| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಚೋದನಾಕಣ್ಡಂ
Codanākaṇḍaṃ
ಅನುವಿಜ್ಜಕಕಿಚ್ಚವಣ್ಣನಾ
Anuvijjakakiccavaṇṇanā
೩೬೦. ಪಾಳಿಯಂ ಯಂ ಖೋ ತ್ವನ್ತಿಆದೀಸು ತ್ವಂ, ಆವುಸೋ, ಯಂ ಇಮಂ ಭಿಕ್ಖುಂ ಚೋದೇಸಿ, ತಂ ಕಿಮ್ಹಿ ದೋಸೇ ಚೋದೇಸಿ, ಕತರಾಯ ವಿಪತ್ತಿಯಾ ಚೋದೇಸೀತಿ ಅತ್ಥೋ। ಏವಂ ಸಬ್ಬತ್ಥ।
360. Pāḷiyaṃ yaṃ kho tvantiādīsu tvaṃ, āvuso, yaṃ imaṃ bhikkhuṃ codesi, taṃ kimhi dose codesi, katarāya vipattiyā codesīti attho. Evaṃ sabbattha.
೩೬೧. ಅಸುದ್ಧಪರಿಸಙ್ಕಿತೋತಿ ಅಸುದ್ಧಾಯ ಅಟ್ಠಾನೇ ಉಪ್ಪನ್ನಾಯ ಪರಿಸಙ್ಕಾಯ ಪರಿಸಙ್ಕಿತೋ। ತೇನಾಹ ‘‘ಅಮೂಲಕಪರಿಸಙ್ಕಿತೋ’’ತಿ।
361.Asuddhaparisaṅkitoti asuddhāya aṭṭhāne uppannāya parisaṅkāya parisaṅkito. Tenāha ‘‘amūlakaparisaṅkito’’ti.
೩೬೪. ಪಾಳಿಯಂ ಉಪೋಸಥೋ ಸಾಮಗ್ಗತ್ಥಾಯಾತಿ ವಿಸುದ್ಧಾನಂ ಭಿಕ್ಖೂನಂ ಅಞ್ಞೋಞ್ಞನಿರಪೇಕ್ಖೋ ಅಹುತ್ವಾ ಉಪೋಸಥೋ ಉಪೋಸಥಟ್ಠಾನಂ ಸನ್ನಿಪತಿತ್ವಾ ‘‘ಪಾರಿಸುದ್ಧಿಂ ಆಯಸ್ಮನ್ತೋ ಆರೋಚೇಥ, ಪರಿಸುದ್ಧೇತ್ಥಾಯಸ್ಮನ್ತೋ, ಪರಿಸುದ್ಧೋ ಅಹಂ ಆವುಸೋ’’ತಿಆದಿನಾ ಅಞ್ಞಮಞ್ಞಂ ಪರಿಸುದ್ಧಿವೀಮಂಸನಾರೋಚನವಸೇನ ಅಯುತ್ತೇ ವಿವಜ್ಜೇತ್ವಾ ಯುತ್ತೇಹೇವ ಕಾಯಚಿತ್ತಸಾಮಗ್ಗೀಕರಣತ್ಥಾಯ।
364. Pāḷiyaṃ uposatho sāmaggatthāyāti visuddhānaṃ bhikkhūnaṃ aññoññanirapekkho ahutvā uposatho uposathaṭṭhānaṃ sannipatitvā ‘‘pārisuddhiṃ āyasmanto ārocetha, parisuddhetthāyasmanto, parisuddho ahaṃ āvuso’’tiādinā aññamaññaṃ parisuddhivīmaṃsanārocanavasena ayutte vivajjetvā yutteheva kāyacittasāmaggīkaraṇatthāya.
ವಿಸುದ್ಧಾಯ ಪವಾರಣಾತಿ ದಿಟ್ಠಸುತಾದೀಹಿ ಅಞ್ಞಮಞ್ಞಂ ಕಥಾಪೇತ್ವಾ ವಿಸುದ್ಧಿಸಮ್ಪಾದನತ್ಥಾಯಾತಿ ಅತ್ಥೋ। ಉಭೋ ಏತೇತಿ ಆಮಿಸಪುಗ್ಗಲನಿಸ್ಸಯನೇ ಏತೇ ಉಭೋ।
Visuddhāya pavāraṇāti diṭṭhasutādīhi aññamaññaṃ kathāpetvā visuddhisampādanatthāyāti attho. Ubho eteti āmisapuggalanissayane ete ubho.
ಅನುವಿಜ್ಜಕಕಿಚ್ಚವಣ್ಣನಾ ನಿಟ್ಠಿತಾ।
Anuvijjakakiccavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi
೧. ಅನುವಿಜ್ಜಕಅನುಯೋಗೋ • 1. Anuvijjakaanuyogo
೨. ಚೋದಕಾದಿಪಟಿಪತ್ತಿ • 2. Codakādipaṭipatti
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā
ಅನುವಿಜ್ಜಕಕಿಚ್ಚವಣ್ಣನಾ • Anuvijjakakiccavaṇṇanā
ಚೋದಕಪುಚ್ಛಾವಿಸ್ಸಜ್ಜನಾವಣ್ಣನಾ • Codakapucchāvissajjanāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಅನುವಿಜ್ಜಕಕಿಚ್ಚವಣ್ಣನಾ • Anuvijjakakiccavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ಅನುವಿಜ್ಜಕಕಿಚ್ಚವಣ್ಣನಾ • Anuvijjakakiccavaṇṇanā
