| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[115] 5. анусаасигаж̇аад̇агаван̣н̣анаа
[115] 5. Anusāsikajātakavaṇṇanā
яааяан̃н̃з манусаасад̇ийд̇и ид̣̇ам̣ сад̇т̇аа ж̇зд̇аванз вихаранд̇о згам̣ анусаасигам̣ бхигкуним̣ аараб̣бха гат̇зси. саа гира саавад̇т̇иваасиний згаа гулад̇хийд̇аа баб̣б̣аж̇ид̇ваа убасамбаннагаалад̇о бадтааяа саман̣ад̇хаммз анануяуд̇д̇аа аамисаг̇ид̣̇д̇хаа худ̇ваа яад̇т̇а ан̃н̃аа бхигкунияо на г̇ажчанд̇и, д̇аад̣̇исз наг̇арасса згад̣̇зсз бин̣д̣ааяа жарад̇и. ат̇ассаа мануссаа бан̣ийд̇абин̣д̣абаад̇ам̣ д̣̇знд̇и. саа расад̇ан̣хааяа б̣аж̇жхид̇ваа ‘‘сажз имасмим̣ бад̣̇зсз ан̃н̃ааби бхигкунияо бин̣д̣ааяа жариссанд̇и, маяхам̣ лаабхо барихааяиссад̇и. яат̇аа зд̇ам̣ бад̣̇зсам̣ ан̃н̃аа нааг̇ажчанд̇и, звам̣ маяаа гаад̇ум̣ ваддад̇ий’’д̇и жинд̇зд̇ваа бхигкунуубассаяам̣ г̇анд̇ваа ‘‘аяяз, асугадтаанз жан̣д̣о хад̇т̇ий, жан̣д̣о ассо, жан̣д̣о мзн̣д̣о, жан̣д̣о гуггуро жарад̇и, сабариссаяадтаанам̣, маа д̇ад̇т̇а бин̣д̣ааяа жарид̇т̇аа’’д̇и бхигкунияо анусаасад̇и. д̇ассаа важанам̣ суд̇ваа згаа бхигкунийби д̇ам̣ бад̣̇зсам̣ г̇ийвам̣ баривад̇д̇зд̇ваа на ологзси. д̇ассаа згасмим̣ д̣̇ивасз д̇асмим̣ бад̣̇зсз бин̣д̣ааяа жаранд̇ияаа взг̇знзгам̣ г̇зхам̣ бависанд̇ияаа жан̣д̣о мзн̣д̣аго бахарид̇ваа уурудтигам̣ бхинд̣̇и. мануссаа взг̇зна убад̇хаавид̇ваа д̣̇вид̇хаа бхиннам̣ уурудтигам̣ згад̇о б̣анд̇хид̇ваа д̇ам̣ бхигкуним̣ ман̃жзнаад̣̇ааяа бхигкунуубассаяам̣ наяим̣су. бхигкунияо ‘‘аяам̣ ан̃н̃аа бхигкунияо анусаасид̇ваа саяам̣ д̇асмим̣ бад̣̇зсз жаранд̇ий уурудтигам̣ бхинд̣̇аабзд̇ваа ааг̇ад̇аа’’д̇и барихаасам̣ агам̣су. д̇амби д̇ааяа гад̇агааран̣ам̣ на жирассзва бхигкусан̇гхз баагадам̣ ахоси.
Yāyaññe manusāsatīti idaṃ satthā jetavane viharanto ekaṃ anusāsikaṃ bhikkhuniṃ ārabbha kathesi. Sā kira sāvatthivāsinī ekā kuladhītā pabbajitvā upasampannakālato paṭṭhāya samaṇadhamme ananuyuttā āmisagiddhā hutvā yattha aññā bhikkhuniyo na gacchanti, tādise nagarassa ekadese piṇḍāya carati. Athassā manussā paṇītapiṇḍapātaṃ denti. Sā rasataṇhāya bajjhitvā ‘‘sace imasmiṃ padese aññāpi bhikkhuniyo piṇḍāya carissanti, mayhaṃ lābho parihāyissati. Yathā etaṃ padesaṃ aññā nāgacchanti, evaṃ mayā kātuṃ vaṭṭatī’’ti cintetvā bhikkhunūpassayaṃ gantvā ‘‘ayye, asukaṭṭhāne caṇḍo hatthī, caṇḍo asso, caṇḍo meṇḍo, caṇḍo kukkuro carati, saparissayaṭṭhānaṃ, mā tattha piṇḍāya caritthā’’ti bhikkhuniyo anusāsati. Tassā vacanaṃ sutvā ekā bhikkhunīpi taṃ padesaṃ gīvaṃ parivattetvā na olokesi. Tassā ekasmiṃ divase tasmiṃ padese piṇḍāya carantiyā vegenekaṃ gehaṃ pavisantiyā caṇḍo meṇḍako paharitvā ūruṭṭhikaṃ bhindi. Manussā vegena upadhāvitvā dvidhā bhinnaṃ ūruṭṭhikaṃ ekato bandhitvā taṃ bhikkhuniṃ mañcenādāya bhikkhunūpassayaṃ nayiṃsu. Bhikkhuniyo ‘‘ayaṃ aññā bhikkhuniyo anusāsitvā sayaṃ tasmiṃ padese carantī ūruṭṭhikaṃ bhindāpetvā āgatā’’ti parihāsaṃ akaṃsu. Tampi tāya katakāraṇaṃ na cirasseva bhikkhusaṅghe pākaṭaṃ ahosi.
ат̇згад̣̇ивасам̣ д̇хаммасабхааяам̣ бхигкуу ‘‘аавусо, асугаа анусаасигаа бхигкуний ан̃н̃ам̣ анусаасид̇ваа саяам̣ д̇асмим̣ бад̣̇зсз жарамаанаа жан̣д̣зна мзн̣д̣агзна уурум̣ бхинд̣̇аабзсий’’д̇и д̇ассаа аг̇ун̣агат̇ам̣ гат̇зсум̣. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзсаа ан̃н̃з анусаасад̇иязва, саяам̣ бана на вад̇д̇ад̇и, нижжагаалам̣ д̣̇угкамзва анубход̇ий’’д̇и вад̇ваа ад̇ийд̇ам̣ аахари.
Athekadivasaṃ dhammasabhāyaṃ bhikkhū ‘‘āvuso, asukā anusāsikā bhikkhunī aññaṃ anusāsitvā sayaṃ tasmiṃ padese caramānā caṇḍena meṇḍakena ūruṃ bhindāpesī’’ti tassā aguṇakathaṃ kathesuṃ. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesā aññe anusāsatiyeva, sayaṃ pana na vattati, niccakālaṃ dukkhameva anubhotī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о аран̃н̃з сагун̣аяонияам̣ ниб̣б̣ад̇д̇ид̇ваа ваяаббад̇д̇о сагун̣аж̇здтаго худ̇ваа анзгасагун̣асахассабаривааро химаванд̇ам̣ баависи. д̇асса д̇ад̇т̇а васанагаалз згаа жан̣д̣асагун̣игаа махаавад̇д̇анимаг̇г̇ам̣ г̇анд̇ваа г̇ожарам̣ г̇ан̣хаад̇и. саа д̇ад̇т̇а сагадзхи бад̇ид̇аани вийхимуг̇г̇аб̣ийж̇аад̣̇ийни лабхид̇ваа ‘‘яат̇аа ид̣̇аани имам̣ бад̣̇зсам̣ ан̃н̃з сагун̣аа нааг̇ажчанд̇и, д̇ат̇аа гариссаамий’’д̇и жинд̇зд̇ваа сагун̣асан̇гхасса оваад̣̇ам̣ д̣̇зд̇и ‘‘вад̇д̇анимахаамаг̇г̇о наама саббадибхаяо, хад̇т̇иассаад̣̇аяо жзва жан̣д̣аг̇он̣аяуд̇д̇аяаанаад̣̇ийни жа сан̃жаранд̇и, сахасаа уббад̇ид̇умби на саггаа ход̇и, на д̇ад̇т̇а г̇анд̇аб̣б̣а’’нд̇и. сагун̣асан̇гхо д̇ассаа ‘‘анусаасигаа’’д̇зва наамам̣ агааси.
Atīte bārāṇasiyaṃ brahmadatte rajjaṃ kārente bodhisatto araññe sakuṇayoniyaṃ nibbattitvā vayappatto sakuṇajeṭṭhako hutvā anekasakuṇasahassaparivāro himavantaṃ pāvisi. Tassa tattha vasanakāle ekā caṇḍasakuṇikā mahāvattanimaggaṃ gantvā gocaraṃ gaṇhāti. Sā tattha sakaṭehi patitāni vīhimuggabījādīni labhitvā ‘‘yathā idāni imaṃ padesaṃ aññe sakuṇā nāgacchanti, tathā karissāmī’’ti cintetvā sakuṇasaṅghassa ovādaṃ deti ‘‘vattanimahāmaggo nāma sappaṭibhayo, hatthiassādayo ceva caṇḍagoṇayuttayānādīni ca sañcaranti, sahasā uppatitumpi na sakkā hoti, na tattha gantabba’’nti. Sakuṇasaṅgho tassā ‘‘anusāsikā’’teva nāmaṃ akāsi.
саа згад̣̇ивасам̣ вад̇д̇анимахаамаг̇г̇з жаранд̇ий ад̇имахаавзг̇зна ааг̇ажчанд̇асса яаанасса сад̣̇д̣̇ам̣ суд̇ваа нивад̇д̇ид̇ваа ологзд̇ваа ‘‘д̣̇уурз д̇ааваа’’д̇и жарад̇иязва. ат̇а нам̣ яаанам̣ ваад̇авзг̇зна сийгхамзва самбаабун̣и, саа удтаад̇ум̣ наасагки, жаггзна д̣̇вид̇хаа чинд̣̇ид̇ваа г̇ад̇аа. сагун̣аж̇здтаго сагун̣з самаанзнд̇о д̇ам̣ ад̣̇исваа ‘‘анусаасигаа на д̣̇иссад̇и, убад̇хаарзт̇а на’’нд̇и ааха. сагун̣аа убад̇хаарзнд̇аа д̇ам̣ махаамаг̇г̇з д̣̇вид̇хаа чиннам̣ д̣̇исваа сагун̣аж̇здтагасса аарожзсум̣. сагун̣аж̇здтаго ‘‘саа ан̃н̃аа сагун̣игаа ваарзд̇ваа саяам̣ д̇ад̇т̇а жарамаанаа д̣̇вид̇хаа чиннаа’’д̇и вад̇ваа имам̣ г̇аат̇амааха –
Sā ekadivasaṃ vattanimahāmagge carantī atimahāvegena āgacchantassa yānassa saddaṃ sutvā nivattitvā oloketvā ‘‘dūre tāvā’’ti caratiyeva. Atha naṃ yānaṃ vātavegena sīghameva sampāpuṇi, sā uṭṭhātuṃ nāsakkhi, cakkena dvidhā chinditvā gatā. Sakuṇajeṭṭhako sakuṇe samānento taṃ adisvā ‘‘anusāsikā na dissati, upadhāretha na’’nti āha. Sakuṇā upadhārentā taṃ mahāmagge dvidhā chinnaṃ disvā sakuṇajeṭṭhakassa ārocesuṃ. Sakuṇajeṭṭhako ‘‘sā aññā sakuṇikā vāretvā sayaṃ tattha caramānā dvidhā chinnā’’ti vatvā imaṃ gāthamāha –
115.
115.
‘‘яааяан̃н̃з манусаасад̇и, саяам̣ лолуббажаариний;
‘‘Yāyaññe manusāsati, sayaṃ loluppacārinī;
сааяам̣ вибагкигаа сзд̇и, хад̇аа жаггзна саасигаа’’д̇и.
Sāyaṃ vipakkhikā seti, hatā cakkena sāsikā’’ti.
д̇ад̇т̇а яааяан̃н̃з манусаасад̇ийд̇и яагааро бад̣̇асанд̇хигаро, яаа ан̃н̃з анусаасад̇ийд̇и ад̇т̇о. саяам̣ лолуббажааринийд̇и ад̇д̇анаа лолуббажаариний самаанаа. сааяам̣ вибагкигаа сзд̇ийд̇и саа зсаа вихад̇абагкаа худ̇ваа махаамаг̇г̇з саяад̇и. хад̇аа жаггзна саасигаад̇и яаанажаггзна хад̇аа саасигаа сагун̣игаад̇и.
Tattha yāyaññe manusāsatīti yakāro padasandhikaro, yā aññe anusāsatīti attho. Sayaṃ loluppacārinīti attanā loluppacārinī samānā. Sāyaṃ vipakkhikā setīti sā esā vihatapakkhā hutvā mahāmagge sayati. Hatā cakkena sāsikāti yānacakkena hatā sāsikā sakuṇikāti.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа анусаасигаа сагун̣игаа аяам̣ анусаасигаа бхигкуний ахоси, сагун̣аж̇здтаго бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā anusāsikā sakuṇikā ayaṃ anusāsikā bhikkhunī ahosi, sakuṇajeṭṭhako pana ahameva ahosi’’nti.
анусаасигаж̇аад̇агаван̣н̣анаа бан̃жамаа.
Anusāsikajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 115. анусаасигаж̇аад̇агам̣ • 115. Anusāsikajātakaṃ
