| Library / Tipiṭaka / തിപിടക • Tipiṭaka / വജിരബുദ്ധി-ടീകാ • Vajirabuddhi-ṭīkā |
൬. അനുപഖജ്ജസിക്ഖാപദവണ്ണനാ
6. Anupakhajjasikkhāpadavaṇṇanā
൧൨൧. ഛബ്ബഗ്ഗിയേസുയേവ ഥേരാ ഭിക്ഖൂതി കേചി. പാദേ ധോവിത്വാതിആദിമ്ഹി പവിസന്തസ്സ വാ പാദധോവനപാസാണതോ യാവ മഞ്ചപീഠം പസ്സാവത്ഥായ നിക്ഖമന്തസ്സ വാ യാവ പസ്സാവട്ഠാനന്തി യോജനാ കാതബ്ബാ. ഏവം സന്തേ ‘‘പസ്സാവത്ഥായ നിക്ഖമന്തസ്സ വാ’’തി ന വത്തബ്ബം, ‘‘പസ്സാവട്ഠാനതോ നിക്ഖമന്തസ്സ വാ’’തി വത്തബ്ബം. പസ്സാവട്ഠാനന്തി കത്ഥചി പോത്ഥകേ. തഥാ ഹി മാതികാട്ഠകഥായം (കങ്ഖാ॰ അട്ഠ॰ അനുപഖജ്ജസിക്ഖാപദവണ്ണനാ) ‘‘പവിസന്തസ്സ പാദധോവനപാസാണതോ യാവ മഞ്ചപീഠം നിക്ഖമന്തസ്സ മഞ്ചപീഠതോ യാവ പസ്സാവട്ഠാനം, താവ ഉപചാരോ’’തി വുത്തം, തസ്മാ ‘‘പാദേ ധോവിത്വാ പവിസന്തസ്സ, പസ്സാവത്ഥായ നിക്ഖമന്തസ്സ ച ദ്വാരേ നിക്ഖിത്തപാദധോവനപാസാണതോ, പസ്സാവട്ഠാനതോ ച മഞ്ചപീഠ’’ന്തി കത്ഥചി പോത്ഥകേ പാഠോ, സോ അപാഠോ. കസ്മാ? മഞ്ചപീഠാനം ഉപചാരസ്സ വുത്തത്താ. പവിസന്തസ്സ യാവ മഞ്ചപീഠാനം ഉപചാരോ, നിക്ഖമന്തസ്സ തതോ പട്ഠായ യാവ പസ്സാവട്ഠാനം വച്ചകുടിചങ്കമട്ഠാനന്തി ഇമിനാ അത്ഥേന യഥാ സംസന്ദതി, തഥാവിധോ പാഠോതി ആചരിയോ.
121. Chabbaggiyesuyeva therā bhikkhūti keci. Pāde dhovitvātiādimhi pavisantassa vā pādadhovanapāsāṇato yāva mañcapīṭhaṃ passāvatthāya nikkhamantassa vā yāva passāvaṭṭhānanti yojanā kātabbā. Evaṃ sante ‘‘passāvatthāya nikkhamantassa vā’’ti na vattabbaṃ, ‘‘passāvaṭṭhānato nikkhamantassa vā’’ti vattabbaṃ. Passāvaṭṭhānanti katthaci potthake. Tathā hi mātikāṭṭhakathāyaṃ (kaṅkhā. aṭṭha. anupakhajjasikkhāpadavaṇṇanā) ‘‘pavisantassa pādadhovanapāsāṇato yāva mañcapīṭhaṃ nikkhamantassa mañcapīṭhato yāva passāvaṭṭhānaṃ, tāva upacāro’’ti vuttaṃ, tasmā ‘‘pāde dhovitvā pavisantassa, passāvatthāya nikkhamantassa ca dvāre nikkhittapādadhovanapāsāṇato, passāvaṭṭhānato ca mañcapīṭha’’nti katthaci potthake pāṭho, so apāṭho. Kasmā? Mañcapīṭhānaṃ upacārassa vuttattā. Pavisantassa yāva mañcapīṭhānaṃ upacāro, nikkhamantassa tato paṭṭhāya yāva passāvaṭṭhānaṃ vaccakuṭicaṅkamaṭṭhānanti iminā atthena yathā saṃsandati, tathāvidho pāṭhoti ācariyo.
൧൨൨. ഉപചാരം ഠപേത്വാതി ഇധ വുത്തഉപചാരം ഠപേത്വാ. ‘‘ദസ്സനസവനൂപചാരേപി സന്ഥരന്തസ്സാ’’തി ലിഖിതം.
122.Upacāraṃ ṭhapetvāti idha vuttaupacāraṃ ṭhapetvā. ‘‘Dassanasavanūpacārepi santharantassā’’ti likhitaṃ.
അനുപഖജ്ജസിക്ഖാപദവണ്ണനാ നിട്ഠിതാ.
Anupakhajjasikkhāpadavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവിഭങ്ഗ • Mahāvibhaṅga / ൨. ഭൂതഗാമവഗ്ഗോ • 2. Bhūtagāmavaggo
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവിഭങ്ഗ-അട്ഠകഥാ • Mahāvibhaṅga-aṭṭhakathā / ൬. അനുപഖജ്ജസിക്ഖാപദവണ്ണനാ • 6. Anupakhajjasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൬. അനുപഖജ്ജസിക്ഖാപദവണ്ണനാ • 6. Anupakhajjasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൬. അനുപഖജ്ജസിക്ഖാപദവണ്ണനാ • 6. Anupakhajjasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൬. അനുപഖജ്ജസിക്ഖാപദം • 6. Anupakhajjasikkhāpadaṃ
