਤ੍ਤਉਪਚਾਰਂ ਠਪੇਤ੍વਾ। ‘‘ਦਸ੍ਸਨਸવਨੂਪਚਾਰੇਪਿ ਸਨ੍ਥਰਨ੍ਤਸ੍ਸਾ’’ਤਿ ਲਿਖਿਤਂ।
122.Upacāraṃ ṭhapetvāti idha vuttaupacāraṃ ṭhapetvā. ‘‘Dassanasavanūpacārepi santharantassā’’ti likhitaṃ.
ਅਨੁਪਖਜ੍ਜਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Anupakhajjasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਭੂਤਗਾਮવਗ੍ਗੋ • 2. Bhūtagāmavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੬. ਅਨੁਪਖਜ੍ਜਸਿਕ੍ਖਾਪਦવਣ੍ਣਨਾ • 6. Anupakhajjasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੬. ਅਨੁਪਖਜ੍ਜਸਿਕ੍ਖਾਪਦવਣ੍ਣਨਾ • 6. Anupakhajjasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਅਨੁਪਖਜ੍ਜਸਿਕ੍ਖਾਪਦવਣ੍ਣਨਾ • 6. Anupakhajjasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੬. ਅਨੁਪਖਜ੍ਜਸਿਕ੍ਖਾਪਦਂ • 6. Anupakhajjasikkhāpadaṃ
