| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૧. અનુપુબ્બનિરોધસુત્તં
11. Anupubbanirodhasuttaṃ
૩૧. ‘‘નવયિમે, ભિક્ખવે, અનુપુબ્બનિરોધા. કતમે નવ? પઠમં ઝાનં સમાપન્નસ્સ કામસઞ્ઞા 1 નિરુદ્ધા હોતિ; દુતિયં ઝાનં સમાપન્નસ્સ વિતક્કવિચારા નિરુદ્ધા હોન્તિ; તતિયં ઝાનં સમાપન્નસ્સ પીતિ નિરુદ્ધા હોતિ; ચતુત્થં ઝાનં સમાપન્નસ્સ અસ્સાસપસ્સાસા નિરુદ્ધા હોન્તિ; આકાસાનઞ્ચાયતનં સમાપન્નસ્સ રૂપસઞ્ઞા નિરુદ્ધા હોતિ; વિઞ્ઞાણઞ્ચાયતનં સમાપન્નસ્સ આકાસાનઞ્ચાયતનસઞ્ઞા નિરુદ્ધા હોતિ; આકિઞ્ચઞ્ઞાયતનં સમાપન્નસ્સ વિઞ્ઞાણઞ્ચાયતનસઞ્ઞા નિરુદ્ધા હોતિ ; નેવસઞ્ઞાનાસઞ્ઞાયતનં સમાપન્નસ્સ આકિઞ્ચઞ્ઞાયતનસઞ્ઞા નિરુદ્ધા હોતિ; સઞ્ઞાવેદયિતનિરોધં સમાપન્નસ્સ સઞ્ઞા ચ વેદના ચ નિરુદ્ધા હોન્તિ. ઇમે ખો, ભિક્ખવે, નવ અનુપુબ્બનિરોધા’’તિ 2. એકાદસમં.
31. ‘‘Navayime, bhikkhave, anupubbanirodhā. Katame nava? Paṭhamaṃ jhānaṃ samāpannassa kāmasaññā 3 niruddhā hoti; dutiyaṃ jhānaṃ samāpannassa vitakkavicārā niruddhā honti; tatiyaṃ jhānaṃ samāpannassa pīti niruddhā hoti; catutthaṃ jhānaṃ samāpannassa assāsapassāsā niruddhā honti; ākāsānañcāyatanaṃ samāpannassa rūpasaññā niruddhā hoti; viññāṇañcāyatanaṃ samāpannassa ākāsānañcāyatanasaññā niruddhā hoti; ākiñcaññāyatanaṃ samāpannassa viññāṇañcāyatanasaññā niruddhā hoti ; nevasaññānāsaññāyatanaṃ samāpannassa ākiñcaññāyatanasaññā niruddhā hoti; saññāvedayitanirodhaṃ samāpannassa saññā ca vedanā ca niruddhā honti. Ime kho, bhikkhave, nava anupubbanirodhā’’ti 4. Ekādasamaṃ.
સત્તાવાસવગ્ગો તતિયો.
Sattāvāsavaggo tatiyo.
તસ્સુદ્દાનં –
Tassuddānaṃ –
તિઠાનં ખળુઙ્કો તણ્હા, સત્તપઞ્ઞા સિલાયુપો;
Tiṭhānaṃ khaḷuṅko taṇhā, sattapaññā silāyupo;
દ્વે વેરા દ્વે આઘાતાનિ, અનુપુબ્બનિરોધેન ચાતિ.
Dve verā dve āghātāni, anupubbanirodhena cāti.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧૦-૧૧. આઘાતપટિવિનયસુત્તાદિવણ્ણના • 10-11. Āghātapaṭivinayasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧૧. અનુપુબ્બનિરોધસુત્તવણ્ણના • 11. Anupubbanirodhasuttavaṇṇanā
