| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਅਪਲੋਕਨਕਮ੍ਮਕਥਾવਣ੍ਣਨਾ
Apalokanakammakathāvaṇṇanā
੪੯੫-੪੯੬. ਕਾਯਸਮ੍ਭੋਗਸਾਮਗ੍ਗੀਤਿ ਸਹਸੇਯ੍ਯਪਟਿਗ੍ਗਹਣਾਦਿ। ਸੋ ਰਤੋਤਿ ਸੁਭੇ ਰਤੋ। ਸੁਟ੍ਠੁ ਓਰਤੋਤਿ વਾ ਸੋਰਤੋ। ਨਿવਾਤવੁਤ੍ਤੀਤਿ ਨੀਚવੁਤ੍ਤਿ। ਪਟਿਸਙ੍ਖਾਤਿ ਪਟਿਸਙ੍ਖਾਯ ਞਾਣੇਨ ਉਪਪਰਿਕ੍ਖਿਤ੍વਾ। ਯਂ ਤਂ ਅવਨ੍ਦਿਯਕਮ੍ਮਂ ਅਨੁਞ੍ਞਾਤਨ੍ਤਿ ਸਮ੍ਬਨ੍ਧੋ। ਇਮਸ੍ਸ ਅਪਲੋਕਨਕਮ੍ਮਸ੍ਸ ਠਾਨਂ ਹੋਤੀਤਿ ਏવਮ੍ਪਿ ਅਪਲੋਕਨਕਮ੍ਮਂ ਪવਤ੍ਤਤੀਤਿ ਅਤ੍ਥੋ। ਕਮ੍ਮਮੇવ ਲਕ੍ਖਣਨ੍ਤਿ ਕਮ੍ਮਲਕ੍ਖਣਂ। ਓਸਾਰਣਨਿਸ੍ਸਾਰਣਭਣ੍ਡੁਕਮ੍ਮਾਦਯੋ વਿਯ ਕਮ੍ਮਞ੍ਚ ਹੁਤ੍વਾ ਅਞ੍ਞਞ੍ਚ ਨਾਮਂ ਨ ਲਭਤਿ, ਕਮ੍ਮਮੇવ ਹੁਤ੍વਾ ਉਪਲਕ੍ਖੀਯਤੀਤਿ ‘‘ਕਮ੍ਮਲਕ੍ਖਣ’’ਨ੍ਤਿ વੁਚ੍ਚਤਿ। ਏਤਮ੍ਪਿ ਕਮ੍ਮਲਕ੍ਖਣਮੇવਾਤਿ વੁਤ੍ਤਕਮ੍ਮਲਕ੍ਖਣਂ ਦਸ੍ਸੇਤੁਂ ‘‘ਅਚ੍ਛਿਨ੍ਨਚੀવਰਜਿਣ੍ਣਚੀવਰਨਟ੍ਠਚੀવਰਾਨ’’ਨ੍ਤਿਆਦਿ વੁਤ੍ਤਂ। ਇਣਪਲਿਬੋਧਮ੍ਪੀਤਿ ਇਣਮੇવ ਪਲਿਬੋਧੋ ਇਣਪਲਿਬੋਧੋ, ਤਮ੍ਪਿ ਦਾਤੁਂ વਟ੍ਟਤਿ। ਸਚੇ ਤਾਦਿਸਂ ਭਿਕ੍ਖੁਂ ਇਣਾਯਿਕਾ ਪਲਿਬੁਨ੍ਧਨ੍ਤਿ, ਤਤ੍ਰੁਪ੍ਪਾਦਤੋਪਿ ਤਸ੍ਸ ਇਣਂ ਸੋਧੇਤੁਂ વਟ੍ਟਤੀਤਿ ਅਧਿਪ੍ਪਾਯੋ।
495-496.Kāyasambhogasāmaggīti sahaseyyapaṭiggahaṇādi. So ratoti subhe rato. Suṭṭhu oratoti vā sorato. Nivātavuttīti nīcavutti. Paṭisaṅkhāti paṭisaṅkhāya ñāṇena upaparikkhitvā. Yaṃ taṃ avandiyakammaṃ anuññātanti sambandho. Imassa apalokanakammassa ṭhānaṃ hotīti evampi apalokanakammaṃ pavattatīti attho. Kammameva lakkhaṇanti kammalakkhaṇaṃ. Osāraṇanissāraṇabhaṇḍukammādayo viya kammañca hutvā aññañca nāmaṃ na labhati, kammameva hutvā upalakkhīyatīti ‘‘kammalakkhaṇa’’nti vuccati. Etampi kammalakkhaṇamevāti vuttakammalakkhaṇaṃ dassetuṃ ‘‘acchinnacīvarajiṇṇacīvaranaṭṭhacīvarāna’’ntiādi vuttaṃ. Iṇapalibodhampīti iṇameva palibodho iṇapalibodho, tampi dātuṃ vaṭṭati. Sace tādisaṃ bhikkhuṃ iṇāyikā palibundhanti, tatruppādatopi tassa iṇaṃ sodhetuṃ vaṭṭatīti adhippāyo.
ਛਤ੍ਤਂ વਾ વੇਦਿਕਂ વਾਤਿ ਏਤ੍ਥ વੇਦਿਕਾਤਿ ਚੇਤਿਯਸ੍ਸ ਉਪਰਿ ਚਤੁਰਸ੍ਸਚਯੋ વੁਚ੍ਚਤਿ। ਛਤ੍ਤਨ੍ਤਿ ਤਤੋ ਉਦ੍ਧਂ વਲਯਾਨਿ ਦਸ੍ਸੇਤ੍વਾ ਕਤੋ ਅਗ੍ਗਚਯੋ વੁਚ੍ਚਤਿ। ਚੇਤਿਯਸ੍ਸ ਉਪਨਿਕ੍ਖੇਪਤੋਤਿ ਚੇਤਿਯੇ ਨવਕਮ੍ਮਤ੍ਤਾਯ ਉਪਨਿਕ੍ਖਿਤ੍ਤਤੋ, ਚੇਤਿਯਸਨ੍ਤਕਤੋਤਿ વੁਤ੍ਤਂ ਹੋਤਿ। ਅਞ੍ਞਾ ਕਤਿਕਾ ਕਾਤਬ੍ਬਾਤਿ ਪੁਰਿਮਕਤਿਕਾਯ ਅਸਙ੍ਗਹਿਤਤ੍ਤਾ વੁਤ੍ਤਂ। ਤੇਹੀਤਿ ਯੇਸਂ ਪੁਗ੍ਗਲਿਕਟ੍ਠਾਨੇ ਤਿਟ੍ਠਨ੍ਤਿ, ਤੇਹਿ। ਦਸਭਾਗਨ੍ਤਿ ਦਸਮਭਾਗਂ। ਤਤ੍ਥਾਤਿ ਤਸ੍ਮਿਂ વਿਹਾਰੇ। ਮੂਲੇਤਿ ਪੁਬ੍ਬੇ। ‘‘ਇਤੋ ਪਟ੍ਠਾਯ ਭਾਜੇਤ੍વਾ ਖਾਦਨ੍ਤੂ’’ਤਿ વਚਨੇਨੇવ ਯਥਾਸੁਖਂ ਪਰਿਭੋਗੋ ਪਟਿਕ੍ਖਿਤ੍ਤੋ ਹੋਤੀਤਿ ਆਹ ‘‘ਪੁਰਿਮਕਤਿਕਾ ਪਟਿਪ੍ਪਸ੍ਸਮ੍ਭਤੀ’’ਤਿ।
Chattaṃ vā vedikaṃ vāti ettha vedikāti cetiyassa upari caturassacayo vuccati. Chattanti tato uddhaṃ valayāni dassetvā kato aggacayo vuccati. Cetiyassa upanikkhepatoti cetiye navakammattāya upanikkhittato, cetiyasantakatoti vuttaṃ hoti. Aññā katikā kātabbāti purimakatikāya asaṅgahitattā vuttaṃ. Tehīti yesaṃ puggalikaṭṭhāne tiṭṭhanti, tehi. Dasabhāganti dasamabhāgaṃ. Tatthāti tasmiṃ vihāre. Mūleti pubbe. ‘‘Ito paṭṭhāya bhājetvā khādantū’’ti vacaneneva yathāsukhaṃ paribhogo paṭikkhitto hotīti āha ‘‘purimakatikā paṭippassambhatī’’ti.
ਅਨੁવਿਚਰਿਤ੍વਾਤਿ ਪਚ੍ਛਤੋ ਪਚ੍ਛਤੋ ਗਨ੍ਤ੍વਾ। ਅਪਚ੍ਚਾਸੀਸਨ੍ਤੇਨਾਤਿ ਤੇਸਂ ਸਨ੍ਤਿਕਾ
Anuvicaritvāti pacchato pacchato gantvā. Apaccāsīsantenāti tesaṃ santikā
ਪਚ੍ਚਯਂ ਅਪਚ੍ਚਾਸੀਸਨ੍ਤੇਨ। ਮੂਲਭਾਗਨ੍ਤਿ વੁਤ੍ਤਮੇવਤ੍ਥਂ વਿਭਾવੇਤਿ ‘‘ਦਸਭਾਗਮਤ੍ਤ’’ਨ੍ਤਿ। ਅਕਤਾવਾਸਂ વਾ ਕਤ੍વਾਤਿ ਤਤੋ ਉਪ੍ਪਨ੍ਨਆਯੇਨ ਕਤ੍વਾ। ਜਗ੍ਗਿਤਕਾਲੇ ਚ ਨ વਾਰੇਤਬ੍ਬਾਤਿ ਜਗ੍ਗਿਤਾਨਂ ਪੁਪ੍ਫਫਲਭਰਿਤਕਾਲੇ ਨ વਾਰੇਤਬ੍ਬਾ। ਜਗ੍ਗਨਕਾਲੇਤਿ ਜਗ੍ਗਿਤੁਂ ਆਰਦ੍ਧਕਾਲੇ। ਞਤ੍ਤਿਕਮ੍ਮਟ੍ਠਾਨਭੇਦੇਤਿ ਞਤ੍ਤਿਕਮ੍ਮਸ੍ਸ ਠਾਨਭੇਦੇ।
Paccayaṃ apaccāsīsantena. Mūlabhāganti vuttamevatthaṃ vibhāveti ‘‘dasabhāgamatta’’nti. Akatāvāsaṃ vā katvāti tato uppannaāyena katvā. Jaggitakāle ca na vāretabbāti jaggitānaṃ pupphaphalabharitakāle na vāretabbā. Jagganakāleti jaggituṃ āraddhakāle. Ñattikammaṭṭhānabhedeti ñattikammassa ṭhānabhede.
ਕਮ੍ਮવਗ੍ਗવਣ੍ਣਨਾ ਨਿਟ੍ਠਿਤਾ।
Kammavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧. ਕਮ੍ਮવਗ੍ਗੋ • 1. Kammavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਅਪਲੋਕਨਕਮ੍ਮਕਥਾ • Apalokanakammakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਪਲੋਕਨਕਮ੍ਮਕਥਾવਣ੍ਣਨਾ • Apalokanakammakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਪਲੋਕਨਕਮ੍ਮਕਥਾવਣ੍ਣਨਾ • Apalokanakammakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਅਪਲੋਕਨਕਮ੍ਮਕਥਾ • Apalokanakammakathā
