| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
4. анусаяаа анаарамман̣агат̇ааван̣н̣анаа
4. Anusayā anārammaṇakathāvaṇṇanā
554-556. ид̣̇аани анусаяаа анаарамман̣аад̇игат̇аа наама ход̇и. д̇ад̇т̇а язсам̣ анусаяаа наама жид̇д̇авиббаяуд̇д̇аа ахзд̇угаа аб̣яаагад̇аа, д̇знзва жа анаарамман̣аад̇и лад̣̇д̇хи, сзяяат̇ааби анд̇хагаанан̃жзва згажжаанан̃жа уд̇д̇араабат̇агаанам̣; д̇з санд̇хааяа анусаяаад̇и бужчаа сагаваад̣̇исса, бадин̃н̃аа ид̇арасса. ат̇а нам̣ анаарамман̣зна наама звам̣вид̇хзна бхавид̇аб̣б̣анд̇и жод̣̇зд̇ум̣ руубанд̇иаад̣̇имааха. гаамарааг̇од̇иаад̣̇и гаамарааг̇аанусаяад̇о анан̃н̃ад̇д̇аа д̣̇ассид̇ам̣. сан̇каарагканд̇хо анаарамман̣од̇и бан̃хз жид̇д̇асамбаяуд̇д̇асан̇каарагканд̇хам̣ санд̇хааяа бадигкибад̇и. анусаяам̣ ж̇ийвид̇инд̣̇рияам̣ гааяагаммаад̣̇ируубан̃жа сан̇каарагканд̇хабарияаабаннам̣, д̇ам̣ санд̇хааяа бадиж̇аанаад̇и. иминаавубааязна саб̣б̣аваарзсу ад̇т̇о взд̣̇ид̇аб̣б̣о. саанусаяод̇и бан̃хз бана аббахийнаанусаяад̇д̇аа саанусаяад̇аа анун̃н̃аад̇аа. на анусаяаанам̣ бавад̇д̇исаб̣бхааваа. яо хи аббахийно, на со ад̇ийд̇о, наанааг̇ад̇о, на бажжуббанно жа. маг̇г̇аваж̇жхагилзсо банзса аббахийнад̇д̇аава ад̇т̇ийд̇и вужжад̇и. зваруубасса жа ид̣̇ам̣ наама аарамман̣анд̇и на вад̇д̇аб̣б̣ам̣. д̇асмаа д̇ам̣ бадигкид̇д̇ам̣. д̇ам̣ банзд̇ам̣ на гзвалам̣ анусаяасса, рааг̇аад̣̇ийнамби д̇аад̣̇исамзва, д̇асмаа анусаяаанам̣ анаарамман̣ад̇аасаад̇хагам̣ на ход̇ийд̇и.
554-556. Idāni anusayā anārammaṇātikathā nāma hoti. Tattha yesaṃ anusayā nāma cittavippayuttā ahetukā abyākatā, teneva ca anārammaṇāti laddhi, seyyathāpi andhakānañceva ekaccānañca uttarāpathakānaṃ; te sandhāya anusayāti pucchā sakavādissa, paṭiññā itarassa. Atha naṃ anārammaṇena nāma evaṃvidhena bhavitabbanti codetuṃ rūpantiādimāha. Kāmarāgotiādi kāmarāgānusayato anaññattā dassitaṃ. Saṅkhārakkhandho anārammaṇoti pañhe cittasampayuttasaṅkhārakkhandhaṃ sandhāya paṭikkhipati. Anusayaṃ jīvitindriyaṃ kāyakammādirūpañca saṅkhārakkhandhapariyāpannaṃ, taṃ sandhāya paṭijānāti. Imināvupāyena sabbavāresu attho veditabbo. Sānusayoti pañhe pana appahīnānusayattā sānusayatā anuññātā. Na anusayānaṃ pavattisabbhāvā. Yo hi appahīno, na so atīto, nānāgato, na paccuppanno ca. Maggavajjhakileso panesa appahīnattāva atthīti vuccati. Evarūpassa ca idaṃ nāma ārammaṇanti na vattabbaṃ. Tasmā taṃ paṭikkhittaṃ. Taṃ panetaṃ na kevalaṃ anusayassa, rāgādīnampi tādisameva, tasmā anusayānaṃ anārammaṇatāsādhakaṃ na hotīti.
анусаяаа анаарамман̣аад̇игат̇ааван̣н̣анаа.
Anusayā anārammaṇātikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (87) 4. анусаяаа анаарамман̣агат̇аа • (87) 4. Anusayā anārammaṇakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. анусаяааанаарамман̣аад̇игат̇ааван̣н̣анаа • 4. Anusayāanārammaṇātikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. анусаяааанаарамман̣аад̇игат̇ааван̣н̣анаа • 4. Anusayāanārammaṇātikathāvaṇṇanā
