Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

    намо д̇асса бхаг̇авад̇о арахад̇о саммаасамб̣уд̣̇д̇хасса

    Namo tassa bhagavato arahato sammāsambuddhassa

    куд̣̇д̣̇аганигааяз

    Khuddakanikāye

    ж̇аад̇ага-адтагат̇аа

    Jātaka-aṭṭhakathā

    (батамо бхааг̇о)

    (Paṭhamo bhāgo)

    г̇ант̇аарамбхагат̇аа

    Ganthārambhakathā

    ж̇аад̇игодисахассзхи , бамаан̣арахид̇ам̣ хид̇ам̣;

    Jātikoṭisahassehi , pamāṇarahitaṃ hitaṃ;

    логасса логанаат̇зна, гад̇ам̣ язна махзсинаа.

    Lokassa lokanāthena, kataṃ yena mahesinā.

    д̇асса баад̣̇з намассид̇ваа, гад̇ваа д̇хаммасса жан̃ж̇алим̣;

    Tassa pāde namassitvā, katvā dhammassa cañjaliṃ;

    сан̇гхан̃жа бад̇имаанзд̇ваа, саб̣б̣асаммаанабхааж̇анам̣.

    Saṅghañca patimānetvā, sabbasammānabhājanaṃ.

    намассанаад̣̇ино асса, бун̃н̃асса рад̇анад̇д̇аяз;

    Namassanādino assa, puññassa ratanattaye;

    бавад̇д̇ассаанубхаавзна, чзд̇ваа саб̣б̣з убад̣̇д̣̇авз.

    Pavattassānubhāvena, chetvā sabbe upaddave.

    д̇ам̣ д̇ам̣ гааран̣амааг̇амма, д̣̇зсид̇аани ж̇уд̇иймад̇аа;

    Taṃ taṃ kāraṇamāgamma, desitāni jutīmatā;

    абан̣н̣агаад̣̇ийни бураа, ж̇аад̇агаани махзсинаа.

    Apaṇṇakādīni purā, jātakāni mahesinā.

    яаани язсу жирам̣ сад̇т̇аа, логанид̇т̇аран̣ад̇т̇иго;

    Yāni yesu ciraṃ satthā, lokanittharaṇatthiko;

    ананд̇з б̣од̇хисамбхаарз, барибаажзси нааяаго.

    Anante bodhisambhāre, paripācesi nāyako.

    д̇аани саб̣б̣аани згаж̇жхам̣, ааробзнд̇зхи сан̇г̇ахам̣;

    Tāni sabbāni ekajjhaṃ, āropentehi saṅgahaṃ;

    ж̇аад̇агам̣ наама сан̇г̇ийд̇ам̣, д̇хаммасан̇г̇аахагзхи яам̣.

    Jātakaṃ nāma saṅgītaṃ, dhammasaṅgāhakehi yaṃ.

    б̣уд̣̇д̇хавам̣сасса зд̇асса, ижчанд̇зна жирадтид̇им̣;

    Buddhavaṃsassa etassa, icchantena ciraṭṭhitiṃ;

    яаажид̇о абхиг̇анд̇ваана, т̇зрзна ад̇т̇ад̣̇ассинаа.

    Yācito abhigantvāna, therena atthadassinā.

    асам̣садтавихаарз , сад̣̇аа суд̣̇д̇хавихааринаа;

    Asaṃsaṭṭhavihāre , sadā suddhavihārinā;

    д̇ат̇зва б̣уд̣̇д̇хамид̇д̇зна, санд̇ажид̇д̇зна вин̃н̃унаа.

    Tatheva buddhamittena, santacittena viññunā.

    махим̣саасагавам̣самхи, самбхууд̇зна наяан̃н̃унаа;

    Mahiṃsāsakavaṃsamhi, sambhūtena nayaññunā;

    б̣уд̣̇д̇хад̣̇звзна жа д̇ат̇аа, бхигкунаа суд̣̇д̇хаб̣уд̣̇д̇хинаа.

    Buddhadevena ca tathā, bhikkhunā suddhabuddhinā.

    махаабурисажарияаанам̣, аанубхаавам̣ ажинд̇ияам̣;

    Mahāpurisacariyānaṃ, ānubhāvaṃ acintiyaṃ;

    д̇асса виж̇ж̇од̇аяанд̇асса, ж̇аад̇агассад̇т̇аван̣н̣анам̣.

    Tassa vijjotayantassa, jātakassatthavaṇṇanaṃ.

    махаавихаараваасийнам̣, ваажанаамаг̇г̇аниссид̇ам̣;

    Mahāvihāravāsīnaṃ, vācanāmagganissitaṃ;

    бхаасиссам̣ бхаасад̇о д̇ам̣ мз, саад̇ху г̇ан̣ханд̇у саад̇хавод̇и.

    Bhāsissaṃ bhāsato taṃ me, sādhu gaṇhantu sādhavoti.

    нид̣̇аанагат̇аа

    Nidānakathā

    саа банааяам̣ ж̇аад̇агасса ад̇т̇аван̣н̣анаа д̣̇уурзнид̣̇аанам̣, авид̣̇уурзнид̣̇аанам̣, санд̇игзнид̣̇аананд̇и имаани д̇ийн̣и нид̣̇аанаани д̣̇ассзд̇ваа ван̣н̣ияамаанаа яз нам̣ сун̣анд̇и, д̇зхи самуд̣̇ааг̇амад̇о бадтааяа вин̃н̃аад̇ад̇д̇аа яасмаа судту вин̃н̃аад̇аа наама ход̇и, д̇асмаа д̇ам̣ д̇аани нид̣̇аанаани д̣̇ассзд̇ваа ван̣н̣аяиссаама.

    Sā panāyaṃ jātakassa atthavaṇṇanā dūrenidānaṃ, avidūrenidānaṃ, santikenidānanti imāni tīṇi nidānāni dassetvā vaṇṇiyamānā ye naṃ suṇanti, tehi samudāgamato paṭṭhāya viññātattā yasmā suṭṭhu viññātā nāma hoti, tasmā taṃ tāni nidānāni dassetvā vaṇṇayissāma.

    д̇ад̇т̇а аад̣̇ид̇о д̇аава д̇зсам̣ нид̣̇аанаанам̣ барижчзд̣̇о взд̣̇ид̇аб̣б̣о. д̣̇ийбан̇гарабаад̣̇амууласмин̃хи гад̇аабхинийхаарасса махаасад̇д̇асса яаава взссанд̇арад̇д̇абхааваа жавид̇ваа д̇усид̇абурз ниб̣б̣ад̇д̇и, д̇аава бавад̇д̇о гат̇аамаг̇г̇о д̣̇уурзнид̣̇аанам̣ наама. д̇усид̇абхаванад̇о бана жавид̇ваа яаава б̣од̇химан̣д̣з саб̣б̣ан̃н̃уд̇аббад̇д̇и, д̇аава бавад̇д̇о гат̇аамаг̇г̇о авид̣̇уурзнид̣̇аанам̣ наама. санд̇игзнид̣̇аанам̣ бана д̇зсу д̇зсу таанзсу вихарад̇о д̇асмим̣ д̇асмим̣язва таанз лаб̣бхад̇ийд̇и.

    Tattha ādito tāva tesaṃ nidānānaṃ paricchedo veditabbo. Dīpaṅkarapādamūlasmiñhi katābhinīhārassa mahāsattassa yāva vessantarattabhāvā cavitvā tusitapure nibbatti, tāva pavatto kathāmaggo dūrenidānaṃ nāma. Tusitabhavanato pana cavitvā yāva bodhimaṇḍe sabbaññutappatti, tāva pavatto kathāmaggo avidūrenidānaṃ nāma. Santikenidānaṃ pana tesu tesu ṭhānesu viharato tasmiṃ tasmiṃyeva ṭhāne labbhatīti.

    1. д̣̇уурзнид̣̇аанагат̇аа

    1. Dūrenidānakathā

    д̇ад̇рид̣̇ам̣ д̣̇уурзнид̣̇аанам̣ наама – ид̇о гира габбасад̇асахассаад̇хигаанам̣ жад̇уннам̣ асан̇кязяяаанам̣ мад̇т̇агз амаравад̇ий наама наг̇арам̣ ахоси. д̇ад̇т̇а сумзд̇хо наама б̣раахман̣о бадивасад̇и убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа гулабариваддаа агкид̇д̇о анубагудто ж̇аад̇иваад̣̇зна абхируубо д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о. со ан̃н̃ам̣ гаммам̣ агад̇ваа б̣раахман̣асиббамзва уг̇г̇ан̣хи. д̇асса д̣̇ахарагаалзязва маад̇аабид̇аро гааламагам̣су. ат̇асса раасивад̣дхаго амажжо ааяабод̇т̇агам̣ аахарид̇ваа суван̣н̣араж̇ад̇аман̣имуд̇д̇аад̣̇ибхарид̇з г̇аб̣бхз виварид̇ваа ‘‘зд̇д̇агам̣ д̇з, гумаара, маад̇у санд̇агам̣, зд̇д̇агам̣ бид̇у санд̇агам̣, зд̇д̇агам̣ аяяагабаяяагаана’’нд̇и яаава сад̇д̇амаа гулабариваддаа д̇ханам̣ аажигкид̇ваа ‘‘зд̇ам̣ бадибаж̇ж̇аахий’’д̇и ааха. сумзд̇хабан̣д̣ид̇о жинд̇зси – ‘‘имам̣ д̇ханам̣ сам̣харид̇ваа маяхам̣ бид̇убид̇аамахаад̣̇аяо баралогам̣ г̇ажчанд̇аа згам̣ гахаабан̣амби г̇ахзд̇ваа на г̇ад̇аа, маяаа бана г̇ахзд̇ваа г̇аманагааран̣ам̣ гаад̇ум̣ ваддад̇ий’’д̇и. со ран̃н̃о аарожзд̇ваа наг̇арз бхзрим̣ жараабзд̇ваа махааж̇анасса д̣̇аанам̣ д̣̇ад̇ваа д̇аабасабаб̣б̣аж̇ж̇ам̣ баб̣б̣аж̇и. имасса банад̇т̇асса аавибхаавад̇т̇ам̣ имасмим̣ таанз сумзд̇хагат̇аа гат̇зд̇аб̣б̣аа . саа банзсаа гин̃жааби б̣уд̣̇д̇хавам̣сз ниранд̇арам̣ ааг̇ад̇ааязва, г̇аат̇аасамб̣анд̇хзна бана ааг̇ад̇ад̇д̇аа на судту баагадаа. д̇асмаа д̇ам̣ анд̇аранд̇араа г̇аат̇ааяа самб̣анд̇хад̣̇ийбагзхи важанзхи сад̣̇д̇хим̣ гат̇зссаама.

    Tatridaṃ dūrenidānaṃ nāma – ito kira kappasatasahassādhikānaṃ catunnaṃ asaṅkhyeyyānaṃ matthake amaravatī nāma nagaraṃ ahosi. Tattha sumedho nāma brāhmaṇo paṭivasati ubhato sujāto mātito ca pitito ca saṃsuddhagahaṇiko yāva sattamā kulaparivaṭṭā akkhitto anupakuṭṭho jātivādena abhirūpo dassanīyo pāsādiko paramāya vaṇṇapokkharatāya samannāgato. So aññaṃ kammaṃ akatvā brāhmaṇasippameva uggaṇhi. Tassa daharakāleyeva mātāpitaro kālamakaṃsu. Athassa rāsivaḍḍhako amacco āyapotthakaṃ āharitvā suvaṇṇarajatamaṇimuttādibharite gabbhe vivaritvā ‘‘ettakaṃ te, kumāra, mātu santakaṃ, ettakaṃ pitu santakaṃ, ettakaṃ ayyakapayyakāna’’nti yāva sattamā kulaparivaṭṭā dhanaṃ ācikkhitvā ‘‘etaṃ paṭipajjāhī’’ti āha. Sumedhapaṇḍito cintesi – ‘‘imaṃ dhanaṃ saṃharitvā mayhaṃ pitupitāmahādayo paralokaṃ gacchantā ekaṃ kahāpaṇampi gahetvā na gatā, mayā pana gahetvā gamanakāraṇaṃ kātuṃ vaṭṭatī’’ti. So rañño ārocetvā nagare bheriṃ carāpetvā mahājanassa dānaṃ datvā tāpasapabbajjaṃ pabbaji. Imassa panatthassa āvibhāvatthaṃ imasmiṃ ṭhāne sumedhakathā kathetabbā . Sā panesā kiñcāpi buddhavaṃse nirantaraṃ āgatāyeva, gāthāsambandhena pana āgatattā na suṭṭhu pākaṭā. Tasmā taṃ antarantarā gāthāya sambandhadīpakehi vacanehi saddhiṃ kathessāma.

    сумзд̇хагат̇аа

    Sumedhakathā

    габбасад̇асахассаад̇хигаанан̃хи жад̇уннам̣ асан̇кязяяаанам̣ мад̇т̇агз д̣̇асахи сад̣̇д̣̇зхи авивид̇д̇ам̣ ‘‘амаравад̇ий’’д̇и жа ‘‘амара’’нд̇и жа лад̣̇д̇ханаамам̣ наг̇арам̣ ахоси, яам̣ санд̇хааяа б̣уд̣̇д̇хавам̣сз вуд̇д̇ам̣ –

    Kappasatasahassādhikānañhi catunnaṃ asaṅkhyeyyānaṃ matthake dasahi saddehi avivittaṃ ‘‘amaravatī’’ti ca ‘‘amara’’nti ca laddhanāmaṃ nagaraṃ ahosi, yaṃ sandhāya buddhavaṃse vuttaṃ –

    ‘‘габбз жа сад̇асахассз, жад̇уро жа асан̇кияз;

    ‘‘Kappe ca satasahasse, caturo ca asaṅkhiye;

    амарам̣ наама наг̇арам̣, д̣̇ассанзяяам̣ манорамам̣;

    Amaraṃ nāma nagaraṃ, dassaneyyaṃ manoramaṃ;

    д̣̇асахи сад̣̇д̣̇зхи авивид̇д̇ам̣, аннабаанасамааяуд̇а’’нд̇и.

    Dasahi saddehi avivittaṃ, annapānasamāyuta’’nti.

    д̇ад̇т̇а д̣̇асахи сад̣̇д̣̇зхи авивид̇д̇анд̇и хад̇т̇исад̣̇д̣̇зна, ассасад̣̇д̣̇зна, рат̇асад̣̇д̣̇зна, бхзрисад̣̇д̣̇зна, муд̣̇ин̇г̇асад̣̇д̣̇зна, вийн̣аасад̣̇д̣̇зна, саммасад̣̇д̣̇зна, д̇аал̣асад̣̇д̣̇зна, сан̇касад̣̇д̣̇зна ‘‘аснаат̇а, биват̇а, каад̣̇ат̇аа’’д̇и д̣̇асамзна сад̣̇д̣̇знаад̇и имзхи д̣̇асахи сад̣̇д̣̇зхи авивид̇д̇ам̣ ахоси. д̇зсам̣ бана сад̣̇д̣̇аанам̣ згад̣̇зсамзва г̇ахзд̇ваа –

    Tattha dasahi saddehi avivittanti hatthisaddena, assasaddena, rathasaddena, bherisaddena, mudiṅgasaddena, vīṇāsaddena, sammasaddena, tāḷasaddena, saṅkhasaddena ‘‘asnātha, pivatha, khādathā’’ti dasamena saddenāti imehi dasahi saddehi avivittaṃ ahosi. Tesaṃ pana saddānaṃ ekadesameva gahetvā –

    ‘‘хад̇т̇исад̣̇д̣̇ам̣ ассасад̣̇д̣̇ам̣, бхзрисан̇карат̇аани жа;

    ‘‘Hatthisaddaṃ assasaddaṃ, bherisaṅkharathāni ca;

    каад̣̇ат̇а биват̇а жзва, аннабаанзна гхосид̇а’’нд̇и. –

    Khādatha pivatha ceva, annapānena ghosita’’nti. –

    б̣уд̣̇д̇хавам̣сз имам̣ г̇аат̇ам̣ вад̇ваа –

    Buddhavaṃse imaṃ gāthaṃ vatvā –

    ‘‘наг̇арам̣ саб̣б̣ан̇г̇асамбаннам̣, саб̣б̣агаммамубааг̇ад̇ам̣;

    ‘‘Nagaraṃ sabbaṅgasampannaṃ, sabbakammamupāgataṃ;

    сад̇д̇арад̇анасамбаннам̣, наанааж̇анасамаагулам̣;

    Sattaratanasampannaṃ, nānājanasamākulaṃ;

    самид̣̇д̇хам̣ д̣̇званаг̇арам̣ва, ааваасам̣ бун̃н̃агамминам̣.

    Samiddhaṃ devanagaraṃva, āvāsaṃ puññakamminaṃ.

    ‘‘наг̇арз амаравад̇ияаа, сумзд̇хо наама б̣раахман̣о;

    ‘‘Nagare amaravatiyā, sumedho nāma brāhmaṇo;

    анзгагодисаннижаяо, бахууд̇ад̇ханад̇хан̃н̃аваа.

    Anekakoṭisannicayo, pahūtadhanadhaññavā.

    ‘‘аж̇жхааяаго манд̇ад̇харо, д̇ин̣н̣ам̣ взд̣̇аана баараг̇уу;

    ‘‘Ajjhāyako mantadharo, tiṇṇaṃ vedāna pāragū;

    лагкан̣з ид̇ихаасз жа, сад̇хаммз баарамим̣ г̇ад̇о’’д̇и. – вуд̇д̇ам̣;

    Lakkhaṇe itihāse ca, sadhamme pāramiṃ gato’’ti. – vuttaṃ;

    ат̇згад̣̇ивасам̣ со сумзд̇хабан̣д̣ид̇о убарибаасаад̣̇аварад̇алз рахог̇ад̇о худ̇ваа баллан̇гам̣ аабхуж̇ид̇ваа нисинно жинд̇зси – ‘‘бунаб̣бхавз, бан̣д̣ид̇а, бадисанд̇хиг̇г̇ахан̣ам̣ наама д̣̇угкам̣, д̇ат̇аа ниб̣б̣ад̇д̇аниб̣б̣ад̇д̇адтаанз сарийрабхзд̣̇анам̣, ахан̃жа ж̇аад̇ид̇хаммо ж̇араад̇хаммо б̣яаад̇хид̇хаммо маран̣ад̇хаммо, звам̣бхууд̇зна маяаа аж̇аад̇им̣ аж̇арам̣ аб̣яаад̇хим̣ ад̣̇угкам̣ сукам̣ сийд̇алам̣ амад̇амахааниб̣б̣аанам̣ бариязсид̇ум̣ ваддад̇и, авассам̣ бхавад̇о мужжид̇ваа ниб̣б̣аанаг̇ааминаа згзна маг̇г̇зна бхавид̇аб̣б̣а’’нд̇и. д̇зна вуд̇д̇ам̣ –

    Athekadivasaṃ so sumedhapaṇḍito uparipāsādavaratale rahogato hutvā pallaṅkaṃ ābhujitvā nisinno cintesi – ‘‘punabbhave, paṇḍita, paṭisandhiggahaṇaṃ nāma dukkhaṃ, tathā nibbattanibbattaṭṭhāne sarīrabhedanaṃ, ahañca jātidhammo jarādhammo byādhidhammo maraṇadhammo, evaṃbhūtena mayā ajātiṃ ajaraṃ abyādhiṃ adukkhaṃ sukhaṃ sītalaṃ amatamahānibbānaṃ pariyesituṃ vaṭṭati, avassaṃ bhavato muccitvā nibbānagāminā ekena maggena bhavitabba’’nti. Tena vuttaṃ –

    ‘‘рахог̇ад̇о нисийд̣̇ид̇ваа, звам̣ жинд̇зсахам̣ д̇ад̣̇аа;

    ‘‘Rahogato nisīditvā, evaṃ cintesahaṃ tadā;

    д̣̇угко бунаб̣бхаво наама, сарийрасса жа бхзд̣̇анам̣.

    Dukkho punabbhavo nāma, sarīrassa ca bhedanaṃ.

    ‘‘ж̇аад̇ид̇хаммо ж̇араад̇хаммо, б̣яаад̇хид̇хаммо сахам̣ д̇ад̣̇аа;

    ‘‘Jātidhammo jarādhammo, byādhidhammo sahaṃ tadā;

    аж̇арам̣ амад̇ам̣ кзмам̣, бариязсиссаами ниб̣б̣уд̇им̣.

    Ajaraṃ amataṃ khemaṃ, pariyesissāmi nibbutiṃ.

    ‘‘яам̣нуунимам̣ бууд̇игааяам̣, наанаагун̣абабуурид̇ам̣;

    ‘‘Yaṃnūnimaṃ pūtikāyaṃ, nānākuṇapapūritaṃ;

    чад̣д̣аяид̇ваана г̇ажчзяяам̣, анабзгко анад̇т̇иго.

    Chaḍḍayitvāna gaccheyyaṃ, anapekkho anatthiko.

    ‘‘ад̇т̇и хзхид̇и со маг̇г̇о, на со саггаа на хзд̇уяз;

    ‘‘Atthi hehiti so maggo, na so sakkā na hetuye;

    бариязсиссаами д̇ам̣ маг̇г̇ам̣, бхавад̇о баримуд̇д̇ияаа’’д̇и.

    Pariyesissāmi taṃ maggaṃ, bhavato parimuttiyā’’ti.

    д̇ад̇о уд̇д̇ариби звам̣ жинд̇зси – яат̇аа хи логз д̣̇угкасса бадибагкабхууд̇ам̣ сукам̣ наама ад̇т̇и, звам̣ бхавз сад̇и д̇аббадибагкзна вибхавзнааби бхавид̇аб̣б̣ам̣. яат̇аа жа ун̣хз сад̇и д̇асса вуубасамабхууд̇ам̣ сийд̇амби ад̇т̇и, звам̣ рааг̇аад̣̇ийнам̣ аг̇г̇ийнам̣ вуубасамзна ниб̣б̣аанзнааби бхавид̇аб̣б̣ам̣. яат̇аа жа баабасса лаамагасса д̇хаммасса бадибагкабхууд̇о галяаан̣о анаваж̇ж̇ад̇хаммоби ад̇т̇иязва, звамзва баабигааяа ж̇аад̇ияаа сад̇и саб̣б̣аж̇аад̇игкзбанад̇о аж̇аад̇исан̇каад̇зна ниб̣б̣аанзнааби бхавид̇аб̣б̣амзваад̇и. д̇зна вуд̇д̇ам̣ –

    Tato uttaripi evaṃ cintesi – yathā hi loke dukkhassa paṭipakkhabhūtaṃ sukhaṃ nāma atthi, evaṃ bhave sati tappaṭipakkhena vibhavenāpi bhavitabbaṃ. Yathā ca uṇhe sati tassa vūpasamabhūtaṃ sītampi atthi, evaṃ rāgādīnaṃ aggīnaṃ vūpasamena nibbānenāpi bhavitabbaṃ. Yathā ca pāpassa lāmakassa dhammassa paṭipakkhabhūto kalyāṇo anavajjadhammopi atthiyeva, evameva pāpikāya jātiyā sati sabbajātikkhepanato ajātisaṅkhātena nibbānenāpi bhavitabbamevāti. Tena vuttaṃ –

    ‘‘яат̇ааби д̣̇угкз виж̇ж̇анд̇з, сукам̣ наамаби виж̇ж̇ад̇и;

    ‘‘Yathāpi dukkhe vijjante, sukhaṃ nāmapi vijjati;

    звам̣ бхавз виж̇ж̇амаанз, вибхавоби ижчид̇аб̣б̣аго.

    Evaṃ bhave vijjamāne, vibhavopi icchitabbako.

    ‘‘яат̇ааби ун̣хз виж̇ж̇анд̇з, абарам̣ виж̇ж̇ад̇и сийд̇алам̣;

    ‘‘Yathāpi uṇhe vijjante, aparaṃ vijjati sītalaṃ;

    звам̣ д̇ивид̇хаг̇г̇и виж̇ж̇анд̇з, ниб̣б̣аанам̣ ижчид̇аб̣б̣агам̣.

    Evaṃ tividhaggi vijjante, nibbānaṃ icchitabbakaṃ.

    ‘‘яат̇ааби баабз виж̇ж̇анд̇з, галяаан̣амаби виж̇ж̇ад̇и;

    ‘‘Yathāpi pāpe vijjante, kalyāṇamapi vijjati;

    звамзва ж̇аад̇и виж̇ж̇анд̇з, аж̇аад̇ибижчид̇аб̣б̣ага’’нд̇и.

    Evameva jāti vijjante, ajātipicchitabbaka’’nti.

    абарамби жинд̇зси – яат̇аа наама г̇уут̇араасимхи нимуг̇г̇зна бурисзна д̣̇уурад̇о бан̃жаван̣н̣абад̣̇умасан̃чаннам̣ махаад̇ал̣аагам̣ д̣̇исваа ‘‘гад̇арзна ну ко маг̇г̇зна зд̇т̇а г̇анд̇аб̣б̣а’’нд̇и д̇ам̣ д̇ал̣аагам̣ г̇авзсид̇ум̣ яуд̇д̇ам̣. яам̣ д̇асса аг̇авзсанам̣, на со д̇ал̣аагасса д̣̇осо. звамзва гилзсамалад̇хованз амад̇амахааниб̣б̣аанад̇ал̣аагз виж̇ж̇анд̇з д̇асса аг̇авзсанам̣ на амад̇аниб̣б̣аанамахаад̇ал̣аагасса д̣̇осо. яат̇аа жа жорзхи самбариваарид̇о бурисо балааяанамаг̇г̇з виж̇ж̇амаанзби сажз на балааяад̇и, на со маг̇г̇асса д̣̇осо, бурисассзва д̣̇осо. звамзва гилзсзхи бариваарзд̇ваа г̇ахид̇асса бурисасса виж̇ж̇амаанзязва ниб̣б̣аанаг̇аамимхи сивз маг̇г̇з маг̇г̇асса аг̇авзсанам̣ наама на маг̇г̇асса д̣̇осо, буг̇г̇алассзва д̣̇осо. яат̇аа жа б̣яаад̇хибийл̣ид̇о бурисо виж̇ж̇амаанз б̣яаад̇хид̇игижчагз взж̇ж̇з сажз д̇ам̣ взж̇ж̇ам̣ г̇авзсид̇ваа б̣яаад̇хим̣ на д̇игижчаабзд̇и, на со взж̇ж̇асса д̣̇осо, бурисассзва д̣̇осо. звамзва яо гилзсаб̣яаад̇хибийл̣ид̇о бурисо гилзсавуубасамамаг̇г̇аговид̣̇ам̣ виж̇ж̇амаанамзва аажарияам̣ на г̇авзсад̇и, д̇ассзва д̣̇осо, на гилзсавинаасагасса аажарияассаад̇и. д̇зна вуд̇д̇ам̣ –

    Aparampi cintesi – yathā nāma gūtharāsimhi nimuggena purisena dūrato pañcavaṇṇapadumasañchannaṃ mahātaḷākaṃ disvā ‘‘katarena nu kho maggena ettha gantabba’’nti taṃ taḷākaṃ gavesituṃ yuttaṃ. Yaṃ tassa agavesanaṃ, na so taḷākassa doso. Evameva kilesamaladhovane amatamahānibbānataḷāke vijjante tassa agavesanaṃ na amatanibbānamahātaḷākassa doso. Yathā ca corehi samparivārito puriso palāyanamagge vijjamānepi sace na palāyati, na so maggassa doso, purisasseva doso. Evameva kilesehi parivāretvā gahitassa purisassa vijjamāneyeva nibbānagāmimhi sive magge maggassa agavesanaṃ nāma na maggassa doso, puggalasseva doso. Yathā ca byādhipīḷito puriso vijjamāne byādhitikicchake vejje sace taṃ vejjaṃ gavesitvā byādhiṃ na tikicchāpeti, na so vejjassa doso, purisasseva doso. Evameva yo kilesabyādhipīḷito puriso kilesavūpasamamaggakovidaṃ vijjamānameva ācariyaṃ na gavesati, tasseva doso, na kilesavināsakassa ācariyassāti. Tena vuttaṃ –

    ‘‘яат̇аа г̇уут̇аг̇ад̇о бурисо, д̇ал̣аагам̣ д̣̇исваана буурид̇ам̣;

    ‘‘Yathā gūthagato puriso, taḷākaṃ disvāna pūritaṃ;

    на г̇авзсад̇и д̇ам̣ д̇ал̣аагам̣, на д̣̇осо д̇ал̣аагасса со.

    Na gavesati taṃ taḷākaṃ, na doso taḷākassa so.

    ‘‘звам̣ гилзсамалад̇ховз, виж̇ж̇анд̇з амад̇анд̇ал̣з;

    ‘‘Evaṃ kilesamaladhove, vijjante amatantaḷe;

    на г̇авзсад̇и д̇ам̣ д̇ал̣аагам̣, на д̣̇осо амад̇анд̇ал̣з.

    Na gavesati taṃ taḷākaṃ, na doso amatantaḷe.

    ‘‘яат̇аа арийхи барируд̣̇д̇хо, виж̇ж̇анд̇з г̇аманамбат̇з;

    ‘‘Yathā arīhi pariruddho, vijjante gamanampathe;

    на балааяад̇и со бурисо, на д̣̇осо ан̃ж̇асасса со.

    Na palāyati so puriso, na doso añjasassa so.

    ‘‘звам̣ гилзсабарируд̣̇д̇хо, виж̇ж̇амаанз сивз бат̇з;

    ‘‘Evaṃ kilesapariruddho, vijjamāne sive pathe;

    на г̇авзсад̇и д̇ам̣ маг̇г̇ам̣, на д̣̇осо сиваман̃ж̇асз.

    Na gavesati taṃ maggaṃ, na doso sivamañjase.

    ‘‘яат̇ааби б̣яаад̇хид̇о бурисо, виж̇ж̇амаанз д̇игижчагз;

    ‘‘Yathāpi byādhito puriso, vijjamāne tikicchake;

    на д̇игижчаабзд̇и д̇ам̣ б̣яаад̇хим̣, на д̣̇осо со д̇игижчагз.

    Na tikicchāpeti taṃ byādhiṃ, na doso so tikicchake.

    ‘‘звам̣ гилзсаб̣яаад̇хийхи, д̣̇угкид̇о барибийл̣ид̇о;

    ‘‘Evaṃ kilesabyādhīhi, dukkhito paripīḷito;

    на г̇авзсад̇и д̇ам̣ аажарияам̣, на д̣̇осо со винааяагз’’д̇и.

    Na gavesati taṃ ācariyaṃ, na doso so vināyake’’ti.

    абарамби жинд̇зси – яат̇аа ман̣д̣анаж̇аад̇иго бурисо ган̣тз аасад̇д̇ам̣ гун̣абам̣ чад̣д̣зд̇ваа сукий г̇ажчад̇и, звам̣ маяааби имам̣ бууд̇игааяам̣ чад̣д̣зд̇ваа анабзгкзна ниб̣б̣аананаг̇арам̣ бависид̇аб̣б̣ам̣. яат̇аа жа наранаарияо уггаарабхуумияам̣ ужжаарабассаавам̣ гад̇ваа на д̇ам̣ ужчан̇г̇зна ваа аад̣̇ааяа д̣̇асанд̇зна ваа взтзд̇ваа г̇ажчанд̇и, ж̇иг̇ужчамаанаа бана анабзгкаава чад̣д̣зд̇ваа г̇ажчанд̇и, звам̣ маяааби имам̣ бууд̇игааяам̣ анабзгкзна чад̣д̣зд̇ваа амад̇ам̣ ниб̣б̣аананаг̇арам̣ бависид̇ум̣ ваддад̇и. яат̇аа жа наавигаа наама ж̇аж̇ж̇арам̣ наавам̣ анабзгкаа чад̣д̣зд̇ваа г̇ажчанд̇и, звам̣ ахамби имам̣ навахи ван̣амукзхи баг̇гхаранд̇ам̣ гааяам̣ чад̣д̣зд̇ваа анабзгко ниб̣б̣аанабурам̣ бависиссаами. яат̇аа жа бурисо наанаарад̇анаани аад̣̇ааяа жорзхи сад̣̇д̇хим̣ маг̇г̇ам̣ г̇ажчанд̇о ад̇д̇ано рад̇ананаасабхаязна д̇з чад̣д̣зд̇ваа кзмам̣ маг̇г̇ам̣ г̇ан̣хаад̇и, звам̣ аяамби гараж̇агааяо рад̇анавилобагажорасад̣̇исо. сажаахам̣ зд̇т̇а д̇ан̣хам̣ гариссаами, арияамаг̇г̇агусалад̇хаммарад̇анам̣ мз нассиссад̇и. д̇асмаа маяаа имам̣ жорасад̣̇исам̣ гааяам̣ чад̣д̣зд̇ваа ниб̣б̣аананаг̇арам̣ бависид̇ум̣ ваддад̇ийд̇и. д̇зна вуд̇д̇ам̣ –

    Aparampi cintesi – yathā maṇḍanajātiko puriso kaṇṭhe āsattaṃ kuṇapaṃ chaḍḍetvā sukhī gacchati, evaṃ mayāpi imaṃ pūtikāyaṃ chaḍḍetvā anapekkhena nibbānanagaraṃ pavisitabbaṃ. Yathā ca naranāriyo ukkārabhūmiyaṃ uccārapassāvaṃ katvā na taṃ ucchaṅgena vā ādāya dasantena vā veṭhetvā gacchanti, jigucchamānā pana anapekkhāva chaḍḍetvā gacchanti, evaṃ mayāpi imaṃ pūtikāyaṃ anapekkhena chaḍḍetvā amataṃ nibbānanagaraṃ pavisituṃ vaṭṭati. Yathā ca nāvikā nāma jajjaraṃ nāvaṃ anapekkhā chaḍḍetvā gacchanti, evaṃ ahampi imaṃ navahi vaṇamukhehi paggharantaṃ kāyaṃ chaḍḍetvā anapekkho nibbānapuraṃ pavisissāmi. Yathā ca puriso nānāratanāni ādāya corehi saddhiṃ maggaṃ gacchanto attano ratananāsabhayena te chaḍḍetvā khemaṃ maggaṃ gaṇhāti, evaṃ ayampi karajakāyo ratanavilopakacorasadiso. Sacāhaṃ ettha taṇhaṃ karissāmi, ariyamaggakusaladhammaratanaṃ me nassissati. Tasmā mayā imaṃ corasadisaṃ kāyaṃ chaḍḍetvā nibbānanagaraṃ pavisituṃ vaṭṭatīti. Tena vuttaṃ –

    ‘‘яат̇ааби гун̣абам̣ бурисо, ган̣тз б̣ад̣̇д̇хам̣ ж̇иг̇ужчияа;

    ‘‘Yathāpi kuṇapaṃ puriso, kaṇṭhe baddhaṃ jigucchiya;

    можаяид̇ваана г̇ажчзяяа, сукий сзрий саяам̣васий.

    Mocayitvāna gaccheyya, sukhī serī sayaṃvasī.

    ‘‘д̇ат̇звимам̣ бууд̇игааяам̣, наанаагун̣абасан̃жаяам̣;

    ‘‘Tathevimaṃ pūtikāyaṃ, nānākuṇapasañcayaṃ;

    чад̣д̣аяид̇ваана г̇ажчзяяам̣, анабзгко анад̇т̇иго.

    Chaḍḍayitvāna gaccheyyaṃ, anapekkho anatthiko.

    ‘‘яат̇аа ужжаарадтаанамхи, гарийсам̣ наранаарияо;

    ‘‘Yathā uccāraṭṭhānamhi, karīsaṃ naranāriyo;

    чад̣д̣аяид̇ваана г̇ажчанд̇и, анабзгкаа анад̇т̇игаа.

    Chaḍḍayitvāna gacchanti, anapekkhā anatthikā.

    ‘‘звамзваахам̣ имам̣ гааяам̣, наанаагун̣абабуурид̇ам̣;

    ‘‘Evamevāhaṃ imaṃ kāyaṃ, nānākuṇapapūritaṃ;

    чад̣д̣аяид̇ваана г̇ажчиссам̣, важжам̣ гад̇ваа яат̇аа гудим̣.

    Chaḍḍayitvāna gacchissaṃ, vaccaṃ katvā yathā kuṭiṃ.

    ‘‘яат̇ааби ж̇аж̇ж̇арам̣ наавам̣, балуг̇г̇ам̣ уд̣̇аг̇аахиним̣;

    ‘‘Yathāpi jajjaraṃ nāvaṃ, paluggaṃ udagāhiniṃ;

    саамий чад̣д̣зд̇ваа г̇ажчанд̇и, анабзгкаа анад̇т̇игаа.

    Sāmī chaḍḍetvā gacchanti, anapekkhā anatthikā.

    ‘‘звамзваахам̣ имам̣ гааяам̣, наважчид̣̇д̣̇ам̣ д̇хувассавам̣;

    ‘‘Evamevāhaṃ imaṃ kāyaṃ, navacchiddaṃ dhuvassavaṃ;

    чад̣д̣аяид̇ваана г̇ажчиссам̣, ж̇ин̣н̣анаавам̣ва саамигаа.

    Chaḍḍayitvāna gacchissaṃ, jiṇṇanāvaṃva sāmikā.

    ‘‘яат̇ааби бурисо жорзхи, г̇ажчанд̇о бхан̣д̣амаад̣̇ияа;

    ‘‘Yathāpi puriso corehi, gacchanto bhaṇḍamādiya;

    бхан̣д̣ажчзд̣̇абхаяам̣ д̣̇исваа, чад̣д̣аяид̇ваана г̇ажчад̇и.

    Bhaṇḍacchedabhayaṃ disvā, chaḍḍayitvāna gacchati.

    ‘‘звамзва аяам̣ гааяо, махаажорасамо вияа;

    ‘‘Evameva ayaṃ kāyo, mahācorasamo viya;

    бахааяимам̣ г̇амиссаами, гусалажчзд̣̇анаабхаяаа’’д̇и.

    Pahāyimaṃ gamissāmi, kusalacchedanābhayā’’ti.

    звам̣ сумзд̇хабан̣д̣ид̇о наанаавид̇хаахи убамаахи имам̣ нзгкаммуубасам̣хид̇ам̣ ад̇т̇ам̣ жинд̇зд̇ваа саганивзсанз абаримид̇ам̣ бхог̇агканд̇хам̣ хздтаа вуд̇д̇анаязна габан̣ад̣̇д̇хигаад̣̇ийнам̣ виссаж̇ж̇зд̇ваа махаад̣̇аанам̣ д̣̇ад̇ваа вад̇т̇угаамз жа гилзсагаамз жа бахааяа амаранаг̇арад̇о нигкамид̇ваа згагова химаванд̇з д̇хаммигам̣ наама баб̣б̣ад̇ам̣ ниссааяа ассамам̣ гад̇ваа д̇ад̇т̇а бан̣н̣асаалан̃жа жан̇гаман̃жа маабзд̇ваа бан̃жахи нийваран̣ад̣̇осзхи виваж̇ж̇ид̇ам̣ ‘‘звам̣ самаахид̇з жид̇д̇з’’д̇иаад̣̇инаа наязна вуд̇д̇зхи адтахи гааран̣аг̇ун̣зхи самубзд̇ам̣ абхин̃н̃аасан̇каад̇ам̣ б̣алам̣ аахарид̇ум̣ д̇асмим̣ ассамабад̣̇з навад̣̇осасаманнааг̇ад̇ам̣ саадагам̣ баж̇ахид̇ваа д̣̇ваад̣̇асаг̇ун̣асаманнааг̇ад̇ам̣ ваагажийрам̣ ниваасзд̇ваа исибаб̣б̣аж̇ж̇ам̣ баб̣б̣аж̇и. звам̣ баб̣б̣аж̇ид̇о адтад̣̇осасамаагин̣н̣ам̣ д̇ам̣ бан̣н̣асаалам̣ бахааяа д̣̇асаг̇ун̣асаманнааг̇ад̇ам̣ ругкамуулам̣ убаг̇анд̇ваа саб̣б̣ам̣ д̇хан̃н̃авигад̇им̣ бахааяа бавад̇д̇апалабхож̇ано худ̇ваа нисаж̇ж̇адтаанажан̇гаманавасзнзва бад̇хаанам̣ бад̣̇аханд̇о сад̇д̇аахаб̣бханд̇арзязва адтаннам̣ самаабад̇д̇ийнам̣ бан̃жаннан̃жа абхин̃н̃аанам̣ лаабхий ахоси. звам̣ д̇ам̣ яат̇аабад̇т̇ид̇ам̣ абхин̃н̃ааб̣алам̣ баабун̣и. д̇зна вуд̇д̇ам̣ –

    Evaṃ sumedhapaṇḍito nānāvidhāhi upamāhi imaṃ nekkhammūpasaṃhitaṃ atthaṃ cintetvā sakanivesane aparimitaṃ bhogakkhandhaṃ heṭṭhā vuttanayena kapaṇaddhikādīnaṃ vissajjetvā mahādānaṃ datvā vatthukāme ca kilesakāme ca pahāya amaranagarato nikkhamitvā ekakova himavante dhammikaṃ nāma pabbataṃ nissāya assamaṃ katvā tattha paṇṇasālañca caṅkamañca māpetvā pañcahi nīvaraṇadosehi vivajjitaṃ ‘‘evaṃ samāhite citte’’tiādinā nayena vuttehi aṭṭhahi kāraṇaguṇehi samupetaṃ abhiññāsaṅkhātaṃ balaṃ āharituṃ tasmiṃ assamapade navadosasamannāgataṃ sāṭakaṃ pajahitvā dvādasaguṇasamannāgataṃ vākacīraṃ nivāsetvā isipabbajjaṃ pabbaji. Evaṃ pabbajito aṭṭhadosasamākiṇṇaṃ taṃ paṇṇasālaṃ pahāya dasaguṇasamannāgataṃ rukkhamūlaṃ upagantvā sabbaṃ dhaññavikatiṃ pahāya pavattaphalabhojano hutvā nisajjaṭṭhānacaṅkamanavaseneva padhānaṃ padahanto sattāhabbhantareyeva aṭṭhannaṃ samāpattīnaṃ pañcannañca abhiññānaṃ lābhī ahosi. Evaṃ taṃ yathāpatthitaṃ abhiññābalaṃ pāpuṇi. Tena vuttaṃ –

    ‘‘зваахам̣ жинд̇аяид̇ваана, нзгагодисад̇ам̣ д̇ханам̣;

    ‘‘Evāhaṃ cintayitvāna, nekakoṭisataṃ dhanaṃ;

    наат̇аанаат̇аанам̣ д̣̇ад̇ваана, химаванд̇амубааг̇амим̣.

    Nāthānāthānaṃ datvāna, himavantamupāgamiṃ.

    ‘‘химаванд̇ассаавид̣̇уурз , д̇хаммиго наама баб̣б̣ад̇о;

    ‘‘Himavantassāvidūre , dhammiko nāma pabbato;

    ассамо сугад̇о маяхам̣, бан̣н̣асаалаа сумаабид̇аа.

    Assamo sukato mayhaṃ, paṇṇasālā sumāpitā.

    ‘‘жан̇гамам̣ д̇ад̇т̇а маабзсим̣, бан̃жад̣̇осавиваж̇ж̇ид̇ам̣;

    ‘‘Caṅkamaṃ tattha māpesiṃ, pañcadosavivajjitaṃ;

    адтаг̇ун̣асамубзд̇ам̣, абхин̃н̃ааб̣аламаахарим̣.

    Aṭṭhaguṇasamupetaṃ, abhiññābalamāhariṃ.

    ‘‘саадагам̣ баж̇ахим̣ д̇ад̇т̇а, навад̣̇осамубааг̇ад̇ам̣;

    ‘‘Sāṭakaṃ pajahiṃ tattha, navadosamupāgataṃ;

    ваагажийрам̣ ниваасзсим̣, д̣̇ваад̣̇асаг̇ун̣амубааг̇ад̇ам̣.

    Vākacīraṃ nivāsesiṃ, dvādasaguṇamupāgataṃ.

    ‘‘адтад̣̇осасамаагин̣н̣ам̣, баж̇ахим̣ бан̣н̣асаалагам̣;

    ‘‘Aṭṭhadosasamākiṇṇaṃ, pajahiṃ paṇṇasālakaṃ;

    убааг̇амим̣ ругкамуулам̣, г̇ун̣з д̣̇асахубааг̇ад̇ам̣.

    Upāgamiṃ rukkhamūlaṃ, guṇe dasahupāgataṃ.

    ‘‘ваабид̇ам̣ робид̇ам̣ д̇хан̃н̃ам̣, баж̇ахим̣ ниравасзсад̇о;

    ‘‘Vāpitaṃ ropitaṃ dhaññaṃ, pajahiṃ niravasesato;

    анзгаг̇ун̣асамбаннам̣, бавад̇д̇апаламаад̣̇ияим̣.

    Anekaguṇasampannaṃ, pavattaphalamādiyiṃ.

    ‘‘д̇ад̇т̇аббад̇хаанам̣ бад̣̇ахим̣, нисаж̇ж̇адтаанажан̇гамз;

    ‘‘Tatthappadhānaṃ padahiṃ, nisajjaṭṭhānacaṅkame;

    аб̣бханд̇арамхи сад̇д̇аахз, абхин̃н̃ааб̣алабаабун̣и’’нд̇и.

    Abbhantaramhi sattāhe, abhiññābalapāpuṇi’’nti.

    д̇ад̇т̇а ‘‘ассамо сугад̇о маяхам̣, бан̣н̣асаалаа сумаабид̇аа’’д̇и имааяа баал̣ияаа сумзд̇хабан̣д̣ид̇зна ассамабан̣н̣асаалаажан̇гамаа сахад̇т̇аа маабид̇аа вияа вуд̇д̇аа. аяам̣ банзд̇т̇а ад̇т̇о – махаасад̇д̇ам̣ ‘‘химаванд̇ам̣ аж̇жхог̇аахзд̇ваа аж̇ж̇а д̇хаммигам̣ баб̣б̣ад̇ам̣ бависиссаамий’’д̇и нигканд̇ам̣ д̣̇исваа сагго д̣̇зваанаминд̣̇о виссагаммад̣̇звабуд̇д̇ам̣ ааманд̇зси – ‘‘д̇аад̇а, аяам̣ сумзд̇хабан̣д̣ид̇о баб̣б̣аж̇иссаамийд̇и нигканд̇о, зд̇асса васанадтаанам̣ маабзхий’’д̇и. со д̇асса важанам̣ самбадижчид̇ваа раман̣ийяам̣ ассамам̣, суг̇уд̇д̇ам̣ бан̣н̣асаалам̣, манорамам̣ жан̇гаман̃жа маабзси. бхаг̇аваа бана д̇ад̣̇аа ад̇д̇ано бун̃н̃аанубхаавзна нибпаннам̣ д̇ам̣ ассамабад̣̇ам̣ санд̇хааяа саарибуд̇д̇а, д̇асмим̣ д̇хаммигабаб̣б̣ад̇з –

    Tattha ‘‘assamo sukato mayhaṃ, paṇṇasālā sumāpitā’’ti imāya pāḷiyā sumedhapaṇḍitena assamapaṇṇasālācaṅkamā sahatthā māpitā viya vuttā. Ayaṃ panettha attho – mahāsattaṃ ‘‘himavantaṃ ajjhogāhetvā ajja dhammikaṃ pabbataṃ pavisissāmī’’ti nikkhantaṃ disvā sakko devānamindo vissakammadevaputtaṃ āmantesi – ‘‘tāta, ayaṃ sumedhapaṇḍito pabbajissāmīti nikkhanto, etassa vasanaṭṭhānaṃ māpehī’’ti. So tassa vacanaṃ sampaṭicchitvā ramaṇīyaṃ assamaṃ, suguttaṃ paṇṇasālaṃ, manoramaṃ caṅkamañca māpesi. Bhagavā pana tadā attano puññānubhāvena nipphannaṃ taṃ assamapadaṃ sandhāya sāriputta, tasmiṃ dhammikapabbate –

    ‘‘ассамо сугад̇о маяхам̣, бан̣н̣асаалаа сумаабид̇аа;

    ‘‘Assamo sukato mayhaṃ, paṇṇasālā sumāpitā;

    жан̇гамам̣ д̇ад̇т̇а маабзсим̣, бан̃жад̣̇осавиваж̇ж̇ид̇а’’нд̇и. –

    Caṅkamaṃ tattha māpesiṃ, pañcadosavivajjita’’nti. –

    ааха . д̇ад̇т̇а сугад̇о маяханд̇и сугад̇о маяаа. бан̣н̣асаалаа сумаабид̇аад̇и бан̣н̣ажчад̣̇анасаалааби мз сумаабид̇аа ахоси.

    Āha . Tattha sukato mayhanti sukato mayā. Paṇṇasālā sumāpitāti paṇṇacchadanasālāpi me sumāpitā ahosi.

    бан̃жад̣̇осавиваж̇ж̇ид̇анд̇и бан̃жимз жан̇гамад̣̇осаа наама – т̇ад̣̇д̇хависамад̇аа, анд̇оругкад̇аа, г̇аханажчаннад̇аа, ад̇исамб̣аад̇хад̇аа, ад̇ивисаалад̇аад̇и. т̇ад̣̇д̇хависамабхуумибхааг̇асмин̃хи жан̇гамз жан̇гаманд̇асса баад̣̇аа руж̇ж̇анд̇и, подаа удтаханд̇и, жид̇д̇ам̣ згаг̇г̇ам̣ на лабхад̇и, гаммадтаанам̣ вибаж̇ж̇ад̇и. муд̣̇усамад̇алз бана паасувихаарам̣ ааг̇амма гаммадтаанам̣ самбаж̇ж̇ад̇и. д̇асмаа т̇ад̣̇д̇хависамабхуумибхааг̇ад̇аа зго д̣̇осод̇и взд̣̇ид̇аб̣б̣о. жан̇гамасса анд̇о ваа маж̇жхз ваа годияам̣ ваа ругкз сад̇и бамаад̣̇амааг̇амма жан̇гаманд̇асса налаадам̣ ваа сийсам̣ ваа бадихан̃н̃ад̇ийд̇и анд̇оругкад̇аа д̣̇уд̇ияо д̣̇осо. д̇ин̣алад̇аад̣̇иг̇аханажчаннз жан̇гамз жан̇гаманд̇о анд̇хагааравзлааяам̣ ураг̇аад̣̇игз баан̣з аггамид̇ваа ваа маарзд̇и, д̇зхи ваа д̣̇адто д̣̇угкам̣ аабаж̇ж̇ад̇ийд̇и г̇аханажчаннад̇аа д̇ад̇ияо д̣̇осо. ад̇исамб̣аад̇хз жан̇гамз вид̇т̇аарад̇о рад̇анигз ваа ад̣дхарад̇анигз ваа жан̇гаманд̇асса барижчзд̣̇з багкалид̇ваа накааби ан̇г̇улияоби бхиж̇ж̇анд̇ийд̇и ад̇исамб̣аад̇хад̇аа жад̇уд̇т̇о д̣̇осо. ад̇ивисаалз жан̇гамз жан̇гаманд̇асса жид̇д̇ам̣ вид̇хаавад̇и, згаг̇г̇ад̇ам̣ на лабхад̇ийд̇и ад̇ивисаалад̇аа бан̃жамо д̣̇осо. бут̇улад̇о бана д̣̇ияад̣дхарад̇анам̣ д̣̇вийсу бассзсу рад̇анамад̇д̇аанужан̇гамам̣ д̣̇ийгхад̇о садтихад̇т̇ам̣ муд̣̇уд̇алам̣ самавиббагин̣н̣аваалугам̣ жан̇гамам̣ ваддад̇и жзд̇ияаг̇иримхи д̣̇ийбаббасаад̣̇агамахинд̣̇ад̇т̇зрасса жан̇гаманам̣ вияа, д̇аад̣̇исам̣ д̇ам̣ ахоси. д̇знааха ‘‘жан̇гамам̣ д̇ад̇т̇а маабзсим̣, бан̃жад̣̇осавиваж̇ж̇ид̇а’’нд̇и.

    Pañcadosavivajjitanti pañcime caṅkamadosā nāma – thaddhavisamatā, antorukkhatā, gahanacchannatā, atisambādhatā, ativisālatāti. Thaddhavisamabhūmibhāgasmiñhi caṅkame caṅkamantassa pādā rujjanti, phoṭā uṭṭhahanti, cittaṃ ekaggaṃ na labhati, kammaṭṭhānaṃ vipajjati. Mudusamatale pana phāsuvihāraṃ āgamma kammaṭṭhānaṃ sampajjati. Tasmā thaddhavisamabhūmibhāgatā eko dosoti veditabbo. Caṅkamassa anto vā majjhe vā koṭiyaṃ vā rukkhe sati pamādamāgamma caṅkamantassa nalāṭaṃ vā sīsaṃ vā paṭihaññatīti antorukkhatā dutiyo doso. Tiṇalatādigahanacchanne caṅkame caṅkamanto andhakāravelāyaṃ uragādike pāṇe akkamitvā vā māreti, tehi vā daṭṭho dukkhaṃ āpajjatīti gahanacchannatā tatiyo doso. Atisambādhe caṅkame vitthārato ratanike vā aḍḍharatanike vā caṅkamantassa paricchede pakkhalitvā nakhāpi aṅguliyopi bhijjantīti atisambādhatā catuttho doso. Ativisāle caṅkame caṅkamantassa cittaṃ vidhāvati, ekaggataṃ na labhatīti ativisālatā pañcamo doso. Puthulato pana diyaḍḍharatanaṃ dvīsu passesu ratanamattaanucaṅkamaṃ dīghato saṭṭhihatthaṃ mudutalaṃ samavippakiṇṇavālukaṃ caṅkamaṃ vaṭṭati cetiyagirimhi dīpappasādakamahindattherassa caṅkamanaṃ viya, tādisaṃ taṃ ahosi. Tenāha ‘‘caṅkamaṃ tattha māpesiṃ, pañcadosavivajjita’’nti.

    адтаг̇ун̣асамубзд̇анд̇и адтахи саман̣асукзхи убзд̇ам̣. адтимаани саман̣асукаани наама – д̇ханад̇хан̃н̃абариг̇г̇ахаабхааво, анаваж̇ж̇абин̣д̣абаад̇абариязсанабхааво, ниб̣б̣уд̇абин̣д̣абаад̇абхун̃ж̇анабхааво, радтам̣ бийл̣зд̇ваа д̇ханасаарам̣ ваа сийсагахаабан̣аад̣̇ийни ваа г̇ан̣ханд̇зсу рааж̇агулзсу радтабийл̣анагилзсаабхааво, убагаран̣зсу нижчанд̣̇арааг̇абхааво, жоравилобз ниб̣бхаяабхааво, рааж̇арааж̇амахаамад̇д̇зхи асам̣садтабхааво, жад̇уусу д̣̇исаасу аббадихад̇абхаавод̇и. ид̣̇ам̣ вуд̇д̇ам̣ ход̇и – яат̇аа д̇асмим̣ ассамз васанд̇зна саггаа хонд̇и имаани адта саман̣асукаани винд̣̇ид̇ум̣, звам̣ адтаг̇ун̣асамубзд̇ам̣ д̇ам̣ ассамам̣ маабзсинд̇и.

    Aṭṭhaguṇasamupetanti aṭṭhahi samaṇasukhehi upetaṃ. Aṭṭhimāni samaṇasukhāni nāma – dhanadhaññapariggahābhāvo, anavajjapiṇḍapātapariyesanabhāvo, nibbutapiṇḍapātabhuñjanabhāvo, raṭṭhaṃ pīḷetvā dhanasāraṃ vā sīsakahāpaṇādīni vā gaṇhantesu rājakulesu raṭṭhapīḷanakilesābhāvo, upakaraṇesu nicchandarāgabhāvo, coravilope nibbhayabhāvo, rājarājamahāmattehi asaṃsaṭṭhabhāvo, catūsu disāsu appaṭihatabhāvoti. Idaṃ vuttaṃ hoti – yathā tasmiṃ assame vasantena sakkā honti imāni aṭṭha samaṇasukhāni vindituṃ, evaṃ aṭṭhaguṇasamupetaṃ taṃ assamaṃ māpesinti.

    абхин̃н̃ааб̣аламаахаринд̇и бажчаа д̇асмим̣ ассамз васанд̇о гасин̣абаригаммам̣ гад̇ваа абхин̃н̃аанам̣ самаабад̇д̇ийнан̃жа уббаад̣̇анад̇т̇ааяа анижжад̇о д̣̇угкад̇о вибассанам̣ аарабхид̇ваа т̇аамаббад̇д̇ам̣ вибассанааб̣алам̣ аахарим̣. яат̇аа д̇асмим̣ васанд̇о д̇ам̣ б̣алам̣ аахарид̇ум̣ саггоми, звам̣ д̇ам̣ ассамам̣ д̇асса абхин̃н̃ад̇т̇ааяа вибассанааб̣аласса анужчавигам̣ гад̇ваа маабзсинд̇и ад̇т̇о.

    Abhiññābalamāharinti pacchā tasmiṃ assame vasanto kasiṇaparikammaṃ katvā abhiññānaṃ samāpattīnañca uppādanatthāya aniccato dukkhato vipassanaṃ ārabhitvā thāmappattaṃ vipassanābalaṃ āhariṃ. Yathā tasmiṃ vasanto taṃ balaṃ āharituṃ sakkomi, evaṃ taṃ assamaṃ tassa abhiññatthāya vipassanābalassa anucchavikaṃ katvā māpesinti attho.

    саадагам̣ баж̇ахим̣ д̇ад̇т̇а, навад̣̇осамубааг̇ад̇анд̇и зд̇т̇ааяам̣ анубуб̣б̣игат̇аа – д̇ад̣̇аа гира гудилзн̣ажан̇гамаад̣̇ибадиман̣д̣ид̇ам̣ бубпуубаг̇апалуубаг̇аругкасан̃чаннам̣ раман̣ийяам̣ мад̇хурасалилаасаяам̣ абаг̇ад̇аваал̣амиг̇абхим̣санагасагун̣ам̣ бавивзгагкамам̣ ассамам̣ маабзд̇ваа алан̇гад̇ажан̇гамасса убхосу анд̇зсу ааламб̣анапалагам̣ сам̣вид̇хааяа нисийд̣̇анад̇т̇ааяа жан̇гамавзмаж̇жхз самад̇алам̣ муг̇г̇аван̣н̣асилам̣ маабзд̇ваа анд̇обан̣н̣асаалааяам̣ ж̇адааман̣д̣алаваагажийрад̇ид̣̇ан̣д̣агун̣д̣игаад̣̇игз д̇аабасабаригкаарз, ман̣д̣абз баанийяагхадабаанийяасан̇кабаанийяасарааваани, аг̇г̇исаалааяам̣ ан̇г̇аарагабаллад̣̇ааруаад̣̇ийнийд̇и звам̣ яам̣ яам̣ баб̣б̣аж̇ид̇аанам̣ убагаарааяа сам̣вад̇д̇ад̇и, д̇ам̣ д̇ам̣ саб̣б̣ам̣ маабзд̇ваа бан̣н̣асаалааяа бхид̇д̇ияам̣ ‘‘яз гзжи баб̣б̣аж̇ид̇угаамаа имз баригкаарз г̇ахзд̇ваа баб̣б̣аж̇анд̇уу’’д̇и агкараани чинд̣̇ид̇ваа д̣̇звалогамзва г̇ад̇з виссагаммад̣̇звабуд̇д̇з сумзд̇хабан̣д̣ид̇о химаванд̇абаб̣б̣ад̇абаад̣̇з г̇ириганд̣̇араанусаарзна ад̇д̇ано ниваасаануруубам̣ паасугадтаанам̣ ологзнд̇о над̣̇ийнивад̇д̇анз виссагамманиммид̇ам̣ саггад̣̇ад̇д̇ияам̣ раман̣ийяам̣ ассамам̣ д̣̇исваа жан̇гаманагодим̣ г̇анд̇ваа бад̣̇авалан̃ж̇ам̣ абассанд̇о ‘‘д̇хувам̣ баб̣б̣аж̇ид̇аа д̇хураг̇аамз бхигкам̣ бариязсид̇ваа гиланд̇аруубаа ааг̇анд̇ваа бан̣н̣асаалам̣ бависид̇ваа нисиннаа бхависсанд̇ий’’д̇и жинд̇зд̇ваа т̇огам̣ ааг̇амзд̇ваа ‘‘ад̇ивияа жирааяанд̇и, ж̇ааниссаамий’’д̇и бан̣н̣аасаалаагудид̣̇ваарам̣ виварид̇ваа анд̇о бависид̇ваа ид̇о жид̇о жа ологзнд̇о махаабхид̇д̇ияам̣ агкараани ваажзд̇ваа ‘‘маяхам̣ габбияабаригкаараа зд̇з, имз г̇ахзд̇ваа баб̣б̣аж̇иссаамий’’д̇и ад̇д̇ано нивад̇т̇абааруд̇ам̣ саадагаяуг̇ам̣ баж̇ахи. д̇знааха ‘‘саадагам̣ баж̇ахим̣ д̇ад̇т̇аа’’д̇и. звам̣ бавидто ахам̣, саарибуд̇д̇а, д̇ассам̣ бан̣н̣асаалааяам̣ саадагам̣ баж̇ахим̣.

    Sāṭakaṃpajahiṃ tattha, navadosamupāgatanti etthāyaṃ anupubbikathā – tadā kira kuṭileṇacaṅkamādipaṭimaṇḍitaṃ pupphūpagaphalūpagarukkhasañchannaṃ ramaṇīyaṃ madhurasalilāsayaṃ apagatavāḷamigabhiṃsanakasakuṇaṃ pavivekakkhamaṃ assamaṃ māpetvā alaṅkatacaṅkamassa ubhosu antesu ālambanaphalakaṃ saṃvidhāya nisīdanatthāya caṅkamavemajjhe samatalaṃ muggavaṇṇasilaṃ māpetvā antopaṇṇasālāyaṃ jaṭāmaṇḍalavākacīratidaṇḍakuṇḍikādike tāpasaparikkhāre, maṇḍape pānīyaghaṭapānīyasaṅkhapānīyasarāvāni, aggisālāyaṃ aṅgārakapalladāruādīnīti evaṃ yaṃ yaṃ pabbajitānaṃ upakārāya saṃvattati, taṃ taṃ sabbaṃ māpetvā paṇṇasālāya bhittiyaṃ ‘‘ye keci pabbajitukāmā ime parikkhāre gahetvā pabbajantū’’ti akkharāni chinditvā devalokameva gate vissakammadevaputte sumedhapaṇḍito himavantapabbatapāde girikandarānusārena attano nivāsānurūpaṃ phāsukaṭṭhānaṃ olokento nadīnivattane vissakammanimmitaṃ sakkadattiyaṃ ramaṇīyaṃ assamaṃ disvā caṅkamanakoṭiṃ gantvā padavalañjaṃ apassanto ‘‘dhuvaṃ pabbajitā dhuragāme bhikkhaṃ pariyesitvā kilantarūpā āgantvā paṇṇasālaṃ pavisitvā nisinnā bhavissantī’’ti cintetvā thokaṃ āgametvā ‘‘ativiya cirāyanti, jānissāmī’’ti paṇṇāsālākuṭidvāraṃ vivaritvā anto pavisitvā ito cito ca olokento mahābhittiyaṃ akkharāni vācetvā ‘‘mayhaṃ kappiyaparikkhārā ete, ime gahetvā pabbajissāmī’’ti attano nivatthapārutaṃ sāṭakayugaṃ pajahi. Tenāha ‘‘sāṭakaṃ pajahiṃ tatthā’’ti. Evaṃ paviṭṭho ahaṃ, sāriputta, tassaṃ paṇṇasālāyaṃ sāṭakaṃ pajahiṃ.

    навад̣̇осамубааг̇ад̇анд̇и саадагам̣ баж̇аханд̇о нава д̣̇осз д̣̇исваа баж̇ахинд̇и д̣̇ийбзд̇и. д̇аабасабаб̣б̣аж̇ж̇ам̣ баб̣б̣аж̇ид̇аанан̃хи саадагасмим̣ нава д̣̇осаа убадтаханд̇и. д̇зсу д̇асса махаг̇гхабхааво зго д̣̇осо, барабадиб̣ад̣̇д̇хад̇ааяа уббаж̇ж̇анабхааво зго, барибхог̇зна лахум̣ гилиссанабхааво зго. гилидто хи д̇ховид̇аб̣б̣о жа раж̇ид̇аб̣б̣о жа ход̇и. барибхог̇зна ж̇ийран̣абхааво зго. ж̇ин̣н̣асса хи д̇уннам̣ ваа аг̇г̇ал̣ад̣̇аанам̣ ваа гаад̇аб̣б̣ам̣ ход̇и . буна бариязсанааяа д̣̇урабхисамбхавабхааво зго, д̇аабасабаб̣б̣аж̇ж̇ааяа асааруббабхааво зго, бажжад̇т̇игаанам̣ саад̇хааран̣абхааво зго. яат̇аа хи нам̣ бажжад̇т̇игаа на г̇ан̣ханд̇и, звам̣ г̇обзд̇аб̣б̣о ход̇и. барибхун̃ж̇анд̇асса вибхуусанадтаанабхааво зго, г̇ахзд̇ваа вижаранд̇асса канд̇хабхаарамахижчабхааво згод̇и.

    Navadosamupāgatanti sāṭakaṃ pajahanto nava dose disvā pajahinti dīpeti. Tāpasapabbajjaṃ pabbajitānañhi sāṭakasmiṃ nava dosā upaṭṭhahanti. Tesu tassa mahagghabhāvo eko doso, parapaṭibaddhatāya uppajjanabhāvo eko, paribhogena lahuṃ kilissanabhāvo eko. Kiliṭṭho hi dhovitabbo ca rajitabbo ca hoti. Paribhogena jīraṇabhāvo eko. Jiṇṇassa hi tunnaṃ vā aggaḷadānaṃ vā kātabbaṃ hoti . Puna pariyesanāya durabhisambhavabhāvo eko, tāpasapabbajjāya asāruppabhāvo eko, paccatthikānaṃ sādhāraṇabhāvo eko. Yathā hi naṃ paccatthikā na gaṇhanti, evaṃ gopetabbo hoti. Paribhuñjantassa vibhūsanaṭṭhānabhāvo eko, gahetvā vicarantassa khandhabhāramahicchabhāvo ekoti.

    ваагажийрам̣ ниваасзсинд̇и д̇ад̣̇аахам̣, саарибуд̇д̇а, имз нава д̣̇осз д̣̇исваа саадагам̣ бахааяа ваагажийрам̣ ниваасзсим̣, мун̃ж̇ад̇ин̣ам̣ хийрам̣ хийрам̣ гад̇ваа г̇ант̇зд̇ваа гад̇аваагажийрам̣ ниваасанабаарубанад̇т̇ааяа аад̣̇ияинд̇и ад̇т̇о.

    Vākacīraṃ nivāsesinti tadāhaṃ, sāriputta, ime nava dose disvā sāṭakaṃ pahāya vākacīraṃ nivāsesiṃ, muñjatiṇaṃ hīraṃ hīraṃ katvā ganthetvā katavākacīraṃ nivāsanapārupanatthāya ādiyinti attho.

    д̣̇ваад̣̇асаг̇ун̣амубааг̇ад̇анд̇и д̣̇ваад̣̇асахи аанисам̣сзхи саманнааг̇ад̇ам̣. ваагажийрасмин̃хи д̣̇ваад̣̇аса аанисам̣саа – аббаг̇гхам̣ сунд̣̇арам̣ габбияанд̇и аяам̣ д̇аава зго аанисам̣со, сахад̇т̇аа гаад̇ум̣ саггаад̇и аяам̣ д̣̇уд̇ияо, барибхог̇зна сан̣игам̣ гилиссад̇и, д̇ховияамаанзби бабан̃жо над̇т̇ийд̇и аяам̣ д̇ад̇ияо, барибхог̇зна ж̇ин̣н̣зби сиб̣б̣ид̇аб̣б̣аабхааво жад̇уд̇т̇о, буна бариязсанд̇асса сукзна гаран̣абхааво бан̃жамо, д̇аабасабаб̣б̣аж̇ж̇ааяа сааруббабхааво чадто, бажжад̇т̇игаанам̣ нирубабхог̇абхааво сад̇д̇амо, барибхун̃ж̇анд̇асса вибхуусанадтаанаабхааво адтамо, д̇хааран̣з саллахугабхааво навамо, жийварабажжаяз аббижчабхааво д̣̇асамо, ваагуббад̇д̇ияаа д̇хаммигаанаваж̇ж̇абхааво згаад̣̇асамо, ваагажийрз надтзби анабзгкабхааво д̣̇ваад̣̇асамод̇и.

    Dvādasaguṇamupāgatanti dvādasahi ānisaṃsehi samannāgataṃ. Vākacīrasmiñhi dvādasa ānisaṃsā – appagghaṃ sundaraṃ kappiyanti ayaṃ tāva eko ānisaṃso, sahatthā kātuṃ sakkāti ayaṃ dutiyo, paribhogena saṇikaṃ kilissati, dhoviyamānepi papañco natthīti ayaṃ tatiyo, paribhogena jiṇṇepi sibbitabbābhāvo catuttho, puna pariyesantassa sukhena karaṇabhāvo pañcamo, tāpasapabbajjāya sāruppabhāvo chaṭṭho, paccatthikānaṃ nirupabhogabhāvo sattamo, paribhuñjantassa vibhūsanaṭṭhānābhāvo aṭṭhamo, dhāraṇe sallahukabhāvo navamo, cīvarapaccaye appicchabhāvo dasamo, vākuppattiyā dhammikaanavajjabhāvo ekādasamo, vākacīre naṭṭhepi anapekkhabhāvo dvādasamoti.

    адтад̣̇осасамаагин̣н̣ам̣, баж̇ахим̣ бан̣н̣асаалаганд̇и. гат̇ам̣ баж̇ахи? со гира варасаадагаяуг̇ам̣ омун̃жид̇ваа жийваравам̣сз лаг̇г̇ид̇ам̣ анож̇абубпад̣̇аамасад̣̇исам̣ рад̇д̇ам̣ ваагажийрам̣ г̇ахзд̇ваа ниваасзд̇ваа, д̇ассуубари абарам̣ суван̣н̣аван̣н̣ам̣ ваагажийрам̣ барид̣̇ахид̇ваа, буннааг̇абубпасант̇арасад̣̇исам̣ сакурам̣ аж̇инажаммам̣ згам̣сам̣ гад̇ваа ж̇адааман̣д̣алам̣ бадимун̃жид̇ваа жуул̣ааяа сад̣̇д̇хим̣ нижжалабхаавагаран̣ад̇т̇ам̣ саарасуужим̣ бавзсзд̇ваа муд̇д̇аж̇ааласад̣̇исааяа сиггааяа баваал̣аван̣н̣ам̣ гун̣д̣игам̣ од̣̇ахид̇ваа д̇ийсу таанзсу ван̇гагааж̇ам̣ аад̣̇ааяа згиссаа гааж̇агодияаа гун̣д̣игам̣, згиссаа ан̇гусабажчид̇ид̣̇ан̣д̣агаад̣̇ийни олаг̇г̇зд̇ваа каарибхаарам̣ ам̣сз гад̇ваа, д̣̇агкин̣зна хад̇т̇зна гад̇д̇арад̣̇ан̣д̣ам̣ г̇ахзд̇ваа бан̣н̣асаалад̇о нигкамид̇ваа садтихад̇т̇з махаажан̇гамз абараабарам̣ жан̇гаманд̇о ад̇д̇ано взсам̣ ологзд̇ваа – ‘‘маяхам̣ манорат̇о мад̇т̇агам̣ бад̇д̇о, собхад̇и вад̇а мз баб̣б̣аж̇ж̇аа, б̣уд̣̇д̇хабажжзгаб̣уд̣̇д̇хаад̣̇ийхи саб̣б̣зхи д̇хийрабурисзхи ван̣н̣ид̇аа т̇омид̇аа аяам̣ баб̣б̣аж̇ж̇аа наама, бахийнам̣ мз г̇ихиб̣анд̇ханам̣, нигканд̇осми нзгкаммам̣, лад̣̇д̇хаа мз уд̇д̇амабаб̣б̣аж̇ж̇аа, гариссаами саман̣ад̇хаммам̣, лабхиссаами маг̇г̇апаласука’’нд̇и уссаахаж̇аад̇о кааригааж̇ам̣ од̇аарзд̇ваа жан̇гамавзмаж̇жхз муг̇г̇аван̣н̣асилаабаддз суван̣н̣абадимаа вияа нисинно д̣̇ивасабхааг̇ам̣ вийд̇инаамзд̇ваа сааяанхасамаяам̣ бан̣н̣асаалам̣ бависид̇ваа, б̣ид̣̇аламан̃жагабассз гадтад̇т̇аригааяа нибанно сарийрам̣ уд̇ум̣ г̇аахаабзд̇ваа, б̣алавабажжуусз баб̣уж̇жхид̇ваа ад̇д̇ано ааг̇аманам̣ ааваж̇ж̇зси ‘‘ахам̣ гхарааваасз аад̣̇ийнавам̣ д̣̇исваа амид̇абхог̇ам̣ ананд̇аяасам̣ бахааяа аран̃н̃ам̣ бависид̇ваа нзгкаммаг̇авзсаго худ̇ваа баб̣б̣аж̇ид̇о, ид̇о д̣̇аани бадтааяа бамаад̣̇ажаарам̣ жарид̇ум̣ на ваддад̇и.

    Aṭṭhadosasamākiṇṇaṃ, pajahiṃ paṇṇasālakanti. Kathaṃ pajahi? So kira varasāṭakayugaṃ omuñcitvā cīvaravaṃse laggitaṃ anojapupphadāmasadisaṃ rattaṃ vākacīraṃ gahetvā nivāsetvā, tassūpari aparaṃ suvaṇṇavaṇṇaṃ vākacīraṃ paridahitvā, punnāgapupphasantharasadisaṃ sakhuraṃ ajinacammaṃ ekaṃsaṃ katvā jaṭāmaṇḍalaṃ paṭimuñcitvā cūḷāya saddhiṃ niccalabhāvakaraṇatthaṃ sārasūciṃ pavesetvā muttajālasadisāya sikkāya pavāḷavaṇṇaṃ kuṇḍikaṃ odahitvā tīsu ṭhānesu vaṅkakājaṃ ādāya ekissā kājakoṭiyā kuṇḍikaṃ, ekissā aṅkusapacchitidaṇḍakādīni olaggetvā khāribhāraṃ aṃse katvā, dakkhiṇena hatthena kattaradaṇḍaṃ gahetvā paṇṇasālato nikkhamitvā saṭṭhihatthe mahācaṅkame aparāparaṃ caṅkamanto attano vesaṃ oloketvā – ‘‘mayhaṃ manoratho matthakaṃ patto, sobhati vata me pabbajjā, buddhapaccekabuddhādīhi sabbehi dhīrapurisehi vaṇṇitā thomitā ayaṃ pabbajjā nāma, pahīnaṃ me gihibandhanaṃ, nikkhantosmi nekkhammaṃ, laddhā me uttamapabbajjā, karissāmi samaṇadhammaṃ, labhissāmi maggaphalasukha’’nti ussāhajāto khārikājaṃ otāretvā caṅkamavemajjhe muggavaṇṇasilāpaṭṭe suvaṇṇapaṭimā viya nisinno divasabhāgaṃ vītināmetvā sāyanhasamayaṃ paṇṇasālaṃ pavisitvā, bidalamañcakapasse kaṭṭhattharikāya nipanno sarīraṃ utuṃ gāhāpetvā, balavapaccūse pabujjhitvā attano āgamanaṃ āvajjesi ‘‘ahaṃ gharāvāse ādīnavaṃ disvā amitabhogaṃ anantayasaṃ pahāya araññaṃ pavisitvā nekkhammagavesako hutvā pabbajito, ito dāni paṭṭhāya pamādacāraṃ carituṃ na vaṭṭati.

    бавивзган̃хи бахааяа вижаранд̇ам̣ мижчаавид̇аггамагкигаа каад̣̇анд̇и, ид̣̇аани маяаа вивзгамануб̣руухзд̇ум̣ ваддад̇и. ахан̃хи гхарааваасам̣ балиб̣од̇хад̇о д̣̇исваа нигканд̇о, аяан̃жа манаабаа бан̣н̣асаалаа, б̣злувабаггаван̣н̣абарибхан̣д̣агад̇аа бхууми, раж̇ад̇аван̣н̣аа сзд̇абхид̇д̇ияо, габод̇абаад̣̇аван̣н̣ам̣ бан̣н̣ажчад̣̇анам̣ , вижид̇д̇ад̇т̇аран̣аван̣н̣о б̣ид̣̇аламан̃жаго, ниваасапаасугам̣ васанадтаанам̣, на зд̇д̇о ад̇ирзгад̇араа вияа мз г̇зхасамбад̣̇аа бан̃н̃ааяад̇ий’’д̇и бан̣н̣асаалааяа д̣̇осз вижинанд̇о адта д̣̇осз басси.

    Pavivekañhi pahāya vicarantaṃ micchāvitakkamakkhikā khādanti, idāni mayā vivekamanubrūhetuṃ vaṭṭati. Ahañhi gharāvāsaṃ palibodhato disvā nikkhanto, ayañca manāpā paṇṇasālā, beluvapakkavaṇṇaparibhaṇḍakatā bhūmi, rajatavaṇṇā setabhittiyo, kapotapādavaṇṇaṃ paṇṇacchadanaṃ , vicittattharaṇavaṇṇo bidalamañcako, nivāsaphāsukaṃ vasanaṭṭhānaṃ, na etto atirekatarā viya me gehasampadā paññāyatī’’ti paṇṇasālāya dose vicinanto aṭṭha dose passi.

    бан̣н̣асаалаабарибхог̇асмин̃хи адта аад̣̇ийнаваа – махаасамаарамбхзна д̣̇аб̣б̣асамбхаарз самод̇хаанзд̇ваа гаран̣абариязсанабхааво зго аад̣̇ийнаво, д̇ин̣абан̣н̣амад̇д̇игаасу бад̇ид̇аасу д̇аасам̣ бунаббунам̣ табзд̇аб̣б̣ад̇ааяа ниб̣анд̇хаж̇аг̇г̇анабхааво д̣̇уд̇ияо, сзнаасанам̣ наама махаллагасса баабун̣аад̇и, авзлааяа вудтаабияамаанасса жид̇д̇згаг̇г̇ад̇аа на ход̇ийд̇и удтаабанияабхааво д̇ад̇ияо, сийд̇ун̣хабадигхаад̇зна гааяасса сукумаалагаран̣абхааво жад̇уд̇т̇о, г̇зхам̣ бавидтзна яам̣гин̃жи баабам̣ саггаа гаад̇унд̇и г̇арахаабадижчаад̣̇анабхааво бан̃жамо, ‘‘маяха’’нд̇и бариг̇г̇ахагаран̣абхааво чадто, г̇зхасса ад̇т̇ибхааво наама сад̣̇уд̇ияагаваасод̇и сад̇д̇амо, уугааман̇г̇улагхараг̇ол̣игаад̣̇ийнам̣ саад̇хааран̣ад̇ааяа б̣ахусаад̇хааран̣абхааво адтамо. ид̇и имз адта аад̣̇ийнавз д̣̇исваа махаасад̇д̇о бан̣н̣асаалам̣ баж̇ад̇и. д̇знааха ‘‘адтад̣̇осасамаагин̣н̣ам̣, баж̇ахим̣ бан̣н̣асаалага’’нд̇и.

    Paṇṇasālāparibhogasmiñhi aṭṭha ādīnavā – mahāsamārambhena dabbasambhāre samodhānetvā karaṇapariyesanabhāvo eko ādīnavo, tiṇapaṇṇamattikāsu patitāsu tāsaṃ punappunaṃ ṭhapetabbatāya nibandhajagganabhāvo dutiyo, senāsanaṃ nāma mahallakassa pāpuṇāti, avelāya vuṭṭhāpiyamānassa cittekaggatā na hotīti uṭṭhāpaniyabhāvo tatiyo, sītuṇhapaṭighātena kāyassa sukhumālakaraṇabhāvo catuttho, gehaṃ paviṭṭhena yaṃkiñci pāpaṃ sakkā kātunti garahāpaṭicchādanabhāvo pañcamo, ‘‘mayha’’nti pariggahakaraṇabhāvo chaṭṭho, gehassa atthibhāvo nāma sadutiyakavāsoti sattamo, ūkāmaṅgulagharagoḷikādīnaṃ sādhāraṇatāya bahusādhāraṇabhāvo aṭṭhamo. Iti ime aṭṭha ādīnave disvā mahāsatto paṇṇasālaṃ pajati. Tenāha ‘‘aṭṭhadosasamākiṇṇaṃ, pajahiṃ paṇṇasālaka’’nti.

    убааг̇амим̣ ругкамуулам̣, г̇ун̣з д̣̇асахубааг̇ад̇анд̇и чаннам̣ бадигкибид̇ваа д̣̇асахи г̇ун̣зхи убзд̇ам̣ ругкамуулам̣ убаг̇ад̇осмийд̇и вад̣̇ад̇и. д̇ад̇римз д̣̇аса г̇ун̣аа – аббасамаарамбхад̇аа зго г̇ун̣о, убаг̇аманамад̇д̇агамзва хи д̇ад̇т̇а ход̇и; абадиж̇аг̇г̇анад̇аа д̣̇уд̇ияо, д̇ан̃хи саммадтамби асаммадтамби барибхог̇апаасугам̣ ход̇иязва. анудтаабарияабхааво д̇ад̇ияо, г̇арахам̣ наббадижчаад̣̇зд̇и; д̇ад̇т̇а хи баабам̣ гаронд̇о лаж̇ж̇ад̇ийд̇и г̇арахааяа аббадижчаннабхааво жад̇уд̇т̇о; аб̣бхогаасаваасо вияа гааяам̣ на сант̇амбхзд̇ийд̇и гааяасса асант̇амбханабхааво бан̃жамо; бариг̇г̇ахагаран̣аабхааво чадто; г̇зхаалаяабадигкзбо сад̇д̇амо; б̣ахусаад̇хааран̣аг̇зхз вияа ‘‘бадиж̇аг̇г̇иссаами нам̣, нигкамат̇аа’’д̇и нийхаран̣агаабхааво адтамо; васанд̇асса саббийд̇игабхааво навамо; ругкамууласзнаасанасса г̇ад̇аг̇ад̇адтаанз сулабхад̇ааяа анабзгкабхааво д̣̇асамод̇и имз д̣̇аса г̇ун̣з д̣̇исваа ругкамуулам̣ убааг̇ад̇осмийд̇и вад̣̇ад̇и.

    Upāgamiṃ rukkhamūlaṃ, guṇe dasahupāgatanti channaṃ paṭikkhipitvā dasahi guṇehi upetaṃ rukkhamūlaṃ upagatosmīti vadati. Tatrime dasa guṇā – appasamārambhatā eko guṇo, upagamanamattakameva hi tattha hoti; apaṭijagganatā dutiyo, tañhi sammaṭṭhampi asammaṭṭhampi paribhogaphāsukaṃ hotiyeva. Anuṭṭhāpariyabhāvo tatiyo, garahaṃ nappaṭicchādeti; tattha hi pāpaṃ karonto lajjatīti garahāya appaṭicchannabhāvo catuttho; abbhokāsavāso viya kāyaṃ na santhambhetīti kāyassa asanthambhanabhāvo pañcamo; pariggahakaraṇābhāvo chaṭṭho; gehālayapaṭikkhepo sattamo; bahusādhāraṇagehe viya ‘‘paṭijaggissāmi naṃ, nikkhamathā’’ti nīharaṇakābhāvo aṭṭhamo; vasantassa sappītikabhāvo navamo; rukkhamūlasenāsanassa gatagataṭṭhāne sulabhatāya anapekkhabhāvo dasamoti ime dasa guṇe disvā rukkhamūlaṃ upāgatosmīti vadati.

    имаани зд̇д̇агаани гааран̣аани саллагкзд̇ваа махаасад̇д̇о бунад̣̇ивасз бхигкааяа г̇аамам̣ баависи. ат̇асса самбад̇д̇аг̇аамз мануссаа маханд̇зна уссаахзна бхигкам̣ ад̣̇ам̣су. со бхад̇д̇агижжам̣ нидтаабзд̇ваа ассамам̣ ааг̇амма нисийд̣̇ид̇ваа жинд̇зси ‘‘наахам̣ аахаарам̣ на лабхаамийд̇и баб̣б̣аж̇ид̇о, синид̣̇д̇хаахааро наамзса маанамад̣̇абурисамад̣̇з вад̣дхзд̇и, аахаарамуулагасса жа д̣̇угкасса анд̇о над̇т̇и. яам̣нуунаахам̣ ваабид̇аробид̇ад̇хан̃н̃аниб̣б̣ад̇д̇ам̣ аахаарам̣ баж̇ахид̇ваа бавад̇д̇апалабхож̇ано бхавзяяа’’нд̇и. со д̇ад̇о дтааяа д̇ат̇аа гад̇ваа гхадзнд̇о вааяаманд̇о сад̇д̇аахаб̣бханд̇арзязва адта самаабад̇д̇ияо бан̃жа абхин̃н̃ааяо жа ниб̣б̣ад̇д̇зси. д̇зна вуд̇д̇ам̣ –

    Imāni ettakāni kāraṇāni sallakkhetvā mahāsatto punadivase bhikkhāya gāmaṃ pāvisi. Athassa sampattagāme manussā mahantena ussāhena bhikkhaṃ adaṃsu. So bhattakiccaṃ niṭṭhāpetvā assamaṃ āgamma nisīditvā cintesi ‘‘nāhaṃ āhāraṃ na labhāmīti pabbajito, siniddhāhāro nāmesa mānamadapurisamade vaḍḍheti, āhāramūlakassa ca dukkhassa anto natthi. Yaṃnūnāhaṃ vāpitaropitadhaññanibbattaṃ āhāraṃ pajahitvā pavattaphalabhojano bhaveyya’’nti. So tato ṭṭhāya tathā katvā ghaṭento vāyamanto sattāhabbhantareyeva aṭṭha samāpattiyo pañca abhiññāyo ca nibbattesi. Tena vuttaṃ –

    ‘‘ваабид̇ам̣ робид̇ам̣ д̇хан̃н̃ам̣, баж̇ахим̣ ниравасзсад̇о;

    ‘‘Vāpitaṃ ropitaṃ dhaññaṃ, pajahiṃ niravasesato;

    анзгаг̇ун̣асамбаннам̣, бавад̇д̇апаламаад̣̇ияим̣.

    Anekaguṇasampannaṃ, pavattaphalamādiyiṃ.

    ‘‘д̇ад̇т̇аббад̇хаанам̣ бад̣̇ахим̣, нисаж̇ж̇адтаанажан̇гамз;

    ‘‘Tatthappadhānaṃ padahiṃ, nisajjaṭṭhānacaṅkame;

    аб̣бханд̇арамхи сад̇д̇аахз, абхин̃н̃ааб̣алабаабун̣и’’нд̇и.

    Abbhantaramhi sattāhe, abhiññābalapāpuṇi’’nti.

    звам̣ абхин̃н̃ааб̣алам̣ бад̇ваа сумзд̇хад̇аабасз самаабад̇д̇исукзна вийд̇инаамзнд̇з д̣̇ийбан̇гаро наама сад̇т̇аа логз уд̣̇абаад̣̇и. д̇асса бадисанд̇хиж̇аад̇исамб̣од̇хид̇хаммажаггаббавад̇д̇анзсу сагалааби д̣̇асасахассий логад̇хаад̇у сам̣гамби самбагамби самбавзд̇хи, махаавиравам̣ вирави, д̣̇вад̇д̇им̣са буб̣б̣анимид̇д̇аани баад̇урахзсум̣. сумзд̇хад̇аабасо самаабад̇д̇исукзна вийд̇инаамзнд̇о нзва д̇ам̣ сад̣̇д̣̇амассоси, на д̇аани нимид̇д̇аани ад̣̇д̣̇аса. д̇зна вуд̇д̇ам̣ –

    Evaṃ abhiññābalaṃ patvā sumedhatāpase samāpattisukhena vītināmente dīpaṅkaro nāma satthā loke udapādi. Tassa paṭisandhijātisambodhidhammacakkappavattanesu sakalāpi dasasahassī lokadhātu saṃkampi sampakampi sampavedhi, mahāviravaṃ viravi, dvattiṃsa pubbanimittāni pāturahesuṃ. Sumedhatāpaso samāpattisukhena vītināmento neva taṃ saddamassosi, na tāni nimittāni addasa. Tena vuttaṃ –

    ‘‘звам̣ мз сид̣̇д̇хиббад̇д̇асса, васийбхууд̇асса саасанз;

    ‘‘Evaṃ me siddhippattassa, vasībhūtassa sāsane;

    д̣̇ийбан̇гаро наама ж̇ино, уббаж̇ж̇и логанааяаго.

    Dīpaṅkaro nāma jino, uppajji lokanāyako.

    ‘‘уббаж̇ж̇анд̇з жа ж̇ааяанд̇з, б̣уж̇жханд̇з д̇хаммад̣̇зсанз;

    ‘‘Uppajjante ca jāyante, bujjhante dhammadesane;

    жад̇уро нимид̇д̇з наад̣̇д̣̇асам̣, жхаанарад̇исамаббид̇о’’д̇и.

    Caturo nimitte nāddasaṃ, jhānaratisamappito’’ti.

    д̇асмим̣ гаалз д̣̇ийбан̇гарад̣̇асаб̣ало жад̇уухи кийн̣аасавасад̇асахассзхи баривуд̇о анубуб̣б̣зна жааригам̣ жарамаано раммам̣ наама наг̇арам̣ бад̇ваа суд̣̇ассанамахаавихаарз бадивасад̇и. рамманаг̇араваасино ‘‘д̣̇ийбан̇гаро гира саман̣иссаро барамаад̇исамб̣од̇хим̣ бад̇ваа бавад̇д̇аварад̇хаммажагго анубуб̣б̣зна жааригам̣ жарамаано рамманаг̇арам̣ бад̇ваа суд̣̇ассанамахаавихаарз бадивасад̇ий’’д̇и суд̇ваа саббинаванийд̇аад̣̇ийни жзва бхзсаж̇ж̇аани вад̇т̇ажчаад̣̇анаани жа г̇аахаабзд̇ваа г̇анд̇хамаалаад̣̇ихад̇т̇аа язна б̣уд̣̇д̇хо, язна д̇хаммо, язна сан̇гхо, д̇анниннаа д̇аббон̣аа д̇аббаб̣бхаараа худ̇ваа сад̇т̇аарам̣ убасан̇гамид̇ваа ванд̣̇ид̇ваа г̇анд̇хамаалаад̣̇ийхи бууж̇зд̇ваа згаманд̇ам̣ нисиннаа д̇хаммад̣̇зсанам̣ суд̇ваа сваад̇анааяа ниманд̇зд̇ваа удтааяаасанаа баггамим̣су.

    Tasmiṃ kāle dīpaṅkaradasabalo catūhi khīṇāsavasatasahassehi parivuto anupubbena cārikaṃ caramāno rammaṃ nāma nagaraṃ patvā sudassanamahāvihāre paṭivasati. Rammanagaravāsino ‘‘dīpaṅkaro kira samaṇissaro paramātisambodhiṃ patvā pavattavaradhammacakko anupubbena cārikaṃ caramāno rammanagaraṃ patvā sudassanamahāvihāre paṭivasatī’’ti sutvā sappinavanītādīni ceva bhesajjāni vatthacchādanāni ca gāhāpetvā gandhamālādihatthā yena buddho, yena dhammo, yena saṅgho, tanninnā tappoṇā tappabbhārā hutvā satthāraṃ upasaṅkamitvā vanditvā gandhamālādīhi pūjetvā ekamantaṃ nisinnā dhammadesanaṃ sutvā svātanāya nimantetvā uṭṭhāyāsanā pakkamiṃsu.

    д̇з бунад̣̇ивасз махаад̣̇аанам̣ саж̇ж̇зд̇ваа наг̇арам̣ алан̇гарид̇ваа д̣̇асаб̣аласса ааг̇аманамаг̇г̇ам̣ алан̇гаронд̇аа уд̣̇агабхиннадтаанзсу бам̣сум̣ багкибид̇ваа самам̣ бхуумид̇алам̣ гад̇ваа раж̇ад̇абаддаван̣н̣ам̣ ваалугам̣ аагиранд̇и, лааж̇аани жзва бубпаани жа вигиранд̇и, наанаавирааг̇зхи вад̇т̇зхи д̇хаж̇абадаагз уссаабзнд̇и, гад̣̇алияо жзва бун̣н̣агхадабанд̇ияо жа бад̇идтаабзнд̇и. д̇асмим̣ гаалз сумзд̇хад̇аабасо ад̇д̇ано ассамабад̣̇аа уг̇г̇анд̇ваа д̇зсам̣ мануссаанам̣ убарибхааг̇зна аагаасзна г̇ажчанд̇о д̇з хадтад̇удтз мануссз д̣̇исваа ‘‘гим̣ ну ко гааран̣а’’нд̇и аагаасад̇о оруяха згаманд̇ам̣ тид̇о мануссз бужчи – ‘‘амбхо гасса д̇умхз имам̣ маг̇г̇ам̣ алан̇гарот̇аа’’д̇и? д̇зна вуд̇д̇ам̣ –

    Te punadivase mahādānaṃ sajjetvā nagaraṃ alaṅkaritvā dasabalassa āgamanamaggaṃ alaṅkarontā udakabhinnaṭṭhānesu paṃsuṃ pakkhipitvā samaṃ bhūmitalaṃ katvā rajatapaṭṭavaṇṇaṃ vālukaṃ ākiranti, lājāni ceva pupphāni ca vikiranti, nānāvirāgehi vatthehi dhajapaṭāke ussāpenti, kadaliyo ceva puṇṇaghaṭapantiyo ca patiṭṭhāpenti. Tasmiṃ kāle sumedhatāpaso attano assamapadā uggantvā tesaṃ manussānaṃ uparibhāgena ākāsena gacchanto te haṭṭhatuṭṭhe manusse disvā ‘‘kiṃ nu kho kāraṇa’’nti ākāsato oruyha ekamantaṃ ṭhito manusse pucchi – ‘‘ambho kassa tumhe imaṃ maggaṃ alaṅkarothā’’ti? Tena vuttaṃ –

    ‘‘бажжанд̇ад̣̇зсависаяз, ниманд̇зд̇ваа д̇ат̇ааг̇ад̇ам̣;

    ‘‘Paccantadesavisaye, nimantetvā tathāgataṃ;

    д̇асса ааг̇аманам̣ маг̇г̇ам̣, сод̇хзнд̇и д̇удтамаанасаа.

    Tassa āgamanaṃ maggaṃ, sodhenti tuṭṭhamānasā.

    ‘‘ахам̣ д̇зна самаязна, нигкамид̇ваа сагассамаа;

    ‘‘Ahaṃ tena samayena, nikkhamitvā sakassamā;

    д̇хунанд̇о ваагажийраани, г̇ажчаами амб̣арз д̇ад̣̇аа.

    Dhunanto vākacīrāni, gacchāmi ambare tadā.

    ‘‘взд̣̇аж̇аад̇ам̣ ж̇анам̣ д̣̇исваа, д̇удтахадтам̣ бамод̣̇ид̇ам̣;

    ‘‘Vedajātaṃ janaṃ disvā, tuṭṭhahaṭṭhaṃ pamoditaṃ;

    орохид̇ваана г̇аг̇анаа, мануссз бужчи д̇аавад̣̇з.

    Orohitvāna gaganā, manusse pucchi tāvade.

    ‘‘‘д̇удтахадто бамуд̣̇ид̇о, взд̣̇аж̇аад̇о махааж̇ано;

    ‘‘‘Tuṭṭhahaṭṭho pamudito, vedajāto mahājano;

    гасса сод̇хийяад̇и маг̇г̇о, ан̃ж̇асам̣ вадумааяана’’’нд̇и.

    Kassa sodhīyati maggo, añjasaṃ vaṭumāyana’’’nti.

    мануссаа аахам̣су ‘‘бханд̇з сумзд̇ха, на д̇вам̣ ж̇аанааси, д̣̇ийбан̇гарад̣̇асаб̣ало саммаасамб̣од̇хим̣ бад̇ваа бавад̇д̇ид̇аварад̇хаммажагго жааригам̣ жарамаано амхаагам̣ наг̇арам̣ бад̇ваа суд̣̇ассанамахаавихаарз бадивасад̇и. маяам̣ д̇ам̣ бхаг̇аванд̇ам̣ ниманд̇аяимхаа, д̇ассзд̇ам̣ б̣уд̣̇д̇хасса бхаг̇авад̇о ааг̇аманамаг̇г̇ам̣ алан̇гаромаа’’д̇и. сумзд̇хад̇аабасо жинд̇зси – ‘‘б̣уд̣̇д̇ход̇и ко гхосамад̇д̇агамби логз д̣̇уллабхам̣, баг̇зва б̣уд̣̇д̇хуббаад̣̇о, маяааби имзхи мануссзхи сад̣̇д̇хим̣ д̣̇асаб̣аласса маг̇г̇ам̣ алан̇гарид̇ум̣ ваддад̇ий’’д̇и. со д̇з мануссз ааха – ‘‘сажз бхо д̇умхз зд̇ам̣ маг̇г̇ам̣ б̣уд̣̇д̇хасса алан̇гарот̇а, маяхамби згам̣ огаасам̣ д̣̇зт̇а, ахамби д̇умхзхи сад̣̇д̇хим̣ маг̇г̇ам̣ алан̇гариссаамий’’д̇и. д̇з ‘‘саад̇хуу’’д̇и самбадижчид̇ваа ‘‘сумзд̇хад̇аабасо ид̣̇д̇химаа’’д̇и ж̇аананд̇аа уд̣̇агабхинногаасам̣ саллагкзд̇ваа ‘‘д̇вам̣ имам̣ таанам̣ алан̇гарохий’’д̇и ад̣̇ам̣су. сумзд̇хо б̣уд̣̇д̇хаарамман̣ам̣ бийд̇им̣ г̇ахзд̇ваа жинд̇зси ‘‘ахам̣ имам̣ огаасам̣ ид̣̇д̇хияаа алан̇гарид̇ум̣ саггоми, звам̣ алан̇гад̇о бана мама манам̣ на барид̇осзссад̇и, аж̇ж̇а маяаа гааяавзяяааважжам̣ гаад̇ум̣ ваддад̇ий’’д̇и бам̣сум̣ аахарид̇ваа д̇асмим̣ бад̣̇зсз багкиби.

    Manussā āhaṃsu ‘‘bhante sumedha, na tvaṃ jānāsi, dīpaṅkaradasabalo sammāsambodhiṃ patvā pavattitavaradhammacakko cārikaṃ caramāno amhākaṃ nagaraṃ patvā sudassanamahāvihāre paṭivasati. Mayaṃ taṃ bhagavantaṃ nimantayimhā, tassetaṃ buddhassa bhagavato āgamanamaggaṃ alaṅkaromā’’ti. Sumedhatāpaso cintesi – ‘‘buddhoti kho ghosamattakampi loke dullabhaṃ, pageva buddhuppādo, mayāpi imehi manussehi saddhiṃ dasabalassa maggaṃ alaṅkarituṃ vaṭṭatī’’ti. So te manusse āha – ‘‘sace bho tumhe etaṃ maggaṃ buddhassa alaṅkarotha, mayhampi ekaṃ okāsaṃ detha, ahampi tumhehi saddhiṃ maggaṃ alaṅkarissāmī’’ti. Te ‘‘sādhū’’ti sampaṭicchitvā ‘‘sumedhatāpaso iddhimā’’ti jānantā udakabhinnokāsaṃ sallakkhetvā ‘‘tvaṃ imaṃ ṭhānaṃ alaṅkarohī’’ti adaṃsu. Sumedho buddhārammaṇaṃ pītiṃ gahetvā cintesi ‘‘ahaṃ imaṃ okāsaṃ iddhiyā alaṅkarituṃ sakkomi, evaṃ alaṅkato pana mama manaṃ na paritosessati, ajja mayā kāyaveyyāvaccaṃ kātuṃ vaṭṭatī’’ti paṃsuṃ āharitvā tasmiṃ padese pakkhipi.

    д̇асса д̇асмим̣ бад̣̇зсз аналан̇гад̇зязва д̣̇ийбан̇гаро д̣̇асаб̣ало махаанубхааваанам̣ чал̣абхин̃н̃аанам̣ кийн̣аасаваанам̣ жад̇уухи сад̇асахассзхи баривуд̇о д̣̇звад̇аасу д̣̇иб̣б̣аг̇анд̇хамаалаад̣̇ийхи бууж̇аяанд̇ийсу д̣̇иб̣б̣асан̇г̇ийд̇зсу бавад̇д̇анд̇зсу мануссзсу маанусагаг̇анд̇хзхи жзва маалаад̣̇ийхи жа бууж̇аяанд̇зсу ананд̇ааяа б̣уд̣̇д̇халийл̣ааяа маносилаад̇алз виж̇амбхамаано сийхо вияа д̇ам̣ алан̇гад̇абадияад̇д̇ам̣ маг̇г̇ам̣ бадибаж̇ж̇и. сумзд̇хад̇аабасо агкийни уммийлзд̇ваа алан̇гад̇амаг̇г̇зна ааг̇ажчанд̇асса д̣̇асаб̣аласса д̣̇вад̇д̇им̣самахаабурисалагкан̣абадиман̣д̣ид̇ам̣ асийд̇ияаа ануб̣яан̃ж̇анзхи ануран̃ж̇ид̇ам̣ б̣яаамаббабхааяа самбариваарид̇ам̣ ман̣иван̣н̣аг̇аг̇анад̇алз наанаббагаараа виж̇ж̇улад̇аа вияа аавзл̣аавзл̣абхууд̇аа жзва яуг̇алаяуг̇алабхууд̇аа жа чаб̣б̣ан̣н̣агханаб̣уд̣̇д̇харасмияо виссаж̇ж̇знд̇ам̣ руубаг̇г̇аббад̇д̇ам̣ ад̇д̇абхаавам̣ ологзд̇ваа ‘‘аж̇ж̇а маяаа д̣̇асаб̣аласса ж̇ийвид̇абарижжааг̇ам̣ гаад̇ум̣ ваддад̇и, маа бхаг̇аваа галалам̣ аггами, ман̣ипалагасзд̇ум̣ бана аггаманд̇о вияа сад̣̇д̇хим̣ жад̇уухи кийн̣аасавасад̇асахассзхи мама бидтим̣ мад̣̇д̣̇амаано г̇ажчад̇у, д̇ам̣ мз бхависсад̇и д̣̇ийгхарад̇д̇ам̣ хид̇ааяа сукааяаа’’д̇и гзсз можзд̇ваа аж̇инажаммаж̇адааман̣д̣алаваагажийраани гаал̣аван̣н̣з галалз бад̇т̇арид̇ваа ман̣ипалагасзд̇у вияа галалабидтз нибаж̇ж̇и. д̇зна вуд̇д̇ам̣ –

    Tassa tasmiṃ padese analaṅkateyeva dīpaṅkaro dasabalo mahānubhāvānaṃ chaḷabhiññānaṃ khīṇāsavānaṃ catūhi satasahassehi parivuto devatāsu dibbagandhamālādīhi pūjayantīsu dibbasaṅgītesu pavattantesu manussesu mānusakagandhehi ceva mālādīhi ca pūjayantesu anantāya buddhalīḷāya manosilātale vijambhamāno sīho viya taṃ alaṅkatapaṭiyattaṃ maggaṃ paṭipajji. Sumedhatāpaso akkhīni ummīletvā alaṅkatamaggena āgacchantassa dasabalassa dvattiṃsamahāpurisalakkhaṇapaṭimaṇḍitaṃ asītiyā anubyañjanehi anurañjitaṃ byāmappabhāya samparivāritaṃ maṇivaṇṇagaganatale nānappakārā vijjulatā viya āveḷāveḷabhūtā ceva yugalayugalabhūtā ca chabbaṇṇaghanabuddharasmiyo vissajjentaṃ rūpaggappattaṃ attabhāvaṃ oloketvā ‘‘ajja mayā dasabalassa jīvitapariccāgaṃ kātuṃ vaṭṭati, mā bhagavā kalalaṃ akkami, maṇiphalakasetuṃ pana akkamanto viya saddhiṃ catūhi khīṇāsavasatasahassehi mama piṭṭhiṃ maddamāno gacchatu, taṃ me bhavissati dīgharattaṃ hitāya sukhāyā’’ti kese mocetvā ajinacammajaṭāmaṇḍalavākacīrāni kāḷavaṇṇe kalale pattharitvā maṇiphalakasetu viya kalalapiṭṭhe nipajji. Tena vuttaṃ –

    ‘‘д̇з мз будтаа вияаагам̣су, ‘б̣уд̣̇д̇хо логз ануд̇д̇аро;

    ‘‘Te me puṭṭhā viyākaṃsu, ‘buddho loke anuttaro;

    д̣̇ийбан̇гаро наама ж̇ино, уббаж̇ж̇и логанааяаго;

    Dīpaṅkaro nāma jino, uppajji lokanāyako;

    д̇асса сод̇хийяад̇и маг̇г̇о, ан̃ж̇асам̣ вадумааяанам̣’.

    Tassa sodhīyati maggo, añjasaṃ vaṭumāyanaṃ’.

    ‘‘б̣уд̣̇д̇ход̇и мама суд̇ваана, бийд̇и уббаж̇ж̇и д̇аавад̣̇з;

    ‘‘Buddhoti mama sutvāna, pīti uppajji tāvade;

    б̣уд̣̇д̇хо б̣уд̣̇д̇ход̇и гат̇аяанд̇о, соманассам̣ бавзд̣̇аяим̣.

    Buddho buddhoti kathayanto, somanassaṃ pavedayiṃ.

    ‘‘д̇ад̇т̇а тад̇ваа вижинд̇зсим̣, д̇удто сам̣виг̇г̇амаанасо;

    ‘‘Tattha ṭhatvā vicintesiṃ, tuṭṭho saṃviggamānaso;

    ‘ид̇ха б̣ийж̇аани робиссам̣, кан̣о зва маа убажжаг̇аа’.

    ‘Idha bījāni ropissaṃ, khaṇo eva mā upaccagā’.

    ‘‘яад̣̇и б̣уд̣̇д̇хасса сод̇хзт̇а, згогаасам̣ д̣̇ад̣̇аат̇а мз;

    ‘‘Yadi buddhassa sodhetha, ekokāsaṃ dadātha me;

    ахамби сод̇хаяиссаами, ан̃ж̇асам̣ вадумааяанам̣.

    Ahampi sodhayissāmi, añjasaṃ vaṭumāyanaṃ.

    ‘‘ад̣̇ам̣су д̇з мамогаасам̣, сод̇хзд̇ум̣ ан̃ж̇асам̣ д̇ад̣̇аа;

    ‘‘Adaṃsu te mamokāsaṃ, sodhetuṃ añjasaṃ tadā;

    б̣уд̣̇д̇хо б̣уд̣̇д̇ход̇и жинд̇знд̇о, маг̇г̇ам̣ сод̇хзмахам̣ д̇ад̣̇аа.

    Buddho buddhoti cintento, maggaṃ sodhemahaṃ tadā.

    ‘‘анидтид̇з мамогаасз, д̣̇ийбан̇гаро махаамуни;

    ‘‘Aniṭṭhite mamokāse, dīpaṅkaro mahāmuni;

    жад̇уухи сад̇асахассзхи, чал̣абхин̃н̃зхи д̇аад̣̇ихи;

    Catūhi satasahassehi, chaḷabhiññehi tādihi;

    кийн̣аасавзхи вималзхи, бадибаж̇ж̇и ан̃ж̇асам̣ ж̇ино.

    Khīṇāsavehi vimalehi, paṭipajji añjasaṃ jino.

    ‘‘бажжуг̇г̇аманаа вад̇д̇анд̇и, важ̇ж̇анд̇и бхзрияо б̣ахуу;

    ‘‘Paccuggamanā vattanti, vajjanti bheriyo bahū;

    аамод̣̇ид̇аа нарамаруу, саад̇хугаарам̣ бавад̇д̇аяум̣.

    Āmoditā naramarū, sādhukāraṃ pavattayuṃ.

    ‘‘д̣̇зваа мануссз бассанд̇и, мануссааби жа д̣̇звад̇аа;

    ‘‘Devā manusse passanti, manussāpi ca devatā;

    убхоби д̇з бан̃ж̇алигаа, ануяанд̇и д̇ат̇ааг̇ад̇ам̣.

    Ubhopi te pañjalikā, anuyanti tathāgataṃ.

    ‘‘д̣̇зваа д̣̇иб̣б̣зхи д̇уриязхи, мануссаа маанусзхи жа;

    ‘‘Devā dibbehi turiyehi, manussā mānusehi ca;

    убхоби д̇з важ̇ж̇аяанд̇аа, ануяанд̇и д̇ат̇ааг̇ад̇ам̣.

    Ubhopi te vajjayantā, anuyanti tathāgataṃ.

    ‘‘д̣̇иб̣б̣ам̣ манд̣̇ааравам̣ бубпам̣, бад̣̇умам̣ бааричад̇д̇агам̣;

    ‘‘Dibbaṃ mandāravaṃ pupphaṃ, padumaṃ pārichattakaṃ;

    д̣̇исод̣̇исам̣ огиранд̇и, аагаасанабхаг̇ад̇аа маруу.

    Disodisaṃ okiranti, ākāsanabhagatā marū.

    ‘‘жамбагам̣ салалам̣ нийбам̣, нааг̇абуннааг̇агзд̇агам̣;

    ‘‘Campakaṃ salalaṃ nīpaṃ, nāgapunnāgaketakaṃ;

    д̣̇исод̣̇исам̣ угкибанд̇и, бхуумид̇алаг̇ад̇аа нараа.

    Disodisaṃ ukkhipanti, bhūmitalagatā narā.

    ‘‘гзсз мун̃жид̇ваахам̣ д̇ад̇т̇а, ваагажийран̃жа жаммагам̣;

    ‘‘Kese muñcitvāhaṃ tattha, vākacīrañca cammakaṃ;

    галалз бад̇т̇арид̇ваана, авагуж̇ж̇о нибаж̇ж̇ахам̣.

    Kalale pattharitvāna, avakujjo nipajjahaṃ.

    ‘‘аггамид̇ваана мам̣ б̣уд̣̇д̇хо, саха сиссзхи г̇ажчад̇у;

    ‘‘Akkamitvāna maṃ buddho, saha sissehi gacchatu;

    маа нам̣ галалз аггамид̇т̇о, хид̇ааяа мз бхависсад̇ий’’д̇и.

    Mā naṃ kalale akkamittho, hitāya me bhavissatī’’ti.

    со галалабидтз нибаннагова буна агкийни уммийлзд̇ваа д̣̇ийбан̇гарад̣̇асаб̣аласса б̣уд̣̇д̇хасирим̣ самбассамаано звам̣ жинд̇зси – ‘‘сажаахам̣ ижчзяяам̣, саб̣б̣агилзсз жхаабзд̇ваа сан̇гханаваго худ̇ваа рамманаг̇арам̣ бависзяяам̣. ан̃н̃аад̇агавзсзна бана мз гилзсз жхаабзд̇ваа ниб̣б̣аанаббад̇д̇ияаа гижжам̣ над̇т̇и. яам̣нуунаахам̣ д̣̇ийбан̇гарад̣̇асаб̣ало вияа барамаабхисамб̣од̇хим̣ бад̇ваа д̇хамманаавам̣ ааробзд̇ваа махааж̇анам̣ сам̣саарасааг̇араа уд̇д̇аарзд̇ваа бажчаа бариниб̣б̣ааязяяам̣, ид̣̇ам̣ маяхам̣ бад̇ирууба’’нд̇и. д̇ад̇о адта д̇хаммз самод̇хаанзд̇ваа б̣уд̣̇д̇хабхаавааяа абхинийхаарам̣ гад̇ваа нибаж̇ж̇и. д̇зна вуд̇д̇ам̣ –

    So kalalapiṭṭhe nipannakova puna akkhīni ummīletvā dīpaṅkaradasabalassa buddhasiriṃ sampassamāno evaṃ cintesi – ‘‘sacāhaṃ iccheyyaṃ, sabbakilese jhāpetvā saṅghanavako hutvā rammanagaraṃ paviseyyaṃ. Aññātakavesena pana me kilese jhāpetvā nibbānappattiyā kiccaṃ natthi. Yaṃnūnāhaṃ dīpaṅkaradasabalo viya paramābhisambodhiṃ patvā dhammanāvaṃ āropetvā mahājanaṃ saṃsārasāgarā uttāretvā pacchā parinibbāyeyyaṃ, idaṃ mayhaṃ patirūpa’’nti. Tato aṭṭha dhamme samodhānetvā buddhabhāvāya abhinīhāraṃ katvā nipajji. Tena vuttaṃ –

    ‘‘бат̇авияам̣ нибаннасса, звам̣ мз ааси жзд̇асо;

    ‘‘Pathaviyaṃ nipannassa, evaṃ me āsi cetaso;

    ‘ижчамаано ахам̣ аж̇ж̇а, гилзсз жхаабаяз мама.

    ‘Icchamāno ahaṃ ajja, kilese jhāpaye mama.

    ‘гим̣ мз ан̃н̃аад̇авзсзна, д̇хаммам̣ сажчигад̇знид̇ха;

    ‘Kiṃ me aññātavesena, dhammaṃ sacchikatenidha;

    саб̣б̣ан̃н̃уд̇ам̣ баабун̣ид̇ваа, б̣уд̣̇д̇хо хзссам̣ сад̣̇звагз.

    Sabbaññutaṃ pāpuṇitvā, buddho hessaṃ sadevake.

    ‘гим̣ мз згзна д̇ин̣н̣зна, бурисзна т̇аамад̣̇ассинаа;

    ‘Kiṃ me ekena tiṇṇena, purisena thāmadassinā;

    саб̣б̣ан̃н̃уд̇ам̣ баабун̣ид̇ваа, санд̇аарзссам̣ сад̣̇звагз.

    Sabbaññutaṃ pāpuṇitvā, santāressaṃ sadevake.

    ‘иминаа мз ад̇хигаарзна, гад̇зна бурисуд̇д̇амз;

    ‘Iminā me adhikārena, katena purisuttame;

    саб̣б̣ан̃н̃уд̇ам̣ баабун̣ид̇ваа, д̇аарзми ж̇анад̇ам̣ б̣ахум̣.

    Sabbaññutaṃ pāpuṇitvā, tāremi janataṃ bahuṃ.

    ‘сам̣саарасод̇ам̣ чинд̣̇ид̇ваа, вид̣̇д̇хам̣сзд̇ваа д̇аяо бхавз;

    ‘Saṃsārasotaṃ chinditvā, viddhaṃsetvā tayo bhave;

    д̇хамманаавам̣ самааруяха, санд̇аарзссам̣ сад̣̇звагз’’’д̇и. (б̣у. вам̣. 2.54-58);

    Dhammanāvaṃ samāruyha, santāressaṃ sadevake’’’ti. (bu. vaṃ. 2.54-58);

    яасмаа бана б̣уд̣̇д̇хад̇д̇ам̣ бад̇т̇знд̇асса –

    Yasmā pana buddhattaṃ patthentassa –

    ‘‘мануссад̇д̇ам̣ лин̇г̇асамбад̇д̇и, хзд̇у сад̇т̇аарад̣̇ассанам̣;

    ‘‘Manussattaṃ liṅgasampatti, hetu satthāradassanaṃ;

    баб̣б̣аж̇ж̇аа г̇ун̣асамбад̇д̇и, ад̇хигааро жа чанд̣̇ад̇аа;

    Pabbajjā guṇasampatti, adhikāro ca chandatā;

    адтад̇хаммасамод̇хаанаа, абхинийхааро самиж̇жхад̇ий’’д̇и. (б̣у. вам̣. 2.59);

    Aṭṭhadhammasamodhānā, abhinīhāro samijjhatī’’ti. (bu. vaṃ. 2.59);

    мануссад̇д̇абхаавасмим̣язва хи тад̇ваа б̣уд̣̇д̇хад̇д̇ам̣ бад̇т̇знд̇асса бад̇т̇анаа самиж̇жхад̇и, на нааг̇асса ваа субан̣н̣асса ваа д̣̇звад̇ааяа ваа бад̇т̇анаа самиж̇жхад̇и. мануссад̇д̇абхаавзби бурисалин̇г̇з тид̇ассзва бад̇т̇анаа самиж̇жхад̇и, на ид̇т̇ияаа ваа бан̣д̣аганабум̣сагаубхад̇об̣яан̃ж̇анагаанам̣ ваа бад̇т̇анаа самиж̇жхад̇и. бурисассааби д̇асмим̣ ад̇д̇абхаавз арахад̇д̇аббад̇д̇ияаа хзд̇усамбаннассзва бад̇т̇анаа самиж̇жхад̇и, но ид̇арасса. хзд̇усамбаннассааби ж̇ийвамаанагаб̣уд̣̇д̇хассзва санд̇игз бад̇т̇знд̇асса бад̇т̇анаа самиж̇жхад̇и, бариниб̣б̣уд̇з б̣уд̣̇д̇хз жзд̇ияасанд̇игз ваа б̣од̇химуулз ваа бад̇т̇знд̇асса на самиж̇жхад̇и. б̣уд̣̇д̇хаанам̣ санд̇игз бад̇т̇знд̇ассааби баб̣б̣аж̇ж̇аалин̇г̇з тид̇ассзва самиж̇жхад̇и, но г̇ихилин̇г̇з тид̇асса. баб̣б̣аж̇ид̇ассааби бан̃жаабхин̃н̃асса адтасамаабад̇д̇илаабхиноязва самиж̇жхад̇и, на имааяа г̇ун̣асамбад̇д̇ияаа вирахид̇асса. г̇ун̣асамбаннзнааби язна ад̇д̇ано ж̇ийвид̇ам̣ б̣уд̣̇д̇хаанам̣ барижжад̇д̇ам̣ ход̇и, д̇асса иминаа ад̇хигаарзна ад̇хигаарасамбаннассзва самиж̇жхад̇и, на ид̇арасса. ад̇хигаарасамбаннассааби яасса б̣уд̣̇д̇хагаарагад̇хаммаанам̣ ад̇т̇ааяа маханд̇о чанд̣̇о жа уссаахо жа вааяаамо жа барияздти жа, д̇ассзва самиж̇жхад̇и, на ид̇арасса.

    Manussattabhāvasmiṃyeva hi ṭhatvā buddhattaṃ patthentassa patthanā samijjhati, na nāgassa vā supaṇṇassa vā devatāya vā patthanā samijjhati. Manussattabhāvepi purisaliṅge ṭhitasseva patthanā samijjhati, na itthiyā vā paṇḍakanapuṃsakaubhatobyañjanakānaṃ vā patthanā samijjhati. Purisassāpi tasmiṃ attabhāve arahattappattiyā hetusampannasseva patthanā samijjhati, no itarassa. Hetusampannassāpi jīvamānakabuddhasseva santike patthentassa patthanā samijjhati, parinibbute buddhe cetiyasantike vā bodhimūle vā patthentassa na samijjhati. Buddhānaṃ santike patthentassāpi pabbajjāliṅge ṭhitasseva samijjhati, no gihiliṅge ṭhitassa. Pabbajitassāpi pañcābhiññassa aṭṭhasamāpattilābhinoyeva samijjhati, na imāya guṇasampattiyā virahitassa. Guṇasampannenāpi yena attano jīvitaṃ buddhānaṃ pariccattaṃ hoti, tassa iminā adhikārena adhikārasampannasseva samijjhati, na itarassa. Adhikārasampannassāpi yassa buddhakārakadhammānaṃ atthāya mahanto chando ca ussāho ca vāyāmo ca pariyeṭṭhi ca, tasseva samijjhati, na itarassa.

    д̇ад̇рид̣̇ам̣ чанд̣̇амаханд̇ад̇ааяа обаммам̣ – сажз хи звамасса ‘‘яо сагалажаггаваал̣аг̇аб̣бхам̣ згод̣̇агийбхууд̇ам̣ ад̇д̇ано б̣аахуб̣алзна уд̇д̇арид̇ваа баарам̣ г̇анд̇ум̣ самад̇т̇о , со б̣уд̣̇д̇хад̇д̇ам̣ баабун̣аад̇и. яо ваа бана сагалажаггаваал̣аг̇аб̣бхам̣ взл̣уг̇умб̣асан̃чаннам̣ б̣яуухид̇ваа мад̣̇д̣̇ид̇ваа бад̣̇асаа г̇ажчанд̇о баарам̣ г̇анд̇ум̣ самад̇т̇о, со б̣уд̣̇д̇хад̇д̇ам̣ баабун̣аад̇и. яо ваа бана сагалажаггаваал̣аг̇аб̣бхам̣ сад̇д̇ияо аагодзд̇ваа ниранд̇арам̣ сад̇д̇ипаласамаагин̣н̣ам̣ бад̣̇асаа аггамамаано баарам̣ г̇анд̇ум̣ самад̇т̇о, со б̣уд̣̇д̇хад̇д̇ам̣ баабун̣аад̇и. яо ваа бана сагалажаггаваал̣аг̇аб̣бхам̣ вийд̇ажжид̇ан̇г̇аарабхарид̇ам̣ баад̣̇зхи мад̣̇д̣̇амаано баарам̣ г̇анд̇ум̣ самад̇т̇о, со б̣уд̣̇д̇хад̇д̇ам̣ баабун̣аад̇ий’’д̇и. яо зд̇зсу згамби ад̇д̇ано д̣̇уггарам̣ на ман̃н̃ад̇и, ‘‘ахам̣ зд̇амби д̇арид̇ваа ваа г̇анд̇ваа ваа баарам̣ г̇ахзссаамий’’д̇и звам̣ маханд̇зна чанд̣̇зна жа уссаахзна жа вааяаамзна жа барияздтияаа жа саманнааг̇ад̇о ход̇и, д̇асса бад̇т̇анаа самиж̇жхад̇и, на ид̇арасса. сумзд̇хад̇аабасо бана имз адта д̇хаммз самод̇хаанзд̇ваа б̣уд̣̇д̇хабхаавааяа абхинийхаарам̣ гад̇ваа нибаж̇ж̇и.

    Tatridaṃ chandamahantatāya opammaṃ – sace hi evamassa ‘‘yo sakalacakkavāḷagabbhaṃ ekodakībhūtaṃ attano bāhubalena uttaritvā pāraṃ gantuṃ samattho , so buddhattaṃ pāpuṇāti. Yo vā pana sakalacakkavāḷagabbhaṃ veḷugumbasañchannaṃ byūhitvā madditvā padasā gacchanto pāraṃ gantuṃ samattho, so buddhattaṃ pāpuṇāti. Yo vā pana sakalacakkavāḷagabbhaṃ sattiyo ākoṭetvā nirantaraṃ sattiphalasamākiṇṇaṃ padasā akkamamāno pāraṃ gantuṃ samattho, so buddhattaṃ pāpuṇāti. Yo vā pana sakalacakkavāḷagabbhaṃ vītaccitaṅgārabharitaṃ pādehi maddamāno pāraṃ gantuṃ samattho, so buddhattaṃ pāpuṇātī’’ti. Yo etesu ekampi attano dukkaraṃ na maññati, ‘‘ahaṃ etampi taritvā vā gantvā vā pāraṃ gahessāmī’’ti evaṃ mahantena chandena ca ussāhena ca vāyāmena ca pariyeṭṭhiyā ca samannāgato hoti, tassa patthanā samijjhati, na itarassa. Sumedhatāpaso pana ime aṭṭha dhamme samodhānetvā buddhabhāvāya abhinīhāraṃ katvā nipajji.

    д̣̇ийбан̇гароби бхаг̇аваа ааг̇анд̇ваа сумзд̇хад̇аабасасса сийсабхааг̇з тад̇ваа ман̣исийхабан̃ж̇арам̣ уг̇гхаадзнд̇о вияа бан̃жаван̣н̣аббасаад̣̇асамбаннаани агкийни уммийлзд̇ваа галалабидтз нибаннам̣ сумзд̇хад̇аабасам̣ д̣̇исваа ‘‘аяам̣ д̇аабасо б̣уд̣̇д̇хад̇д̇ааяа абхинийхаарам̣ гад̇ваа нибанно, иж̇жхиссад̇и ну ко имасса бад̇т̇анаа, уд̣̇ааху но’’д̇и анааг̇ад̇ам̣сан̃аан̣ам̣ бзсзд̇ваа убад̇хаарзнд̇о ‘‘ид̇о габбасад̇асахассаад̇хигаани жад̇д̇аари асан̇кязяяаани ад̇иггамид̇ваа г̇од̇амо наама б̣уд̣̇д̇хо бхависсад̇ий’’д̇и н̃ад̇ваа тид̇агова барисамаж̇жхз б̣яаагааси – ‘‘бассат̇а но д̇умхз имам̣ уг̇г̇ад̇абам̣ д̇аабасам̣ галалабидтз нибанна’’нд̇и? ‘‘звам̣, бханд̇з’’д̇и. ‘‘аяам̣ б̣уд̣̇д̇хад̇д̇ааяа абхинийхаарам̣ гад̇ваа нибанно, самиж̇жхиссад̇и имасса бад̇т̇анаа, ид̇о габбасад̇асахассаад̇хигаанам̣ жад̇уннам̣ асан̇кязяяаанам̣ мад̇т̇агз г̇од̇амо наама б̣уд̣̇д̇хо бхависсад̇и. д̇асмим̣ банасса ад̇д̇абхаавз габилавад̇т̇у наама наг̇арам̣ ниваасо бхависсад̇и, мааяаа наама д̣̇звий маад̇аа, суд̣̇д̇ход̣̇ано наама рааж̇аа бид̇аа, аг̇г̇асааваго убад̇иссо наама т̇зро, д̣̇уд̇ияасааваго голид̇о наама, б̣уд̣̇д̇хубадтааго аананд̣̇о наама, аг̇г̇асаавигаа кзмаа наама т̇зрий, д̣̇уд̇ияасаавигаа уббалаван̣н̣аа наама т̇зрий бхависсад̇и, барибагган̃аан̣о махаабхинигкаманам̣ гад̇ваа махаабад̇хаанам̣ бад̣̇ахид̇ваа ниг̇род̇хамуулз бааяаасам̣ бадиг̇г̇ахзд̇ваа нзран̃ж̇арааяа д̇ийрз барибхун̃ж̇ид̇ваа б̣од̇химан̣д̣ам̣ ааруяха ассад̇т̇аругкамуулз абхисамб̣уж̇жхиссад̇ий’’д̇и. д̇зна вуд̇д̇ам̣ –

    Dīpaṅkaropi bhagavā āgantvā sumedhatāpasassa sīsabhāge ṭhatvā maṇisīhapañjaraṃ ugghāṭento viya pañcavaṇṇappasādasampannāni akkhīni ummīletvā kalalapiṭṭhe nipannaṃ sumedhatāpasaṃ disvā ‘‘ayaṃ tāpaso buddhattāya abhinīhāraṃ katvā nipanno, ijjhissati nu kho imassa patthanā, udāhu no’’ti anāgataṃsañāṇaṃ pesetvā upadhārento ‘‘ito kappasatasahassādhikāni cattāri asaṅkhyeyyāni atikkamitvā gotamo nāma buddho bhavissatī’’ti ñatvā ṭhitakova parisamajjhe byākāsi – ‘‘passatha no tumhe imaṃ uggatapaṃ tāpasaṃ kalalapiṭṭhe nipanna’’nti? ‘‘Evaṃ, bhante’’ti. ‘‘Ayaṃ buddhattāya abhinīhāraṃ katvā nipanno, samijjhissati imassa patthanā, ito kappasatasahassādhikānaṃ catunnaṃ asaṅkhyeyyānaṃ matthake gotamo nāma buddho bhavissati. Tasmiṃ panassa attabhāve kapilavatthu nāma nagaraṃ nivāso bhavissati, māyā nāma devī mātā, suddhodano nāma rājā pitā, aggasāvako upatisso nāma thero, dutiyasāvako kolito nāma, buddhupaṭṭhāko ānando nāma, aggasāvikā khemā nāma therī, dutiyasāvikā uppalavaṇṇā nāma therī bhavissati, paripakkañāṇo mahābhinikkhamanaṃ katvā mahāpadhānaṃ padahitvā nigrodhamūle pāyāsaṃ paṭiggahetvā nerañjarāya tīre paribhuñjitvā bodhimaṇḍaṃ āruyha assattharukkhamūle abhisambujjhissatī’’ti. Tena vuttaṃ –

    ‘‘д̣̇ийбан̇гаро логавид̣̇уу, аахуд̇ийнам̣ бадиг̇г̇ахо;

    ‘‘Dīpaṅkaro lokavidū, āhutīnaṃ paṭiggaho;

    уссийсагз мам̣ тад̇ваана, ид̣̇ам̣ важанамаб̣рави.

    Ussīsake maṃ ṭhatvāna, idaṃ vacanamabravi.

    ‘бассат̇а имам̣ д̇аабасам̣, ж̇адилам̣ уг̇г̇ад̇аабанам̣;

    ‘Passatha imaṃ tāpasaṃ, jaṭilaṃ uggatāpanaṃ;

    абаримзяяз ид̇о габбз, б̣уд̣̇д̇хо логз бхависсад̇и.

    Aparimeyye ito kappe, buddho loke bhavissati.

    ‘аху габилавхаяаа раммаа, нигкамид̇ваа д̇ат̇ааг̇ад̇о;

    ‘Ahu kapilavhayā rammā, nikkhamitvā tathāgato;

    бад̇хаанам̣ бад̣̇ахид̇ваана, гад̇ваа д̣̇уггарагааригам̣.

    Padhānaṃ padahitvāna, katvā dukkarakārikaṃ.

    ‘аж̇абааларугкамуулз, нисийд̣̇ид̇ваа д̇ат̇ааг̇ад̇о;

    ‘Ajapālarukkhamūle, nisīditvā tathāgato;

    д̇ад̇т̇а бааяаасам̣ баг̇г̇аяха, нзран̃ж̇арамубзхид̇и.

    Tattha pāyāsaṃ paggayha, nerañjaramupehiti.

    ‘нзран̃ж̇арааяа д̇ийрамхи, бааяаасам̣ ад̣̇а со ж̇ино;

    ‘Nerañjarāya tīramhi, pāyāsaṃ ada so jino;

    бадияад̇д̇аварамаг̇г̇зна, б̣од̇химууламуубзхид̇и.

    Paṭiyattavaramaggena, bodhimūlamūpehiti.

    ‘д̇ад̇о бад̣̇агкин̣ам̣ гад̇ваа, б̣од̇химан̣д̣ам̣ ануд̇д̇аро;

    ‘Tato padakkhiṇaṃ katvā, bodhimaṇḍaṃ anuttaro;

    ассад̇т̇аругкамууламхи, б̣уж̇жхиссад̇и махааяасо.

    Assattharukkhamūlamhi, bujjhissati mahāyaso.

    ‘имасса ж̇анигаа маад̇аа, мааяаа наама бхависсад̇и;

    ‘Imassa janikā mātā, māyā nāma bhavissati;

    бид̇аа суд̣̇д̇ход̣̇ано наама, аяам̣ хзссад̇и г̇од̇амо.

    Pitā suddhodano nāma, ayaṃ hessati gotamo.

    ‘анаасаваа вийд̇арааг̇аа, санд̇ажид̇д̇аа самаахид̇аа;

    ‘Anāsavā vītarāgā, santacittā samāhitā;

    голид̇о убад̇иссо жа, аг̇г̇аа хзссанд̇и саавагаа;

    Kolito upatisso ca, aggā hessanti sāvakā;

    аананд̣̇о наамубадтааго, убадтиссад̇и д̇ам̣ ж̇инам̣.

    Ānando nāmupaṭṭhāko, upaṭṭhissati taṃ jinaṃ.

    ‘кзмаа уббалаван̣н̣аа жа, аг̇г̇аа хзссанд̇и саавигаа;

    ‘Khemā uppalavaṇṇā ca, aggā hessanti sāvikā;

    анаасаваа вийд̇арааг̇аа, санд̇ажид̇д̇аа самаахид̇аа;

    Anāsavā vītarāgā, santacittā samāhitā;

    б̣од̇хи д̇асса бхаг̇авад̇о, ассад̇т̇од̇и бавужжад̇ий’’’д̇и.

    Bodhi tassa bhagavato, assatthoti pavuccatī’’’ti.

    сумзд̇хад̇аабасо ‘‘маяхам̣ гира бад̇т̇анаа самиж̇жхиссад̇ий’’д̇и соманассаббад̇д̇о ахоси. махааж̇ано д̣̇ийбан̇гарад̣̇асаб̣аласса важанам̣ суд̇ваа ‘‘сумзд̇хад̇аабасо гира б̣уд̣̇д̇хаб̣ийж̇ам̣ б̣уд̣̇д̇хан̇гуро’’д̇и хадтад̇удто ахоси. зван̃жасса ахоси ‘‘яат̇аа наама бурисо над̣̇им̣ д̇аранд̇о уж̇угзна д̇ид̇т̇зна уд̇д̇арид̇ум̣ асаггонд̇о хздтаад̇ид̇т̇зна уд̇д̇арад̇и, звамзва маяамби д̣̇ийбан̇гарад̣̇асаб̣аласса саасанз маг̇г̇апалам̣ алабхамаанаа анааг̇ад̇з яад̣̇аа д̇вам̣ б̣уд̣̇д̇хо бхависсаси, д̇ад̣̇аа д̇ава саммукаа маг̇г̇апалам̣ сажчигаад̇ум̣ самад̇т̇аа бхавзяяаамаа’’д̇и бад̇т̇анам̣ табаяим̣су. д̣̇ийбан̇гарад̣̇асаб̣алоби б̣од̇хисад̇д̇ам̣ басам̣сид̇ваа адтахи бубпамудтийхи бууж̇зд̇ваа бад̣̇агкин̣ам̣ гад̇ваа баггаами, д̇зби жад̇усад̇асахассасан̇каа кийн̣аасаваа б̣од̇хисад̇д̇ам̣ г̇анд̇хзхи жа маалзхи жа бууж̇зд̇ваа бад̣̇агкин̣ам̣ гад̇ваа баггамим̣су. д̣̇звамануссаа бана д̇ат̇зва бууж̇зд̇ваа ванд̣̇ид̇ваа багганд̇аа.

    Sumedhatāpaso ‘‘mayhaṃ kira patthanā samijjhissatī’’ti somanassappatto ahosi. Mahājano dīpaṅkaradasabalassa vacanaṃ sutvā ‘‘sumedhatāpaso kira buddhabījaṃ buddhaṅkuro’’ti haṭṭhatuṭṭho ahosi. Evañcassa ahosi ‘‘yathā nāma puriso nadiṃ taranto ujukena titthena uttarituṃ asakkonto heṭṭhātitthena uttarati, evameva mayampi dīpaṅkaradasabalassa sāsane maggaphalaṃ alabhamānā anāgate yadā tvaṃ buddho bhavissasi, tadā tava sammukhā maggaphalaṃ sacchikātuṃ samatthā bhaveyyāmā’’ti patthanaṃ ṭhapayiṃsu. Dīpaṅkaradasabalopi bodhisattaṃ pasaṃsitvā aṭṭhahi pupphamuṭṭhīhi pūjetvā padakkhiṇaṃ katvā pakkāmi, tepi catusatasahassasaṅkhā khīṇāsavā bodhisattaṃ gandhehi ca mālehi ca pūjetvā padakkhiṇaṃ katvā pakkamiṃsu. Devamanussā pana tatheva pūjetvā vanditvā pakkantā.

    б̣од̇хисад̇д̇о саб̣б̣зсам̣ бадигганд̇агаалз саяанаа вудтааяа ‘‘баарамияо вижиниссаамий’’д̇и бубпараасимад̇т̇агз баллан̇гам̣ аабхуж̇ид̇ваа нисийд̣̇и. звам̣ нисиннз б̣од̇хисад̇д̇з сагалад̣̇асасахассажаггаваал̣ад̣̇звад̇аа саннибад̇ид̇ваа саад̇хугаарам̣ д̣̇ад̇ваа ‘‘аяяа сумзд̇хад̇аабаса, бораан̣агаб̣од̇хисад̇д̇аанам̣ баллан̇гам̣ аабхуж̇ид̇ваа ‘баарамияо вижиниссаамаа’д̇и нисиннагаалз яаани буб̣б̣анимид̇д̇аани наама бан̃н̃ааяанд̇и, д̇аани саб̣б̣ааниби аж̇ж̇а баад̇убхууд̇аани, ниссам̣саязна д̇вам̣ б̣уд̣̇д̇хо бхависсаси , маяамбзд̇ам̣ ж̇аанаама ‘яассзд̇аани нимид̇д̇аани бан̃н̃ааяанд̇и, зганд̇зна со б̣уд̣̇д̇хо ход̇и’, д̇вам̣ ад̇д̇ано вийрияам̣ д̣̇ал̣хам̣ гад̇ваа баг̇г̇ан̣хаа’’д̇и б̣од̇хисад̇д̇ам̣ наанаббагаараахи т̇уд̇ийхи абхид̇т̇уним̣су. д̇зна вуд̇д̇ам̣ –

    Bodhisatto sabbesaṃ paṭikkantakāle sayanā vuṭṭhāya ‘‘pāramiyo vicinissāmī’’ti puppharāsimatthake pallaṅkaṃ ābhujitvā nisīdi. Evaṃ nisinne bodhisatte sakaladasasahassacakkavāḷadevatā sannipatitvā sādhukāraṃ datvā ‘‘ayya sumedhatāpasa, porāṇakabodhisattānaṃ pallaṅkaṃ ābhujitvā ‘pāramiyo vicinissāmā’ti nisinnakāle yāni pubbanimittāni nāma paññāyanti, tāni sabbānipi ajja pātubhūtāni, nissaṃsayena tvaṃ buddho bhavissasi , mayampetaṃ jānāma ‘yassetāni nimittāni paññāyanti, ekantena so buddho hoti’, tvaṃ attano vīriyaṃ daḷhaṃ katvā paggaṇhā’’ti bodhisattaṃ nānappakārāhi thutīhi abhitthuniṃsu. Tena vuttaṃ –

    ‘‘ид̣̇ам̣ суд̇ваана важанам̣, асамасса махзсино;

    ‘‘Idaṃ sutvāna vacanaṃ, asamassa mahesino;

    аамод̣̇ид̇аа нарамаруу, б̣уд̣̇д̇хаб̣ийж̇ам̣ гира аяам̣.

    Āmoditā naramarū, buddhabījaṃ kira ayaṃ.

    ‘уггудтисад̣̇д̣̇аа вад̇д̇анд̇и, абподзнд̇и хасанд̇и жа;

    ‘Ukkuṭṭhisaddā vattanti, apphoṭenti hasanti ca;

    гад̇ан̃ж̇алий намассанд̇и, д̣̇асасахассий сад̣̇звагаа.

    Katañjalī namassanti, dasasahassī sadevakā.

    ‘яад̣̇имасса логанаат̇асса, вираж̇жхиссаама саасанам̣;

    ‘Yadimassa lokanāthassa, virajjhissāma sāsanaṃ;

    анааг̇ад̇амхи ад̣̇д̇хаанз, хзссаама саммукаа имам̣.

    Anāgatamhi addhāne, hessāma sammukhā imaṃ.

    ‘яат̇аа мануссаа над̣̇им̣ д̇аранд̇аа, бадибхид̇т̇ам̣ вираж̇жхияа;

    ‘Yathā manussā nadiṃ tarantā, paṭibhitthaṃ virajjhiya;

    хздтаад̇ид̇т̇з г̇ахзд̇ваана, уд̇д̇аранд̇и махаанад̣̇им̣.

    Heṭṭhātitthe gahetvāna, uttaranti mahānadiṃ.

    ‘звамзва маяам̣ саб̣б̣з, яад̣̇и мун̃жаамимам̣ ж̇инам̣;

    ‘Evameva mayaṃ sabbe, yadi muñcāmimaṃ jinaṃ;

    анааг̇ад̇амхи ад̣̇д̇хаанз, хзссаама саммукаа имам̣’.

    Anāgatamhi addhāne, hessāma sammukhā imaṃ’.

    ‘д̣̇ийбан̇гаро логавид̣̇уу, аахуд̇ийнам̣ бадиг̇г̇ахо;

    ‘Dīpaṅkaro lokavidū, āhutīnaṃ paṭiggaho;

    мама гаммам̣ багид̇д̇зд̇ваа, д̣̇агкин̣ам̣ баад̣̇амуд̣̇д̇хари.

    Mama kammaṃ pakittetvā, dakkhiṇaṃ pādamuddhari.

    ‘яз д̇ад̇т̇аасум̣ ж̇инабуд̇д̇аа, саб̣б̣з бад̣̇агкин̣амагам̣су мам̣;

    ‘Ye tatthāsuṃ jinaputtā, sabbe padakkhiṇamakaṃsu maṃ;

    нараа нааг̇аа жа г̇анд̇хаб̣б̣аа, абхиваад̣̇зд̇ваана баггамум̣.

    Narā nāgā ca gandhabbā, abhivādetvāna pakkamuṃ.

    ‘д̣̇ассанам̣ мз ад̇игганд̇з, сасан̇гхз логанааяагз;

    ‘Dassanaṃ me atikkante, sasaṅghe lokanāyake;

    хадтад̇удтзна жид̇д̇зна, аасанаа вудтахим̣ д̇ад̣̇аа.

    Haṭṭhatuṭṭhena cittena, āsanā vuṭṭhahiṃ tadā.

    ‘сукзна сукид̇о хоми, баамож̇ж̇зна бамод̣̇ид̇о;

    ‘Sukhena sukhito homi, pāmojjena pamodito;

    бийд̇ияаа жа абхиссанно, баллан̇гам̣ аабхуж̇им̣ д̇ад̣̇аа.

    Pītiyā ca abhissanno, pallaṅkaṃ ābhujiṃ tadā.

    ‘баллан̇гзна нисийд̣̇ид̇ваа, звам̣ жинд̇зсахам̣ д̇ад̣̇аа;

    ‘Pallaṅkena nisīditvā, evaṃ cintesahaṃ tadā;

    ‘васийбхууд̇о ахам̣ жхаанз, абхин̃н̃аасу баарамим̣ г̇ад̇о.

    ‘Vasībhūto ahaṃ jhāne, abhiññāsu pāramiṃ gato.

    ‘сахассияамхи логамхи, исаяо над̇т̇и мз самаа;

    ‘Sahassiyamhi lokamhi, isayo natthi me samā;

    асамо ид̣̇д̇хид̇хаммзсу, алабхим̣ ийд̣̇исам̣ сукам̣’.

    Asamo iddhidhammesu, alabhiṃ īdisaṃ sukhaṃ’.

    ‘баллан̇гаабхуж̇анз маяхам̣, д̣̇асасахассаад̇хиваасино;

    ‘Pallaṅkābhujane mayhaṃ, dasasahassādhivāsino;

    махаанаад̣̇ам̣ бавад̇д̇зсум̣, д̇хувам̣ б̣уд̣̇д̇хо бхависсаси.

    Mahānādaṃ pavattesuṃ, dhuvaṃ buddho bhavissasi.

    ‘яаа буб̣б̣з б̣од̇хисад̇д̇аанам̣, баллан̇гаварамаабхуж̇з;

    ‘Yā pubbe bodhisattānaṃ, pallaṅkavaramābhuje;

    нимид̇д̇аани бад̣̇иссанд̇и, д̇аани аж̇ж̇а бад̣̇иссарз.

    Nimittāni padissanti, tāni ajja padissare.

    ‘сийд̇ам̣ б̣яабаг̇ад̇ам̣ ход̇и, ун̣хан̃жа убасаммад̇и;

    ‘Sītaṃ byapagataṃ hoti, uṇhañca upasammati;

    д̇аани аж̇ж̇а бад̣̇иссанд̇и, д̇хувам̣ б̣уд̣̇д̇хо бхависсаси.

    Tāni ajja padissanti, dhuvaṃ buddho bhavissasi.

    ‘д̣̇асасахассий логад̇хаад̇уу, ниссад̣̇д̣̇аа хонд̇и нираагулаа;

    ‘Dasasahassī lokadhātū, nissaddā honti nirākulā;

    д̇аани аж̇ж̇а бад̣̇иссанд̇и, д̇хувам̣ б̣уд̣̇д̇хо бхависсаси.

    Tāni ajja padissanti, dhuvaṃ buddho bhavissasi.

    ‘махааваад̇аа на вааяанд̇и, на санд̣̇анд̇и саванд̇ияо;

    ‘Mahāvātā na vāyanti, na sandanti savantiyo;

    д̇аани аж̇ж̇а бад̣̇иссанд̇и, д̇хувам̣ б̣уд̣̇д̇хо бхависсаси.

    Tāni ajja padissanti, dhuvaṃ buddho bhavissasi.

    ‘т̇алаж̇аа д̣̇агаж̇аа бубпаа, саб̣б̣з бубпанд̇и д̇аавад̣̇з;

    ‘Thalajā dakajā pupphā, sabbe pupphanti tāvade;

    д̇збаж̇ж̇а бубпид̇аа саб̣б̣з, д̇хувам̣ б̣уд̣̇д̇хо бхависсаси.

    Tepajja pupphitā sabbe, dhuvaṃ buddho bhavissasi.

    ‘лад̇аа ваа яад̣̇и ваа ругкаа, палабхаараа хонд̇и д̇аавад̣̇з;

    ‘Latā vā yadi vā rukkhā, phalabhārā honti tāvade;

    д̇збаж̇ж̇а палид̇аа саб̣б̣з, д̇хувам̣ б̣уд̣̇д̇хо бхависсаси.

    Tepajja phalitā sabbe, dhuvaṃ buddho bhavissasi.

    ‘аагаасадтаа жа бхуумадтаа, рад̇анаа ж̇од̇анд̇и д̇аавад̣̇з;

    ‘Ākāsaṭṭhā ca bhūmaṭṭhā, ratanā jotanti tāvade;

    д̇збаж̇ж̇а рад̇анаа ж̇од̇анд̇и, д̇хувам̣ б̣уд̣̇д̇хо бхависсаси.

    Tepajja ratanā jotanti, dhuvaṃ buddho bhavissasi.

    ‘маанусагаа жа д̣̇иб̣б̣аа жа, д̇урияаа важ̇ж̇анд̇и д̇аавад̣̇з;

    ‘Mānusakā ca dibbā ca, turiyā vajjanti tāvade;

    д̇збаж̇ж̇убхо абхираванд̇и, д̇хувам̣ б̣уд̣̇д̇хо бхависсаси.

    Tepajjubho abhiravanti, dhuvaṃ buddho bhavissasi.

    ‘вижид̇д̇абубпаа г̇аг̇анаа, абхивассанд̇и д̇аавад̣̇з;

    ‘Vicittapupphā gaganā, abhivassanti tāvade;

    д̇зби аж̇ж̇а бавассанд̇и, д̇хувам̣ б̣уд̣̇д̇хо бхависсаси.

    Tepi ajja pavassanti, dhuvaṃ buddho bhavissasi.

    ‘махаасамуд̣̇д̣̇о аабхуж̇ад̇и, д̣̇асасахассий багамбад̇и;

    ‘Mahāsamuddo ābhujati, dasasahassī pakampati;

    д̇збаж̇ж̇убхо абхираванд̇и, д̇хувам̣ б̣уд̣̇д̇хо бхависсаси.

    Tepajjubho abhiravanti, dhuvaṃ buddho bhavissasi.

    ‘нираязби д̣̇асасахассз, аг̇г̇ий ниб̣б̣анд̇и д̇аавад̣̇з;

    ‘Nirayepi dasasahasse, aggī nibbanti tāvade;

    д̇збаж̇ж̇а ниб̣б̣уд̇аа аг̇г̇ий, д̇хувам̣ б̣уд̣̇д̇хо бхависсаси.

    Tepajja nibbutā aggī, dhuvaṃ buddho bhavissasi.

    ‘вимало ход̇и суурияо, саб̣б̣аа д̣̇иссанд̇и д̇аарагаа;

    ‘Vimalo hoti sūriyo, sabbā dissanti tārakā;

    д̇зби аж̇ж̇а бад̣̇иссанд̇и, д̇хувам̣ б̣уд̣̇д̇хо бхависсаси.

    Tepi ajja padissanti, dhuvaṃ buddho bhavissasi.

    ‘ановадтзна уд̣̇агам̣, махияаа уб̣бхиж̇ж̇и д̇аавад̣̇з;

    ‘Anovaṭṭhena udakaṃ, mahiyā ubbhijji tāvade;

    д̇амбаж̇ж̇уб̣бхиж̇ж̇ад̇з махияаа, д̇хувам̣ б̣уд̣̇д̇хо бхависсаси.

    Tampajjubbhijjate mahiyā, dhuvaṃ buddho bhavissasi.

    ‘д̇аарааг̇ан̣аа вирожанд̇и, нагкад̇д̇аа г̇аг̇анаман̣д̣алз;

    ‘Tārāgaṇā virocanti, nakkhattā gaganamaṇḍale;

    висаакаа жанд̣̇имааяуд̇д̇аа, д̇хувам̣ б̣уд̣̇д̇хо бхависсаси.

    Visākhā candimāyuttā, dhuvaṃ buddho bhavissasi.

    ‘б̣илаасаяаа д̣̇арийсаяаа, нигкаманд̇и сагаасаяаа;

    ‘Bilāsayā darīsayā, nikkhamanti sakāsayā;

    д̇збаж̇ж̇а аасаяаа чуд̣̇д̇хаа, д̇хувам̣ б̣уд̣̇д̇хо бхависсаси.

    Tepajja āsayā chuddhā, dhuvaṃ buddho bhavissasi.

    ‘на ход̇и арад̇и сад̇д̇аанам̣, санд̇удтаа хонд̇и д̇аавад̣̇з;

    ‘Na hoti arati sattānaṃ, santuṭṭhā honti tāvade;

    д̇збаж̇ж̇а саб̣б̣з санд̇удтаа, д̇хувам̣ б̣уд̣̇д̇хо бхависсаси.

    Tepajja sabbe santuṭṭhā, dhuvaṃ buddho bhavissasi.

    ‘рог̇аа д̇ад̣̇уубасамманд̇и, ж̇игхажчаа жа винассад̇и;

    ‘Rogā tadūpasammanti, jighacchā ca vinassati;

    д̇аанибаж̇ж̇а бад̣̇иссанд̇и, д̇хувам̣ б̣уд̣̇д̇хо бхависсаси.

    Tānipajja padissanti, dhuvaṃ buddho bhavissasi.

    ‘рааг̇о д̇ад̣̇аа д̇ану ход̇и, д̣̇осо мохо винассад̇и;

    ‘Rāgo tadā tanu hoti, doso moho vinassati;

    д̇збаж̇ж̇а виг̇ад̇аа саб̣б̣з, д̇хувам̣ б̣уд̣̇д̇хо бхависсаси.

    Tepajja vigatā sabbe, dhuvaṃ buddho bhavissasi.

    ‘бхаяам̣ д̇ад̣̇аа на бхавад̇и, аж̇ж̇абзд̇ам̣ бад̣̇иссад̇и;

    ‘Bhayaṃ tadā na bhavati, ajjapetaṃ padissati;

    д̇зна лин̇г̇зна ж̇аанаама, д̇хувам̣ б̣уд̣̇д̇хо бхависсаси.

    Tena liṅgena jānāma, dhuvaṃ buddho bhavissasi.

    ‘раж̇о нуд̣̇д̇хам̣сад̇и уд̣̇д̇хам̣, аж̇ж̇абзд̇ам̣ бад̣̇иссад̇и;

    ‘Rajo nuddhaṃsati uddhaṃ, ajjapetaṃ padissati;

    д̇зна лин̇г̇зна ж̇аанаама, д̇хувам̣ б̣уд̣̇д̇хо бхависсаси.

    Tena liṅgena jānāma, dhuvaṃ buddho bhavissasi.

    ‘анидтаг̇анд̇хо баггамад̇и, д̣̇идтаг̇анд̇хо бавааяад̇и;

    ‘Aniṭṭhagandho pakkamati, diṭṭhagandho pavāyati;

    собаж̇ж̇а вааяад̇и г̇анд̇хо, д̇хувам̣ б̣уд̣̇д̇хо бхависсаси.

    Sopajja vāyati gandho, dhuvaṃ buddho bhavissasi.

    ‘саб̣б̣з д̣̇зваа бад̣̇иссанд̇и, табаяид̇ваа аруубино;

    ‘Sabbe devā padissanti, ṭhapayitvā arūpino;

    д̇збаж̇ж̇а саб̣б̣з д̣̇иссанд̇и, д̇хувам̣ б̣уд̣̇д̇хо бхависсаси.

    Tepajja sabbe dissanti, dhuvaṃ buddho bhavissasi.

    ‘яаавад̇аа нираяаа наама, саб̣б̣з д̣̇иссанд̇и д̇аавад̣̇з;

    ‘Yāvatā nirayā nāma, sabbe dissanti tāvade;

    д̇збаж̇ж̇а саб̣б̣з д̣̇иссанд̇и, д̇хувам̣ б̣уд̣̇д̇хо бхависсаси.

    Tepajja sabbe dissanti, dhuvaṃ buddho bhavissasi.

    ‘гуддаа гаваадаа сзлаа жа, на хонд̇ааваран̣аа д̇ад̣̇аа;

    ‘Kuṭṭā kavāṭā selā ca, na hontāvaraṇā tadā;

    аагаасабхууд̇аа д̇збаж̇ж̇а, д̇хувам̣ б̣уд̣̇д̇хо бхависсаси.

    Ākāsabhūtā tepajja, dhuvaṃ buddho bhavissasi.

    ‘жуд̇ий жа убабад̇д̇и жа, кан̣з д̇асмим̣ на виж̇ж̇ад̇и;

    ‘Cutī ca upapatti ca, khaṇe tasmiṃ na vijjati;

    д̇аанибаж̇ж̇а бад̣̇иссанд̇и, д̇хувам̣ б̣уд̣̇д̇хо бхависсаси.

    Tānipajja padissanti, dhuvaṃ buddho bhavissasi.

    ‘д̣̇ал̣хам̣ баг̇г̇ан̣ха вийрияам̣, маа нивад̇д̇а абхиггама;

    ‘Daḷhaṃ paggaṇha vīriyaṃ, mā nivatta abhikkama;

    маяамбзд̇ам̣ виж̇аанаама, д̇хувам̣ б̣уд̣̇д̇хо бхависсасий’’’д̇и.

    Mayampetaṃ vijānāma, dhuvaṃ buddho bhavissasī’’’ti.

    б̣од̇хисад̇д̇о д̣̇ийбан̇гарад̣̇асаб̣аласса жа д̣̇асасахассажаггаваал̣ад̣̇звад̇аанан̃жа важанам̣ суд̇ваа бхияяосо мад̇д̇ааяа сан̃ж̇аад̇уссаахо худ̇ваа жинд̇зси ‘‘б̣уд̣̇д̇хаа наама амогхаважанаа, над̇т̇и б̣уд̣̇д̇хаанам̣ гат̇ааяа ан̃н̃ат̇ад̇д̇ам̣. яат̇аа хи аагаасз кид̇д̇алзд̣д̣усса бад̇анам̣ д̇хувам̣, ж̇аад̇асса маран̣ам̣ д̇хувам̣, арун̣з уг̇г̇ад̇з суурияассудтаанам̣, аасаяаа нигканд̇асийхасса сийханаад̣̇анад̣̇анам̣, г̇аруг̇аб̣бхааяа ид̇т̇ияаа бхаараморобанам̣ авассам̣бхаавий, звамзва б̣уд̣̇д̇хаанам̣ важанам̣ наама д̇хувам̣ амогхам̣, ад̣̇д̇хаа ахам̣ б̣уд̣̇д̇хо бхависсаамий’’д̇и. д̇зна вуд̇д̇ам̣ –

    Bodhisatto dīpaṅkaradasabalassa ca dasasahassacakkavāḷadevatānañca vacanaṃ sutvā bhiyyoso mattāya sañjātussāho hutvā cintesi ‘‘buddhā nāma amoghavacanā, natthi buddhānaṃ kathāya aññathattaṃ. Yathā hi ākāse khittaleḍḍussa patanaṃ dhuvaṃ, jātassa maraṇaṃ dhuvaṃ, aruṇe uggate sūriyassuṭṭhānaṃ, āsayā nikkhantasīhassa sīhanādanadanaṃ, garugabbhāya itthiyā bhāramoropanaṃ avassaṃbhāvī, evameva buddhānaṃ vacanaṃ nāma dhuvaṃ amoghaṃ, addhā ahaṃ buddho bhavissāmī’’ti. Tena vuttaṃ –

    ‘‘б̣уд̣̇д̇хасса важанам̣ суд̇ваа, д̣̇асасахассийна жуубхаяам̣;

    ‘‘Buddhassa vacanaṃ sutvā, dasasahassīna cūbhayaṃ;

    д̇удтахадто бамод̣̇ид̇о, звам̣ жинд̇зсахам̣ д̇ад̣̇аа.

    Tuṭṭhahaṭṭho pamodito, evaṃ cintesahaṃ tadā.

    ‘‘ад̣̇взж̇жхаважанаа б̣уд̣̇д̇хаа, амогхаважанаа ж̇инаа;

    ‘‘Advejjhavacanā buddhā, amoghavacanā jinā;

    вид̇ат̇ам̣ над̇т̇и б̣уд̣̇д̇хаанам̣, д̇хувам̣ б̣уд̣̇д̇хо бхаваамахам̣.

    Vitathaṃ natthi buddhānaṃ, dhuvaṃ buddho bhavāmahaṃ.

    ‘‘яат̇аа кид̇д̇ам̣ набхз лзд̣д̣у, д̇хувам̣ бад̇ад̇и бхуумияам̣;

    ‘‘Yathā khittaṃ nabhe leḍḍu, dhuvaṃ patati bhūmiyaṃ;

    д̇ат̇зва б̣уд̣̇д̇хасздтаанам̣, важанам̣ д̇хувасассад̇ам̣.

    Tatheva buddhaseṭṭhānaṃ, vacanaṃ dhuvasassataṃ.

    ‘‘яат̇ааби саб̣б̣асад̇д̇аанам̣, маран̣ам̣ д̇хувасассад̇ам̣;

    ‘‘Yathāpi sabbasattānaṃ, maraṇaṃ dhuvasassataṃ;

    д̇ат̇зва б̣уд̣̇д̇хасздтаанам̣, важанам̣ д̇хувасассад̇ам̣.

    Tatheva buddhaseṭṭhānaṃ, vacanaṃ dhuvasassataṃ.

    ‘‘яат̇аа рад̇д̇игкаяз бад̇д̇з, суурияуг̇г̇аманам̣ д̇хувам̣;

    ‘‘Yathā rattikkhaye patte, sūriyuggamanaṃ dhuvaṃ;

    д̇ат̇зва б̣уд̣̇д̇хасздтаанам̣, важанам̣ д̇хувасассад̇ам̣.

    Tatheva buddhaseṭṭhānaṃ, vacanaṃ dhuvasassataṃ.

    ‘‘яат̇аа нигканд̇асаяанасса, сийхасса над̣̇анам̣ д̇хувам̣;

    ‘‘Yathā nikkhantasayanassa, sīhassa nadanaṃ dhuvaṃ;

    д̇ат̇зва б̣уд̣̇д̇хасздтаанам̣, важанам̣ д̇хувасассад̇ам̣.

    Tatheva buddhaseṭṭhānaṃ, vacanaṃ dhuvasassataṃ.

    ‘‘яат̇аа аабаннасад̇д̇аанам̣, бхаараморобанам̣ д̇хувам̣;

    ‘‘Yathā āpannasattānaṃ, bhāramoropanaṃ dhuvaṃ;

    д̇ат̇зва б̣уд̣̇д̇хасздтаанам̣, важанам̣ д̇хувасассад̇а’’нд̇и.

    Tatheva buddhaseṭṭhānaṃ, vacanaṃ dhuvasassata’’nti.

    со ‘‘д̇хуваахам̣ б̣уд̣̇д̇хо бхависсаамий’’д̇и звам̣ гад̇асаннидтаано б̣уд̣̇д̇хагаарагз д̇хаммз убад̇хаарзд̇ум̣ ‘‘гахам̣ ну ко б̣уд̣̇д̇хагаарагад̇хаммаа, гим̣ уд̣̇д̇хам̣, уд̣̇ааху ад̇хо, д̣̇исаасу, вид̣̇исаасуу’’д̇и ануггамзна сагалам̣ д̇хаммад̇хаад̇ум̣ вижинанд̇о бораан̣агаб̣од̇хисад̇д̇зхи аасзвид̇анисзвид̇ам̣ батамам̣ д̣̇аанабаарамим̣ д̣̇исваа звам̣ ад̇д̇аанам̣ овад̣̇и – ‘‘сумзд̇хабан̣д̣ид̇а, д̇вам̣ ид̇о бадтааяа батамам̣ д̣̇аанабаарамим̣ буурзяяааси. яат̇аа хи ниггуж̇ж̇ид̇о уд̣̇агагумбхо ниссзсам̣ гад̇ваа уд̣̇агам̣ вамад̇иязва, на бажжаахарад̇и, звамзва д̇ханам̣ ваа яасам̣ ваа буд̇д̇ам̣ ваа д̣̇аарам̣ ваа ан̇г̇абажжан̇г̇ам̣ ваа анологзд̇ваа самбад̇д̇аяаажагаанам̣ саб̣б̣ам̣ ижчид̇ижчид̇ам̣ ниссзсам̣ гад̇ваа д̣̇ад̣̇амаано б̣од̇хиругкамуулз нисийд̣̇ид̇ваа б̣уд̣̇д̇хо бхависсасий’’д̇и батамам̣ д̣̇аанабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    So ‘‘dhuvāhaṃ buddho bhavissāmī’’ti evaṃ katasanniṭṭhāno buddhakārake dhamme upadhāretuṃ ‘‘kahaṃ nu kho buddhakārakadhammā, kiṃ uddhaṃ, udāhu adho, disāsu, vidisāsū’’ti anukkamena sakalaṃ dhammadhātuṃ vicinanto porāṇakabodhisattehi āsevitanisevitaṃ paṭhamaṃ dānapāramiṃ disvā evaṃ attānaṃ ovadi – ‘‘sumedhapaṇḍita, tvaṃ ito paṭṭhāya paṭhamaṃ dānapāramiṃ pūreyyāsi. Yathā hi nikkujjito udakakumbho nissesaṃ katvā udakaṃ vamatiyeva, na paccāharati, evameva dhanaṃ vā yasaṃ vā puttaṃ vā dāraṃ vā aṅgapaccaṅgaṃ vā anoloketvā sampattayācakānaṃ sabbaṃ icchiticchitaṃ nissesaṃ katvā dadamāno bodhirukkhamūle nisīditvā buddho bhavissasī’’ti paṭhamaṃ dānapāramiṃ daḷhaṃ katvā adhiṭṭhāsi. Tena vuttaṃ –

    ‘‘ханд̣̇а б̣уд̣̇д̇хагарз д̇хаммз, вижинаами ид̇о жид̇о;

    ‘‘Handa buddhakare dhamme, vicināmi ito cito;

    уд̣̇д̇хам̣ ад̇хо д̣̇аса д̣̇исаа, яаавад̇аа д̇хаммад̇хаад̇уяаа.

    Uddhaṃ adho dasa disā, yāvatā dhammadhātuyā.

    ‘‘вижинанд̇о д̇ад̣̇аад̣̇агким̣, батамам̣ д̣̇аанабаарамим̣;

    ‘‘Vicinanto tadādakkhiṃ, paṭhamaṃ dānapāramiṃ;

    буб̣б̣агзхи махзсийхи, анужин̣н̣ам̣ махаабат̇ам̣.

    Pubbakehi mahesīhi, anuciṇṇaṃ mahāpathaṃ.

    ‘‘имам̣ д̇вам̣ батамам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ paṭhamaṃ tāva, daḷhaṃ katvā samādiya;

    д̣̇аанабаарамид̇ам̣ г̇ажча, яад̣̇и б̣од̇хим̣ бад̇д̇умижчаси.

    Dānapāramitaṃ gaccha, yadi bodhiṃ pattumicchasi.

    ‘‘яат̇ааби гумбхо самбун̣н̣о, яасса гассажи ад̇хогад̇о;

    ‘‘Yathāpi kumbho sampuṇṇo, yassa kassaci adhokato;

    вамад̇звуд̣̇агам̣ ниссзсам̣, на д̇ад̇т̇а барирагкад̇и.

    Vamatevudakaṃ nissesaṃ, na tattha parirakkhati.

    ‘‘д̇ат̇зва яаажагз д̣̇исваа, хийнамуггадтамаж̇жхимз;

    ‘‘Tatheva yācake disvā, hīnamukkaṭṭhamajjhime;

    д̣̇ад̣̇аахи д̣̇аанам̣ ниссзсам̣, гумбхо вияа ад̇хогад̇о’’д̇и.

    Dadāhi dānaṃ nissesaṃ, kumbho viya adhokato’’ti.

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇ариби убад̇хаараяад̇о д̣̇уд̇ияам̣ сийлабаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа сийлабаарамимби буурзяяааси. яат̇аа хи жамариймиг̇о наама ж̇ийвид̇амби анологзд̇ваа ад̇д̇ано вааламзва рагкад̇и, звам̣ д̇вамби ид̇о бадтааяа ж̇ийвид̇амби анологзд̇ваа сийламзва рагканд̇о б̣уд̣̇д̇хо бхависсасий’’д̇и д̣̇уд̇ияам̣ сийлабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttaripi upadhārayato dutiyaṃ sīlapāramiṃ disvā etadahosi – ‘‘sumedhapaṇḍita, tvaṃ ito paṭṭhāya sīlapāramimpi pūreyyāsi. Yathā hi camarīmigo nāma jīvitampi anoloketvā attano vālameva rakkhati, evaṃ tvampi ito paṭṭhāya jīvitampi anoloketvā sīlameva rakkhanto buddho bhavissasī’’ti dutiyaṃ sīlapāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аад̣̇агким̣, д̣̇уд̇ияам̣ сийлабаарамим̣;

    ‘‘Vicinanto tadādakkhiṃ, dutiyaṃ sīlapāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ д̣̇уд̇ияам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ dutiyaṃ tāva, daḷhaṃ katvā samādiya;

    сийлабаарамид̇ам̣ г̇ажча, яад̣̇и б̣од̇хим̣ бад̇д̇умижчаси.

    Sīlapāramitaṃ gaccha, yadi bodhiṃ pattumicchasi.

    ‘‘яат̇ааби жамарий ваалам̣, гисмин̃жи бадилаг̇г̇ид̇ам̣;

    ‘‘Yathāpi camarī vālaṃ, kismiñci paṭilaggitaṃ;

    убзд̇и маран̣ам̣ д̇ад̇т̇а, на вигобзд̇и ваалад̇хим̣.

    Upeti maraṇaṃ tattha, na vikopeti vāladhiṃ.

    ‘‘д̇ат̇зва жад̇уусу , бхуумийсу, сийлаани барибуураяа;

    ‘‘Tatheva catūsu , bhūmīsu, sīlāni paripūraya;

    барирагка саб̣б̣ад̣̇аа сийлам̣, жамарий вияа ваалад̇хи’’нд̇и.

    Parirakkha sabbadā sīlaṃ, camarī viya vāladhi’’nti.

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇ариби убад̇хаараяад̇о д̇ад̇ияам̣ нзгкаммабаарамим̣ д̣̇исваа зд̇ад̣̇ахоси ‘‘сумзд̇хабан̣д̣ид̇а, д̇вам̣ ид̇о бадтааяа нзгкаммабаарамимби буурзяяааси. яат̇аа хи жирам̣ б̣анд̇ханааг̇аарз васамаано бурисо на д̇ад̇т̇а синзхам̣ гарод̇и, ат̇а ко угган̣тид̇оязва авасид̇угаамо ход̇и, звамзва д̇вамби саб̣б̣абхавз б̣анд̇ханааг̇аарасад̣̇исз гад̇ваа саб̣б̣абхавзхи угган̣тид̇о мужжид̇угаамо худ̇ваа нзгкаммаабхимукова хохи, звам̣ б̣уд̣̇д̇хо бхависсасий’’д̇и д̇ад̇ияам̣ нзгкаммабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttaripi upadhārayato tatiyaṃ nekkhammapāramiṃ disvā etadahosi ‘‘sumedhapaṇḍita, tvaṃ ito paṭṭhāya nekkhammapāramimpi pūreyyāsi. Yathā hi ciraṃ bandhanāgāre vasamāno puriso na tattha sinehaṃ karoti, atha kho ukkaṇṭhitoyeva avasitukāmo hoti, evameva tvampi sabbabhave bandhanāgārasadise katvā sabbabhavehi ukkaṇṭhito muccitukāmo hutvā nekkhammābhimukhova hohi, evaṃ buddho bhavissasī’’ti tatiyaṃ nekkhammapāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аад̣̇агким̣, д̇ад̇ияам̣ нзгкаммабаарамим̣;

    ‘‘Vicinanto tadādakkhiṃ, tatiyaṃ nekkhammapāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ д̇ад̇ияам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ tatiyaṃ tāva, daḷhaṃ katvā samādiya;

    нзгкаммабаарамид̇ам̣ г̇ажча, яад̣̇и б̣од̇хим̣ бад̇д̇умижчаси.

    Nekkhammapāramitaṃ gaccha, yadi bodhiṃ pattumicchasi.

    ‘‘яат̇аа анд̣̇угхарз бурисо, жиравуд̇т̇о д̣̇укаддид̇о;

    ‘‘Yathā andughare puriso, ciravuttho dukhaṭṭito;

    на д̇ад̇т̇а рааг̇ам̣ ж̇анзд̇и, муд̇д̇имзва г̇авзсад̇и.

    Na tattha rāgaṃ janeti, muttimeva gavesati.

    ‘‘д̇ат̇зва д̇вам̣ саб̣б̣абхавз, басса анд̣̇угхарз вияа;

    ‘‘Tatheva tvaṃ sabbabhave, passa andughare viya;

    нзгкаммаабхимуко хохи, бхавад̇о баримуд̇д̇ияаа’’д̇и.

    Nekkhammābhimukho hohi, bhavato parimuttiyā’’ti.

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇ариби убад̇хаараяад̇о жад̇уд̇т̇ам̣ бан̃н̃аабаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа бан̃н̃аабаарамимби буурзяяааси. хийнамаж̇жхимуггадтзсу ган̃жи аваж̇ж̇зд̇ваа саб̣б̣зби бан̣д̣ид̇з убасан̇гамид̇ваа бан̃хам̣ бужчзяяааси. яат̇аа хи бин̣д̣ажаариго бхигку хийнаад̣̇игзсу гулзсу гин̃жи аваж̇ж̇зд̇ваа бадибаадияаа бин̣д̣ааяа жаранд̇о киббам̣ яаабанам̣ лабхад̇и, звам̣ д̇вамби саб̣б̣абан̣д̣ид̇з убасан̇гамид̇ваа бан̃хам̣ бужчанд̇о б̣уд̣̇д̇хо бхависсасий’’д̇и жад̇уд̇т̇ам̣ бан̃н̃аабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttaripi upadhārayato catutthaṃ paññāpāramiṃ disvā etadahosi – ‘‘sumedhapaṇḍita, tvaṃ ito paṭṭhāya paññāpāramimpi pūreyyāsi. Hīnamajjhimukkaṭṭhesu kañci avajjetvā sabbepi paṇḍite upasaṅkamitvā pañhaṃ puccheyyāsi. Yathā hi piṇḍacāriko bhikkhu hīnādikesu kulesu kiñci avajjetvā paṭipāṭiyā piṇḍāya caranto khippaṃ yāpanaṃ labhati, evaṃ tvampi sabbapaṇḍite upasaṅkamitvā pañhaṃ pucchanto buddho bhavissasī’’ti catutthaṃ paññāpāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аад̣̇агким̣, жад̇уд̇т̇ам̣ бан̃н̃аабаарамим̣;

    ‘‘Vicinanto tadādakkhiṃ, catutthaṃ paññāpāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ жад̇уд̇т̇ам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ catutthaṃ tāva, daḷhaṃ katvā samādiya;

    бан̃н̃аабаарамид̇ам̣ г̇ажча, яад̣̇и б̣од̇хим̣ бад̇д̇умижчаси.

    Paññāpāramitaṃ gaccha, yadi bodhiṃ pattumicchasi.

    ‘‘яат̇ааби бхигку бхигканд̇о, хийнамуггадтамаж̇жхимз;

    ‘‘Yathāpi bhikkhu bhikkhanto, hīnamukkaṭṭhamajjhime;

    гулаани на виваж̇ж̇знд̇о, звам̣ лабхад̇и яаабанам̣.

    Kulāni na vivajjento, evaṃ labhati yāpanaṃ.

    ‘‘д̇ат̇зва д̇вам̣ саб̣б̣агаалам̣, барибужчанд̇о б̣уд̇хам̣ ж̇анам̣;

    ‘‘Tatheva tvaṃ sabbakālaṃ, paripucchanto budhaṃ janaṃ;

    бан̃н̃аабаарамид̇ам̣ г̇анд̇ваа, самб̣од̇хим̣ баабун̣иссасий’’д̇и.

    Paññāpāramitaṃ gantvā, sambodhiṃ pāpuṇissasī’’ti.

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇ариби убад̇хаараяад̇о бан̃жамам̣ вийрияабаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа вийрияабаарамимби буурзяяааси. яат̇аа хи сийхо миг̇арааж̇аа саб̣б̣аирияаабат̇зсу д̣̇ал̣хавийрияо ход̇и, звам̣ д̇вамби саб̣б̣абхавзсу саб̣б̣аирияаабат̇зсу д̣̇ал̣хавийрияо анолийнавийрияо самаано б̣уд̣̇д̇хо бхависсасий’’д̇и бан̃жамам̣ вийрияабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttaripi upadhārayato pañcamaṃ vīriyapāramiṃ disvā etadahosi – ‘‘sumedhapaṇḍita, tvaṃ ito paṭṭhāya vīriyapāramimpi pūreyyāsi. Yathā hi sīho migarājā sabbairiyāpathesu daḷhavīriyo hoti, evaṃ tvampi sabbabhavesu sabbairiyāpathesu daḷhavīriyo anolīnavīriyo samāno buddho bhavissasī’’ti pañcamaṃ vīriyapāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аад̣̇агким̣, бан̃жамам̣ вийрияабаарамим̣;

    ‘‘Vicinanto tadādakkhiṃ, pañcamaṃ vīriyapāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ бан̃жамам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ pañcamaṃ tāva, daḷhaṃ katvā samādiya;

    вийрияабаарамид̇ам̣ г̇ажча, яад̣̇и б̣од̇хим̣ бад̇д̇умижчаси.

    Vīriyapāramitaṃ gaccha, yadi bodhiṃ pattumicchasi.

    ‘‘яат̇ааби сийхо миг̇арааж̇аа, нисаж̇ж̇адтаанажан̇гамз;

    ‘‘Yathāpi sīho migarājā, nisajjaṭṭhānacaṅkame;

    алийнавийрияо ход̇и, баг̇г̇ахид̇амано сад̣̇аа.

    Alīnavīriyo hoti, paggahitamano sadā.

    ‘‘д̇ат̇зва д̇вам̣ саб̣б̣абхавз, баг̇г̇ан̣ха вийрияам̣ д̣̇ал̣хам̣;

    ‘‘Tatheva tvaṃ sabbabhave, paggaṇha vīriyaṃ daḷhaṃ;

    вийрияабаарамид̇ам̣ г̇анд̇ваа, самб̣од̇хим̣ баабун̣иссасий’’д̇и.

    Vīriyapāramitaṃ gantvā, sambodhiṃ pāpuṇissasī’’ti.

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇ариби убад̇хаараяад̇о чадтам̣ канд̇ибаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа канд̇ибаарамимби буурзяяааси. саммаананзби авамаананзби камова бхавзяяааси. яат̇аа хи бат̇авияам̣ наама сужимби багкибанд̇и асужимби, на д̇зна бат̇авий синзхам̣, на бадигхам̣ гарод̇и, камад̇и сахад̇и ад̇хиваасзд̇иязва, звам̣ д̇вамби саммаананаавамаананагкамова самаано б̣уд̣̇д̇хо бхависсасий’’д̇и чадтам̣ канд̇ибаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttaripi upadhārayato chaṭṭhaṃ khantipāramiṃ disvā etadahosi – ‘‘sumedhapaṇḍita, tvaṃ ito paṭṭhāya khantipāramimpi pūreyyāsi. Sammānanepi avamānanepi khamova bhaveyyāsi. Yathā hi pathaviyaṃ nāma sucimpi pakkhipanti asucimpi, na tena pathavī sinehaṃ, na paṭighaṃ karoti, khamati sahati adhivāsetiyeva, evaṃ tvampi sammānanāvamānanakkhamova samāno buddho bhavissasī’’ti chaṭṭhaṃ khantipāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аад̣̇агким̣, чадтамам̣ канд̇ибаарамим̣;

    ‘‘Vicinanto tadādakkhiṃ, chaṭṭhamaṃ khantipāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ чадтамам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ chaṭṭhamaṃ tāva, daḷhaṃ katvā samādiya;

    д̇ад̇т̇а ад̣̇взж̇жхамаанасо, самб̣од̇хим̣ баабун̣иссаси.

    Tattha advejjhamānaso, sambodhiṃ pāpuṇissasi.

    ‘‘яат̇ааби бат̇авий наама, сужимби асужимби жа;

    ‘‘Yathāpi pathavī nāma, sucimpi asucimpi ca;

    саб̣б̣ам̣ сахад̇и нигкзбам̣, на гарод̇и бадигхам̣ д̇аяаа.

    Sabbaṃ sahati nikkhepaṃ, na karoti paṭighaṃ tayā.

    ‘‘д̇ат̇зва д̇вамби саб̣б̣зсам̣, саммаанаавамаанагкамо;

    ‘‘Tatheva tvampi sabbesaṃ, sammānāvamānakkhamo;

    канд̇ибаарамид̇ам̣ г̇анд̇ваа, самб̣од̇хим̣ баабун̣иссасий’’д̇и.

    Khantipāramitaṃ gantvā, sambodhiṃ pāpuṇissasī’’ti.

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇ариби убад̇хаараяад̇о сад̇д̇амам̣ сажжабаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа сажжабаарамимби буурзяяааси. асанияаа мад̇т̇агз бад̇амаанааяаби д̇ханаад̣̇ийнам̣ ад̇т̇ааяа чанд̣̇аад̣̇ивасзна самбаж̇аанамусааваад̣̇ам̣ наама маагааси. яат̇аа хи осад̇хид̇аарагаа наама саб̣б̣ауд̇уусу ад̇д̇ано г̇аманавийт̇им̣ ж̇ахид̇ваа ан̃н̃ааяа вийт̇ияаа на г̇ажчад̇и, сагавийт̇ияаава г̇ажчад̇и, звамзва д̇вамби сажжам̣ бахааяа мусааваад̣̇ам̣ наама агаронд̇оязва б̣уд̣̇д̇хо бхависсасий’’д̇и сад̇д̇амам̣ сажжабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttaripi upadhārayato sattamaṃ saccapāramiṃ disvā etadahosi – ‘‘sumedhapaṇḍita, tvaṃ ito paṭṭhāya saccapāramimpi pūreyyāsi. Asaniyā matthake patamānāyapi dhanādīnaṃ atthāya chandādivasena sampajānamusāvādaṃ nāma mākāsi. Yathā hi osadhitārakā nāma sabbautūsu attano gamanavīthiṃ jahitvā aññāya vīthiyā na gacchati, sakavīthiyāva gacchati, evameva tvampi saccaṃ pahāya musāvādaṃ nāma akarontoyeva buddho bhavissasī’’ti sattamaṃ saccapāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аад̣̇агким̣, сад̇д̇амам̣ сажжабаарамим̣;

    ‘‘Vicinanto tadādakkhiṃ, sattamaṃ saccapāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ сад̇д̇амам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ sattamaṃ tāva, daḷhaṃ katvā samādiya;

    д̇ад̇т̇а ад̣̇взж̇жхаважано, самб̣од̇хим̣ баабун̣иссаси.

    Tattha advejjhavacano, sambodhiṃ pāpuṇissasi.

    ‘‘яат̇ааби осад̇хий наама, д̇улаабхууд̇аа сад̣̇звагз;

    ‘‘Yathāpi osadhī nāma, tulābhūtā sadevake;

    самаяз уд̇увассз ваа, на воггамад̇и вийт̇ид̇о.

    Samaye utuvasse vā, na vokkamati vīthito.

    ‘‘д̇ат̇зва д̇вамби сажжзсу, маа воггамаси вийт̇ид̇о;

    ‘‘Tatheva tvampi saccesu, mā vokkamasi vīthito;

    сажжабаарамид̇ам̣ г̇анд̇ваа, самб̣од̇хим̣ баабун̣иссасий’’д̇и.

    Saccapāramitaṃ gantvā, sambodhiṃ pāpuṇissasī’’ti.

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇ариби убад̇хаараяад̇о адтамам̣ ад̇хидтаанабаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа ад̇хидтаанабаарамимби буурзяяааси. яам̣ ад̇хидтааси, д̇асмим̣ ад̇хидтаанз нижжало бхавзяяааси. яат̇аа хи баб̣б̣ад̇о наама саб̣б̣ад̣̇исаасу ваад̇зхи бахадоби на гамбад̇и на жалад̇и, ад̇д̇ано таанзязва д̇идтад̇и, звамзва д̇вамби ад̇д̇ано ад̇хидтаанз нижжало хонд̇ова б̣уд̣̇д̇хо бхависсасий’’д̇и адтамам̣ ад̇хидтаанабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttaripi upadhārayato aṭṭhamaṃ adhiṭṭhānapāramiṃ disvā etadahosi – ‘‘sumedhapaṇḍita, tvaṃ ito paṭṭhāya adhiṭṭhānapāramimpi pūreyyāsi. Yaṃ adhiṭṭhāsi, tasmiṃ adhiṭṭhāne niccalo bhaveyyāsi. Yathā hi pabbato nāma sabbadisāsu vātehi pahaṭopi na kampati na calati, attano ṭhāneyeva tiṭṭhati, evameva tvampi attano adhiṭṭhāne niccalo hontova buddho bhavissasī’’ti aṭṭhamaṃ adhiṭṭhānapāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аад̣̇агким̣, адтамам̣ ад̇хидтаанабаарамим̣;

    ‘‘Vicinanto tadādakkhiṃ, aṭṭhamaṃ adhiṭṭhānapāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ адтамам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ aṭṭhamaṃ tāva, daḷhaṃ katvā samādiya;

    д̇ад̇т̇а д̇вам̣ ажало худ̇ваа, самб̣од̇хим̣ баабун̣иссаси.

    Tattha tvaṃ acalo hutvā, sambodhiṃ pāpuṇissasi.

    ‘‘яат̇ааби баб̣б̣ад̇о сзло, ажало суббад̇идтид̇о;

    ‘‘Yathāpi pabbato selo, acalo suppatiṭṭhito;

    на гамбад̇и бхусаваад̇зхи, сагадтаанзва д̇идтад̇и.

    Na kampati bhusavātehi, sakaṭṭhāneva tiṭṭhati.

    ‘‘д̇ат̇зва д̇вамби ад̇хидтаанз, саб̣б̣ад̣̇аа ажало бхава;

    ‘‘Tatheva tvampi adhiṭṭhāne, sabbadā acalo bhava;

    ад̇хидтаанабаарамид̇ам̣ г̇анд̇ваа, самб̣од̇хим̣ баабун̣иссасий’’д̇и.

    Adhiṭṭhānapāramitaṃ gantvā, sambodhiṃ pāpuṇissasī’’ti.

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇ариби убад̇хаараяад̇о навамам̣ мзд̇д̇аабаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа навамам̣ мзд̇д̇аабаарамимби буурзяяааси. ахид̇зсуби хид̇зсуби згажид̇д̇о бхавзяяааси. яат̇аа хи уд̣̇агам̣ наама баабаж̇анассааби галяаан̣аж̇анассааби сийд̇ибхаавам̣ згасад̣̇исам̣ гад̇ваа парад̇и, звамзва д̇вамби саб̣б̣асад̇д̇зсу мзд̇д̇ажид̇д̇зна згажид̇д̇ова хонд̇о б̣уд̣̇д̇хо бхависсасий’’д̇и навамам̣ мзд̇д̇аабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttaripi upadhārayato navamaṃ mettāpāramiṃ disvā etadahosi – ‘‘sumedhapaṇḍita, tvaṃ ito paṭṭhāya navamaṃ mettāpāramimpi pūreyyāsi. Ahitesupi hitesupi ekacitto bhaveyyāsi. Yathā hi udakaṃ nāma pāpajanassāpi kalyāṇajanassāpi sītibhāvaṃ ekasadisaṃ katvā pharati, evameva tvampi sabbasattesu mettacittena ekacittova honto buddho bhavissasī’’ti navamaṃ mettāpāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аад̣̇агким̣, навамам̣ мзд̇д̇аабаарамим̣;

    ‘‘Vicinanto tadādakkhiṃ, navamaṃ mettāpāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ навамам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ navamaṃ tāva, daḷhaṃ katvā samādiya;

    мзд̇д̇ааяа асамо хохи, яад̣̇и б̣од̇хим̣ бад̇д̇умижчаси.

    Mettāya asamo hohi, yadi bodhiṃ pattumicchasi.

    ‘‘яат̇ааби уд̣̇агам̣ наама, галяаан̣з баабагз ж̇анз;

    ‘‘Yathāpi udakaṃ nāma, kalyāṇe pāpake jane;

    самам̣ парад̇и сийд̇зна, баваахзд̇и раж̇омалам̣.

    Samaṃ pharati sītena, pavāheti rajomalaṃ.

    ‘‘д̇ат̇зва д̇вамби ахид̇ахид̇з, самам̣ мзд̇д̇ааяа бхааваяа;

    ‘‘Tatheva tvampi ahitahite, samaṃ mettāya bhāvaya;

    мзд̇д̇аабаарамид̇ам̣ г̇анд̇ваа, самб̣од̇хим̣ баабун̣иссасий’’д̇и.

    Mettāpāramitaṃ gantvā, sambodhiṃ pāpuṇissasī’’ti.

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇ариби убад̇хаараяад̇о д̣̇асамам̣ убзгкаабаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа убзгкаабаарамимби буурзяяааси. сукзби д̣̇угкзби маж̇жхад̇д̇ова бхавзяяааси. яат̇аа хи бат̇авий наама сужимби асужимби багкиббамаанаа маж̇жхад̇д̇аава ход̇и, звамзва д̇вамби сукад̣̇угкзсу маж̇жхад̇д̇ова хонд̇о б̣уд̣̇д̇хо бхависсасий’’д̇и д̣̇асамам̣ убзгкаабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttaripi upadhārayato dasamaṃ upekkhāpāramiṃ disvā etadahosi – ‘‘sumedhapaṇḍita, tvaṃ ito paṭṭhāya upekkhāpāramimpi pūreyyāsi. Sukhepi dukkhepi majjhattova bhaveyyāsi. Yathā hi pathavī nāma sucimpi asucimpi pakkhippamānā majjhattāva hoti, evameva tvampi sukhadukkhesu majjhattova honto buddho bhavissasī’’ti dasamaṃ upekkhāpāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аад̣̇агким̣, д̣̇асамам̣ убзгкаабаарамим̣;

    ‘‘Vicinanto tadādakkhiṃ, dasamaṃ upekkhāpāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ д̣̇асамам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ dasamaṃ tāva, daḷhaṃ katvā samādiya;

    д̇улаабхууд̇о д̣̇ал̣хо худ̇ваа, самб̣од̇хим̣ баабун̣иссаси.

    Tulābhūto daḷho hutvā, sambodhiṃ pāpuṇissasi.

    ‘‘яат̇ааби бат̇авий наама, нигкид̇д̇ам̣ асужим̣ сужим̣;

    ‘‘Yathāpi pathavī nāma, nikkhittaṃ asuciṃ suciṃ;

    убзгкад̇и убхобзд̇з, гобаанунаяаваж̇ж̇ид̇аа.

    Upekkhati ubhopete, kopānunayavajjitā.

    ‘‘д̇ат̇зва д̇вамби сукад̣̇угкз, д̇улаабхууд̇о сад̣̇аа бхава;

    ‘‘Tatheva tvampi sukhadukkhe, tulābhūto sadā bhava;

    убзгкаабаарамид̇ам̣ г̇анд̇ваа, самб̣од̇хим̣ баабун̣иссасий’’д̇и.

    Upekkhāpāramitaṃ gantvā, sambodhiṃ pāpuṇissasī’’ti.

    д̇ад̇о жинд̇зси – ‘‘имасмим̣ логз б̣од̇хисад̇д̇зхи буурзд̇аб̣б̣аа б̣од̇хибарибаажанаа б̣уд̣̇д̇хагаарагад̇хаммаа зд̇д̇агааязва, д̣̇аса баарамияо табзд̇ваа ан̃н̃з над̇т̇и, имааби д̣̇аса баарамияо уд̣̇д̇хам̣ аагаасзби над̇т̇и, хздтаа бат̇авияамби, бурад̇т̇имаад̣̇ийсу д̣̇исаасуби над̇т̇и, маяхамзва бана хад̣̇аяамам̣саб̣бханд̇арз бад̇идтид̇аа’’д̇и. звам̣ д̇аасам̣ хад̣̇аяз бад̇идтид̇абхаавам̣ д̣̇исваа саб̣б̣ааби д̇аа д̣̇ал̣хам̣ гад̇ваа ад̇хидтааяа бунаббунам̣ саммасанд̇о ануломабадиломам̣ саммасад̇и, барияанд̇з г̇ахзд̇ваа аад̣̇им̣ баабзд̇и, аад̣̇имхи г̇ахзд̇ваа барияанд̇з табзд̇и, маж̇жхз г̇ахзд̇ваа убхад̇о осаабзд̇и, убхад̇о годийсу хзд̇ваа маж̇жхз осаабзд̇и. б̣аахирагабхан̣д̣абарижжааг̇о д̣̇аанабаарамий наама, ан̇г̇абарижжааг̇о д̣̇аанаубабаарамий наама, ж̇ийвид̇абарижжааг̇о д̣̇аанабарамад̇т̇абаарамий наамаад̇и д̣̇аса баарамияо д̣̇аса убабаарамияо д̣̇аса барамад̇т̇абаарамияо яанд̇ад̇злам̣ виниваддзнд̇о вияа махаамзрум̣ мад̇т̇ам̣ гад̇ваа жаггаваал̣амахаасамуд̣̇д̣̇ам̣ аалул̣знд̇о вияа жа саммаси. д̇ассзвам̣ д̣̇аса баарамияо саммасанд̇асса д̇хаммад̇зж̇зна жад̇унахуд̇аад̇хигад̣̇вияож̇анасад̇асахассаб̣ахалаа аяам̣ махаабат̇авий хад̇т̇инаа агганд̇анал̣агалаабо вияа, бийл̣ияамаанам̣ ужчуяанд̇ам̣ вияа жа махаавиравам̣ виравамаанаа сан̇гамби самбагамби самбавзд̇хи, гулаалажаггам̣ вияа д̇злаяанд̇ажаггам̣ вияа жа бариб̣бхами. д̇зна вуд̇д̇ам̣ –

    Tato cintesi – ‘‘imasmiṃ loke bodhisattehi pūretabbā bodhiparipācanā buddhakārakadhammā ettakāyeva, dasa pāramiyo ṭhapetvā aññe natthi, imāpi dasa pāramiyo uddhaṃ ākāsepi natthi, heṭṭhā pathaviyampi, puratthimādīsu disāsupi natthi, mayhameva pana hadayamaṃsabbhantare patiṭṭhitā’’ti. Evaṃ tāsaṃ hadaye patiṭṭhitabhāvaṃ disvā sabbāpi tā daḷhaṃ katvā adhiṭṭhāya punappunaṃ sammasanto anulomapaṭilomaṃ sammasati, pariyante gahetvā ādiṃ pāpeti, ādimhi gahetvā pariyante ṭhapeti, majjhe gahetvā ubhato osāpeti, ubhato koṭīsu hetvā majjhe osāpeti. Bāhirakabhaṇḍapariccāgo dānapāramī nāma, aṅgapariccāgo dānaupapāramī nāma, jīvitapariccāgo dānaparamatthapāramī nāmāti dasa pāramiyo dasa upapāramiyo dasa paramatthapāramiyo yantatelaṃ vinivaṭṭento viya mahāmeruṃ matthaṃ katvā cakkavāḷamahāsamuddaṃ āluḷento viya ca sammasi. Tassevaṃ dasa pāramiyo sammasantassa dhammatejena catunahutādhikadviyojanasatasahassabahalā ayaṃ mahāpathavī hatthinā akkantanaḷakalāpo viya, pīḷiyamānaṃ ucchuyantaṃ viya ca mahāviravaṃ viravamānā saṅkampi sampakampi sampavedhi, kulālacakkaṃ viya telayantacakkaṃ viya ca paribbhami. Tena vuttaṃ –

    ‘‘зд̇д̇агааязва д̇з логз, яз д̇хаммаа б̣од̇хибаажанаа;

    ‘‘Ettakāyeva te loke, ye dhammā bodhipācanā;

    д̇ад̇уд̣̇д̇хам̣ над̇т̇и ан̃н̃ад̇ра, д̣̇ал̣хам̣ д̇ад̇т̇а бад̇идтаха.

    Tatuddhaṃ natthi aññatra, daḷhaṃ tattha patiṭṭhaha.

    ‘‘имз д̇хаммз саммасад̇о, сабхаавасарасалагкан̣з;

    ‘‘Ime dhamme sammasato, sabhāvasarasalakkhaṇe;

    д̇хаммад̇зж̇зна васуд̇хаа, д̣̇асасахассий багамбат̇а.

    Dhammatejena vasudhā, dasasahassī pakampatha.

    ‘‘жалад̇ий равад̇ий бат̇авий, ужчуяанд̇ам̣ва бийл̣ид̇ам̣;

    ‘‘Calatī ravatī pathavī, ucchuyantaṃva pīḷitaṃ;

    д̇злаяанд̇з яат̇аа жаггам̣, звам̣ гамбад̇и мзд̣̇аний’’д̇и.

    Telayante yathā cakkaṃ, evaṃ kampati medanī’’ti.

    махаабат̇авияаа гамбамаанааяа рамманаг̇араваасино сан̣таад̇ум̣ асаггонд̇аа яуг̇анд̇аваад̇аб̣бхаахад̇аа махаасаалаа вияа мужчид̇амужчид̇аава бабад̇им̣су, гхадаад̣̇ийни гулаалабхааж̇анаани бавадданд̇аани ан̃н̃аман̃н̃ам̣ бахаранд̇аани жун̣н̣авижун̣н̣аани ахзсум̣. махааж̇ано бхийд̇ад̇асид̇о сад̇т̇аарам̣ убасан̇гамид̇ваа ‘‘гим̣ ну ко бхаг̇аваа нааг̇ааваддо аяам̣ бхууд̇аяагкад̣̇звад̇аасу ан̃н̃ад̇арааваддод̇и на хи маяам̣ зд̇ам̣ ж̇аанаама, абижа ко саб̣б̣оби аяам̣ махааж̇ано убад̣̇д̣̇уд̇о, гим̣ ну ко имасса логасса баабагам̣ бхависсад̇и, уд̣̇ааху галяаан̣ам̣, гат̇зт̇а но зд̇ам̣ гааран̣а’’нд̇и ааха. ат̇а сад̇т̇аа д̇зсам̣ гат̇ам̣ суд̇ваа ‘‘д̇умхз маа бхааяат̇а маа жинд̇аяид̇т̇а, над̇т̇и во ид̇онид̣̇аанам̣ бхаяам̣. яо со маяаа аж̇ж̇а сумзд̇хабан̣д̣ид̇о ‘анааг̇ад̇з г̇од̇амо наама б̣уд̣̇д̇хо бхависсад̇ий’д̇и б̣яаагад̇о, со д̣̇аса баарамияо саммасад̇и, д̇асса д̣̇аса баарамияо саммасанд̇асса вилол̣знд̇асса д̇хаммад̇зж̇зна сагалад̣̇асасахассилогад̇хаад̇у згаббахаарзна гамбад̇и, жзва, равад̇и жаа’’д̇и ааха. д̇зна вуд̇д̇ам̣ –

    Mahāpathaviyā kampamānāya rammanagaravāsino saṇṭhātuṃ asakkontā yugantavātabbhāhatā mahāsālā viya mucchitamucchitāva papatiṃsu, ghaṭādīni kulālabhājanāni pavaṭṭantāni aññamaññaṃ paharantāni cuṇṇavicuṇṇāni ahesuṃ. Mahājano bhītatasito satthāraṃ upasaṅkamitvā ‘‘kiṃ nu kho bhagavā nāgāvaṭṭo ayaṃ bhūtayakkhadevatāsu aññatarāvaṭṭoti na hi mayaṃ etaṃ jānāma, apica kho sabbopi ayaṃ mahājano upadduto, kiṃ nu kho imassa lokassa pāpakaṃ bhavissati, udāhu kalyāṇaṃ, kathetha no etaṃ kāraṇa’’nti āha. Atha satthā tesaṃ kathaṃ sutvā ‘‘tumhe mā bhāyatha mā cintayittha, natthi vo itonidānaṃ bhayaṃ. Yo so mayā ajja sumedhapaṇḍito ‘anāgate gotamo nāma buddho bhavissatī’ti byākato, so dasa pāramiyo sammasati, tassa dasa pāramiyo sammasantassa viloḷentassa dhammatejena sakaladasasahassilokadhātu ekappahārena kampati, ceva, ravati cā’’ti āha. Tena vuttaṃ –

    ‘‘яаавад̇аа барисаа ааси, б̣уд̣̇д̇хасса баривзсанз;

    ‘‘Yāvatā parisā āsi, buddhassa parivesane;

    бавзд̇хамаанаа саа д̇ад̇т̇а, мужчид̇аа сзси бхуумияам̣.

    Pavedhamānā sā tattha, mucchitā sesi bhūmiyaṃ.

    ‘‘гхадаанзгасахассаани , гумбхийнан̃жа сад̇аа б̣ахуу;

    ‘‘Ghaṭānekasahassāni , kumbhīnañca satā bahū;

    сан̃жун̣н̣амат̇ид̇аа д̇ад̇т̇а, ан̃н̃аман̃н̃ам̣ багхаддид̇аа.

    Sañcuṇṇamathitā tattha, aññamaññaṃ paghaṭṭitā.

    ‘‘уб̣б̣иг̇г̇аа д̇асид̇аа бхийд̇аа, бханд̇аа б̣яад̇хид̇амаанасаа;

    ‘‘Ubbiggā tasitā bhītā, bhantā byadhitamānasā;

    махааж̇анаа самааг̇амма, д̣̇ийбан̇гарамубааг̇амум̣.

    Mahājanā samāgamma, dīpaṅkaramupāgamuṃ.

    ‘гим̣ бхависсад̇и логасса, галяаан̣амат̇а баабагам̣;

    ‘Kiṃ bhavissati lokassa, kalyāṇamatha pāpakaṃ;

    саб̣б̣о убад̣̇д̣̇уд̇о лого, д̇ам̣ винод̣̇зхи жагкума’.

    Sabbo upadduto loko, taṃ vinodehi cakkhuma’.

    ‘‘д̇зсам̣ д̇ад̣̇аа сан̃н̃аабзси, д̣̇ийбан̇гаро махаамуни;

    ‘‘Tesaṃ tadā saññāpesi, dīpaṅkaro mahāmuni;

    виссад̇т̇аа хот̇а маа бхаат̇а, имасмим̣ бат̇авигамбанз.

    Vissatthā hotha mā bhātha, imasmiṃ pathavikampane.

    ‘‘яамахам̣ аж̇ж̇а б̣яаагаасим̣, б̣уд̣̇д̇хо логз бхависсад̇и;

    ‘‘Yamahaṃ ajja byākāsiṃ, buddho loke bhavissati;

    зсо саммасад̇и д̇хаммам̣, буб̣б̣агам̣ ж̇инасзвид̇ам̣.

    Eso sammasati dhammaṃ, pubbakaṃ jinasevitaṃ.

    ‘‘д̇асса саммасад̇о д̇хаммам̣, б̣уд̣̇д̇хабхуумим̣ асзсад̇о;

    ‘‘Tassa sammasato dhammaṃ, buddhabhūmiṃ asesato;

    д̇знааяам̣ гамбид̇аа бат̇авий, д̣̇асасахассий сад̣̇звагз’’д̇и.

    Tenāyaṃ kampitā pathavī, dasasahassī sadevake’’ti.

    махааж̇ано д̇ат̇ааг̇ад̇асса важанам̣ суд̇ваа хадтад̇удто маалааг̇анд̇хавилзбанам̣ аад̣̇ааяа рамманаг̇араа нигкамид̇ваа б̣од̇хисад̇д̇ам̣ убасан̇гамид̇ваа маалаад̣̇ийхи бууж̇зд̇ваа ванд̣̇ид̇ваа бад̣̇агкин̣ам̣ гад̇ваа рамманаг̇арамзва баависи. б̣од̇хисад̇д̇оби д̣̇аса баарамияо саммасид̇ваа вийрияам̣ д̣̇ал̣хам̣ гад̇ваа ад̇хидтааяа нисиннаасанаа вудтааси. д̇зна вуд̇д̇ам̣ –

    Mahājano tathāgatassa vacanaṃ sutvā haṭṭhatuṭṭho mālāgandhavilepanaṃ ādāya rammanagarā nikkhamitvā bodhisattaṃ upasaṅkamitvā mālādīhi pūjetvā vanditvā padakkhiṇaṃ katvā rammanagarameva pāvisi. Bodhisattopi dasa pāramiyo sammasitvā vīriyaṃ daḷhaṃ katvā adhiṭṭhāya nisinnāsanā vuṭṭhāsi. Tena vuttaṃ –

    ‘‘б̣уд̣̇д̇хасса важанам̣ суд̇ваа, мано ниб̣б̣ааяи д̇аавад̣̇з;

    ‘‘Buddhassa vacanaṃ sutvā, mano nibbāyi tāvade;

    саб̣б̣з мам̣ убасан̇гамма, бунааби абхиванд̣̇исум̣.

    Sabbe maṃ upasaṅkamma, punāpi abhivandisuṃ.

    ‘‘самаад̣̇ияид̇ваа б̣уд̣̇д̇хаг̇ун̣ам̣, д̣̇ал̣хам̣ гад̇ваана маанасам̣;

    ‘‘Samādiyitvā buddhaguṇaṃ, daḷhaṃ katvāna mānasaṃ;

    д̣̇ийбан̇гарам̣ намассид̇ваа, аасанаа вудтахим̣ д̇ад̣̇аа’’д̇и.

    Dīpaṅkaraṃ namassitvā, āsanā vuṭṭhahiṃ tadā’’ti.

    ат̇а б̣од̇хисад̇д̇ам̣ аасанаа вудтаханд̇ам̣ сагалад̣̇асасахассажаггаваал̣ад̣̇звад̇аа саннибад̇ид̇ваа д̣̇иб̣б̣зхи маалааг̇анд̇хзхи бууж̇зд̇ваа ванд̣̇ид̇ваа ‘‘аяяа сумзд̇хад̇аабаса, д̇аяаа аж̇ж̇а д̣̇ийбан̇гарад̣̇асаб̣аласса баад̣̇амуулз махад̇ий бад̇т̇анаа бад̇т̇ид̇аа, саа д̇з ананд̇арааязна самиж̇жхад̇у, маа д̇з бхаяам̣ ваа чамбхид̇ад̇д̇ам̣ ваа ахоси, сарийрз аббамад̇д̇агоби рог̇о маа уббаж̇ж̇и, киббам̣ баарамияо буурзд̇ваа саммаасамб̣од̇хим̣ бадивиж̇жха. яат̇аа бубпуубаг̇апалуубаг̇аа ругкаа самаяз бубпанд̇и жзва паланд̇и жа, д̇ат̇зва д̇вамби самаяам̣ анад̇иггамид̇ваа киббам̣ самб̣од̇химуд̇д̇амам̣ пусассуу’’д̇иаад̣̇ийни т̇уд̇иман̇г̇алаани баяируд̣̇аахам̣су, звам̣ баяируд̣̇аахид̇ваа ад̇д̇ано ад̇д̇ано д̣̇звадтаанамзва аг̇амам̣су. б̣од̇хисад̇д̇оби д̣̇звад̇аахи абхид̇т̇уд̇о ‘‘ахам̣ д̣̇аса баарамияо буурзд̇ваа габбасад̇асахассаад̇хигаанам̣ жад̇уннам̣ асан̇кязяяаанам̣ мад̇т̇агз б̣уд̣̇д̇хо бхависсаамий’’д̇и вийрияам̣ д̣̇ал̣хам̣ гад̇ваа ад̇хидтааяа набхам̣ аб̣бхуг̇г̇анд̇ваа химаванд̇амзва аг̇амааси. д̇зна вуд̇д̇ам̣ –

    Atha bodhisattaṃ āsanā vuṭṭhahantaṃ sakaladasasahassacakkavāḷadevatā sannipatitvā dibbehi mālāgandhehi pūjetvā vanditvā ‘‘ayya sumedhatāpasa, tayā ajja dīpaṅkaradasabalassa pādamūle mahatī patthanā patthitā, sā te anantarāyena samijjhatu, mā te bhayaṃ vā chambhitattaṃ vā ahosi, sarīre appamattakopi rogo mā uppajji, khippaṃ pāramiyo pūretvā sammāsambodhiṃ paṭivijjha. Yathā pupphūpagaphalūpagā rukkhā samaye pupphanti ceva phalanti ca, tatheva tvampi samayaṃ anatikkamitvā khippaṃ sambodhimuttamaṃ phusassū’’tiādīni thutimaṅgalāni payirudāhaṃsu, evaṃ payirudāhitvā attano attano devaṭṭhānameva agamaṃsu. Bodhisattopi devatāhi abhitthuto ‘‘ahaṃ dasa pāramiyo pūretvā kappasatasahassādhikānaṃ catunnaṃ asaṅkhyeyyānaṃ matthake buddho bhavissāmī’’ti vīriyaṃ daḷhaṃ katvā adhiṭṭhāya nabhaṃ abbhuggantvā himavantameva agamāsi. Tena vuttaṃ –

    ‘‘д̣̇иб̣б̣ам̣ маанусагам̣ бубпам̣, д̣̇зваа маанусагаа убхо;

    ‘‘Dibbaṃ mānusakaṃ pupphaṃ, devā mānusakā ubho;

    самогиранд̇и бубпзхи, вудтаханд̇асса аасанаа.

    Samokiranti pupphehi, vuṭṭhahantassa āsanā.

    ‘‘взд̣̇аяанд̇и жа д̇з сод̇т̇им̣, д̣̇зваа маанусагаа убхо;

    ‘‘Vedayanti ca te sotthiṃ, devā mānusakā ubho;

    маханд̇ам̣ бад̇т̇ид̇ам̣ д̇уяхам̣, д̇ам̣ лабхассу яат̇ижчид̇ам̣.

    Mahantaṃ patthitaṃ tuyhaṃ, taṃ labhassu yathicchitaṃ.

    ‘‘саб̣б̣ийд̇ияо виваж̇ж̇анд̇у, сого рог̇о винассад̇у;

    ‘‘Sabbītiyo vivajjantu, soko rogo vinassatu;

    маа д̇з бхаванд̇ванд̇арааяаа, пуса киббам̣ б̣од̇химуд̇д̇амам̣.

    Mā te bhavantvantarāyā, phusa khippaṃ bodhimuttamaṃ.

    ‘‘яат̇ааби самаяз бад̇д̇з, бубпанд̇и бубпино д̣̇умаа;

    ‘‘Yathāpi samaye patte, pupphanti pupphino dumā;

    д̇ат̇зва д̇вам̣ махаавийра, б̣уд̣̇д̇хан̃аан̣зна бубпассу.

    Tatheva tvaṃ mahāvīra, buddhañāṇena pupphassu.

    ‘‘яат̇аа яз гзжи самб̣уд̣̇д̇хаа, буураяум̣ д̣̇аса баарамий;

    ‘‘Yathā ye keci sambuddhā, pūrayuṃ dasa pāramī;

    д̇ат̇зва д̇вам̣ махаавийра, буураяа д̣̇аса баарамий.

    Tatheva tvaṃ mahāvīra, pūraya dasa pāramī.

    ‘‘яат̇аа яз гзжи самб̣уд̣̇д̇хаа, б̣од̇химан̣д̣амхи б̣уж̇жхарз;

    ‘‘Yathā ye keci sambuddhā, bodhimaṇḍamhi bujjhare;

    д̇ат̇зва д̇вам̣ махаавийра, б̣уж̇жхассу ж̇инаб̣од̇хияам̣.

    Tatheva tvaṃ mahāvīra, bujjhassu jinabodhiyaṃ.

    ‘‘яат̇аа яз гзжи самб̣уд̣̇д̇хаа, д̇хаммажаггам̣ бавад̇д̇аяум̣;

    ‘‘Yathā ye keci sambuddhā, dhammacakkaṃ pavattayuṃ;

    д̇ат̇зва д̇вам̣ махаавийра, д̇хаммажаггам̣ бавад̇д̇аяа.

    Tatheva tvaṃ mahāvīra, dhammacakkaṃ pavattaya.

    ‘‘бун̣н̣амааяз яат̇аа жанд̣̇о, барисуд̣̇д̇хо вирожад̇и;

    ‘‘Puṇṇamāye yathā cando, parisuddho virocati;

    д̇ат̇зва д̇вам̣ бун̣н̣амано, вирожа д̣̇асасахассияам̣.

    Tatheva tvaṃ puṇṇamano, viroca dasasahassiyaṃ.

    ‘‘раахумуд̇д̇о яат̇аа суурияо, д̇аабзна ад̇ирожад̇и;

    ‘‘Rāhumutto yathā sūriyo, tāpena atirocati;

    д̇ат̇зва логаа мужжид̇ваа, вирожа сирияаа д̇увам̣.

    Tatheva lokā muccitvā, viroca siriyā tuvaṃ.

    ‘‘яат̇аа яаа гаажи над̣̇ияо, осаранд̇и маход̣̇ад̇хим̣;

    ‘‘Yathā yā kāci nadiyo, osaranti mahodadhiṃ;

    звам̣ сад̣̇звагаа логаа, осаранд̇у д̇аванд̇игз.

    Evaṃ sadevakā lokā, osarantu tavantike.

    ‘‘д̇зхи т̇уд̇аббасад̇т̇о со, д̣̇аса д̇хаммз самаад̣̇ияа;

    ‘‘Tehi thutappasattho so, dasa dhamme samādiya;

    д̇з д̇хаммз барибуурзнд̇о, баванам̣ баависий д̇ад̣̇аа’’д̇и.

    Te dhamme paripūrento, pavanaṃ pāvisī tadā’’ti.

    сумзд̇хагат̇аа нидтид̇аа.

    Sumedhakathā niṭṭhitā.

    рамманаг̇араваасиноби ко наг̇арам̣ бависид̇ваа б̣уд̣̇д̇хаббамукасса бхигкусан̇гхасса махаад̣̇аанам̣ ад̣̇ам̣су. сад̇т̇аа д̇зсам̣ д̇хаммам̣ д̣̇зсзд̇ваа махааж̇анам̣ саран̣аад̣̇ийсу бад̇идтаабзд̇ваа рамманаг̇арамхаа нигкамид̇ваа д̇ад̇о уд̣̇д̇хамби яаавад̇ааяугам̣ д̇идтанд̇о саб̣б̣ам̣ б̣уд̣̇д̇хагижжам̣ гад̇ваа ануггамзна анубаад̣̇исзсааяа ниб̣б̣аанад̇хаад̇уяаа бариниб̣б̣ааяи. д̇ад̇т̇а яам̣ вад̇д̇аб̣б̣ам̣, д̇ам̣ саб̣б̣ам̣ б̣уд̣̇д̇хавам̣сз вуд̇д̇анаязнзва взд̣̇ид̇аб̣б̣ам̣. вуд̇д̇ан̃хи д̇ад̇т̇а –

    Rammanagaravāsinopi kho nagaraṃ pavisitvā buddhappamukhassa bhikkhusaṅghassa mahādānaṃ adaṃsu. Satthā tesaṃ dhammaṃ desetvā mahājanaṃ saraṇādīsu patiṭṭhāpetvā rammanagaramhā nikkhamitvā tato uddhampi yāvatāyukaṃ tiṭṭhanto sabbaṃ buddhakiccaṃ katvā anukkamena anupādisesāya nibbānadhātuyā parinibbāyi. Tattha yaṃ vattabbaṃ, taṃ sabbaṃ buddhavaṃse vuttanayeneva veditabbaṃ. Vuttañhi tattha –

    ‘‘д̇ад̣̇аа д̇з бхож̇аяид̇ваана, сасан̇гхам̣ логанааяагам̣;

    ‘‘Tadā te bhojayitvāna, sasaṅghaṃ lokanāyakaṃ;

    убаг̇ажчум̣ саран̣ам̣ д̇асса, д̣̇ийбан̇гарасса сад̇т̇уно.

    Upagacchuṃ saraṇaṃ tassa, dīpaṅkarassa satthuno.

    ‘‘саран̣ааг̇аманз ган̃жи, нивзсзд̇и д̇ат̇ааг̇ад̇о;

    ‘‘Saraṇāgamane kañci, niveseti tathāgato;

    ган̃жи бан̃жасу сийлзсу, сийлз д̣̇асавид̇хз барам̣.

    Kañci pañcasu sīlesu, sīle dasavidhe paraṃ.

    ‘‘гассажи д̣̇зд̇и сааман̃н̃ам̣, жад̇уро паламуд̇д̇амз;

    ‘‘Kassaci deti sāmaññaṃ, caturo phalamuttame;

    гассажи асамз д̇хаммз, д̣̇зд̇и со бадисамбхид̣̇аа.

    Kassaci asame dhamme, deti so paṭisambhidā.

    ‘‘гассажи варасамаабад̇д̇ияо, адта д̣̇зд̇и нараасабхо;

    ‘‘Kassaci varasamāpattiyo, aṭṭha deti narāsabho;

    д̇иссо гассажи виж̇ж̇ааяо, чал̣абхин̃н̃аа бавзжчад̇и.

    Tisso kassaci vijjāyo, chaḷabhiññā pavecchati.

    ‘‘д̇зна яог̇зна ж̇анагааяам̣, овад̣̇ад̇и махаамуни;

    ‘‘Tena yogena janakāyaṃ, ovadati mahāmuni;

    д̇зна вид̇т̇ааригам̣ ааси, логанаат̇асса саасанам̣.

    Tena vitthārikaṃ āsi, lokanāthassa sāsanaṃ.

    ‘‘махааханусабхагканд̇хо, д̣̇ийбан̇гарасанаамаго;

    ‘‘Mahāhanusabhakkhandho, dīpaṅkarasanāmako;

    б̣ахуу ж̇анз д̇аараяад̇и, бариможзд̇и д̣̇уг̇г̇ад̇им̣.

    Bahū jane tārayati, parimoceti duggatiṃ.

    ‘‘б̣од̇ханзяяам̣ ж̇анам̣ д̣̇исваа, сад̇асахассзби яож̇анз;

    ‘‘Bodhaneyyaṃ janaṃ disvā, satasahassepi yojane;

    кан̣зна убаг̇анд̇ваана, б̣од̇хзд̇и д̇ам̣ махаамуни.

    Khaṇena upagantvāna, bodheti taṃ mahāmuni.

    ‘‘батамаабхисамаяз б̣уд̣̇д̇хо, годисад̇амаб̣од̇хаяи;

    ‘‘Paṭhamābhisamaye buddho, koṭisatamabodhayi;

    д̣̇уд̇ияаабхисамаяз наат̇о, навуд̇игодимаб̣од̇хаяи.

    Dutiyābhisamaye nātho, navutikoṭimabodhayi.

    ‘‘яад̣̇аа жа д̣̇звабхаванамхи, б̣уд̣̇д̇хо д̇хаммамад̣̇зсаяи;

    ‘‘Yadā ca devabhavanamhi, buddho dhammamadesayi;

    навуд̇игодисахассаанам̣, д̇ад̇ияаабхисамаяо аху.

    Navutikoṭisahassānaṃ, tatiyābhisamayo ahu.

    ‘‘саннибаад̇аа д̇аяо аасум̣, д̣̇ийбан̇гарасса сад̇т̇уно;

    ‘‘Sannipātā tayo āsuṃ, dīpaṅkarassa satthuno;

    годисад̇асахассаанам̣, батамо ааси самааг̇амо.

    Koṭisatasahassānaṃ, paṭhamo āsi samāgamo.

    ‘‘буна наарад̣̇агуудамхи, бавивзгаг̇ад̇з ж̇инз;

    ‘‘Puna nāradakūṭamhi, pavivekagate jine;

    кийн̣аасаваа вийд̇амалаа, самим̣су сад̇агодияо.

    Khīṇāsavā vītamalā, samiṃsu satakoṭiyo.

    ‘‘яамхи гаалз махаавийро, суд̣̇ассанасилужжаяз;

    ‘‘Yamhi kāle mahāvīro, sudassanasiluccaye;

    навуд̇игодисахассзхи, баваарзси махаамуни.

    Navutikoṭisahassehi, pavāresi mahāmuni.

    ‘‘ахам̣ д̇зна самаязна, ж̇адило уг̇г̇ад̇аабано;

    ‘‘Ahaṃ tena samayena, jaṭilo uggatāpano;

    анд̇алигкамхи жаран̣о, бан̃жаабхин̃н̃аасу баараг̇уу.

    Antalikkhamhi caraṇo, pañcābhiññāsu pāragū.

    ‘‘д̣̇асавийсасахассаанам̣ , д̇хаммаабхисамаяо аху;

    ‘‘Dasavīsasahassānaṃ , dhammābhisamayo ahu;

    згад̣̇виннам̣ абхисамаяаа, г̇ан̣анаад̇о асан̇кияаа.

    Ekadvinnaṃ abhisamayā, gaṇanāto asaṅkhiyā.

    ‘‘вид̇т̇ааригам̣ б̣аахуж̇ан̃н̃ам̣, ид̣̇д̇хам̣ пийд̇ам̣ аху д̇ад̣̇аа;

    ‘‘Vitthārikaṃ bāhujaññaṃ, iddhaṃ phītaṃ ahu tadā;

    д̣̇ийбан̇гарасса бхаг̇авад̇о, саасанам̣ сувисод̇хид̇ам̣.

    Dīpaṅkarassa bhagavato, sāsanaṃ suvisodhitaṃ.

    ‘‘жад̇д̇аари сад̇асахассаани, чал̣абхин̃н̃аа махид̣̇д̇хигаа;

    ‘‘Cattāri satasahassāni, chaḷabhiññā mahiddhikā;

    д̣̇ийбан̇гарам̣ логавид̣̇ум̣, бариваарзнд̇и саб̣б̣ад̣̇аа.

    Dīpaṅkaraṃ lokaviduṃ, parivārenti sabbadā.

    ‘‘яз гзжи д̇зна самаязна, ж̇аханд̇и маанусам̣ бхавам̣;

    ‘‘Ye keci tena samayena, jahanti mānusaṃ bhavaṃ;

    абад̇д̇амаанасаа сзгкаа, г̇арахид̇аа бхаванд̇и д̇з.

    Apattamānasā sekkhā, garahitā bhavanti te.

    ‘‘субубпид̇ам̣ бааважанам̣, араханд̇зхи д̇аад̣̇ихи;

    ‘‘Supupphitaṃ pāvacanaṃ, arahantehi tādihi;

    кийн̣аасавзхи вималзхи, убасобхад̇и сад̣̇звагз.

    Khīṇāsavehi vimalehi, upasobhati sadevake.

    ‘‘наг̇арам̣ раммавад̇ий наама, суд̣̇зво наама кад̇д̇ияо;

    ‘‘Nagaraṃ rammavatī nāma, sudevo nāma khattiyo;

    сумзд̇хаа наама ж̇анигаа, д̣̇ийбан̇гарасса сад̇т̇уно.

    Sumedhā nāma janikā, dīpaṅkarassa satthuno.

    ‘‘суман̇г̇ало жа д̇иссо жа, ахзсум̣ аг̇г̇асаавагаа;

    ‘‘Sumaṅgalo ca tisso ca, ahesuṃ aggasāvakā;

    сааг̇ад̇о наамубадтааго, д̣̇ийбан̇гарасса сад̇т̇уно.

    Sāgato nāmupaṭṭhāko, dīpaṅkarassa satthuno.

    ‘‘нанд̣̇аа жзва сунанд̣̇аа жа, ахзсум̣ аг̇г̇асаавигаа;

    ‘‘Nandā ceva sunandā ca, ahesuṃ aggasāvikā;

    б̣од̇хи д̇асса бхаг̇авад̇о, бибпалийд̇и бавужжад̇и.

    Bodhi tassa bhagavato, pipphalīti pavuccati.

    ‘‘асийд̇ихад̇т̇амуб̣б̣зд̇хо, д̣̇ийбан̇гаро махаамуни;

    ‘‘Asītihatthamubbedho, dīpaṅkaro mahāmuni;

    собхад̇и д̣̇ийбаругкова, сааларааж̇аава пуллид̇о.

    Sobhati dīparukkhova, sālarājāva phullito.

    ‘‘сад̇асахассавассаани, ааяу д̇асса махзсино;

    ‘‘Satasahassavassāni, āyu tassa mahesino;

    д̇аавад̇аа д̇идтамаано со, д̇аарзси ж̇анад̇ам̣ б̣ахум̣.

    Tāvatā tiṭṭhamāno so, tāresi janataṃ bahuṃ.

    ‘‘ж̇од̇аяид̇ваана сад̣̇д̇хаммам̣, санд̇аарзд̇ваа махааж̇анам̣;

    ‘‘Jotayitvāna saddhammaṃ, santāretvā mahājanaṃ;

    ж̇алид̇ваа аг̇г̇иканд̇хова, ниб̣б̣уд̇о со сасааваго.

    Jalitvā aggikhandhova, nibbuto so sasāvako.

    ‘‘саа жа ид̣̇д̇хи со жа яасо, д̇аани жа баад̣̇зсу жаггарад̇анаани;

    ‘‘Sā ca iddhi so ca yaso, tāni ca pādesu cakkaratanāni;

    саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа’’д̇и.

    Sabbaṃ tamantarahitaṃ, nanu rittā sabbasaṅkhārā’’ti.

    д̣̇ийбан̇гарасса бана бхаг̇авад̇о абарабхааг̇з згам̣ асан̇кязяяам̣ ад̇иггамид̇ваа гон̣д̣ан̃н̃о наама сад̇т̇аа уд̣̇абаад̣̇и. д̇ассааби д̇аяо саавагасаннибаад̇аа ахзсум̣. батамасаннибаад̇з годисад̇асахассам̣, д̣̇уд̇ияз годисахассам̣, д̇ад̇ияз навуд̇игодияо. д̇ад̣̇аа б̣од̇хисад̇д̇о виж̇ид̇аавий наама жаггавад̇д̇ий худ̇ваа годисад̇асахассасан̇касса б̣уд̣̇д̇хаббамукасса бхигкусан̇гхасса махаад̣̇аанам̣ ад̣̇ааси. сад̇т̇аа б̣од̇хисад̇д̇ам̣ ‘‘б̣уд̣̇д̇хо бхависсасий’’д̇и б̣яаагарид̇ваа д̇хаммам̣ д̣̇зсзси. со сад̇т̇у д̇хаммагат̇ам̣ суд̇ваа раж̇ж̇ам̣ нияяаад̣̇зд̇ваа баб̣б̣аж̇и. со д̇ийн̣и бидагаани уг̇г̇ахзд̇ваа адта самаабад̇д̇ияо бан̃жа абхин̃н̃ааяо жа уббаад̣̇зд̇ваа абарихийнаж̇жхаано б̣рахмалогз ниб̣б̣ад̇д̇и. гон̣д̣ан̃н̃асса б̣уд̣̇д̇хасса бана раммавад̇ий наама наг̇арам̣, сунанд̣̇о наама кад̇д̇ияо бид̇аа, суж̇аад̇аа наама д̣̇звий маад̇аа, бхад̣̇д̣̇о жа субхад̣̇д̣̇о жа д̣̇вз аг̇г̇асаавагаа, ануруд̣̇д̇хо наамубадтааго, д̇иссаа жа убад̇иссаа жа д̣̇вз аг̇г̇асаавигаа, саалагаляаан̣ий б̣од̇хи, адтаасийд̇ихад̇т̇уб̣б̣зд̇хам̣ сарийрам̣, вассасад̇асахассам̣ ааяуббамаан̣ам̣ ахоси.

    Dīpaṅkarassa pana bhagavato aparabhāge ekaṃ asaṅkhyeyyaṃ atikkamitvā koṇḍañño nāma satthā udapādi. Tassāpi tayo sāvakasannipātā ahesuṃ. Paṭhamasannipāte koṭisatasahassaṃ, dutiye koṭisahassaṃ, tatiye navutikoṭiyo. Tadā bodhisatto vijitāvī nāma cakkavattī hutvā koṭisatasahassasaṅkhassa buddhappamukhassa bhikkhusaṅghassa mahādānaṃ adāsi. Satthā bodhisattaṃ ‘‘buddho bhavissasī’’ti byākaritvā dhammaṃ desesi. So satthu dhammakathaṃ sutvā rajjaṃ niyyādetvā pabbaji. So tīṇi piṭakāni uggahetvā aṭṭha samāpattiyo pañca abhiññāyo ca uppādetvā aparihīnajjhāno brahmaloke nibbatti. Koṇḍaññassa buddhassa pana rammavatī nāma nagaraṃ, sunando nāma khattiyo pitā, sujātā nāma devī mātā, bhaddo ca subhaddo ca dve aggasāvakā, anuruddho nāmupaṭṭhāko, tissā ca upatissā ca dve aggasāvikā, sālakalyāṇī bodhi, aṭṭhāsītihatthubbedhaṃ sarīraṃ, vassasatasahassaṃ āyuppamāṇaṃ ahosi.

    ‘‘д̣̇ийбан̇гарасса абарзна, гон̣д̣ан̃н̃о наама нааяаго;

    ‘‘Dīpaṅkarassa aparena, koṇḍañño nāma nāyako;

    ананд̇ад̇зж̇о амид̇аяасо, аббамзяяо д̣̇ураасад̣̇о’’д̇и.

    Anantatejo amitayaso, appameyyo durāsado’’ti.

    д̇асса абарабхааг̇з згам̣ асан̇кязяяам̣ ад̇иггамид̇ваа згасмим̣язва габбз жад̇уро б̣уд̣̇д̇хаа ниб̣б̣ад̇д̇им̣су ман̇г̇ало, сумано, рзвад̇о, собхид̇од̇и. ман̇г̇аласса бхаг̇авад̇о д̇аяо саннибаад̇аа ахзсум̣. д̇зсу батамасаннибаад̇з годисад̇асахассам̣ бхигкуу ахзсум̣, д̣̇уд̇ияз годисахассам̣, д̇ад̇ияз навуд̇игодияо. взмаад̇игабхаад̇аа гирасса аананд̣̇агумааро наама навуд̇игодисан̇кааяа барисааяа сад̣̇д̇хим̣ д̇хаммассаванад̇т̇ааяа сад̇т̇у санд̇игам̣ аг̇амааси. сад̇т̇аа д̇асса анубуб̣б̣им̣ гат̇ам̣ гат̇зси, со сад̣̇д̇хим̣ барисааяа саха бадисамбхид̣̇аахи арахад̇д̇ам̣ баабун̣и. сад̇т̇аа д̇зсам̣ гулабуд̇д̇аанам̣ буб̣б̣ажарид̇ам̣ ологзнд̇о ид̣̇д̇химаяабад̇д̇ажийварасса убаниссаяам̣ д̣̇исваа д̣̇агкин̣ахад̇т̇ам̣ басаарзд̇ваа ‘‘зт̇а, бхигкаво’’д̇и ааха. саб̣б̣з д̇ан̇кан̣ан̃н̃зва ид̣̇д̇химаяабад̇д̇ажийварад̇хараа садтивассамахаат̇зраа вияа аагаббасамбаннаа худ̇ваа сад̇т̇аарам̣ ванд̣̇ид̇ваа бариваараяим̣су. аяамасса д̇ад̇ияо саавагасаннибаад̇о ахоси.

    Tassa aparabhāge ekaṃ asaṅkhyeyyaṃ atikkamitvā ekasmiṃyeva kappe caturo buddhā nibbattiṃsu maṅgalo, sumano, revato, sobhitoti. Maṅgalassa bhagavato tayo sannipātā ahesuṃ. Tesu paṭhamasannipāte koṭisatasahassaṃ bhikkhū ahesuṃ, dutiye koṭisahassaṃ, tatiye navutikoṭiyo. Vemātikabhātā kirassa ānandakumāro nāma navutikoṭisaṅkhāya parisāya saddhiṃ dhammassavanatthāya satthu santikaṃ agamāsi. Satthā tassa anupubbiṃ kathaṃ kathesi, so saddhiṃ parisāya saha paṭisambhidāhi arahattaṃ pāpuṇi. Satthā tesaṃ kulaputtānaṃ pubbacaritaṃ olokento iddhimayapattacīvarassa upanissayaṃ disvā dakkhiṇahatthaṃ pasāretvā ‘‘etha, bhikkhavo’’ti āha. Sabbe taṅkhaṇaññeva iddhimayapattacīvaradharā saṭṭhivassamahātherā viya ākappasampannā hutvā satthāraṃ vanditvā parivārayiṃsu. Ayamassa tatiyo sāvakasannipāto ahosi.

    яат̇аа бана ан̃н̃зсам̣ б̣уд̣̇д̇хаанам̣ саманд̇аа асийд̇ихад̇т̇аббамаан̣ааязва сарийраббабхаа ахоси, на звам̣ д̇асса д̇асса бана бхаг̇авад̇о сарийраббабхаа нижжагаалам̣ д̣̇асасахассилогад̇хаад̇ум̣ парид̇ваа адтааси. ругкабат̇авибаб̣б̣ад̇асамуд̣̇д̣̇аад̣̇аяо анд̇амасо угкалигаад̣̇ийни убаад̣̇ааяа суван̣н̣абаддабарияонад̣̇д̇хаа вияа ахзсум̣. ааяуббамаан̣ам̣ банасса навуд̇ивассасахассаани ахоси. зд̇д̇агам̣ гаалам̣ жанд̣̇имасуурияаад̣̇аяо ад̇д̇ано бабхааяа вирожид̇ум̣ наасагким̣су, рад̇д̇инд̣̇ивабарижчзд̣̇о на бан̃н̃ааяид̇т̇а. д̣̇иваа суурияаалогзна вияа сад̇д̇аа нижжам̣ б̣уд̣̇д̇хаалогзнзва вижарим̣су, сааяам̣ бубпид̇агусумаанам̣, баад̇о раванагасагун̣аад̣̇ийнан̃жа васзна лого рад̇д̇инд̣̇ивабарижчзд̣̇ам̣ саллагкзси.

    Yathā pana aññesaṃ buddhānaṃ samantā asītihatthappamāṇāyeva sarīrappabhā ahosi, na evaṃ tassa tassa pana bhagavato sarīrappabhā niccakālaṃ dasasahassilokadhātuṃ pharitvā aṭṭhāsi. Rukkhapathavipabbatasamuddādayo antamaso ukkhalikādīni upādāya suvaṇṇapaṭṭapariyonaddhā viya ahesuṃ. Āyuppamāṇaṃ panassa navutivassasahassāni ahosi. Ettakaṃ kālaṃ candimasūriyādayo attano pabhāya virocituṃ nāsakkhiṃsu, rattindivaparicchedo na paññāyittha. Divā sūriyālokena viya sattā niccaṃ buddhālokeneva vicariṃsu, sāyaṃ pupphitakusumānaṃ, pāto ravanakasakuṇādīnañca vasena loko rattindivaparicchedaṃ sallakkhesi.

    гим̣ бана ан̃н̃зсам̣ б̣уд̣̇д̇хаанам̣ аяамаанубхааво над̇т̇ийд̇и? но над̇т̇и. д̇зби хи ааган̇камаанаа д̣̇асасахассим̣ ваа логад̇хаад̇ум̣ д̇ад̇о ваа бхияяо аабхааяа парзяяум̣. ман̇г̇аласса бана бхаг̇авад̇о буб̣б̣абад̇т̇анаавасзна ан̃н̃зсам̣ б̣яаамаббабхаа вияа сарийраббабхаа нижжагааламзва д̣̇асасахассилогад̇хаад̇ум̣ парид̇ваа адтааси. со гира б̣од̇хисад̇д̇ажарияагаалз взссанд̇арасад̣̇исз ад̇д̇абхаавз тид̇о сабуд̇д̇ад̣̇ааро ван̇габаб̣б̣ад̇асад̣̇исз баб̣б̣ад̇з васи. ат̇зго карад̣̇аатиго наама яагко махаабурисасса д̣̇аанаж̇жхаасаяад̇ам̣ суд̇ваа б̣раахман̣аван̣н̣зна убасан̇гамид̇ваа махаасад̇д̇ам̣ д̣̇вз д̣̇аарагз яаажи. махаасад̇д̇о ‘‘д̣̇ад̣̇аами б̣раахман̣асса буд̇д̇агз’’д̇и хадтабахадто уд̣̇агабарияанд̇ам̣ бат̇авим̣ гамбзнд̇о д̣̇взби д̣̇аарагз ад̣̇ааси. яагко жан̇гаманагодияам̣ ааламб̣анапалагам̣ ниссааяа тад̇ваа бассанд̇ассзва махаасад̇д̇асса муулагалаабз вияа д̣̇вз д̣̇аарагз каад̣̇и. махаабурисасса яагкам̣ ологзд̇ваа мукз вивадамад̇д̇з аг̇г̇иж̇аалам̣ вияа лохид̇ад̇хаарам̣ уг̇г̇ирамаанам̣ д̇асса мукам̣ д̣̇исвааби гзсаг̇г̇амад̇д̇амби д̣̇оманассам̣ на уббаж̇ж̇и. ‘‘суд̣̇иннам̣ вад̇а мз д̣̇аана’’нд̇и жинд̇аяад̇о банасса сарийрз маханд̇ам̣ бийд̇исоманасса уд̣̇абаад̣̇и. со ‘‘имасса мз ниссанд̣̇зна анааг̇ад̇з иминаава нийхаарзна расмияо нигкаманд̇уу’’д̇и бад̇т̇анам̣ агааси. д̇асса д̇ам̣ бад̇т̇анам̣ ниссааяа б̣уд̣̇д̇хабхууд̇асса сарийрад̇о расмияо нигкамид̇ваа зд̇д̇агам̣ таанам̣ парим̣су.

    Kiṃ pana aññesaṃ buddhānaṃ ayamānubhāvo natthīti? No natthi. Tepi hi ākaṅkhamānā dasasahassiṃ vā lokadhātuṃ tato vā bhiyyo ābhāya phareyyuṃ. Maṅgalassa pana bhagavato pubbapatthanāvasena aññesaṃ byāmappabhā viya sarīrappabhā niccakālameva dasasahassilokadhātuṃ pharitvā aṭṭhāsi. So kira bodhisattacariyakāle vessantarasadise attabhāve ṭhito saputtadāro vaṅkapabbatasadise pabbate vasi. Atheko kharadāṭhiko nāma yakkho mahāpurisassa dānajjhāsayataṃ sutvā brāhmaṇavaṇṇena upasaṅkamitvā mahāsattaṃ dve dārake yāci. Mahāsatto ‘‘dadāmi brāhmaṇassa puttake’’ti haṭṭhapahaṭṭho udakapariyantaṃ pathaviṃ kampento dvepi dārake adāsi. Yakkho caṅkamanakoṭiyaṃ ālambanaphalakaṃ nissāya ṭhatvā passantasseva mahāsattassa mūlakalāpe viya dve dārake khādi. Mahāpurisassa yakkhaṃ oloketvā mukhe vivaṭamatte aggijālaṃ viya lohitadhāraṃ uggiramānaṃ tassa mukhaṃ disvāpi kesaggamattampi domanassaṃ na uppajji. ‘‘Sudinnaṃ vata me dāna’’nti cintayato panassa sarīre mahantaṃ pītisomanassa udapādi. So ‘‘imassa me nissandena anāgate imināva nīhārena rasmiyo nikkhamantū’’ti patthanaṃ akāsi. Tassa taṃ patthanaṃ nissāya buddhabhūtassa sarīrato rasmiyo nikkhamitvā ettakaṃ ṭhānaṃ phariṃsu.

    абарамбисса буб̣б̣ажарид̇ам̣ ад̇т̇и. со гира б̣од̇хисад̇д̇агаалз згасса б̣уд̣̇д̇хасса жзд̇ияам̣ д̣̇исваа ‘‘имасса б̣уд̣̇д̇хасса маяаа ж̇ийвид̇ам̣ барижжаж̇ид̇ум̣ ваддад̇ий’’д̇и д̣̇ан̣д̣ад̣̇ийбигаавзтананияаамзна сагаласарийрам̣ взтаабзд̇ваа рад̇анамад̇д̇амагул̣ам̣ сад̇асахассаг̇гханигам̣ суван̣н̣абаад̇им̣ саббисса буураабзд̇ваа д̇ад̇т̇а сахассаваддияо ж̇аалаабзд̇ваа д̇ам̣ сийсзнаад̣̇ааяа сагаласарийрам̣ ж̇аалаабзд̇ваа жзд̇ияам̣ бад̣̇агкин̣ам̣ гаронд̇о сагаларад̇д̇им̣ вийд̇инаамзси. звам̣ яаава арун̣уг̇г̇аманаа вааяаманд̇ассаабисса ломагуубамад̇д̇амби усумам̣ на г̇ан̣хи. бад̣̇умаг̇аб̣бхам̣ бавидтагаало вияа ахоси. д̇хаммо хи наамзса ад̇д̇аанам̣ рагканд̇ам̣ рагкад̇и. д̇знааха бхаг̇аваа –

    Aparampissa pubbacaritaṃ atthi. So kira bodhisattakāle ekassa buddhassa cetiyaṃ disvā ‘‘imassa buddhassa mayā jīvitaṃ pariccajituṃ vaṭṭatī’’ti daṇḍadīpikāveṭhananiyāmena sakalasarīraṃ veṭhāpetvā ratanamattamakuḷaṃ satasahassagghanikaṃ suvaṇṇapātiṃ sappissa pūrāpetvā tattha sahassavaṭṭiyo jālāpetvā taṃ sīsenādāya sakalasarīraṃ jālāpetvā cetiyaṃ padakkhiṇaṃ karonto sakalarattiṃ vītināmesi. Evaṃ yāva aruṇuggamanā vāyamantassāpissa lomakūpamattampi usumaṃ na gaṇhi. Padumagabbhaṃ paviṭṭhakālo viya ahosi. Dhammo hi nāmesa attānaṃ rakkhantaṃ rakkhati. Tenāha bhagavā –

    ‘‘д̇хаммо хавз рагкад̇и д̇хаммажаарим̣, д̇хаммо сужин̣н̣о сукамаавахаад̇и;

    ‘‘Dhammo have rakkhati dhammacāriṃ, dhammo suciṇṇo sukhamāvahāti;

    зсаанисам̣со д̇хаммз сужин̣н̣з, на д̣̇уг̇г̇ад̇им̣ г̇ажчад̇и д̇хаммажаарий’’д̇и. (т̇зраг̇аа. 303; ж̇аа. 1.10.102; 1.15.385);

    Esānisaṃso dhamme suciṇṇe, na duggatiṃ gacchati dhammacārī’’ti. (theragā. 303; jā. 1.10.102; 1.15.385);

    имассааби гаммасса ниссанд̣̇зна д̇асса бхаг̇авад̇о сарийробхаасо д̣̇асасахассилогад̇хаад̇ум̣ парид̇ваа адтааси.

    Imassāpi kammassa nissandena tassa bhagavato sarīrobhāso dasasahassilokadhātuṃ pharitvā aṭṭhāsi.

    д̇ад̣̇аа амхаагам̣ б̣од̇хисад̇д̇о суружи наама б̣раахман̣о худ̇ваа ‘‘сад̇т̇аарам̣ ниманд̇зссаамий’’д̇и убасан̇гамид̇ваа мад̇хурад̇хаммагат̇ам̣ суд̇ваа ‘‘свз маяхам̣ бхигкам̣ г̇ан̣хат̇а, бханд̇з’’д̇и ааха. б̣раахман̣а, гид̇д̇агзхи д̇з бхигкуухи ад̇т̇од̇и? ‘‘гид̇д̇агаа бана во, бханд̇з, бариваарабхигкуу’’д̇и ааха. д̇ад̣̇аа бана сад̇т̇у батамасаннибаад̇оязва ход̇и, д̇асмаа ‘‘годисад̇асахасса’’нд̇и ааха. бханд̇з, саб̣б̣зхиби сад̣̇д̇хим̣ маяхам̣ г̇зхз бхигкам̣ г̇ан̣хат̇аад̇и. сад̇т̇аа ад̇хиваасзси. б̣раахман̣о сваад̇анааяа ниманд̇зд̇ваа г̇зхам̣ г̇ажчанд̇о жинд̇зси – ‘‘ахам̣ зд̇д̇агаанам̣ бхигкуунам̣ яааг̇убхад̇д̇авад̇т̇аад̣̇ийни д̣̇аад̇ум̣ саггоми, нисийд̣̇анадтаанам̣ бана гат̇ам̣ бхависсад̇ий’’д̇и.

    Tadā amhākaṃ bodhisatto suruci nāma brāhmaṇo hutvā ‘‘satthāraṃ nimantessāmī’’ti upasaṅkamitvā madhuradhammakathaṃ sutvā ‘‘sve mayhaṃ bhikkhaṃ gaṇhatha, bhante’’ti āha. Brāhmaṇa, kittakehi te bhikkhūhi atthoti? ‘‘Kittakā pana vo, bhante, parivārabhikkhū’’ti āha. Tadā pana satthu paṭhamasannipātoyeva hoti, tasmā ‘‘koṭisatasahassa’’nti āha. Bhante, sabbehipi saddhiṃ mayhaṃ gehe bhikkhaṃ gaṇhathāti. Satthā adhivāsesi. Brāhmaṇo svātanāya nimantetvā gehaṃ gacchanto cintesi – ‘‘ahaṃ ettakānaṃ bhikkhūnaṃ yāgubhattavatthādīni dātuṃ sakkomi, nisīdanaṭṭhānaṃ pana kathaṃ bhavissatī’’ti.

    д̇асса саа жинд̇аа жад̇ураасийд̇ияож̇анасахассамад̇т̇агз тид̇асса д̣̇зваран̃н̃о бан̣д̣угамб̣аласилаасанасса ун̣хабхаавам̣ ж̇анзси. сагго ‘‘го ну ко мам̣ имамхаа таанаа жаавзд̇угаамо’’д̇и д̣̇иб̣б̣ажагкунаа ологзнд̇о махаабурисам̣ д̣̇исваа ‘‘суружи наама б̣раахман̣о б̣уд̣̇д̇хаббамукам̣ бхигкусан̇гхам̣ ниманд̇зд̇ваа нисийд̣̇анадтаанад̇т̇ааяа жинд̇зси, маяааби д̇ад̇т̇а г̇анд̇ваа бун̃н̃агодтаасам̣ г̇ахзд̇ум̣ ваддад̇ий’’д̇и вад̣дхагиван̣н̣ам̣ нимминид̇ваа ваасипарасухад̇т̇о махаабурисасса бурад̇о баад̇урахоси. со ‘‘ад̇т̇и ну ко гассажи бхад̇ияаа гад̇д̇аб̣б̣а’’нд̇и ааха. махаабурисо д̇ам̣ д̣̇исваа ‘‘гим̣ гаммам̣ гариссасий’’д̇и ааха. ‘‘мама аж̇аананасиббам̣ наама над̇т̇и, г̇зхам̣ ваа ман̣д̣абам̣ ваа яо яам̣ гаарзд̇и, д̇асса д̇ам̣ гаад̇ум̣ ж̇аанаамий’’д̇и. ‘‘д̇зна хи маяхам̣ гаммам̣ ад̇т̇ий’’д̇и. ‘‘гим̣ аяяаа’’д̇и? ‘‘сваад̇анааяа мз годисад̇асахассабхигкуу ниманд̇ид̇аа, д̇зсам̣ нисийд̣̇анаман̣д̣абам̣ гариссасий’’д̇и. ‘‘ахам̣ наама гарзяяам̣, сажз мама бхад̇им̣ д̣̇аад̇ум̣ сагкиссат̇аа’’д̇и. ‘‘сагкиссаами д̇аад̇аа’’д̇и. ‘‘саад̇ху гариссаамий’’д̇и г̇анд̇ваа згам̣ бад̣̇зсам̣ ологзси, д̣̇ваад̣̇асад̇зрасаяож̇анаббамаан̣о бад̣̇зсо гасин̣аман̣д̣алам̣ вияа самад̇ало ахоси. со ‘‘зд̇д̇агз таанз сад̇д̇арад̇анамаяо ман̣д̣або удтахад̇уу’’д̇и жинд̇зд̇ваа ологзси. д̇аавад̣̇зва бат̇авим̣ бхинд̣̇ид̇ваа ман̣д̣або удтахи. д̇асса сован̣н̣амаязсу т̇амбхзсу раж̇ад̇амаяаа гхадагаа ахзсум̣, раж̇ад̇амаязсу сован̣н̣амаяаа, ман̣ид̇т̇амбхзсу баваал̣амаяаа, баваал̣ад̇т̇амбхзсу ман̣имаяаа, сад̇д̇арад̇анамаязсу сад̇д̇арад̇анамаяаава гхадагаа ахзсум̣ . д̇ад̇о ‘‘ман̣д̣абасса анд̇аранд̇арзна гин̇гин̣игаж̇аалам̣ оламб̣ад̇уу’’д̇и ологзси, саха ологанзнзва гин̇гин̣игаж̇аалам̣ оламб̣и, яасса манд̣̇аваад̇зрид̇асса бан̃жан̇г̇игассзва д̇уурияасса мад̇хурасад̣̇д̣̇о ниг̇г̇ажчад̇и, д̣̇иб̣б̣асан̇г̇ийд̇ивад̇д̇анагаало вияа ход̇и. ‘‘анд̇аранд̇араа г̇анд̇хад̣̇аамамаалаад̣̇аамаани оламб̣анд̇уу’’д̇и жинд̇зси, д̣̇аамаани оламб̣им̣су. ‘‘годисад̇асахассасан̇каанам̣ бхигкуунам̣ аасанаани жа аад̇хаарагаани жа бат̇авим̣ бхинд̣̇ид̇ваа удтаханд̇уу’’д̇и жинд̇зси, д̇аавад̣̇зва удтахим̣су. ‘‘гон̣з гон̣з згзгаа уд̣̇агажаадияо удтаханд̇уу’’д̇и жинд̇зси, уд̣̇агажаадияо удтахим̣су.

    Tassa sā cintā caturāsītiyojanasahassamatthake ṭhitassa devarañño paṇḍukambalasilāsanassa uṇhabhāvaṃ janesi. Sakko ‘‘ko nu kho maṃ imamhā ṭhānā cāvetukāmo’’ti dibbacakkhunā olokento mahāpurisaṃ disvā ‘‘suruci nāma brāhmaṇo buddhappamukhaṃ bhikkhusaṅghaṃ nimantetvā nisīdanaṭṭhānatthāya cintesi, mayāpi tattha gantvā puññakoṭṭhāsaṃ gahetuṃ vaṭṭatī’’ti vaḍḍhakivaṇṇaṃ nimminitvā vāsipharasuhattho mahāpurisassa purato pāturahosi. So ‘‘atthi nu kho kassaci bhatiyā kattabba’’nti āha. Mahāpuriso taṃ disvā ‘‘kiṃ kammaṃ karissasī’’ti āha. ‘‘Mama ajānanasippaṃ nāma natthi, gehaṃ vā maṇḍapaṃ vā yo yaṃ kāreti, tassa taṃ kātuṃ jānāmī’’ti. ‘‘Tena hi mayhaṃ kammaṃ atthī’’ti. ‘‘Kiṃ ayyā’’ti? ‘‘Svātanāya me koṭisatasahassabhikkhū nimantitā, tesaṃ nisīdanamaṇḍapaṃ karissasī’’ti. ‘‘Ahaṃ nāma kareyyaṃ, sace mama bhatiṃ dātuṃ sakkhissathā’’ti. ‘‘Sakkhissāmi tātā’’ti. ‘‘Sādhu karissāmī’’ti gantvā ekaṃ padesaṃ olokesi, dvādasaterasayojanappamāṇo padeso kasiṇamaṇḍalaṃ viya samatalo ahosi. So ‘‘ettake ṭhāne sattaratanamayo maṇḍapo uṭṭhahatū’’ti cintetvā olokesi. Tāvadeva pathaviṃ bhinditvā maṇḍapo uṭṭhahi. Tassa sovaṇṇamayesu thambhesu rajatamayā ghaṭakā ahesuṃ, rajatamayesu sovaṇṇamayā, maṇitthambhesu pavāḷamayā, pavāḷatthambhesu maṇimayā, sattaratanamayesu sattaratanamayāva ghaṭakā ahesuṃ . Tato ‘‘maṇḍapassa antarantarena kiṅkiṇikajālaṃ olambatū’’ti olokesi, saha olokaneneva kiṅkiṇikajālaṃ olambi, yassa mandavāteritassa pañcaṅgikasseva tūriyassa madhurasaddo niggacchati, dibbasaṅgītivattanakālo viya hoti. ‘‘Antarantarā gandhadāmamālādāmāni olambantū’’ti cintesi, dāmāni olambiṃsu. ‘‘Koṭisatasahassasaṅkhānaṃ bhikkhūnaṃ āsanāni ca ādhārakāni ca pathaviṃ bhinditvā uṭṭhahantū’’ti cintesi, tāvadeva uṭṭhahiṃsu. ‘‘Koṇe koṇe ekekā udakacāṭiyo uṭṭhahantū’’ti cintesi, udakacāṭiyo uṭṭhahiṃsu.

    зд̇д̇агам̣ маабзд̇ваа б̣раахман̣асса санд̇игам̣ г̇анд̇ваа ‘‘зхи аяяа, д̇ава ман̣д̣абам̣ ологзд̇ваа маяхам̣ бхад̇им̣ д̣̇зхий’’д̇и ааха. махаабурисо г̇анд̇ваа ман̣д̣абам̣ ологзси, ологзнд̇ассзвасса сагаласарийрам̣ бан̃жаван̣н̣ааяа бийд̇ияаа ниранд̇арам̣ пудам̣ ахоси. ат̇асса ман̣д̣абам̣ ологаяад̇о зд̇ад̣̇ахоси – ‘‘нааяам̣ ман̣д̣або мануссабхууд̇зна гад̇о, маяхам̣ бана аж̇жхаасаяам̣ маяхам̣ г̇ун̣ам̣ ааг̇амма ад̣̇д̇хаа саггабхаванам̣ ун̣хам̣ ахоси, д̇ад̇о саггзна д̣̇зваран̃н̃аа аяам̣ ман̣д̣або гаарид̇о бхависсад̇ий’’д̇и. ‘‘на ко бана мз яуд̇д̇ам̣ зваруубз ман̣д̣абз згад̣̇ивасам̣язва д̣̇аанам̣ д̣̇аад̇ум̣, сад̇д̇аахам̣ д̣̇ассаамий’’д̇и жинд̇зси. б̣аахирагад̣̇аанан̃хи гид̇д̇агамби самаанам̣ б̣од̇хисад̇д̇аанам̣ д̇удтим̣ гаад̇ум̣ на саггод̇и, алан̇гад̇асийсам̣ бана чинд̣̇ид̇ваа ан̃ж̇ид̇аагкийни уббаадзд̇ваа хад̣̇аяамам̣сам̣ ваа уб̣б̣аддзд̇ваа д̣̇иннагаалз б̣од̇хисад̇д̇аанам̣ жааг̇ам̣ ниссааяа д̇удти наама ход̇и. амхаагамби хи б̣од̇хисад̇д̇асса сивиж̇аад̇агз д̣̇звасигам̣ бан̃жа гахаабан̣асад̇асахассаани виссаж̇ж̇зд̇ваа жад̇уусу д̣̇ваарзсу наг̇арамаж̇жхз жа д̣̇аанам̣ д̣̇знд̇асса д̇ам̣ д̣̇аанам̣ жааг̇ад̇удтим̣ уббаад̣̇зд̇ум̣ наасагки. яад̣̇аа банасса б̣раахман̣аван̣н̣зна ааг̇анд̇ваа сагго д̣̇зварааж̇аа агкийни яаажи, д̇ад̣̇аа д̇аани уббаадзд̇ваа д̣̇ад̣̇амаанассзва хаасо уббаж̇ж̇и, гзсаг̇г̇амад̇д̇амби жид̇д̇асса ан̃н̃ат̇ад̇д̇ам̣ наахоси. звам̣ д̣̇аанам̣ ниссааяа б̣од̇хисад̇д̇аанам̣ д̇ид̇д̇и наама над̇т̇и. д̇асмаа соби махаабурисо ‘‘сад̇д̇аахам̣ маяаа годисад̇асахассасан̇каанам̣ бхигкуунам̣ д̣̇аанам̣ д̣̇аад̇ум̣ ваддад̇ий’’д̇и жинд̇зд̇ваа д̇асмим̣ ман̣д̣абз б̣уд̣̇д̇хаббамукам̣ бхигкусан̇гхам̣ нисийд̣̇аабзд̇ваа сад̇д̇аахам̣ г̇авабаанам̣ наама д̣̇аанам̣ ад̣̇ааси. г̇авабаананд̇и маханд̇з маханд̇з голамб̣з кийрасса буурзд̇ваа уд̣̇д̇ханзсу ааробзд̇ваа гханабаагабаггз кийрз т̇огз д̇ан̣д̣улз багкибид̇ваа баггамад̇хусаггараажун̣н̣асаббийхи абхисан̇кад̇ам̣ бхож̇анам̣ вужжад̇и. мануссааязва бана баривисид̇ум̣ наасагким̣су, д̣̇звааби зганд̇аригаа худ̇ваа баривисим̣су. д̣̇ваад̣̇асад̇зрасаяож̇анаббамаан̣ам̣ таанамби бхигкуу г̇ан̣хид̇ум̣ наббахосиязва. д̇з бана бхигкуу ад̇д̇ано ад̇д̇ано аанубхаавзна нисийд̣̇им̣су. барияосаанад̣̇ивасз саб̣б̣абхигкуунам̣ бад̇д̇аани д̇ховаабзд̇ваа бхзсаж̇ж̇ад̇т̇ааяа саббинаванийд̇амад̇хупаан̣ид̇аад̣̇ийни буурзд̇ваа д̇ижийварзхи сад̣̇д̇хим̣ ад̣̇ааси, сан̇гханавагабхигкунаа лад̣̇д̇хажийварасаадагаа сад̇асахассаг̇гханагаа ахзсум̣.

    Ettakaṃ māpetvā brāhmaṇassa santikaṃ gantvā ‘‘ehi ayya, tava maṇḍapaṃ oloketvā mayhaṃ bhatiṃ dehī’’ti āha. Mahāpuriso gantvā maṇḍapaṃ olokesi, olokentassevassa sakalasarīraṃ pañcavaṇṇāya pītiyā nirantaraṃ phuṭaṃ ahosi. Athassa maṇḍapaṃ olokayato etadahosi – ‘‘nāyaṃ maṇḍapo manussabhūtena kato, mayhaṃ pana ajjhāsayaṃ mayhaṃ guṇaṃ āgamma addhā sakkabhavanaṃ uṇhaṃ ahosi, tato sakkena devaraññā ayaṃ maṇḍapo kārito bhavissatī’’ti. ‘‘Na kho pana me yuttaṃ evarūpe maṇḍape ekadivasaṃyeva dānaṃ dātuṃ, sattāhaṃ dassāmī’’ti cintesi. Bāhirakadānañhi kittakampi samānaṃ bodhisattānaṃ tuṭṭhiṃ kātuṃ na sakkoti, alaṅkatasīsaṃ pana chinditvā añjitaakkhīni uppāṭetvā hadayamaṃsaṃ vā ubbaṭṭetvā dinnakāle bodhisattānaṃ cāgaṃ nissāya tuṭṭhi nāma hoti. Amhākampi hi bodhisattassa sivijātake devasikaṃ pañca kahāpaṇasatasahassāni vissajjetvā catūsu dvāresu nagaramajjhe ca dānaṃ dentassa taṃ dānaṃ cāgatuṭṭhiṃ uppādetuṃ nāsakkhi. Yadā panassa brāhmaṇavaṇṇena āgantvā sakko devarājā akkhīni yāci, tadā tāni uppāṭetvā dadamānasseva hāso uppajji, kesaggamattampi cittassa aññathattaṃ nāhosi. Evaṃ dānaṃ nissāya bodhisattānaṃ titti nāma natthi. Tasmā sopi mahāpuriso ‘‘sattāhaṃ mayā koṭisatasahassasaṅkhānaṃ bhikkhūnaṃ dānaṃ dātuṃ vaṭṭatī’’ti cintetvā tasmiṃ maṇḍape buddhappamukhaṃ bhikkhusaṅghaṃ nisīdāpetvā sattāhaṃ gavapānaṃ nāma dānaṃ adāsi. Gavapānanti mahante mahante kolambe khīrassa pūretvā uddhanesu āropetvā ghanapākapakke khīre thoke taṇḍule pakkhipitvā pakkamadhusakkarācuṇṇasappīhi abhisaṅkhataṃ bhojanaṃ vuccati. Manussāyeva pana parivisituṃ nāsakkhiṃsu, devāpi ekantarikā hutvā parivisiṃsu. Dvādasaterasayojanappamāṇaṃ ṭhānampi bhikkhū gaṇhituṃ nappahosiyeva. Te pana bhikkhū attano attano ānubhāvena nisīdiṃsu. Pariyosānadivase sabbabhikkhūnaṃ pattāni dhovāpetvā bhesajjatthāya sappinavanītamadhuphāṇitādīni pūretvā ticīvarehi saddhiṃ adāsi, saṅghanavakabhikkhunā laddhacīvarasāṭakā satasahassagghanakā ahesuṃ.

    сад̇т̇аа анумод̣̇анам̣ гаронд̇о ‘‘аяам̣ бурисо зваруубам̣ махаад̣̇аанам̣ ад̣̇ааси, го ну ко бхависсад̇ий’’д̇и убад̇хаарзнд̇о ‘‘анааг̇ад̇з габбасад̇асахассаад̇хигаанам̣ д̣̇виннам̣ асан̇кязяяаанам̣ мад̇т̇агз г̇од̇амо наама б̣уд̣̇д̇хо бхависсад̇ий’’д̇и д̣̇исваа махаабурисам̣ ааманд̇зд̇ваа ‘‘д̇вам̣ зд̇д̇агам̣ наама гаалам̣ ад̇иггамид̇ваа г̇од̇амо наама б̣уд̣̇д̇хо бхависсасий’’д̇и б̣яаагааси. махаабурисо б̣яаагаран̣ам̣ суд̇ваа ‘‘ахам̣ гира б̣уд̣̇д̇хо бхависсаами, го мз гхарааваасзна ад̇т̇о, баб̣б̣аж̇иссаамий’’д̇и жинд̇зд̇ваа д̇ат̇ааруубам̣ самбад̇д̇им̣ кзл̣абин̣д̣ам̣ вияа бахааяа сад̇т̇у санд̇игз баб̣б̣аж̇ид̇ваа б̣уд̣̇д̇хаважанам̣ уг̇г̇ан̣хид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа ааяубарияосаанз б̣рахмалогз ниб̣б̣ад̇д̇и.

    Satthā anumodanaṃ karonto ‘‘ayaṃ puriso evarūpaṃ mahādānaṃ adāsi, ko nu kho bhavissatī’’ti upadhārento ‘‘anāgate kappasatasahassādhikānaṃ dvinnaṃ asaṅkhyeyyānaṃ matthake gotamo nāma buddho bhavissatī’’ti disvā mahāpurisaṃ āmantetvā ‘‘tvaṃ ettakaṃ nāma kālaṃ atikkamitvā gotamo nāma buddho bhavissasī’’ti byākāsi. Mahāpuriso byākaraṇaṃ sutvā ‘‘ahaṃ kira buddho bhavissāmi, ko me gharāvāsena attho, pabbajissāmī’’ti cintetvā tathārūpaṃ sampattiṃ kheḷapiṇḍaṃ viya pahāya satthu santike pabbajitvā buddhavacanaṃ uggaṇhitvā abhiññā ca samāpattiyo ca nibbattetvā āyupariyosāne brahmaloke nibbatti.

    ман̇г̇аласса бана бхаг̇авад̇о наг̇арам̣ уд̇д̇арам̣ наама ахоси, бид̇ааби уд̇д̇аро наама кад̇д̇ияо, маад̇ааби уд̇д̇араа наама д̣̇звий, суд̣̇зво жа д̇хаммасзно жа д̣̇вз аг̇г̇асаавагаа, баалид̇о наамубадтааго, сийвалий жа асогаа жа д̣̇вз аг̇г̇асаавигаа, нааг̇аругко б̣од̇хи, адтаасийд̇ихад̇т̇уб̣б̣зд̇хам̣ сарийрам̣ ахоси. навуд̇ивассасахассаани тад̇ваа бариниб̣б̣уд̇з бана д̇асмим̣ бхаг̇авад̇и згаббахаарзнзва д̣̇аса жаггаваал̣асахассаани зганд̇хагаараани ахзсум̣. саб̣б̣ажаггаваал̣зсу мануссаанам̣ маханд̇ам̣ аарод̣̇анабарид̣̇званам̣ ахоси.

    Maṅgalassa pana bhagavato nagaraṃ uttaraṃ nāma ahosi, pitāpi uttaro nāma khattiyo, mātāpi uttarā nāma devī, sudevo ca dhammaseno ca dve aggasāvakā, pālito nāmupaṭṭhāko, sīvalī ca asokā ca dve aggasāvikā, nāgarukkho bodhi, aṭṭhāsītihatthubbedhaṃ sarīraṃ ahosi. Navutivassasahassāni ṭhatvā parinibbute pana tasmiṃ bhagavati ekappahāreneva dasa cakkavāḷasahassāni ekandhakārāni ahesuṃ. Sabbacakkavāḷesu manussānaṃ mahantaṃ ārodanaparidevanaṃ ahosi.

    ‘‘гон̣д̣ан̃н̃асса абарзна, ман̇г̇ало наама нааяаго;

    ‘‘Koṇḍaññassa aparena, maṅgalo nāma nāyako;

    д̇амам̣ логз ниханд̇ваана, д̇хаммоггамабхид̇хаараяий’’д̇и.

    Tamaṃ loke nihantvāna, dhammokkamabhidhārayī’’ti.

    звам̣ д̣̇асасахассилогад̇хаад̇ум̣ анд̇хагаарам̣ гад̇ваа бариниб̣б̣уд̇асса д̇асса бхаг̇авад̇о абарабхааг̇з сумано наама сад̇т̇аа уд̣̇абаад̣̇и. д̇ассааби д̇аяо саавагасаннибаад̇аа ахзсум̣. батамасаннибаад̇з годисад̇асахассабхигкуу ахзсум̣, д̣̇уд̇ияз ган̃жанабаб̣б̣ад̇амхи навуд̇игодисахассаани, д̇ад̇ияз асийд̇игодисахассаани. д̇ад̣̇аа махаасад̇д̇о ад̇уло наама нааг̇арааж̇аа ахоси махид̣̇д̇хиго махаанубхааво. со ‘‘б̣уд̣̇д̇хо уббанно’’д̇и суд̇ваа н̃аад̇исан̇гхабаривуд̇о нааг̇абхаванаа нигкамид̇ваа годисад̇асахассабхигкубариваарасса д̇асса бхаг̇авад̇о д̣̇иб̣б̣ад̇ууриязхи убахаарам̣ гаарзд̇ваа махаад̣̇аанам̣ бавад̇д̇зд̇ваа бажжзгам̣ д̣̇уссаяуг̇аани д̣̇ад̇ваа саран̣зсу бад̇идтааси. соби нам̣ сад̇т̇аа ‘‘анааг̇ад̇з б̣уд̣̇д̇хо бхависсасий’’д̇и б̣яаагааси. д̇асса бхаг̇авад̇о наг̇арам̣ кзмам̣ наама ахоси, суд̣̇ад̇д̇о наама рааж̇аа бид̇аа, сиримаа наама маад̇аа, саран̣о жа бхаавид̇ад̇д̇о жа д̣̇вз аг̇г̇асаавагаа, уд̣̇зно наамубадтааго, сон̣аа жа убасон̣аа жа д̣̇вз аг̇г̇асаавигаа, нааг̇аругко б̣од̇хи, навуд̇ихад̇т̇уб̣б̣зд̇хам̣ сарийрам̣, навуд̇иязва вассасахассаани ааяуббамаан̣ам̣ ахоси.

    Evaṃ dasasahassilokadhātuṃ andhakāraṃ katvā parinibbutassa tassa bhagavato aparabhāge sumano nāma satthā udapādi. Tassāpi tayo sāvakasannipātā ahesuṃ. Paṭhamasannipāte koṭisatasahassabhikkhū ahesuṃ, dutiye kañcanapabbatamhi navutikoṭisahassāni, tatiye asītikoṭisahassāni. Tadā mahāsatto atulo nāma nāgarājā ahosi mahiddhiko mahānubhāvo. So ‘‘buddho uppanno’’ti sutvā ñātisaṅghaparivuto nāgabhavanā nikkhamitvā koṭisatasahassabhikkhuparivārassa tassa bhagavato dibbatūriyehi upahāraṃ kāretvā mahādānaṃ pavattetvā paccekaṃ dussayugāni datvā saraṇesu patiṭṭhāsi. Sopi naṃ satthā ‘‘anāgate buddho bhavissasī’’ti byākāsi. Tassa bhagavato nagaraṃ khemaṃ nāma ahosi, sudatto nāma rājā pitā, sirimā nāma mātā, saraṇo ca bhāvitatto ca dve aggasāvakā, udeno nāmupaṭṭhāko, soṇā ca upasoṇā ca dve aggasāvikā, nāgarukkho bodhi, navutihatthubbedhaṃ sarīraṃ, navutiyeva vassasahassāni āyuppamāṇaṃ ahosi.

    ‘‘ман̇г̇аласса абарзна, сумано наама нааяаго;

    ‘‘Maṅgalassa aparena, sumano nāma nāyako;

    саб̣б̣ад̇хаммзхи асамо, саб̣б̣асад̇д̇аанамуд̇д̇амо’’д̇и.

    Sabbadhammehi asamo, sabbasattānamuttamo’’ti.

    д̇асса абарабхааг̇з рзвад̇о наама сад̇т̇аа уд̣̇абаад̣̇и. д̇ассааби д̇аяо саавагасаннибаад̇аа ахзсум̣. батамасаннибаад̇з г̇ан̣анаа над̇т̇и, д̣̇уд̇ияз годисад̇асахассабхигкуу ахзсум̣, д̇ат̇аа д̇ад̇ияз. д̇ад̣̇аа б̣од̇хисад̇д̇о ад̇ид̣̇зво наама б̣раахман̣о худ̇ваа сад̇т̇у д̇хаммад̣̇зсанам̣ суд̇ваа саран̣зсу бад̇идтааяа сирасмим̣ ан̃ж̇алим̣ табзд̇ваа д̇асса сад̇т̇уно гилзсаббахаанз ван̣н̣ам̣ вад̇ваа уд̇д̇араасан̇г̇зна бууж̇ам̣ агааси. соби нам̣ ‘‘б̣уд̣̇д̇хо бхависсасий’’д̇и б̣яаагааси. д̇асса бана бхаг̇авад̇о наг̇арам̣ д̇хан̃н̃авад̇ий наама ахоси, бид̇аа вибуло наама кад̇д̇ияо, маад̇ааби вибулаа наама д̣̇звий, варун̣о жа б̣рахмад̣̇зво жа д̣̇вз аг̇г̇асаавагаа, самбхаво наамубадтааго, бхад̣̇д̣̇аа жа субхад̣̇д̣̇аа жа д̣̇вз аг̇г̇асаавигаа, нааг̇аругкова б̣од̇хи, сарийрам̣ асийд̇ихад̇т̇уб̣б̣зд̇хам̣ ахоси, ааяу садти вассасахассаанийд̇и.

    Tassa aparabhāge revato nāma satthā udapādi. Tassāpi tayo sāvakasannipātā ahesuṃ. Paṭhamasannipāte gaṇanā natthi, dutiye koṭisatasahassabhikkhū ahesuṃ, tathā tatiye. Tadā bodhisatto atidevo nāma brāhmaṇo hutvā satthu dhammadesanaṃ sutvā saraṇesu patiṭṭhāya sirasmiṃ añjaliṃ ṭhapetvā tassa satthuno kilesappahāne vaṇṇaṃ vatvā uttarāsaṅgena pūjaṃ akāsi. Sopi naṃ ‘‘buddho bhavissasī’’ti byākāsi. Tassa pana bhagavato nagaraṃ dhaññavatī nāma ahosi, pitā vipulo nāma khattiyo, mātāpi vipulā nāma devī, varuṇo ca brahmadevo ca dve aggasāvakā, sambhavo nāmupaṭṭhāko, bhaddā ca subhaddā ca dve aggasāvikā, nāgarukkhova bodhi, sarīraṃ asītihatthubbedhaṃ ahosi, āyu saṭṭhi vassasahassānīti.

    ‘‘суманасса абарзна, рзвад̇о наама нааяаго;

    ‘‘Sumanassa aparena, revato nāma nāyako;

    ануубамо асад̣̇исо, ад̇уло уд̇д̇амо ж̇ино’’д̇и.

    Anūpamo asadiso, atulo uttamo jino’’ti.

    д̇асса абарабхааг̇з собхид̇о наама сад̇т̇аа уд̣̇абаад̣̇и. д̇ассааби д̇аяо саавагасаннибаад̇аа ахзсум̣. батамасаннибаад̇з годисад̇абхигкуу ахзсум̣, д̣̇уд̇ияз навуд̇игодияо, д̇ад̇ияз асийд̇игодияо. д̇ад̣̇аа б̣од̇хисад̇д̇о аж̇ид̇о наама б̣раахман̣о худ̇ваа сад̇т̇у д̇хаммад̣̇зсанам̣ суд̇ваа саран̣зсу бад̇идтааяа б̣уд̣̇д̇хаббамукасса бхигкусан̇гхасса махаад̣̇аанам̣ ад̣̇ааси. соби нам̣ ‘‘б̣уд̣̇д̇хо бхависсасий’’д̇и б̣яаагааси. д̇асса бана бхаг̇авад̇о суд̇хаммам̣ наама наг̇арам̣ ахоси, бид̇ааби суд̇хаммо наама рааж̇аа, маад̇ааби суд̇хаммаа наама д̣̇звий, асамо жа сунзд̇д̇о жа д̣̇вз аг̇г̇асаавагаа, аномо наамубадтааго, нагулаа жа суж̇аад̇аа жа д̣̇вз аг̇г̇асаавигаа, нааг̇аругкова б̣од̇хи, адтабан̣н̣аасахад̇т̇уб̣б̣зд̇хам̣ сарийрам̣ ахоси, навуд̇и вассасахассаани ааяуббамаан̣анд̇и.

    Tassa aparabhāge sobhito nāma satthā udapādi. Tassāpi tayo sāvakasannipātā ahesuṃ. Paṭhamasannipāte koṭisatabhikkhū ahesuṃ, dutiye navutikoṭiyo, tatiye asītikoṭiyo. Tadā bodhisatto ajito nāma brāhmaṇo hutvā satthu dhammadesanaṃ sutvā saraṇesu patiṭṭhāya buddhappamukhassa bhikkhusaṅghassa mahādānaṃ adāsi. Sopi naṃ ‘‘buddho bhavissasī’’ti byākāsi. Tassa pana bhagavato sudhammaṃ nāma nagaraṃ ahosi, pitāpi sudhammo nāma rājā, mātāpi sudhammā nāma devī, asamo ca sunetto ca dve aggasāvakā, anomo nāmupaṭṭhāko, nakulā ca sujātā ca dve aggasāvikā, nāgarukkhova bodhi, aṭṭhapaṇṇāsahatthubbedhaṃ sarīraṃ ahosi, navuti vassasahassāni āyuppamāṇanti.

    ‘‘рзвад̇асса абарзна, собхид̇о наама нааяаго;

    ‘‘Revatassa aparena, sobhito nāma nāyako;

    самаахид̇о санд̇ажид̇д̇о, асамо аббадибуг̇г̇ало’’д̇и.

    Samāhito santacitto, asamo appaṭipuggalo’’ti.

    д̇асса абарабхааг̇з згам̣ асан̇кязяяам̣ ад̇иггамид̇ваа згасмим̣язва габбз д̇аяо б̣уд̣̇д̇хаа ниб̣б̣ад̇д̇им̣су аномад̣̇ассий бад̣̇умо наарад̣̇од̇и. аномад̣̇ассисса бхаг̇авад̇о д̇аяо саавагасаннибаад̇аа ахзсум̣. батамасаннибаад̇з бхигкуу адтасад̇асахассаани ахзсум̣, д̣̇уд̇ияз сад̇д̇а, д̇ад̇ияз ча. д̇ад̣̇аа б̣од̇хисад̇д̇о зго яагкасзнаабад̇и ахоси махид̣̇д̇хиго махаанубхааво анзгагодисад̇асахассаанам̣ яагкаанам̣ ад̇хибад̇и. со ‘‘б̣уд̣̇д̇хо уббанно’’д̇и суд̇ваа ааг̇анд̇ваа б̣уд̣̇д̇хаббамукасса бхигкусан̇гхасса махаад̣̇аанам̣ ад̣̇ааси. сад̇т̇ааби нам̣ ‘‘анааг̇ад̇з б̣уд̣̇д̇хо бхависсасий’’д̇и б̣яаагааси. аномад̣̇ассисса бана бхаг̇авад̇о жанд̣̇авад̇ий наама наг̇арам̣ ахоси, яасаваа наама рааж̇аа бид̇аа, яасод̇хараа наама маад̇аа, нисабхо жа аномо жа д̣̇вз аг̇г̇асаавагаа, варун̣о наамубадтааго, сунд̣̇арий жа суманаа жа д̣̇вз аг̇г̇асаавигаа, аж̇ж̇унаругко б̣од̇хи, адтабан̣н̣аасахад̇т̇уб̣б̣зд̇хам̣ сарийрам̣ ахоси, вассасад̇асахассам̣ ааяууд̇и.

    Tassa aparabhāge ekaṃ asaṅkhyeyyaṃ atikkamitvā ekasmiṃyeva kappe tayo buddhā nibbattiṃsu anomadassī padumo nāradoti. Anomadassissa bhagavato tayo sāvakasannipātā ahesuṃ. Paṭhamasannipāte bhikkhū aṭṭhasatasahassāni ahesuṃ, dutiye satta, tatiye cha. Tadā bodhisatto eko yakkhasenāpati ahosi mahiddhiko mahānubhāvo anekakoṭisatasahassānaṃ yakkhānaṃ adhipati. So ‘‘buddho uppanno’’ti sutvā āgantvā buddhappamukhassa bhikkhusaṅghassa mahādānaṃ adāsi. Satthāpi naṃ ‘‘anāgate buddho bhavissasī’’ti byākāsi. Anomadassissa pana bhagavato candavatī nāma nagaraṃ ahosi, yasavā nāma rājā pitā, yasodharā nāma mātā, nisabho ca anomo ca dve aggasāvakā, varuṇo nāmupaṭṭhāko, sundarī ca sumanā ca dve aggasāvikā, ajjunarukkho bodhi, aṭṭhapaṇṇāsahatthubbedhaṃ sarīraṃ ahosi, vassasatasahassaṃ āyūti.

    ‘‘собхид̇асса абарзна, самб̣уд̣̇д̇хо д̣̇вибад̣̇уд̇д̇амо;

    ‘‘Sobhitassa aparena, sambuddho dvipaduttamo;

    аномад̣̇ассий амид̇аяасо, д̇зж̇ассий д̣̇урад̇иггамо’’д̇и.

    Anomadassī amitayaso, tejassī duratikkamo’’ti.

    д̇асса абарабхааг̇з бад̣̇умо наама сад̇т̇аа уд̣̇абаад̣̇и. д̇ассааби д̇аяо бхаавагасаннибаад̇аа ахзсум̣. батамасаннибаад̇з годисад̇асахассабхигкуу ахзсум̣, д̣̇уд̇ияз д̇ийн̣и сад̇асахассаани, д̇ад̇ияз аг̇аамагз аран̃н̃з махааванасан̣д̣аваасийнам̣ бхигкуунам̣ д̣̇вз сад̇асахассаани. д̇ад̣̇аа д̇ат̇ааг̇ад̇з д̇асмим̣ ванасан̣д̣з васанд̇з б̣од̇хисад̇д̇о сийхо худ̇ваа сад̇т̇аарам̣ нирод̇хасамаабад̇д̇им̣ самаабаннам̣ д̣̇исваа басаннажид̇д̇о ванд̣̇ид̇ваа бад̣̇агкин̣ам̣ гад̇ваа бийд̇исоманассаж̇аад̇о д̇игкад̇д̇ум̣ сийханаад̣̇ам̣ над̣̇ид̇ваа сад̇д̇аахам̣ б̣уд̣̇д̇хаарамман̣абийд̇им̣ авиж̇ахид̇ваа бийд̇исукзнзва г̇ожарааяа абаггамид̇ваа ж̇ийвид̇абарижжааг̇ам̣ гад̇ваа баяирубаасамаано адтааси. сад̇т̇аа сад̇д̇аахажжаязна нирод̇хаа вудтид̇о сийхам̣ ологзд̇ваа ‘‘бхигкусан̇гхзби жид̇д̇ам̣ басаад̣̇зд̇ваа сан̇гхам̣ ванд̣̇иссад̇ийд̇и бхигкусан̇гхо ааг̇ажчад̇уу’’д̇и жинд̇зси. бхигкуу д̇аавад̣̇зва ааг̇амим̣су. сийхо сан̇гхз жид̇д̇ам̣ басаад̣̇зси. сад̇т̇аа д̇асса манам̣ ологзд̇ваа ‘‘анааг̇ад̇з б̣уд̣̇д̇хо бхависсасий’’д̇и б̣яаагааси. бад̣̇умасса бана бхаг̇авад̇о жамбагам̣ наама наг̇арам̣ ахоси, асамо наама рааж̇аа бид̇аа, асамаа наама д̣̇звий маад̇аа, саало жа убасаало жа д̣̇вз аг̇г̇асаавагаа, варун̣о наамубадтааго, раамаа жа сураамаа жа д̣̇вз аг̇г̇асаавигаа, сон̣аругко наама б̣од̇хи, адтабан̣н̣аасахад̇т̇уб̣б̣зд̇хам̣ сарийрам̣ ахоси, ааяу вассасад̇асахассанд̇и.

    Tassa aparabhāge padumo nāma satthā udapādi. Tassāpi tayo bhāvakasannipātā ahesuṃ. Paṭhamasannipāte koṭisatasahassabhikkhū ahesuṃ, dutiye tīṇi satasahassāni, tatiye agāmake araññe mahāvanasaṇḍavāsīnaṃ bhikkhūnaṃ dve satasahassāni. Tadā tathāgate tasmiṃ vanasaṇḍe vasante bodhisatto sīho hutvā satthāraṃ nirodhasamāpattiṃ samāpannaṃ disvā pasannacitto vanditvā padakkhiṇaṃ katvā pītisomanassajāto tikkhattuṃ sīhanādaṃ naditvā sattāhaṃ buddhārammaṇapītiṃ avijahitvā pītisukheneva gocarāya apakkamitvā jīvitapariccāgaṃ katvā payirupāsamāno aṭṭhāsi. Satthā sattāhaccayena nirodhā vuṭṭhito sīhaṃ oloketvā ‘‘bhikkhusaṅghepi cittaṃ pasādetvā saṅghaṃ vandissatīti bhikkhusaṅgho āgacchatū’’ti cintesi. Bhikkhū tāvadeva āgamiṃsu. Sīho saṅghe cittaṃ pasādesi. Satthā tassa manaṃ oloketvā ‘‘anāgate buddho bhavissasī’’ti byākāsi. Padumassa pana bhagavato campakaṃ nāma nagaraṃ ahosi, asamo nāma rājā pitā, asamā nāma devī mātā, sālo ca upasālo ca dve aggasāvakā, varuṇo nāmupaṭṭhāko, rāmā ca surāmā ca dve aggasāvikā, soṇarukkho nāma bodhi, aṭṭhapaṇṇāsahatthubbedhaṃ sarīraṃ ahosi, āyu vassasatasahassanti.

    ‘‘аномад̣̇ассисса абарзна, самб̣уд̣̇д̇хо д̣̇вибад̣̇уд̇д̇амо;

    ‘‘Anomadassissa aparena, sambuddho dvipaduttamo;

    бад̣̇умо наама наамзна, асамо аббадибуг̇г̇ало’’д̇и.

    Padumo nāma nāmena, asamo appaṭipuggalo’’ti.

    д̇асса абарабхааг̇з наарад̣̇о наама сад̇т̇аа уд̣̇абаад̣̇и. д̇ассааби д̇аяо саавагасаннибаад̇аа ахзсум̣. батамасаннибаад̇з годисад̇асахассабхигкуу ахзсум̣, д̣̇уд̇ияз навуд̇игодисахассаани, д̇ад̇ияз асийд̇игодисахассаани . д̇ад̣̇аа б̣од̇хисад̇д̇о исибаб̣б̣аж̇ж̇ам̣ баб̣б̣аж̇ид̇ваа бан̃жасу абхин̃н̃аасу адтасу жа самаабад̇д̇ийсу жин̣н̣авасий худ̇ваа б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа лохид̇ажанд̣̇анзна бууж̇ам̣ агааси. соби нам̣ ‘‘анааг̇ад̇з б̣уд̣̇д̇хо бхависсасий’’д̇и б̣яаагааси. д̇асса бхаг̇авад̇о д̇хан̃н̃авад̇ий наама наг̇арам̣ ахоси, суд̣̇зво наама кад̇д̇ияо бид̇аа, аномаа наама маад̇аа, сад̣̇д̣̇асаало жа ж̇ид̇амид̇д̇о жа д̣̇вз аг̇г̇асаавагаа, ваасздто наамубадтааго , уд̇д̇араа жа паг̇г̇уний жа д̣̇вз аг̇г̇асаавигаа, махаасон̣аругко наама б̣од̇хи, сарийрам̣ адтаасийд̇ихад̇т̇уб̣б̣зд̇хам̣ ахоси, навуд̇ивассасахассаани ааяууд̇и.

    Tassa aparabhāge nārado nāma satthā udapādi. Tassāpi tayo sāvakasannipātā ahesuṃ. Paṭhamasannipāte koṭisatasahassabhikkhū ahesuṃ, dutiye navutikoṭisahassāni, tatiye asītikoṭisahassāni . Tadā bodhisatto isipabbajjaṃ pabbajitvā pañcasu abhiññāsu aṭṭhasu ca samāpattīsu ciṇṇavasī hutvā buddhappamukhassa bhikkhusaṅghassa mahādānaṃ datvā lohitacandanena pūjaṃ akāsi. Sopi naṃ ‘‘anāgate buddho bhavissasī’’ti byākāsi. Tassa bhagavato dhaññavatī nāma nagaraṃ ahosi, sudevo nāma khattiyo pitā, anomā nāma mātā, saddasālo ca jitamitto ca dve aggasāvakā, vāseṭṭho nāmupaṭṭhāko , uttarā ca phaggunī ca dve aggasāvikā, mahāsoṇarukkho nāma bodhi, sarīraṃ aṭṭhāsītihatthubbedhaṃ ahosi, navutivassasahassāni āyūti.

    ‘‘бад̣̇умасса абарзна, самб̣уд̣̇д̇хо д̣̇вибад̣̇уд̇д̇амо;

    ‘‘Padumassa aparena, sambuddho dvipaduttamo;

    наарад̣̇о наама наамзна, асамо аббадибуг̇г̇ало’’д̇и.

    Nārado nāma nāmena, asamo appaṭipuggalo’’ti.

    наарад̣̇аб̣уд̣̇д̇хасса абарабхааг̇з згам̣ асан̇кязяяам̣ ад̇иггамид̇ваа ид̇о сад̇асахассагаббамад̇т̇агз згасмим̣ габбз згова бад̣̇умуд̇д̇араб̣уд̣̇д̇хо наама уд̣̇абаад̣̇и. д̇ассааби д̇аяо саавагасаннибаад̇аа ахзсум̣. батамз годисад̇асахассабхигкуу ахзсум̣, д̣̇уд̇ияз взбхаарабаб̣б̣ад̇з навуд̇игодисахассаани, д̇ад̇ияз асийд̇игодисахассаани. д̇ад̣̇аа б̣од̇хисад̇д̇о ж̇адило наама махаарадтияо худ̇ваа б̣уд̣̇д̇хаббамукасса бхигкусан̇гхасса сажийварам̣ д̣̇аанам̣ ад̣̇ааси. соби нам̣ ‘‘анааг̇ад̇з б̣уд̣̇д̇хо бхависсасий’’д̇и б̣яаагааси. бад̣̇умуд̇д̇арасса бана бхаг̇авад̇о гаалз д̇ид̇т̇ияаа наама наахзсум̣. саб̣б̣з д̣̇звамануссаа б̣уд̣̇д̇хамзва саран̣ам̣ аг̇амам̣су. д̇асса наг̇арам̣ хам̣савад̇ий наама ахоси, бид̇аа аананд̣̇о наама кад̇д̇ияо, маад̇аа суж̇аад̇аа наама д̣̇звий, д̣̇звало жа суж̇аад̇о жа д̣̇вз аг̇г̇асаавагаа, сумано наамубадтааго, амид̇аа жа асамаа жа д̣̇вз аг̇г̇асаавигаа, салаларугко б̣од̇хи, сарийрам̣ адтабан̣н̣аасахад̇т̇уб̣б̣зд̇хам̣ ахоси, сарийраббабхаа саманд̇ад̇о д̣̇ваад̣̇аса яож̇анаани г̇ан̣хи, вассасад̇асахассам̣ ааяууд̇и.

    Nāradabuddhassa aparabhāge ekaṃ asaṅkhyeyyaṃ atikkamitvā ito satasahassakappamatthake ekasmiṃ kappe ekova padumuttarabuddho nāma udapādi. Tassāpi tayo sāvakasannipātā ahesuṃ. Paṭhame koṭisatasahassabhikkhū ahesuṃ, dutiye vebhārapabbate navutikoṭisahassāni, tatiye asītikoṭisahassāni. Tadā bodhisatto jaṭilo nāma mahāraṭṭhiyo hutvā buddhappamukhassa bhikkhusaṅghassa sacīvaraṃ dānaṃ adāsi. Sopi naṃ ‘‘anāgate buddho bhavissasī’’ti byākāsi. Padumuttarassa pana bhagavato kāle titthiyā nāma nāhesuṃ. Sabbe devamanussā buddhameva saraṇaṃ agamaṃsu. Tassa nagaraṃ haṃsavatī nāma ahosi, pitā ānando nāma khattiyo, mātā sujātā nāma devī, devalo ca sujāto ca dve aggasāvakā, sumano nāmupaṭṭhāko, amitā ca asamā ca dve aggasāvikā, salalarukkho bodhi, sarīraṃ aṭṭhapaṇṇāsahatthubbedhaṃ ahosi, sarīrappabhā samantato dvādasa yojanāni gaṇhi, vassasatasahassaṃ āyūti.

    ‘‘наарад̣̇асса абарзна, самб̣уд̣̇д̇хо д̣̇вибад̣̇уд̇д̇амо;

    ‘‘Nāradassa aparena, sambuddho dvipaduttamo;

    бад̣̇умуд̇д̇аро наама ж̇ино, агкобхо сааг̇аруубамо’’д̇и.

    Padumuttaro nāma jino, akkhobho sāgarūpamo’’ti.

    д̇асса абарабхааг̇з сад̇д̇ад̇и габбасахассаани ад̇иггамид̇ваа сумзд̇хо суж̇аад̇о жаад̇и згасмим̣ габбз д̣̇вз б̣уд̣̇д̇хаа ниб̣б̣ад̇д̇им̣су. сумзд̇хассааби д̇аяо саавагасаннибаад̇аа ахзсум̣, батамасаннибаад̇з суд̣̇ассананаг̇арз годисад̇акийн̣аасаваа ахзсум̣, д̣̇уд̇ияз бана навуд̇игодияо, д̇ад̇ияз асийд̇игодияо. д̇ад̣̇аа б̣од̇хисад̇д̇о уд̇д̇аро наама маан̣аво худ̇ваа нид̣̇ахид̇ваа табид̇ам̣язва асийд̇игодид̇ханам̣ виссаж̇ж̇зд̇ваа б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа д̇хаммам̣ суд̇ваа саран̣зсу бад̇идтааяа нигкамид̇ваа баб̣б̣аж̇и. соби нам̣ ‘‘анааг̇ад̇з б̣уд̣̇д̇хо бхависсасий’’д̇и б̣яаагааси. сумзд̇хасса бхаг̇авад̇о суд̣̇ассанам̣ наама наг̇арам̣ ахоси, суд̣̇ад̇д̇о наама рааж̇аа бид̇аа, маад̇ааби суд̣̇ад̇д̇аа наама, саран̣о жа саб̣б̣агаамо жа д̣̇вз аг̇г̇асаавагаа, сааг̇аро наамубадтааго, раамаа жа сураамаа жа д̣̇вз аг̇г̇асаавигаа, махаанийбаругко б̣од̇хи, сарийрам̣ адтаасийд̇ихад̇т̇уб̣б̣зд̇хам̣ ахоси, ааяу навуд̇и вассасахассаанийд̇и.

    Tassa aparabhāge sattati kappasahassāni atikkamitvā sumedho sujāto cāti ekasmiṃ kappe dve buddhā nibbattiṃsu. Sumedhassāpi tayo sāvakasannipātā ahesuṃ, paṭhamasannipāte sudassananagare koṭisatakhīṇāsavā ahesuṃ, dutiye pana navutikoṭiyo, tatiye asītikoṭiyo. Tadā bodhisatto uttaro nāma māṇavo hutvā nidahitvā ṭhapitaṃyeva asītikoṭidhanaṃ vissajjetvā buddhappamukhassa bhikkhusaṅghassa mahādānaṃ datvā dhammaṃ sutvā saraṇesu patiṭṭhāya nikkhamitvā pabbaji. Sopi naṃ ‘‘anāgate buddho bhavissasī’’ti byākāsi. Sumedhassa bhagavato sudassanaṃ nāma nagaraṃ ahosi, sudatto nāma rājā pitā, mātāpi sudattā nāma, saraṇo ca sabbakāmo ca dve aggasāvakā, sāgaro nāmupaṭṭhāko, rāmā ca surāmā ca dve aggasāvikā, mahānīparukkho bodhi, sarīraṃ aṭṭhāsītihatthubbedhaṃ ahosi, āyu navuti vassasahassānīti.

    ‘‘бад̣̇умуд̇д̇арасса абарзна, сумзд̇хо наама нааяаго;

    ‘‘Padumuttarassa aparena, sumedho nāma nāyako;

    д̣̇ураасад̣̇о уг̇г̇ад̇зж̇о, саб̣б̣алогуд̇д̇амо муний’’д̇и.

    Durāsado uggatejo, sabbalokuttamo munī’’ti.

    д̇асса абарабхааг̇з суж̇аад̇о наама сад̇т̇аа уд̣̇абаад̣̇и. д̇ассааби д̇аяо саавагасаннибаад̇аа ахзсум̣. батамасаннибаад̇з садти бхигкусад̇асахассаани ахзсум̣, д̣̇уд̇ияз бан̃н̃аасам̣, д̇ад̇ияз жад̇д̇аалийсам̣. д̇ад̣̇аа б̣од̇хисад̇д̇о жаггавад̇д̇ирааж̇аа худ̇ваа ‘‘б̣уд̣̇д̇хо уббанно’’д̇и суд̇ваа убасан̇гамид̇ваа д̇хаммам̣ суд̇ваа б̣уд̣̇д̇хаббамукасса бхигкусан̇гхасса сад̣̇д̇хим̣ сад̇д̇ахи рад̇анзхи жад̇умахаад̣̇ийбараж̇ж̇ам̣ д̣̇ад̇ваа сад̇т̇у санд̇игз баб̣б̣аж̇и. сагаларадтаваасино радтуббаад̣̇ам̣ г̇ахзд̇ваа аараамигагижжам̣ саад̇хзнд̇аа б̣уд̣̇д̇хаббамукасса бхигкусан̇гхасса нижжам̣ махаад̣̇аанам̣ ад̣̇ам̣су. соби нам̣ сад̇т̇аа ‘‘анааг̇ад̇з б̣уд̣̇д̇хо бхависсасий’’д̇и б̣яаагааси. д̇асса бхаг̇авад̇о наг̇арам̣ суман̇г̇алам̣ наама ахоси, уг̇г̇ад̇о наама рааж̇аа бид̇аа, бабхаавад̇ий наама маад̇аа, суд̣̇ассано жа суд̣̇зво жа д̣̇вз аг̇г̇асаавагаа, наарад̣̇о наамубадтааго, нааг̇аа жа нааг̇асамаалаа жа д̣̇вз аг̇г̇асаавигаа, махаавзл̣уругко б̣од̇хи. со гира манд̣̇ажчид̣̇д̣̇о гханагканд̇хо убари ниг̇г̇ад̇аахи махаасаакаахи морабин̃чагалаабо вияа вирожид̇т̇а. д̇асса бхаг̇авад̇о сарийрам̣ бан̣н̣аасахад̇т̇уб̣б̣зд̇хам̣ ахоси, ааяу навуд̇и вассасахассаанийд̇и.

    Tassa aparabhāge sujāto nāma satthā udapādi. Tassāpi tayo sāvakasannipātā ahesuṃ. Paṭhamasannipāte saṭṭhi bhikkhusatasahassāni ahesuṃ, dutiye paññāsaṃ, tatiye cattālīsaṃ. Tadā bodhisatto cakkavattirājā hutvā ‘‘buddho uppanno’’ti sutvā upasaṅkamitvā dhammaṃ sutvā buddhappamukhassa bhikkhusaṅghassa saddhiṃ sattahi ratanehi catumahādīparajjaṃ datvā satthu santike pabbaji. Sakalaraṭṭhavāsino raṭṭhuppādaṃ gahetvā ārāmikakiccaṃ sādhentā buddhappamukhassa bhikkhusaṅghassa niccaṃ mahādānaṃ adaṃsu. Sopi naṃ satthā ‘‘anāgate buddho bhavissasī’’ti byākāsi. Tassa bhagavato nagaraṃ sumaṅgalaṃ nāma ahosi, uggato nāma rājā pitā, pabhāvatī nāma mātā, sudassano ca sudevo ca dve aggasāvakā, nārado nāmupaṭṭhāko, nāgā ca nāgasamālā ca dve aggasāvikā, mahāveḷurukkho bodhi. So kira mandacchiddo ghanakkhandho upari niggatāhi mahāsākhāhi morapiñchakalāpo viya virocittha. Tassa bhagavato sarīraṃ paṇṇāsahatthubbedhaṃ ahosi, āyu navuti vassasahassānīti.

    ‘‘д̇ад̇т̇зва ман̣д̣агаббамхи, суж̇аад̇о наама нааяаго;

    ‘‘Tattheva maṇḍakappamhi, sujāto nāma nāyako;

    сийхаханусабхагканд̇хо, аббамзяяо д̣̇ураасад̣̇о’’д̇и.

    Sīhahanusabhakkhandho, appameyyo durāsado’’ti.

    д̇асса абарабхааг̇з ид̇о адтаарасагаббасад̇амад̇т̇агз згасмим̣ габбз бияад̣̇ассий, ад̇т̇ад̣̇ассий, д̇хаммад̣̇ассийд̇и д̇аяо б̣уд̣̇д̇хаа ниб̣б̣ад̇д̇им̣су. бияад̣̇ассиссааби д̇аяо саавагасаннибаад̇аа ахзсум̣. батамз годисад̇асахассаа бхигкуу ахзсум̣, д̣̇уд̇ияз навуд̇игодияо, д̇ад̇ияз асийд̇игодияо. д̇ад̣̇аа б̣од̇хисад̇д̇о гассабо наама маан̣аво д̇ин̣н̣ам̣ взд̣̇аанам̣ баарам̣ г̇ад̇о худ̇ваа сад̇т̇у д̇хаммад̣̇зсанам̣ суд̇ваа годисад̇асахассад̇ханабарижжааг̇зна сан̇гхаараамам̣ гаарзд̇ваа саран̣зсу жа сийлзсу жа бад̇идтааси. ат̇а нам̣ сад̇т̇аа ‘‘адтаарасагаббасад̇ажжаязна б̣уд̣̇д̇хо бхависсасий’’д̇и б̣яаагааси. д̇асса бхаг̇авад̇о аномам̣ наама наг̇арам̣ ахоси, бид̇аа суд̣̇инно наама рааж̇аа, маад̇аа жанд̣̇аа наама д̣̇звий, баалид̇о жа саб̣б̣ад̣̇ассий жа д̣̇вз аг̇г̇асаавагаа, собхид̇о наамубадтааго, суж̇аад̇аа жа д̇хаммад̣̇иннаа жа д̣̇вз аг̇г̇асаавигаа, гагуд̇харугко б̣од̇хи, сарийрам̣ асийд̇ихад̇т̇уб̣б̣зд̇хам̣ ахоси, навуд̇и вассасахассаани ааяууд̇и.

    Tassa aparabhāge ito aṭṭhārasakappasatamatthake ekasmiṃ kappe piyadassī, atthadassī, dhammadassīti tayo buddhā nibbattiṃsu. Piyadassissāpi tayo sāvakasannipātā ahesuṃ. Paṭhame koṭisatasahassā bhikkhū ahesuṃ, dutiye navutikoṭiyo, tatiye asītikoṭiyo. Tadā bodhisatto kassapo nāma māṇavo tiṇṇaṃ vedānaṃ pāraṃ gato hutvā satthu dhammadesanaṃ sutvā koṭisatasahassadhanapariccāgena saṅghārāmaṃ kāretvā saraṇesu ca sīlesu ca patiṭṭhāsi. Atha naṃ satthā ‘‘aṭṭhārasakappasataccayena buddho bhavissasī’’ti byākāsi. Tassa bhagavato anomaṃ nāma nagaraṃ ahosi, pitā sudinno nāma rājā, mātā candā nāma devī, pālito ca sabbadassī ca dve aggasāvakā, sobhito nāmupaṭṭhāko, sujātā ca dhammadinnā ca dve aggasāvikā, kakudharukkho bodhi, sarīraṃ asītihatthubbedhaṃ ahosi, navuti vassasahassāni āyūti.

    ‘‘суж̇аад̇асса абарзна, саяамбхуу логанааяаго;

    ‘‘Sujātassa aparena, sayambhū lokanāyako;

    д̣̇ураасад̣̇о асамасамо, бияад̣̇ассий махааяасо’’д̇и.

    Durāsado asamasamo, piyadassī mahāyaso’’ti.

    д̇асса абарабхааг̇з ад̇т̇ад̣̇ассий наама сад̇т̇аа уд̣̇абаад̣̇и. д̇ассааби д̇аяо саавагасаннибаад̇аа ахзсум̣. батамз адтанавуд̇и бхигкусад̇асахассаани ахзсум̣, д̣̇уд̇ияз адтаасийд̇исад̇асахассаани, д̇ат̇аа д̇ад̇ияз. д̇ад̣̇аа б̣од̇хисад̇д̇о сусиймо наама махид̣̇д̇хиго д̇аабасо худ̇ваа д̣̇звалогад̇о манд̣̇ааравабубпажчад̇д̇ам̣ аахарид̇ваа сад̇т̇аарам̣ бууж̇зси, соби нам̣ ‘‘анааг̇ад̇з б̣уд̣̇д̇хо бхависсасий’’д̇и б̣яаагааси. д̇асса бхаг̇авад̇о собхид̇ам̣ наама наг̇арам̣ ахоси, сааг̇аро наама рааж̇аа бид̇аа, суд̣̇ассанаа наама маад̇аа, санд̇о жа убасанд̇о жа д̣̇вз аг̇г̇асаавагаа, абхаяо наамубадтааго, д̇хаммаа жа суд̇хаммаа жа д̣̇вз аг̇г̇асаавигаа, жамбагаругко б̣од̇хи, сарийрам̣ асийд̇ихад̇т̇уб̣б̣зд̇хам̣ ахоси, сарийраббабхаа саманд̇ад̇о саб̣б̣агаалам̣ яож̇анамад̇д̇ам̣ парид̇ваа адтааси, ааяу вассасад̇асахассанд̇и.

    Tassa aparabhāge atthadassī nāma satthā udapādi. Tassāpi tayo sāvakasannipātā ahesuṃ. Paṭhame aṭṭhanavuti bhikkhusatasahassāni ahesuṃ, dutiye aṭṭhāsītisatasahassāni, tathā tatiye. Tadā bodhisatto susīmo nāma mahiddhiko tāpaso hutvā devalokato mandāravapupphacchattaṃ āharitvā satthāraṃ pūjesi, sopi naṃ ‘‘anāgate buddho bhavissasī’’ti byākāsi. Tassa bhagavato sobhitaṃ nāma nagaraṃ ahosi, sāgaro nāma rājā pitā, sudassanā nāma mātā, santo ca upasanto ca dve aggasāvakā, abhayo nāmupaṭṭhāko, dhammā ca sudhammā ca dve aggasāvikā, campakarukkho bodhi, sarīraṃ asītihatthubbedhaṃ ahosi, sarīrappabhā samantato sabbakālaṃ yojanamattaṃ pharitvā aṭṭhāsi, āyu vassasatasahassanti.

    ‘‘д̇ад̇т̇зва ман̣д̣агаббамхи, ад̇т̇ад̣̇ассий нараасабхо;

    ‘‘Tattheva maṇḍakappamhi, atthadassī narāsabho;

    махаад̇амам̣ ниханд̇ваана, бад̇д̇о самб̣од̇химуд̇д̇ама’’нд̇и.

    Mahātamaṃ nihantvāna, patto sambodhimuttama’’nti.

    д̇асса абарабхааг̇з д̇хаммад̣̇ассий наама сад̇т̇аа уд̣̇абаад̣̇и. д̇ассааби д̇аяо саавагасаннибаад̇аа ахзсум̣. батамз годисад̇ам̣ бхигкуу ахзсум̣, д̣̇уд̇ияз сад̇д̇ад̇игодияо, д̇ад̇ияз асийд̇игодияо. д̇ад̣̇аа б̣од̇хисад̇д̇о сагго д̣̇зварааж̇аа худ̇ваа д̣̇иб̣б̣аг̇анд̇хабубпзхи жа д̣̇иб̣б̣ад̇ууриязхи жа бууж̇ам̣ агааси, соби нам̣ ‘‘анааг̇ад̇з б̣уд̣̇д̇хо бхависсасий’’д̇и б̣яаагааси. д̇асса бхаг̇авад̇о саран̣ам̣ наама наг̇арам̣ ахоси, бид̇аа саран̣о наама рааж̇аа, маад̇аа сунанд̣̇аа наама, бад̣̇умо жа пуссад̣̇зво жа д̣̇вз аг̇г̇асаавагаа, сунзд̇д̇о наамубадтааго , кзмаа жа саб̣б̣анаамаа жа д̣̇вз аг̇г̇асаавигаа, рад̇д̇ан̇гураругко б̣од̇хи, ‘‘б̣имб̣иж̇аало’’д̇иби вужжад̇и, сарийрам̣ банасса асийд̇ихад̇т̇уб̣б̣зд̇хам̣ ахоси, вассасад̇асахассам̣ ааяууд̇и.

    Tassa aparabhāge dhammadassī nāma satthā udapādi. Tassāpi tayo sāvakasannipātā ahesuṃ. Paṭhame koṭisataṃ bhikkhū ahesuṃ, dutiye sattatikoṭiyo, tatiye asītikoṭiyo. Tadā bodhisatto sakko devarājā hutvā dibbagandhapupphehi ca dibbatūriyehi ca pūjaṃ akāsi, sopi naṃ ‘‘anāgate buddho bhavissasī’’ti byākāsi. Tassa bhagavato saraṇaṃ nāma nagaraṃ ahosi, pitā saraṇo nāma rājā, mātā sunandā nāma, padumo ca phussadevo ca dve aggasāvakā, sunetto nāmupaṭṭhāko , khemā ca sabbanāmā ca dve aggasāvikā, rattaṅkurarukkho bodhi, ‘‘bimbijālo’’tipi vuccati, sarīraṃ panassa asītihatthubbedhaṃ ahosi, vassasatasahassaṃ āyūti.

    ‘‘д̇ад̇т̇зва ман̣д̣агаббамхи, д̇хаммад̣̇ассий махааяасо;

    ‘‘Tattheva maṇḍakappamhi, dhammadassī mahāyaso;

    д̇аманд̇хагаарам̣ вид̇хамид̇ваа, ад̇ирожад̇и сад̣̇звагз’’д̇и.

    Tamandhakāraṃ vidhamitvā, atirocati sadevake’’ti.

    д̇асса абарабхааг̇з ид̇о жад̇унавуд̇игаббамад̇т̇агз згасмим̣ габбз згова сид̣̇д̇хад̇т̇о наама б̣уд̣̇д̇хо уд̣̇абаад̣̇и. д̇ассааби д̇аяо саавагасаннибаад̇аа ахзсум̣. батамасаннибаад̇з годисад̇асахассам̣ бхигкуу ахзсум̣, д̣̇уд̇ияз навуд̇игодияо, д̇ад̇ияз асийд̇игодияо. д̇ад̣̇аа б̣од̇хисад̇д̇о уг̇г̇ад̇зж̇о абхин̃н̃ааб̣аласамбанно ман̇г̇ало наама д̇аабасо худ̇ваа махааж̇амб̣упалам̣ аахарид̇ваа д̇ат̇ааг̇ад̇асса ад̣̇ааси. сад̇т̇аа д̇ам̣ палам̣ барибхун̃ж̇ид̇ваа ‘‘жад̇унавуд̇игаббамад̇т̇агз б̣уд̣̇д̇хо бхависсасий’’д̇и б̣од̇хисад̇д̇ам̣ б̣яаагааси. д̇асса бхаг̇авад̇о наг̇арам̣ взбхаарам̣ наама ахоси, бид̇аа ж̇аяасзно наама рааж̇аа, маад̇аа супассаа наама, самб̣ало жа сумид̇д̇о жа д̣̇вз аг̇г̇асаавагаа, рзвад̇о наамубадтааго, сийвалий жа сураамаа жа д̣̇вз аг̇г̇асаавигаа, ган̣игаараругко б̣од̇хи, сарийрам̣ садтихад̇т̇уб̣б̣зд̇хам̣ ахоси, вассасад̇асахассам̣ ааяууд̇и.

    Tassa aparabhāge ito catunavutikappamatthake ekasmiṃ kappe ekova siddhattho nāma buddho udapādi. Tassāpi tayo sāvakasannipātā ahesuṃ. Paṭhamasannipāte koṭisatasahassaṃ bhikkhū ahesuṃ, dutiye navutikoṭiyo, tatiye asītikoṭiyo. Tadā bodhisatto uggatejo abhiññābalasampanno maṅgalo nāma tāpaso hutvā mahājambuphalaṃ āharitvā tathāgatassa adāsi. Satthā taṃ phalaṃ paribhuñjitvā ‘‘catunavutikappamatthake buddho bhavissasī’’ti bodhisattaṃ byākāsi. Tassa bhagavato nagaraṃ vebhāraṃ nāma ahosi, pitā jayaseno nāma rājā, mātā suphassā nāma, sambalo ca sumitto ca dve aggasāvakā, revato nāmupaṭṭhāko, sīvalī ca surāmā ca dve aggasāvikā, kaṇikārarukkho bodhi, sarīraṃ saṭṭhihatthubbedhaṃ ahosi, vassasatasahassaṃ āyūti.

    ‘‘д̇хаммад̣̇ассисса абарзна, сид̣̇д̇хад̇т̇о наама нааяаго;

    ‘‘Dhammadassissa aparena, siddhattho nāma nāyako;

    ниханид̇ваа д̇амам̣ саб̣б̣ам̣, суурияо аб̣бхуг̇г̇ад̇о яат̇аа’’д̇и.

    Nihanitvā tamaṃ sabbaṃ, sūriyo abbhuggato yathā’’ti.

    д̇асса абарабхааг̇з ид̇о д̣̇ваанавуд̇игаббамад̇т̇агз д̇иссо пуссод̇и згасмим̣ габбз д̣̇вз б̣уд̣̇д̇хаа ниб̣б̣ад̇д̇им̣су. д̇иссасса бхаг̇авад̇о д̇аяо саавагасаннибаад̇аа ахзсум̣. батамасаннибаад̇з бхигкуунам̣ годисад̇ам̣ ахоси, д̣̇уд̇ияз навуд̇игодияо, д̇ад̇ияз асийд̇игодияо. д̇ад̣̇аа б̣од̇хисад̇д̇о махаабхог̇о махааяасо суж̇аад̇о наама кад̇д̇ияо худ̇ваа исибаб̣б̣аж̇ж̇ам̣ баб̣б̣аж̇ид̇ваа махид̣̇д̇хигабхаавам̣ бад̇ваа ‘‘б̣уд̣̇д̇хо уббанно’’д̇и суд̇ваа д̣̇иб̣б̣аманд̣̇ааравабад̣̇умабаарижчад̇д̇агабубпаани аад̣̇ааяа жад̇убарисамаж̇жхз г̇ажчанд̇ам̣ д̇ат̇ааг̇ад̇ам̣ бууж̇зси, аагаасз бубпавид̇аанам̣ агааси. соби нам̣ сад̇т̇аа ‘‘ид̇о д̣̇ваанавуд̇игаббз б̣уд̣̇д̇хо бхависсасий’’д̇и б̣яаагааси. д̇асса бхаг̇авад̇о кзмам̣ наама наг̇арам̣ ахоси, бид̇аа ж̇анасанд̇хо наама кад̇д̇ияо, маад̇аа бад̣̇умаа наама , б̣рахмад̣̇зво жа уд̣̇аяо жа д̣̇вз аг̇г̇асаавагаа, саман̇г̇о наамубадтааго, пуссаа жа суд̣̇ад̇д̇аа жа д̣̇вз аг̇г̇асаавигаа, асанаругко б̣од̇хи, сарийрам̣ садтихад̇т̇уб̣б̣зд̇хам̣ ахоси, вассасад̇асахассам̣ ааяууд̇и.

    Tassa aparabhāge ito dvānavutikappamatthake tisso phussoti ekasmiṃ kappe dve buddhā nibbattiṃsu. Tissassa bhagavato tayo sāvakasannipātā ahesuṃ. Paṭhamasannipāte bhikkhūnaṃ koṭisataṃ ahosi, dutiye navutikoṭiyo, tatiye asītikoṭiyo. Tadā bodhisatto mahābhogo mahāyaso sujāto nāma khattiyo hutvā isipabbajjaṃ pabbajitvā mahiddhikabhāvaṃ patvā ‘‘buddho uppanno’’ti sutvā dibbamandāravapadumapāricchattakapupphāni ādāya catuparisamajjhe gacchantaṃ tathāgataṃ pūjesi, ākāse pupphavitānaṃ akāsi. Sopi naṃ satthā ‘‘ito dvānavutikappe buddho bhavissasī’’ti byākāsi. Tassa bhagavato khemaṃ nāma nagaraṃ ahosi, pitā janasandho nāma khattiyo, mātā padumā nāma , brahmadevo ca udayo ca dve aggasāvakā, samaṅgo nāmupaṭṭhāko, phussā ca sudattā ca dve aggasāvikā, asanarukkho bodhi, sarīraṃ saṭṭhihatthubbedhaṃ ahosi, vassasatasahassaṃ āyūti.

    ‘‘сид̣̇д̇хад̇т̇асса абарзна, асамо аббадибуг̇г̇ало;

    ‘‘Siddhatthassa aparena, asamo appaṭipuggalo;

    ананд̇асийло амид̇аяасо, д̇иссо логаг̇г̇анааяаго’’д̇и.

    Anantasīlo amitayaso, tisso lokagganāyako’’ti.

    д̇асса абарабхааг̇з пуссо наама сад̇т̇аа уд̣̇абаад̣̇и. д̇ассааби д̇аяо саавагасаннибаад̇аа ахзсум̣. батамасаннибаад̇з садти бхигкусад̇асахассаани ахзсум̣, д̣̇уд̇ияз бан̣н̣ааса, д̇ад̇ияз д̣̇вад̇д̇им̣са. д̇ад̣̇аа б̣од̇хисад̇д̇о виж̇ид̇аавий наама кад̇д̇ияо худ̇ваа махаараж̇ж̇ам̣ бахааяа сад̇т̇у санд̇игз баб̣б̣аж̇ид̇ваа д̇ийн̣и бидагаани уг̇г̇ахзд̇ваа махааж̇анасса д̇хаммагат̇ам̣ гат̇зси, сийлабаарамин̃жа буурзси. соби нам̣ ‘‘б̣уд̣̇д̇хо бхависсасий’’д̇и д̇ат̇зва б̣яаагааси. д̇асса бхаг̇авад̇о гаасий наама наг̇арам̣ ахоси, ж̇аяасзно наама рааж̇аа бид̇аа, сиримаа наама маад̇аа, сурагкид̇о жа д̇хаммасзно жа д̣̇вз аг̇г̇асаавагаа, сабхияо наамубадтааго, жаалаа жа убажаалаа жа д̣̇вз аг̇г̇асаавигаа, аамалагаругко б̣од̇хи, сарийрам̣ адтабан̣н̣аасахад̇т̇уб̣б̣зд̇хам̣ ахоси, навуд̇и вассасахассаани ааяууд̇и.

    Tassa aparabhāge phusso nāma satthā udapādi. Tassāpi tayo sāvakasannipātā ahesuṃ. Paṭhamasannipāte saṭṭhi bhikkhusatasahassāni ahesuṃ, dutiye paṇṇāsa, tatiye dvattiṃsa. Tadā bodhisatto vijitāvī nāma khattiyo hutvā mahārajjaṃ pahāya satthu santike pabbajitvā tīṇi piṭakāni uggahetvā mahājanassa dhammakathaṃ kathesi, sīlapāramiñca pūresi. Sopi naṃ ‘‘buddho bhavissasī’’ti tatheva byākāsi. Tassa bhagavato kāsī nāma nagaraṃ ahosi, jayaseno nāma rājā pitā, sirimā nāma mātā, surakkhito ca dhammaseno ca dve aggasāvakā, sabhiyo nāmupaṭṭhāko, cālā ca upacālā ca dve aggasāvikā, āmalakarukkho bodhi, sarīraṃ aṭṭhapaṇṇāsahatthubbedhaṃ ahosi, navuti vassasahassāni āyūti.

    ‘‘д̇ад̇т̇зва ман̣д̣агаббамхи, аху сад̇т̇аа ануд̇д̇аро;

    ‘‘Tattheva maṇḍakappamhi, ahu satthā anuttaro;

    ануубамо асамасамо, пуссо логаг̇г̇анааяаго’’д̇и.

    Anūpamo asamasamo, phusso lokagganāyako’’ti.

    д̇асса абарабхааг̇з ид̇о зганавуд̇игаббз вибассий наама бхаг̇аваа уд̣̇абаад̣̇и. д̇ассааби д̇аяо саавагасаннибаад̇аа ахзсум̣. батамасаннибаад̇з адтасадти бхигкусад̇асахассам̣ ахоси, д̣̇уд̇ияз згасад̇асахассам̣, д̇ад̇ияз асийд̇исахассаани. д̇ад̣̇аа б̣од̇хисад̇д̇о махид̣̇д̇хиго махаанубхааво ад̇уло наама нааг̇арааж̇аа худ̇ваа сад̇д̇арад̇анакажид̇ам̣ сован̣н̣амаяам̣ махаабийтам̣ бхаг̇авад̇о ад̣̇ааси. соби нам̣ ‘‘ид̇о зганавуд̇игаббз б̣уд̣̇д̇хо бхависсасий’’д̇и б̣яаагааси. д̇асса бхаг̇авад̇о б̣анд̇хумад̇ий наама наг̇арам̣ ахоси, б̣анд̇хумаа наама рааж̇аа бид̇аа, б̣анд̇хумад̇ий наама маад̇аа, кан̣д̣о жа д̇иссо жа д̣̇вз аг̇г̇асаавагаа, асого наамубадтааго, жанд̣̇аа жа жанд̣̇амид̇д̇аа жа д̣̇вз аг̇г̇асаавигаа, баадалиругко б̣од̇хи, сарийрам̣ асийд̇ихад̇т̇уб̣б̣зд̇хам̣ ахоси, сарийраббабхаа сад̣̇аа сад̇д̇а яож̇анаани парид̇ваа адтааси, асийд̇и вассасахассаани ааяууд̇и.

    Tassa aparabhāge ito ekanavutikappe vipassī nāma bhagavā udapādi. Tassāpi tayo sāvakasannipātā ahesuṃ. Paṭhamasannipāte aṭṭhasaṭṭhi bhikkhusatasahassaṃ ahosi, dutiye ekasatasahassaṃ, tatiye asītisahassāni. Tadā bodhisatto mahiddhiko mahānubhāvo atulo nāma nāgarājā hutvā sattaratanakhacitaṃ sovaṇṇamayaṃ mahāpīṭhaṃ bhagavato adāsi. Sopi naṃ ‘‘ito ekanavutikappe buddho bhavissasī’’ti byākāsi. Tassa bhagavato bandhumatī nāma nagaraṃ ahosi, bandhumā nāma rājā pitā, bandhumatī nāma mātā, khaṇḍo ca tisso ca dve aggasāvakā, asoko nāmupaṭṭhāko, candā ca candamittā ca dve aggasāvikā, pāṭalirukkho bodhi, sarīraṃ asītihatthubbedhaṃ ahosi, sarīrappabhā sadā satta yojanāni pharitvā aṭṭhāsi, asīti vassasahassāni āyūti.

    ‘‘пуссасса жа абарзна, самб̣уд̣̇д̇хо д̣̇вибад̣̇уд̇д̇амо;

    ‘‘Phussassa ca aparena, sambuddho dvipaduttamo;

    вибассий наама наамзна, логз уббаж̇ж̇и жагкумаа’’д̇и.

    Vipassī nāma nāmena, loke uppajji cakkhumā’’ti.

    д̇асса абарабхааг̇з ид̇о згад̇им̣сагаббз сикий жа взссабхуу жаад̇и д̣̇вз б̣уд̣̇д̇хаа ахзсум̣. сикиссааби бхаг̇авад̇о д̇аяо саавагасаннибаад̇аа ахзсум̣. батамасаннибаад̇з бхигкусад̇асахассам̣ ахоси, д̣̇уд̇ияз асийд̇исахассаани, д̇ад̇ияз сад̇д̇ад̇д̇исахассаани. д̇ад̣̇аа б̣од̇хисад̇д̇о аринд̣̇амо наама рааж̇аа худ̇ваа б̣уд̣̇д̇хаббамукасса бхигкусан̇гхасса сажийварам̣ махаад̣̇аанам̣ бавад̇д̇зд̇ваа сад̇д̇арад̇анабадиман̣д̣ид̇ам̣ хад̇т̇ирад̇анам̣ д̣̇ад̇ваа хад̇т̇иббамаан̣ам̣ гад̇ваа габбияабхан̣д̣ам̣ ад̣̇ааси. соби нам̣ ‘‘ид̇о гад̇им̣сагаббз б̣уд̣̇д̇хо бхависсасий’’д̇и б̣яаагааси. д̇асса бхаг̇авад̇о арун̣авад̇ий наама наг̇арам̣ ахоси, арун̣о наама кад̇д̇ияо бид̇аа, бабхаавад̇ий наама маад̇аа, абхибхуу жа самбхаво жа д̣̇вз аг̇г̇асаавагаа, кзман̇гаро наамубадтааго, сакилаа жа бад̣̇умаа жа д̣̇вз аг̇г̇асаавигаа, бун̣д̣арийгаругко б̣од̇хи, сарийрам̣ сад̇д̇ад̇ихад̇т̇уб̣б̣зд̇хам̣ ахоси, сарийраббабхаа яож̇анад̇д̇аяам̣ парид̇ваа адтааси, сад̇д̇ад̇и вассасахассаани ааяууд̇и.

    Tassa aparabhāge ito ekatiṃsakappe sikhī ca vessabhū cāti dve buddhā ahesuṃ. Sikhissāpi bhagavato tayo sāvakasannipātā ahesuṃ. Paṭhamasannipāte bhikkhusatasahassaṃ ahosi, dutiye asītisahassāni, tatiye sattattisahassāni. Tadā bodhisatto arindamo nāma rājā hutvā buddhappamukhassa bhikkhusaṅghassa sacīvaraṃ mahādānaṃ pavattetvā sattaratanapaṭimaṇḍitaṃ hatthiratanaṃ datvā hatthippamāṇaṃ katvā kappiyabhaṇḍaṃ adāsi. Sopi naṃ ‘‘ito katiṃsakappe buddho bhavissasī’’ti byākāsi. Tassa bhagavato aruṇavatī nāma nagaraṃ ahosi, aruṇo nāma khattiyo pitā, pabhāvatī nāma mātā, abhibhū ca sambhavo ca dve aggasāvakā, khemaṅkaro nāmupaṭṭhāko, sakhilā ca padumā ca dve aggasāvikā, puṇḍarīkarukkho bodhi, sarīraṃ sattatihatthubbedhaṃ ahosi, sarīrappabhā yojanattayaṃ pharitvā aṭṭhāsi, sattati vassasahassāni āyūti.

    ‘‘вибассисса абарзна, самб̣уд̣̇д̇хо д̣̇вибад̣̇уд̇д̇амо;

    ‘‘Vipassissa aparena, sambuddho dvipaduttamo;

    сикивхаяо наама ж̇ино, асамо аббадибуг̇г̇ало’’д̇и.

    Sikhivhayo nāma jino, asamo appaṭipuggalo’’ti.

    д̇асса абарабхааг̇з взссабхуу наама сад̇т̇аа уд̣̇абаад̣̇и. д̇ассааби д̇аяо саавагасаннибаад̇аа ахзсум̣. батамасаннибаад̇з асийд̇и бхигкусахассаани ахзсум̣, д̣̇уд̇ияз сад̇д̇ад̇и, д̇ад̇ияз садти. д̇ад̣̇аа б̣од̇хисад̇д̇о суд̣̇ассано наама рааж̇аа худ̇ваа б̣уд̣̇д̇хаббамукасса бхигкусан̇гхасса сажийварам̣ махаад̣̇аанам̣ д̣̇ад̇ваа д̇асса санд̇игз баб̣б̣аж̇ид̇ваа аажаараг̇ун̣асамбанно б̣уд̣̇д̇харад̇анз жид̇д̇ийгаарабийд̇иб̣ахуло ахоси. соби нам̣ бхаг̇аваа ‘‘ид̇о згад̇им̣сагаббз б̣уд̣̇д̇хо бхависсасий’’д̇и б̣яаагааси. д̇асса бана бхаг̇авад̇о аномам̣ наама наг̇арам̣ ахоси, суббад̇ийд̇о наама рааж̇аа бид̇аа, яасавад̇ий наама маад̇аа , сон̣о жа уд̇д̇аро жа д̣̇вз аг̇г̇асаавагаа, убасанд̇о наамубадтааго, д̣̇аамаа жа самаалаа жа д̣̇вз аг̇г̇асаавигаа, сааларугко б̣од̇хи, сарийрам̣ садтихад̇т̇уб̣б̣зд̇хам̣ ахоси, садти вассасахассаани ааяууд̇и.

    Tassa aparabhāge vessabhū nāma satthā udapādi. Tassāpi tayo sāvakasannipātā ahesuṃ. Paṭhamasannipāte asīti bhikkhusahassāni ahesuṃ, dutiye sattati, tatiye saṭṭhi. Tadā bodhisatto sudassano nāma rājā hutvā buddhappamukhassa bhikkhusaṅghassa sacīvaraṃ mahādānaṃ datvā tassa santike pabbajitvā ācāraguṇasampanno buddharatane cittīkārapītibahulo ahosi. Sopi naṃ bhagavā ‘‘ito ekatiṃsakappe buddho bhavissasī’’ti byākāsi. Tassa pana bhagavato anomaṃ nāma nagaraṃ ahosi, suppatīto nāma rājā pitā, yasavatī nāma mātā , soṇo ca uttaro ca dve aggasāvakā, upasanto nāmupaṭṭhāko, dāmā ca samālā ca dve aggasāvikā, sālarukkho bodhi, sarīraṃ saṭṭhihatthubbedhaṃ ahosi, saṭṭhi vassasahassāni āyūti.

    ‘‘д̇ад̇т̇зва ман̣д̣агаббамхи, асамо аббадибуг̇г̇ало;

    ‘‘Tattheva maṇḍakappamhi, asamo appaṭipuggalo;

    взссабхуу наама наамзна, логз уббаж̇ж̇и со ж̇ино’’д̇и.

    Vessabhū nāma nāmena, loke uppajji so jino’’ti.

    д̇асса абарабхааг̇з имасмим̣ габбз жад̇д̇ааро б̣уд̣̇д̇хаа ниб̣б̣ад̇д̇аа гагусанд̇хо, гон̣ааг̇амано, гассабо, амхаагам̣ бхаг̇аваад̇и. гагусанд̇хасса бхаг̇авад̇о згова саавагасаннибаад̇о, д̇ад̇т̇а жад̇д̇аалийса бхигкусахассаани ахзсум̣. д̇ад̣̇аа б̣од̇хисад̇д̇о кзмо наама рааж̇аа худ̇ваа б̣уд̣̇д̇хаббамукасса бхигкусан̇гхасса сабад̇д̇ажийварам̣ махаад̣̇аанан̃жзва ан̃ж̇анаад̣̇ибхзсаж̇ж̇аани жа д̣̇ад̇ваа сад̇т̇у д̇хаммад̣̇зсанам̣ суд̇ваа баб̣б̣аж̇и. соби нам̣ сад̇т̇аа б̣яаагааси. гагусанд̇хасса бана бхаг̇авад̇о кзмам̣ наама наг̇арам̣ ахоси, аг̇г̇ид̣̇ад̇д̇о наама б̣раахман̣о бид̇аа, висаакаа наама б̣раахман̣ий маад̇аа, вид̇хуро жа сан̃ж̇ийво жа д̣̇вз аг̇г̇асаавагаа, б̣уд̣̇д̇хиж̇о наамубадтааго, саамаа жа жамбагаа жа д̣̇вз аг̇г̇асаавигаа , махаасирийсаругко б̣од̇хи, сарийрам̣ жад̇д̇аалийсахад̇т̇уб̣б̣зд̇хам̣ ахоси, жад̇д̇аалийса вассасахассаани ааяууд̇и.

    Tassa aparabhāge imasmiṃ kappe cattāro buddhā nibbattā kakusandho, koṇāgamano, kassapo, amhākaṃ bhagavāti. Kakusandhassa bhagavato ekova sāvakasannipāto, tattha cattālīsa bhikkhusahassāni ahesuṃ. Tadā bodhisatto khemo nāma rājā hutvā buddhappamukhassa bhikkhusaṅghassa sapattacīvaraṃ mahādānañceva añjanādibhesajjāni ca datvā satthu dhammadesanaṃ sutvā pabbaji. Sopi naṃ satthā byākāsi. Kakusandhassa pana bhagavato khemaṃ nāma nagaraṃ ahosi, aggidatto nāma brāhmaṇo pitā, visākhā nāma brāhmaṇī mātā, vidhuro ca sañjīvo ca dve aggasāvakā, buddhijo nāmupaṭṭhāko, sāmā ca campakā ca dve aggasāvikā , mahāsirīsarukkho bodhi, sarīraṃ cattālīsahatthubbedhaṃ ahosi, cattālīsa vassasahassāni āyūti.

    ‘‘взссабхусса абарзна, самб̣уд̣̇д̇хо д̣̇вибад̣̇уд̇д̇амо;

    ‘‘Vessabhussa aparena, sambuddho dvipaduttamo;

    гагусанд̇хо наама наамзна, аббамзяяо д̣̇ураасад̣̇о’’д̇и.

    Kakusandho nāma nāmena, appameyyo durāsado’’ti.

    д̇асса абарабхааг̇з гон̣ааг̇амано наама сад̇т̇аа уд̣̇абаад̣̇и. д̇ассааби зго саавагасаннибаад̇о, д̇ад̇т̇а д̇им̣са бхигкусахассаани ахзсум̣. д̇ад̣̇аа б̣од̇хисад̇д̇о баб̣б̣ад̇о наама рааж̇аа худ̇ваа амажжаг̇ан̣абаривуд̇о сад̇т̇у санд̇игам̣ г̇анд̇ваа д̇хаммад̣̇зсанам̣ суд̇ваа б̣уд̣̇д̇хаббамукам̣ бхигкусан̇гхам̣ ниманд̇зд̇ваа махаад̣̇аанам̣ бавад̇д̇зд̇ваа баддун̣н̣ажийнабаддагосзяяагамб̣алад̣̇угуулаани жзва суван̣н̣абаад̣̇уган̃жа д̣̇ад̇ваа сад̇т̇у санд̇игз баб̣б̣аж̇и. соби нам̣ б̣яаагааси. д̇асса бхаг̇авад̇о собхавад̇ий наама наг̇арам̣ ахоси, яан̃н̃ад̣̇ад̇д̇о наама б̣раахман̣о бид̇аа, уд̇д̇араа наама б̣раахман̣ий маад̇аа, бхияяасо жа уд̇д̇аро жа д̣̇вз аг̇г̇асаавагаа, сод̇т̇иж̇о наамубадтааго, самуд̣̇д̣̇аа жа уд̇д̇араа жа д̣̇вз аг̇г̇асаавигаа, уд̣̇умб̣араругко б̣од̇хи, сарийрам̣ д̇им̣сахад̇т̇уб̣б̣зд̇хам̣ ахоси, д̇им̣са вассасахассаани ааяууд̇и.

    Tassa aparabhāge koṇāgamano nāma satthā udapādi. Tassāpi eko sāvakasannipāto, tattha tiṃsa bhikkhusahassāni ahesuṃ. Tadā bodhisatto pabbato nāma rājā hutvā amaccagaṇaparivuto satthu santikaṃ gantvā dhammadesanaṃ sutvā buddhappamukhaṃ bhikkhusaṅghaṃ nimantetvā mahādānaṃ pavattetvā paṭṭuṇṇacīnapaṭṭakoseyyakambaladukūlāni ceva suvaṇṇapādukañca datvā satthu santike pabbaji. Sopi naṃ byākāsi. Tassa bhagavato sobhavatī nāma nagaraṃ ahosi, yaññadatto nāma brāhmaṇo pitā, uttarā nāma brāhmaṇī mātā, bhiyyaso ca uttaro ca dve aggasāvakā, sotthijo nāmupaṭṭhāko, samuddā ca uttarā ca dve aggasāvikā, udumbararukkho bodhi, sarīraṃ tiṃsahatthubbedhaṃ ahosi, tiṃsa vassasahassāni āyūti.

    ‘‘гагусанд̇хасса абарзна, самб̣уд̣̇д̇хо д̣̇вибад̣̇уд̇д̇амо;

    ‘‘Kakusandhassa aparena, sambuddho dvipaduttamo;

    гон̣ааг̇амано наама ж̇ино, логаж̇здто нараасабхо’’д̇и.

    Koṇāgamano nāma jino, lokajeṭṭho narāsabho’’ti.

    д̇асса абарабхааг̇з гассабо наама сад̇т̇аа уд̣̇абаад̣̇и. д̇ассааби зго саавагасаннибаад̇о, д̇ад̇т̇а вийсад̇и бхигкусахассаани ахзсум̣. д̇ад̣̇аа б̣од̇хисад̇д̇о ж̇од̇ибаало наама маан̣аво худ̇ваа д̇ин̣н̣ам̣ взд̣̇аанам̣ баараг̇уу бхуумияан̃жа анд̇алигкз жа баагадо гхадийгаарасса гумбхагаарасса мид̇д̇о ахоси. со д̇зна сад̣̇д̇хим̣ сад̇т̇аарам̣ убасан̇гамид̇ваа д̇хаммагат̇ам̣ суд̇ваа баб̣б̣аж̇ид̇ваа аарад̣̇д̇хавийрияо д̇ийн̣и бидагаани уг̇г̇ахзд̇ваа вад̇д̇аавад̇д̇асамбад̇д̇ияаа б̣уд̣̇д̇хасса саасанам̣ собхзси. соби нам̣ б̣яаагааси. д̇асса бхаг̇авад̇о ж̇аад̇анаг̇арам̣ б̣аараан̣асий наама ахоси, б̣рахмад̣̇ад̇д̇о наама б̣раахман̣о бид̇аа, д̇ханавад̇ий наама б̣раахман̣ий маад̇аа, д̇иссо жа бхаарад̣̇вааж̇о жа д̣̇вз аг̇г̇асаавагаа, саб̣б̣амид̇д̇о наамубадтааго, анул̣аа жа урувзл̣аа жа д̣̇вз аг̇г̇асаавигаа, ниг̇род̇харугко б̣од̇хи, сарийрам̣ вийсад̇ихад̇т̇уб̣б̣зд̇хам̣ ахоси, вийсад̇и вассасахассаани ааяууд̇и.

    Tassa aparabhāge kassapo nāma satthā udapādi. Tassāpi eko sāvakasannipāto, tattha vīsati bhikkhusahassāni ahesuṃ. Tadā bodhisatto jotipālo nāma māṇavo hutvā tiṇṇaṃ vedānaṃ pāragū bhūmiyañca antalikkhe ca pākaṭo ghaṭīkārassa kumbhakārassa mitto ahosi. So tena saddhiṃ satthāraṃ upasaṅkamitvā dhammakathaṃ sutvā pabbajitvā āraddhavīriyo tīṇi piṭakāni uggahetvā vattāvattasampattiyā buddhassa sāsanaṃ sobhesi. Sopi naṃ byākāsi. Tassa bhagavato jātanagaraṃ bārāṇasī nāma ahosi, brahmadatto nāma brāhmaṇo pitā, dhanavatī nāma brāhmaṇī mātā, tisso ca bhāradvājo ca dve aggasāvakā, sabbamitto nāmupaṭṭhāko, anuḷā ca uruveḷā ca dve aggasāvikā, nigrodharukkho bodhi, sarīraṃ vīsatihatthubbedhaṃ ahosi, vīsati vassasahassāni āyūti.

    ‘‘гон̣ааг̇аманасса абарзна, самб̣уд̣̇д̇хо д̣̇вибад̣̇уд̇д̇амо;

    ‘‘Koṇāgamanassa aparena, sambuddho dvipaduttamo;

    гассабо наама г̇од̇д̇зна, д̇хаммарааж̇аа бабхан̇гаро’’д̇и.

    Kassapo nāma gottena, dhammarājā pabhaṅkaro’’ti.

    яасмим̣ бана габбз д̣̇ийбан̇гаро д̣̇асаб̣ало уд̣̇абаад̣̇и, д̇асмим̣ ан̃н̃зби д̇аяо б̣уд̣̇д̇хаа ахзсум̣. д̇зсам̣ санд̇игаа б̣од̇хисад̇д̇асса б̣яаагаран̣ам̣ над̇т̇и, д̇асмаа д̇з ид̇ха на д̣̇ассид̇аа. адтагат̇ааяам̣ бана д̇амхаа габбаа бадтааяа саб̣б̣зби б̣уд̣̇д̇хз д̣̇ассзд̇ум̣ ид̣̇ам̣ вуд̇д̇ам̣ –

    Yasmiṃ pana kappe dīpaṅkaro dasabalo udapādi, tasmiṃ aññepi tayo buddhā ahesuṃ. Tesaṃ santikā bodhisattassa byākaraṇaṃ natthi, tasmā te idha na dassitā. Aṭṭhakathāyaṃ pana tamhā kappā paṭṭhāya sabbepi buddhe dassetuṃ idaṃ vuttaṃ –

    ‘‘д̇ан̣хан̇гаро мзд̇хан̇гаро, ат̇оби саран̣ан̇гаро;

    ‘‘Taṇhaṅkaro medhaṅkaro, athopi saraṇaṅkaro;

    д̣̇ийбан̇гаро жа самб̣уд̣̇д̇хо, гон̣д̣ан̃н̃о д̣̇вибад̣̇уд̇д̇амо.

    Dīpaṅkaro ca sambuddho, koṇḍañño dvipaduttamo.

    ‘‘ман̇г̇ало жа сумано жа, рзвад̇о собхид̇о муни;

    ‘‘Maṅgalo ca sumano ca, revato sobhito muni;

    аномад̣̇ассий бад̣̇умо, наарад̣̇о бад̣̇умуд̇д̇аро.

    Anomadassī padumo, nārado padumuttaro.

    ‘‘сумзд̇хо жа суж̇аад̇о жа, бияад̣̇ассий махааяасо;

    ‘‘Sumedho ca sujāto ca, piyadassī mahāyaso;

    ад̇т̇ад̣̇ассий д̇хаммад̣̇ассий, сид̣̇д̇хад̇т̇о логанааяаго.

    Atthadassī dhammadassī, siddhattho lokanāyako.

    ‘‘д̇иссо пуссо жа самб̣уд̣̇д̇хо, вибассий сики взссабхуу;

    ‘‘Tisso phusso ca sambuddho, vipassī sikhi vessabhū;

    гагусанд̇хо гон̣ааг̇амано, гассабо жаад̇и нааяаго.

    Kakusandho koṇāgamano, kassapo cāti nāyako.

    ‘‘зд̇з ахзсум̣ самб̣уд̣̇д̇хаа, вийд̇арааг̇аа самаахид̇аа;

    ‘‘Ete ahesuṃ sambuddhā, vītarāgā samāhitā;

    сад̇арам̣сийва уббаннаа, махаад̇амавинод̣̇анаа;

    Sataraṃsīva uppannā, mahātamavinodanā;

    ж̇алид̇ваа аг̇г̇иканд̇хаава, ниб̣б̣уд̇аа д̇з сасаавагаа’’д̇и.

    Jalitvā aggikhandhāva, nibbutā te sasāvakā’’ti.

    д̇ад̇т̇а амхаагам̣ б̣од̇хисад̇д̇о д̣̇ийбан̇гараад̣̇ийнам̣ жад̇увийсад̇ияаа б̣уд̣̇д̇хаанам̣ санд̇игз ад̇хигаарам̣ гаронд̇о габбасад̇асахассаад̇хигаани жад̇д̇аари асан̇кязяяаани ааг̇ад̇о. гассабасса бана бхаг̇авад̇о орабхааг̇з табзд̇ваа имам̣ саммаасамб̣уд̣̇д̇хам̣ ан̃н̃о б̣уд̣̇д̇хо наама над̇т̇и. ид̇и д̣̇ийбан̇гараад̣̇ийнам̣ жад̇увийсад̇ияаа б̣уд̣̇д̇хаанам̣ санд̇игз лад̣̇д̇хаб̣яаагаран̣о бана б̣од̇хисад̇д̇о язнзна –

    Tattha amhākaṃ bodhisatto dīpaṅkarādīnaṃ catuvīsatiyā buddhānaṃ santike adhikāraṃ karonto kappasatasahassādhikāni cattāri asaṅkhyeyyāni āgato. Kassapassa pana bhagavato orabhāge ṭhapetvā imaṃ sammāsambuddhaṃ añño buddho nāma natthi. Iti dīpaṅkarādīnaṃ catuvīsatiyā buddhānaṃ santike laddhabyākaraṇo pana bodhisatto yenena –

    ‘‘мануссад̇д̇ам̣ лин̇г̇асамбад̇д̇и, хзд̇у сад̇т̇аарад̣̇ассанам̣;

    ‘‘Manussattaṃ liṅgasampatti, hetu satthāradassanaṃ;

    баб̣б̣аж̇ж̇аа г̇ун̣асамбад̇д̇и, ад̇хигааро жа чанд̣̇ад̇аа;

    Pabbajjā guṇasampatti, adhikāro ca chandatā;

    адтад̇хаммасамод̇хаанаа, абхинийхааро самиж̇жхад̇ий’’д̇и. (б̣у. вам̣. 2.59) –

    Aṭṭhadhammasamodhānā, abhinīhāro samijjhatī’’ti. (bu. vaṃ. 2.59) –

    имз адта д̇хаммз самод̇хаанзд̇ваа д̣̇ийбан̇гарабаад̣̇амуулз гад̇аабхинийхаарзна ‘‘ханд̣̇а б̣уд̣̇д̇хагарз д̇хаммз, вижинаами ид̇о жид̇о’’д̇и уссаахам̣ гад̇ваа ‘‘вижинанд̇о д̇ад̣̇аад̣̇агким̣, батамам̣ д̣̇аанабаарами’’нд̇и д̣̇аанабаарамид̇аад̣̇аяо б̣уд̣̇д̇хагаарагад̇хаммаа д̣̇идтаа, д̇з буурзнд̇оязва яаава взссанд̇арад̇д̇абхааваа ааг̇ами. ааг̇ажчанд̇о жа яз д̇з гад̇аабхинийхаараанам̣ б̣од̇хисад̇д̇аанам̣ аанисам̣саа сам̣ван̣н̣ид̇аа –

    Ime aṭṭha dhamme samodhānetvā dīpaṅkarapādamūle katābhinīhārena ‘‘handa buddhakare dhamme, vicināmi ito cito’’ti ussāhaṃ katvā ‘‘vicinanto tadādakkhiṃ, paṭhamaṃ dānapārami’’nti dānapāramitādayo buddhakārakadhammā diṭṭhā, te pūrentoyeva yāva vessantarattabhāvā āgami. Āgacchanto ca ye te katābhinīhārānaṃ bodhisattānaṃ ānisaṃsā saṃvaṇṇitā –

    ‘‘звам̣ саб̣б̣ан̇г̇асамбаннаа, б̣од̇хияаа нияад̇аа нараа;

    ‘‘Evaṃ sabbaṅgasampannā, bodhiyā niyatā narā;

    сам̣сарам̣ д̣̇ийгхамад̣̇д̇хаанам̣, габбагодисад̇зхиби.

    Saṃsaraṃ dīghamaddhānaṃ, kappakoṭisatehipi.

    ‘‘авийжимхи нуббаж̇ж̇анд̇и, д̇ат̇аа логанд̇арзсу жа;

    ‘‘Avīcimhi nuppajjanti, tathā lokantaresu ca;

    ниж̇жхаамад̇ан̣хаа куббибаасаа, на хонд̇и гаалаган̃ж̇агаа.

    Nijjhāmataṇhā khuppipāsā, na honti kālakañjakā.

    ‘‘на хонд̇и куд̣̇д̣̇агаа баан̣аа, уббаж̇ж̇анд̇ааби д̣̇уг̇г̇ад̇им̣;

    ‘‘Na honti khuddakā pāṇā, uppajjantāpi duggatiṃ;

    ж̇ааяамаанаа мануссзсу, ж̇ажжанд̇хаа на бхаванд̇и д̇з.

    Jāyamānā manussesu, jaccandhā na bhavanti te.

    ‘‘сод̇авзгаллад̇аа над̇т̇и, на бхаванд̇и мууг̇абагкигаа;

    ‘‘Sotavekallatā natthi, na bhavanti mūgapakkhikā;

    ид̇т̇ибхаавам̣ на г̇ажчанд̇и, убхад̇об̣яан̃ж̇анабан̣д̣агаа.

    Itthibhāvaṃ na gacchanti, ubhatobyañjanapaṇḍakā.

    ‘‘на бхаванд̇и барияаабаннаа, б̣од̇хияаа нияад̇аа нараа;

    ‘‘Na bhavanti pariyāpannā, bodhiyā niyatā narā;

    муд̇д̇аа аананд̇аригзхи, саб̣б̣ад̇т̇а суд̣̇д̇хаг̇ожараа.

    Muttā ānantarikehi, sabbattha suddhagocarā.

    ‘‘мижчаад̣̇идтим̣ на сзванд̇и, гаммагирияад̣̇ассанаа;

    ‘‘Micchādiṭṭhiṃ na sevanti, kammakiriyadassanā;

    васамаанааби саг̇г̇зсу, асан̃н̃ам̣ нуубабаж̇ж̇арз.

    Vasamānāpi saggesu, asaññaṃ nūpapajjare.

    ‘‘суд̣̇д̇хааваасзсу д̣̇звзсу, хзд̇у наама на виж̇ж̇ад̇и;

    ‘‘Suddhāvāsesu devesu, hetu nāma na vijjati;

    нзгкамманиннаа саббурисаа, висам̣яуд̇д̇аа бхаваабхавз;

    Nekkhammaninnā sappurisā, visaṃyuttā bhavābhave;

    жаранд̇и логад̇т̇ажарияааяо, буурзнд̇и саб̣б̣абаарамий’’д̇и.

    Caranti lokatthacariyāyo, pūrenti sabbapāramī’’ti.

    д̇з аанисам̣сз ад̇хиг̇анд̇ваава ааг̇ад̇о. баарамияо буурзнд̇асса жасса агид̇д̇иб̣раахман̣агаалз сан̇каб̣раахман̣агаалз д̇ханан̃жаяарааж̇агаалз махаасуд̣̇ассанагаалз махааг̇овинд̣̇агаалз нимимахаарааж̇агаалз жанд̣̇агумаарагаалз висаяхасздтигаалз сивирааж̇агаалз взссанд̇арагаалзд̇и д̣̇аанабаарамид̇ааяа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса сасабан̣д̣ид̇аж̇аад̇агз –

    Te ānisaṃse adhigantvāva āgato. Pāramiyo pūrentassa cassa akittibrāhmaṇakāle saṅkhabrāhmaṇakāle dhanañcayarājakāle mahāsudassanakāle mahāgovindakāle nimimahārājakāle candakumārakāle visayhaseṭṭhikāle sivirājakāle vessantarakāleti dānapāramitāya pūritattabhāvānaṃ parimāṇaṃ nāma natthi. Ekantena panassa sasapaṇḍitajātake –

    ‘‘бхигкааяа убаг̇ад̇ам̣ д̣̇исваа, сагад̇д̇аанам̣ барижжаж̇им̣;

    ‘‘Bhikkhāya upagataṃ disvā, sakattānaṃ pariccajiṃ;

    д̣̇аанзна мз само над̇т̇и, зсаа мз д̣̇аанабаарамий’’д̇и. (жарияаа. 1.д̇ассуд̣̇аанам̣) –

    Dānena me samo natthi, esā me dānapāramī’’ti. (cariyā. 1.tassudānaṃ) –

    звам̣ ад̇д̇абарижжааг̇ам̣ гаронд̇асса д̣̇аанабаарамид̇аа барамад̇т̇абаарамий наама ж̇аад̇аа. д̇ат̇аа сийлаварааж̇агаалз жамбзяяанааг̇арааж̇агаалз бхуурид̣̇ад̇д̇анааг̇арааж̇агаалз чад̣̇д̣̇анд̇анааг̇арааж̇агаалз ж̇аяад̣̇д̣̇исарааж̇абуд̇д̇агаалз алийнасад̇д̇угумаарагаалзд̇и сийлабаарамид̇ааяа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса сан̇кабаалаж̇аад̇агз –

    Evaṃ attapariccāgaṃ karontassa dānapāramitā paramatthapāramī nāma jātā. Tathā sīlavarājakāle campeyyanāgarājakāle bhūridattanāgarājakāle chaddantanāgarājakāle jayaddisarājaputtakāle alīnasattukumārakāleti sīlapāramitāya pūritattabhāvānaṃ parimāṇaṃ nāma natthi. Ekantena panassa saṅkhapālajātake –

    ‘‘суулзхи виж̇жхияанд̇оби, годдияанд̇оби сад̇д̇ихи;

    ‘‘Sūlehi vijjhiyantopi, koṭṭiyantopi sattihi;

    бхож̇абуд̇д̇з на губбаами, зсаа мз сийлабаарамий’’д̇и. (жарияаа. 2.91) –

    Bhojaputte na kuppāmi, esā me sīlapāramī’’ti. (cariyā. 2.91) –

    звам̣ ад̇д̇абарижжааг̇ам̣ гаронд̇асса сийлабаарамид̇аа барамад̇т̇абаарамий наама ж̇аад̇аа. д̇ат̇аа соманассагумаарагаалз, хад̇т̇ибаалагумаарагаалз, аяогхарабан̣д̣ид̇агаалзд̇и махаараж̇ж̇ам̣ бахааяа нзгкаммабаарамид̇ааяа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса жуул̣асуд̇асомаж̇аад̇агз –

    Evaṃ attapariccāgaṃ karontassa sīlapāramitā paramatthapāramī nāma jātā. Tathā somanassakumārakāle, hatthipālakumārakāle, ayogharapaṇḍitakāleti mahārajjaṃ pahāya nekkhammapāramitāya pūritattabhāvānaṃ parimāṇaṃ nāma natthi. Ekantena panassa cūḷasutasomajātake –

    ‘‘махаараж̇ж̇ам̣ хад̇т̇аг̇ад̇ам̣, кзл̣абин̣д̣ам̣ва чад̣д̣аяим̣;

    ‘‘Mahārajjaṃ hatthagataṃ, kheḷapiṇḍaṃva chaḍḍayiṃ;

    жаж̇ад̇о на ход̇и лаг̇г̇ам̣, зсаа мз нзгкаммабаарамий’’д̇и. –

    Cajato na hoti laggaṃ, esā me nekkhammapāramī’’ti. –

    звам̣ ниссан̇г̇ад̇ааяа раж̇ж̇ам̣ чад̣д̣зд̇ваа нигкаманд̇асса нзгкаммабаарамид̇аа барамад̇т̇абаарамий наама ж̇аад̇аа. д̇ат̇аа вид̇хурабан̣д̣ид̇агаалз, махааг̇овинд̣̇абан̣д̣ид̇агаалз, гуд̣̇д̣̇аалабан̣д̣ид̇агаалз, арагабан̣д̣ид̇агаалз, б̣од̇хибариб̣б̣ааж̇агагаалз, махосад̇хабан̣д̣ид̇агаалзд̇и, бан̃н̃аабаарамид̇ааяа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса сад̇д̇убхасд̇аж̇аад̇агз сзнагабан̣д̣ид̇агаалз –

    Evaṃ nissaṅgatāya rajjaṃ chaḍḍetvā nikkhamantassa nekkhammapāramitā paramatthapāramī nāma jātā. Tathā vidhurapaṇḍitakāle, mahāgovindapaṇḍitakāle, kuddālapaṇḍitakāle, arakapaṇḍitakāle, bodhiparibbājakakāle, mahosadhapaṇḍitakāleti, paññāpāramitāya pūritattabhāvānaṃ parimāṇaṃ nāma natthi. Ekantena panassa sattubhastajātake senakapaṇḍitakāle –

    ‘‘бан̃н̃ааяа вижинанд̇охам̣, б̣раахман̣ам̣ можаяим̣ д̣̇укаа;

    ‘‘Paññāya vicinantohaṃ, brāhmaṇaṃ mocayiṃ dukhā;

    бан̃н̃ааяа мз само над̇т̇и, зсаа мз бан̃н̃аабаарамий’’д̇и. –

    Paññāya me samo natthi, esā me paññāpāramī’’ti. –

    анд̇обхасд̇аг̇ад̇ам̣ саббам̣ д̣̇ассзнд̇асса бан̃н̃аабаарамид̇аа барамад̇т̇абаарамий наама ж̇аад̇аа. д̇ат̇аа вийрияабаарамид̇аад̣̇ийнамби буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса махааж̇анагаж̇аад̇агз –

    Antobhastagataṃ sappaṃ dassentassa paññāpāramitā paramatthapāramī nāma jātā. Tathā vīriyapāramitādīnampi pūritattabhāvānaṃ parimāṇaṃ nāma natthi. Ekantena panassa mahājanakajātake –

    ‘‘ад̇ийрад̣̇ассий ж̇аламаж̇жхз, хад̇аа саб̣б̣зва маанусаа;

    ‘‘Atīradassī jalamajjhe, hatā sabbeva mānusā;

    жид̇д̇асса ан̃н̃ат̇аа над̇т̇и, зсаа мз вийрияабаарамий’’д̇и. –

    Cittassa aññathā natthi, esā me vīriyapāramī’’ti. –

    звам̣ махаасамуд̣̇д̣̇ам̣ д̇аранд̇асса бавад̇д̇аа вийрияабаарамид̇аа барамад̇т̇абаарамий наама ж̇аад̇аа. канд̇иваад̣̇иж̇аад̇агз –

    Evaṃ mahāsamuddaṃ tarantassa pavattā vīriyapāramitā paramatthapāramī nāma jātā. Khantivādijātake –

    ‘‘ажзд̇анам̣ва годдзнд̇з, д̇ин̣хзна парасунаа мамам̣;

    ‘‘Acetanaṃva koṭṭente, tiṇhena pharasunā mamaṃ;

    гаасирааж̇з на губбаами, зсаа мз канд̇ибаарамий’’д̇и. –

    Kāsirāje na kuppāmi, esā me khantipāramī’’ti. –

    звам̣ ажзд̇анабхаавзна вияа махаад̣̇угкам̣ ад̇хиваасзнд̇асса канд̇ибаарамид̇аа барамад̇т̇абаарамий наама ж̇аад̇аа. махаасуд̇асомаж̇аад̇агз –

    Evaṃ acetanabhāvena viya mahādukkhaṃ adhivāsentassa khantipāramitā paramatthapāramī nāma jātā. Mahāsutasomajātake –

    ‘‘сажжаваажам̣ анурагканд̇о, жаж̇ид̇ваа мама ж̇ийвид̇ам̣;

    ‘‘Saccavācaṃ anurakkhanto, cajitvā mama jīvitaṃ;

    можзсим̣ згасад̇ам̣ кад̇д̇ияз, зсаа мз сажжабаарамий’’д̇и. –

    Mocesiṃ ekasataṃ khattiye, esā me saccapāramī’’ti. –

    звам̣ ж̇ийвид̇ам̣ жаж̇ид̇ваа сажжаманурагканд̇асса сажжабаарамид̇аа барамад̇т̇абаарамий наама ж̇аад̇аа. мууг̇абагкаж̇аад̇агз –

    Evaṃ jīvitaṃ cajitvā saccamanurakkhantassa saccapāramitā paramatthapāramī nāma jātā. Mūgapakkhajātake –

    ‘‘маад̇аа бид̇аа на мз д̣̇зссаа, наби мз д̣̇зссам̣ махааяасам̣;

    ‘‘Mātā pitā na me dessā, napi me dessaṃ mahāyasaṃ;

    саб̣б̣ан̃н̃уд̇ам̣ бияам̣ маяхам̣, д̇асмаа вад̇амад̇хидтахи’’нд̇и. (жарияаа. 3.6 т̇огам̣ висад̣̇исам̣) –

    Sabbaññutaṃ piyaṃ mayhaṃ, tasmā vatamadhiṭṭhahi’’nti. (cariyā. 3.6 thokaṃ visadisaṃ) –

    звам̣ ж̇ийвид̇амби жаж̇ид̇ваа вад̇ам̣ ад̇хидтаханд̇асса ад̇хидтаанабаарамид̇аа барамад̇т̇абаарамий наама ж̇аад̇аа. згарааж̇аж̇аад̇агз –

    Evaṃ jīvitampi cajitvā vataṃ adhiṭṭhahantassa adhiṭṭhānapāramitā paramatthapāramī nāma jātā. Ekarājajātake –

    ‘‘на мам̣ гожи уд̇д̇асад̇и, набихам̣ бхааяаами гассажи;

    ‘‘Na maṃ koci uttasati, napihaṃ bhāyāmi kassaci;

    мзд̇д̇ааб̣алзнубад̇т̇ад̣̇д̇хо, рамаами баванз д̇ад̣̇аа’’д̇и. (жарияаа. 3.113) –

    Mettābalenupatthaddho, ramāmi pavane tadā’’ti. (cariyā. 3.113) –

    звам̣ ж̇ийвид̇амби анологзд̇ваа мзд̇д̇ааяанд̇асса мзд̇д̇аабаарамид̇аа барамад̇т̇абаарамий наама ж̇аад̇аа. ломахам̣саж̇аад̇агз –

    Evaṃ jīvitampi anoloketvā mettāyantassa mettāpāramitā paramatthapāramī nāma jātā. Lomahaṃsajātake –

    ‘‘сусаанз сзяяам̣ габбзми, чавадтигам̣ убад̇хааяахам̣;

    ‘‘Susāne seyyaṃ kappemi, chavaṭṭhikaṃ upadhāyahaṃ;

    г̇ааман̣д̣алаа убааг̇анд̇ваа, руубам̣ д̣̇ассзнд̇инаббага’’нд̇и. (жарияаа. 3.119) –

    Gāmaṇḍalā upāgantvā, rūpaṃ dassentinappaka’’nti. (cariyā. 3.119) –

    звам̣ г̇аамад̣̇аарагзсу нидтубханаад̣̇ийхи жзва маалааг̇анд̇хуубахаараад̣̇ийхи жа сукад̣̇угкам̣ уббаад̣̇знд̇зсуби убзгкам̣ анад̇ивад̇д̇анд̇асса убзгкаабаарамид̇аа барамад̇т̇абаарамий наама ж̇аад̇аа. аяамзд̇т̇а сан̇кзбо, вид̇т̇аарад̇о банзса ад̇т̇о жарияаабидагад̇о г̇ахзд̇аб̣б̣о. звам̣ баарамияо буурзд̇ваа взссанд̇арад̇д̇абхаавз тид̇о –

    Evaṃ gāmadārakesu niṭṭhubhanādīhi ceva mālāgandhūpahārādīhi ca sukhadukkhaṃ uppādentesupi upekkhaṃ anativattantassa upekkhāpāramitā paramatthapāramī nāma jātā. Ayamettha saṅkhepo, vitthārato panesa attho cariyāpiṭakato gahetabbo. Evaṃ pāramiyo pūretvā vessantarattabhāve ṭhito –

    ‘‘ажзд̇анааяам̣ бат̇авий, авин̃н̃ааяа сукам̣ д̣̇укам̣;

    ‘‘Acetanāyaṃ pathavī, aviññāya sukhaṃ dukhaṃ;

    сааби д̣̇аанаб̣алаа маяхам̣, сад̇д̇агкад̇д̇ум̣ багамбат̇аа’’д̇и. (жарияаа. 1.124) –

    Sāpi dānabalā mayhaṃ, sattakkhattuṃ pakampathā’’ti. (cariyā. 1.124) –

    звам̣ махаабат̇авигамбанаад̣̇ийни махаабун̃н̃аани гад̇ваа ааяубарияосаанз д̇ад̇о жуд̇о д̇усид̇абхаванз ниб̣б̣ад̇д̇и. ид̇и д̣̇ийбан̇гарабаад̣̇амуулад̇о бадтааяа яаава аяам̣ д̇усид̇абурз ниб̣б̣ад̇д̇и, зд̇д̇агам̣ таанам̣ д̣̇уурзнид̣̇аанам̣ наамаад̇и взд̣̇ид̇аб̣б̣ам̣.

    Evaṃ mahāpathavikampanādīni mahāpuññāni katvā āyupariyosāne tato cuto tusitabhavane nibbatti. Iti dīpaṅkarapādamūlato paṭṭhāya yāva ayaṃ tusitapure nibbatti, ettakaṃ ṭhānaṃ dūrenidānaṃ nāmāti veditabbaṃ.

    д̣̇уурзнид̣̇аанагат̇аа нидтид̇аа.

    Dūrenidānakathā niṭṭhitā.

    2. авид̣̇уурзнид̣̇аанагат̇аа

    2. Avidūrenidānakathā

    д̇усид̇абурз васанд̇зязва бана б̣од̇хисад̇д̇з б̣уд̣̇д̇хаголаахалам̣ наама уд̣̇абаад̣̇и. логасмин̃хи д̇ийн̣и голаахалаани уббаж̇ж̇анд̇и – габбаголаахалам̣, б̣уд̣̇д̇хаголаахалам̣, жаггавад̇д̇иголаахаланд̇и. д̇ад̇т̇а ‘‘вассасад̇асахассасса ажжаязна габбудтаанам̣ бхависсад̇ий’’д̇и логаб̣яуухаа наама гаамааважарад̣̇зваа муд̇д̇асираа вигин̣н̣агзсаа руд̣̇амукаа ассууни хад̇т̇зхи бун̃чамаанаа рад̇д̇авад̇т̇анивад̇т̇аа ад̇ивияа вируубавзсад̇хаарино худ̇ваа мануссабат̇з вижаранд̇аа звам̣ аарожзнд̇и ‘‘маарисаа ид̇о вассасад̇асахассасса ажжаязна габбудтаанам̣ бхависсад̇и, аяам̣ лого винассиссад̇и, махаасамуд̣̇д̣̇оби суссиссад̇и , аяан̃жа махаабат̇авий синзру жа баб̣б̣ад̇арааж̇аа уд̣д̣аяхиссанд̇и винассиссанд̇и, яаава б̣рахмалогаа логавинаасо бхависсад̇и, мзд̇д̇ам̣ маарисаа бхаавзт̇а, гарун̣ам̣, муд̣̇ид̇ам̣, убзгкам̣ маарисаа бхаавзт̇а, маад̇арам̣ убадтахат̇а, бид̇арам̣ убадтахат̇а, гулз ж̇здтаабажааяино хот̇аа’’д̇и. ид̣̇ам̣ габбаголаахалам̣ наама. вассасахассасса ажжаязна бана саб̣б̣ан̃н̃уб̣уд̣̇д̇хо логз уббаж̇ж̇иссад̇ийд̇и логабаалад̣̇звад̇аа ‘‘ид̇о маарисаа вассасахассасса ажжаязна б̣уд̣̇д̇хо логз уббаж̇ж̇иссад̇ий’’д̇и уг̇гхосзнд̇аа аахин̣д̣анд̇и. ид̣̇ам̣ б̣уд̣̇д̇хаголаахалам̣ наама. вассасад̇асса ажжаязна жаггавад̇д̇ий рааж̇аа уббаж̇ж̇иссад̇ийд̇и д̣̇звад̇аа ‘‘ид̇о маарисаа вассасад̇асса ажжаязна жаггавад̇д̇ий рааж̇аа логз уббаж̇ж̇иссад̇ий’’д̇и уг̇гхосзнд̇ияо аахин̣д̣анд̇и. ид̣̇ам̣ жаггавад̇д̇иголаахалам̣ наама. имаани д̇ийн̣и голаахалаани маханд̇аани хонд̇и.

    Tusitapure vasanteyeva pana bodhisatte buddhakolāhalaṃ nāma udapādi. Lokasmiñhi tīṇi kolāhalāni uppajjanti – kappakolāhalaṃ, buddhakolāhalaṃ, cakkavattikolāhalanti. Tattha ‘‘vassasatasahassassa accayena kappuṭṭhānaṃ bhavissatī’’ti lokabyūhā nāma kāmāvacaradevā muttasirā vikiṇṇakesā rudamukhā assūni hatthehi puñchamānā rattavatthanivatthā ativiya virūpavesadhārino hutvā manussapathe vicarantā evaṃ ārocenti ‘‘mārisā ito vassasatasahassassa accayena kappuṭṭhānaṃ bhavissati, ayaṃ loko vinassissati, mahāsamuddopi sussissati , ayañca mahāpathavī sineru ca pabbatarājā uḍḍayhissanti vinassissanti, yāva brahmalokā lokavināso bhavissati, mettaṃ mārisā bhāvetha, karuṇaṃ, muditaṃ, upekkhaṃ mārisā bhāvetha, mātaraṃ upaṭṭhahatha, pitaraṃ upaṭṭhahatha, kule jeṭṭhāpacāyino hothā’’ti. Idaṃ kappakolāhalaṃ nāma. Vassasahassassa accayena pana sabbaññubuddho loke uppajjissatīti lokapāladevatā ‘‘ito mārisā vassasahassassa accayena buddho loke uppajjissatī’’ti ugghosentā āhiṇḍanti. Idaṃ buddhakolāhalaṃ nāma. Vassasatassa accayena cakkavattī rājā uppajjissatīti devatā ‘‘ito mārisā vassasatassa accayena cakkavattī rājā loke uppajjissatī’’ti ugghosentiyo āhiṇḍanti. Idaṃ cakkavattikolāhalaṃ nāma. Imāni tīṇi kolāhalāni mahantāni honti.

    д̇зсу б̣уд̣̇д̇хаголаахаласад̣̇д̣̇ам̣ суд̇ваа сагалад̣̇асасахассажаггаваал̣ад̣̇звад̇аа згад̇о саннибад̇ид̇ваа ‘‘асуго наама сад̇д̇о б̣уд̣̇д̇хо бхависсад̇ий’’д̇и н̃ад̇ваа д̇ам̣ убасан̇гамид̇ваа ааяаажанд̇и. ааяаажамаанаа жа буб̣б̣анимид̇д̇зсу уббаннзсу ааяаажанд̇и. д̇ад̣̇аа бана саб̣б̣ааби д̣̇звад̇аа згзгажаггаваал̣з жад̇умахаарааж̇асаггасуяаамасанд̇усид̇асуниммид̇авасавад̇д̇имахааб̣рахмзхи сад̣̇д̇хим̣ згажаггаваал̣з саннибад̇ид̇ваа д̇усид̇абхаванз б̣од̇хисад̇д̇асса санд̇игам̣ г̇анд̇ваа ‘‘маарисаа д̇умхзхи д̣̇аса баарамияо буурзнд̇зхи на саггасамбад̇д̇им̣, на маарасамбад̇д̇им̣, на б̣рахмасамбад̇д̇им̣, на жаггавад̇д̇исамбад̇д̇им̣ бад̇т̇знд̇зхи буурид̇аа, логанид̇т̇аран̣ад̇т̇ааяа бана саб̣б̣ан̃н̃уд̇ам̣ бад̇т̇знд̇зхи буурид̇аа, со во ид̣̇аани гаало маарисаа б̣уд̣̇д̇хад̇д̇ааяа самаяо, маарисаа б̣уд̣̇д̇хад̇д̇ааяа самаяо’’д̇и яаажим̣су.

    Tesu buddhakolāhalasaddaṃ sutvā sakaladasasahassacakkavāḷadevatā ekato sannipatitvā ‘‘asuko nāma satto buddho bhavissatī’’ti ñatvā taṃ upasaṅkamitvā āyācanti. Āyācamānā ca pubbanimittesu uppannesu āyācanti. Tadā pana sabbāpi devatā ekekacakkavāḷe catumahārājasakkasuyāmasantusitasunimmitavasavattimahābrahmehi saddhiṃ ekacakkavāḷe sannipatitvā tusitabhavane bodhisattassa santikaṃ gantvā ‘‘mārisā tumhehi dasa pāramiyo pūrentehi na sakkasampattiṃ, na mārasampattiṃ, na brahmasampattiṃ, na cakkavattisampattiṃ patthentehi pūritā, lokanittharaṇatthāya pana sabbaññutaṃ patthentehi pūritā, so vo idāni kālo mārisā buddhattāya samayo, mārisā buddhattāya samayo’’ti yāciṃsu.

    ат̇а махаасад̇д̇о д̣̇звад̇аанам̣ бадин̃н̃ам̣ ад̣̇ад̇ваава гаалад̣̇ийбад̣̇зсагулаж̇анзд̇д̇иааяубарижчзд̣̇авасзна бан̃жамахаавилоганам̣ наама вилогзси. д̇ад̇т̇а ‘‘гаало ну ко, агаало ну ко’’д̇и батамам̣ гаалам̣ вилогзси. д̇ад̇т̇а вассасад̇асахассад̇о уд̣̇д̇хам̣ вад̣дхид̇аааяугаало гаало наама на ход̇и. гасмаа? д̇ад̣̇аа хи сад̇д̇аанам̣ ж̇аад̇иж̇араамаран̣аани на бан̃н̃ааяанд̇и. б̣уд̣̇д̇хаанан̃жа д̇хаммад̣̇зсанаа д̇илагкан̣амуд̇д̇аа наама над̇т̇и. д̇зсам̣ ‘‘анижжам̣, д̣̇угкам̣, анад̇д̇аа’’д̇и гат̇знд̇аанам̣ ‘‘гим̣ наамзд̇ам̣ гат̇знд̇ий’’д̇и нзва сод̇аб̣б̣ам̣ на сад̣̇д̇хаад̇аб̣б̣ам̣ ман̃н̃анд̇и, д̇ад̇о абхисамаяо на ход̇и, д̇асмим̣ асад̇и анияяаанигам̣ саасанам̣ ход̇и. д̇асмаа со агаало. вассасад̇ад̇о уунаааяугаалоби гаало на ход̇и. гасмаа? д̇ад̣̇аа сад̇д̇аа уссаннагилзсаа хонд̇и, уссаннагилзсаанан̃жа д̣̇инно оваад̣̇о оваад̣̇адтаанз на д̇идтад̇и, уд̣̇агз д̣̇ан̣д̣арааж̇и вияа киббам̣ виг̇ажчад̇и . д̇асмаа соби агаало. вассасад̇асахассад̇о бана бадтааяа хздтаа, вассасад̇ад̇о бадтааяа уд̣̇д̇хам̣ ааяугаало гаало наама. д̇ад̣̇аа жа вассасад̇агаало. ат̇а махаасад̇д̇о ‘‘ниб̣б̣ад̇д̇ид̇аб̣б̣агаало’’д̇и гаалам̣ басси.

    Atha mahāsatto devatānaṃ paṭiññaṃ adatvāva kāladīpadesakulajanettiāyuparicchedavasena pañcamahāvilokanaṃ nāma vilokesi. Tattha ‘‘kālo nu kho, akālo nu kho’’ti paṭhamaṃ kālaṃ vilokesi. Tattha vassasatasahassato uddhaṃ vaḍḍhitaāyukālo kālo nāma na hoti. Kasmā? Tadā hi sattānaṃ jātijarāmaraṇāni na paññāyanti. Buddhānañca dhammadesanā tilakkhaṇamuttā nāma natthi. Tesaṃ ‘‘aniccaṃ, dukkhaṃ, anattā’’ti kathentānaṃ ‘‘kiṃ nāmetaṃ kathentī’’ti neva sotabbaṃ na saddhātabbaṃ maññanti, tato abhisamayo na hoti, tasmiṃ asati aniyyānikaṃ sāsanaṃ hoti. Tasmā so akālo. Vassasatato ūnaāyukālopi kālo na hoti. Kasmā? Tadā sattā ussannakilesā honti, ussannakilesānañca dinno ovādo ovādaṭṭhāne na tiṭṭhati, udake daṇḍarāji viya khippaṃ vigacchati . Tasmā sopi akālo. Vassasatasahassato pana paṭṭhāya heṭṭhā, vassasatato paṭṭhāya uddhaṃ āyukālo kālo nāma. Tadā ca vassasatakālo. Atha mahāsatto ‘‘nibbattitabbakālo’’ti kālaṃ passi.

    д̇ад̇о д̣̇ийбам̣ вилогзнд̇о сабариваарз жад̇д̇ааро д̣̇ийбз ологзд̇ваа ‘‘д̇ийсу д̣̇ийбзсу б̣уд̣̇д̇хаа на ниб̣б̣ад̇д̇анд̇и, ж̇амб̣уд̣̇ийбзязва ниб̣б̣ад̇д̇анд̇ий’’д̇и д̣̇ийбам̣ басси.

    Tato dīpaṃ vilokento saparivāre cattāro dīpe oloketvā ‘‘tīsu dīpesu buddhā na nibbattanti, jambudīpeyeva nibbattantī’’ti dīpaṃ passi.

    д̇ад̇о ‘‘ж̇амб̣уд̣̇ийбо наама махаа д̣̇асаяож̇анасахассабаримаан̣о, гад̇арасмим̣ ну ко бад̣̇зсз б̣уд̣̇д̇хаа ниб̣б̣ад̇д̇анд̇ий’’д̇и огаасам̣ вилогзнд̇о маж̇жхимад̣̇зсам̣ басси. маж̇жхимад̣̇зсо наама – ‘‘бурад̇т̇имааяа д̣̇исааяа г̇аж̇ан̇г̇алам̣ наама ниг̇амо, д̇асса абарзна махаасаало, д̇ад̇о барам̣ бажжанд̇имаа ж̇анабад̣̇аа, орад̇о маж̇жхз. буб̣б̣ад̣̇агкин̣ааяа д̣̇исааяа саллавад̇ий наама над̣̇ий, д̇ад̇о барам̣ бажжанд̇имаа ж̇анабад̣̇аа, орад̇о маж̇жхз. д̣̇агкин̣ааяа д̣̇исааяа сзд̇аган̣н̣игам̣ наама ниг̇амо, д̇ад̇о барам̣ бажжанд̇имаа ж̇анабад̣̇аа, орад̇о маж̇жхз. бажчимааяа д̣̇исааяа т̇уун̣ам̣ наама б̣раахман̣аг̇аамо, д̇ад̇о барам̣ бажжанд̇имаа ж̇анабад̣̇аа, орад̇о маж̇жхз. уд̇д̇арааяа д̣̇исааяа усийрад̣̇д̇хаж̇о наама баб̣б̣ад̇о, д̇ад̇о барам̣ бажжанд̇имаа ж̇анабад̣̇аа, орад̇о маж̇жхз’’д̇и звам̣ винаяз (махаава. 259) вуд̇д̇о бад̣̇зсо. со ааяаамад̇о д̇ийн̣и яож̇анасад̇аани, вид̇т̇аарад̇о ад̣дхад̇зяяаани, баригкзбад̇о нава яож̇анасад̇аанийд̇и зд̇асмим̣ бад̣̇зсз б̣уд̣̇д̇хаа, бажжзгаб̣уд̣̇д̇хаа, аг̇г̇асаавагаа, асийд̇и махаасаавагаа, жаггавад̇д̇ирааж̇аа ан̃н̃з жа махзсагкаа кад̇д̇ияаб̣раахман̣аг̇ахабад̇имахаасаалаа уббаж̇ж̇анд̇и. ид̣̇ан̃жзд̇т̇а габилавад̇т̇у наама наг̇арам̣, д̇ад̇т̇а маяаа ниб̣б̣ад̇д̇ид̇аб̣б̣анд̇и нидтам̣ аг̇амааси.

    Tato ‘‘jambudīpo nāma mahā dasayojanasahassaparimāṇo, katarasmiṃ nu kho padese buddhā nibbattantī’’ti okāsaṃ vilokento majjhimadesaṃ passi. Majjhimadeso nāma – ‘‘puratthimāya disāya gajaṅgalaṃ nāma nigamo, tassa aparena mahāsālo, tato paraṃ paccantimā janapadā, orato majjhe. Pubbadakkhiṇāya disāya sallavatī nāma nadī, tato paraṃ paccantimā janapadā, orato majjhe. Dakkhiṇāya disāya setakaṇṇikaṃ nāma nigamo, tato paraṃ paccantimā janapadā, orato majjhe. Pacchimāya disāya thūṇaṃ nāma brāhmaṇagāmo, tato paraṃ paccantimā janapadā, orato majjhe. Uttarāya disāya usīraddhajo nāma pabbato, tato paraṃ paccantimā janapadā, orato majjhe’’ti evaṃ vinaye (mahāva. 259) vutto padeso. So āyāmato tīṇi yojanasatāni, vitthārato aḍḍhateyyāni, parikkhepato nava yojanasatānīti etasmiṃ padese buddhā, paccekabuddhā, aggasāvakā, asīti mahāsāvakā, cakkavattirājā aññe ca mahesakkhā khattiyabrāhmaṇagahapatimahāsālā uppajjanti. Idañcettha kapilavatthu nāma nagaraṃ, tattha mayā nibbattitabbanti niṭṭhaṃ agamāsi.

    д̇ад̇о гулам̣ вилогзнд̇о ‘‘б̣уд̣̇д̇хаа наама взссагулз ваа суд̣̇д̣̇агулз ваа на ниб̣б̣ад̇д̇анд̇и, логасаммад̇з бана кад̇д̇ияагулз ваа б̣раахман̣агулзваад̇и д̣̇вийсуязва гулзсу ниб̣б̣ад̇д̇анд̇и. ид̣̇аани жа кад̇д̇ияагулам̣ логасаммад̇ам̣ , д̇ад̇т̇а ниб̣б̣ад̇д̇иссаами. суд̣̇д̇ход̣̇ано наама рааж̇аа мз бид̇аа бхависсад̇ий’’д̇и гулам̣ басси.

    Tato kulaṃ vilokento ‘‘buddhā nāma vessakule vā suddakule vā na nibbattanti, lokasammate pana khattiyakule vā brāhmaṇakulevāti dvīsuyeva kulesu nibbattanti. Idāni ca khattiyakulaṃ lokasammataṃ , tattha nibbattissāmi. Suddhodano nāma rājā me pitā bhavissatī’’ti kulaṃ passi.

    д̇ад̇о маад̇арам̣ вилогзнд̇о ‘‘б̣уд̣̇д̇хамаад̇аа наама лолаа сураад̇худ̇д̇аа на ход̇и, габбасад̇асахассам̣ бана буурид̇абаарамий ж̇аад̇ид̇о бадтааяа акан̣д̣абан̃жасийлааязва ход̇и. аяан̃жа махаамааяаа наама д̣̇звий зд̣̇исий, аяам̣ мз маад̇аа бхависсад̇и, гид̇д̇агам̣ банассаа ааяууд̇и д̣̇асаннам̣ маасаанам̣ убари сад̇д̇а д̣̇ивасааний’’д̇и басси.

    Tato mātaraṃ vilokento ‘‘buddhamātā nāma lolā surādhuttā na hoti, kappasatasahassaṃ pana pūritapāramī jātito paṭṭhāya akhaṇḍapañcasīlāyeva hoti. Ayañca mahāmāyā nāma devī edisī, ayaṃ me mātā bhavissati, kittakaṃ panassā āyūti dasannaṃ māsānaṃ upari satta divasānī’’ti passi.

    ид̇и имам̣ бан̃жамахаавилоганам̣ вилогзд̇ваа ‘‘гаало мз маарисаа б̣уд̣̇д̇хабхаавааяаа’’д̇и д̣̇звад̇аанам̣ сан̇г̇ахам̣ гаронд̇о бадин̃н̃ам̣ д̣̇ад̇ваа ‘‘г̇ажчат̇а, д̇умхз’’д̇и д̇аа д̣̇звад̇аа уяяож̇зд̇ваа д̇усид̇ад̣̇звад̇аахи баривуд̇о д̇усид̇абурз нанд̣̇анаванам̣ баависи. саб̣б̣ад̣̇звалогзсу хи нанд̣̇анаванам̣ ад̇т̇иязва. д̇ад̇т̇а нам̣ д̣̇звад̇аа ‘‘ид̇о жуд̇о суг̇ад̇им̣ г̇ажча, ид̇о жуд̇о суг̇ад̇им̣ г̇ажчаа’’д̇и буб̣б̣з гад̇агусалагаммогаасам̣ саараяамаанаа вижаранд̇и. со звам̣ д̣̇звад̇аахи гусалам̣ саараяамаанаахи баривуд̇о д̇ад̇т̇а вижаранд̇о жавид̇ваа махаамааяааяа д̣̇звияаа гужчисмим̣ бадисанд̇хим̣ г̇ан̣хи.

    Iti imaṃ pañcamahāvilokanaṃ viloketvā ‘‘kālo me mārisā buddhabhāvāyā’’ti devatānaṃ saṅgahaṃ karonto paṭiññaṃ datvā ‘‘gacchatha, tumhe’’ti tā devatā uyyojetvā tusitadevatāhi parivuto tusitapure nandanavanaṃ pāvisi. Sabbadevalokesu hi nandanavanaṃ atthiyeva. Tattha naṃ devatā ‘‘ito cuto sugatiṃ gaccha, ito cuto sugatiṃ gacchā’’ti pubbe katakusalakammokāsaṃ sārayamānā vicaranti. So evaṃ devatāhi kusalaṃ sārayamānāhi parivuto tattha vicaranto cavitvā mahāmāyāya deviyā kucchismiṃ paṭisandhiṃ gaṇhi.

    д̇асса аавибхаавад̇т̇ам̣ аяаманубуб̣б̣игат̇аа – д̇ад̣̇аа гира габилавад̇т̇унаг̇арз аасаал̣хинагкад̇д̇ам̣ сан̇гхудтам̣ ахоси, махааж̇ано нагкад̇д̇ам̣ гийл̣ад̇и. махаамааяааби д̣̇звий бурз бун̣н̣амааяа сад̇д̇амад̣̇ивасад̇о бадтааяа виг̇ад̇асураабаанам̣ маалааг̇анд̇хавибхууд̇исамбаннам̣ нагкад̇д̇агийл̣ам̣ анубхавамаанаа сад̇д̇амз д̣̇ивасз баад̇ова удтааяа г̇анд̇ход̣̇агзна нхааяид̇ваа жад̇д̇аари сад̇асахассаани виссаж̇ж̇зд̇ваа махаад̣̇аанам̣ д̣̇ад̇ваа саб̣б̣аалан̇гааравибхуусид̇аа варабхож̇анам̣ бхун̃ж̇ид̇ваа убосат̇ан̇г̇аани ад̇хидтааяа алан̇гад̇абадияад̇д̇ам̣ сириг̇аб̣бхам̣ бависид̇ваа сирисаяанз нибаннаа нид̣̇д̣̇ам̣ оггамамаанаа имам̣ субинам̣ ад̣̇д̣̇аса – ‘жад̇д̇ааро гира нам̣ махаарааж̇аано саяанзнзва сад̣̇д̇хим̣ угкибид̇ваа химаванд̇ам̣ нзд̇ваа садтияож̇анигз маносилаад̇алз сад̇д̇аяож̇анигасса махаасааларугкасса хздтаа табзд̇ваа згаманд̇ам̣ адтам̣су. ат̇а нзсам̣ д̣̇звияо ааг̇анд̇ваа д̣̇звим̣ анод̇ад̇д̇ад̣̇ахам̣ нзд̇ваа мануссамалахаран̣ад̇т̇ам̣ нхаабзд̇ваа д̣̇иб̣б̣авад̇т̇ам̣ ниваасаабзд̇ваа г̇анд̇хзхи вилимбаабзд̇ваа д̣̇иб̣б̣абубпаани бил̣анд̇хаабзд̇ваа д̇ад̇о авид̣̇уурз зго раж̇ад̇абаб̣б̣ад̇о ад̇т̇и, д̇асса анд̇о ганагавимаанам̣ ад̇т̇и , д̇ад̇т̇а баажийнасийсагам̣ д̣̇иб̣б̣асаяанам̣ бан̃н̃аабзд̇ваа нибаж̇ж̇аабзсум̣. ат̇а б̣од̇хисад̇д̇о сзд̇аваравааран̣о худ̇ваа д̇ад̇о авид̣̇уурз зго суван̣н̣абаб̣б̣ад̇о ад̇т̇и, д̇ад̇т̇а вижарид̇ваа д̇ад̇о оруяха раж̇ад̇абаб̣б̣ад̇ам̣ абхирухид̇ваа уд̇д̇арад̣̇исад̇о ааг̇амма раж̇ад̇ад̣̇аамаван̣н̣ааяа сон̣д̣ааяа сзд̇абад̣̇умам̣ г̇ахзд̇ваа гон̃жанаад̣̇ам̣ над̣̇ид̇ваа ганагавимаанам̣ бависид̇ваа маад̇усаяанам̣ д̇игкад̇д̇ум̣ бад̣̇агкин̣ам̣ гад̇ваа д̣̇агкин̣абассам̣ паалзд̇ваа гужчим̣ бавидтасад̣̇исо ахосий’д̇и. звам̣ уд̇д̇араасаал̣ханагкад̇д̇зна бадисанд̇хим̣ г̇ан̣хи.

    Tassa āvibhāvatthaṃ ayamanupubbikathā – tadā kira kapilavatthunagare āsāḷhinakkhattaṃ saṅghuṭṭhaṃ ahosi, mahājano nakkhattaṃ kīḷati. Mahāmāyāpi devī pure puṇṇamāya sattamadivasato paṭṭhāya vigatasurāpānaṃ mālāgandhavibhūtisampannaṃ nakkhattakīḷaṃ anubhavamānā sattame divase pātova uṭṭhāya gandhodakena nhāyitvā cattāri satasahassāni vissajjetvā mahādānaṃ datvā sabbālaṅkāravibhūsitā varabhojanaṃ bhuñjitvā uposathaṅgāni adhiṭṭhāya alaṅkatapaṭiyattaṃ sirigabbhaṃ pavisitvā sirisayane nipannā niddaṃ okkamamānā imaṃ supinaṃ addasa – ‘cattāro kira naṃ mahārājāno sayaneneva saddhiṃ ukkhipitvā himavantaṃ netvā saṭṭhiyojanike manosilātale sattayojanikassa mahāsālarukkhassa heṭṭhā ṭhapetvā ekamantaṃ aṭṭhaṃsu. Atha nesaṃ deviyo āgantvā deviṃ anotattadahaṃ netvā manussamalaharaṇatthaṃ nhāpetvā dibbavatthaṃ nivāsāpetvā gandhehi vilimpāpetvā dibbapupphāni piḷandhāpetvā tato avidūre eko rajatapabbato atthi, tassa anto kanakavimānaṃ atthi , tattha pācīnasīsakaṃ dibbasayanaṃ paññāpetvā nipajjāpesuṃ. Atha bodhisatto setavaravāraṇo hutvā tato avidūre eko suvaṇṇapabbato atthi, tattha vicaritvā tato oruyha rajatapabbataṃ abhiruhitvā uttaradisato āgamma rajatadāmavaṇṇāya soṇḍāya setapadumaṃ gahetvā koñcanādaṃ naditvā kanakavimānaṃ pavisitvā mātusayanaṃ tikkhattuṃ padakkhiṇaṃ katvā dakkhiṇapassaṃ phāletvā kucchiṃ paviṭṭhasadiso ahosī’ti. Evaṃ uttarāsāḷhanakkhattena paṭisandhiṃ gaṇhi.

    бунад̣̇ивасз баб̣уд̣̇д̇хаа д̣̇звий д̇ам̣ субинам̣ ран̃н̃о аарожзси. рааж̇аа жад̇усадтимад̇д̇з б̣раахман̣абаамогкз баггосаабзд̇ваа г̇омаяахарид̇уубалид̇д̇ааяа лааж̇аад̣̇ийхи гад̇аман̇г̇аласаггаарааяа бхуумияаа махаарахаани аасанаани бан̃н̃аабзд̇ваа д̇ад̇т̇а нисиннаанам̣ б̣раахман̣аанам̣ саббимад̇хусагкараабхисан̇кад̇асса варабааяаасасса суван̣н̣араж̇ад̇абаад̇ияо буурзд̇ваа суван̣н̣араж̇ад̇абаад̇ийхиязва бадигуж̇ж̇ид̇ваа ад̣̇ааси, ан̃н̃зхи жа ахад̇авад̇т̇агабилаг̇аавид̣̇аанаад̣̇ийхи д̇з санд̇аббзси. ат̇а нзсам̣ саб̣б̣агаамзхи санд̇аббид̇аанам̣ субинам̣ аарожаабзд̇ваа ‘‘гим̣ бхависсад̇ий’’д̇и бужчи. б̣раахман̣аа аахам̣су ‘‘маа жинд̇аяи, махаарааж̇а, д̣̇звияаа д̇з гужчимхи г̇аб̣бхо бад̇идтид̇о, со жа ко бурисаг̇аб̣бхо, на ид̇т̇иг̇аб̣бхо, буд̇д̇о д̇з бхависсад̇и. со сажз аг̇аарам̣ аж̇жхаавасиссад̇и, рааж̇аа бхависсад̇и жаггавад̇д̇ий; сажз аг̇аараа нигкамма баб̣б̣аж̇иссад̇и, б̣уд̣̇д̇хо бхависсад̇и логз виваддажчад̣̇о’’д̇и.

    Punadivase pabuddhā devī taṃ supinaṃ rañño ārocesi. Rājā catusaṭṭhimatte brāhmaṇapāmokkhe pakkosāpetvā gomayaharitūpalittāya lājādīhi katamaṅgalasakkārāya bhūmiyā mahārahāni āsanāni paññāpetvā tattha nisinnānaṃ brāhmaṇānaṃ sappimadhusakkharābhisaṅkhatassa varapāyāsassa suvaṇṇarajatapātiyo pūretvā suvaṇṇarajatapātīhiyeva paṭikujjitvā adāsi, aññehi ca ahatavatthakapilagāvidānādīhi te santappesi. Atha nesaṃ sabbakāmehi santappitānaṃ supinaṃ ārocāpetvā ‘‘kiṃ bhavissatī’’ti pucchi. Brāhmaṇā āhaṃsu ‘‘mā cintayi, mahārāja, deviyā te kucchimhi gabbho patiṭṭhito, so ca kho purisagabbho, na itthigabbho, putto te bhavissati. So sace agāraṃ ajjhāvasissati, rājā bhavissati cakkavattī; sace agārā nikkhamma pabbajissati, buddho bhavissati loke vivaṭṭacchado’’ti.

    б̣од̇хисад̇д̇асса бана маад̇угужчимхи бадисанд̇хиг̇г̇ахан̣агкан̣з згаббахаарзнзва сагалад̣̇асасахассий логад̇хаад̇у сан̇гамби самбагамби самбавзд̇хи. б̣аад̇д̇им̣сабуб̣б̣анимид̇д̇аани баад̇урахзсум̣ – д̣̇асасу жаггаваал̣асахассзсу аббамаан̣о обхаасо пари. д̇асса д̇ам̣ сирим̣ д̣̇адтугаамаа вияа анд̇хаа жагкууни бадилабхим̣су, б̣ад̇хираа сад̣̇д̣̇ам̣ сун̣им̣су, мууг̇аа самаалабим̣су, куж̇ж̇аа уж̇уг̇ад̇д̇аа ахзсум̣, бан̇г̇улаа бад̣̇асаа г̇аманам̣ бадилабхим̣су, б̣анд̇ханаг̇ад̇аа саб̣б̣асад̇д̇аа анд̣̇уб̣анд̇ханаад̣̇ийхи мужжим̣су, саб̣б̣анарагзсу аг̇г̇и ниб̣б̣ааяи, бзд̇д̇ивисаяз куббибаасаа вуубасами, д̇иражчаанаанам̣ бхаяам̣ наахоси, саб̣б̣асад̇д̇аанам̣ рог̇о вуубасами, саб̣б̣асад̇д̇аа бияам̣вад̣̇аа ахзсум̣, мад̇хурзнаагаарзна ассаа хасим̣су, вааран̣аа г̇аж̇ж̇им̣су, саб̣б̣ад̇уурияаани сагасаганиннаад̣̇ам̣ мун̃жим̣су, агхаддид̇ааниязва мануссаанам̣ хад̇т̇уубаг̇аад̣̇ийни аабхаран̣аани виравим̣су, саб̣б̣ад̣̇исаа виббасаннаа ахзсум̣ , сад̇д̇аанам̣ сукам̣ уббаад̣̇аяамаано муд̣̇усийд̇алаваад̇о вааяи, агааламзгхо васси, бат̇авид̇оби уд̣̇агам̣ уб̣бхиж̇ж̇ид̇ваа виссанд̣̇и, багкино аагаасаг̇аманам̣ виж̇ахим̣су, над̣̇ияо асанд̣̇амаанаа адтам̣су, махаасамуд̣̇д̣̇з мад̇хурам̣ уд̣̇агам̣ ахоси, саб̣б̣ад̇т̇агамзва бан̃жаван̣н̣зхи бад̣̇умзхи сан̃чаннад̇ало ахоси, т̇алаж̇аж̇алаж̇аад̣̇ийни саб̣б̣абубпаани бубпим̣су, ругкаанам̣ канд̇хзсу канд̇хабад̣̇умаани, саакаасу саакаабад̣̇умаани, лад̇аасу лад̇аабад̣̇умаани бубпим̣су, т̇алз силаад̇алаани бхинд̣̇ид̇ваа убаруубари сад̇д̇а сад̇д̇а худ̇ваа д̣̇ан̣д̣абад̣̇умаани наама нигкамим̣су, аагаасз оламб̣агабад̣̇умаани наама ниб̣б̣ад̇д̇им̣су, саманд̇ад̇о бубпавассаа вассим̣су, аагаасз д̣̇иб̣б̣ад̇уурияаани важ̇ж̇им̣су, сагалад̣̇асасахассилогад̇хаад̇у ваддзд̇ваа виссадтамаалааг̇ул̣о вияа, уббийл̣зд̇ваа б̣ад̣̇д̇хамаалаагалаабо вияа, алан̇гад̇абадияад̇д̇ам̣ маалаасанам̣ вияа жа згамаалаамаалиний вибпуранд̇аваал̣аб̣ийж̇аний бубпад̇хуумаг̇анд̇хабариваасид̇аа барамасобхаг̇г̇аббад̇д̇аа ахоси.

    Bodhisattassa pana mātukucchimhi paṭisandhiggahaṇakkhaṇe ekappahāreneva sakaladasasahassī lokadhātu saṅkampi sampakampi sampavedhi. Bāttiṃsapubbanimittāni pāturahesuṃ – dasasu cakkavāḷasahassesu appamāṇo obhāso phari. Tassa taṃ siriṃ daṭṭhukāmā viya andhā cakkhūni paṭilabhiṃsu, badhirā saddaṃ suṇiṃsu, mūgā samālapiṃsu, khujjā ujugattā ahesuṃ, paṅgulā padasā gamanaṃ paṭilabhiṃsu, bandhanagatā sabbasattā andubandhanādīhi mucciṃsu, sabbanarakesu aggi nibbāyi, pettivisaye khuppipāsā vūpasami, tiracchānānaṃ bhayaṃ nāhosi, sabbasattānaṃ rogo vūpasami, sabbasattā piyaṃvadā ahesuṃ, madhurenākārena assā hasiṃsu, vāraṇā gajjiṃsu, sabbatūriyāni sakasakaninnādaṃ muñciṃsu, aghaṭṭitāniyeva manussānaṃ hatthūpagādīni ābharaṇāni viraviṃsu, sabbadisā vippasannā ahesuṃ , sattānaṃ sukhaṃ uppādayamāno mudusītalavāto vāyi, akālamegho vassi, pathavitopi udakaṃ ubbhijjitvā vissandi, pakkhino ākāsagamanaṃ vijahiṃsu, nadiyo asandamānā aṭṭhaṃsu, mahāsamudde madhuraṃ udakaṃ ahosi, sabbatthakameva pañcavaṇṇehi padumehi sañchannatalo ahosi, thalajajalajādīni sabbapupphāni pupphiṃsu, rukkhānaṃ khandhesu khandhapadumāni, sākhāsu sākhāpadumāni, latāsu latāpadumāni pupphiṃsu, thale silātalāni bhinditvā uparūpari satta satta hutvā daṇḍapadumāni nāma nikkhamiṃsu, ākāse olambakapadumāni nāma nibbattiṃsu, samantato pupphavassā vassiṃsu, ākāse dibbatūriyāni vajjiṃsu, sakaladasasahassilokadhātu vaṭṭetvā vissaṭṭhamālāguḷo viya, uppīḷetvā baddhamālākalāpo viya, alaṅkatapaṭiyattaṃ mālāsanaṃ viya ca ekamālāmālinī vipphurantavāḷabījanī pupphadhūmagandhaparivāsitā paramasobhaggappattā ahosi.

    звам̣ г̇ахид̇абадисанд̇хигасса б̣од̇хисад̇д̇асса бадисанд̇хид̇о бадтааяа б̣од̇хисад̇д̇асса жзва б̣од̇хисад̇д̇амаад̇уяаа жа убад̣̇д̣̇аванивааран̣ад̇т̇ам̣ каг̇г̇ахад̇т̇аа жад̇д̇ааро д̣̇звабуд̇д̇аа аарагкам̣ г̇ан̣хим̣су. б̣од̇хисад̇д̇амаад̇у бана бурисзсу рааг̇ажид̇д̇ам̣ нуббаж̇ж̇и, лаабхаг̇г̇аяасаг̇г̇аббад̇д̇аа жа ахоси сукиний агиланд̇агааяаа. б̣од̇хисад̇д̇ан̃жа анд̇огужчиг̇ад̇ам̣ виббасаннз ман̣ирад̇анз аавуд̇абан̣д̣усуд̇д̇ам̣ вияа бассад̇и. яасмаа жа б̣од̇хисад̇д̇зна васид̇агужчи наама жзд̇ияаг̇аб̣бхасад̣̇исаа ход̇и, на саггаа ан̃н̃зна сад̇д̇зна аавасид̇ум̣ ваа барибхун̃ж̇ид̇ум̣ ваа, д̇асмаа б̣од̇хисад̇д̇амаад̇аа сад̇д̇аахаж̇аад̇з б̣од̇хисад̇д̇з гаалам̣ гад̇ваа д̇усид̇абурз ниб̣б̣ад̇д̇ад̇и. яат̇аа жа ан̃н̃аа ид̇т̇ияо д̣̇аса маасз абад̇вааби ад̇иггамид̇вааби нисиннааби нибаннааби виж̇ааяанд̇и, на звам̣ б̣од̇хисад̇д̇амаад̇аа. саа бана б̣од̇хисад̇д̇ам̣ д̣̇аса маасз гужчинаа барихарид̇ваа тид̇аава виж̇ааяад̇и. аяам̣ б̣од̇хисад̇д̇амаад̇уд̇хаммад̇аа.

    Evaṃ gahitapaṭisandhikassa bodhisattassa paṭisandhito paṭṭhāya bodhisattassa ceva bodhisattamātuyā ca upaddavanivāraṇatthaṃ khaggahatthā cattāro devaputtā ārakkhaṃ gaṇhiṃsu. Bodhisattamātu pana purisesu rāgacittaṃ nuppajji, lābhaggayasaggappattā ca ahosi sukhinī akilantakāyā. Bodhisattañca antokucchigataṃ vippasanne maṇiratane āvutapaṇḍusuttaṃ viya passati. Yasmā ca bodhisattena vasitakucchi nāma cetiyagabbhasadisā hoti, na sakkā aññena sattena āvasituṃ vā paribhuñjituṃ vā, tasmā bodhisattamātā sattāhajāte bodhisatte kālaṃ katvā tusitapure nibbattati. Yathā ca aññā itthiyo dasa māse apatvāpi atikkamitvāpi nisinnāpi nipannāpi vijāyanti, na evaṃ bodhisattamātā. Sā pana bodhisattaṃ dasa māse kucchinā pariharitvā ṭhitāva vijāyati. Ayaṃ bodhisattamātudhammatā.

    махаамааяааби д̣̇звий бад̇д̇зна д̇злам̣ вияа д̣̇аса маасз гужчинаа б̣од̇хисад̇д̇ам̣ барихарид̇ваа барибун̣н̣аг̇аб̣бхаа н̃аад̇игхарам̣ г̇анд̇угаамаа суд̣̇д̇ход̣̇анамахаарааж̇асса аарожзси – ‘‘ижчаамахам̣, д̣̇зва, гуласанд̇агам̣ д̣̇звад̣̇аханаг̇арам̣ г̇анд̇у’’нд̇и. рааж̇аа ‘‘саад̇хуу’’д̇и самбадижчид̇ваа габилавад̇т̇уд̇о яаава д̣̇звад̣̇аханаг̇араа маг̇г̇ам̣ самам̣ гаарзд̇ваа гад̣̇алибун̣н̣агхадад̇хаж̇абадаагаад̣̇ийхи алан̇гаараабзд̇ваа д̣̇зви суван̣н̣асивигааяа нисийд̣̇аабзд̇ваа амажжасахассзна угкибаабзд̇ваа маханд̇зна бариваарзна бзсзси. д̣̇виннам̣ бана наг̇араанам̣ анд̇арз убхаяанаг̇араваасийнамби лумб̣инийванам̣ наама ман̇г̇аласаалаванам̣ ад̇т̇и, д̇асмим̣ самаяз муулад̇о бадтааяа яаава аг̇г̇асаакаа саб̣б̣ам̣ згабаалипуллам̣ ахоси, сааканд̇арзхи жзва бубпанд̇арзхи жа бан̃жаван̣н̣аа бхамараг̇ан̣аа наанаббагаараа жа сагун̣асан̇гхаа мад̇хурассарзна вигууж̇анд̇аа вижаранд̇и. сагалам̣ лумб̣инийванам̣ жид̇д̇алад̇ааванасад̣̇исам̣, махаанубхаавасса ран̃н̃о сусаж̇ж̇ид̇ам̣ аабаанаман̣д̣алам̣ вияа ахоси. д̣̇звияаа д̇ам̣ д̣̇исваа саалаванагийл̣ам̣ гийл̣ид̇угаамад̇аажид̇д̇ам̣ уд̣̇абаад̣̇и. амажжаа д̣̇звим̣ г̇ахзд̇ваа саалаванам̣ бависим̣су. саа ман̇г̇аласааламуулам̣ г̇анд̇ваа сааласаакам̣ г̇ан̣хид̇угаамаа ахоси, сааласаакаа сусзд̣̇ид̇авзд̇д̇аг̇г̇ам̣ вияа онамид̇ваа д̣̇звияаа хад̇т̇абат̇ам̣ убаг̇ан̃чи. саа хад̇т̇ам̣ басаарзд̇ваа саакам̣ аг̇г̇ахзси. д̇аавад̣̇зва жассаа гаммаж̇аваад̇аа жалим̣су. ат̇ассаа саан̣им̣ баригкибид̇ваа махааж̇ано бадиггами. сааласаакам̣ г̇ахзд̇ваа д̇идтамаанааяа звассаа г̇аб̣бхавудтаанам̣ ахоси. д̇ан̇кан̣ам̣язва жад̇д̇ааро висуд̣̇д̇хажид̇д̇аа махааб̣рахмаано суван̣н̣аж̇аалам̣ аад̣̇ааяа самбад̇д̇аа д̇зна суван̣н̣аж̇аалзна б̣од̇хисад̇д̇ам̣ самбадижчид̇ваа маад̇у бурад̇о табзд̇ваа ‘‘ад̇д̇аманаа, д̣̇зви, хохи, махзсагко д̇з буд̇д̇о уббанно’’д̇и аахам̣су.

    Mahāmāyāpi devī pattena telaṃ viya dasa māse kucchinā bodhisattaṃ pariharitvā paripuṇṇagabbhā ñātigharaṃ gantukāmā suddhodanamahārājassa ārocesi – ‘‘icchāmahaṃ, deva, kulasantakaṃ devadahanagaraṃ gantu’’nti. Rājā ‘‘sādhū’’ti sampaṭicchitvā kapilavatthuto yāva devadahanagarā maggaṃ samaṃ kāretvā kadalipuṇṇaghaṭadhajapaṭākādīhi alaṅkārāpetvā devi suvaṇṇasivikāya nisīdāpetvā amaccasahassena ukkhipāpetvā mahantena parivārena pesesi. Dvinnaṃ pana nagarānaṃ antare ubhayanagaravāsīnampi lumbinīvanaṃ nāma maṅgalasālavanaṃ atthi, tasmiṃ samaye mūlato paṭṭhāya yāva aggasākhā sabbaṃ ekapāliphullaṃ ahosi, sākhantarehi ceva pupphantarehi ca pañcavaṇṇā bhamaragaṇā nānappakārā ca sakuṇasaṅghā madhurassarena vikūjantā vicaranti. Sakalaṃ lumbinīvanaṃ cittalatāvanasadisaṃ, mahānubhāvassa rañño susajjitaṃ āpānamaṇḍalaṃ viya ahosi. Deviyā taṃ disvā sālavanakīḷaṃ kīḷitukāmatācittaṃ udapādi. Amaccā deviṃ gahetvā sālavanaṃ pavisiṃsu. Sā maṅgalasālamūlaṃ gantvā sālasākhaṃ gaṇhitukāmā ahosi, sālasākhā suseditavettaggaṃ viya onamitvā deviyā hatthapathaṃ upagañchi. Sā hatthaṃ pasāretvā sākhaṃ aggahesi. Tāvadeva cassā kammajavātā caliṃsu. Athassā sāṇiṃ parikkhipitvā mahājano paṭikkami. Sālasākhaṃ gahetvā tiṭṭhamānāya evassā gabbhavuṭṭhānaṃ ahosi. Taṅkhaṇaṃyeva cattāro visuddhacittā mahābrahmāno suvaṇṇajālaṃ ādāya sampattā tena suvaṇṇajālena bodhisattaṃ sampaṭicchitvā mātu purato ṭhapetvā ‘‘attamanā, devi, hohi, mahesakkho te putto uppanno’’ti āhaṃsu.

    яат̇аа бана ан̃н̃з сад̇д̇аа маад̇угужчид̇о нигкаманд̇аа бадигуулзна асужинаа магкид̇аа нигкаманд̇и, на звам̣ б̣од̇хисад̇д̇о. со бана д̇хаммаасанад̇о од̇аранд̇о д̇хаммагат̇иго вияа, ниссзн̣ид̇о од̇аранд̇о бурисо вияа, жа д̣̇вз жа хад̇т̇з д̣̇вз жа баад̣̇з басаарзд̇ваа тид̇агова маад̇угужчисамбхавзна гзнажи асужинаа амагкид̇о суд̣̇д̇хо висад̣̇о гаасигавад̇т̇з нигкид̇д̇аман̣ирад̇анам̣ вияа ж̇од̇аяанд̇о маад̇угужчид̇о нигками. звам̣ санд̇зби б̣од̇хисад̇д̇асса жа б̣од̇хисад̇д̇амаад̇уяаа жа саггаарад̇т̇ам̣ аагаасад̇о д̣̇вз уд̣̇агад̇хаараа нигкамид̇ваа б̣од̇хисад̇д̇асса жа маад̇уяаа жа сарийрз уд̇ум̣ г̇аахаабзсум̣.

    Yathā pana aññe sattā mātukucchito nikkhamantā paṭikūlena asucinā makkhitā nikkhamanti, na evaṃ bodhisatto. So pana dhammāsanato otaranto dhammakathiko viya, nisseṇito otaranto puriso viya, ca dve ca hatthe dve ca pāde pasāretvā ṭhitakova mātukucchisambhavena kenaci asucinā amakkhito suddho visado kāsikavatthe nikkhittamaṇiratanaṃ viya jotayanto mātukucchito nikkhami. Evaṃ santepi bodhisattassa ca bodhisattamātuyā ca sakkāratthaṃ ākāsato dve udakadhārā nikkhamitvā bodhisattassa ca mātuyā ca sarīre utuṃ gāhāpesuṃ.

    ат̇а нам̣ суван̣н̣аж̇аалзна бадиг̇г̇ахзд̇ваа тид̇аанам̣ б̣рахмаанам̣ хад̇т̇ад̇о жад̇д̇ааро махаарааж̇аано ман̇г̇аласаммад̇ааяа сукасампассааяа аж̇инаббавзн̣ияаа г̇ан̣хим̣су, д̇зсам̣ хад̇т̇ад̇о мануссаа д̣̇угуулажумб̣адагзна. мануссаанам̣ хад̇т̇ад̇о мужжид̇ваа бат̇авияам̣ бад̇идтааяа бурад̇т̇имад̣̇исам̣ ологзси, анзгаани жаггаваал̣асахассаани зган̇г̇ан̣аани ахзсум̣. д̇ад̇т̇а д̣̇звамануссаа г̇анд̇хамаалаад̣̇ийхи бууж̇аяамаанаа ‘‘махаабуриса, ид̇ха д̇умхзхи сад̣̇исо ан̃н̃о над̇т̇и, гуд̇зд̇т̇а уд̇д̇арид̇аро’’д̇и аахам̣су. звам̣ жад̇ассо д̣̇исаа, жад̇ассо ануд̣̇исаа, хздтаа, убарийд̇и д̣̇аса д̣̇исаа анувилогзд̇ваа ад̇д̇анаа сад̣̇исам̣ ган̃жи ад̣̇исваа ‘‘аяам̣ уд̇д̇араад̣̇исаа’’д̇и сад̇д̇абад̣̇авийд̇ихаарзна аг̇амааси, махааб̣рахмунаа сзд̇ажчад̇д̇ам̣ д̇хаарияамаано, суяаамзна ваал̣аб̣ийж̇аним̣, ан̃н̃аахи жа д̣̇звад̇аахи сзсарааж̇агагуд̇хабхан̣д̣ахад̇т̇аахи ануг̇аммамаано. д̇ад̇о сад̇д̇амабад̣̇з тид̇о ‘‘аг̇г̇охамасмим̣ логассаа’’д̇иаад̣̇игам̣ аасабхим̣ ваажам̣ нижчаарзнд̇о сийханаад̣̇ам̣ над̣̇и.

    Atha naṃ suvaṇṇajālena paṭiggahetvā ṭhitānaṃ brahmānaṃ hatthato cattāro mahārājāno maṅgalasammatāya sukhasamphassāya ajinappaveṇiyā gaṇhiṃsu, tesaṃ hatthato manussā dukūlacumbaṭakena. Manussānaṃ hatthato muccitvā pathaviyaṃ patiṭṭhāya puratthimadisaṃ olokesi, anekāni cakkavāḷasahassāni ekaṅgaṇāni ahesuṃ. Tattha devamanussā gandhamālādīhi pūjayamānā ‘‘mahāpurisa, idha tumhehi sadiso añño natthi, kutettha uttaritaro’’ti āhaṃsu. Evaṃ catasso disā, catasso anudisā, heṭṭhā, uparīti dasa disā anuviloketvā attanā sadisaṃ kañci adisvā ‘‘ayaṃ uttarādisā’’ti sattapadavītihārena agamāsi, mahābrahmunā setacchattaṃ dhāriyamāno, suyāmena vāḷabījaniṃ, aññāhi ca devatāhi sesarājakakudhabhaṇḍahatthāhi anugammamāno. Tato sattamapade ṭhito ‘‘aggohamasmiṃ lokassā’’tiādikaṃ āsabhiṃ vācaṃ nicchārento sīhanādaṃ nadi.

    б̣од̇хисад̇д̇о хи д̇ийсу ад̇д̇абхаавзсу маад̇угужчид̇о нигканд̇амад̇д̇ова ваажам̣ нижчаарзси махосад̇хад̇д̇абхаавз, взссанд̇арад̇д̇абхаавз, имасмим̣ ад̇д̇абхаавзд̇и. махосад̇хад̇д̇абхаавз гирасса маад̇угужчид̇о нигканд̇амад̇д̇ассзва сагго д̣̇зварааж̇аа ааг̇анд̇ваа жанд̣̇анасаарам̣ хад̇т̇з табзд̇ваа г̇ад̇о, со д̇ам̣ мудтияам̣ гад̇ваава нигканд̇о. ат̇а нам̣ маад̇аа ‘‘д̇аад̇а, гим̣ г̇ахзд̇ваа ааг̇ад̇осий’’д̇и бужчи. ‘‘осад̇хам̣, аммаа’’д̇и. ид̇и осад̇хам̣ г̇ахзд̇ваа ааг̇ад̇ад̇д̇аа ‘‘осад̇хад̣̇аараго’’д̇взвасса наамам̣ агам̣су. д̇ам̣ осад̇хам̣ г̇ахзд̇ваа жаадияам̣ багкибим̣су, ааг̇ад̇ааг̇ад̇аанам̣ анд̇хаб̣ад̇хираад̣̇ийнам̣ д̇ад̣̇зва саб̣б̣арог̇авуубасамааяа бхзсаж̇ж̇ам̣ ахоси. д̇ад̇о ‘‘маханд̇ам̣ ид̣̇ам̣ осад̇хам̣, маханд̇ам̣ ид̣̇ам̣ осад̇ха’’нд̇и уббаннаважанам̣ убаад̣̇ааяа ‘‘махосад̇хо’’д̇взвасса наамам̣ ж̇аад̇ам̣. взссанд̇арад̇д̇абхаавз бана маад̇угужчид̇о нигканд̇о д̣̇агкин̣ахад̇т̇ам̣ басаарзд̇ваа ‘‘ад̇т̇и ну ко, амма, гин̃жи г̇зхасмим̣, д̣̇аанам̣ д̣̇ассаамий’’д̇и вад̣̇анд̇о нигками. ат̇асса маад̇аа ‘‘сад̇ханз гулз ниб̣б̣ад̇д̇оси, д̇аад̇аа’’д̇и буд̇д̇асса хад̇т̇ам̣ ад̇д̇ано хад̇т̇ад̇алз гад̇ваа сахассад̇т̇авигам̣ табзси. имасмим̣ бана ад̇д̇абхаавз имам̣ сийханаад̣̇ам̣ над̣̇ийд̇и звам̣ б̣од̇хисад̇д̇о д̇ийсу ад̇д̇абхаавзсу маад̇угужчид̇о нигканд̇амад̇д̇ова ваажам̣ нижчаарзси. яат̇аа жа бадисанд̇хиг̇г̇ахан̣агкан̣з, ж̇аад̇агкан̣збисса д̣̇вад̇д̇им̣са буб̣б̣анимид̇д̇аани баад̇урахзсум̣. яасмим̣ бана самаяз амхаагам̣ б̣од̇хисад̇д̇о лумб̣инийванз ж̇аад̇о, д̇асмим̣язва самаяз раахуламаад̇аа д̣̇звий, аананд̣̇ад̇т̇зро, чанно амажжо, гаал̣уд̣̇ааяий амажжо, ган̣д̣аго ассарааж̇аа, махааб̣од̇хиругко, жад̇ассо нид̇хигумбхияо жа ж̇аад̇аа. д̇ад̇т̇а згаа г̇аавуд̇аббамаан̣аа, згаа ад̣дхаяож̇анаббамаан̣аа, згаа д̇иг̇аавуд̇аббамаан̣аа, згаа яож̇анаббамаан̣аа ахосийд̇и. имз сад̇д̇а сахаж̇аад̇аа наама.

    Bodhisatto hi tīsu attabhāvesu mātukucchito nikkhantamattova vācaṃ nicchāresi mahosadhattabhāve, vessantarattabhāve, imasmiṃ attabhāveti. Mahosadhattabhāve kirassa mātukucchito nikkhantamattasseva sakko devarājā āgantvā candanasāraṃ hatthe ṭhapetvā gato, so taṃ muṭṭhiyaṃ katvāva nikkhanto. Atha naṃ mātā ‘‘tāta, kiṃ gahetvā āgatosī’’ti pucchi. ‘‘Osadhaṃ, ammā’’ti. Iti osadhaṃ gahetvā āgatattā ‘‘osadhadārako’’tvevassa nāmaṃ akaṃsu. Taṃ osadhaṃ gahetvā cāṭiyaṃ pakkhipiṃsu, āgatāgatānaṃ andhabadhirādīnaṃ tadeva sabbarogavūpasamāya bhesajjaṃ ahosi. Tato ‘‘mahantaṃ idaṃ osadhaṃ, mahantaṃ idaṃ osadha’’nti uppannavacanaṃ upādāya ‘‘mahosadho’’tvevassa nāmaṃ jātaṃ. Vessantarattabhāve pana mātukucchito nikkhanto dakkhiṇahatthaṃ pasāretvā ‘‘atthi nu kho, amma, kiñci gehasmiṃ, dānaṃ dassāmī’’ti vadanto nikkhami. Athassa mātā ‘‘sadhane kule nibbattosi, tātā’’ti puttassa hatthaṃ attano hatthatale katvā sahassatthavikaṃ ṭhapesi. Imasmiṃ pana attabhāve imaṃ sīhanādaṃ nadīti evaṃ bodhisatto tīsu attabhāvesu mātukucchito nikkhantamattova vācaṃ nicchāresi. Yathā ca paṭisandhiggahaṇakkhaṇe, jātakkhaṇepissa dvattiṃsa pubbanimittāni pāturahesuṃ. Yasmiṃ pana samaye amhākaṃ bodhisatto lumbinīvane jāto, tasmiṃyeva samaye rāhulamātā devī, ānandatthero, channo amacco, kāḷudāyī amacco, kaṇḍako assarājā, mahābodhirukkho, catasso nidhikumbhiyo ca jātā. Tattha ekā gāvutappamāṇā, ekā aḍḍhayojanappamāṇā, ekā tigāvutappamāṇā, ekā yojanappamāṇā ahosīti. Ime satta sahajātā nāma.

    убхаяанаг̇араваасино б̣од̇хисад̇д̇ам̣ г̇ахзд̇ваа габилавад̇т̇унаг̇арамзва аг̇амам̣су. д̇ам̣ д̣̇ивасам̣язва жа ‘‘габилавад̇т̇унаг̇арз суд̣̇д̇ход̣̇анамахаарааж̇асса буд̇д̇о ж̇аад̇о, аяам̣ гумааро б̣од̇хид̇алз нисийд̣̇ид̇ваа б̣уд̣̇д̇хо бхависсад̇ий’’д̇и д̇аавад̇им̣сабхаванз хадтад̇удтаа д̣̇звасан̇гхаа жзлугкзбаад̣̇ийни бавад̇д̇знд̇аа гийл̣им̣су. д̇асмим̣ самаяз суд̣̇д̇ход̣̇анамахаарааж̇асса гулуубаго адтасамаабад̇д̇илаабхий гаал̣ад̣̇звийло наама д̇аабасо бхад̇д̇агижжам̣ гад̇ваа д̣̇иваавихаарад̇т̇ааяа д̇аавад̇им̣сабхаванам̣ г̇анд̇ваа д̇ад̇т̇а д̣̇иваавихаарам̣ нисинно д̇аа д̣̇звад̇аа гийл̣амаанаа д̣̇исваа ‘‘гим̣гааран̣аа д̇умхз звам̣ д̇удтамаанасаа гийл̣ат̇а, маяхамбзд̇ам̣ гааран̣ам̣ гат̇зт̇аа’’д̇и бужчи. д̣̇звад̇аа аахам̣су ‘‘маариса, суд̣̇д̇ход̣̇анаран̃н̃о буд̇д̇о ж̇аад̇о, со б̣од̇хид̇алз нисийд̣̇ид̇ваа б̣уд̣̇д̇хо худ̇ваа д̇хаммажаггам̣ бавад̇д̇зссад̇и, д̇асса ананд̇ам̣ б̣уд̣̇д̇халийл̣ам̣ д̣̇адтум̣ д̇хамман̃жа сод̇ум̣ лажчаамаад̇и иминаа гааран̣зна д̇удтаамхаа’’д̇и. д̇аабасо д̇аасам̣ важанам̣ суд̇ваа киббам̣ д̣̇звалогад̇о оруяха рааж̇анивзсанам̣ бависид̇ваа бан̃н̃ад̇д̇аасанз нисинно ‘‘буд̇д̇о гира д̇з, махаарааж̇а, ж̇аад̇о, бассиссаами на’’нд̇и ааха. рааж̇аа алан̇гад̇абадияад̇д̇ам̣ гумаарам̣ аахараабзд̇ваа д̇аабасам̣ ванд̣̇аабзд̇ум̣ абхихари, б̣од̇хисад̇д̇асса баад̣̇аа баривад̇д̇ид̇ваа д̇аабасасса ж̇адаасу бад̇идтахим̣су. б̣од̇хисад̇д̇асса хи д̇знад̇д̇абхаавзна ванд̣̇ид̇аб̣б̣аяуд̇д̇аго наама ан̃н̃о над̇т̇и. сажз хи аж̇аананд̇аа б̣од̇хисад̇д̇асса сийсам̣ д̇аабасасса баад̣̇амуулз табзяяум̣, сад̇д̇ад̇хаа д̇асса муд̣̇д̇хаа палзяяа. д̇аабасо ‘‘на мз ад̇д̇аанам̣ наасзд̇ум̣ яуд̇д̇а’’нд̇и удтааяаасанаа б̣од̇хисад̇д̇асса ан̃ж̇алим̣ баг̇г̇ахзси. рааж̇аа д̇ам̣ ажчарияам̣ д̣̇исваа ад̇д̇ано буд̇д̇ам̣ ванд̣̇и.

    Ubhayanagaravāsino bodhisattaṃ gahetvā kapilavatthunagarameva agamaṃsu. Taṃ divasaṃyeva ca ‘‘kapilavatthunagare suddhodanamahārājassa putto jāto, ayaṃ kumāro bodhitale nisīditvā buddho bhavissatī’’ti tāvatiṃsabhavane haṭṭhatuṭṭhā devasaṅghā celukkhepādīni pavattentā kīḷiṃsu. Tasmiṃ samaye suddhodanamahārājassa kulūpako aṭṭhasamāpattilābhī kāḷadevīlo nāma tāpaso bhattakiccaṃ katvā divāvihāratthāya tāvatiṃsabhavanaṃ gantvā tattha divāvihāraṃ nisinno tā devatā kīḷamānā disvā ‘‘kiṃkāraṇā tumhe evaṃ tuṭṭhamānasā kīḷatha, mayhampetaṃ kāraṇaṃ kathethā’’ti pucchi. Devatā āhaṃsu ‘‘mārisa, suddhodanarañño putto jāto, so bodhitale nisīditvā buddho hutvā dhammacakkaṃ pavattessati, tassa anantaṃ buddhalīḷaṃ daṭṭhuṃ dhammañca sotuṃ lacchāmāti iminā kāraṇena tuṭṭhāmhā’’ti. Tāpaso tāsaṃ vacanaṃ sutvā khippaṃ devalokato oruyha rājanivesanaṃ pavisitvā paññattāsane nisinno ‘‘putto kira te, mahārāja, jāto, passissāmi na’’nti āha. Rājā alaṅkatapaṭiyattaṃ kumāraṃ āharāpetvā tāpasaṃ vandāpetuṃ abhihari, bodhisattassa pādā parivattitvā tāpasassa jaṭāsu patiṭṭhahiṃsu. Bodhisattassa hi tenattabhāvena vanditabbayuttako nāma añño natthi. Sace hi ajānantā bodhisattassa sīsaṃ tāpasassa pādamūle ṭhapeyyuṃ, sattadhā tassa muddhā phaleyya. Tāpaso ‘‘na me attānaṃ nāsetuṃ yutta’’nti uṭṭhāyāsanā bodhisattassa añjaliṃ paggahesi. Rājā taṃ acchariyaṃ disvā attano puttaṃ vandi.

    д̇аабасо ад̇ийд̇з жад̇д̇аалийса габбз, анааг̇ад̇з жад̇д̇аалийсаад̇и асийд̇и габбз ануссарад̇и. б̣од̇хисад̇д̇асса лагкан̣асамбад̇д̇им̣ д̣̇исваа ‘‘бхависсад̇и ну ко б̣уд̣̇д̇хо, уд̣̇ааху но’’д̇и ааваж̇ж̇зд̇ваа убад̇хаарзнд̇о ‘‘ниссам̣саяам̣ б̣уд̣̇д̇хо бхависсад̇ий’’д̇и н̃ад̇ваа ‘‘ажчарияабурисо аяа’’нд̇и сид̇ам̣ агааси. д̇ад̇о ‘‘ахам̣ имам̣ б̣уд̣̇д̇хабхууд̇ам̣ д̣̇адтум̣ лабхиссаами ну ко, но’’д̇и убад̇хаарзнд̇о ‘‘на лабхиссаами, анд̇арааязва гаалам̣ гад̇ваа б̣уд̣̇д̇хасад̇знаби б̣уд̣̇д̇хасахассзнаби г̇анд̇ваа б̣од̇хзд̇ум̣ асаггун̣зяяз аруубабхавз ниб̣б̣ад̇д̇иссаамий’’д̇и д̣̇исваа ‘‘зваруубам̣ наама ажчарияабурисам̣ б̣уд̣̇д̇хабхууд̇ам̣ д̣̇адтум̣ на лабхиссаами, махад̇ий вад̇а мз ж̇аани бхависсад̇ий’’д̇и барод̣̇и.

    Tāpaso atīte cattālīsa kappe, anāgate cattālīsāti asīti kappe anussarati. Bodhisattassa lakkhaṇasampattiṃ disvā ‘‘bhavissati nu kho buddho, udāhu no’’ti āvajjetvā upadhārento ‘‘nissaṃsayaṃ buddho bhavissatī’’ti ñatvā ‘‘acchariyapuriso aya’’nti sitaṃ akāsi. Tato ‘‘ahaṃ imaṃ buddhabhūtaṃ daṭṭhuṃ labhissāmi nu kho, no’’ti upadhārento ‘‘na labhissāmi, antarāyeva kālaṃ katvā buddhasatenapi buddhasahassenapi gantvā bodhetuṃ asakkuṇeyye arūpabhave nibbattissāmī’’ti disvā ‘‘evarūpaṃ nāma acchariyapurisaṃ buddhabhūtaṃ daṭṭhuṃ na labhissāmi, mahatī vata me jāni bhavissatī’’ti parodi.

    мануссаа д̣̇исваа ‘‘амхаагам̣ аяяо ид̣̇аанзва хасид̇ваа буна барод̣̇и. гим̣ ну ко, бханд̇з, амхаагам̣ аяяабуд̇д̇асса гожи анд̇арааяо бхависсад̇ий’’д̇и бужчим̣су. ‘‘над̇т̇зд̇асса анд̇арааяо, ниссам̣саязна б̣уд̣̇д̇хо бхависсад̇ий’’д̇и. ат̇а ‘‘гасмаа барод̣̇ид̇т̇аа’’д̇и? ‘‘зваруубам̣ бурисам̣ б̣уд̣̇д̇хабхууд̇ам̣ д̣̇адтум̣ на лабхиссаами, ‘махад̇ий вад̇а мз ж̇аани бхависсад̇ий’д̇и ад̇д̇аанам̣ анусожанд̇о род̣̇аамий’’д̇и ааха. д̇ад̇о со ‘‘гим̣ ну ко мз н̃аад̇агзсу гожи зд̇ам̣ б̣уд̣̇д̇хабхууд̇ам̣ д̣̇адтум̣ лабхиссад̇и, на лабхиссад̇ий’’д̇и убад̇хаарзнд̇о ад̇д̇ано бхааг̇инзяяам̣ наал̣агад̣̇аарагам̣ ад̣̇д̣̇аса. со бхаг̇инияаа г̇зхам̣ г̇анд̇ваа ‘‘гахам̣ д̇з буд̇д̇о наал̣аго’’д̇и? ‘‘ад̇т̇и г̇зхз, аяяаа’’д̇и. ‘‘баггосаахи на’’нд̇и баггосаабзд̇ваа ад̇д̇ано санд̇игам̣ ааг̇ад̇ам̣ гумаарам̣ ааха – ‘‘д̇аад̇а, суд̣̇д̇ход̣̇анамахаарааж̇асса гулз буд̇д̇о ж̇аад̇о, б̣уд̣̇д̇хан̇гуро зса, бан̃жад̇им̣са вассаани ад̇иггамид̇ваа б̣уд̣̇д̇хо бхависсад̇и, д̇вам̣ зд̇ам̣ д̣̇адтум̣ лабхиссаси, аж̇ж̇зва баб̣б̣аж̇аахий’’д̇и. сад̇д̇аасийд̇игодид̇ханз гулз ниб̣б̣ад̇д̇ад̣̇аарагоби ‘‘на мам̣ маад̇уло анад̇т̇з нияож̇зссад̇ий’’д̇и жинд̇зд̇ваа д̇аавад̣̇зва анд̇араабан̣ад̇о гаасааяаани жзва мад̇д̇игаабад̇д̇ан̃жа аахараабзд̇ваа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа ‘‘яо логз уд̇д̇амабуг̇г̇ало, д̇ам̣ уд̣̇д̣̇исса маяхам̣ баб̣б̣аж̇ж̇аа’’д̇и б̣од̇хисад̇д̇аабхимукам̣ ан̃ж̇алим̣ баг̇г̇аяха бан̃жабад̇идтид̇зна ванд̣̇ид̇ваа бад̇д̇ам̣ т̇авигааяа багкибид̇ваа ам̣сагуудз лаг̇г̇зд̇ваа химаванд̇ам̣ бависид̇ваа саман̣ад̇хаммам̣ агааси. со барамаабхисамб̣од̇хим̣ бад̇д̇ам̣ д̇ат̇ааг̇ад̇ам̣ убасан̇гамид̇ваа наал̣агабадибад̣̇ам̣ гат̇аабзд̇ваа буна химаванд̇ам̣ бависид̇ваа арахад̇д̇ам̣ бад̇ваа уггадтабадибад̣̇ам̣ бадибанно сад̇д̇зва маасз ааяум̣ баалзд̇ваа згам̣ суван̣н̣абаб̣б̣ад̇ам̣ ниссааяа тид̇агова анубаад̣̇исзсааяа ниб̣б̣аанад̇хаад̇уяаа бариниб̣б̣ааяи.

    Manussā disvā ‘‘amhākaṃ ayyo idāneva hasitvā puna parodi. Kiṃ nu kho, bhante, amhākaṃ ayyaputtassa koci antarāyo bhavissatī’’ti pucchiṃsu. ‘‘Natthetassa antarāyo, nissaṃsayena buddho bhavissatī’’ti. Atha ‘‘kasmā paroditthā’’ti? ‘‘Evarūpaṃ purisaṃ buddhabhūtaṃ daṭṭhuṃ na labhissāmi, ‘mahatī vata me jāni bhavissatī’ti attānaṃ anusocanto rodāmī’’ti āha. Tato so ‘‘kiṃ nu kho me ñātakesu koci etaṃ buddhabhūtaṃ daṭṭhuṃ labhissati, na labhissatī’’ti upadhārento attano bhāgineyyaṃ nāḷakadārakaṃ addasa. So bhaginiyā gehaṃ gantvā ‘‘kahaṃ te putto nāḷako’’ti? ‘‘Atthi gehe, ayyā’’ti. ‘‘Pakkosāhi na’’nti pakkosāpetvā attano santikaṃ āgataṃ kumāraṃ āha – ‘‘tāta, suddhodanamahārājassa kule putto jāto, buddhaṅkuro esa, pañcatiṃsa vassāni atikkamitvā buddho bhavissati, tvaṃ etaṃ daṭṭhuṃ labhissasi, ajjeva pabbajāhī’’ti. Sattāsītikoṭidhane kule nibbattadārakopi ‘‘na maṃ mātulo anatthe niyojessatī’’ti cintetvā tāvadeva antarāpaṇato kāsāyāni ceva mattikāpattañca āharāpetvā kesamassuṃ ohāretvā kāsāyāni vatthāni acchādetvā ‘‘yo loke uttamapuggalo, taṃ uddissa mayhaṃ pabbajjā’’ti bodhisattābhimukhaṃ añjaliṃ paggayha pañcapatiṭṭhitena vanditvā pattaṃ thavikāya pakkhipitvā aṃsakūṭe laggetvā himavantaṃ pavisitvā samaṇadhammaṃ akāsi. So paramābhisambodhiṃ pattaṃ tathāgataṃ upasaṅkamitvā nāḷakapaṭipadaṃ kathāpetvā puna himavantaṃ pavisitvā arahattaṃ patvā ukkaṭṭhapaṭipadaṃ paṭipanno satteva māse āyuṃ pāletvā ekaṃ suvaṇṇapabbataṃ nissāya ṭhitakova anupādisesāya nibbānadhātuyā parinibbāyi.

    б̣од̇хисад̇д̇амби ко бан̃жамз д̣̇ивасз сийсам̣ нхаабзд̇ваа ‘‘наамаг̇г̇ахан̣ам̣ г̇ан̣хиссаамаа’’д̇и рааж̇абхаванам̣ жад̇уж̇ж̇аад̇игаг̇анд̇хзхи вилимбид̇ваа лааж̇аабан̃жамагаани бубпаани вигирид̇ваа асамбхиннабааяаасам̣ бажаабзд̇ваа д̇ин̣н̣ам̣ взд̣̇аанам̣ бааран̇г̇ад̇з адтасад̇аб̣раахман̣з ниманд̇зд̇ваа рааж̇абхаванз нисийд̣̇аабзд̇ваа субхож̇анам̣ бхож̇зд̇ваа махаасаггаарам̣ гад̇ваа ‘‘гим̣ ну ко бхависсад̇ий’’д̇и лагкан̣аани бариг̇г̇ахаабзсум̣. д̇зсу –

    Bodhisattampi kho pañcame divase sīsaṃ nhāpetvā ‘‘nāmaggahaṇaṃ gaṇhissāmā’’ti rājabhavanaṃ catujjātikagandhehi vilimpitvā lājāpañcamakāni pupphāni vikiritvā asambhinnapāyāsaṃ pacāpetvā tiṇṇaṃ vedānaṃ pāraṅgate aṭṭhasatabrāhmaṇe nimantetvā rājabhavane nisīdāpetvā subhojanaṃ bhojetvā mahāsakkāraṃ katvā ‘‘kiṃ nu kho bhavissatī’’ti lakkhaṇāni pariggahāpesuṃ. Tesu –

    ‘‘раамо д̇хаж̇о лагкан̣о жааби манд̇ий, гон̣д̣ан̃н̃о жа бхож̇о суяаамо суд̣̇ад̇д̇о;

    ‘‘Rāmo dhajo lakkhaṇo cāpi mantī, koṇḍañño ca bhojo suyāmo sudatto;

    зд̇з д̇ад̣̇аа адта ахзсум̣ б̣раахман̣аа, чал̣ан̇г̇аваа манд̇ам̣ вияаагарим̣суу’’д̇и. –

    Ete tadā aṭṭha ahesuṃ brāhmaṇā, chaḷaṅgavā mantaṃ viyākariṃsū’’ti. –

    имз адтзва б̣раахман̣аа лагкан̣абариг̇г̇аахагаа ахзсум̣. бадисанд̇хиг̇г̇ахан̣ад̣̇ивасз субиноби зд̇зхзва бариг̇г̇ахид̇о. д̇зсу сад̇д̇а ж̇анаа д̣̇вз ан̇г̇улияо угкибид̇ваа д̣̇взд̇хаа б̣яаагарим̣су – ‘‘имзхи лагкан̣зхи саманнааг̇ад̇о аг̇аарам̣ аж̇жхаавасамаано рааж̇аа ход̇и жаггавад̇д̇ий, баб̣б̣аж̇амаано б̣уд̣̇д̇хо’’д̇и, саб̣б̣ам̣ жаггавад̇д̇иран̃н̃о сиривибхавам̣ аажигким̣су. д̇зсам̣ бана саб̣б̣ад̣̇ахаро г̇од̇д̇ад̇о гон̣д̣ан̃н̃о наама маан̣аво б̣од̇хисад̇д̇асса варалагкан̣анибпад̇д̇им̣ ологзд̇ваа – ‘‘имасса аг̇аарамаж̇жхз таанагааран̣ам̣ над̇т̇и, зганд̇знзса виваддажчад̣̇о б̣уд̣̇д̇хо бхависсад̇ий’’д̇и згамзва ан̇г̇улим̣ угкибид̇ваа згам̣саб̣яаагаран̣ам̣ б̣яаагааси. аяан̃хи гад̇аад̇хигааро бажчимабхавигасад̇д̇о бан̃н̃ааяа ид̇арз сад̇д̇а ж̇анз абхибхавид̇ваа ‘‘имзхи лагкан̣зхи саманнааг̇ад̇асса аг̇аарамаж̇жхз таанам̣ наама над̇т̇и, асам̣саяам̣ б̣уд̣̇д̇хо бхависсад̇ий’’д̇и згамзва г̇ад̇им̣ ад̣̇д̣̇аса, д̇асмаа згам̣ ан̇г̇улим̣ угкибид̇ваа звам̣ б̣яаагааси. ат̇асса наамам̣ г̇ан̣ханд̇аа саб̣б̣алогасса ад̇т̇асид̣̇д̇хигарад̇д̇аа ‘‘сид̣̇д̇хад̇т̇о’’д̇и наамамагам̣су.

    Ime aṭṭheva brāhmaṇā lakkhaṇapariggāhakā ahesuṃ. Paṭisandhiggahaṇadivase supinopi eteheva pariggahito. Tesu satta janā dve aṅguliyo ukkhipitvā dvedhā byākariṃsu – ‘‘imehi lakkhaṇehi samannāgato agāraṃ ajjhāvasamāno rājā hoti cakkavattī, pabbajamāno buddho’’ti, sabbaṃ cakkavattirañño sirivibhavaṃ ācikkhiṃsu. Tesaṃ pana sabbadaharo gottato koṇḍañño nāma māṇavo bodhisattassa varalakkhaṇanipphattiṃ oloketvā – ‘‘imassa agāramajjhe ṭhānakāraṇaṃ natthi, ekantenesa vivaṭṭacchado buddho bhavissatī’’ti ekameva aṅguliṃ ukkhipitvā ekaṃsabyākaraṇaṃ byākāsi. Ayañhi katādhikāro pacchimabhavikasatto paññāya itare satta jane abhibhavitvā ‘‘imehi lakkhaṇehi samannāgatassa agāramajjhe ṭhānaṃ nāma natthi, asaṃsayaṃ buddho bhavissatī’’ti ekameva gatiṃ addasa, tasmā ekaṃ aṅguliṃ ukkhipitvā evaṃ byākāsi. Athassa nāmaṃ gaṇhantā sabbalokassa atthasiddhikarattā ‘‘siddhattho’’ti nāmamakaṃsu.

    ат̇а д̇з б̣раахман̣аа ад̇д̇ано гхараани г̇анд̇ваа буд̇д̇з ааманд̇аяим̣су – ‘‘д̇аад̇аа, амхз махаллагаа, суд̣̇д̇ход̣̇анамахаарааж̇асса буд̇д̇ам̣ саб̣б̣ан̃н̃уд̇ам̣ бад̇д̇ам̣ маяам̣ самбхавзяяаама ваа но ваа, д̇умхз д̇асмим̣ гумаарз саб̣б̣ан̃н̃уд̇ам̣ бад̇д̇з д̇асса саасанз баб̣б̣аж̇зяяаат̇аа’’д̇и. д̇з сад̇д̇аби ж̇анаа яаавад̇ааяугам̣ тад̇ваа яат̇аагаммам̣ г̇ад̇аа, гон̣д̣ан̃н̃амаан̣авова арог̇о ахоси. со махаасад̇д̇з вуд̣дхиманвааяа махаабхинигкаманам̣ абхинигкамид̇ваа ануггамзна урувзлам̣ г̇анд̇ваа ‘‘раман̣ийяо, вад̇а аяам̣ бхуумибхааг̇о, алам̣ вад̇ид̣̇ам̣ гулабуд̇д̇асса бад̇хаанад̇т̇игасса бад̇хаанааяаа’’д̇и жид̇д̇ам̣ уббаад̣̇зд̇ваа д̇ад̇т̇а ваасам̣ убаг̇ад̇з ‘‘махаабурисо баб̣б̣аж̇ид̇о’’д̇и суд̇ваа д̇зсам̣ б̣раахман̣аанам̣ буд̇д̇з убасан̇гамид̇ваа звамааха ‘‘сид̣̇д̇хад̇т̇агумааро гира баб̣б̣аж̇ид̇о, со ниссам̣саяам̣ б̣уд̣̇д̇хо бхависсад̇и. сажз д̇умхаагам̣ бид̇аро арог̇аа ассу, аж̇ж̇а нигкамид̇ваа баб̣б̣аж̇зяяум̣. сажз д̇умхзби ижчзяяаат̇а, зт̇а, ахам̣ д̇ам̣ бурисам̣ анубаб̣б̣аж̇иссаамий’’д̇и. д̇з саб̣б̣з згажчанд̣̇аа бхавид̇ум̣ наасагким̣су , д̇аяо ж̇анаа на баб̣б̣аж̇им̣су. гон̣д̣ан̃н̃аб̣раахман̣ам̣ ж̇здтагам̣ гад̇ваа ид̇арз жад̇д̇ааро баб̣б̣аж̇им̣су. д̇з бан̃жаби ж̇анаа бан̃жаваг̇г̇ияад̇т̇зраа наама ж̇аад̇аа.

    Atha te brāhmaṇā attano gharāni gantvā putte āmantayiṃsu – ‘‘tātā, amhe mahallakā, suddhodanamahārājassa puttaṃ sabbaññutaṃ pattaṃ mayaṃ sambhaveyyāma vā no vā, tumhe tasmiṃ kumāre sabbaññutaṃ patte tassa sāsane pabbajeyyāthā’’ti. Te sattapi janā yāvatāyukaṃ ṭhatvā yathākammaṃ gatā, koṇḍaññamāṇavova arogo ahosi. So mahāsatte vuḍḍhimanvāya mahābhinikkhamanaṃ abhinikkhamitvā anukkamena uruvelaṃ gantvā ‘‘ramaṇīyo, vata ayaṃ bhūmibhāgo, alaṃ vatidaṃ kulaputtassa padhānatthikassa padhānāyā’’ti cittaṃ uppādetvā tattha vāsaṃ upagate ‘‘mahāpuriso pabbajito’’ti sutvā tesaṃ brāhmaṇānaṃ putte upasaṅkamitvā evamāha ‘‘siddhatthakumāro kira pabbajito, so nissaṃsayaṃ buddho bhavissati. Sace tumhākaṃ pitaro arogā assu, ajja nikkhamitvā pabbajeyyuṃ. Sace tumhepi iccheyyātha, etha, ahaṃ taṃ purisaṃ anupabbajissāmī’’ti. Te sabbe ekacchandā bhavituṃ nāsakkhiṃsu , tayo janā na pabbajiṃsu. Koṇḍaññabrāhmaṇaṃ jeṭṭhakaṃ katvā itare cattāro pabbajiṃsu. Te pañcapi janā pañcavaggiyattherā nāma jātā.

    д̇ад̣̇аа бана рааж̇аа ‘‘гим̣ д̣̇исваа маяхам̣ буд̇д̇о баб̣б̣аж̇иссад̇ий’’д̇и бужчи. ‘‘жад̇д̇аари буб̣б̣анимид̇д̇ааний’’д̇и. ‘‘гад̇аран̃жа гад̇аран̃жаа’’д̇и? ‘‘ж̇арааж̇ин̣н̣ам̣, б̣яаад̇хид̇ам̣, гаалагад̇ам̣, баб̣б̣аж̇ид̇а’’нд̇и. рааж̇аа ‘‘ид̇о бадтааяа зваруубаанам̣ мама буд̇д̇асса санд̇игам̣ убасан̇гамид̇ум̣ маа ад̣̇ад̇т̇а, маяхам̣ буд̇д̇асса б̣уд̣̇д̇хабхаавзна гаммам̣ над̇т̇и, ахам̣ мама буд̇д̇ам̣ д̣̇висахассад̣̇ийбабариваараанам̣ жад̇уннам̣ махаад̣̇ийбаанам̣ иссарияаад̇хибажжам̣ раж̇ж̇ам̣ гаарзнд̇ам̣ чад̇д̇им̣саяож̇анабариман̣д̣алааяа барисааяа баривуд̇ам̣ г̇аг̇анад̇алз вижарамаанам̣ бассид̇угаамо’’д̇и. зван̃жа бана вад̇ваа имзсам̣ жад̇уббагаараанам̣ нимид̇д̇аанам̣ гумаарасса жагкубат̇з ааг̇амананивааран̣ад̇т̇ам̣ жад̇уусу д̣̇исаасу г̇аавуд̇з г̇аавуд̇з аарагкам̣ табзси. д̇ам̣ д̣̇ивасам̣ бана ман̇г̇аладтаанз саннибад̇ид̇зсу асийд̇ияаа н̃аад̇игуласахассзсу згзго згамзгам̣ буд̇д̇ам̣ бадиж̇аани – ‘‘аяам̣ б̣уд̣̇д̇хо ваа ход̇у рааж̇аа ваа, маяам̣ згамзгам̣ буд̇д̇ам̣ д̣̇ассаама. сажзби б̣уд̣̇д̇хо бхависсад̇и, кад̇д̇ияасаман̣зхзва бурагкад̇абариваарид̇о вижариссад̇и. сажзби рааж̇аа бхависсад̇и, кад̇д̇ияагумаарзхзва бурагкад̇абариваарид̇о вижариссад̇ий’’д̇и. рааж̇ааби б̣од̇хисад̇д̇асса уд̇д̇амаруубасамбаннаа виг̇ад̇асаб̣б̣ад̣̇осаа д̇хаад̇ияо бажжубадтаабзси. б̣од̇хисад̇д̇о ананд̇зна бариваарзна маханд̇зна сирисобхаг̇г̇зна вад̣дхад̇и.

    Tadā pana rājā ‘‘kiṃ disvā mayhaṃ putto pabbajissatī’’ti pucchi. ‘‘Cattāri pubbanimittānī’’ti. ‘‘Katarañca katarañcā’’ti? ‘‘Jarājiṇṇaṃ, byādhitaṃ, kālakataṃ, pabbajita’’nti. Rājā ‘‘ito paṭṭhāya evarūpānaṃ mama puttassa santikaṃ upasaṅkamituṃ mā adattha, mayhaṃ puttassa buddhabhāvena kammaṃ natthi, ahaṃ mama puttaṃ dvisahassadīpaparivārānaṃ catunnaṃ mahādīpānaṃ issariyādhipaccaṃ rajjaṃ kārentaṃ chattiṃsayojanaparimaṇḍalāya parisāya parivutaṃ gaganatale vicaramānaṃ passitukāmo’’ti. Evañca pana vatvā imesaṃ catuppakārānaṃ nimittānaṃ kumārassa cakkhupathe āgamananivāraṇatthaṃ catūsu disāsu gāvute gāvute ārakkhaṃ ṭhapesi. Taṃ divasaṃ pana maṅgalaṭṭhāne sannipatitesu asītiyā ñātikulasahassesu ekeko ekamekaṃ puttaṃ paṭijāni – ‘‘ayaṃ buddho vā hotu rājā vā, mayaṃ ekamekaṃ puttaṃ dassāma. Sacepi buddho bhavissati, khattiyasamaṇeheva purakkhataparivārito vicarissati. Sacepi rājā bhavissati, khattiyakumāreheva purakkhataparivārito vicarissatī’’ti. Rājāpi bodhisattassa uttamarūpasampannā vigatasabbadosā dhātiyo paccupaṭṭhāpesi. Bodhisatto anantena parivārena mahantena sirisobhaggena vaḍḍhati.

    ат̇згад̣̇ивасам̣ ран̃н̃о ваббаман̇г̇алам̣ наама ахоси. д̇ам̣ д̣̇ивасам̣ сагаланаг̇арам̣ д̣̇звавимаанам̣ вияа алан̇гаронд̇и. саб̣б̣з д̣̇аасагаммагараад̣̇аяо ахад̇авад̇т̇анивад̇т̇аа г̇анд̇хамаалаад̣̇ибадиман̣д̣ид̇аа рааж̇агулз саннибад̇анд̇и. ран̃н̃о гамманд̇з нан̇г̇аласахассам̣ яож̇ийяад̇и. д̇асмим̣ бана д̣̇ивасз згзнуунаадтасад̇анан̇г̇алаани сад̣̇д̇хим̣ б̣алиб̣ад̣̇д̣̇арасмияод̇д̇зхи раж̇ад̇абаригкад̇аани хонд̇и, ран̃н̃о ааламб̣ананан̇г̇алам̣ бана рад̇д̇асуван̣н̣абаригкад̇ам̣ ход̇и. б̣алиб̣ад̣̇д̣̇аанам̣ син̇г̇арасмибад̇од̣̇ааби суван̣н̣абаригкад̇аава хонд̇и. рааж̇аа махад̇аа бариваарзна нигканд̇о буд̇д̇ам̣ г̇ахзд̇ваа аг̇амааси. гамманд̇адтаанз зго ж̇амб̣уругко б̣ахалабалаасо санд̣̇ажчааяо ахоси. д̇асса хздтаа гумаарасса саяанам̣ бан̃н̃абаабзд̇ваа убари суван̣н̣ад̇аарагакажид̇ам̣ вид̇аанам̣ б̣анд̇хаабзд̇ваа саан̣ибаагаарзна баригкибаабзд̇ваа аарагкам̣ табаабзд̇ваа рааж̇аа саб̣б̣аалан̇гаарам̣ алан̇гарид̇ваа амажжаг̇ан̣абаривуд̇о нан̇г̇алагаран̣адтаанам̣ аг̇амааси. д̇ад̇т̇а рааж̇аа суван̣н̣анан̇г̇алам̣ г̇ан̣хаад̇и, амажжаа згзнуунадтасад̇араж̇ад̇анан̇г̇алаани, гассагаа сзсанан̇г̇алаани. д̇з д̇аани г̇ахзд̇ваа ид̇о жид̇о жа гасанд̇и. рааж̇аа бана орад̇о ваа баарам̣ г̇ажчад̇и, баарад̇о ваа орам̣ ааг̇ажчад̇и. зд̇асмим̣ таанз махаасамбад̇д̇и ахоси. б̣од̇хисад̇д̇ам̣ бариваарзд̇ваа нисиннаа д̇хаад̇ияо ‘‘ран̃н̃о самбад̇д̇им̣ бассиссаамаа’’д̇и анд̇осаан̣ид̇о б̣ахи нигканд̇аа. б̣од̇хисад̇д̇о ид̇о жид̇о жа ологзнд̇о ган̃жи ад̣̇исваа взг̇зна удтааяа баллан̇гам̣ аабхуж̇ид̇ваа аанаабаанз бариг̇г̇ахзд̇ваа батамаж̇жхаанам̣ ниб̣б̣ад̇д̇зси. д̇хаад̇ияо каж̇ж̇абхож̇ж̇анд̇арз вижарамаанаа т̇огам̣ жирааяим̣су. сзсаругкаанам̣ чааяаа нивад̇д̇аа, д̇асса бана ругкасса бариман̣д̣алаа худ̇ваа адтааси. д̇хаад̇ияо ‘‘аяяабуд̇д̇о згад̇о’’д̇и взг̇зна саан̣им̣ угкибид̇ваа анд̇о бависамаанаа б̣од̇хисад̇д̇ам̣ саяанз баллан̇гзна нисиннам̣ д̇ан̃жа баадихаарияам̣ д̣̇исваа г̇анд̇ваа ран̃н̃о аарожзсум̣ – ‘‘д̣̇зва, гумааро звам̣ нисинно, ан̃н̃зсам̣ ругкаанам̣ чааяаа нивад̇д̇аа, ж̇амб̣уругкасса бана бариман̣д̣алаа тид̇аа’’д̇и. рааж̇аа взг̇знааг̇анд̇ваа баадихаарияам̣ д̣̇исваа – ‘‘ид̣̇ам̣ д̇з, д̇аад̇а, д̣̇уд̇ияам̣ ванд̣̇ана’’нд̇и буд̇д̇ам̣ ванд̣̇и.

    Athekadivasaṃ rañño vappamaṅgalaṃ nāma ahosi. Taṃ divasaṃ sakalanagaraṃ devavimānaṃ viya alaṅkaronti. Sabbe dāsakammakarādayo ahatavatthanivatthā gandhamālādipaṭimaṇḍitā rājakule sannipatanti. Rañño kammante naṅgalasahassaṃ yojīyati. Tasmiṃ pana divase ekenūnaaṭṭhasatanaṅgalāni saddhiṃ balibaddarasmiyottehi rajataparikkhatāni honti, rañño ālambananaṅgalaṃ pana rattasuvaṇṇaparikkhataṃ hoti. Balibaddānaṃ siṅgarasmipatodāpi suvaṇṇaparikkhatāva honti. Rājā mahatā parivārena nikkhanto puttaṃ gahetvā agamāsi. Kammantaṭṭhāne eko jamburukkho bahalapalāso sandacchāyo ahosi. Tassa heṭṭhā kumārassa sayanaṃ paññapāpetvā upari suvaṇṇatārakakhacitaṃ vitānaṃ bandhāpetvā sāṇipākārena parikkhipāpetvā ārakkhaṃ ṭhapāpetvā rājā sabbālaṅkāraṃ alaṅkaritvā amaccagaṇaparivuto naṅgalakaraṇaṭṭhānaṃ agamāsi. Tattha rājā suvaṇṇanaṅgalaṃ gaṇhāti, amaccā ekenūnaṭṭhasatarajatanaṅgalāni, kassakā sesanaṅgalāni. Te tāni gahetvā ito cito ca kasanti. Rājā pana orato vā pāraṃ gacchati, pārato vā oraṃ āgacchati. Etasmiṃ ṭhāne mahāsampatti ahosi. Bodhisattaṃ parivāretvā nisinnā dhātiyo ‘‘rañño sampattiṃ passissāmā’’ti antosāṇito bahi nikkhantā. Bodhisatto ito cito ca olokento kañci adisvā vegena uṭṭhāya pallaṅkaṃ ābhujitvā ānāpāne pariggahetvā paṭhamajjhānaṃ nibbattesi. Dhātiyo khajjabhojjantare vicaramānā thokaṃ cirāyiṃsu. Sesarukkhānaṃ chāyā nivattā, tassa pana rukkhassa parimaṇḍalā hutvā aṭṭhāsi. Dhātiyo ‘‘ayyaputto ekato’’ti vegena sāṇiṃ ukkhipitvā anto pavisamānā bodhisattaṃ sayane pallaṅkena nisinnaṃ tañca pāṭihāriyaṃ disvā gantvā rañño ārocesuṃ – ‘‘deva, kumāro evaṃ nisinno, aññesaṃ rukkhānaṃ chāyā nivattā, jamburukkhassa pana parimaṇḍalā ṭhitā’’ti. Rājā vegenāgantvā pāṭihāriyaṃ disvā – ‘‘idaṃ te, tāta, dutiyaṃ vandana’’nti puttaṃ vandi.

    ат̇а ануггамзна б̣од̇хисад̇д̇о сол̣асавассуд̣̇д̣̇зсиго ж̇аад̇о. рааж̇аа б̣од̇хисад̇д̇асса д̇ин̣н̣ам̣ уд̇уунам̣ анужчавигз д̇аяо баасаад̣̇з гаарзси – згам̣ навабхуумагам̣, згам̣ сад̇д̇абхуумагам̣, згам̣ бан̃жабхуумагам̣, жад̇д̇аалийсасахассаа жа наадагид̇т̇ияо убадтаабзси. б̣од̇хисад̇д̇о д̣̇зво вияа ажчараасан̇гхабаривуд̇о, алан̇гад̇анаадагабаривуд̇о, ниббурисзхи д̇ууриязхи барижаарияамаано махаасамбад̇д̇им̣ анубхаванд̇о уд̇уваарзна д̇зсу баасаад̣̇зсу вихарад̇и. раахуламаад̇аа банасса д̣̇звий аг̇г̇амахзсий ахоси.

    Atha anukkamena bodhisatto soḷasavassuddesiko jāto. Rājā bodhisattassa tiṇṇaṃ utūnaṃ anucchavike tayo pāsāde kāresi – ekaṃ navabhūmakaṃ, ekaṃ sattabhūmakaṃ, ekaṃ pañcabhūmakaṃ, cattālīsasahassā ca nāṭakitthiyo upaṭṭhāpesi. Bodhisatto devo viya accharāsaṅghaparivuto, alaṅkatanāṭakaparivuto, nippurisehi tūriyehi paricāriyamāno mahāsampattiṃ anubhavanto utuvārena tesu pāsādesu viharati. Rāhulamātā panassa devī aggamahesī ahosi.

    д̇ассзвам̣ махаасамбад̇д̇им̣ анубхаванд̇асса згад̣̇ивасам̣ н̃аад̇исан̇гхасса аб̣бханд̇арз аяам̣ гат̇аа уд̣̇абаад̣̇и – ‘‘сид̣̇д̇хад̇т̇о гийл̣аабасуд̇ова вижарад̇и, гин̃жи сиббам̣ на сигкад̇и, сан̇г̇аамз бажжубадтид̇з гим̣ гариссад̇ий’’д̇и. рааж̇аа б̣од̇хисад̇д̇ам̣ баггосаабзд̇ваа – ‘‘д̇аад̇а, д̇ава н̃аад̇агаа ‘сид̣̇д̇хад̇т̇о гин̃жи сиббам̣ асигкид̇ваа гийл̣аабасуд̇ова вижарад̇ий’д̇и вад̣̇анд̇и, зд̇т̇а гим̣ бад̇д̇агаалз ман̃н̃асий’’д̇и. д̣̇зва, мама сиббам̣ сигканагижжам̣ над̇т̇и, наг̇арз мама сиббад̣̇ассанад̇т̇ам̣ бхзрим̣ жараабзт̇а ‘‘ид̇о сад̇д̇амз д̣̇ивасз н̃аад̇агаанам̣ сиббам̣ д̣̇ассзссаамий’’д̇и. рааж̇аа д̇ат̇аа агааси. б̣од̇хисад̇д̇о агкан̣авзд̇хиваалавзд̇хид̇хануг̇г̇ахз саннибаад̇аабзд̇ваа махааж̇анасса маж̇жхз ан̃н̃зхи д̇хануг̇г̇ахзхи асаад̇хааран̣ам̣ н̃аад̇агаанам̣ д̣̇ваад̣̇асавид̇хам̣ сиббам̣ д̣̇ассзси. д̇ам̣ сарабхан̇г̇аж̇аад̇агз ааг̇ад̇анаязнзва взд̣̇ид̇аб̣б̣ам̣. д̇ад̣̇аасса н̃аад̇исан̇гхо нигган̇ко ахоси.

    Tassevaṃ mahāsampattiṃ anubhavantassa ekadivasaṃ ñātisaṅghassa abbhantare ayaṃ kathā udapādi – ‘‘siddhattho kīḷāpasutova vicarati, kiñci sippaṃ na sikkhati, saṅgāme paccupaṭṭhite kiṃ karissatī’’ti. Rājā bodhisattaṃ pakkosāpetvā – ‘‘tāta, tava ñātakā ‘siddhattho kiñci sippaṃ asikkhitvā kīḷāpasutova vicaratī’ti vadanti, ettha kiṃ pattakāle maññasī’’ti. Deva, mama sippaṃ sikkhanakiccaṃ natthi, nagare mama sippadassanatthaṃ bheriṃ carāpetha ‘‘ito sattame divase ñātakānaṃ sippaṃ dassessāmī’’ti. Rājā tathā akāsi. Bodhisatto akkhaṇavedhivālavedhidhanuggahe sannipātāpetvā mahājanassa majjhe aññehi dhanuggahehi asādhāraṇaṃ ñātakānaṃ dvādasavidhaṃ sippaṃ dassesi. Taṃ sarabhaṅgajātake āgatanayeneva veditabbaṃ. Tadāssa ñātisaṅgho nikkaṅkho ahosi.

    ат̇згад̣̇ивасам̣ б̣од̇хисад̇д̇о уяяаанабхуумим̣ г̇анд̇угаамо саарат̇им̣ ааманд̇зд̇ваа ‘‘рат̇ам̣ яож̇зхий’’д̇и ааха. со ‘‘саад̇хуу’’д̇и бадиссун̣ид̇ваа махаарахам̣ уд̇д̇амарат̇ам̣ саб̣б̣аалан̇гаарзна алан̇гарид̇ваа гумуд̣̇абад̇д̇аван̣н̣з жад̇д̇ааро ман̇г̇аласинд̇хавз яож̇зд̇ваа б̣од̇хисад̇д̇асса бадивзд̣̇зси. б̣од̇хисад̇д̇о д̣̇звавимаанасад̣̇исам̣ рат̇ам̣ абхирухид̇ваа уяяаанаабхимуко аг̇амааси. д̣̇звад̇аа ‘‘сид̣̇д̇хад̇т̇агумаарасса абхисамб̣уж̇жханагаало аасанно, буб̣б̣анимид̇д̇ам̣ д̣̇ассзссаамаа’’д̇и згам̣ д̣̇звабуд̇д̇ам̣ ж̇арааж̇аж̇ж̇арам̣ кан̣д̣ад̣̇анд̇ам̣ балид̇агзсам̣ ван̇гам̣ обхаг̇г̇асарийрам̣ д̣̇ан̣д̣ахад̇т̇ам̣ бавзд̇хамаанам̣ гад̇ваа д̣̇ассзсум̣. д̇ам̣ б̣од̇хисад̇д̇о жзва саарат̇и жа бассанд̇и. д̇ад̇о б̣од̇хисад̇д̇о саарат̇им̣ – ‘‘самма, го наамзса бурисо, гзсаабисса на яат̇аа ан̃н̃зса’’нд̇и махаабад̣̇аанз ааг̇ад̇анаязна бужчид̇ваа д̇асса важанам̣ суд̇ваа ‘‘д̇хийрад̇т̇у вад̇а бхо ж̇аад̇и, яад̇ра хи наама ж̇аад̇асса ж̇араа бан̃н̃ааяиссад̇ий’’д̇и сам̣виг̇г̇ахад̣̇аяо д̇ад̇ова бадинивад̇д̇ид̇ваа баасаад̣̇амзва абхирухи. рааж̇аа ‘‘гим̣ гааран̣аа мама буд̇д̇о киббам̣ бадинивад̇д̇ий’’д̇и бужчи. ‘‘ж̇ин̣н̣агам̣ бурисам̣ д̣̇исваа д̣̇зваа’’д̇и. ‘‘ж̇ин̣н̣агам̣ д̣̇исваа баб̣б̣аж̇иссад̇ийд̇и аахам̣су, гасмаа мам̣ наасзт̇а, сийгхам̣ буд̇д̇асса наадагаани саж̇ж̇зт̇а, самбад̇д̇им̣ анубхаванд̇о баб̣б̣аж̇ж̇ааяа сад̇им̣ на гариссад̇ий’’д̇и вад̇ваа аарагкам̣ вад̣дхзд̇ваа саб̣б̣ад̣̇исаасу ад̣дхаяож̇анз ад̣дхаяож̇анз табзси.

    Athekadivasaṃ bodhisatto uyyānabhūmiṃ gantukāmo sārathiṃ āmantetvā ‘‘rathaṃ yojehī’’ti āha. So ‘‘sādhū’’ti paṭissuṇitvā mahārahaṃ uttamarathaṃ sabbālaṅkārena alaṅkaritvā kumudapattavaṇṇe cattāro maṅgalasindhave yojetvā bodhisattassa paṭivedesi. Bodhisatto devavimānasadisaṃ rathaṃ abhiruhitvā uyyānābhimukho agamāsi. Devatā ‘‘siddhatthakumārassa abhisambujjhanakālo āsanno, pubbanimittaṃ dassessāmā’’ti ekaṃ devaputtaṃ jarājajjaraṃ khaṇḍadantaṃ palitakesaṃ vaṅkaṃ obhaggasarīraṃ daṇḍahatthaṃ pavedhamānaṃ katvā dassesuṃ. Taṃ bodhisatto ceva sārathi ca passanti. Tato bodhisatto sārathiṃ – ‘‘samma, ko nāmesa puriso, kesāpissa na yathā aññesa’’nti mahāpadāne āgatanayena pucchitvā tassa vacanaṃ sutvā ‘‘dhīratthu vata bho jāti, yatra hi nāma jātassa jarā paññāyissatī’’ti saṃviggahadayo tatova paṭinivattitvā pāsādameva abhiruhi. Rājā ‘‘kiṃ kāraṇā mama putto khippaṃ paṭinivattī’’ti pucchi. ‘‘Jiṇṇakaṃ purisaṃ disvā devā’’ti. ‘‘Jiṇṇakaṃ disvā pabbajissatīti āhaṃsu, kasmā maṃ nāsetha, sīghaṃ puttassa nāṭakāni sajjetha, sampattiṃ anubhavanto pabbajjāya satiṃ na karissatī’’ti vatvā ārakkhaṃ vaḍḍhetvā sabbadisāsu aḍḍhayojane aḍḍhayojane ṭhapesi.

    бунзгад̣̇ивасам̣ б̣од̇хисад̇д̇о д̇ат̇зва уяяаанам̣ г̇ажчанд̇о д̣̇звад̇аахи ниммид̇ам̣ б̣яаад̇хид̇ам̣ бурисам̣ д̣̇исваа буриманаязнзва бужчид̇ваа сам̣виг̇г̇ахад̣̇аяо нивад̇д̇ид̇ваа баасаад̣̇ам̣ абхирухи. рааж̇ааби бужчид̇ваа хздтаа вуд̇д̇анаязнзва сам̣вид̣̇ахид̇ваа буна вад̣дхзд̇ваа саманд̇аа д̇иг̇аавуд̇аббамаан̣з бад̣̇зсз аарагкам̣ табзси. абарам̣ згад̣̇ивасам̣ б̣од̇хисад̇д̇о д̇ат̇зва уяяаанам̣ г̇ажчанд̇о д̣̇звад̇аахи ниммид̇ам̣ гаалагад̇ам̣ д̣̇исваа буриманаязнзва бужчид̇ваа сам̣виг̇г̇ахад̣̇аяо буна нивад̇д̇ид̇ваа баасаад̣̇ам̣ абхирухи. рааж̇ааби бужчид̇ваа хздтаа вуд̇д̇анаязнзва сам̣вид̣̇ахид̇ваа буна вад̣дхзд̇ваа саманд̇аа яож̇анаббамаан̣з бад̣̇зсз аарагкам̣ табзси. абарам̣ бана згад̣̇ивасам̣ уяяаанам̣ г̇ажчанд̇о д̇ат̇зва д̣̇звад̇аахи ниммид̇ам̣ сунивад̇т̇ам̣ субааруд̇ам̣ баб̣б̣аж̇ид̇ам̣ д̣̇исваа ‘‘го наамзсо саммаа’’д̇и саарат̇им̣ бужчи. саарат̇и гин̃жааби б̣уд̣̇д̇хуббаад̣̇асса абхааваа баб̣б̣аж̇ид̇ам̣ ваа баб̣б̣аж̇ид̇аг̇ун̣з ваа на ж̇аанаад̇и, д̣̇звад̇аанубхаавзна бана ‘‘баб̣б̣аж̇ид̇о наамааяам̣ д̣̇зваа’’д̇и вад̇ваа баб̣б̣аж̇ж̇ааяа г̇ун̣з ван̣н̣зси. б̣од̇хисад̇д̇о баб̣б̣аж̇ж̇ааяа ружим̣ уббаад̣̇зд̇ваа д̇ам̣ д̣̇ивасам̣ уяяаанам̣ аг̇амааси. д̣̇ийгхабхаан̣агаа банааху ‘‘жад̇д̇аари нимид̇д̇аани згад̣̇ивасзнзва д̣̇исваа аг̇амаасий’’д̇и.

    Punekadivasaṃ bodhisatto tatheva uyyānaṃ gacchanto devatāhi nimmitaṃ byādhitaṃ purisaṃ disvā purimanayeneva pucchitvā saṃviggahadayo nivattitvā pāsādaṃ abhiruhi. Rājāpi pucchitvā heṭṭhā vuttanayeneva saṃvidahitvā puna vaḍḍhetvā samantā tigāvutappamāṇe padese ārakkhaṃ ṭhapesi. Aparaṃ ekadivasaṃ bodhisatto tatheva uyyānaṃ gacchanto devatāhi nimmitaṃ kālakataṃ disvā purimanayeneva pucchitvā saṃviggahadayo puna nivattitvā pāsādaṃ abhiruhi. Rājāpi pucchitvā heṭṭhā vuttanayeneva saṃvidahitvā puna vaḍḍhetvā samantā yojanappamāṇe padese ārakkhaṃ ṭhapesi. Aparaṃ pana ekadivasaṃ uyyānaṃ gacchanto tatheva devatāhi nimmitaṃ sunivatthaṃ supārutaṃ pabbajitaṃ disvā ‘‘ko nāmeso sammā’’ti sārathiṃ pucchi. Sārathi kiñcāpi buddhuppādassa abhāvā pabbajitaṃ vā pabbajitaguṇe vā na jānāti, devatānubhāvena pana ‘‘pabbajito nāmāyaṃ devā’’ti vatvā pabbajjāya guṇe vaṇṇesi. Bodhisatto pabbajjāya ruciṃ uppādetvā taṃ divasaṃ uyyānaṃ agamāsi. Dīghabhāṇakā panāhu ‘‘cattāri nimittāni ekadivaseneva disvā agamāsī’’ti.

    со д̇ад̇т̇а д̣̇ивасабхааг̇ам̣ гийл̣ид̇ваа ман̇г̇алабогкаран̣ияам̣ нхааяид̇ваа ад̇т̇ан̇г̇ад̇з суурияз ман̇г̇аласилаабаддз нисийд̣̇и ад̇д̇аанам̣ алан̇гаараабзд̇угаамо. ат̇асса барижаарагабурисаа наанааван̣н̣аани д̣̇уссаани наанаббагаараа аабхаран̣авигад̇ияо маалааг̇анд̇хавилзбанаани жа аад̣̇ааяа саманд̇аа бариваарзд̇ваа адтам̣су. д̇асмим̣ кан̣з саггасса нисиннаасанам̣ ун̣хам̣ ахоси . со ‘‘го ну ко мам̣ имамхаа таанаа жаавзд̇угаамо’’д̇и убад̇хаарзнд̇о б̣од̇хисад̇д̇асса алан̇гаарзд̇угаамад̇ам̣ н̃ад̇ваа виссагаммам̣ ааманд̇зси ‘‘самма виссагамма, сид̣̇д̇хад̇т̇агумааро аж̇ж̇а ад̣дхарад̇д̇асамаяз махаабхинигкаманам̣ нигкамиссад̇и, аяамасса бажчимо алан̇гааро, уяяаанам̣ г̇анд̇ваа махаабурисам̣ д̣̇иб̣б̣аалан̇гаарзхи алан̇гарохий’’д̇и. со ‘‘саад̇хуу’’д̇и бадиссун̣ид̇ваа д̣̇звад̇аанубхаавзна д̇ан̇кан̣ам̣язва убасан̇гамид̇ваа д̇ассзва габбагасад̣̇исо худ̇ваа габбагасса хад̇т̇ад̇о взтанад̣̇уссам̣ г̇ахзд̇ваа б̣од̇хисад̇д̇асса сийсам̣ взтзси. б̣од̇хисад̇д̇о хад̇т̇асампассзнзва ‘‘нааяам̣ мануссо, д̣̇звабуд̇д̇о зсо’’д̇и ан̃н̃ааси. взтанзна взтид̇амад̇д̇з сийсз мол̣ияам̣ ман̣ирад̇анаагаарзна д̣̇уссасахассам̣ аб̣бхуг̇г̇ан̃чи. буна взтзнд̇асса д̣̇уссасахассанд̇и д̣̇асагкад̇д̇ум̣ взтзнд̇асса д̣̇аса д̣̇уссасахассаани аб̣бхуг̇г̇ажчим̣су . ‘‘сийсам̣ куд̣̇д̣̇агам̣, д̣̇уссаани б̣ахууни, гат̇ам̣ аб̣бхуг̇г̇ад̇ааний’’д̇и на жинд̇зд̇аб̣б̣ам̣. д̇зсу хи саб̣б̣амаханд̇ам̣ аамалагабубпаббамаан̣ам̣, авасзсаани гусумб̣агабубпаббамаан̣аани ахзсум̣. б̣од̇хисад̇д̇асса сийсам̣ гин̃ж̇агкаг̇аважчид̇ам̣ вияа гуяяагабубпам̣ ахоси.

    So tattha divasabhāgaṃ kīḷitvā maṅgalapokkharaṇiyaṃ nhāyitvā atthaṅgate sūriye maṅgalasilāpaṭṭe nisīdi attānaṃ alaṅkārāpetukāmo. Athassa paricārakapurisā nānāvaṇṇāni dussāni nānappakārā ābharaṇavikatiyo mālāgandhavilepanāni ca ādāya samantā parivāretvā aṭṭhaṃsu. Tasmiṃ khaṇe sakkassa nisinnāsanaṃ uṇhaṃ ahosi . So ‘‘ko nu kho maṃ imamhā ṭhānā cāvetukāmo’’ti upadhārento bodhisattassa alaṅkāretukāmataṃ ñatvā vissakammaṃ āmantesi ‘‘samma vissakamma, siddhatthakumāro ajja aḍḍharattasamaye mahābhinikkhamanaṃ nikkhamissati, ayamassa pacchimo alaṅkāro, uyyānaṃ gantvā mahāpurisaṃ dibbālaṅkārehi alaṅkarohī’’ti. So ‘‘sādhū’’ti paṭissuṇitvā devatānubhāvena taṅkhaṇaṃyeva upasaṅkamitvā tasseva kappakasadiso hutvā kappakassa hatthato veṭhanadussaṃ gahetvā bodhisattassa sīsaṃ veṭhesi. Bodhisatto hatthasamphasseneva ‘‘nāyaṃ manusso, devaputto eso’’ti aññāsi. Veṭhanena veṭhitamatte sīse moḷiyaṃ maṇiratanākārena dussasahassaṃ abbhuggañchi. Puna veṭhentassa dussasahassanti dasakkhattuṃ veṭhentassa dasa dussasahassāni abbhuggacchiṃsu . ‘‘Sīsaṃ khuddakaṃ, dussāni bahūni, kathaṃ abbhuggatānī’’ti na cintetabbaṃ. Tesu hi sabbamahantaṃ āmalakapupphappamāṇaṃ, avasesāni kusumbakapupphappamāṇāni ahesuṃ. Bodhisattassa sīsaṃ kiñjakkhagavacchitaṃ viya kuyyakapupphaṃ ahosi.

    ат̇асса саб̣б̣аалан̇гаарабадиман̣д̣ид̇асса саб̣б̣ад̇аалааважарзсу сагаани сагаани бадибхаанаани д̣̇ассаяанд̇зсу, б̣раахман̣зсу ‘‘ж̇аяананд̣̇аа’’д̇иаад̣̇иважанзхи, сууд̇амааг̇ад̇хаад̣̇ийсу наанаббагаарзхи ман̇г̇алаважанад̇т̇уд̇игхосзхи самбхаавзнд̇зсу саб̣б̣аалан̇гаарабадиман̣д̣ид̇ам̣ рат̇аварам̣ абхирухи. д̇асмим̣ самаяз ‘‘раахуламаад̇аа буд̇д̇ам̣ виж̇аад̇аа’’д̇и суд̇ваа суд̣̇д̇ход̣̇анамахаарааж̇аа ‘‘буд̇д̇асса мз д̇удтим̣ нивзд̣̇зт̇аа’’д̇и саасанам̣ бахин̣и. б̣од̇хисад̇д̇о д̇ам̣ суд̇ваа ‘‘рааху ж̇аад̇о, б̣анд̇ханам̣ ж̇аад̇а’’нд̇и ааха. рааж̇аа ‘‘гим̣ мз буд̇д̇о аважаа’’д̇и бужчид̇ваа д̇ам̣ важанам̣ суд̇ваа ‘‘ид̇о бадтааяа мз над̇д̇аа раахулагумаароязва наама ход̇уу’’д̇и ааха.

    Athassa sabbālaṅkārapaṭimaṇḍitassa sabbatālāvacaresu sakāni sakāni paṭibhānāni dassayantesu, brāhmaṇesu ‘‘jayanandā’’tiādivacanehi, sūtamāgadhādīsu nānappakārehi maṅgalavacanatthutighosehi sambhāventesu sabbālaṅkārapaṭimaṇḍitaṃ rathavaraṃ abhiruhi. Tasmiṃ samaye ‘‘rāhulamātā puttaṃ vijātā’’ti sutvā suddhodanamahārājā ‘‘puttassa me tuṭṭhiṃ nivedethā’’ti sāsanaṃ pahiṇi. Bodhisatto taṃ sutvā ‘‘rāhu jāto, bandhanaṃ jāta’’nti āha. Rājā ‘‘kiṃ me putto avacā’’ti pucchitvā taṃ vacanaṃ sutvā ‘‘ito paṭṭhāya me nattā rāhulakumāroyeva nāma hotū’’ti āha.

    б̣од̇хисад̇д̇оби ко рат̇аварам̣ ааруяха маханд̇зна яасзна ад̇иманорамзна сирисобхаг̇г̇зна наг̇арам̣ баависи. д̇асмим̣ самаяз гисааг̇од̇амий наама кад̇д̇ияаган̃н̃аа убарибаасаад̣̇аварад̇алаг̇ад̇аа наг̇арам̣ бад̣̇агкин̣ам̣ гурумаанасса б̣од̇хисад̇д̇асса руубасирим̣ д̣̇исваа бийд̇исоманассаж̇аад̇аа ид̣̇ам̣ уд̣̇аанам̣ уд̣̇аанзси –

    Bodhisattopi kho rathavaraṃ āruyha mahantena yasena atimanoramena sirisobhaggena nagaraṃ pāvisi. Tasmiṃ samaye kisāgotamī nāma khattiyakaññā uparipāsādavaratalagatā nagaraṃ padakkhiṇaṃ kurumānassa bodhisattassa rūpasiriṃ disvā pītisomanassajātā idaṃ udānaṃ udānesi –

    ‘‘ниб̣б̣уд̇аа нууна саа маад̇аа, ниб̣б̣уд̇о нууна со бид̇аа;

    ‘‘Nibbutā nūna sā mātā, nibbuto nūna so pitā;

    ниб̣б̣уд̇аа нууна саа наарий, яассааяам̣ ийд̣̇исо бад̇ий’’д̇и.

    Nibbutā nūna sā nārī, yassāyaṃ īdiso patī’’ti.

    б̣од̇хисад̇д̇о д̇ам̣ суд̇ваа жинд̇зси ‘‘аяам̣ звамааха ‘зваруубам̣ ад̇д̇абхаавам̣ бассанд̇ияаа маад̇у хад̣̇аяам̣ ниб̣б̣ааяад̇и, бид̇у хад̣̇аяам̣ ниб̣б̣ааяад̇и, баж̇аабад̇ияаа хад̣̇аяам̣ ниб̣б̣ааяад̇ий’д̇и! гисмим̣ ну ко ниб̣б̣уд̇з хад̣̇аяам̣ ниб̣б̣уд̇ам̣ наама ход̇ий’’д̇и? ат̇асса гилзсзсу вирад̇д̇амаанасасса зд̇ад̣̇ахоси – ‘‘рааг̇аг̇г̇имхи ниб̣б̣уд̇з ниб̣б̣уд̇ам̣ наама ход̇и, д̣̇осаг̇г̇имхи ниб̣б̣уд̇з ниб̣б̣уд̇ам̣ наама ход̇и, мохаг̇г̇имхи ниб̣б̣уд̇з ниб̣б̣уд̇ам̣ наама ход̇и, маанад̣̇идтиаад̣̇ийсу саб̣б̣агилзсад̣̇арат̇зсу ниб̣б̣уд̇зсу ниб̣б̣уд̇ам̣ наама ход̇и. аяам̣ мз суссаванам̣ саавзси, ахан̃хи ниб̣б̣аанам̣ г̇авзсанд̇о жараами, аж̇ж̇зва маяаа гхарааваасам̣ чад̣д̣зд̇ваа нигкамма баб̣б̣аж̇ид̇ваа ниб̣б̣аанам̣ г̇авзсид̇ум̣ ваддад̇и, аяам̣ имиссаа аажарияабхааг̇о ход̇уу’’д̇и ган̣тад̇о омун̃жид̇ваа гисааг̇од̇амияаа сад̇асахассаг̇гханагам̣ муд̇д̇аахаарам̣ бзсзси. саа ‘‘сид̣̇д̇хад̇т̇агумааро маяи бадиб̣ад̣̇д̇хажид̇д̇о худ̇ваа бан̣н̣аагаарам̣ бзсзсий’’д̇и соманассаж̇аад̇аа ахоси.

    Bodhisatto taṃ sutvā cintesi ‘‘ayaṃ evamāha ‘evarūpaṃ attabhāvaṃ passantiyā mātu hadayaṃ nibbāyati, pitu hadayaṃ nibbāyati, pajāpatiyā hadayaṃ nibbāyatī’ti! Kismiṃ nu kho nibbute hadayaṃ nibbutaṃ nāma hotī’’ti? Athassa kilesesu virattamānasassa etadahosi – ‘‘rāgaggimhi nibbute nibbutaṃ nāma hoti, dosaggimhi nibbute nibbutaṃ nāma hoti, mohaggimhi nibbute nibbutaṃ nāma hoti, mānadiṭṭhiādīsu sabbakilesadarathesu nibbutesu nibbutaṃ nāma hoti. Ayaṃ me sussavanaṃ sāvesi, ahañhi nibbānaṃ gavesanto carāmi, ajjeva mayā gharāvāsaṃ chaḍḍetvā nikkhamma pabbajitvā nibbānaṃ gavesituṃ vaṭṭati, ayaṃ imissā ācariyabhāgo hotū’’ti kaṇṭhato omuñcitvā kisāgotamiyā satasahassagghanakaṃ muttāhāraṃ pesesi. Sā ‘‘siddhatthakumāro mayi paṭibaddhacitto hutvā paṇṇākāraṃ pesesī’’ti somanassajātā ahosi.

    б̣од̇хисад̇д̇оби маханд̇зна сирисобхаг̇г̇зна ад̇д̇ано баасаад̣̇ам̣ абхирухид̇ваа сирисаяанз нибаж̇ж̇и. д̇аавад̣̇зва жа нам̣ саб̣б̣аалан̇гаарабадиман̣д̣ид̇аа нажжаг̇ийд̇аад̣̇ийсу сусигкид̇аа д̣̇зваган̃н̃аа вияа руубасобхаг̇г̇аббад̇д̇аа ид̇т̇ияо наанаад̇уурияаани г̇ахзд̇ваа самбариваараяид̇ваа абхирамаабзнд̇ияо нажжаг̇ийд̇аваад̣̇ид̇аани баяож̇аяим̣су. б̣од̇хисад̇д̇о гилзсзсу вирад̇д̇ажид̇д̇ад̇ааяа нажжаад̣̇ийсу анабхирад̇о мухуд̇д̇ам̣ нид̣̇д̣̇ам̣ оггами. д̇ааби ид̇т̇ияо ‘‘яассад̇т̇ааяа маяам̣ нажжаад̣̇ийни баяож̇зма, со нид̣̇д̣̇ам̣ убаг̇ад̇о, ид̣̇аани гимад̇т̇ам̣ гиламаамаа’’д̇и г̇ахид̇аг̇г̇ахид̇аани д̇уурияаани аж̇жход̇т̇арид̇ваа нибаж̇ж̇им̣су, г̇анд̇хад̇злаббад̣̇ийбаа жхааяанд̇и. б̣од̇хисад̇д̇о баб̣уж̇жхид̇ваа саяанабидтз баллан̇гзна нисинно ад̣̇д̣̇аса д̇аа ид̇т̇ияо д̇уурияабхан̣д̣аани авад̇т̇арид̇ваа нид̣̇д̣̇ааяанд̇ияо – згажжаа баг̇гхарид̇акзл̣аа, лаалаагилиннаг̇ад̇д̇аа, згажжаа д̣̇анд̇з каад̣̇анд̇ияо, згажжаа гаагажчанд̇ияо, згажжаа виббалабанд̇ияо, згажжаа вивадамукаа, згажжаа абаг̇ад̇авад̇т̇аа, баагадаб̣ийбхажчасамб̣аад̇хадтаанаа. со д̇аасам̣ д̇ам̣ виббагаарам̣ д̣̇исваа бхияяосомад̇д̇ааяа гаамзсу вирад̇д̇ажид̇д̇о ахоси. д̇асса алан̇гад̇абадияад̇д̇ам̣ саггабхаванасад̣̇исамби д̇ам̣ махаад̇алам̣ абавид̣̇д̇ханаанаагун̣абабхарид̇ам̣ аамагасусаанам̣ вияа убадтааси, д̇аяо бхаваа аад̣̇ид̇д̇аг̇зхасад̣̇исаа кааяим̣су – ‘‘убад̣̇д̣̇уд̇ам̣ вад̇а бхо, убассадтам̣ вад̇а бхо’’д̇и уд̣̇аанам̣ бавад̇д̇зси, ад̇ивияа баб̣б̣аж̇ж̇ааяа жид̇д̇ам̣ нами.

    Bodhisattopi mahantena sirisobhaggena attano pāsādaṃ abhiruhitvā sirisayane nipajji. Tāvadeva ca naṃ sabbālaṅkārapaṭimaṇḍitā naccagītādīsu susikkhitā devakaññā viya rūpasobhaggappattā itthiyo nānātūriyāni gahetvā samparivārayitvā abhiramāpentiyo naccagītavāditāni payojayiṃsu. Bodhisatto kilesesu virattacittatāya naccādīsu anabhirato muhuttaṃ niddaṃ okkami. Tāpi itthiyo ‘‘yassatthāya mayaṃ naccādīni payojema, so niddaṃ upagato, idāni kimatthaṃ kilamāmā’’ti gahitaggahitāni tūriyāni ajjhottharitvā nipajjiṃsu, gandhatelappadīpā jhāyanti. Bodhisatto pabujjhitvā sayanapiṭṭhe pallaṅkena nisinno addasa tā itthiyo tūriyabhaṇḍāni avattharitvā niddāyantiyo – ekaccā paggharitakheḷā, lālākilinnagattā, ekaccā dante khādantiyo, ekaccā kākacchantiyo, ekaccā vippalapantiyo, ekaccā vivaṭamukhā, ekaccā apagatavatthā, pākaṭabībhacchasambādhaṭṭhānā. So tāsaṃ taṃ vippakāraṃ disvā bhiyyosomattāya kāmesu virattacitto ahosi. Tassa alaṅkatapaṭiyattaṃ sakkabhavanasadisampi taṃ mahātalaṃ apaviddhanānākuṇapabharitaṃ āmakasusānaṃ viya upaṭṭhāsi, tayo bhavā ādittagehasadisā khāyiṃsu – ‘‘upaddutaṃ vata bho, upassaṭṭhaṃ vata bho’’ti udānaṃ pavattesi, ativiya pabbajjāya cittaṃ nami.

    со ‘‘аж̇ж̇зва маяаа махаабхинигкаманам̣ нигкамид̇ум̣ ваддад̇ий’’д̇и саяанаа удтааяа д̣̇ваарасамийбам̣ г̇анд̇ваа ‘‘го зд̇т̇аа’’д̇и ааха. уммаарз сийсам̣ гад̇ваа нибанно чанно ‘‘ахам̣ аяяабуд̇д̇а чанно’’д̇и ааха. ‘‘ахам̣ аж̇ж̇а махаабхинигкаманам̣ нигкамид̇угаамо, згам̣ мз ассам̣ габбзхий’’д̇и ааха. со ‘‘саад̇ху д̣̇зваа’’д̇и ассабхан̣д̣игам̣ г̇ахзд̇ваа ассасаалам̣ г̇анд̇ваа г̇анд̇хад̇злабад̣̇ийбзсу ж̇аланд̇зсу суманабаддавид̇аанасса хздтаа раман̣ийяз бхуумибхааг̇з тид̇ам̣ ган̣д̣агам̣ ассарааж̇аанам̣ д̣̇исваа ‘‘аж̇ж̇а маяаа имамзва габбзд̇ум̣ ваддад̇ий’’д̇и ган̣д̣агам̣ габбзси. со габбияамаанова ан̃н̃ааси ‘‘аяам̣ габбанаа ад̇иг̇аал̣хаа , ан̃н̃зсу д̣̇ивасзсу уяяаанагийл̣аад̣̇иг̇аманз габбанаа вияа на ход̇и, маяхам̣ аяяабуд̇д̇о аж̇ж̇а махаабхинигкаманам̣ нигкамид̇угаамо бхависсад̇ий’’д̇и. д̇ад̇о д̇удтамаанасо махаахасид̇ам̣ хаси. со сад̣̇д̣̇о сагаланаг̇арам̣ бад̇т̇арид̇ваа г̇ажчзяяа, д̣̇звад̇аа бана д̇ам̣ сад̣̇д̣̇ам̣ нирумбхид̇ваа на гассажи сод̇ум̣ ад̣̇ам̣су.

    So ‘‘ajjeva mayā mahābhinikkhamanaṃ nikkhamituṃ vaṭṭatī’’ti sayanā uṭṭhāya dvārasamīpaṃ gantvā ‘‘ko etthā’’ti āha. Ummāre sīsaṃ katvā nipanno channo ‘‘ahaṃ ayyaputta channo’’ti āha. ‘‘Ahaṃ ajja mahābhinikkhamanaṃ nikkhamitukāmo, ekaṃ me assaṃ kappehī’’ti āha. So ‘‘sādhu devā’’ti assabhaṇḍikaṃ gahetvā assasālaṃ gantvā gandhatelapadīpesu jalantesu sumanapaṭṭavitānassa heṭṭhā ramaṇīye bhūmibhāge ṭhitaṃ kaṇḍakaṃ assarājānaṃ disvā ‘‘ajja mayā imameva kappetuṃ vaṭṭatī’’ti kaṇḍakaṃ kappesi. So kappiyamānova aññāsi ‘‘ayaṃ kappanā atigāḷhā , aññesu divasesu uyyānakīḷādigamane kappanā viya na hoti, mayhaṃ ayyaputto ajja mahābhinikkhamanaṃ nikkhamitukāmo bhavissatī’’ti. Tato tuṭṭhamānaso mahāhasitaṃ hasi. So saddo sakalanagaraṃ pattharitvā gaccheyya, devatā pana taṃ saddaṃ nirumbhitvā na kassaci sotuṃ adaṃsu.

    б̣од̇хисад̇д̇оби ко чаннам̣ бзсзд̇ваава ‘‘буд̇д̇ам̣ д̇аава бассиссаамий’’д̇и жинд̇зд̇ваа нисиннабаллан̇гад̇о удтааяа раахуламаад̇ааяа васанадтаанам̣ г̇анд̇ваа г̇аб̣бхад̣̇ваарам̣ вивари. д̇асмим̣ кан̣з анд̇ог̇аб̣бхз г̇анд̇хад̇злабад̣̇ийбо жхааяад̇и, раахуламаад̇аа суманамаллигаад̣̇ийнам̣ бубпаанам̣ амб̣ан̣амад̇д̇зна абхиббагин̣н̣асаяанз буд̇д̇асса мад̇т̇агз хад̇т̇ам̣ табзд̇ваа нид̣̇д̣̇ааяад̇и. б̣од̇хисад̇д̇о уммаарз баад̣̇ам̣ табзд̇ваа тид̇агова ологзд̇ваа ‘‘сажаахам̣ д̣̇звияаа хад̇т̇ам̣ абанзд̇ваа мама буд̇д̇ам̣ г̇ан̣хиссаами, д̣̇звий баб̣уж̇жхиссад̇и, звам̣ мз г̇амананд̇арааяо бхависсад̇и, б̣уд̣̇д̇хо худ̇ваава ааг̇анд̇ваа буд̇д̇ам̣ бассиссаамий’’д̇и баасаад̣̇ад̇алад̇о од̇ари. яам̣ бана ж̇аад̇агадтагат̇ааяам̣ ‘‘д̇ад̣̇аа сад̇д̇аахаж̇аад̇о раахулагумааро ход̇ий’’д̇и вуд̇д̇ам̣, д̇ам̣ сзсадтагат̇аасу над̇т̇и, д̇асмаа ид̣̇амзва г̇ахзд̇аб̣б̣ам̣.

    Bodhisattopi kho channaṃ pesetvāva ‘‘puttaṃ tāva passissāmī’’ti cintetvā nisinnapallaṅkato uṭṭhāya rāhulamātāya vasanaṭṭhānaṃ gantvā gabbhadvāraṃ vivari. Tasmiṃ khaṇe antogabbhe gandhatelapadīpo jhāyati, rāhulamātā sumanamallikādīnaṃ pupphānaṃ ambaṇamattena abhippakiṇṇasayane puttassa matthake hatthaṃ ṭhapetvā niddāyati. Bodhisatto ummāre pādaṃ ṭhapetvā ṭhitakova oloketvā ‘‘sacāhaṃ deviyā hatthaṃ apanetvā mama puttaṃ gaṇhissāmi, devī pabujjhissati, evaṃ me gamanantarāyo bhavissati, buddho hutvāva āgantvā puttaṃ passissāmī’’ti pāsādatalato otari. Yaṃ pana jātakaṭṭhakathāyaṃ ‘‘tadā sattāhajāto rāhulakumāro hotī’’ti vuttaṃ, taṃ sesaṭṭhakathāsu natthi, tasmā idameva gahetabbaṃ.

    звам̣ б̣од̇хисад̇д̇о баасаад̣̇ад̇алаа од̇арид̇ваа ассасамийбам̣ г̇анд̇ваа звамааха – ‘‘д̇аад̇а ган̣д̣ага, д̇вам̣ аж̇ж̇а згарад̇д̇им̣ мам̣ д̇аараяа, ахам̣ д̇ам̣ ниссааяа б̣уд̣̇д̇хо худ̇ваа сад̣̇звагам̣ логам̣ д̇аарзссаамий’’д̇и. д̇ад̇о уллан̇гхид̇ваа ган̣д̣агасса бидтим̣ абхирухи. ган̣д̣аго г̇ийвад̇о бадтааяа ааяаамзна адтаарасахад̇т̇о ход̇и д̇ад̣̇анужчавигзна уб̣б̣зд̇хзна саманнааг̇ад̇о т̇аамаж̇авасамбанно саб̣б̣асзд̇о д̇ход̇асан̇касад̣̇исо. со сажз хасзяяа ваа бад̣̇асад̣̇д̣̇ам̣ ваа гарзяяа, сад̣̇д̣̇о сагаланаг̇арам̣ авад̇т̇арзяяа. д̇асмаа д̣̇звад̇аа ад̇д̇ано аанубхаавзна д̇асса яат̇аа на гожи сун̣аад̇и, звам̣ хасид̇асад̣̇д̣̇ам̣ саннирумбхид̇ваа аггаманааггаманабад̣̇аваарз хад̇т̇ад̇алаани убанаамзсум̣. б̣од̇хисад̇д̇о ассаварасса бидтивзмаж̇жхаг̇ад̇о чаннам̣ ассасса ваалад̇хим̣ г̇аахаабзд̇ваа ад̣дхарад̇д̇асамаяз махаад̣̇ваарасамийбам̣ бад̇д̇о. д̇ад̣̇аа бана рааж̇аа ‘‘звам̣ б̣од̇хисад̇д̇о яааяа гааяажи взлааяа наг̇арад̣̇ваарам̣ виварид̇ваа нигкамид̇ум̣ на сагкиссад̇ий’’д̇и д̣̇вийсу д̣̇ваарагаваадзсу згзгам̣ бурисасахассзна виварид̇аб̣б̣ам̣ гаараабзси. б̣од̇хисад̇д̇о т̇аамаб̣аласамбанно, хад̇т̇иг̇ан̣анааяа годисахассахад̇т̇ийнам̣ б̣алам̣ д̇хаарзд̇и, бурисаг̇ан̣анааяа д̣̇асагодисахассабурисаанам̣ . со жинд̇зси ‘‘сажз д̣̇ваарам̣ на виварийяад̇и, аж̇ж̇а ган̣д̣агасса бидтз нисиннова ваалад̇хим̣ г̇ахзд̇ваа тид̇зна чаннзна сад̣̇д̇хим̣язва ган̣д̣агам̣ ууруухи ниббийл̣зд̇ваа адтаарасахад̇т̇уб̣б̣зд̇хам̣ баагаарам̣ уббад̇ид̇ваа ад̇иггамиссаамий’’д̇и. чанноби жинд̇зси ‘‘сажз д̣̇ваарам̣ на виварийяад̇и, ахам̣ аяяабуд̇д̇ам̣ канд̇хз нисийд̣̇аабзд̇ваа ган̣д̣агам̣ д̣̇агкин̣зна хад̇т̇зна гужчияам̣ баригкибанд̇о убагажчанд̇арз гад̇ваа баагаарам̣ уббад̇ид̇ваа ад̇иггамиссаамий’’д̇и. ган̣д̣агоби жинд̇зси ‘‘сажз д̣̇ваарам̣ на виварийяад̇и, ахам̣ ад̇д̇ано саамигам̣ бидтияам̣ яат̇аанисиннамзва чаннзна ваалад̇хим̣ г̇ахзд̇ваа тид̇зна сад̣̇д̇хим̣язва угкибид̇ваа баагаарам̣ уббад̇ид̇ваа ад̇иггамиссаамий’’д̇и. сажз д̣̇ваарам̣ на аваабурийяид̇т̇а, яат̇аажинд̇ид̇амзва д̇зсу д̇ийсу ж̇анзсу ан̃н̃ад̇аро самбаад̣̇зяяа. д̣̇ваарз ад̇хивад̇т̇аа д̣̇звад̇аа бана д̣̇ваарам̣ вивари.

    Evaṃ bodhisatto pāsādatalā otaritvā assasamīpaṃ gantvā evamāha – ‘‘tāta kaṇḍaka, tvaṃ ajja ekarattiṃ maṃ tāraya, ahaṃ taṃ nissāya buddho hutvā sadevakaṃ lokaṃ tāressāmī’’ti. Tato ullaṅghitvā kaṇḍakassa piṭṭhiṃ abhiruhi. Kaṇḍako gīvato paṭṭhāya āyāmena aṭṭhārasahattho hoti tadanucchavikena ubbedhena samannāgato thāmajavasampanno sabbaseto dhotasaṅkhasadiso. So sace haseyya vā padasaddaṃ vā kareyya, saddo sakalanagaraṃ avatthareyya. Tasmā devatā attano ānubhāvena tassa yathā na koci suṇāti, evaṃ hasitasaddaṃ sannirumbhitvā akkamanaakkamanapadavāre hatthatalāni upanāmesuṃ. Bodhisatto assavarassa piṭṭhivemajjhagato channaṃ assassa vāladhiṃ gāhāpetvā aḍḍharattasamaye mahādvārasamīpaṃ patto. Tadā pana rājā ‘‘evaṃ bodhisatto yāya kāyaci velāya nagaradvāraṃ vivaritvā nikkhamituṃ na sakkhissatī’’ti dvīsu dvārakavāṭesu ekekaṃ purisasahassena vivaritabbaṃ kārāpesi. Bodhisatto thāmabalasampanno, hatthigaṇanāya koṭisahassahatthīnaṃ balaṃ dhāreti, purisagaṇanāya dasakoṭisahassapurisānaṃ . So cintesi ‘‘sace dvāraṃ na vivarīyati, ajja kaṇḍakassa piṭṭhe nisinnova vāladhiṃ gahetvā ṭhitena channena saddhiṃyeva kaṇḍakaṃ ūrūhi nippīḷetvā aṭṭhārasahatthubbedhaṃ pākāraṃ uppatitvā atikkamissāmī’’ti. Channopi cintesi ‘‘sace dvāraṃ na vivarīyati, ahaṃ ayyaputtaṃ khandhe nisīdāpetvā kaṇḍakaṃ dakkhiṇena hatthena kucchiyaṃ parikkhipanto upakacchantare katvā pākāraṃ uppatitvā atikkamissāmī’’ti. Kaṇḍakopi cintesi ‘‘sace dvāraṃ na vivarīyati, ahaṃ attano sāmikaṃ piṭṭhiyaṃ yathānisinnameva channena vāladhiṃ gahetvā ṭhitena saddhiṃyeva ukkhipitvā pākāraṃ uppatitvā atikkamissāmī’’ti. Sace dvāraṃ na avāpurīyittha, yathācintitameva tesu tīsu janesu aññataro sampādeyya. Dvāre adhivatthā devatā pana dvāraṃ vivari.

    д̇асмим̣язва кан̣з мааро ‘‘б̣од̇хисад̇д̇ам̣ нивад̇д̇зссаамий’’д̇и ааг̇анд̇ваа аагаасз тид̇о ааха – ‘‘маариса, маа нигкама, ид̇о д̇з сад̇д̇амз д̣̇ивасз жаггарад̇анам̣ баад̇убхависсад̇и, д̣̇висахассабарид̇д̇ад̣̇ийбабариваараанам̣ жад̇уннам̣ махаад̣̇ийбаанам̣ раж̇ж̇ам̣ гаарзссаси, нивад̇д̇а маарисаа’’д̇и. ‘‘госи д̇ва’’нд̇и? ‘‘ахам̣ васавад̇д̇ий’’д̇и. ‘‘маара, ж̇аанаамахам̣ маяхам̣ жаггарад̇анасса баад̇убхаавам̣, анад̇т̇игохам̣ раж̇ж̇зна, д̣̇асасахассилогад̇хаад̇ум̣ уннаад̣̇зд̇ваа б̣уд̣̇д̇хо бхависсаамий’’д̇и ааха. мааро ‘‘ид̇о д̣̇аани д̇з бадтааяа гаамавид̇аггам̣ ваа б̣яаабаад̣̇авид̇аггам̣ ваа вихим̣саавид̇аггам̣ ваа жинд̇ид̇агаалз ж̇ааниссаамий’’д̇и од̇аараабзгко чааяаа вияа анабаг̇ажчанд̇о ануб̣анд̇хи.

    Tasmiṃyeva khaṇe māro ‘‘bodhisattaṃ nivattessāmī’’ti āgantvā ākāse ṭhito āha – ‘‘mārisa, mā nikkhama, ito te sattame divase cakkaratanaṃ pātubhavissati, dvisahassaparittadīpaparivārānaṃ catunnaṃ mahādīpānaṃ rajjaṃ kāressasi, nivatta mārisā’’ti. ‘‘Kosi tva’’nti? ‘‘Ahaṃ vasavattī’’ti. ‘‘Māra, jānāmahaṃ mayhaṃ cakkaratanassa pātubhāvaṃ, anatthikohaṃ rajjena, dasasahassilokadhātuṃ unnādetvā buddho bhavissāmī’’ti āha. Māro ‘‘ito dāni te paṭṭhāya kāmavitakkaṃ vā byāpādavitakkaṃ vā vihiṃsāvitakkaṃ vā cintitakāle jānissāmī’’ti otārāpekkho chāyā viya anapagacchanto anubandhi.

    б̣од̇хисад̇д̇оби хад̇т̇аг̇ад̇ам̣ жаггавад̇д̇ираж̇ж̇ам̣ кзл̣абин̣д̣ам̣ вияа анабзгко чад̣д̣зд̇ваа маханд̇зна саггаарзна наг̇араа нигками аасаал̣хибун̣н̣амааяа уд̇д̇араасаал̣ханагкад̇д̇з вад̇д̇амаанз. нигкамид̇ваа жа буна наг̇арам̣ ологзд̇угаамо ж̇аад̇о. зван̃жа банасса жид̇д̇з уббаннамад̇д̇зязва ‘‘махаабуриса, на д̇аяаа нивад̇д̇ид̇ваа ологанагаммам̣ гад̇а’’нд̇и вад̣̇амаанаа вияа махаабат̇авий гулаалажаггам̣ вияа бхиж̇ж̇ид̇ваа баривад̇д̇и. б̣од̇хисад̇д̇о наг̇араабхимуко тад̇ваа наг̇арам̣ ологзд̇ваа д̇асмим̣ бат̇авиббад̣̇зсз ган̣д̣аганивад̇д̇анажзд̇ияадтаанам̣ д̣̇ассзд̇ваа г̇анд̇аб̣б̣амаг̇г̇аабхимукам̣ ган̣д̣агам̣ гад̇ваа бааяааси маханд̇зна саггаарзна ул̣аарзна сирисобхаг̇г̇зна. д̇ад̣̇аа гирасса д̣̇звад̇аа бурад̇о садти уггаасахассаани д̇хаараяим̣су, бажчад̇о садти, д̣̇агкин̣абассад̇о садти, ваамабассад̇о садти, абараа д̣̇звад̇аа жаггаваал̣амукаваддияам̣ абаримаан̣аа уггаа д̇хаараяим̣су, абараа д̣̇звад̇аа жа нааг̇асубан̣н̣аад̣̇аяо жа д̣̇иб̣б̣зхи г̇анд̇хзхи маалаахи жун̣н̣зхи д̇хуумзхи бууж̇аяамаанаа г̇ажчанд̇и. баарижчад̇д̇агабубпзхи жзва манд̣̇ааравабубпзхи жа гханамзгхавудтигаалз д̇хаараахи вияа набхам̣ ниранд̇арам̣ ахоси, д̣̇иб̣б̣аани сам̣г̇ийд̇аани бавад̇д̇им̣су , саманд̇ад̇о адтасадти д̇уурияасад̇асахассаани баваж̇ж̇им̣су, самуд̣̇д̣̇агужчияам̣ мзгхад̇т̇анид̇агаало вияа яуг̇анд̇харагужчияам̣ сааг̇араниг̇гхосагаало вияа вад̇д̇ад̇и.

    Bodhisattopi hatthagataṃ cakkavattirajjaṃ kheḷapiṇḍaṃ viya anapekkho chaḍḍetvā mahantena sakkārena nagarā nikkhami āsāḷhipuṇṇamāya uttarāsāḷhanakkhatte vattamāne. Nikkhamitvā ca puna nagaraṃ oloketukāmo jāto. Evañca panassa citte uppannamatteyeva ‘‘mahāpurisa, na tayā nivattitvā olokanakammaṃ kata’’nti vadamānā viya mahāpathavī kulālacakkaṃ viya bhijjitvā parivatti. Bodhisatto nagarābhimukho ṭhatvā nagaraṃ oloketvā tasmiṃ pathavippadese kaṇḍakanivattanacetiyaṭṭhānaṃ dassetvā gantabbamaggābhimukhaṃ kaṇḍakaṃ katvā pāyāsi mahantena sakkārena uḷārena sirisobhaggena. Tadā kirassa devatā purato saṭṭhi ukkāsahassāni dhārayiṃsu, pacchato saṭṭhi, dakkhiṇapassato saṭṭhi, vāmapassato saṭṭhi, aparā devatā cakkavāḷamukhavaṭṭiyaṃ aparimāṇā ukkā dhārayiṃsu, aparā devatā ca nāgasupaṇṇādayo ca dibbehi gandhehi mālāhi cuṇṇehi dhūmehi pūjayamānā gacchanti. Pāricchattakapupphehi ceva mandāravapupphehi ca ghanameghavuṭṭhikāle dhārāhi viya nabhaṃ nirantaraṃ ahosi, dibbāni saṃgītāni pavattiṃsu , samantato aṭṭhasaṭṭhi tūriyasatasahassāni pavajjiṃsu, samuddakucchiyaṃ meghatthanitakālo viya yugandharakucchiyaṃ sāgaranigghosakālo viya vattati.

    иминаа сирисобхаг̇г̇зна г̇ажчанд̇о б̣од̇хисад̇д̇о згарад̇д̇знзва д̇ийн̣и раж̇ж̇аани ад̇иггамма д̇им̣саяож̇анамад̇т̇агз аномаанад̣̇ийд̇ийрам̣ баабун̣и. ‘‘гим̣ бана ассо д̇ад̇о барам̣ г̇анд̇ум̣ на саггод̇ий’’д̇и? ‘‘но, на сагго’’д̇и. со хи згам̣ жаггаваал̣аг̇аб̣бхам̣ наабхияаа тид̇ажаггасса нзмиваддим̣ мад̣̇д̣̇анд̇о вияа анд̇анд̇зна жарид̇ваа бурзбаад̇араасамзва ааг̇анд̇ваа ад̇д̇ано самбаад̣̇ид̇ам̣ бхад̇д̇ам̣ бхун̃ж̇ид̇ум̣ самад̇т̇о. д̇ад̣̇аа бана д̣̇званааг̇асубан̣н̣аад̣̇ийхи аагаасз тад̇ваа оссадтзхи г̇анд̇хамаалаад̣̇ийхи яаава ууруббад̣̇зсаа сан̃чаннам̣ сарийрам̣ аагад̣дхид̇ваа г̇анд̇хамаалааж̇адам̣ чинд̣̇анд̇асса ад̇иббабан̃жо ахоси, д̇асмаа д̇им̣саяож̇анамад̇д̇амзва аг̇амааси. ат̇а б̣од̇хисад̇д̇о над̣̇ийд̇ийрз тад̇ваа чаннам̣ бужчи – ‘‘гиннаамаа аяам̣ над̣̇ий’’д̇и? ‘‘аномаа наама, д̣̇зваа’’д̇и. ‘‘амхаагамби баб̣б̣аж̇ж̇аа аномаа бхависсад̇ий’’д̇и бан̣хияаа гхаддзнд̇о ассасса сан̃н̃ам̣ ад̣̇ааси. ассо уббад̇ид̇ваа адтуусабхавид̇т̇аарааяа над̣̇ияаа бааримад̇ийрз адтааси.

    Iminā sirisobhaggena gacchanto bodhisatto ekaratteneva tīṇi rajjāni atikkamma tiṃsayojanamatthake anomānadītīraṃ pāpuṇi. ‘‘Kiṃ pana asso tato paraṃ gantuṃ na sakkotī’’ti? ‘‘No, na sakko’’ti. So hi ekaṃ cakkavāḷagabbhaṃ nābhiyā ṭhitacakkassa nemivaṭṭiṃ maddanto viya antantena caritvā purepātarāsameva āgantvā attano sampāditaṃ bhattaṃ bhuñjituṃ samattho. Tadā pana devanāgasupaṇṇādīhi ākāse ṭhatvā ossaṭṭhehi gandhamālādīhi yāva ūruppadesā sañchannaṃ sarīraṃ ākaḍḍhitvā gandhamālājaṭaṃ chindantassa atippapañco ahosi, tasmā tiṃsayojanamattameva agamāsi. Atha bodhisatto nadītīre ṭhatvā channaṃ pucchi – ‘‘kinnāmā ayaṃ nadī’’ti? ‘‘Anomā nāma, devā’’ti. ‘‘Amhākampi pabbajjā anomā bhavissatī’’ti paṇhiyā ghaṭṭento assassa saññaṃ adāsi. Asso uppatitvā aṭṭhūsabhavitthārāya nadiyā pārimatīre aṭṭhāsi.

    б̣од̇хисад̇д̇о ассабидтид̇о оруяха раж̇ад̇абаддасад̣̇исз ваалугаабулинз тад̇ваа чаннам̣ ааманд̇зси – ‘‘самма, чанна, д̇вам̣ маяхам̣ аабхаран̣аани жзва ган̣д̣аган̃жа аад̣̇ааяа г̇ажча, ахам̣ баб̣б̣аж̇иссаамий’’д̇и. ‘‘ахамби, д̣̇зва, баб̣б̣аж̇иссаамий’’д̇и. б̣од̇хисад̇д̇о ‘‘на лаб̣бхаа д̇аяаа баб̣б̣аж̇ид̇ум̣, г̇ажча д̇ва’’нд̇и д̇игкад̇д̇ум̣ бадиб̣аахид̇ваа аабхаран̣аани жзва ган̣д̣аган̃жа бадижчаабзд̇ваа жинд̇зси ‘‘имз маяхам̣ гзсаа саман̣асааруббаа на хонд̇ий’’д̇и. ан̃н̃о б̣од̇хисад̇д̇асса гзсз чинд̣̇ид̇ум̣ яуд̇д̇аруубо над̇т̇и, д̇ад̇о ‘‘саяамзва каг̇г̇зна чинд̣̇иссаамий’’д̇и д̣̇агкин̣зна хад̇т̇зна асим̣ г̇ан̣хид̇ваа ваамахад̇т̇зна мол̣ияаа сад̣̇д̇хим̣ жуул̣ам̣ г̇ахзд̇ваа чинд̣̇и, гзсаа д̣̇ван̇г̇уламад̇д̇аа худ̇ваа д̣̇агкин̣ад̇о аавад̇д̇амаанаа сийсам̣ аллийяим̣су. д̇зсам̣ яааваж̇ийвам̣ д̇ад̣̇зва бамаан̣ам̣ ахоси, массу жа д̇ад̣̇ануруубам̣, буна гзсамассуохааран̣агижжам̣ наама наахоси. б̣од̇хисад̇д̇о саха мол̣ияаа жул̣ам̣ г̇ахзд̇ваа ‘‘сажаахам̣ б̣уд̣̇д̇хо бхависсаами, аагаасз д̇идтад̇у, но жз, бхуумияам̣ бад̇ад̇уу’’д̇и анд̇алигкз киби. д̇ам̣ жуул̣ааман̣ивзтанам̣ яож̇анаббамаан̣ам̣ таанам̣ г̇анд̇ваа аагаасз адтааси. сагго д̣̇зварааж̇аа д̣̇иб̣б̣ажагкунаа ологзд̇ваа яож̇анияарад̇анажан̇годагзна самбадижчид̇ваа д̇аавад̇им̣сабхаванз жуул̣ааман̣ижзд̇ияам̣ наама бад̇идтаабзси.

    Bodhisatto assapiṭṭhito oruyha rajatapaṭṭasadise vālukāpuline ṭhatvā channaṃ āmantesi – ‘‘samma, channa, tvaṃ mayhaṃ ābharaṇāni ceva kaṇḍakañca ādāya gaccha, ahaṃ pabbajissāmī’’ti. ‘‘Ahampi, deva, pabbajissāmī’’ti. Bodhisatto ‘‘na labbhā tayā pabbajituṃ, gaccha tva’’nti tikkhattuṃ paṭibāhitvā ābharaṇāni ceva kaṇḍakañca paṭicchāpetvā cintesi ‘‘ime mayhaṃ kesā samaṇasāruppā na hontī’’ti. Añño bodhisattassa kese chindituṃ yuttarūpo natthi, tato ‘‘sayameva khaggena chindissāmī’’ti dakkhiṇena hatthena asiṃ gaṇhitvā vāmahatthena moḷiyā saddhiṃ cūḷaṃ gahetvā chindi, kesā dvaṅgulamattā hutvā dakkhiṇato āvattamānā sīsaṃ allīyiṃsu. Tesaṃ yāvajīvaṃ tadeva pamāṇaṃ ahosi, massu ca tadanurūpaṃ, puna kesamassuohāraṇakiccaṃ nāma nāhosi. Bodhisatto saha moḷiyā cuḷaṃ gahetvā ‘‘sacāhaṃ buddho bhavissāmi, ākāse tiṭṭhatu, no ce, bhūmiyaṃ patatū’’ti antalikkhe khipi. Taṃ cūḷāmaṇiveṭhanaṃ yojanappamāṇaṃ ṭhānaṃ gantvā ākāse aṭṭhāsi. Sakko devarājā dibbacakkhunā oloketvā yojaniyaratanacaṅkoṭakena sampaṭicchitvā tāvatiṃsabhavane cūḷāmaṇicetiyaṃ nāma patiṭṭhāpesi.

    ‘‘чзд̇ваана мол̣им̣ вараг̇анд̇хаваасид̇ам̣, взхааяасам̣ угкиби аг̇г̇абуг̇г̇ало;

    ‘‘Chetvāna moḷiṃ varagandhavāsitaṃ, vehāyasaṃ ukkhipi aggapuggalo;

    сахассанзд̇д̇о сирасаа бадиг̇г̇ахи, суван̣н̣ажан̇годаварзна ваасаво’’д̇и.

    Sahassanetto sirasā paṭiggahi, suvaṇṇacaṅkoṭavarena vāsavo’’ti.

    буна б̣од̇хисад̇д̇о жинд̇зси ‘‘имаани гаасигавад̇т̇аани маяхам̣ на саман̣асааруббааний’’д̇и. ат̇асса гассабаб̣уд̣̇д̇хагаалз бураан̣асахааяаго гхадийгаарамахааб̣рахмаа згам̣ б̣уд̣̇д̇ханд̇арам̣ ж̇арам̣ абад̇д̇зна мид̇д̇абхаавзна жинд̇зси – ‘‘аж̇ж̇а мз сахааяаго махаабхинигкаманам̣ нигканд̇о, саман̣абаригкаарамасса г̇ахзд̇ваа г̇ажчиссаамий’’д̇и.

    Puna bodhisatto cintesi ‘‘imāni kāsikavatthāni mayhaṃ na samaṇasāruppānī’’ti. Athassa kassapabuddhakāle purāṇasahāyako ghaṭīkāramahābrahmā ekaṃ buddhantaraṃ jaraṃ apattena mittabhāvena cintesi – ‘‘ajja me sahāyako mahābhinikkhamanaṃ nikkhanto, samaṇaparikkhāramassa gahetvā gacchissāmī’’ti.

    ‘‘д̇ижийваран̃жа бад̇д̇о жа, ваасий суужи жа б̣анд̇ханам̣;

    ‘‘Ticīvarañca patto ca, vāsī sūci ca bandhanaṃ;

    бариссааванзна адтзд̇з, яуд̇д̇аяог̇асса бхигкуно’’д̇и. –

    Parissāvanena aṭṭhete, yuttayogassa bhikkhuno’’ti. –

    имз адта саман̣абаригкаарз аахарид̇ваа ад̣̇ааси. б̣од̇хисад̇д̇о арахад̣̇д̇хаж̇ам̣ ниваасзд̇ваа уд̇д̇амабаб̣б̣аж̇ж̇аавзсам̣ г̇ан̣хид̇ваа ‘‘чанна, мама важанзна маад̇аабид̇уунам̣ аарог̇яам̣ вад̣̇зхий’’д̇и вад̇ваа уяяож̇зси. чанно б̣од̇хисад̇д̇ам̣ ванд̣̇ид̇ваа бад̣̇агкин̣ам̣ гад̇ваа баггаами. ган̣д̣аго бана чаннзна сад̣̇д̇хим̣ манд̇аяамаанасса б̣од̇хисад̇д̇асса важанам̣ сун̣анд̇о тад̇ваа ‘‘над̇т̇и д̣̇аани маяхам̣ буна саамино д̣̇ассана’’нд̇и жагкубат̇ам̣ виж̇аханд̇о согам̣ ад̇хиваасзд̇ум̣ асаггонд̇о хад̣̇аязна палид̇зна гаалам̣ гад̇ваа д̇аавад̇им̣сабхаванз ган̣д̣аго наама д̣̇звабуд̇д̇о худ̇ваа ниб̣б̣ад̇д̇и. чаннасса батамам̣ згова сого ахоси, ган̣д̣агасса бана гаалагирияааяа д̣̇уд̇иязна согзна бийл̣ид̇о род̣̇анд̇о барид̣̇званд̇о наг̇арам̣ аг̇амааси.

    Ime aṭṭha samaṇaparikkhāre āharitvā adāsi. Bodhisatto arahaddhajaṃ nivāsetvā uttamapabbajjāvesaṃ gaṇhitvā ‘‘channa, mama vacanena mātāpitūnaṃ ārogyaṃ vadehī’’ti vatvā uyyojesi. Channo bodhisattaṃ vanditvā padakkhiṇaṃ katvā pakkāmi. Kaṇḍako pana channena saddhiṃ mantayamānassa bodhisattassa vacanaṃ suṇanto ṭhatvā ‘‘natthi dāni mayhaṃ puna sāmino dassana’’nti cakkhupathaṃ vijahanto sokaṃ adhivāsetuṃ asakkonto hadayena phalitena kālaṃ katvā tāvatiṃsabhavane kaṇḍako nāma devaputto hutvā nibbatti. Channassa paṭhamaṃ ekova soko ahosi, kaṇḍakassa pana kālakiriyāya dutiyena sokena pīḷito rodanto paridevanto nagaraṃ agamāsi.

    б̣од̇хисад̇д̇оби баб̣б̣аж̇ид̇ваа д̇асмим̣язва бад̣̇зсз анубияам̣ наама амб̣аванам̣ ад̇т̇и, д̇ад̇т̇а сад̇д̇аахам̣ баб̣б̣аж̇ж̇аасукзна вийд̇инаамзд̇ваа згад̣̇ивасзнзва д̇им̣саяож̇анамаг̇г̇ам̣ бад̣̇асаа г̇анд̇ваа рааж̇аг̇ахам̣ баависи. бависид̇ваа сабад̣̇аанам̣ бин̣д̣ааяа жари. сагаланаг̇арам̣ б̣од̇хисад̇д̇асса руубад̣̇ассанзна д̇ханабаалагзна бавидтарааж̇аг̇ахам̣ вияа асуринд̣̇зна бавидтад̣̇званаг̇арам̣ вияа жа сан̇кобхам̣ аг̇амааси. рааж̇абурисаа г̇анд̇ваа ‘‘д̣̇зва, зваруубо наама сад̇д̇о наг̇арз бин̣д̣ааяа жарад̇и, ‘д̣̇зво ваа мануссо ваа нааг̇о ваа субан̣н̣о ваа го наамзсо’д̇и на ж̇аанаамаа’’д̇и аарожзсум̣. рааж̇аа баасаад̣̇ад̇алз тад̇ваа махаабурисам̣ д̣̇исваа ажчарияаб̣бхуд̇аж̇аад̇о бурисз аан̣аабзси – ‘‘г̇ажчат̇а бхан̣з, виймам̣сат̇а, сажз амануссо бхависсад̇и, наг̇араа нигкамид̇ваа анд̇арад̇хааяиссад̇и, сажз д̣̇звад̇аа бхависсад̇и, аагаасзна г̇ажчиссад̇и, сажз нааг̇о бхависсад̇и, бат̇авияам̣ нимуж̇ж̇ид̇ваа г̇амиссад̇и, сажз мануссо бхависсад̇и, яат̇аалад̣̇д̇хам̣ бхигкам̣ барибхун̃ж̇иссад̇ий’’д̇и.

    Bodhisattopi pabbajitvā tasmiṃyeva padese anupiyaṃ nāma ambavanaṃ atthi, tattha sattāhaṃ pabbajjāsukhena vītināmetvā ekadivaseneva tiṃsayojanamaggaṃ padasā gantvā rājagahaṃ pāvisi. Pavisitvā sapadānaṃ piṇḍāya cari. Sakalanagaraṃ bodhisattassa rūpadassanena dhanapālakena paviṭṭharājagahaṃ viya asurindena paviṭṭhadevanagaraṃ viya ca saṅkhobhaṃ agamāsi. Rājapurisā gantvā ‘‘deva, evarūpo nāma satto nagare piṇḍāya carati, ‘devo vā manusso vā nāgo vā supaṇṇo vā ko nāmeso’ti na jānāmā’’ti ārocesuṃ. Rājā pāsādatale ṭhatvā mahāpurisaṃ disvā acchariyabbhutajāto purise āṇāpesi – ‘‘gacchatha bhaṇe, vīmaṃsatha, sace amanusso bhavissati, nagarā nikkhamitvā antaradhāyissati, sace devatā bhavissati, ākāsena gacchissati, sace nāgo bhavissati, pathaviyaṃ nimujjitvā gamissati, sace manusso bhavissati, yathāladdhaṃ bhikkhaṃ paribhuñjissatī’’ti.

    махаабурисоби ко миссагабхад̇д̇ам̣ сам̣харид̇ваа ‘‘алам̣ мз зд̇д̇агам̣ яаабанааяаа’’д̇и н̃ад̇ваа бавидтад̣̇ваарзнзва наг̇араа нигкамид̇ваа бан̣д̣авабаб̣б̣ад̇ажчааяааяа бурад̇т̇аабхимуко нисийд̣̇ид̇ваа аахаарам̣ барибхун̃ж̇ид̇ум̣ аарад̣̇д̇хо. ат̇асса анд̇аани баривад̇д̇ид̇ваа мукзна нигкаманаагаараббад̇д̇аани вияа ахзсум̣. д̇ад̇о д̇зна ад̇д̇абхаавзна зваруубасса аахаарасса жагкунааби ад̣̇идтабуб̣б̣ад̇ааяа д̇зна бадигуулаахаарзна аддияамаано звам̣ ад̇д̇анаава ад̇д̇аанам̣ овад̣̇и ‘‘сид̣̇д̇хад̇т̇а, д̇вам̣ сулабханнабаанз гулз д̇ивассигаг̇анд̇хасаалибхож̇анам̣ наанаг̇г̇арасзхи бхун̃ж̇анадтаанз ниб̣б̣ад̇д̇ид̇вааби згам̣ бам̣сугуулигам̣ д̣̇исваа ‘гад̣̇аа ну ко ахамби зваруубо худ̇ваа бин̣д̣ааяа жарид̇ваа бхун̃ж̇иссаами, бхависсад̇и ну ко мз со гаало’д̇и жинд̇зд̇ваа нигканд̇о, ид̣̇аани гим̣ наамзд̇ам̣ гаросий’’д̇и. звам̣ ад̇д̇анаава ад̇д̇аанам̣ овад̣̇ид̇ваа ниб̣б̣игааро худ̇ваа аахаарам̣ барибхун̃ж̇и.

    Mahāpurisopi kho missakabhattaṃ saṃharitvā ‘‘alaṃ me ettakaṃ yāpanāyā’’ti ñatvā paviṭṭhadvāreneva nagarā nikkhamitvā paṇḍavapabbatacchāyāya puratthābhimukho nisīditvā āhāraṃ paribhuñjituṃ āraddho. Athassa antāni parivattitvā mukhena nikkhamanākārappattāni viya ahesuṃ. Tato tena attabhāvena evarūpassa āhārassa cakkhunāpi adiṭṭhapubbatāya tena paṭikūlāhārena aṭṭiyamāno evaṃ attanāva attānaṃ ovadi ‘‘siddhattha, tvaṃ sulabhannapāne kule tivassikagandhasālibhojanaṃ nānaggarasehi bhuñjanaṭṭhāne nibbattitvāpi ekaṃ paṃsukūlikaṃ disvā ‘kadā nu kho ahampi evarūpo hutvā piṇḍāya caritvā bhuñjissāmi, bhavissati nu kho me so kālo’ti cintetvā nikkhanto, idāni kiṃ nāmetaṃ karosī’’ti. Evaṃ attanāva attānaṃ ovaditvā nibbikāro hutvā āhāraṃ paribhuñji.

    рааж̇абурисаа д̇ам̣ бавад̇д̇им̣ д̣̇исваа г̇анд̇ваа ран̃н̃о аарожзсум̣. рааж̇аа д̣̇ууд̇аважанам̣ суд̇ваа взг̇зна наг̇араа нигкамид̇ваа б̣од̇хисад̇д̇асса санд̇игам̣ г̇анд̇ваа ирияаабат̇асмим̣язва басийд̣̇ид̇ваа б̣од̇хисад̇д̇асса саб̣б̣ам̣ иссарияам̣ нияяаад̣̇зси . б̣од̇хисад̇д̇о ‘‘маяхам̣, махаарааж̇а, вад̇т̇угаамзхи ваа гилзсагаамзхи ваа ад̇т̇о над̇т̇и, ахам̣ барамаабхисамб̣од̇хим̣ бад̇т̇аяанд̇о нигканд̇о’’д̇и ааха. рааж̇аа анзгаббагаарам̣ яаажанд̇оби д̇асса жид̇д̇ам̣ алабхид̇ваа ‘‘ад̣̇д̇хаа д̇вам̣ б̣уд̣̇д̇хо бхависсаси, б̣уд̣̇д̇хабхууд̇зна бана д̇з батамам̣ мама виж̇ид̇ам̣ ааг̇анд̇аб̣б̣а’’нд̇и бадин̃н̃ам̣ г̇ан̣хи. аяамзд̇т̇а сан̇кзбо, вид̇т̇ааро бана ‘‘баб̣б̣аж̇ж̇ам̣ гид̇д̇аяиссаами, яат̇аа баб̣б̣аж̇и жагкумаа’’д̇и имам̣ баб̣б̣аж̇ж̇аасуд̇д̇ам̣ (су. ни. 407 аад̣̇аяо) сад̣̇д̇хим̣ адтагат̇ааяа ологзд̇ваа взд̣̇ид̇аб̣б̣о.

    Rājapurisā taṃ pavattiṃ disvā gantvā rañño ārocesuṃ. Rājā dūtavacanaṃ sutvā vegena nagarā nikkhamitvā bodhisattassa santikaṃ gantvā iriyāpathasmiṃyeva pasīditvā bodhisattassa sabbaṃ issariyaṃ niyyādesi . Bodhisatto ‘‘mayhaṃ, mahārāja, vatthukāmehi vā kilesakāmehi vā attho natthi, ahaṃ paramābhisambodhiṃ patthayanto nikkhanto’’ti āha. Rājā anekappakāraṃ yācantopi tassa cittaṃ alabhitvā ‘‘addhā tvaṃ buddho bhavissasi, buddhabhūtena pana te paṭhamaṃ mama vijitaṃ āgantabba’’nti paṭiññaṃ gaṇhi. Ayamettha saṅkhepo, vitthāro pana ‘‘pabbajjaṃ kittayissāmi, yathā pabbaji cakkhumā’’ti imaṃ pabbajjāsuttaṃ (su. ni. 407 ādayo) saddhiṃ aṭṭhakathāya oloketvā veditabbo.

    б̣од̇хисад̇д̇оби ран̃н̃о бадин̃н̃ам̣ д̣̇ад̇ваа анубуб̣б̣зна жааригам̣ жарамаано аал̣ааран̃жа гаалаамам̣ уд̣̇аган̃жа раамабуд̇д̇ам̣ убасан̇гамид̇ваа самаабад̇д̇ияо ниб̣б̣ад̇д̇зд̇ваа ‘‘нааяам̣ маг̇г̇о б̣од̇хааяаа’’д̇и д̇амби самаабад̇д̇ибхааванам̣ аналан̇гарид̇ваа сад̣̇звагасса логасса ад̇д̇ано т̇аамавийрияасанд̣̇ассанад̇т̇ам̣ махаабад̇хаанам̣ бад̣̇ахид̇угаамо урувзлам̣ г̇анд̇ваа ‘‘раман̣ийяо вад̇ааяам̣ бхуумибхааг̇о’’д̇и д̇ад̇т̇зва ваасам̣ убаг̇анд̇ваа махаабад̇хаанам̣ бад̣̇ахи. д̇зби ко гон̣д̣ан̃н̃аббамукаа бан̃жа баб̣б̣аж̇ид̇аа г̇ааманиг̇амарааж̇ад̇хаанийсу бхигкааяа жаранд̇аа д̇ад̇т̇а б̣од̇хисад̇д̇ам̣ самбаабун̣им̣су. ат̇а нам̣ чаб̣б̣ассаани махаабад̇хаанам̣ бад̣̇аханд̇ам̣ ‘‘ид̣̇аани б̣уд̣̇д̇хо бхависсад̇и, ид̣̇аани б̣уд̣̇д̇хо бхависсад̇ий’’д̇и баривзн̣асаммаж̇ж̇анаад̣̇игааяа вад̇д̇абадибад̇д̇ияаа убадтахамаанаа санд̇игааважараавасса ахзсум̣. б̣од̇хисад̇д̇оби ко ‘‘годиббад̇д̇ам̣ д̣̇уггарагаарияам̣ гариссаамий’’д̇и згад̇илад̇ан̣д̣улаад̣̇ийхиби вийд̇инаамзси, саб̣б̣асоби аахааруубажчзд̣̇ам̣ агааси, д̣̇звад̇ааби ломагуубзхи ож̇ам̣ убасам̣харамаанаа бадигкиби.

    Bodhisattopi rañño paṭiññaṃ datvā anupubbena cārikaṃ caramāno āḷārañca kālāmaṃ udakañca rāmaputtaṃ upasaṅkamitvā samāpattiyo nibbattetvā ‘‘nāyaṃ maggo bodhāyā’’ti tampi samāpattibhāvanaṃ analaṅkaritvā sadevakassa lokassa attano thāmavīriyasandassanatthaṃ mahāpadhānaṃ padahitukāmo uruvelaṃ gantvā ‘‘ramaṇīyo vatāyaṃ bhūmibhāgo’’ti tattheva vāsaṃ upagantvā mahāpadhānaṃ padahi. Tepi kho koṇḍaññappamukhā pañca pabbajitā gāmanigamarājadhānīsu bhikkhāya carantā tattha bodhisattaṃ sampāpuṇiṃsu. Atha naṃ chabbassāni mahāpadhānaṃ padahantaṃ ‘‘idāni buddho bhavissati, idāni buddho bhavissatī’’ti pariveṇasammajjanādikāya vattapaṭipattiyā upaṭṭhahamānā santikāvacarāvassa ahesuṃ. Bodhisattopi kho ‘‘koṭippattaṃ dukkarakāriyaṃ karissāmī’’ti ekatilataṇḍulādīhipi vītināmesi, sabbasopi āhārūpacchedaṃ akāsi, devatāpi lomakūpehi ojaṃ upasaṃharamānā paṭikkhipi.

    ат̇асса д̇ааяа нираахаарад̇ааяа барамагасимаанаббад̇д̇агааяасса суван̣н̣аван̣н̣о гааяо гаал̣аван̣н̣о ахоси. б̣аад̇д̇им̣самахаабурисалагкан̣аани бадижчаннаани ахзсум̣. аббзгад̣̇аа аббаан̣агам̣ жхаанам̣ жхааяанд̇о махаавзд̣̇анаахи абхид̇унно висан̃н̃ийбхууд̇о жан̇гаманагодияам̣ бад̇ад̇и. ат̇а нам̣ згажжаа д̣̇звад̇аа ‘‘гаалагад̇о саман̣о г̇од̇амо’’д̇и вад̣̇анд̇и, згажжаа ‘‘вихааровзсо арахад̇а’’нд̇и аахам̣су. д̇ад̇т̇а яаасам̣ ‘‘гаалагад̇о’’д̇и ахоси, д̇аа г̇анд̇ваа суд̣̇д̇ход̣̇анамахаарааж̇асса аарожзсум̣ ‘‘д̇умхаагам̣ буд̇д̇о гаалагад̇о’’д̇и. мама буд̇д̇о б̣уд̣̇д̇хо худ̇ваа гаалагад̇о, ахуд̇ваад̇и? б̣уд̣̇д̇хо бхавид̇ум̣ наасагки, бад̇хаанабхуумияам̣язва бад̇ид̇ваа гаалагад̇од̇и. ид̣̇ам̣ суд̇ваа рааж̇аа ‘‘наахам̣ сад̣̇д̣̇ахаами, мама буд̇д̇асса б̣од̇хим̣ аббад̇ваа гаалагирияаа наама над̇т̇ий’’д̇и бадигкиби. гасмаа бана рааж̇аа на сад̣̇д̣̇ахад̇ийд̇и? гаал̣ад̣̇звийлад̇аабасасса ванд̣̇аабанад̣̇ивасз ж̇амб̣уругкамуулз жа баадихаарияаанам̣ д̣̇идтад̇д̇аа.

    Athassa tāya nirāhāratāya paramakasimānappattakāyassa suvaṇṇavaṇṇo kāyo kāḷavaṇṇo ahosi. Bāttiṃsamahāpurisalakkhaṇāni paṭicchannāni ahesuṃ. Appekadā appāṇakaṃ jhānaṃ jhāyanto mahāvedanāhi abhitunno visaññībhūto caṅkamanakoṭiyaṃ patati. Atha naṃ ekaccā devatā ‘‘kālakato samaṇo gotamo’’ti vadanti, ekaccā ‘‘vihāroveso arahata’’nti āhaṃsu. Tattha yāsaṃ ‘‘kālakato’’ti ahosi, tā gantvā suddhodanamahārājassa ārocesuṃ ‘‘tumhākaṃ putto kālakato’’ti. Mama putto buddho hutvā kālakato, ahutvāti? Buddho bhavituṃ nāsakkhi, padhānabhūmiyaṃyeva patitvā kālakatoti. Idaṃ sutvā rājā ‘‘nāhaṃ saddahāmi, mama puttassa bodhiṃ appatvā kālakiriyā nāma natthī’’ti paṭikkhipi. Kasmā pana rājā na saddahatīti? Kāḷadevīlatāpasassa vandāpanadivase jamburukkhamūle ca pāṭihāriyānaṃ diṭṭhattā.

    буна б̣од̇хисад̇д̇з сан̃н̃ам̣ бадилабхид̇ваа удтид̇з д̇аа д̣̇звад̇аа г̇анд̇ваа ‘‘арог̇о д̇з махаарааж̇а буд̇д̇о’’д̇и аарожзнд̇и. рааж̇аа ‘‘ж̇аанаамахам̣ буд̇д̇асса амаран̣абхаава’’нд̇и вад̣̇ад̇и. махаасад̇д̇асса чаб̣б̣ассаани д̣̇уггарагаарияам̣ гаронд̇асса аагаасз г̇ан̣тигаран̣агаало вияа ахоси. со ‘‘аяам̣ д̣̇уггарагааригаа наама б̣од̇хааяа маг̇г̇о на ход̇ий’’д̇и ол̣ааригам̣ аахаарам̣ аахаарзд̇ум̣ г̇ааманиг̇амзсу бин̣д̣ааяа жарид̇ваа аахаарам̣ аахари, ат̇асса б̣аад̇д̇им̣самахаабурисалагкан̣аани баагад̇игаани ахзсум̣, гааяо суван̣н̣аван̣н̣о ахоси. бан̃жаваг̇г̇ияаа бхигкуу ‘‘аяам̣ чаб̣б̣ассаани д̣̇уггарагааригам̣ гаронд̇оби саб̣б̣ан̃н̃уд̇ам̣ бадивиж̇жхид̇ум̣ наасагки, ид̣̇аани г̇аамаад̣̇ийсу бин̣д̣ааяа жарид̇ваа ол̣ааригам̣ аахаарам̣ аахарияамаано гим̣ сагкиссад̇и, б̣аахулиго зса бад̇хаанавиб̣бханд̇о, сийсам̣ нхааяид̇угаамасса уссааваб̣инд̣̇уд̇агганам̣ вияа амхаагам̣ зд̇асса санд̇игаа висзсад̇агганам̣, гим̣ но иминаа’’д̇и махаабурисам̣ бахааяа ад̇д̇ано ад̇д̇ано бад̇д̇ажийварам̣ г̇ахзд̇ваа адтаарасаяож̇анамаг̇г̇ам̣ г̇анд̇ваа исибад̇анам̣ бависим̣су.

    Puna bodhisatte saññaṃ paṭilabhitvā uṭṭhite tā devatā gantvā ‘‘arogo te mahārāja putto’’ti ārocenti. Rājā ‘‘jānāmahaṃ puttassa amaraṇabhāva’’nti vadati. Mahāsattassa chabbassāni dukkarakāriyaṃ karontassa ākāse gaṇṭhikaraṇakālo viya ahosi. So ‘‘ayaṃ dukkarakārikā nāma bodhāya maggo na hotī’’ti oḷārikaṃ āhāraṃ āhāretuṃ gāmanigamesu piṇḍāya caritvā āhāraṃ āhari, athassa bāttiṃsamahāpurisalakkhaṇāni pākatikāni ahesuṃ, kāyo suvaṇṇavaṇṇo ahosi. Pañcavaggiyā bhikkhū ‘‘ayaṃ chabbassāni dukkarakārikaṃ karontopi sabbaññutaṃ paṭivijjhituṃ nāsakkhi, idāni gāmādīsu piṇḍāya caritvā oḷārikaṃ āhāraṃ āhariyamāno kiṃ sakkhissati, bāhuliko esa padhānavibbhanto, sīsaṃ nhāyitukāmassa ussāvabindutakkanaṃ viya amhākaṃ etassa santikā visesatakkanaṃ, kiṃ no iminā’’ti mahāpurisaṃ pahāya attano attano pattacīvaraṃ gahetvā aṭṭhārasayojanamaggaṃ gantvā isipatanaṃ pavisiṃsu.

    д̇зна ко бана самаязна урувзлааяам̣ сзнааниг̇амз сзнаанигудумб̣игасса г̇зхз ниб̣б̣ад̇д̇аа суж̇аад̇аа наама д̣̇ааригаа ваяаббад̇д̇аа згасмим̣ ниг̇род̇харугкз бад̇т̇анам̣ агааси ‘‘сажз самаж̇аад̇игам̣ гулагхарам̣ г̇анд̇ваа батамаг̇аб̣бхз буд̇д̇ам̣ лабхиссаами, анусам̣важчарам̣ д̇з сад̇асахассабарижжааг̇зна б̣алигаммам̣ гариссаамий’’д̇и. д̇ассаа саа бад̇т̇анаа самиж̇жхи. саа махаасад̇д̇асса д̣̇уггарагааригам̣ гаронд̇асса чадтз вассз барибун̣н̣з висаакабун̣н̣амааяам̣ б̣алигаммам̣ гаад̇угаамаа худ̇ваа бурзд̇арам̣ д̇хзнусахассам̣ ладтимад̇хугаванз жараабзд̇ваа д̇аасам̣ кийрам̣ бан̃жа д̇хзнусад̇аани бааязд̇ваа д̇аасам̣ кийрам̣ ад̣дхад̇ияаанийд̇и звам̣ яаава сол̣асаннам̣ д̇хзнуунам̣ кийрам̣ адта д̇хзнуяо биванд̇и, д̇аава кийрасса б̣ахалад̇ан̃жа мад̇хурад̇ан̃жа ож̇аванд̇ад̇ан̃жа бад̇т̇аяамаанаа кийрабаривад̇д̇анам̣ наама агааси. саа висаакабун̣н̣амад̣̇ивасз ‘‘баад̇ова б̣алигаммам̣ гариссаамий’’д̇и рад̇д̇ияаа бажжуусасамаяам̣ бажжудтааяа д̇аа адта д̇хзнуяо д̣̇ухаабзси. важчагаа д̇хзнуунам̣ т̇анамуулам̣ нааг̇амим̣су, т̇анамуулз бана навабхааж̇анз убанийд̇амад̇д̇з ад̇д̇ано д̇хаммад̇ааяа кийрад̇хаараа бавад̇д̇им̣су. д̇ам̣ ажчарияам̣ д̣̇исваа суж̇аад̇аа сахад̇т̇знзва кийрам̣ г̇ахзд̇ваа навабхааж̇анз багкибид̇ваа сахад̇т̇знзва аг̇г̇им̣ гад̇ваа бажид̇ум̣ аарабхи.

    Tena kho pana samayena uruvelāyaṃ senānigame senānikuṭumbikassa gehe nibbattā sujātā nāma dārikā vayappattā ekasmiṃ nigrodharukkhe patthanaṃ akāsi ‘‘sace samajātikaṃ kulagharaṃ gantvā paṭhamagabbhe puttaṃ labhissāmi, anusaṃvaccharaṃ te satasahassapariccāgena balikammaṃ karissāmī’’ti. Tassā sā patthanā samijjhi. Sā mahāsattassa dukkarakārikaṃ karontassa chaṭṭhe vasse paripuṇṇe visākhapuṇṇamāyaṃ balikammaṃ kātukāmā hutvā puretaraṃ dhenusahassaṃ laṭṭhimadhukavane carāpetvā tāsaṃ khīraṃ pañca dhenusatāni pāyetvā tāsaṃ khīraṃ aḍḍhatiyānīti evaṃ yāva soḷasannaṃ dhenūnaṃ khīraṃ aṭṭha dhenuyo pivanti, tāva khīrassa bahalatañca madhuratañca ojavantatañca patthayamānā khīraparivattanaṃ nāma akāsi. Sā visākhapuṇṇamadivase ‘‘pātova balikammaṃ karissāmī’’ti rattiyā paccūsasamayaṃ paccuṭṭhāya tā aṭṭha dhenuyo duhāpesi. Vacchakā dhenūnaṃ thanamūlaṃ nāgamiṃsu, thanamūle pana navabhājane upanītamatte attano dhammatāya khīradhārā pavattiṃsu. Taṃ acchariyaṃ disvā sujātā sahattheneva khīraṃ gahetvā navabhājane pakkhipitvā sahattheneva aggiṃ katvā pacituṃ ārabhi.

    д̇асмим̣ бааяаасз бажжамаанз маханд̇амаханд̇аа б̣уб̣б̣ул̣аа удтахид̇ваа д̣̇агкин̣аавад̇д̇аа худ̇ваа сан̃жаранд̇и, згапусид̇амби б̣ахи на бад̇ад̇и, уд̣̇д̇ханад̇о аббамад̇д̇агоби д̇хуумо на удтахад̇и. д̇асмим̣ самаяз жад̇д̇ааро логабаалаа ааг̇анд̇ваа уд̣̇д̇ханз аарагкам̣ г̇ан̣хим̣су, махааб̣рахмаа чад̇д̇ам̣ д̇хаарзси, сагго алаад̇аани самаанзнд̇о аг̇г̇им̣ ж̇аалзси. д̣̇звад̇аа д̣̇висахассад̣̇ийбабариваарзсу жад̇уусу махаад̣̇ийбзсу д̣̇зваанан̃жа мануссаанан̃жа убагаббанаож̇ам̣ ад̇д̇ано д̣̇зваанубхаавзна д̣̇ан̣д̣агаб̣ад̣̇д̇хам̣ мад̇хубадалам̣ бийл̣зд̇ваа мад̇хум̣ г̇ан̣хамаанаа вияа сам̣харид̇ваа д̇ад̇т̇а багкибим̣су. ан̃н̃зсу хи гаалзсу д̣̇звад̇аа габ̣ал̣з габ̣ал̣з ож̇ам̣ багкибанд̇и, самб̣од̇хид̣̇ивасз жа бана бариниб̣б̣аанад̣̇ивасз жа угкалияам̣язва багкибанд̇и. суж̇аад̇аа згад̣̇ивасзязва д̇ад̇т̇а ад̇д̇ано баагадаани анзгаани ажчарияаани д̣̇исваа бун̣н̣ам̣ д̣̇аасим̣ ааманд̇зси ‘‘амма бун̣н̣з, аж̇ж̇а амхаагам̣ д̣̇звад̇аа ад̇ивияа басаннаа, маяаа зд̇д̇агз гаалз зваруубам̣ ажчарияам̣ наама на д̣̇идтабуб̣б̣ам̣, взг̇зна г̇анд̇ваа д̣̇звадтаанам̣ бадиж̇аг̇г̇аахий’’д̇и. саа ‘‘саад̇ху, аяяз’’д̇и д̇ассаа важанам̣ самбадижчид̇ваа д̇урид̇ад̇урид̇аа ругкамуулам̣ аг̇амааси.

    Tasmiṃ pāyāse paccamāne mahantamahantā bubbuḷā uṭṭhahitvā dakkhiṇāvattā hutvā sañcaranti, ekaphusitampi bahi na patati, uddhanato appamattakopi dhūmo na uṭṭhahati. Tasmiṃ samaye cattāro lokapālā āgantvā uddhane ārakkhaṃ gaṇhiṃsu, mahābrahmā chattaṃ dhāresi, sakko alātāni samānento aggiṃ jālesi. Devatā dvisahassadīpaparivāresu catūsu mahādīpesu devānañca manussānañca upakappanaojaṃ attano devānubhāvena daṇḍakabaddhaṃ madhupaṭalaṃ pīḷetvā madhuṃ gaṇhamānā viya saṃharitvā tattha pakkhipiṃsu. Aññesu hi kālesu devatā kabaḷe kabaḷe ojaṃ pakkhipanti, sambodhidivase ca pana parinibbānadivase ca ukkhaliyaṃyeva pakkhipanti. Sujātā ekadivaseyeva tattha attano pākaṭāni anekāni acchariyāni disvā puṇṇaṃ dāsiṃ āmantesi ‘‘amma puṇṇe, ajja amhākaṃ devatā ativiya pasannā, mayā ettake kāle evarūpaṃ acchariyaṃ nāma na diṭṭhapubbaṃ, vegena gantvā devaṭṭhānaṃ paṭijaggāhī’’ti. Sā ‘‘sādhu, ayye’’ti tassā vacanaṃ sampaṭicchitvā turitaturitā rukkhamūlaṃ agamāsi.

    б̣од̇хисад̇д̇оби ко д̇асмим̣ рад̇д̇ибхааг̇з бан̃жа махаасубинз д̣̇исваа бариг̇г̇ан̣ханд̇о ‘‘ниссам̣саязнаахам̣ аж̇ж̇а б̣уд̣̇д̇хо бхависсаамий’’д̇и гад̇асаннидтаано д̇ассаа рад̇д̇ияаа ажжаязна гад̇асарийрабадиж̇аг̇г̇ано бхигкаажаарагаалам̣ ааг̇амаяамаано баад̇ова ааг̇анд̇ваа д̇асмим̣ ругкамуулз нисийд̣̇и ад̇д̇ано бабхааяа сагаларугкам̣ обхаасаяамаано. ат̇а ко саа бун̣н̣аа ааг̇анд̇ваа ад̣̇д̣̇аса б̣од̇хисад̇д̇ам̣ ругкамуулз баажийналогад̇хаад̇ум̣ ологаяамаанам̣ нисиннам̣, сарийрад̇о жасса нигканд̇аахи бабхаахи сагаларугкам̣ суван̣н̣аван̣н̣ам̣. д̣̇исваа д̇ассаа зд̇ад̣̇ахоси – ‘‘аж̇ж̇а амхаагам̣ д̣̇звад̇аа ругкад̇о оруяха сахад̇т̇знзва б̣алигаммам̣ самбадижчид̇ум̣ нисиннаа ман̃н̃з’’д̇и уб̣б̣зг̇аббад̇д̇аа худ̇ваа взг̇знааг̇анд̇ваа суж̇аад̇ааяа зд̇амад̇т̇ам̣ аарожзси.

    Bodhisattopi kho tasmiṃ rattibhāge pañca mahāsupine disvā pariggaṇhanto ‘‘nissaṃsayenāhaṃ ajja buddho bhavissāmī’’ti katasanniṭṭhāno tassā rattiyā accayena katasarīrapaṭijaggano bhikkhācārakālaṃ āgamayamāno pātova āgantvā tasmiṃ rukkhamūle nisīdi attano pabhāya sakalarukkhaṃ obhāsayamāno. Atha kho sā puṇṇā āgantvā addasa bodhisattaṃ rukkhamūle pācīnalokadhātuṃ olokayamānaṃ nisinnaṃ, sarīrato cassa nikkhantāhi pabhāhi sakalarukkhaṃ suvaṇṇavaṇṇaṃ. Disvā tassā etadahosi – ‘‘ajja amhākaṃ devatā rukkhato oruyha sahattheneva balikammaṃ sampaṭicchituṃ nisinnā maññe’’ti ubbegappattā hutvā vegenāgantvā sujātāya etamatthaṃ ārocesi.

    суж̇аад̇аа д̇ассаа важанам̣ суд̇ваа д̇удтамаанасаа худ̇ваа ‘‘аж̇ж̇а д̣̇аани бадтааяа мама ж̇здтад̇хийд̇удтаанз д̇идтаахий’’д̇и д̇хийд̇у анужчавигам̣ саб̣б̣аалан̇гаарам̣ ад̣̇ааси. яасмаа бана б̣уд̣̇д̇хабхаавам̣ баабун̣анад̣̇ивасз сад̇асахассаг̇гханигам̣ суван̣н̣абаад̇им̣ лад̣̇д̇хум̣ ваддад̇и, д̇асмаа саа ‘‘суван̣н̣абаад̇ияам̣ бааяаасам̣ багкибиссаамий’’д̇и жид̇д̇ам̣ уббаад̣̇зд̇ваа сад̇асахассаг̇гханигам̣ суван̣н̣абаад̇им̣ нийхараабзд̇ваа д̇ад̇т̇а бааяаасам̣ багкибид̇угаамаа баггабхааж̇анам̣ ааваж̇ж̇зси. ‘саб̣б̣о бааяаасо бад̣̇умабад̇д̇аа уд̣̇агам̣ вияа винивад̇д̇ид̇ваа баад̇ияам̣ бад̇идтааси, згабаад̇ибуурамад̇д̇ова ахоси’. саа д̇ам̣ баад̇им̣ ан̃н̃ааяа суван̣н̣абаад̇ияаа бадигуж̇ж̇ид̇ваа од̣̇аад̇авад̇т̇зна взтзд̇ваа саб̣б̣аалан̇гаарзхи ад̇д̇абхаавам̣ алан̇гарид̇ваа д̇ам̣ баад̇им̣ ад̇д̇ано сийсз табзд̇ваа маханд̇зна аанубхаавзна ниг̇род̇харугкамуулам̣ г̇анд̇ваа б̣од̇хисад̇д̇ам̣ ологзд̇ваа б̣алавасоманассаж̇аад̇аа ‘‘ругкад̣̇звад̇аа’’д̇и сан̃н̃ааяа д̣̇идтадтаанад̇о бадтааяа онад̇онад̇аа г̇анд̇ваа сийсад̇о баад̇им̣ од̇аарзд̇ваа виварид̇ваа суван̣н̣абхин̇гаарзна г̇анд̇хабубпаваасид̇ам̣ уд̣̇агам̣ г̇ахзд̇ваа б̣од̇хисад̇д̇ам̣ убаг̇анд̇ваа адтааси. гхадийгаарамахааб̣рахмунаа д̣̇инно мад̇д̇игаабад̇д̇о зд̇д̇агам̣ ад̣̇д̇хаанам̣ б̣од̇хисад̇д̇ам̣ авиж̇ахид̇ваа д̇асмим̣ кан̣з ад̣̇ассанам̣ г̇ад̇о, б̣од̇хисад̇д̇о бад̇д̇ам̣ абассанд̇о д̣̇агкин̣ахад̇т̇ам̣ басаарзд̇ваа уд̣̇агам̣ самбадижчи. суж̇аад̇аа сахзва баад̇ияаа бааяаасам̣ махаабурисасса хад̇т̇з табзси, махаабурисо суж̇аад̇ам̣ ологзси. саа аагаарам̣ саллагкзд̇ваа ‘‘аяяа, маяаа д̇умхаагам̣ барижжад̇д̇ам̣, г̇ан̣хид̇ваа яат̇ааружим̣ г̇ажчат̇аа’’д̇и ванд̣̇ид̇ваа ‘‘яат̇аа маяхам̣ манорат̇о нибпанно , звам̣ д̇умхаагамби нибпаж̇ж̇ад̇уу’’д̇и вад̇ваа сад̇асахассаг̇гханигааяа суван̣н̣абаад̇ияаа бураан̣абан̣н̣з вияа анабзгкаа худ̇ваа баггаами.

    Sujātā tassā vacanaṃ sutvā tuṭṭhamānasā hutvā ‘‘ajja dāni paṭṭhāya mama jeṭṭhadhītuṭṭhāne tiṭṭhāhī’’ti dhītu anucchavikaṃ sabbālaṅkāraṃ adāsi. Yasmā pana buddhabhāvaṃ pāpuṇanadivase satasahassagghanikaṃ suvaṇṇapātiṃ laddhuṃ vaṭṭati, tasmā sā ‘‘suvaṇṇapātiyaṃ pāyāsaṃ pakkhipissāmī’’ti cittaṃ uppādetvā satasahassagghanikaṃ suvaṇṇapātiṃ nīharāpetvā tattha pāyāsaṃ pakkhipitukāmā pakkabhājanaṃ āvajjesi. ‘Sabbo pāyāso padumapattā udakaṃ viya vinivattitvā pātiyaṃ patiṭṭhāsi, ekapātipūramattova ahosi’. Sā taṃ pātiṃ aññāya suvaṇṇapātiyā paṭikujjitvā odātavatthena veṭhetvā sabbālaṅkārehi attabhāvaṃ alaṅkaritvā taṃ pātiṃ attano sīse ṭhapetvā mahantena ānubhāvena nigrodharukkhamūlaṃ gantvā bodhisattaṃ oloketvā balavasomanassajātā ‘‘rukkhadevatā’’ti saññāya diṭṭhaṭṭhānato paṭṭhāya onatonatā gantvā sīsato pātiṃ otāretvā vivaritvā suvaṇṇabhiṅkārena gandhapupphavāsitaṃ udakaṃ gahetvā bodhisattaṃ upagantvā aṭṭhāsi. Ghaṭīkāramahābrahmunā dinno mattikāpatto ettakaṃ addhānaṃ bodhisattaṃ avijahitvā tasmiṃ khaṇe adassanaṃ gato, bodhisatto pattaṃ apassanto dakkhiṇahatthaṃ pasāretvā udakaṃ sampaṭicchi. Sujātā saheva pātiyā pāyāsaṃ mahāpurisassa hatthe ṭhapesi, mahāpuriso sujātaṃ olokesi. Sā ākāraṃ sallakkhetvā ‘‘ayya, mayā tumhākaṃ pariccattaṃ, gaṇhitvā yathāruciṃ gacchathā’’ti vanditvā ‘‘yathā mayhaṃ manoratho nipphanno , evaṃ tumhākampi nipphajjatū’’ti vatvā satasahassagghanikāya suvaṇṇapātiyā purāṇapaṇṇe viya anapekkhā hutvā pakkāmi.

    б̣од̇хисад̇д̇оби ко нисиннадтаанаа удтааяа ругкам̣ бад̣̇агкин̣ам̣ гад̇ваа баад̇им̣ аад̣̇ааяа нзран̃ж̇арааяа д̇ийрам̣ г̇анд̇ваа анзгзсам̣ б̣од̇хисад̇д̇асахассаанам̣ абхисамб̣уж̇жханад̣̇ивасз од̇арид̇ваа нхаанадтаанам̣ суббад̇идтид̇ад̇ид̇т̇ам̣ наама ад̇т̇и, д̇асса д̇ийрз баад̇им̣ табзд̇ваа од̇арид̇ваа нхад̇ваа анзгаб̣уд̣̇д̇хасад̇асахассаанам̣ ниваасанам̣ арахад̣̇д̇хаж̇ам̣ ниваасзд̇ваа бурад̇т̇аабхимуко нисийд̣̇ид̇ваа згадтид̇аалабаггаббамаан̣з згуунабан̃н̃ааса бин̣д̣з гад̇ваа саб̣б̣ам̣ аббод̣̇агам̣ мад̇хубааяаасам̣ барибхун̃ж̇и. со зва хисса б̣уд̣̇д̇хабхууд̇асса сад̇д̇асад̇д̇аахам̣ б̣од̇химан̣д̣з васанд̇асса згуунабан̃н̃ааса д̣̇ивасаани аахааро ахоси. зд̇д̇агам̣ гаалам̣ нзва ан̃н̃о аахааро ад̇т̇и, на нхаанам̣, на мукад̇хованам̣, на сарийравал̣ан̃ж̇о, жхаанасукзна маг̇г̇асукзна паласукзна жа вийд̇инаамзси. д̇ам̣ бана бааяаасам̣ барибхун̃ж̇ид̇ваа суван̣н̣абаад̇им̣ г̇ахзд̇ваа ‘‘сажаахам̣, аж̇ж̇а б̣уд̣̇д̇хо бхавид̇ум̣ сагкиссаами, аяам̣ баад̇и бадисод̇ам̣ г̇ажчад̇у, но жз сагкиссаами, анусод̇ам̣ г̇ажчад̇уу’’д̇и вад̇ваа над̣̇ийсод̇з багкиби. саа сод̇ам̣ чинд̣̇амаанаа над̣̇иймаж̇жхам̣ г̇анд̇ваа маж̇жхамаж̇жхадтаанзнзва ж̇авасамбанно ассо вияа асийд̇ихад̇т̇амад̇д̇адтаанам̣ бадисод̇ам̣ г̇анд̇ваа згасмим̣ ааваддз нимуж̇ж̇ид̇ваа гаал̣анааг̇арааж̇абхаванам̣ г̇анд̇ваа д̇ин̣н̣ам̣ б̣уд̣̇д̇хаанам̣ барибхог̇абаад̇ияо ‘‘гили гилий’’д̇и равам̣ гаараяамаанаа бахарид̇ваава д̇аасам̣ саб̣б̣ахздтимаа худ̇ваа адтааси. гаал̣о нааг̇арааж̇аа д̇ам̣ сад̣̇д̣̇ам̣ суд̇ваа ‘‘хияяо зго б̣уд̣̇д̇хо ниб̣б̣ад̇д̇о, буна аж̇ж̇а зго ниб̣б̣ад̇д̇о’’д̇и вад̇ваа анзгзхи бад̣̇асад̇зхи т̇уд̇ияо вад̣̇амаано удтааси. д̇асса гира махаабат̇авияаа згаяож̇анад̇иг̇аавуд̇аббамаан̣ам̣ набхам̣ буурзд̇ваа аароханагаало ‘‘аж̇ж̇а ваа хияяо ваа’’д̇и сад̣̇исо ахоси.

    Bodhisattopi kho nisinnaṭṭhānā uṭṭhāya rukkhaṃ padakkhiṇaṃ katvā pātiṃ ādāya nerañjarāya tīraṃ gantvā anekesaṃ bodhisattasahassānaṃ abhisambujjhanadivase otaritvā nhānaṭṭhānaṃ suppatiṭṭhitatitthaṃ nāma atthi, tassa tīre pātiṃ ṭhapetvā otaritvā nhatvā anekabuddhasatasahassānaṃ nivāsanaṃ arahaddhajaṃ nivāsetvā puratthābhimukho nisīditvā ekaṭṭhitālapakkappamāṇe ekūnapaññāsa piṇḍe katvā sabbaṃ appodakaṃ madhupāyāsaṃ paribhuñji. So eva hissa buddhabhūtassa sattasattāhaṃ bodhimaṇḍe vasantassa ekūnapaññāsa divasāni āhāro ahosi. Ettakaṃ kālaṃ neva añño āhāro atthi, na nhānaṃ, na mukhadhovanaṃ, na sarīravaḷañjo, jhānasukhena maggasukhena phalasukhena ca vītināmesi. Taṃ pana pāyāsaṃ paribhuñjitvā suvaṇṇapātiṃ gahetvā ‘‘sacāhaṃ, ajja buddho bhavituṃ sakkhissāmi, ayaṃ pāti paṭisotaṃ gacchatu, no ce sakkhissāmi, anusotaṃ gacchatū’’ti vatvā nadīsote pakkhipi. Sā sotaṃ chindamānā nadīmajjhaṃ gantvā majjhamajjhaṭṭhāneneva javasampanno asso viya asītihatthamattaṭṭhānaṃ paṭisotaṃ gantvā ekasmiṃ āvaṭṭe nimujjitvā kāḷanāgarājabhavanaṃ gantvā tiṇṇaṃ buddhānaṃ paribhogapātiyo ‘‘kili kilī’’ti ravaṃ kārayamānā paharitvāva tāsaṃ sabbaheṭṭhimā hutvā aṭṭhāsi. Kāḷo nāgarājā taṃ saddaṃ sutvā ‘‘hiyyo eko buddho nibbatto, puna ajja eko nibbatto’’ti vatvā anekehi padasatehi thutiyo vadamāno uṭṭhāsi. Tassa kira mahāpathaviyā ekayojanatigāvutappamāṇaṃ nabhaṃ pūretvā ārohanakālo ‘‘ajja vā hiyyo vā’’ti sadiso ahosi.

    б̣од̇хисад̇д̇оби над̣̇ийд̇ийрамхи субубпид̇асаалаванз д̣̇иваавихаарам̣ гад̇ваа сааяанхасамаяз бубпаанам̣ ван̣дад̇о мужжанагаалз д̣̇звад̇аахи алан̇гад̇зна адтуусабхавид̇т̇аарзна маг̇г̇зна сийхо вияа виж̇амбхамаано б̣од̇хиругкаабхимуко бааяааси. нааг̇аяагкасубан̣н̣аад̣̇аяо д̣̇иб̣б̣зхи г̇анд̇хабубпаад̣̇ийхи бууж̇аяим̣су, д̣̇иб̣б̣асан̇г̇ийд̇аад̣̇ийни бавад̇д̇аяим̣су, д̣̇асасахассий логад̇хаад̇у згаг̇анд̇хаа згамаалаа згасаад̇хугаараа ахоси. д̇асмим̣ самаяз сод̇т̇ияо наама д̇ин̣ахаараго д̇ин̣ам̣ аад̣̇ааяа бадибат̇з ааг̇ажчанд̇о махаабурисасса аагаарам̣ н̃ад̇ваа адта д̇ин̣амудтияо ад̣̇ааси. б̣од̇хисад̇д̇о д̇ин̣ам̣ г̇ахзд̇ваа б̣од̇химан̣д̣ам̣ ааруяха д̣̇агкин̣ад̣̇исаабхааг̇з уд̇д̇араабхимуко адтааси. д̇асмим̣ кан̣з д̣̇агкин̣ажаггаваал̣ам̣ осийд̣̇ид̇ваа хздтаа авийжисамбад̇д̇ам̣ вияа ахоси, уд̇д̇аражаггаваал̣ам̣ уллан̇гхид̇ваа убари бхаваг̇г̇аббад̇д̇ам̣ вияа ахоси. б̣од̇хисад̇д̇о ‘‘ид̣̇ам̣ самб̣од̇хим̣ баабун̣анадтаанам̣ на бхависсад̇и ман̃н̃з’’д̇и бад̣̇агкин̣ам̣ гаронд̇о бажчимад̣̇исаабхааг̇ам̣ г̇анд̇ваа бурад̇т̇аабхимуко адтааси, д̇ад̇о бажчимажаггаваал̣ам̣ осийд̣̇ид̇ваа хздтаа авийжисамбад̇д̇ам̣ вияа ахоси, бурад̇т̇имажаггаваал̣ам̣ уллан̇гхид̇ваа убари бхаваг̇г̇аббад̇д̇ам̣ вияа ахоси. тид̇адтид̇адтаанз гирасса нзмиваддибарияанд̇з агганд̇з наабхияаа бад̇идтид̇амахаасагадажаггам̣ вияа махаабат̇авий онад̇уннад̇аа ахоси. б̣од̇хисад̇д̇о ‘‘ид̣̇амби самб̣од̇хим̣ баабун̣анадтаанам̣ на бхависсад̇и ман̃н̃з’’д̇и бад̣̇агкин̣ам̣ гаронд̇о уд̇д̇арад̣̇исаабхааг̇ам̣ г̇анд̇ваа д̣̇агкин̣аабхимуко адтааси, д̇ад̇о уд̇д̇аражаггаваал̣ам̣ осийд̣̇ид̇ваа хздтаа авийжисамбад̇д̇ам̣ вияа ахоси, д̣̇агкин̣ажаггаваал̣ам̣ уллан̇гхид̇ваа убари бхаваг̇г̇аббад̇д̇ам̣ вияа ахоси. б̣од̇хисад̇д̇о ‘‘ид̣̇амби самб̣од̇хим̣ баабун̣анадтаанам̣ на бхависсад̇и ман̃н̃з’’д̇и бад̣̇агкин̣ам̣ гаронд̇о бурад̇т̇имад̣̇исаабхааг̇ам̣ г̇анд̇ваа бажчимаабхимуко адтааси. бурад̇т̇имад̣̇исаабхааг̇з бана саб̣б̣аб̣уд̣̇д̇хаанам̣ баллан̇гадтаанам̣, д̇ам̣ нзва чамбхад̇и, на гамбад̇и. махаасад̇д̇о ‘‘ид̣̇ам̣ саб̣б̣аб̣уд̣̇д̇хаанам̣ авиж̇ахид̇ам̣ ажаладтаанам̣ гилзсабан̃ж̇аравид̣̇д̇хам̣санадтаана’’нд̇и н̃ад̇ваа д̇аани д̇ин̣аани аг̇г̇з г̇ахзд̇ваа жаалзси, д̇аавад̣̇зва жуд̣̇д̣̇асахад̇т̇о баллан̇го ахоси. д̇ааниби ко д̇ин̣аани д̇ат̇ааруубзна сан̣таанзна сан̣тахим̣су, яат̇ааруубам̣ сугусалоби жид̇д̇агааро ваа бод̇т̇агааро ваа ааликид̇умби самад̇т̇о над̇т̇и. б̣од̇хисад̇д̇о б̣од̇хигканд̇хам̣ бидтид̇о гад̇ваа бурад̇т̇аабхимуко д̣̇ал̣хамаанасо худ̇ваа –

    Bodhisattopi nadītīramhi supupphitasālavane divāvihāraṃ katvā sāyanhasamaye pupphānaṃ vaṇṭato muccanakāle devatāhi alaṅkatena aṭṭhūsabhavitthārena maggena sīho viya vijambhamāno bodhirukkhābhimukho pāyāsi. Nāgayakkhasupaṇṇādayo dibbehi gandhapupphādīhi pūjayiṃsu, dibbasaṅgītādīni pavattayiṃsu, dasasahassī lokadhātu ekagandhā ekamālā ekasādhukārā ahosi. Tasmiṃ samaye sotthiyo nāma tiṇahārako tiṇaṃ ādāya paṭipathe āgacchanto mahāpurisassa ākāraṃ ñatvā aṭṭha tiṇamuṭṭhiyo adāsi. Bodhisatto tiṇaṃ gahetvā bodhimaṇḍaṃ āruyha dakkhiṇadisābhāge uttarābhimukho aṭṭhāsi. Tasmiṃ khaṇe dakkhiṇacakkavāḷaṃ osīditvā heṭṭhā avīcisampattaṃ viya ahosi, uttaracakkavāḷaṃ ullaṅghitvā upari bhavaggappattaṃ viya ahosi. Bodhisatto ‘‘idaṃ sambodhiṃ pāpuṇanaṭṭhānaṃ na bhavissati maññe’’ti padakkhiṇaṃ karonto pacchimadisābhāgaṃ gantvā puratthābhimukho aṭṭhāsi, tato pacchimacakkavāḷaṃ osīditvā heṭṭhā avīcisampattaṃ viya ahosi, puratthimacakkavāḷaṃ ullaṅghitvā upari bhavaggappattaṃ viya ahosi. Ṭhitaṭṭhitaṭṭhāne kirassa nemivaṭṭipariyante akkante nābhiyā patiṭṭhitamahāsakaṭacakkaṃ viya mahāpathavī onatunnatā ahosi. Bodhisatto ‘‘idampi sambodhiṃ pāpuṇanaṭṭhānaṃ na bhavissati maññe’’ti padakkhiṇaṃ karonto uttaradisābhāgaṃ gantvā dakkhiṇābhimukho aṭṭhāsi, tato uttaracakkavāḷaṃ osīditvā heṭṭhā avīcisampattaṃ viya ahosi, dakkhiṇacakkavāḷaṃ ullaṅghitvā upari bhavaggappattaṃ viya ahosi. Bodhisatto ‘‘idampi sambodhiṃ pāpuṇanaṭṭhānaṃ na bhavissati maññe’’ti padakkhiṇaṃ karonto puratthimadisābhāgaṃ gantvā pacchimābhimukho aṭṭhāsi. Puratthimadisābhāge pana sabbabuddhānaṃ pallaṅkaṭṭhānaṃ, taṃ neva chambhati, na kampati. Mahāsatto ‘‘idaṃ sabbabuddhānaṃ avijahitaṃ acalaṭṭhānaṃ kilesapañjaraviddhaṃsanaṭṭhāna’’nti ñatvā tāni tiṇāni agge gahetvā cālesi, tāvadeva cuddasahattho pallaṅko ahosi. Tānipi kho tiṇāni tathārūpena saṇṭhānena saṇṭhahiṃsu, yathārūpaṃ sukusalopi cittakāro vā potthakāro vā ālikhitumpi samattho natthi. Bodhisatto bodhikkhandhaṃ piṭṭhito katvā puratthābhimukho daḷhamānaso hutvā –

    ‘‘гаамам̣ д̇ажо жа нхаару жа, адти жа авасиссад̇у;

    ‘‘Kāmaṃ taco ca nhāru ca, aṭṭhi ca avasissatu;

    убасуссад̇у ниссзсам̣, сарийрз мам̣салохид̇ам̣’’.

    Upasussatu nissesaṃ, sarīre maṃsalohitaṃ’’.

    на д̇взваахам̣ саммаасамб̣од̇хим̣ аббад̇ваа имам̣ баллан̇гам̣ бхинд̣̇иссаамийд̇и асанисад̇асаннибаад̇знаби абхзж̇ж̇аруубам̣ абарааж̇ид̇абаллан̇гам̣ аабхуж̇ид̇ваа нисийд̣̇и.

    Na tvevāhaṃ sammāsambodhiṃ appatvā imaṃ pallaṅkaṃ bhindissāmīti asanisatasannipātenapi abhejjarūpaṃ aparājitapallaṅkaṃ ābhujitvā nisīdi.

    д̇асмим̣ самаяз мааро д̣̇звабуд̇д̇о ‘‘сид̣̇д̇хад̇т̇агумааро маяхам̣ васам̣ ад̇иггамид̇угаамо, на д̣̇аанисса ад̇иггамид̇ум̣ д̣̇ассаамий’’д̇и маараб̣аласса санд̇игам̣ г̇анд̇ваа зд̇амад̇т̇ам̣ аарожзд̇ваа маарагхосанам̣ наама гхосаабзд̇ваа маараб̣алам̣ аад̣̇ааяа нигками. саа маарасзнаа маарасса бурад̇о д̣̇ваад̣̇асаяож̇анаа ход̇и, д̣̇агкин̣ад̇о жа ваамад̇о жа д̣̇ваад̣̇асаяож̇анаа, бажчад̇о яаава жаггаваал̣абарияанд̇ам̣ гад̇ваа тид̇аа, уд̣̇д̇хам̣ наваяож̇ануб̣б̣зд̇хаа, яассаа уннад̣̇анд̇ияаа уннаад̣̇асад̣̇д̣̇о яож̇анасахассад̇о бадтааяа бат̇авиунд̣̇рияанасад̣̇д̣̇о вияа суяяад̇и. ат̇а мааро д̣̇звабуд̇д̇о д̣̇ияад̣дхаяож̇анасад̇игам̣ г̇иримзкалам̣ наама хад̇т̇им̣ абхирухид̇ваа б̣аахусахассам̣ маабзд̇ваа наанаавуд̇хаани аг̇г̇ахзси. авасзсааяаби маарабарисааяа д̣̇вз ж̇анаа згасад̣̇исам̣ аавуд̇хам̣ на г̇ан̣хим̣су, наанаббагаараван̣н̣аа наанаббагаарамукаа худ̇ваа махаасад̇д̇ам̣ аж̇жход̇т̇арамаанаа ааг̇амим̣су.

    Tasmiṃ samaye māro devaputto ‘‘siddhatthakumāro mayhaṃ vasaṃ atikkamitukāmo, na dānissa atikkamituṃ dassāmī’’ti mārabalassa santikaṃ gantvā etamatthaṃ ārocetvā māraghosanaṃ nāma ghosāpetvā mārabalaṃ ādāya nikkhami. Sā mārasenā mārassa purato dvādasayojanā hoti, dakkhiṇato ca vāmato ca dvādasayojanā, pacchato yāva cakkavāḷapariyantaṃ katvā ṭhitā, uddhaṃ navayojanubbedhā, yassā unnadantiyā unnādasaddo yojanasahassato paṭṭhāya pathaviundriyanasaddo viya suyyati. Atha māro devaputto diyaḍḍhayojanasatikaṃ girimekhalaṃ nāma hatthiṃ abhiruhitvā bāhusahassaṃ māpetvā nānāvudhāni aggahesi. Avasesāyapi māraparisāya dve janā ekasadisaṃ āvudhaṃ na gaṇhiṃsu, nānappakāravaṇṇā nānappakāramukhā hutvā mahāsattaṃ ajjhottharamānā āgamiṃsu.

    д̣̇асасахассажаггаваал̣ад̣̇звад̇аа бана махаасад̇д̇асса т̇уд̇ияо вад̣̇амаанаа адтам̣су. сагго д̣̇зварааж̇аа виж̇аяуд̇д̇арасан̇кам̣ д̇хамамаано адтааси. со гира сан̇ко вийсахад̇т̇асад̇иго ход̇и. сагим̣ ваад̇ам̣ г̇аахаабзд̇ваа д̇хаманд̇о жад̇д̇ааро маасз сад̣̇д̣̇ам̣ гарид̇ваа ниссад̣̇д̣̇о ход̇и. махаагаал̣анааг̇арааж̇аа ад̇ирзгабад̣̇асад̇зна ван̣н̣ам̣ вад̣̇анд̇о адтааси, махааб̣рахмаа сзд̇ажчад̇д̇ам̣ д̇хаараяамаано адтааси. маараб̣алз бана б̣од̇химан̣д̣ам̣ убасан̇гаманд̇з д̇зсам̣ згоби таад̇ум̣ наасагки, саммукасаммукадтаанзнзва балааяим̣су. гаал̣о нааг̇арааж̇аа бат̇авияам̣ нимуж̇ж̇ид̇ваа бан̃жаяож̇анасад̇игам̣ ман̃ж̇зриганааг̇абхаванам̣ г̇анд̇ваа убхохи хад̇т̇зхи мукам̣ бид̣̇ахид̇ваа нибанно. сагго виж̇аяуд̇д̇арасан̇кам̣ бидтияам̣ гад̇ваа жаггаваал̣амукаваддияам̣ адтааси. махааб̣рахмаа сзд̇ажчад̇д̇ам̣ жаггаваал̣агодияам̣ табзд̇ваа б̣рахмалогамзва аг̇амааси. згаа д̣̇звад̇ааби таад̇ум̣ самад̇т̇аа наахоси, махаабурисо згагова нисийд̣̇и.

    Dasasahassacakkavāḷadevatā pana mahāsattassa thutiyo vadamānā aṭṭhaṃsu. Sakko devarājā vijayuttarasaṅkhaṃ dhamamāno aṭṭhāsi. So kira saṅkho vīsahatthasatiko hoti. Sakiṃ vātaṃ gāhāpetvā dhamanto cattāro māse saddaṃ karitvā nissaddo hoti. Mahākāḷanāgarājā atirekapadasatena vaṇṇaṃ vadanto aṭṭhāsi, mahābrahmā setacchattaṃ dhārayamāno aṭṭhāsi. Mārabale pana bodhimaṇḍaṃ upasaṅkamante tesaṃ ekopi ṭhātuṃ nāsakkhi, sammukhasammukhaṭṭhāneneva palāyiṃsu. Kāḷo nāgarājā pathaviyaṃ nimujjitvā pañcayojanasatikaṃ mañjerikanāgabhavanaṃ gantvā ubhohi hatthehi mukhaṃ pidahitvā nipanno. Sakko vijayuttarasaṅkhaṃ piṭṭhiyaṃ katvā cakkavāḷamukhavaṭṭiyaṃ aṭṭhāsi. Mahābrahmā setacchattaṃ cakkavāḷakoṭiyaṃ ṭhapetvā brahmalokameva agamāsi. Ekā devatāpi ṭhātuṃ samatthā nāhosi, mahāpuriso ekakova nisīdi.

    маароби ад̇д̇ано барисам̣ ааха ‘‘д̇аад̇аа суд̣̇д̇ход̣̇анабуд̇д̇зна сид̣̇д̇хад̇т̇зна сад̣̇исо ан̃н̃о бурисо наама над̇т̇и, маяам̣ саммукаа яуд̣̇д̇хам̣ д̣̇аад̇ум̣ на сагкиссаама, бажчаабхааг̇зна д̣̇ассаамаа’’д̇и. махаабурисоби д̇ийн̣и бассаани ологзд̇ваа саб̣б̣ад̣̇звад̇аанам̣ балаад̇ад̇д̇аа сун̃н̃аани ад̣̇д̣̇аса. буна уд̇д̇арабассзна маараб̣алам̣ аж̇жход̇т̇арамаанам̣ д̣̇исваа ‘‘аяам̣ зд̇д̇аго ж̇ано мам̣ згагам̣ санд̇хааяа маханд̇ам̣ вааяаамам̣ бараггамам̣ гарод̇и, имасмим̣ таанз маяхам̣ маад̇аа ваа бид̇аа ваа бхаад̇аа ваа ан̃н̃о ваа гожи н̃аад̇аго над̇т̇и, имаа бана д̣̇аса баарамияова маяхам̣ д̣̇ийгхарад̇д̇ам̣ будтабариж̇анасад̣̇исаа, д̇асмаа баарамияова палагам̣ гад̇ваа баарамисад̇т̇знзва бахарид̇ваа аяам̣ б̣алагааяо маяаа вид̣̇д̇хам̣сзд̇ум̣ ваддад̇ий’’д̇и д̣̇аса баарамияо ааваж̇ж̇амаано нисийд̣̇и.

    Māropi attano parisaṃ āha ‘‘tātā suddhodanaputtena siddhatthena sadiso añño puriso nāma natthi, mayaṃ sammukhā yuddhaṃ dātuṃ na sakkhissāma, pacchābhāgena dassāmā’’ti. Mahāpurisopi tīṇi passāni oloketvā sabbadevatānaṃ palātattā suññāni addasa. Puna uttarapassena mārabalaṃ ajjhottharamānaṃ disvā ‘‘ayaṃ ettako jano maṃ ekakaṃ sandhāya mahantaṃ vāyāmaṃ parakkamaṃ karoti, imasmiṃ ṭhāne mayhaṃ mātā vā pitā vā bhātā vā añño vā koci ñātako natthi, imā pana dasa pāramiyova mayhaṃ dīgharattaṃ puṭṭhaparijanasadisā, tasmā pāramiyova phalakaṃ katvā pāramisattheneva paharitvā ayaṃ balakāyo mayā viddhaṃsetuṃ vaṭṭatī’’ti dasa pāramiyo āvajjamāno nisīdi.

    ат̇а ко мааро д̣̇звабуд̇д̇о ‘‘зд̇знзва сид̣̇д̇хад̇т̇ам̣ балаабзссаамий’’д̇и ваад̇аман̣д̣алам̣ самудтаабзси. д̇ан̇кан̣ам̣язва бурад̇т̇имаад̣̇ибхзд̣̇аа ваад̇аа самудтахид̇ваа ад̣дхаяож̇аназгаяож̇анад̣̇вияож̇анад̇ияож̇анаббамаан̣аани баб̣б̣ад̇агуудаани бад̣̇аалзд̇ваа ванаг̇ажчаругкаад̣̇ийни уммуулзд̇ваа саманд̇аа г̇ааманиг̇амз жун̣н̣авижун̣н̣ам̣ гаад̇ум̣ самад̇т̇ааби махаабурисасса бун̃н̃ад̇зж̇зна вихад̇аанубхааваа б̣од̇хисад̇д̇ам̣ бад̇ваа жийвараган̣н̣амад̇д̇амби жаалзд̇ум̣ наасагким̣су. д̇ад̇о ‘‘уд̣̇агзна на аж̇жход̇т̇арид̇ваа маарзссаамий’’д̇и махаавассам̣ самудтаабзси. д̇ассаанубхаавзна убаруубари сад̇абадаласахассабадалаад̣̇ибхзд̣̇аа валаахагаа удтахид̇ваа вассим̣су. вудтид̇хаараавзг̇зна бат̇авий чид̣̇д̣̇аа ахоси. ванаругкаад̣̇ийнам̣ убарибхааг̇зна махаамзгхо ааг̇анд̇ваа махаасад̇д̇асса жийварз уссааваб̣инд̣̇удтаанамад̇д̇амби д̇змзд̇ум̣ наасагки. д̇ад̇о баасаан̣авассам̣ самудтаабзси. маханд̇аани маханд̇аани баб̣б̣ад̇агуудаани д̇хуумааяанд̇аани баж̇ж̇аланд̇аани аагаасзнааг̇анд̇ваа б̣од̇хисад̇д̇ам̣ бад̇ваа д̣̇иб̣б̣амаалааг̇ул̣абхаавам̣ аабаж̇ж̇им̣су. д̇ад̇о бахаран̣авассам̣ самудтаабзси. згад̇од̇хаарааубхад̇од̇хаарааасисад̇д̇икураббаад̣̇аяо д̇хуумааяанд̇аа баж̇ж̇аланд̇аа аагаасзнааг̇анд̇ваа б̣од̇хисад̇д̇ам̣ бад̇ваа д̣̇иб̣б̣абубпаани ахзсум̣. д̇ад̇о ан̇г̇ааравассам̣ самудтаабзси. гим̣сугаван̣н̣аа ан̇г̇аараа аагаасзнааг̇анд̇ваа б̣од̇хисад̇д̇асса баад̣̇амуулз д̣̇иб̣б̣абубпаани худ̇ваа вигирим̣су. д̇ад̇о гуггул̣авассам̣ самудтаабзси. ажжун̣хо аг̇г̇иван̣н̣о гуггул̣о аагаасзнааг̇анд̇ваа б̣од̇хисад̇д̇асса баад̣̇амуулз д̣̇иб̣б̣ажанд̣̇анажун̣н̣ам̣ худ̇ваа нибад̇и. д̇ад̇о ваалугаавассам̣ самудтаабзси. ад̇исукумаваалугаа д̇хуумааяанд̇аа баж̇ж̇аланд̇аа аагаасзнааг̇анд̇ваа б̣од̇хисад̇д̇асса баад̣̇амуулз д̣̇иб̣б̣абубпаани худ̇ваа нибад̇им̣су. д̇ад̇о галалавассам̣ самудтаабзси. д̇ам̣ галалам̣ д̇хуумааяанд̇ам̣ баж̇ж̇аланд̇ам̣ аагаасзнааг̇анд̇ваа б̣од̇хисад̇д̇асса баад̣̇амуулз д̣̇иб̣б̣авилзбанам̣ худ̇ваа нибад̇и. д̇ад̇о ‘‘иминаа бхим̣сзд̇ваа сид̣̇д̇хад̇т̇ам̣ балаабзссаамий’’д̇и анд̇хагаарам̣ самудтаабзси. д̇ам̣ жад̇уран̇г̇асаманнааг̇ад̇ам̣ вияа махаад̇амам̣ худ̇ваа б̣од̇хисад̇д̇ам̣ бад̇ваа суурияаббабхаавихад̇ам̣ вияа анд̇хагаарам̣ анд̇арад̇хааяи.

    Atha kho māro devaputto ‘‘eteneva siddhatthaṃ palāpessāmī’’ti vātamaṇḍalaṃ samuṭṭhāpesi. Taṅkhaṇaṃyeva puratthimādibhedā vātā samuṭṭhahitvā aḍḍhayojanaekayojanadviyojanatiyojanappamāṇāni pabbatakūṭāni padāletvā vanagaccharukkhādīni ummūletvā samantā gāmanigame cuṇṇavicuṇṇaṃ kātuṃ samatthāpi mahāpurisassa puññatejena vihatānubhāvā bodhisattaṃ patvā cīvarakaṇṇamattampi cāletuṃ nāsakkhiṃsu. Tato ‘‘udakena na ajjhottharitvā māressāmī’’ti mahāvassaṃ samuṭṭhāpesi. Tassānubhāvena uparūpari satapaṭalasahassapaṭalādibhedā valāhakā uṭṭhahitvā vassiṃsu. Vuṭṭhidhārāvegena pathavī chiddā ahosi. Vanarukkhādīnaṃ uparibhāgena mahāmegho āgantvā mahāsattassa cīvare ussāvabinduṭṭhānamattampi temetuṃ nāsakkhi. Tato pāsāṇavassaṃ samuṭṭhāpesi. Mahantāni mahantāni pabbatakūṭāni dhūmāyantāni pajjalantāni ākāsenāgantvā bodhisattaṃ patvā dibbamālāguḷabhāvaṃ āpajjiṃsu. Tato paharaṇavassaṃ samuṭṭhāpesi. Ekatodhārāubhatodhārāasisattikhurappādayo dhūmāyantā pajjalantā ākāsenāgantvā bodhisattaṃ patvā dibbapupphāni ahesuṃ. Tato aṅgāravassaṃ samuṭṭhāpesi. Kiṃsukavaṇṇā aṅgārā ākāsenāgantvā bodhisattassa pādamūle dibbapupphāni hutvā vikiriṃsu. Tato kukkuḷavassaṃ samuṭṭhāpesi. Accuṇho aggivaṇṇo kukkuḷo ākāsenāgantvā bodhisattassa pādamūle dibbacandanacuṇṇaṃ hutvā nipati. Tato vālukāvassaṃ samuṭṭhāpesi. Atisukhumavālukā dhūmāyantā pajjalantā ākāsenāgantvā bodhisattassa pādamūle dibbapupphāni hutvā nipatiṃsu. Tato kalalavassaṃ samuṭṭhāpesi. Taṃ kalalaṃ dhūmāyantaṃ pajjalantaṃ ākāsenāgantvā bodhisattassa pādamūle dibbavilepanaṃ hutvā nipati. Tato ‘‘iminā bhiṃsetvā siddhatthaṃ palāpessāmī’’ti andhakāraṃ samuṭṭhāpesi. Taṃ caturaṅgasamannāgataṃ viya mahātamaṃ hutvā bodhisattaṃ patvā sūriyappabhāvihataṃ viya andhakāraṃ antaradhāyi.

    звам̣ мааро имаахи навахи ваад̇авассабаасаан̣абахаран̣аан̇г̇аарагуггул̣аваалугаагалалаанд̇хагааравудтийхи б̣од̇хисад̇д̇ам̣ балаабзд̇ум̣ асаггонд̇о ‘‘гим̣ бхан̣з, д̇идтат̇а, имам̣ сид̣̇д̇хад̇т̇агумаарам̣ г̇ан̣хат̇а ханат̇а балаабзт̇аа’’д̇и барисам̣ аан̣аабзд̇ваа саяамби г̇иримзкаласса хад̇т̇ино канд̇хз нисинно жаггаавуд̇хам̣ аад̣̇ааяа б̣од̇хисад̇д̇ам̣ убасан̇гамид̇ваа ‘‘сид̣̇д̇хад̇т̇а удтаахи зд̇асмаа баллан̇гаа, нааяам̣ д̇уяхам̣ баабун̣аад̇и, маяхам̣ зва баабун̣аад̇ий’’д̇и ааха. махаасад̇д̇о д̇асса важанам̣ суд̇ваа авожа – ‘‘маара, нзва д̇аяаа д̣̇аса баарамияо буурид̇аа, на убабаарамияо, на барамад̇т̇абаарамияо, нааби бан̃жа махаабарижжааг̇аа барижжад̇д̇аа , на н̃аад̇ад̇т̇ажарияаа, на логад̇т̇ажарияаа, на б̣уд̣̇д̇хижарияаа буурид̇аа, саб̣б̣аа д̇аа маяааязва буурид̇аа, д̇асмаа нааяам̣ баллан̇го д̇уяхам̣ баабун̣аад̇и , маяхзвзсо баабун̣аад̇ий’’д̇и.

    Evaṃ māro imāhi navahi vātavassapāsāṇapaharaṇaaṅgārakukkuḷavālukākalalaandhakāravuṭṭhīhi bodhisattaṃ palāpetuṃ asakkonto ‘‘kiṃ bhaṇe, tiṭṭhatha, imaṃ siddhatthakumāraṃ gaṇhatha hanatha palāpethā’’ti parisaṃ āṇāpetvā sayampi girimekhalassa hatthino khandhe nisinno cakkāvudhaṃ ādāya bodhisattaṃ upasaṅkamitvā ‘‘siddhattha uṭṭhāhi etasmā pallaṅkā, nāyaṃ tuyhaṃ pāpuṇāti, mayhaṃ eva pāpuṇātī’’ti āha. Mahāsatto tassa vacanaṃ sutvā avoca – ‘‘māra, neva tayā dasa pāramiyo pūritā, na upapāramiyo, na paramatthapāramiyo, nāpi pañca mahāpariccāgā pariccattā , na ñātatthacariyā, na lokatthacariyā, na buddhicariyā pūritā, sabbā tā mayāyeva pūritā, tasmā nāyaṃ pallaṅko tuyhaṃ pāpuṇāti , mayheveso pāpuṇātī’’ti.

    мааро гуд̣̇д̇хо год̇хавзг̇ам̣ асаханд̇о махаабурисасса жаггаавуд̇хам̣ виссаж̇ж̇зси. д̇ам̣ д̇асса д̣̇аса баарамияо ааваж̇ж̇знд̇асса убарибхааг̇з маалаавид̇аанам̣ худ̇ваа адтааси. д̇ам̣ гира курад̇хааражаггаавуд̇хам̣ ан̃н̃ад̣̇аа д̇зна гуд̣̇д̇хзна виссадтам̣ згагханабаасаан̣ад̇т̇амбхз вам̣сагал̣ийрз вияа чинд̣̇анд̇ам̣ г̇ажчад̇и, ид̣̇аани бана д̇асмим̣ маалаавид̇аанам̣ худ̇ваа тид̇з авасзсаа маарабарисаа ‘‘ид̣̇аани баллан̇гад̇о вудтааяа балааяиссад̇ий’’д̇и маханд̇амаханд̇аани сзлагуудаани виссаж̇ж̇зсум̣. д̇ааниби махаабурисасса д̣̇аса баарамияо ааваж̇ж̇знд̇асса маалааг̇ул̣абхаавам̣ аабаж̇ж̇ид̇ваа бхуумияам̣ бад̇им̣су. д̣̇звад̇аа жаггаваал̣амукаваддияам̣ тид̇аа г̇ийвам̣ басаарзд̇ваа сийсам̣ угкибид̇ваа ‘‘надто вад̇а со сид̣̇д̇хад̇т̇агумаарасса руубаг̇г̇аббад̇д̇о ад̇д̇абхааво, гим̣ ну ко гариссад̇ий’’д̇и ологзнд̇и.

    Māro kuddho kodhavegaṃ asahanto mahāpurisassa cakkāvudhaṃ vissajjesi. Taṃ tassa dasa pāramiyo āvajjentassa uparibhāge mālāvitānaṃ hutvā aṭṭhāsi. Taṃ kira khuradhāracakkāvudhaṃ aññadā tena kuddhena vissaṭṭhaṃ ekaghanapāsāṇatthambhe vaṃsakaḷīre viya chindantaṃ gacchati, idāni pana tasmiṃ mālāvitānaṃ hutvā ṭhite avasesā māraparisā ‘‘idāni pallaṅkato vuṭṭhāya palāyissatī’’ti mahantamahantāni selakūṭāni vissajjesuṃ. Tānipi mahāpurisassa dasa pāramiyo āvajjentassa mālāguḷabhāvaṃ āpajjitvā bhūmiyaṃ patiṃsu. Devatā cakkavāḷamukhavaṭṭiyaṃ ṭhitā gīvaṃ pasāretvā sīsaṃ ukkhipitvā ‘‘naṭṭho vata so siddhatthakumārassa rūpaggappatto attabhāvo, kiṃ nu kho karissatī’’ti olokenti.

    д̇ад̇о махаабурисо ‘‘буурид̇абаарамийнам̣ б̣од̇хисад̇д̇аанам̣ абхисамб̣уж̇жханад̣̇ивасз бад̇д̇абаллан̇го маяхам̣ва баабун̣аад̇ий’’д̇и вад̇ваа тид̇ам̣ маарам̣ ааха – ‘‘маара д̇уяхам̣ д̣̇аанасса д̣̇иннабхаавз го сагкий’’д̇и. мааро ‘‘имз зд̇д̇агаа ж̇анаа сагкино’’д̇и маараб̣алаабхимукам̣ хад̇т̇ам̣ басаарзси. д̇асмим̣ кан̣з маарабарисааяа ‘‘ахам̣ сагкий, ахам̣ сагкий’’д̇и бавад̇д̇асад̣̇д̣̇о бат̇авиунд̣̇рияанасад̣̇д̣̇асад̣̇исо ахоси. ат̇а мааро махаабурисам̣ ааха ‘‘сид̣̇д̇хад̇т̇а, д̇уяхам̣ д̣̇аанасса д̣̇иннабхаавз го сагкий’’д̇и. махаабурисо ‘‘д̇уяхам̣ д̇аава д̣̇аанасса д̣̇иннабхаавз сажзд̇анаа сагкино, маяхам̣ бана имасмим̣ таанз сажзд̇ано гожи сагкий наама над̇т̇и, д̇идтад̇у д̇аава мз авасзсад̇д̇абхаавзсу д̣̇иннад̣̇аанам̣, взссанд̇арад̇д̇абхаавз бана тад̇ваа маяхам̣ сад̇д̇асад̇агамахаад̣̇аанасса д̣̇иннабхаавз аяам̣ ажзд̇анааби гханамахаабат̇авий сагкий’’д̇и жийвараг̇аб̣бханд̇арад̇о д̣̇агкин̣ахад̇т̇ам̣ абхинийхарид̇ваа ‘‘взссанд̇арад̇д̇абхаавз тад̇ваа маяхам̣ сад̇д̇асад̇агамахаад̣̇аанасса д̣̇иннабхаавз д̇вам̣ сагкий на сагкий’’д̇и махаабат̇авиабхимукам̣ хад̇т̇ам̣ басаарзси. махаабат̇авий ‘‘ахам̣ д̇з д̇ад̣̇аа сагкий’’д̇и виравасад̇зна виравасахассзна виравасад̇асахассзна маараб̣алам̣ авад̇т̇арамаанаа вияа уннад̣̇и.

    Tato mahāpuriso ‘‘pūritapāramīnaṃ bodhisattānaṃ abhisambujjhanadivase pattapallaṅko mayhaṃva pāpuṇātī’’ti vatvā ṭhitaṃ māraṃ āha – ‘‘māra tuyhaṃ dānassa dinnabhāve ko sakkhī’’ti. Māro ‘‘ime ettakā janā sakkhino’’ti mārabalābhimukhaṃ hatthaṃ pasāresi. Tasmiṃ khaṇe māraparisāya ‘‘ahaṃ sakkhī, ahaṃ sakkhī’’ti pavattasaddo pathaviundriyanasaddasadiso ahosi. Atha māro mahāpurisaṃ āha ‘‘siddhattha, tuyhaṃ dānassa dinnabhāve ko sakkhī’’ti. Mahāpuriso ‘‘tuyhaṃ tāva dānassa dinnabhāve sacetanā sakkhino, mayhaṃ pana imasmiṃ ṭhāne sacetano koci sakkhī nāma natthi, tiṭṭhatu tāva me avasesattabhāvesu dinnadānaṃ, vessantarattabhāve pana ṭhatvā mayhaṃ sattasatakamahādānassa dinnabhāve ayaṃ acetanāpi ghanamahāpathavī sakkhī’’ti cīvaragabbhantarato dakkhiṇahatthaṃ abhinīharitvā ‘‘vessantarattabhāve ṭhatvā mayhaṃ sattasatakamahādānassa dinnabhāve tvaṃ sakkhī na sakkhī’’ti mahāpathaviabhimukhaṃ hatthaṃ pasāresi. Mahāpathavī ‘‘ahaṃ te tadā sakkhī’’ti viravasatena viravasahassena viravasatasahassena mārabalaṃ avattharamānā viya unnadi.

    д̇ад̇о махаабурисз ‘‘д̣̇иннам̣ д̇з сид̣̇д̇хад̇т̇а махаад̣̇аанам̣ уд̇д̇амад̣̇аана’’нд̇и взссанд̇арад̣̇аанам̣ саммасанд̇з д̣̇ияад̣дхаяож̇анасад̇иго г̇иримзкалахад̇т̇ий ж̇ан̣н̣угзхи бат̇авияам̣ бад̇идтааси, маарабарисаа д̣̇исаавид̣̇исаа балааяи, д̣̇вз згамаг̇г̇зна г̇ад̇аа наама над̇т̇и, сийсаабхаран̣аани жзва нивад̇т̇авад̇т̇аани жа бахааяа саммукасаммукад̣̇исаахиязва балааяим̣су. д̇ад̇о д̣̇звасан̇гхаа балааяамаанам̣ маараб̣алам̣ д̣̇исваа ‘‘маарасса барааж̇аяо ж̇аад̇о, сид̣̇д̇хад̇т̇агумаарасса ж̇аяо, ж̇аяабууж̇ам̣ гариссаамаа’’д̇и нааг̇аа нааг̇аанам̣, субан̣н̣аа субан̣н̣аанам̣ , д̣̇звад̇аа д̣̇звад̇аанам̣, б̣рахмаано б̣рахмаанам̣, уг̇гхосзд̇ваа г̇анд̇хамаалаад̣̇ихад̇т̇аа махаабурисасса санд̇игам̣ б̣од̇хибаллан̇гам̣ аг̇амам̣су.

    Tato mahāpurise ‘‘dinnaṃ te siddhattha mahādānaṃ uttamadāna’’nti vessantaradānaṃ sammasante diyaḍḍhayojanasatiko girimekhalahatthī jaṇṇukehi pathaviyaṃ patiṭṭhāsi, māraparisā disāvidisā palāyi, dve ekamaggena gatā nāma natthi, sīsābharaṇāni ceva nivatthavatthāni ca pahāya sammukhasammukhadisāhiyeva palāyiṃsu. Tato devasaṅghā palāyamānaṃ mārabalaṃ disvā ‘‘mārassa parājayo jāto, siddhatthakumārassa jayo, jayapūjaṃ karissāmā’’ti nāgā nāgānaṃ, supaṇṇā supaṇṇānaṃ , devatā devatānaṃ, brahmāno brahmānaṃ, ugghosetvā gandhamālādihatthā mahāpurisassa santikaṃ bodhipallaṅkaṃ agamaṃsu.

    звам̣ г̇ад̇зсу жа бана д̇зсу –

    Evaṃ gatesu ca pana tesu –

    ‘‘ж̇аяо хи б̣уд̣̇д̇хасса сириймад̇о аяам̣, маарасса жа баабимад̇о барааж̇аяо;

    ‘‘Jayo hi buddhassa sirīmato ayaṃ, mārassa ca pāpimato parājayo;

    уг̇гхосаяум̣ б̣од̇химан̣д̣з бамод̣̇ид̇аа, ж̇аяам̣ д̇ад̣̇аа нааг̇аг̇ан̣аа махзсино.

    Ugghosayuṃ bodhimaṇḍe pamoditā, jayaṃ tadā nāgagaṇā mahesino.

    ‘‘ж̇аяо хи б̣уд̣̇д̇хасса сириймад̇о аяам̣, маарасса жа баабимад̇о барааж̇аяо;

    ‘‘Jayo hi buddhassa sirīmato ayaṃ, mārassa ca pāpimato parājayo;

    уг̇гхосаяум̣ б̣од̇химан̣д̣з бамод̣̇ид̇аа, субан̣н̣асан̇гхааби ж̇аяам̣ махзсино.

    Ugghosayuṃ bodhimaṇḍe pamoditā, supaṇṇasaṅghāpi jayaṃ mahesino.

    ‘‘ж̇аяо хи б̣уд̣̇д̇хасса сириймад̇о аяам̣, маарасса жа баабимад̇о барааж̇аяо;

    ‘‘Jayo hi buddhassa sirīmato ayaṃ, mārassa ca pāpimato parājayo;

    уг̇гхосаяум̣ б̣од̇химан̣д̣з бамод̣̇ид̇аа, ж̇аяам̣ д̇ад̣̇аа д̣̇зваг̇ан̣аа махзсино.

    Ugghosayuṃ bodhimaṇḍe pamoditā, jayaṃ tadā devagaṇā mahesino.

    ‘‘ж̇аяо хи б̣уд̣̇д̇хасса сириймад̇о аяам̣, маарасса жа баабимад̇о барааж̇аяо;

    ‘‘Jayo hi buddhassa sirīmato ayaṃ, mārassa ca pāpimato parājayo;

    уг̇гхосаяум̣ б̣од̇химан̣д̣з бамод̣̇ид̇аа, ж̇аяам̣ д̇ад̣̇аа б̣рахмаг̇ан̣ааби д̇аад̣̇ино’’д̇и.

    Ugghosayuṃ bodhimaṇḍe pamoditā, jayaṃ tadā brahmagaṇāpi tādino’’ti.

    авасзсаа д̣̇асасу жаггаваал̣асахассзсу д̣̇звад̇аа маалааг̇анд̇хавилзбанзхи жа бууж̇аяамаанаа наанаббагаараа т̇уд̇ияо жа вад̣̇амаанаа адтам̣су. звам̣ анад̇т̇ан̇г̇ад̇зязва суурияз махаабурисо маараб̣алам̣ вид̇хамзд̇ваа жийваруубари бад̇амаанзхи б̣од̇хиругкан̇гурзхи рад̇д̇абаваал̣абаллавзхи вияа бууж̇ияамаано батамаяаамз буб̣б̣зниваасан̃аан̣ам̣ ануссарид̇ваа, маж̇жхимаяаамз д̣̇иб̣б̣ажагкум̣ висод̇хзд̇ваа, бажчимаяаамз бадижжасамуббаад̣̇з н̃аан̣ам̣ од̇аарзси. ат̇асса д̣̇ваад̣̇асабад̣̇игам̣ бажжаяаагаарам̣ ваддавиваддавасзна ануломабадиломад̇о саммасанд̇асса д̣̇асасахассий логад̇хаад̇у уд̣̇агабарияанд̇ам̣ гад̇ваа д̣̇ваад̣̇асагкад̇д̇ум̣ самбагамби.

    Avasesā dasasu cakkavāḷasahassesu devatā mālāgandhavilepanehi ca pūjayamānā nānappakārā thutiyo ca vadamānā aṭṭhaṃsu. Evaṃ anatthaṅgateyeva sūriye mahāpuriso mārabalaṃ vidhametvā cīvarūpari patamānehi bodhirukkhaṅkurehi rattapavāḷapallavehi viya pūjiyamāno paṭhamayāme pubbenivāsañāṇaṃ anussaritvā, majjhimayāme dibbacakkhuṃ visodhetvā, pacchimayāme paṭiccasamuppāde ñāṇaṃ otāresi. Athassa dvādasapadikaṃ paccayākāraṃ vaṭṭavivaṭṭavasena anulomapaṭilomato sammasantassa dasasahassī lokadhātu udakapariyantaṃ katvā dvādasakkhattuṃ sampakampi.

    махаабурисз бана д̣̇асасахассилогад̇хаад̇ум̣ уннаад̣̇зд̇ваа арун̣уг̇г̇аманавзлааяа саб̣б̣ан̃н̃уд̇ан̃н̃аан̣ам̣ бадивиж̇жханд̇з сагалад̣̇асасахассий логад̇хаад̇у алан̇гад̇абадияад̇д̇аа ахоси. баажийнажаггаваал̣амукаваддияам̣ уссаабид̇аанам̣ д̇хаж̇аанам̣ бадаагаанам̣ рам̣сияо бажчимажаггаваал̣амукаваддияам̣ бахаранд̇и, д̇ат̇аа бажчимажаггаваал̣амукаваддияам̣ уссаабид̇аанам̣ баажийнажаггаваал̣амукаваддияам̣, д̣̇агкин̣ажаггаваал̣амукаваддияам̣ уссаабид̇аанам̣ уд̇д̇аражаггаваал̣амукаваддияам̣, уд̇д̇аражаггаваал̣амукаваддияам̣ уссаабид̇аанам̣ д̣̇агкин̣ажаггаваал̣амукаваддияам̣ бахаранд̇и, бат̇авид̇алз уссаабид̇аанам̣ бана д̇хаж̇аанам̣ бадаагаанам̣ б̣рахмалогам̣ аахажжа адтам̣су, б̣рахмалогз б̣ад̣̇д̇хаанам̣ бат̇авид̇алз бад̇идтахим̣су, д̣̇асасахассажаггаваал̣зсу бубпуубаг̇аругкаа бубпам̣ г̇ан̣хим̣су, палуубаг̇аругкаа палабин̣д̣ийбхаарабхарид̇аа ахзсум̣. канд̇хзсу канд̇хабад̣̇умаани бубпим̣су, саакаасу саакаабад̣̇умаани, лад̇аасу лад̇аабад̣̇умаани, аагаасз оламб̣агабад̣̇умаани, силаад̇алаани бхинд̣̇ид̇ваа убаруубари сад̇д̇а сад̇д̇а худ̇ваа д̣̇ан̣д̣агабад̣̇умаани удтахим̣су. д̣̇асасахассий логад̇хаад̇у ваддзд̇ваа виссадтамаалааг̇ул̣аа вияа сусант̇ад̇абубпасант̇ааро вияа жа ахоси. жаггаваал̣анд̇арзсу адтаяож̇анасахассалоганд̇аригаа сад̇д̇асуурияаббабхааяаби анобхаасид̇абуб̣б̣аа згобхаасаа ахзсум̣, жад̇ураасийд̇ияож̇анасахассаг̇амбхийро махаасамуд̣̇д̣̇о мад̇хурод̣̇аго ахоси, над̣̇ияо наббавад̇д̇им̣су, ж̇ажжанд̇хаа руубаани бассим̣су, ж̇аад̇иб̣ад̇хираа сад̣̇д̣̇ам̣ сун̣им̣су, ж̇аад̇ибийтасаббино бад̣̇асаа г̇ажчим̣су, анд̣̇уб̣анд̇ханаад̣̇ийни чиж̇ж̇ид̇ваа бад̇им̣су.

    Mahāpurise pana dasasahassilokadhātuṃ unnādetvā aruṇuggamanavelāya sabbaññutaññāṇaṃ paṭivijjhante sakaladasasahassī lokadhātu alaṅkatapaṭiyattā ahosi. Pācīnacakkavāḷamukhavaṭṭiyaṃ ussāpitānaṃ dhajānaṃ paṭākānaṃ raṃsiyo pacchimacakkavāḷamukhavaṭṭiyaṃ paharanti, tathā pacchimacakkavāḷamukhavaṭṭiyaṃ ussāpitānaṃ pācīnacakkavāḷamukhavaṭṭiyaṃ, dakkhiṇacakkavāḷamukhavaṭṭiyaṃ ussāpitānaṃ uttaracakkavāḷamukhavaṭṭiyaṃ, uttaracakkavāḷamukhavaṭṭiyaṃ ussāpitānaṃ dakkhiṇacakkavāḷamukhavaṭṭiyaṃ paharanti, pathavitale ussāpitānaṃ pana dhajānaṃ paṭākānaṃ brahmalokaṃ āhacca aṭṭhaṃsu, brahmaloke baddhānaṃ pathavitale patiṭṭhahiṃsu, dasasahassacakkavāḷesu pupphūpagarukkhā pupphaṃ gaṇhiṃsu, phalūpagarukkhā phalapiṇḍībhārabharitā ahesuṃ. Khandhesu khandhapadumāni pupphiṃsu, sākhāsu sākhāpadumāni, latāsu latāpadumāni, ākāse olambakapadumāni, silātalāni bhinditvā uparūpari satta satta hutvā daṇḍakapadumāni uṭṭhahiṃsu. Dasasahassī lokadhātu vaṭṭetvā vissaṭṭhamālāguḷā viya susanthatapupphasanthāro viya ca ahosi. Cakkavāḷantaresu aṭṭhayojanasahassalokantarikā sattasūriyappabhāyapi anobhāsitapubbā ekobhāsā ahesuṃ, caturāsītiyojanasahassagambhīro mahāsamuddo madhurodako ahosi, nadiyo nappavattiṃsu, jaccandhā rūpāni passiṃsu, jātibadhirā saddaṃ suṇiṃsu, jātipīṭhasappino padasā gacchiṃsu, andubandhanādīni chijjitvā patiṃsu.

    звам̣ абаримаан̣зна сиривибхавзна бууж̇ияамаано махаабурисо анзгаббагаарзсу ажчарияад̇хаммзсу баад̇убхууд̇зсу саб̣б̣ан̃н̃уд̇ан̃н̃аан̣ам̣ бадивиж̇жхид̇ваа саб̣б̣аб̣уд̣̇д̇хаанам̣ авиж̇ахид̇ам̣ уд̣̇аанам̣ уд̣̇аанзси –

    Evaṃ aparimāṇena sirivibhavena pūjiyamāno mahāpuriso anekappakāresu acchariyadhammesu pātubhūtesu sabbaññutaññāṇaṃ paṭivijjhitvā sabbabuddhānaṃ avijahitaṃ udānaṃ udānesi –

    ‘‘анзгаж̇аад̇исам̣саарам̣ , санд̇хаависсам̣ аниб̣б̣исам̣;

    ‘‘Anekajātisaṃsāraṃ , sandhāvissaṃ anibbisaṃ;

    г̇ахагаарам̣ г̇авзсанд̇о, д̣̇угкаа ж̇аад̇и бунаббунам̣.

    Gahakāraṃ gavesanto, dukkhā jāti punappunaṃ.

    ‘‘г̇ахагаарага д̣̇идтоси, буна г̇зхам̣ на гаахаси;

    ‘‘Gahakāraka diṭṭhosi, puna gehaṃ na kāhasi;

    саб̣б̣аа д̇з паасугаа бхаг̇г̇аа, г̇ахагуудам̣ висан̇кад̇ам̣;

    Sabbā te phāsukā bhaggā, gahakūṭaṃ visaṅkhataṃ;

    висан̇каараг̇ад̇ам̣ жид̇д̇ам̣, д̇ан̣хаанам̣ каяамаж̇жхаг̇аа’’д̇и. (д̇ха. ба. 153-154);

    Visaṅkhāragataṃ cittaṃ, taṇhānaṃ khayamajjhagā’’ti. (dha. pa. 153-154);

    ид̇и д̇усид̇абурад̇о бадтааяа яаава аяам̣ б̣од̇химан̣д̣з саб̣б̣ан̃н̃уд̇аббад̇д̇и, зд̇д̇агам̣ таанам̣ авид̣̇уурзнид̣̇аанам̣ наамаад̇и взд̣̇ид̇аб̣б̣ам̣.

    Iti tusitapurato paṭṭhāya yāva ayaṃ bodhimaṇḍe sabbaññutappatti, ettakaṃ ṭhānaṃ avidūrenidānaṃ nāmāti veditabbaṃ.

    авид̣̇уурзнид̣̇аанагат̇аа нидтид̇аа.

    Avidūrenidānakathā niṭṭhitā.

    3. санд̇игзнид̣̇аанагат̇аа

    3. Santikenidānakathā

    ‘‘санд̇игзнид̣̇аанам̣ бана ‘бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. взсаалияам̣ вихарад̇и махааванз гуудааг̇аарасаалааяа’нд̇и звам̣ д̇зсу д̇зсу таанзсу вихарад̇о д̇асмим̣ д̇асмим̣ таанзязва лаб̣бхад̇ий’’д̇и вуд̇д̇ам̣. гин̃жааби звам̣ вуд̇д̇ам̣, ат̇а ко бана д̇амби аад̣̇ид̇о бадтааяа звам̣ взд̣̇ид̇аб̣б̣ам̣ – уд̣̇аанам̣ уд̣̇аанзд̇ваа ж̇аяабаллан̇гз нисиннасса хи бхаг̇авад̇о зд̇ад̣̇ахоси ‘‘ахам̣ габбасад̇асахассаад̇хигаани жад̇д̇аари асан̇кязяяаани имасса баллан̇гасса гааран̣аа санд̇хаавим̣, зд̇д̇агам̣ мз гаалам̣ имассзва баллан̇гасса гааран̣аа алан̇гад̇асийсам̣ г̇ийвааяа чинд̣̇ид̇ваа д̣̇иннам̣, суан̃ж̇ид̇аани агкийни хад̣̇аяамам̣сан̃жа уб̣б̣аддзд̇ваа д̣̇иннам̣, ж̇аалийгумаарасад̣̇исаа буд̇д̇аа ган̣хааж̇инагумаарисад̣̇исаа д̇хийд̇аро мад̣̇д̣̇ийд̣̇звисад̣̇исаа бхарияааяо жа барзсам̣ д̣̇аасад̇т̇ааяа д̣̇иннаа, аяам̣ мз баллан̇го ж̇аяабаллан̇го варабаллан̇го жа. зд̇т̇а мз нисиннасса сан̇габбаа барибун̣н̣аа, на д̇аава ид̇о удтахиссаамий’’д̇и анзгагодисад̇асахассаа самаабад̇д̇ияо самаабаж̇ж̇анд̇о сад̇д̇аахам̣ д̇ад̇т̇зва нисийд̣̇и. яам̣ санд̇хааяа вуд̇д̇ам̣ ‘‘ат̇а ко бхаг̇аваа сад̇д̇аахам̣ згабаллан̇гзна нисийд̣̇и вимуд̇д̇исукабадисам̣взд̣̇ий’’д̇и (уд̣̇аа. 1; махаава. 1).

    ‘‘Santikenidānaṃ pana ‘bhagavā sāvatthiyaṃ viharati jetavane anāthapiṇḍikassa ārāme. Vesāliyaṃ viharati mahāvane kūṭāgārasālāya’nti evaṃ tesu tesu ṭhānesu viharato tasmiṃ tasmiṃ ṭhāneyeva labbhatī’’ti vuttaṃ. Kiñcāpi evaṃ vuttaṃ, atha kho pana tampi ādito paṭṭhāya evaṃ veditabbaṃ – udānaṃ udānetvā jayapallaṅke nisinnassa hi bhagavato etadahosi ‘‘ahaṃ kappasatasahassādhikāni cattāri asaṅkhyeyyāni imassa pallaṅkassa kāraṇā sandhāviṃ, ettakaṃ me kālaṃ imasseva pallaṅkassa kāraṇā alaṅkatasīsaṃ gīvāya chinditvā dinnaṃ, suañjitāni akkhīni hadayamaṃsañca ubbaṭṭetvā dinnaṃ, jālīkumārasadisā puttā kaṇhājinakumārisadisā dhītaro maddīdevisadisā bhariyāyo ca paresaṃ dāsatthāya dinnā, ayaṃ me pallaṅko jayapallaṅko varapallaṅko ca. Ettha me nisinnassa saṅkappā paripuṇṇā, na tāva ito uṭṭhahissāmī’’ti anekakoṭisatasahassā samāpattiyo samāpajjanto sattāhaṃ tattheva nisīdi. Yaṃ sandhāya vuttaṃ ‘‘atha kho bhagavā sattāhaṃ ekapallaṅkena nisīdi vimuttisukhapaṭisaṃvedī’’ti (udā. 1; mahāva. 1).

    ат̇а згажжаанам̣ д̣̇звад̇аанам̣ ‘‘аж̇ж̇ааби нууна сид̣̇д̇хад̇т̇асса гад̇д̇аб̣б̣агижжам̣ ад̇т̇и, баллан̇гасмин̃хи аалаяам̣ на виж̇ахад̇ий’’д̇и баривид̇агго уд̣̇абаад̣̇и. сад̇т̇аа д̣̇звад̇аанам̣ баривид̇аггам̣ н̃ад̇ваа д̇аасам̣ вид̇аггавуубасаманад̇т̇ам̣ взхаасам̣ аб̣бхуг̇г̇анд̇ваа яамагабаадихаарияам̣ д̣̇ассзси. махааб̣од̇химан̣д̣асмин̃хи гад̇абаадихаарияан̃жа, н̃аад̇исамааг̇амз гад̇абаадихаарияан̃жа, баат̇игабуд̇д̇асамааг̇амз гад̇абаадихаарияан̃жа, саб̣б̣ам̣ ган̣д̣амб̣аругкамуулз яамагабаадихаарияасад̣̇исам̣ ахоси.

    Atha ekaccānaṃ devatānaṃ ‘‘ajjāpi nūna siddhatthassa kattabbakiccaṃ atthi, pallaṅkasmiñhi ālayaṃ na vijahatī’’ti parivitakko udapādi. Satthā devatānaṃ parivitakkaṃ ñatvā tāsaṃ vitakkavūpasamanatthaṃ vehāsaṃ abbhuggantvā yamakapāṭihāriyaṃ dassesi. Mahābodhimaṇḍasmiñhi katapāṭihāriyañca, ñātisamāgame katapāṭihāriyañca, pāthikaputtasamāgame katapāṭihāriyañca, sabbaṃ kaṇḍambarukkhamūle yamakapāṭihāriyasadisaṃ ahosi.

    звам̣ сад̇т̇аа иминаа баадихаариязна д̣̇звад̇аанам̣ вид̇аггам̣ вуубасамзд̇ваа баллан̇гад̇о ийсагам̣ баажийнаниссид̇з уд̇д̇арад̣̇исаабхааг̇з тад̇ваа ‘‘имасмим̣ вад̇а мз баллан̇гз саб̣б̣ан̃н̃уд̇ан̃н̃аан̣ам̣ бадивид̣̇д̇ха’’нд̇и жад̇д̇аари асан̇кязяяаани габбасад̇асахассан̃жа буурид̇аанам̣ баарамийнам̣ палаад̇хиг̇амадтаанам̣ баллан̇гам̣ б̣од̇хиругкан̃жа анимисзхи агкийхи ологаяамаано сад̇д̇аахам̣ вийд̇инаамзси, д̇ам̣ таанам̣ анимисажзд̇ияам̣ наама ж̇аад̇ам̣. ат̇а баллан̇гасса жа тид̇адтаанасса жа анд̇араа жан̇гамам̣ маабзд̇ваа бурад̇т̇имабажчимад̇о ааяад̇з рад̇анажан̇гамз жан̇гаманд̇о сад̇д̇аахам̣ вийд̇инаамзси, д̇ам̣ таанам̣ рад̇анажан̇гамажзд̇ияам̣ наама ж̇аад̇ам̣.

    Evaṃ satthā iminā pāṭihāriyena devatānaṃ vitakkaṃ vūpasametvā pallaṅkato īsakaṃ pācīnanissite uttaradisābhāge ṭhatvā ‘‘imasmiṃ vata me pallaṅke sabbaññutaññāṇaṃ paṭividdha’’nti cattāri asaṅkhyeyyāni kappasatasahassañca pūritānaṃ pāramīnaṃ phalādhigamaṭṭhānaṃ pallaṅkaṃ bodhirukkhañca animisehi akkhīhi olokayamāno sattāhaṃ vītināmesi, taṃ ṭhānaṃ animisacetiyaṃ nāma jātaṃ. Atha pallaṅkassa ca ṭhitaṭṭhānassa ca antarā caṅkamaṃ māpetvā puratthimapacchimato āyate ratanacaṅkame caṅkamanto sattāhaṃ vītināmesi, taṃ ṭhānaṃ ratanacaṅkamacetiyaṃ nāma jātaṃ.

    жад̇уд̇т̇з бана сад̇д̇аахз б̣од̇хид̇о бажчимуд̇д̇арад̣̇исаабхааг̇з д̣̇звад̇аа рад̇анагхарам̣ маабаяим̣су, д̇ад̇т̇а баллан̇гзна нисийд̣̇ид̇ваа абхид̇хаммабидагам̣ висзсад̇о жзд̇т̇а ананд̇анаяам̣ саманд̇абадтаанам̣ вижинанд̇о сад̇д̇аахам̣ вийд̇инаамзси. аабхид̇хаммигаа банааху ‘‘рад̇анагхарам̣ наама на сад̇д̇арад̇анамаяам̣ г̇зхам̣, сад̇д̇аннам̣ бана багаран̣аанам̣ саммасид̇адтаанам̣ ‘рад̇анагхара’нд̇и вужжад̇ий’’д̇и. яасмаа банзд̇т̇а убхобзд̇з барияааяаа яуж̇ж̇анд̇и, д̇асмаа убхаяамбзд̇ам̣ г̇ахзд̇аб̣б̣амзва. д̇ад̇о бадтааяа бана д̇ам̣ таанам̣ рад̇анагхаражзд̇ияам̣ наама ж̇аад̇ам̣. звам̣ б̣од̇хисамийбзязва жад̇д̇аари сад̇д̇аахаани вийд̇инаамзд̇ваа бан̃жамз сад̇д̇аахз б̣од̇хиругкамуулаа язна аж̇абааланиг̇род̇хо д̇знубасан̇гами, д̇ад̇рааби д̇хаммам̣ вижинанд̇оязва вимуд̇д̇исукам̣ бадисам̣взд̣̇знд̇о нисийд̣̇и.

    Catutthe pana sattāhe bodhito pacchimuttaradisābhāge devatā ratanagharaṃ māpayiṃsu, tattha pallaṅkena nisīditvā abhidhammapiṭakaṃ visesato cettha anantanayaṃ samantapaṭṭhānaṃ vicinanto sattāhaṃ vītināmesi. Ābhidhammikā panāhu ‘‘ratanagharaṃ nāma na sattaratanamayaṃ gehaṃ, sattannaṃ pana pakaraṇānaṃ sammasitaṭṭhānaṃ ‘ratanaghara’nti vuccatī’’ti. Yasmā panettha ubhopete pariyāyā yujjanti, tasmā ubhayampetaṃ gahetabbameva. Tato paṭṭhāya pana taṃ ṭhānaṃ ratanagharacetiyaṃ nāma jātaṃ. Evaṃ bodhisamīpeyeva cattāri sattāhāni vītināmetvā pañcame sattāhe bodhirukkhamūlā yena ajapālanigrodho tenupasaṅkami, tatrāpi dhammaṃ vicinantoyeva vimuttisukhaṃ paṭisaṃvedento nisīdi.

    д̇асмим̣ самаяз мааро д̣̇звабуд̇д̇о ‘‘зд̇д̇агам̣ гаалам̣ ануб̣анд̇ханд̇о од̇аараабзгкоби имасса на гин̃жи калид̇ам̣ ад̣̇д̣̇асам̣, ад̇игганд̇од̣̇аани зса мама васа’’нд̇и д̣̇оманассаббад̇д̇о махаамаг̇г̇з нисийд̣̇ид̇ваа сол̣аса гааран̣аани жинд̇знд̇о бхуумияам̣ сол̣аса лзкаа гад̣дхи – ‘‘ахам̣ зсо вияа д̣̇аанабаарамим̣ на буурзсим̣, д̇знамхи иминаа сад̣̇исо на ж̇аад̇о’’д̇и згам̣ лзкам̣ гад̣дхи. д̇ат̇аа ‘‘ахам̣ зсо вияа сийлабаарамим̣, нзгкаммабаарамим̣, бан̃н̃аабаарамим̣, вийрияабаарамим̣, канд̇ибаарамим̣, сажжабаарамим̣, ад̇хидтаанабаарамим̣, мзд̇д̇аабаарамим̣, убзгкаабаарамим̣ на буурзсим̣ , д̇знамхи иминаа сад̣̇исо на ж̇аад̇о’’д̇и д̣̇асамам̣ лзкам̣ гад̣дхи. д̇ат̇аа ‘‘ахам̣ зсо вияа асаад̇хааран̣асса инд̣̇рияабаробарияад̇д̇ан̃аан̣асса бадивзд̇хааяа убаниссаяабхууд̇аа д̣̇аса баарамияо на буурзсим̣, д̇знамхи иминаа сад̣̇исо на ж̇аад̇о’’д̇и згаад̣̇асамам̣ лзкам̣ гад̣дхи. д̇ат̇аа ‘‘ахам̣ зсо вияа асаад̇хааран̣асса аасаяаанусаяан̃аан̣асса, махаагарун̣аасамаабад̇д̇ин̃аан̣асса, яамагабаадихийран̃аан̣асса, анааваран̣ан̃аан̣асса, саб̣б̣ан̃н̃уд̇ан̃н̃аан̣асса бадивзд̇хааяа убаниссаяабхууд̇аа д̣̇аса баарамияо на буурзсим̣, д̇знамхи иминаа сад̣̇исо на ж̇аад̇о’’д̇и сол̣асамам̣ лзкам̣ гад̣дхи. звам̣ имзхи гааран̣зхи махаамаг̇г̇з сол̣аса лзкаа гад̣дхамаано нисийд̣̇и.

    Tasmiṃ samaye māro devaputto ‘‘ettakaṃ kālaṃ anubandhanto otārāpekkhopi imassa na kiñci khalitaṃ addasaṃ, atikkantodāni esa mama vasa’’nti domanassappatto mahāmagge nisīditvā soḷasa kāraṇāni cintento bhūmiyaṃ soḷasa lekhā kaḍḍhi – ‘‘ahaṃ eso viya dānapāramiṃ na pūresiṃ, tenamhi iminā sadiso na jāto’’ti ekaṃ lekhaṃ kaḍḍhi. Tathā ‘‘ahaṃ eso viya sīlapāramiṃ, nekkhammapāramiṃ, paññāpāramiṃ, vīriyapāramiṃ, khantipāramiṃ, saccapāramiṃ, adhiṭṭhānapāramiṃ, mettāpāramiṃ, upekkhāpāramiṃ na pūresiṃ , tenamhi iminā sadiso na jāto’’ti dasamaṃ lekhaṃ kaḍḍhi. Tathā ‘‘ahaṃ eso viya asādhāraṇassa indriyaparopariyattañāṇassa paṭivedhāya upanissayabhūtā dasa pāramiyo na pūresiṃ, tenamhi iminā sadiso na jāto’’ti ekādasamaṃ lekhaṃ kaḍḍhi. Tathā ‘‘ahaṃ eso viya asādhāraṇassa āsayānusayañāṇassa, mahākaruṇāsamāpattiñāṇassa, yamakapāṭihīrañāṇassa, anāvaraṇañāṇassa, sabbaññutaññāṇassa paṭivedhāya upanissayabhūtā dasa pāramiyo na pūresiṃ, tenamhi iminā sadiso na jāto’’ti soḷasamaṃ lekhaṃ kaḍḍhi. Evaṃ imehi kāraṇehi mahāmagge soḷasa lekhā kaḍḍhamāno nisīdi.

    д̇асмим̣ самаяз д̇ан̣хаа, арад̇и, раг̇аад̇и д̇иссо маарад̇хийд̇аро ‘‘бид̇аа но на бан̃н̃ааяад̇и, гахам̣ ну ко зд̇арахий’’д̇и ологаяамаанаа д̇ам̣ д̣̇оманассаббад̇д̇ам̣ бхуумим̣ вилзкамаанам̣ нисиннам̣ д̣̇исваа бид̇у санд̇игам̣ г̇анд̇ваа ‘‘гасмаа, д̇аад̇а, д̣̇угкий д̣̇уммано’’д̇и бужчим̣су. аммаа, аяам̣ махаасаман̣о маяхам̣ васам̣ ад̇игганд̇о, зд̇д̇агам̣ гаалам̣ ологзнд̇о од̇аарамасса д̣̇адтум̣ наасагким̣, д̇знаахам̣ д̣̇угкий д̣̇умманод̇и. яад̣̇и звам̣ маа жинд̇аяид̇т̇а, маяамзд̇ам̣ ад̇д̇ано васз гад̇ваа аад̣̇ааяа ааг̇амиссаамаад̇и. на саггаа, аммаа, зсо гзнажи васз гаад̇ум̣, ажалааяа сад̣̇д̇хааяа бад̇идтид̇о зсо бурисод̇и. ‘‘д̇аад̇а маяам̣ ид̇т̇ияо наама ид̣̇аанзва нам̣ рааг̇абаасаад̣̇ийхи б̣анд̇хид̇ваа аанзссаама, д̇умхз маа жинд̇аяид̇т̇аа’’д̇и бхаг̇аванд̇ам̣ убасан̇гамид̇ваа ‘‘баад̣̇з д̇з саман̣а барижаарзмаа’’д̇и аахам̣су. бхаг̇аваа ва д̇аасам̣ важанам̣ манаси агааси, на агкийни уммийлзд̇ваа ологзси, ануд̇д̇арз убад̇хисан̇каяз вимуд̇д̇амаанасо вивзгасукан̃н̃зва анубхаванд̇о нисийд̣̇и.

    Tasmiṃ samaye taṇhā, arati, ragāti tisso māradhītaro ‘‘pitā no na paññāyati, kahaṃ nu kho etarahī’’ti olokayamānā taṃ domanassappattaṃ bhūmiṃ vilekhamānaṃ nisinnaṃ disvā pitu santikaṃ gantvā ‘‘kasmā, tāta, dukkhī dummano’’ti pucchiṃsu. Ammā, ayaṃ mahāsamaṇo mayhaṃ vasaṃ atikkanto, ettakaṃ kālaṃ olokento otāramassa daṭṭhuṃ nāsakkhiṃ, tenāhaṃ dukkhī dummanoti. Yadi evaṃ mā cintayittha, mayametaṃ attano vase katvā ādāya āgamissāmāti. Na sakkā, ammā, eso kenaci vase kātuṃ, acalāya saddhāya patiṭṭhito eso purisoti. ‘‘Tāta mayaṃ itthiyo nāma idāneva naṃ rāgapāsādīhi bandhitvā ānessāma, tumhe mā cintayitthā’’ti bhagavantaṃ upasaṅkamitvā ‘‘pāde te samaṇa paricāremā’’ti āhaṃsu. Bhagavā va tāsaṃ vacanaṃ manasi akāsi, na akkhīni ummīletvā olokesi, anuttare upadhisaṅkhaye vimuttamānaso vivekasukhaññeva anubhavanto nisīdi.

    буна маарад̇хийд̇аро ‘‘ужжааважаа ко бурисаанам̣ ад̇хиббааяаа, гзсан̃жи гумааригаасу бзмам̣ ход̇и, гзсан̃жи батамаваяз тид̇аасу, гзсан̃жи маж̇жхимаваяз тид̇аасу, яам̣нууна маяам̣ наанаббагаарзхи руубзхи балобхзяяаамаа’’д̇и згамзгаа гумаариван̣н̣аад̣̇ивасзна сад̇ам̣ сад̇ам̣ ад̇д̇абхаавз абхинимминид̇ваа гумаарияо, авиж̇аад̇аа, сагим̣виж̇аад̇аа, д̣̇увиж̇аад̇аа, маж̇жхимид̇т̇ияо, махид̇т̇ияо жа худ̇ваа чагкад̇д̇ум̣ бхаг̇аванд̇ам̣ убасан̇гамид̇ваа ‘‘баад̣̇з д̇з саман̣а барижаарзмаа’’д̇и аахам̣су. д̇амби бхаг̇аваа на манасаагааси, яат̇аа д̇ам̣ ануд̇д̇арз убад̇хисан̇каязва вимуд̇д̇о. гзжи банаажарияаа вад̣̇анд̇и ‘‘д̇аа махид̇т̇ибхаавзна убаг̇ад̇аа д̣̇исваа бхаг̇аваа ‘звамзвам̣ зд̇аа кан̣д̣ад̣̇анд̇аа балид̇агзсаа хонд̇уу’д̇и ад̇хидтаасий’’д̇и, д̇ам̣ на г̇ахзд̇аб̣б̣ам̣. на хи сад̇т̇аа зваруубам̣ ад̇хидтаанам̣ гарод̇и. бхаг̇аваа бана ‘‘абзт̇а д̇умхз, гим̣ д̣̇исваа звам̣ вааяамат̇а, зваруубам̣ наама авийд̇арааг̇аад̣̇ийнам̣ бурад̇о гаад̇ум̣ яуд̇д̇ам̣, д̇ат̇ааг̇ад̇асса бана рааг̇о бахийно, д̣̇осо бахийно, мохо бахийно’’д̇и ад̇д̇ано гилзсаббахаанам̣ аараб̣бха –

    Puna māradhītaro ‘‘uccāvacā kho purisānaṃ adhippāyā, kesañci kumārikāsu pemaṃ hoti, kesañci paṭhamavaye ṭhitāsu, kesañci majjhimavaye ṭhitāsu, yaṃnūna mayaṃ nānappakārehi rūpehi palobheyyāmā’’ti ekamekā kumārivaṇṇādivasena sataṃ sataṃ attabhāve abhinimminitvā kumāriyo, avijātā, sakiṃvijātā, duvijātā, majjhimitthiyo, mahitthiyo ca hutvā chakkhattuṃ bhagavantaṃ upasaṅkamitvā ‘‘pāde te samaṇa paricāremā’’ti āhaṃsu. Tampi bhagavā na manasākāsi, yathā taṃ anuttare upadhisaṅkhayeva vimutto. Keci panācariyā vadanti ‘‘tā mahitthibhāvena upagatā disvā bhagavā ‘evamevaṃ etā khaṇḍadantā palitakesā hontū’ti adhiṭṭhāsī’’ti, taṃ na gahetabbaṃ. Na hi satthā evarūpaṃ adhiṭṭhānaṃ karoti. Bhagavā pana ‘‘apetha tumhe, kiṃ disvā evaṃ vāyamatha, evarūpaṃ nāma avītarāgādīnaṃ purato kātuṃ yuttaṃ, tathāgatassa pana rāgo pahīno, doso pahīno, moho pahīno’’ti attano kilesappahānaṃ ārabbha –

    ‘‘яасса ж̇ид̇ам̣ нааваж̇ийяад̇и, ж̇ид̇амасса нояаад̇и гожи логз;

    ‘‘Yassa jitaṃ nāvajīyati, jitamassa noyāti koci loke;

    д̇ам̣ б̣уд̣̇д̇хамананд̇аг̇ожарам̣, абад̣̇ам̣ гзна бад̣̇зна нзссат̇а.

    Taṃ buddhamanantagocaraṃ, apadaṃ kena padena nessatha.

    ‘‘яасса ж̇аалиний висад̇д̇игаа, д̇ан̣хаа над̇т̇и гухин̃жи нзд̇авз;

    ‘‘Yassa jālinī visattikā, taṇhā natthi kuhiñci netave;

    д̇ам̣ б̣уд̣̇д̇хамананд̇аг̇ожарам̣, абад̣̇ам̣ гзна бад̣̇зна нзссат̇аа’’д̇и. (д̇ха. ба. 179-180) –

    Taṃ buddhamanantagocaraṃ, apadaṃ kena padena nessathā’’ti. (dha. pa. 179-180) –

    имаа д̇хаммабад̣̇з б̣уд̣̇д̇хаваг̇г̇з д̣̇вз г̇аат̇аа вад̣̇анд̇о д̇хаммам̣ гат̇зси. д̇аа ‘‘сажжам̣ гира но бид̇аа авожа, арахам̣ суг̇ад̇о логз на рааг̇зна суваанаяо’’д̇иаад̣̇ийни вад̇ваа бид̇у санд̇игам̣ аг̇амам̣су.

    Imā dhammapade buddhavagge dve gāthā vadanto dhammaṃ kathesi. Tā ‘‘saccaṃ kira no pitā avoca, arahaṃ sugato loke na rāgena suvānayo’’tiādīni vatvā pitu santikaṃ agamaṃsu.

    бхаг̇авааби д̇ад̇т̇а сад̇д̇аахам̣ вийд̇инаамзд̇ваа мужалинд̣̇амуулам̣ аг̇амааси. д̇ад̇т̇а сад̇д̇аахавад̣̇д̣̇алигааяа уббаннааяа сийд̇аад̣̇ибадиб̣ааханад̇т̇ам̣ мужалинд̣̇зна нааг̇арааж̇зна сад̇д̇агкад̇д̇ум̣ бхог̇зхи баригкид̇д̇о асамб̣аад̇хааяа г̇анд̇хагудияам̣ вихаранд̇о вияа вимуд̇д̇исукам̣ бадисам̣взд̣̇ияамаано сад̇д̇аахам̣ вийд̇инаамзд̇ваа рааж̇ааяад̇анам̣ убасан̇гами, д̇ад̇т̇ааби вимуд̇д̇исукам̣ бадисам̣взд̣̇ияамааноязва нисийд̣̇и. зд̇д̇аавад̇аа сад̇д̇а сад̇д̇аахаани барибун̣н̣аани. зд̇т̇анд̇арз нзва мукад̇хованам̣, на сарийрабадиж̇аг̇г̇анам̣, на аахаарагижжам̣ ахоси, жхаанасукапаласукзнзва вийд̇инаамзси.

    Bhagavāpi tattha sattāhaṃ vītināmetvā mucalindamūlaṃ agamāsi. Tattha sattāhavaddalikāya uppannāya sītādipaṭibāhanatthaṃ mucalindena nāgarājena sattakkhattuṃ bhogehi parikkhitto asambādhāya gandhakuṭiyaṃ viharanto viya vimuttisukhaṃ paṭisaṃvediyamāno sattāhaṃ vītināmetvā rājāyatanaṃ upasaṅkami, tatthāpi vimuttisukhaṃ paṭisaṃvediyamānoyeva nisīdi. Ettāvatā satta sattāhāni paripuṇṇāni. Etthantare neva mukhadhovanaṃ, na sarīrapaṭijagganaṃ, na āhārakiccaṃ ahosi, jhānasukhaphalasukheneva vītināmesi.

    ат̇асса д̇асмим̣ сад̇д̇асад̇д̇аахамад̇т̇агз згуунабан̃н̃аасад̇имз д̣̇ивасз д̇ад̇т̇а нисиннасса ‘‘мукам̣ д̇ховиссаамий’’д̇и жид̇д̇ам̣ уд̣̇абаад̣̇и. сагго д̣̇зваанаминд̣̇о аг̇ад̣̇ахарийдагам̣ аахарид̇ваа ад̣̇ааси, сад̇т̇аа д̇ам̣ барибхун̃ж̇и, д̇знасса сарийравал̣ан̃ж̇ам̣ ахоси. ат̇асса саггоязва нааг̇алад̇аад̣̇анд̇агадтан̃жзва мукад̇хованауд̣̇аган̃жа ад̣̇ааси. сад̇т̇аа д̇ам̣ д̣̇анд̇агадтам̣ каад̣̇ид̇ваа анод̇ад̇д̇ад̣̇аход̣̇агзна мукам̣ д̇ховид̇ваа д̇ад̇т̇зва рааж̇ааяад̇анамуулз нисийд̣̇и.

    Athassa tasmiṃ sattasattāhamatthake ekūnapaññāsatime divase tattha nisinnassa ‘‘mukhaṃ dhovissāmī’’ti cittaṃ udapādi. Sakko devānamindo agadaharīṭakaṃ āharitvā adāsi, satthā taṃ paribhuñji, tenassa sarīravaḷañjaṃ ahosi. Athassa sakkoyeva nāgalatādantakaṭṭhañceva mukhadhovanaudakañca adāsi. Satthā taṃ dantakaṭṭhaṃ khāditvā anotattadahodakena mukhaṃ dhovitvā tattheva rājāyatanamūle nisīdi.

    д̇асмим̣ самаяз д̇абуссабхаллигаа наама д̣̇вз ваан̣иж̇аа бан̃жахи сагадасад̇зхи уггалааж̇анабад̣̇аа маж̇жхимад̣̇зсам̣ г̇ажчанд̇аа ад̇д̇ано н̃аад̇исаалохид̇ааяа д̣̇звад̇ааяа сагадаани саннирумбхид̇ваа сад̇т̇у аахаарасамбаад̣̇анз уссаахид̇аа мант̇ан̃жа мад̇хубин̣д̣иган̃жа аад̣̇ааяа ‘‘бадиг̇г̇ан̣хаад̇у но, бханд̇з, бхаг̇аваа имам̣ аахаарам̣ анугамбам̣ убаад̣̇ааяаа’’д̇и сад̇т̇аарам̣ убасан̇гамид̇ваа адтам̣су. бхаг̇аваа бааяаасабадиг̇г̇ахан̣ад̣̇ивасзязва бад̇д̇асса анд̇арахид̇ад̇д̇аа ‘‘на ко д̇ат̇ааг̇ад̇аа хад̇т̇зсу бадиг̇г̇ан̣ханд̇и, гимхи ну ко ахам̣ бадиг̇г̇ан̣хзяяа’’нд̇и жинд̇зси. ат̇асса жид̇д̇ам̣ н̃ад̇ваа жад̇уухи д̣̇исаахи жад̇д̇ааро махаарааж̇аано инд̣̇анийламан̣имаяз бад̇д̇з убанаамзсум̣, бхаг̇аваа д̇з бадигкиби. буна муг̇г̇аван̣н̣асзламаяз жад̇д̇ааро бад̇д̇з убанаамзсум̣. бхаг̇аваа жад̇уннамби д̣̇звабуд̇д̇аанам̣ анугамбааяа жад̇д̇аароби бад̇д̇з бадиг̇г̇ахзд̇ваа убаруубари табзд̇ваа ‘‘зго ход̇уу’’д̇и ад̇хидтааси, жад̇д̇аароби мукаваддияам̣ бан̃н̃ааяамааналзкаа худ̇ваа маж̇жхимзна бамаан̣зна згад̇д̇ам̣ убаг̇амим̣су. бхаг̇аваа д̇асмим̣ бажжаг̇гхз сзламаяз бад̇д̇з аахаарам̣ бадиг̇г̇ан̣хид̇ваа барибхун̃ж̇ид̇ваа анумод̣̇анам̣ агааси. д̣̇вз бхаад̇аро ваан̣иж̇аа б̣уд̣̇д̇хан̃жа д̇хамман̃жа саран̣ам̣ г̇анд̇ваа д̣̇взваажигаа убаасагаа ахзсум̣. ат̇а нзсам̣ ‘‘згам̣ но, бханд̇з, барижарид̇аб̣б̣адтаанам̣ д̣̇зт̇аа’’д̇и вад̣̇анд̇аанам̣ д̣̇агкин̣ахад̇т̇зна ад̇д̇ано сийсам̣ бараамасид̇ваа гзсад̇хаад̇уяо ад̣̇ааси. д̇з ад̇д̇ано наг̇арз д̇аа д̇хаад̇уяо суван̣н̣асамуг̇г̇асса анд̇о багкибид̇ваа жзд̇ияам̣ бад̇идтаабзсум̣.

    Tasmiṃ samaye tapussabhallikā nāma dve vāṇijā pañcahi sakaṭasatehi ukkalājanapadā majjhimadesaṃ gacchantā attano ñātisālohitāya devatāya sakaṭāni sannirumbhitvā satthu āhārasampādane ussāhitā manthañca madhupiṇḍikañca ādāya ‘‘paṭiggaṇhātu no, bhante, bhagavā imaṃ āhāraṃ anukampaṃ upādāyā’’ti satthāraṃ upasaṅkamitvā aṭṭhaṃsu. Bhagavā pāyāsapaṭiggahaṇadivaseyeva pattassa antarahitattā ‘‘na kho tathāgatā hatthesu paṭiggaṇhanti, kimhi nu kho ahaṃ paṭiggaṇheyya’’nti cintesi. Athassa cittaṃ ñatvā catūhi disāhi cattāro mahārājāno indanīlamaṇimaye patte upanāmesuṃ, bhagavā te paṭikkhipi. Puna muggavaṇṇaselamaye cattāro patte upanāmesuṃ. Bhagavā catunnampi devaputtānaṃ anukampāya cattāropi patte paṭiggahetvā uparūpari ṭhapetvā ‘‘eko hotū’’ti adhiṭṭhāsi, cattāropi mukhavaṭṭiyaṃ paññāyamānalekhā hutvā majjhimena pamāṇena ekattaṃ upagamiṃsu. Bhagavā tasmiṃ paccagghe selamaye patte āhāraṃ paṭiggaṇhitvā paribhuñjitvā anumodanaṃ akāsi. Dve bhātaro vāṇijā buddhañca dhammañca saraṇaṃ gantvā dvevācikā upāsakā ahesuṃ. Atha nesaṃ ‘‘ekaṃ no, bhante, paricaritabbaṭṭhānaṃ dethā’’ti vadantānaṃ dakkhiṇahatthena attano sīsaṃ parāmasitvā kesadhātuyo adāsi. Te attano nagare tā dhātuyo suvaṇṇasamuggassa anto pakkhipitvā cetiyaṃ patiṭṭhāpesuṃ.

    саммаасамб̣уд̣̇д̇хоби ко д̇ад̇о удтааяа буна аж̇абааланиг̇род̇хамзва г̇анд̇ваа ниг̇род̇хамуулз нисийд̣̇и. ат̇асса д̇ад̇т̇а нисиннамад̇д̇ассзва ад̇д̇анаа ад̇хиг̇ад̇асса д̇хаммасса г̇амбхийрад̇ам̣ бажжавзгканд̇асса саб̣б̣аб̣уд̣̇д̇хаанам̣ аажин̣н̣о ‘‘ад̇хиг̇ад̇о ко мяааяам̣ д̇хаммо’’д̇и барзсам̣ д̇хаммам̣ ад̣̇зсзд̇угамяад̇аагаарабавад̇д̇о вид̇агго уд̣̇абаад̣̇и. ат̇а б̣рахмаа сахамбад̇и ‘‘нассад̇и вад̇а бхо лого, винассад̇и вад̇а бхо лого’’д̇и д̣̇асахи жаггаваал̣асахассзхи саггасуяаамасанд̇усид̇асуниммид̇авасавад̇д̇имахааб̣рахмаано аад̣̇ааяа сад̇т̇у санд̇игам̣ г̇анд̇ваа ‘‘д̣̇зсзд̇у, бханд̇з, бхаг̇аваа д̇хамма’’нд̇иаад̣̇инаа наязна д̇хаммад̣̇зсанам̣ ааяаажи.

    Sammāsambuddhopi kho tato uṭṭhāya puna ajapālanigrodhameva gantvā nigrodhamūle nisīdi. Athassa tattha nisinnamattasseva attanā adhigatassa dhammassa gambhīrataṃ paccavekkhantassa sabbabuddhānaṃ āciṇṇo ‘‘adhigato kho myāyaṃ dhammo’’ti paresaṃ dhammaṃ adesetukamyatākārapavatto vitakko udapādi. Atha brahmā sahampati ‘‘nassati vata bho loko, vinassati vata bho loko’’ti dasahi cakkavāḷasahassehi sakkasuyāmasantusitasunimmitavasavattimahābrahmāno ādāya satthu santikaṃ gantvā ‘‘desetu, bhante, bhagavā dhamma’’ntiādinā nayena dhammadesanaṃ āyāci.

    сад̇т̇аа д̇асса бадин̃н̃ам̣ д̣̇ад̇ваа ‘‘гасса ну ко ахам̣ батамам̣ д̇хаммам̣ д̣̇зсзяяа’’нд̇и жинд̇знд̇о ‘‘аал̣ааро бан̣д̣ид̇о, со имам̣ д̇хаммам̣ киббам̣ ааж̇ааниссад̇ий’’д̇и жид̇д̇ам̣ уббаад̣̇зд̇ваа буна ологзнд̇о д̇асса сад̇д̇аахагаалагад̇абхаавам̣ н̃ад̇ваа уд̣̇агам̣ ааваж̇ж̇зси. д̇ассааби абхид̣̇осагаалагад̇абхаавам̣ н̃ад̇ваа ‘‘б̣ахуубагаараа ко мз бан̃жаваг̇г̇ияаа бхигкуу’’д̇и бан̃жаваг̇г̇ияз аараб̣бха манасигаарам̣ гад̇ваа ‘‘гахам̣ ну ко д̇з зд̇арахи вихаранд̇ий’’д̇и ааваж̇ж̇знд̇о ‘‘б̣аараан̣асияам̣ исибад̇анз миг̇ад̣̇ааяз’’д̇и н̃ад̇ваа ‘‘д̇ад̇т̇а г̇анд̇ваа д̇хаммажаггам̣ бавад̇д̇зссаамий’’д̇и гад̇ибаахам̣ б̣од̇химан̣д̣асааманд̇ааязва бин̣д̣ааяа жаранд̇о вихарид̇ваа аасаал̣хибун̣н̣амаасияам̣ ‘‘б̣аараан̣асим̣ г̇амиссаамий’’д̇и жаад̇уд̣̇д̣̇асияам̣ бажжуусасамаяз вибхаад̇ааяа рад̇д̇ияаа гаалассзва бад̇д̇ажийварамаад̣̇ааяа адтаарасаяож̇анамаг̇г̇ам̣ бадибанно анд̇араамаг̇г̇з убагам̣ наама ааж̇ийвагам̣ д̣̇исваа д̇асса ад̇д̇ано б̣уд̣̇д̇хабхаавам̣ аажигкид̇ваа д̇ам̣ д̣̇ивасам̣язва сааяанхасамаяз исибад̇анам̣ аг̇амааси.

    Satthā tassa paṭiññaṃ datvā ‘‘kassa nu kho ahaṃ paṭhamaṃ dhammaṃ deseyya’’nti cintento ‘‘āḷāro paṇḍito, so imaṃ dhammaṃ khippaṃ ājānissatī’’ti cittaṃ uppādetvā puna olokento tassa sattāhakālakatabhāvaṃ ñatvā udakaṃ āvajjesi. Tassāpi abhidosakālakatabhāvaṃ ñatvā ‘‘bahūpakārā kho me pañcavaggiyā bhikkhū’’ti pañcavaggiye ārabbha manasikāraṃ katvā ‘‘kahaṃ nu kho te etarahi viharantī’’ti āvajjento ‘‘bārāṇasiyaṃ isipatane migadāye’’ti ñatvā ‘‘tattha gantvā dhammacakkaṃ pavattessāmī’’ti katipāhaṃ bodhimaṇḍasāmantāyeva piṇḍāya caranto viharitvā āsāḷhipuṇṇamāsiyaṃ ‘‘bārāṇasiṃ gamissāmī’’ti cātuddasiyaṃ paccūsasamaye vibhātāya rattiyā kālasseva pattacīvaramādāya aṭṭhārasayojanamaggaṃ paṭipanno antarāmagge upakaṃ nāma ājīvakaṃ disvā tassa attano buddhabhāvaṃ ācikkhitvā taṃ divasaṃyeva sāyanhasamaye isipatanaṃ agamāsi.

    бан̃жаваг̇г̇ияаа т̇зраа д̇ат̇ааг̇ад̇ам̣ д̣̇уурад̇ова ааг̇ажчанд̇ам̣ д̣̇исваа ‘‘аяам̣ аавусо саман̣о г̇од̇амо бажжаяаб̣аахуллааяа аавад̇д̇ид̇ваа барибун̣н̣агааяо бийн̣инд̣̇рияо суван̣н̣аван̣н̣о худ̇ваа ааг̇ажчад̇и, имасса абхиваад̣̇анаад̣̇ийни на гариссаама, махаагулабасуд̇о ко банзса аасанаабхихаарам̣ арахад̇и, д̇знасса аасанамад̇д̇ам̣ бан̃н̃аабзссаамаа’’д̇и гад̇игам̣ агам̣су. бхаг̇аваа сад̣̇звагасса логасса жид̇д̇аажаарам̣ ж̇аананасамад̇т̇зна н̃аан̣зна ‘‘гим̣ ну ко имз жинд̇аяим̣суу’’д̇и ааваж̇ж̇зд̇ваа жид̇д̇ам̣ ан̃н̃ааси. ат̇а нз саб̣б̣ад̣̇звамануссзсу анод̣̇иссагавасзна паран̣асамад̇т̇ам̣ мзд̇д̇ажид̇д̇ам̣ сан̇кибид̇ваа од̣̇иссагавасзна мзд̇д̇ажид̇д̇зна пари. д̇з бхаг̇авад̇аа мзд̇д̇ажид̇д̇зна пудтаа д̇ат̇ааг̇ад̇з убасан̇гаманд̇з сагааяа гад̇игааяа сан̣таад̇ум̣ асаггонд̇аа абхиваад̣̇анабажжудтаанаад̣̇ийни саб̣б̣агижжаани агам̣су, саммаасамб̣уд̣̇д̇хабхаавам̣ банасса аж̇аанамаанаа гзвалам̣ наамзна жа аавусоваад̣̇зна жа самуд̣̇аажаранд̇и.

    Pañcavaggiyā therā tathāgataṃ dūratova āgacchantaṃ disvā ‘‘ayaṃ āvuso samaṇo gotamo paccayabāhullāya āvattitvā paripuṇṇakāyo pīṇindriyo suvaṇṇavaṇṇo hutvā āgacchati, imassa abhivādanādīni na karissāma, mahākulapasuto kho panesa āsanābhihāraṃ arahati, tenassa āsanamattaṃ paññāpessāmā’’ti katikaṃ akaṃsu. Bhagavā sadevakassa lokassa cittācāraṃ jānanasamatthena ñāṇena ‘‘kiṃ nu kho ime cintayiṃsū’’ti āvajjetvā cittaṃ aññāsi. Atha ne sabbadevamanussesu anodissakavasena pharaṇasamatthaṃ mettacittaṃ saṅkhipitvā odissakavasena mettacittena phari. Te bhagavatā mettacittena phuṭṭhā tathāgate upasaṅkamante sakāya katikāya saṇṭhātuṃ asakkontā abhivādanapaccuṭṭhānādīni sabbakiccāni akaṃsu, sammāsambuddhabhāvaṃ panassa ajānamānā kevalaṃ nāmena ca āvusovādena ca samudācaranti.

    ат̇а нз бхаг̇аваа ‘‘маа во, бхигкавз, д̇ат̇ааг̇ад̇ам̣ наамзна жа аавусоваад̣̇зна жа самуд̣̇аажарат̇а, арахам̣, бхигкавз, д̇ат̇ааг̇ад̇о саммаасамб̣уд̣̇д̇хо’’д̇и ад̇д̇ано б̣уд̣̇д̇хабхаавам̣ сан̃н̃аабзд̇ваа бан̃н̃ад̇д̇з вараб̣уд̣̇д̇хаасанз нисинно уд̇д̇араасаал̣ханагкад̇д̇аяог̇з вад̇д̇амаанз адтаарасахи б̣рахмагодийхи баривуд̇о бан̃жаваг̇г̇ияз т̇зрз ааманд̇зд̇ваа д̇хаммажаггаббавад̇д̇анасуд̇д̇анд̇ам̣ д̣̇зсзси. д̇зсу ан̃н̃аасигон̣д̣ан̃н̃ад̇т̇зро д̣̇зсанаанусаарзна н̃аан̣ам̣ бзсзнд̇о суд̇д̇абарияосаанз адтаарасахи б̣рахмагодийхи сад̣̇д̇хим̣ сод̇аабад̇д̇ипалз бад̇идтааси. сад̇т̇аа д̇ад̇т̇зва вассам̣ убаг̇анд̇ваа бунад̣̇ивасз ваббад̇т̇зрам̣ овад̣̇анд̇о вихаарзязва нисийд̣̇и, сзсаа жад̇д̇ааро бин̣д̣ааяа жарим̣су. ваббад̇т̇зро буб̣б̣ан̣хзязва сод̇аабад̇д̇ипалам̣ баабун̣и. зд̇знзва убааязна бунад̣̇ивасз бхад̣̇д̣̇ияад̇т̇зрам̣, бунад̣̇ивасз махаанаамад̇т̇зрам̣, бунад̣̇ивасз ассаж̇ид̇т̇зранд̇и саб̣б̣з сод̇аабад̇д̇ипалз бад̇идтаабзд̇ваа бан̃жамияам̣ багкасса бан̃жаби ж̇анз саннибаад̇зд̇ваа анад̇д̇алагкан̣асуд̇д̇анд̇ам̣ (сам̣. ни. 3.59; махаава. 20 аад̣̇аяо) д̣̇зсзси. д̣̇зсанаабарияосаанз бан̃жаби т̇зраа арахад̇д̇апалз бад̇идтахим̣су. ат̇а сад̇т̇аа яасагулабуд̇д̇асса убаниссаяам̣ д̣̇исваа д̇ам̣ рад̇д̇ибхааг̇з ниб̣б̣иж̇ж̇ид̇ваа г̇зхам̣ бахааяа нигканд̇ам̣ ‘‘зхи яасаа’’д̇и баггосид̇ваа д̇асмим̣язва рад̇д̇ибхааг̇з сод̇аабад̇д̇ипалз, бунад̣̇ивасз арахад̇д̇з бад̇идтаабзд̇ваа, абарзби д̇асса сахааяагз жад̇убан̣н̣ааса ж̇анз зхибхигкубаб̣б̣аж̇ж̇ааяа баб̣б̣ааж̇зд̇ваа арахад̇д̇ам̣ баабзси.

    Atha ne bhagavā ‘‘mā vo, bhikkhave, tathāgataṃ nāmena ca āvusovādena ca samudācaratha, arahaṃ, bhikkhave, tathāgato sammāsambuddho’’ti attano buddhabhāvaṃ saññāpetvā paññatte varabuddhāsane nisinno uttarāsāḷhanakkhattayoge vattamāne aṭṭhārasahi brahmakoṭīhi parivuto pañcavaggiye there āmantetvā dhammacakkappavattanasuttantaṃ desesi. Tesu aññāsikoṇḍaññatthero desanānusārena ñāṇaṃ pesento suttapariyosāne aṭṭhārasahi brahmakoṭīhi saddhiṃ sotāpattiphale patiṭṭhāsi. Satthā tattheva vassaṃ upagantvā punadivase vappattheraṃ ovadanto vihāreyeva nisīdi, sesā cattāro piṇḍāya cariṃsu. Vappatthero pubbaṇheyeva sotāpattiphalaṃ pāpuṇi. Eteneva upāyena punadivase bhaddiyattheraṃ, punadivase mahānāmattheraṃ, punadivase assajittheranti sabbe sotāpattiphale patiṭṭhāpetvā pañcamiyaṃ pakkhassa pañcapi jane sannipātetvā anattalakkhaṇasuttantaṃ (saṃ. ni. 3.59; mahāva. 20 ādayo) desesi. Desanāpariyosāne pañcapi therā arahattaphale patiṭṭhahiṃsu. Atha satthā yasakulaputtassa upanissayaṃ disvā taṃ rattibhāge nibbijjitvā gehaṃ pahāya nikkhantaṃ ‘‘ehi yasā’’ti pakkositvā tasmiṃyeva rattibhāge sotāpattiphale, punadivase arahatte patiṭṭhāpetvā, aparepi tassa sahāyake catupaṇṇāsa jane ehibhikkhupabbajjāya pabbājetvā arahattaṃ pāpesi.

    звам̣ логз згасадтияаа араханд̇зсу ж̇аад̇зсу сад̇т̇аа вуд̇т̇авассо баваарзд̇ваа ‘‘жарат̇а, бхигкавз, жаарига’’нд̇и садти бхигкуу д̣̇исаасу бзсзд̇ваа саяам̣ урувзлам̣ г̇ажчанд̇о анд̇араамаг̇г̇з габбаасигаванасан̣д̣з д̇им̣са ж̇анз бхад̣̇д̣̇аваг̇г̇ияагумаарз винзси. д̇зсу саб̣б̣абажчимаго сод̇аабанно, саб̣б̣уд̇д̇амо анааг̇аамий ахоси. д̇зби саб̣б̣з зхибхигкубхаавзнзва баб̣б̣ааж̇зд̇ваа д̣̇исаасу бзсзд̇ваа урувзлам̣ г̇анд̇ваа ад̣дхуд̣дхаани баадихаарияасахассаани д̣̇ассзд̇ваа урувзлагассабаад̣̇аяо сахассаж̇адилабариваарз д̇збхаад̇игаж̇адилз винзд̇ваа зхибхигкубхаавзнзва баб̣б̣ааж̇зд̇ваа г̇аяаасийсз нисийд̣̇аабзд̇ваа аад̣̇ид̇д̇абарияааяад̣̇зсанааяа (махаава. 54) арахад̇д̇з бад̇идтаабзд̇ваа д̇зна араханд̇асахассзна баривуд̇о ‘‘б̣имб̣исаараран̃н̃о д̣̇иннам̣ бадин̃н̃ам̣ можзссаамий’’д̇и рааж̇аг̇ахам̣ г̇анд̇ваа наг̇аруубажаарз ладтивануяяаанам̣ аг̇амааси. рааж̇аа уяяаанабааласса санд̇игаа ‘‘сад̇т̇аа ааг̇ад̇о’’д̇и суд̇ваа д̣̇ваад̣̇асанахуд̇зхи б̣раахман̣аг̇ахабад̇игзхи баривуд̇о сад̇т̇аарам̣ убасан̇гамид̇ваа жаггавижид̇д̇ад̇алзсу суван̣н̣абаддавид̇аанам̣ вияа бабхаасамуд̣̇аяам̣ виссаж̇ж̇анд̇зсу д̇ат̇ааг̇ад̇асса баад̣̇зсу сирасаа нибад̇ид̇ваа згаманд̇ам̣ нисийд̣̇и сад̣̇д̇хим̣ барисааяа.

    Evaṃ loke ekasaṭṭhiyā arahantesu jātesu satthā vutthavasso pavāretvā ‘‘caratha, bhikkhave, cārika’’nti saṭṭhi bhikkhū disāsu pesetvā sayaṃ uruvelaṃ gacchanto antarāmagge kappāsikavanasaṇḍe tiṃsa jane bhaddavaggiyakumāre vinesi. Tesu sabbapacchimako sotāpanno, sabbuttamo anāgāmī ahosi. Tepi sabbe ehibhikkhubhāveneva pabbājetvā disāsu pesetvā uruvelaṃ gantvā aḍḍhuḍḍhāni pāṭihāriyasahassāni dassetvā uruvelakassapādayo sahassajaṭilaparivāre tebhātikajaṭile vinetvā ehibhikkhubhāveneva pabbājetvā gayāsīse nisīdāpetvā ādittapariyāyadesanāya (mahāva. 54) arahatte patiṭṭhāpetvā tena arahantasahassena parivuto ‘‘bimbisārarañño dinnaṃ paṭiññaṃ mocessāmī’’ti rājagahaṃ gantvā nagarūpacāre laṭṭhivanuyyānaṃ agamāsi. Rājā uyyānapālassa santikā ‘‘satthā āgato’’ti sutvā dvādasanahutehi brāhmaṇagahapatikehi parivuto satthāraṃ upasaṅkamitvā cakkavicittatalesu suvaṇṇapaṭṭavitānaṃ viya pabhāsamudayaṃ vissajjantesu tathāgatassa pādesu sirasā nipatitvā ekamantaṃ nisīdi saddhiṃ parisāya.

    ат̇а ко д̇зсам̣ б̣раахман̣аг̇ахабад̇игаанам̣ зд̇ад̣̇ахоси ‘‘гим̣ ну ко махаасаман̣о урувзлагассабз б̣рахмажарияам̣ жарад̇и, уд̣̇ааху урувзлагассабо махаасаман̣з’’д̇и. бхаг̇аваа д̇зсам̣ жзд̇асаа жзд̇обаривид̇аггаман̃н̃ааяа т̇зрам̣ г̇аат̇ааяа аж̇жхабхааси –

    Atha kho tesaṃ brāhmaṇagahapatikānaṃ etadahosi ‘‘kiṃ nu kho mahāsamaṇo uruvelakassape brahmacariyaṃ carati, udāhu uruvelakassapo mahāsamaṇe’’ti. Bhagavā tesaṃ cetasā cetoparivitakkamaññāya theraṃ gāthāya ajjhabhāsi –

    ‘‘гимзва д̣̇исваа урувзлавааси, бахааси аг̇г̇им̣ гисаго вад̣̇аано;

    ‘‘Kimeva disvā uruvelavāsi, pahāsi aggiṃ kisako vadāno;

    бужчаами д̇ам̣ гассаба зд̇амад̇т̇ам̣, гат̇ам̣ бахийнам̣ д̇ава аг̇г̇ихуд̇д̇а’’нд̇и. (махаава. 55);

    Pucchāmi taṃ kassapa etamatthaṃ, kathaṃ pahīnaṃ tava aggihutta’’nti. (mahāva. 55);

    т̇зроби бхаг̇авад̇о ад̇хиббааяам̣ вид̣̇ид̇ваа –

    Theropi bhagavato adhippāyaṃ viditvā –

    ‘‘руубз жа сад̣̇д̣̇з жа ат̇о расз жа, гаамид̇т̇ияо жаабхивад̣̇анд̇и яан̃н̃аа;

    ‘‘Rūpe ca sadde ca atho rase ca, kāmitthiyo cābhivadanti yaññā;

    зд̇ам̣ маланд̇и убад̇хийсу н̃ад̇ваа, д̇асмаа на яидтз на худ̇з аран̃ж̇и’’нд̇и. (махаава. 55) –

    Etaṃ malanti upadhīsu ñatvā, tasmā na yiṭṭhe na hute arañji’’nti. (mahāva. 55) –

    имам̣ г̇аат̇ам̣ вад̇ваа ад̇д̇ано саавагабхаавабагаасанад̇т̇ам̣ д̇ат̇ааг̇ад̇асса баад̣̇абидтз сийсам̣ табзд̇ваа ‘‘сад̇т̇аа мз, бханд̇з, бхаг̇аваа, саавагохамасмий’’д̇и вад̇ваа згад̇аалам̣ д̣̇вид̇аалам̣ д̇ид̇ааланд̇и яаава сад̇д̇ад̇аалаббамаан̣ам̣ сад̇д̇агкад̇д̇ум̣ взхаасам̣ аб̣бхуг̇г̇анд̇ваа оруяха д̇ат̇ааг̇ад̇ам̣ ванд̣̇ид̇ваа згаманд̇ам̣ нисийд̣̇и. д̇ам̣ баадихаарияам̣ д̣̇исваа махааж̇ано ‘‘ахо махаанубхааваа б̣уд̣̇д̇хаа, звам̣ т̇аамаг̇ад̇ад̣̇идтиго наама ‘арахаа’д̇и ман̃н̃амаано урувзлагассабоби д̣̇идтиж̇аалам̣ бхинд̣̇ид̇ваа д̇ат̇ааг̇ад̇зна д̣̇амид̇о’’д̇и сад̇т̇у г̇ун̣агат̇ам̣язва гат̇зси. бхаг̇аваа ‘‘наахам̣ ид̣̇ааниязва урувзлагассабам̣ д̣̇амзми, ад̇ийд̇зби зса маяаа д̣̇амид̇оязваа’’д̇и вад̇ваа имиссаа адтуббад̇д̇ияаа махаанаарад̣̇агассабаж̇аад̇агам̣ (ж̇аа. 2.22.545 аад̣̇аяо) гат̇зд̇ваа жад̇д̇аари сажжаани багаасзси. маг̇ад̇харааж̇аа згаад̣̇асахи нахуд̇зхи сад̣̇д̇хим̣ сод̇аабад̇д̇ипалз бад̇идтааси, згам̣ нахуд̇ам̣ убаасагад̇д̇ам̣ бадивзд̣̇зси. рааж̇аа сад̇т̇у санд̇игз нисинноязва бан̃жа ассаасагз бавзд̣̇зд̇ваа саран̣ам̣ г̇анд̇ваа сваад̇анааяа ниманд̇зд̇ваа аасанаа вудтааяа бхаг̇аванд̇ам̣ бад̣̇агкин̣ам̣ гад̇ваа баггаами.

    Imaṃ gāthaṃ vatvā attano sāvakabhāvapakāsanatthaṃ tathāgatassa pādapiṭṭhe sīsaṃ ṭhapetvā ‘‘satthā me, bhante, bhagavā, sāvakohamasmī’’ti vatvā ekatālaṃ dvitālaṃ titālanti yāva sattatālappamāṇaṃ sattakkhattuṃ vehāsaṃ abbhuggantvā oruyha tathāgataṃ vanditvā ekamantaṃ nisīdi. Taṃ pāṭihāriyaṃ disvā mahājano ‘‘aho mahānubhāvā buddhā, evaṃ thāmagatadiṭṭhiko nāma ‘arahā’ti maññamāno uruvelakassapopi diṭṭhijālaṃ bhinditvā tathāgatena damito’’ti satthu guṇakathaṃyeva kathesi. Bhagavā ‘‘nāhaṃ idāniyeva uruvelakassapaṃ damemi, atītepi esa mayā damitoyevā’’ti vatvā imissā aṭṭhuppattiyā mahānāradakassapajātakaṃ (jā. 2.22.545 ādayo) kathetvā cattāri saccāni pakāsesi. Magadharājā ekādasahi nahutehi saddhiṃ sotāpattiphale patiṭṭhāsi, ekaṃ nahutaṃ upāsakattaṃ paṭivedesi. Rājā satthu santike nisinnoyeva pañca assāsake pavedetvā saraṇaṃ gantvā svātanāya nimantetvā āsanā vuṭṭhāya bhagavantaṃ padakkhiṇaṃ katvā pakkāmi.

    бунад̣̇ивасз язхи жа бхаг̇аваа д̣̇идто, язхи жа ад̣̇идто, саб̣б̣зби рааж̇аг̇ахаваасино адтаарасагодисан̇каа мануссаа д̇ат̇ааг̇ад̇ам̣ д̣̇адтугаамаа баад̇ова рааж̇аг̇ахад̇о ладтивануяяаанам̣ аг̇амам̣су. д̇иг̇аавуд̇о маг̇г̇о наббахоси, сагалаладтивануяяаанам̣ ниранд̇арам̣ пудам̣ ахоси. махааж̇ано д̣̇асаб̣аласса руубасобхаг̇г̇аббад̇д̇ам̣ ад̇д̇абхаавам̣ бассанд̇о д̇ид̇д̇им̣ гаад̇ум̣ наасагки. ван̣н̣абхууми наамзсаа. зваруубзсу хи таанзсу д̇ат̇ааг̇ад̇асса лагкан̣аануб̣яан̃ж̇анаад̣̇иббабхзд̣̇аа саб̣б̣ааби руубагааяасирий ван̣н̣зд̇аб̣б̣аа. звам̣ руубасобхаг̇г̇аббад̇д̇ам̣ д̣̇асаб̣аласса сарийрам̣ бассамаанзна махааж̇анзна ниранд̇арам̣ пудз уяяаанз жа маг̇г̇з жа згабхигкуссаби нигкаманогаасо наахоси. д̇ам̣ д̣̇ивасам̣ гира бхаг̇аваа чиннабхад̇д̇о бхавзяяа, д̇ам̣ маа ахосийд̇и саггасса нисиннаасанам̣ ун̣хаагаарам̣ д̣̇ассзси. со ааваж̇ж̇амаано д̇ам̣ гааран̣ам̣ н̃ад̇ваа маан̣авагаван̣н̣ам̣ абхинимминид̇ваа б̣уд̣̇д̇хад̇хаммасан̇гхабадисам̣яуд̇д̇аа т̇уд̇ияо вад̣̇амаано д̣̇асаб̣аласса бурад̇о од̇арид̇ваа д̣̇звад̇аанубхаавзна огаасам̣ гад̇ваа –

    Punadivase yehi ca bhagavā diṭṭho, yehi ca adiṭṭho, sabbepi rājagahavāsino aṭṭhārasakoṭisaṅkhā manussā tathāgataṃ daṭṭhukāmā pātova rājagahato laṭṭhivanuyyānaṃ agamaṃsu. Tigāvuto maggo nappahosi, sakalalaṭṭhivanuyyānaṃ nirantaraṃ phuṭaṃ ahosi. Mahājano dasabalassa rūpasobhaggappattaṃ attabhāvaṃ passanto tittiṃ kātuṃ nāsakkhi. Vaṇṇabhūmi nāmesā. Evarūpesu hi ṭhānesu tathāgatassa lakkhaṇānubyañjanādippabhedā sabbāpi rūpakāyasirī vaṇṇetabbā. Evaṃ rūpasobhaggappattaṃ dasabalassa sarīraṃ passamānena mahājanena nirantaraṃ phuṭe uyyāne ca magge ca ekabhikkhussapi nikkhamanokāso nāhosi. Taṃ divasaṃ kira bhagavā chinnabhatto bhaveyya, taṃ mā ahosīti sakkassa nisinnāsanaṃ uṇhākāraṃ dassesi. So āvajjamāno taṃ kāraṇaṃ ñatvā māṇavakavaṇṇaṃ abhinimminitvā buddhadhammasaṅghapaṭisaṃyuttā thutiyo vadamāno dasabalassa purato otaritvā devatānubhāvena okāsaṃ katvā –

    ‘‘д̣̇анд̇о д̣̇анд̇зхи саха бураан̣аж̇адилзхи, виббамуд̇д̇о виббамуд̇д̇зхи;

    ‘‘Danto dantehi saha purāṇajaṭilehi, vippamutto vippamuttehi;

    син̇г̇ийнигкасаван̣н̣о, рааж̇аг̇ахам̣ баависи бхаг̇аваа.

    Siṅgīnikkhasavaṇṇo, rājagahaṃ pāvisi bhagavā.

    ‘‘муд̇д̇о муд̇д̇зхи саха бураан̣аж̇адилзхи, виббамуд̇д̇о виббамуд̇д̇зхи;

    ‘‘Mutto muttehi saha purāṇajaṭilehi, vippamutto vippamuttehi;

    син̇г̇ийнигкасаван̣н̣о, рааж̇аг̇ахам̣ баависи бхаг̇аваа.

    Siṅgīnikkhasavaṇṇo, rājagahaṃ pāvisi bhagavā.

    ‘‘д̇ин̣н̣о д̇ин̣н̣зхи саха бураан̣аж̇адилзхи, виббамуд̇д̇о виббамуд̇д̇зхи;

    ‘‘Tiṇṇo tiṇṇehi saha purāṇajaṭilehi, vippamutto vippamuttehi;

    син̇г̇ийнигкасаван̣н̣о, рааж̇аг̇ахам̣ баависи бхаг̇аваа.

    Siṅgīnikkhasavaṇṇo, rājagahaṃ pāvisi bhagavā.

    ‘‘д̣̇асаваасо д̣̇асаб̣ало, д̣̇асад̇хаммавид̣̇уу д̣̇асабхи жубзд̇о;

    ‘‘Dasavāso dasabalo, dasadhammavidū dasabhi cupeto;

    со д̣̇асасад̇абаривааро, рааж̇аг̇ахам̣ баависи бхаг̇аваа’’д̇и. (махаава. 58) –

    So dasasataparivāro, rājagahaṃ pāvisi bhagavā’’ti. (mahāva. 58) –

    имаахи г̇аат̇аахи сад̇т̇у ван̣н̣ам̣ вад̣̇амаано бурад̇о бааяааси. д̇ад̣̇аа махааж̇ано маан̣авагасса руубасирим̣ д̣̇исваа ‘‘ад̇ивияа абхируубо аяам̣ маан̣аваго, на ко бана амхзхи д̣̇идтабуб̣б̣о’’д̇и жинд̇зд̇ваа ‘‘гуд̇о аяам̣ маан̣аваго, гасса вааяа’’нд̇и ааха. д̇ам̣ суд̇ваа маан̣аво –

    Imāhi gāthāhi satthu vaṇṇaṃ vadamāno purato pāyāsi. Tadā mahājano māṇavakassa rūpasiriṃ disvā ‘‘ativiya abhirūpo ayaṃ māṇavako, na kho pana amhehi diṭṭhapubbo’’ti cintetvā ‘‘kuto ayaṃ māṇavako, kassa vāya’’nti āha. Taṃ sutvā māṇavo –

    ‘‘яо д̇хийро саб̣б̣ад̇хи д̣̇анд̇о, суд̣̇д̇хо аббадибуг̇г̇ало;

    ‘‘Yo dhīro sabbadhi danto, suddho appaṭipuggalo;

    арахам̣ суг̇ад̇о логз, д̇ассаахам̣ барижаараго’’д̇и. (махаава. 58) – г̇аат̇амааха;

    Arahaṃ sugato loke, tassāhaṃ paricārako’’ti. (mahāva. 58) – gāthamāha;

    сад̇т̇аа саггзна гад̇огаасам̣ маг̇г̇ам̣ бадибаж̇ж̇ид̇ваа бхигкусахассабаривуд̇о рааж̇аг̇ахам̣ баависи. рааж̇аа б̣уд̣̇д̇хаббамукасса сан̇гхасса махаад̣̇аанам̣ д̣̇ад̇ваа ‘‘ахам̣, бханд̇з, д̇ийн̣и рад̇анаани винаа вад̇д̇ид̇ум̣ на сагкиссаами, взлааяа ваа авзлааяа ваа бхаг̇авад̇о санд̇игам̣ ааг̇амиссаами, ладтивануяяаанам̣ наама ад̇ид̣̇уурз, ид̣̇ам̣ бана амхаагам̣ взл̣уванам̣ наама уяяаанам̣ наад̇ид̣̇уурз наажжаасаннз г̇аманааг̇аманасамбаннам̣ б̣уд̣̇д̇хаарахам̣ сзнаасанам̣. ид̣̇ам̣ мз бхаг̇аваа бадиг̇г̇ан̣хаад̇уу’’д̇и суван̣н̣абхин̇гаарзна бубпаг̇анд̇хаваасид̇ам̣ ман̣иван̣н̣ам̣ уд̣̇агам̣ аад̣̇ааяа взл̣увануяяаанам̣ барижжаж̇анд̇о д̣̇асаб̣аласса хад̇т̇з уд̣̇агам̣ баад̇зси. д̇асмим̣ аараамабадиг̇г̇ахан̣з ‘‘б̣уд̣̇д̇хасаасанасса муулаани од̇ин̣н̣ааний’’д̇и махаабат̇авий гамби. ж̇амб̣уд̣̇ийбасмин̃хи табзд̇ваа взл̣уванам̣ ан̃н̃ам̣ махаабат̇авим̣ гамбзд̇ваа г̇ахид̇асзнаасанам̣ наама над̇т̇и. д̇амб̣абан̣н̣ид̣̇ийбзби табзд̇ваа махаавихаарам̣ ан̃н̃ам̣ бат̇авим̣ гамбзд̇ваа г̇ахид̇асзнаасанам̣ наама над̇т̇и. сад̇т̇аа взл̣уванаараамам̣ бадиг̇г̇ахзд̇ваа ран̃н̃о анумод̣̇анам̣ гад̇ваа удтааяаасанаа бхигкусан̇гхабаривуд̇о взл̣уванам̣ аг̇амааси.

    Satthā sakkena katokāsaṃ maggaṃ paṭipajjitvā bhikkhusahassaparivuto rājagahaṃ pāvisi. Rājā buddhappamukhassa saṅghassa mahādānaṃ datvā ‘‘ahaṃ, bhante, tīṇi ratanāni vinā vattituṃ na sakkhissāmi, velāya vā avelāya vā bhagavato santikaṃ āgamissāmi, laṭṭhivanuyyānaṃ nāma atidūre, idaṃ pana amhākaṃ veḷuvanaṃ nāma uyyānaṃ nātidūre nāccāsanne gamanāgamanasampannaṃ buddhārahaṃ senāsanaṃ. Idaṃ me bhagavā paṭiggaṇhātū’’ti suvaṇṇabhiṅkārena pupphagandhavāsitaṃ maṇivaṇṇaṃ udakaṃ ādāya veḷuvanuyyānaṃ pariccajanto dasabalassa hatthe udakaṃ pātesi. Tasmiṃ ārāmapaṭiggahaṇe ‘‘buddhasāsanassa mūlāni otiṇṇānī’’ti mahāpathavī kampi. Jambudīpasmiñhi ṭhapetvā veḷuvanaṃ aññaṃ mahāpathaviṃ kampetvā gahitasenāsanaṃ nāma natthi. Tambapaṇṇidīpepi ṭhapetvā mahāvihāraṃ aññaṃ pathaviṃ kampetvā gahitasenāsanaṃ nāma natthi. Satthā veḷuvanārāmaṃ paṭiggahetvā rañño anumodanaṃ katvā uṭṭhāyāsanā bhikkhusaṅghaparivuto veḷuvanaṃ agamāsi.

    д̇асмим̣ ко бана самаяз саарибуд̇д̇о жа мог̇г̇аллаано жаад̇и д̣̇вз бариб̣б̣ааж̇агаа рааж̇аг̇ахам̣ убаниссааяа вихаранд̇и амад̇ам̣ бариязсамаанаа. д̇зсу саарибуд̇д̇о ассаж̇ид̇т̇зрам̣ бин̣д̣ааяа бавидтам̣ д̣̇исваа басаннажид̇д̇о баяирубаасид̇ваа ‘‘яз д̇хаммаа хзд̇уббабхаваа’’д̇и г̇аат̇ам̣ суд̇ваа сод̇аабад̇д̇ипалз бад̇идтааяа ад̇д̇ано сахааяагасса мог̇г̇аллаанабариб̣б̣ааж̇агассаби д̇амзва г̇аат̇ам̣ абхааси. соби сод̇аабад̇д̇ипалз бад̇идтааси. д̇з убхоби ж̇анаа сан̃жаяам̣ ологзд̇ваа ад̇д̇ано барисааяа сад̣̇д̇хим̣ бхаг̇авад̇о санд̇игз баб̣б̣аж̇им̣су. д̇зсу махаамог̇г̇аллаано сад̇д̇аахзна арахад̇д̇ам̣ баабун̣и, саарибуд̇д̇ад̇т̇зро ад̣дхамаасзна. убхоби жа нз сад̇т̇аа аг̇г̇асаавагадтаанз табзси. саарибуд̇д̇ад̇т̇зрзна арахад̇д̇аббад̇д̇ад̣̇ивасзязва саавагасаннибаад̇ам̣ агааси.

    Tasmiṃ kho pana samaye sāriputto ca moggallāno cāti dve paribbājakā rājagahaṃ upanissāya viharanti amataṃ pariyesamānā. Tesu sāriputto assajittheraṃ piṇḍāya paviṭṭhaṃ disvā pasannacitto payirupāsitvā ‘‘ye dhammā hetuppabhavā’’ti gāthaṃ sutvā sotāpattiphale patiṭṭhāya attano sahāyakassa moggallānaparibbājakassapi tameva gāthaṃ abhāsi. Sopi sotāpattiphale patiṭṭhāsi. Te ubhopi janā sañcayaṃ oloketvā attano parisāya saddhiṃ bhagavato santike pabbajiṃsu. Tesu mahāmoggallāno sattāhena arahattaṃ pāpuṇi, sāriputtatthero aḍḍhamāsena. Ubhopi ca ne satthā aggasāvakaṭṭhāne ṭhapesi. Sāriputtattherena arahattappattadivaseyeva sāvakasannipātaṃ akāsi.

    д̇ат̇ааг̇ад̇з бана д̇асмим̣язва взл̣увануяяаанз вихаранд̇з суд̣̇д̇ход̣̇анамахаарааж̇аа ‘‘буд̇д̇о гира мз чаб̣б̣ассаани д̣̇уггарагааригам̣ жарид̇ваа барамаабхисамб̣од̇хим̣ бад̇ваа бавад̇д̇аварад̇хаммажагго рааж̇аг̇ахам̣ убаниссааяа взл̣уванз вихарад̇ий’’д̇и суд̇ваа ан̃н̃ад̇арам̣ амажжам̣ ааманд̇зси ‘‘зхи, бхан̣з, бурисасахассабаривааро рааж̇аг̇ахам̣ г̇анд̇ваа мама важанзна ‘бид̇аа во суд̣̇д̇ход̣̇анамахаарааж̇аа д̣̇адтугаамо’д̇и вад̇ваа буд̇д̇ам̣ мз г̇ан̣хид̇ваа зхий’’д̇и ааха. со ‘‘звам̣, д̣̇зваа’’д̇и ран̃н̃о важанам̣ сирасаа самбадижчид̇ваа бурисасахассабаривааро киббамзва садтияож̇анамаг̇г̇ам̣ г̇анд̇ваа д̣̇асаб̣аласса жад̇убарисамаж̇жхз нисийд̣̇ид̇ваа д̇хаммад̣̇зсанаавзлааяа вихаарам̣ баависи. со ‘‘д̇идтад̇у д̇аава ран̃н̃о бахид̇асаасана’’нд̇и барияанд̇з тид̇о сад̇т̇у д̇хаммад̣̇зсанам̣ суд̇ваа яат̇аатид̇ова сад̣̇д̇хим̣ бурисасахассзна арахад̇д̇ам̣ бад̇ваа баб̣б̣аж̇ж̇ам̣ яаажи. бхаг̇аваа ‘‘зт̇а бхигкаво’’д̇и хад̇т̇ам̣ басаарзси, саб̣б̣з д̇ан̇кан̣ам̣язва ид̣̇д̇химаяабад̇д̇ажийварад̇хараа садтивассад̇т̇зраа вияа ахзсум̣. арахад̇д̇ам̣ бад̇д̇агаалад̇о бадтааяа бана арияаа наама маж̇жхад̇д̇аава хонд̇ийд̇и со ран̃н̃аа бахид̇асаасанам̣ д̣̇асаб̣аласса на гат̇зси. рааж̇аа ‘‘нзва г̇ад̇о ааг̇ажчад̇и, на саасанам̣ суяяад̇ий’’д̇и ‘‘зхи, бхан̣з, д̇вам̣ г̇ажчаахий’’д̇и д̇знзва нияаамзна ан̃н̃ам̣ амажжам̣ бзсзси. соби г̇анд̇ваа буриманаязнзва сад̣̇д̇хим̣ барисааяа арахад̇д̇ам̣ бад̇ваа д̇ун̣хий ахоси. рааж̇аа зд̇знзва нияаамзна бурисасахассабариваарз нава амажжз бзсзси, саб̣б̣з ад̇д̇ано гижжам̣ нидтаабзд̇ваа д̇ун̣хийбхууд̇аа д̇ад̇т̇зва вихарим̣су.

    Tathāgate pana tasmiṃyeva veḷuvanuyyāne viharante suddhodanamahārājā ‘‘putto kira me chabbassāni dukkarakārikaṃ caritvā paramābhisambodhiṃ patvā pavattavaradhammacakko rājagahaṃ upanissāya veḷuvane viharatī’’ti sutvā aññataraṃ amaccaṃ āmantesi ‘‘ehi, bhaṇe, purisasahassaparivāro rājagahaṃ gantvā mama vacanena ‘pitā vo suddhodanamahārājā daṭṭhukāmo’ti vatvā puttaṃ me gaṇhitvā ehī’’ti āha. So ‘‘evaṃ, devā’’ti rañño vacanaṃ sirasā sampaṭicchitvā purisasahassaparivāro khippameva saṭṭhiyojanamaggaṃ gantvā dasabalassa catuparisamajjhe nisīditvā dhammadesanāvelāya vihāraṃ pāvisi. So ‘‘tiṭṭhatu tāva rañño pahitasāsana’’nti pariyante ṭhito satthu dhammadesanaṃ sutvā yathāṭhitova saddhiṃ purisasahassena arahattaṃ patvā pabbajjaṃ yāci. Bhagavā ‘‘etha bhikkhavo’’ti hatthaṃ pasāresi, sabbe taṅkhaṇaṃyeva iddhimayapattacīvaradharā saṭṭhivassattherā viya ahesuṃ. Arahattaṃ pattakālato paṭṭhāya pana ariyā nāma majjhattāva hontīti so raññā pahitasāsanaṃ dasabalassa na kathesi. Rājā ‘‘neva gato āgacchati, na sāsanaṃ suyyatī’’ti ‘‘ehi, bhaṇe, tvaṃ gacchāhī’’ti teneva niyāmena aññaṃ amaccaṃ pesesi. Sopi gantvā purimanayeneva saddhiṃ parisāya arahattaṃ patvā tuṇhī ahosi. Rājā eteneva niyāmena purisasahassaparivāre nava amacce pesesi, sabbe attano kiccaṃ niṭṭhāpetvā tuṇhībhūtā tattheva vihariṃsu.

    рааж̇аа саасанамад̇д̇амби аахарид̇ваа аажигканд̇ам̣ алабхид̇ваа жинд̇зси ‘‘зд̇д̇агаа ж̇анаа маяи синзхаабхаавзна саасанамад̇д̇амби на бажжаахарим̣су, го ну ко мама важанам̣ гариссад̇ий’’д̇и саб̣б̣ам̣ рааж̇аб̣алам̣ ологзнд̇о гаал̣уд̣̇ааяим̣ ад̣̇д̣̇аса. со гира ран̃н̃о саб̣б̣ад̇т̇асаад̇хаго амажжо аб̣бханд̇ариго ад̇ивиссаасиго б̣од̇хисад̇д̇зна сад̣̇д̇хим̣ згад̣̇ивасз ж̇аад̇о сахабам̣сугийл̣аго сахааяо. ат̇а нам̣ рааж̇аа ааманд̇зси ‘‘д̇аад̇а, гаал̣уд̣̇ааяи ахам̣ мама буд̇д̇ам̣ бассид̇угаамо нава бурисасахассаани бзсзсим̣, згабурисоби ааг̇анд̇ваа саасанамад̇д̇ам̣ аарожзнд̇оби над̇т̇и, д̣̇уж̇ж̇аано ко бана ж̇ийвид̇анд̇арааяо, ахам̣ ж̇ийвамаанова буд̇д̇ам̣ д̣̇адтум̣ ижчаами, сагкиссаси ну ко мз буд̇д̇ам̣ д̣̇ассзд̇у’’нд̇и. сагкиссаами, д̣̇зва, сажз баб̣б̣аж̇ид̇ум̣ лабхиссаамийд̇и. д̇аад̇а, д̇вам̣ баб̣б̣аж̇ид̇ваа ваа абаб̣б̣аж̇ид̇ваа ваа маяхам̣ буд̇д̇ам̣ д̣̇ассзхийд̇и. со ‘‘саад̇ху, д̣̇зваа’’д̇и ран̃н̃о саасанам̣ аад̣̇ааяа рааж̇аг̇ахам̣ г̇анд̇ваа сад̇т̇у д̇хаммад̣̇зсанаавзлааяа барисабарияанд̇з тид̇о д̇хаммам̣ суд̇ваа сабаривааро арахад̇д̇апалам̣ бад̇ваа зхибхигкубхаавз бад̇идтааси.

    Rājā sāsanamattampi āharitvā ācikkhantaṃ alabhitvā cintesi ‘‘ettakā janā mayi sinehābhāvena sāsanamattampi na paccāhariṃsu, ko nu kho mama vacanaṃ karissatī’’ti sabbaṃ rājabalaṃ olokento kāḷudāyiṃ addasa. So kira rañño sabbatthasādhako amacco abbhantariko ativissāsiko bodhisattena saddhiṃ ekadivase jāto sahapaṃsukīḷako sahāyo. Atha naṃ rājā āmantesi ‘‘tāta, kāḷudāyi ahaṃ mama puttaṃ passitukāmo nava purisasahassāni pesesiṃ, ekapurisopi āgantvā sāsanamattaṃ ārocentopi natthi, dujjāno kho pana jīvitantarāyo, ahaṃ jīvamānova puttaṃ daṭṭhuṃ icchāmi, sakkhissasi nu kho me puttaṃ dassetu’’nti. Sakkhissāmi, deva, sace pabbajituṃ labhissāmīti. Tāta, tvaṃ pabbajitvā vā apabbajitvā vā mayhaṃ puttaṃ dassehīti. So ‘‘sādhu, devā’’ti rañño sāsanaṃ ādāya rājagahaṃ gantvā satthu dhammadesanāvelāya parisapariyante ṭhito dhammaṃ sutvā saparivāro arahattaphalaṃ patvā ehibhikkhubhāve patiṭṭhāsi.

    сад̇т̇аа б̣уд̣̇д̇хо худ̇ваа батамам̣ анд̇овассам̣ исибад̇анз васид̇ваа вуд̇т̇авассо баваарзд̇ваа урувзлам̣ г̇анд̇ваа д̇ад̇т̇а д̇аяо маасз васанд̇о д̇збхаад̇игаж̇адилз винзд̇ваа бхигкусахассабаривааро пуссамаасабун̣н̣амааяам̣ рааж̇аг̇ахам̣ г̇анд̇ваа д̣̇вз маасз васи. зд̇д̇аавад̇аа б̣аараан̣асид̇о нигканд̇асса бан̃жа маасаа ж̇аад̇аа, сагало хзманд̇о ад̇игганд̇о. гаал̣уд̣̇ааяид̇т̇зрасса ааг̇ад̇ад̣̇ивасад̇о сад̇д̇адта д̣̇ивасаа вийд̇ивад̇д̇аа, со паг̇г̇ун̣ийбун̣н̣амаасияам̣ жинд̇зси ‘‘ад̇игганд̇о хзманд̇о, васанд̇асамаяо ануббад̇д̇о, мануссзхи сассаад̣̇ийни уд̣̇д̇харид̇ваа саммукасаммукадтаанзхи маг̇г̇аа д̣̇иннаа, харид̇ад̇ин̣асан̃чаннаа бат̇авий, субубпид̇аа ванасан̣д̣аа, бадибаж̇ж̇анагкамаа маг̇г̇аа, гаало д̣̇асаб̣аласса н̃аад̇исан̇г̇ахам̣ гаад̇у’’нд̇и. ат̇а бхаг̇аванд̇ам̣ убасан̇гамид̇ваа –

    Satthā buddho hutvā paṭhamaṃ antovassaṃ isipatane vasitvā vutthavasso pavāretvā uruvelaṃ gantvā tattha tayo māse vasanto tebhātikajaṭile vinetvā bhikkhusahassaparivāro phussamāsapuṇṇamāyaṃ rājagahaṃ gantvā dve māse vasi. Ettāvatā bārāṇasito nikkhantassa pañca māsā jātā, sakalo hemanto atikkanto. Kāḷudāyittherassa āgatadivasato sattaṭṭha divasā vītivattā, so phagguṇīpuṇṇamāsiyaṃ cintesi ‘‘atikkanto hemanto, vasantasamayo anuppatto, manussehi sassādīni uddharitvā sammukhasammukhaṭṭhānehi maggā dinnā, haritatiṇasañchannā pathavī, supupphitā vanasaṇḍā, paṭipajjanakkhamā maggā, kālo dasabalassa ñātisaṅgahaṃ kātu’’nti. Atha bhagavantaṃ upasaṅkamitvā –

    ‘‘ан̇г̇аарино д̣̇аани д̣̇умаа бхад̣̇анд̇з, палзсино чад̣̇анам̣ виббахааяа;

    ‘‘Aṅgārino dāni dumā bhadante, phalesino chadanaṃ vippahāya;

    д̇з ажжиманд̇ова бабхаасаяанд̇и, самаяо махаавийра ан̇г̇ийрасаанам̣…бз….

    Te accimantova pabhāsayanti, samayo mahāvīra aṅgīrasānaṃ…pe….

    ‘‘наад̇исийд̇ам̣ наад̇иун̣хам̣, наад̇ид̣̇уб̣бхигкачаад̇агам̣;

    ‘‘Nātisītaṃ nātiuṇhaṃ, nātidubbhikkhachātakaṃ;

    сад̣̇д̣̇алаа харид̇аа бхууми, зса гаало махаамуний’’д̇и. –

    Saddalā haritā bhūmi, esa kālo mahāmunī’’ti. –

    садтимад̇д̇аахи г̇аат̇аахи д̣̇асаб̣аласса гуланаг̇арам̣ г̇аманад̇т̇ааяа г̇аманаван̣н̣ам̣ ван̣н̣зси. ат̇а нам̣ сад̇т̇аа ‘‘гим̣ ну ко уд̣̇ааяи мад̇хурассарзна г̇аманаван̣н̣ам̣ ван̣н̣зсий’’д̇и ааха. бханд̇з, д̇умхаагам̣ бид̇аа суд̣̇д̇ход̣̇анамахаарааж̇аа бассид̇угаамо, гарот̇а н̃аад̇агаанам̣ сан̇г̇аханд̇и. саад̇ху уд̣̇ааяи, гариссаами н̃аад̇агаанам̣ сан̇г̇ахам̣, бхигкусан̇гхасса аарожзхи, г̇амигавад̇д̇ам̣ буурзссанд̇ийд̇и. ‘‘саад̇ху, бханд̇з’’д̇и т̇зро д̇зсам̣ аарожзси.

    Saṭṭhimattāhi gāthāhi dasabalassa kulanagaraṃ gamanatthāya gamanavaṇṇaṃ vaṇṇesi. Atha naṃ satthā ‘‘kiṃ nu kho udāyi madhurassarena gamanavaṇṇaṃ vaṇṇesī’’ti āha. Bhante, tumhākaṃ pitā suddhodanamahārājā passitukāmo, karotha ñātakānaṃ saṅgahanti. Sādhu udāyi, karissāmi ñātakānaṃ saṅgahaṃ, bhikkhusaṅghassa ārocehi, gamikavattaṃ pūressantīti. ‘‘Sādhu, bhante’’ti thero tesaṃ ārocesi.

    бхаг̇аваа ан̇г̇амаг̇ад̇хаваасийнам̣ гулабуд̇д̇аанам̣ д̣̇асахи сахассзхи, габилавад̇т̇уваасийнам̣ д̣̇асахи сахассзхийд̇и саб̣б̣зхзва вийсад̇исахассзхи кийн̣аасавабхигкуухи баривуд̇о рааж̇аг̇ахаа нигкамид̇ваа д̣̇ивасз д̣̇ивасз яож̇анам̣ г̇ажчад̇и. ‘‘рааж̇аг̇ахад̇о садтияож̇анам̣ габилавад̇т̇ум̣ д̣̇вийхи маасзхи баабун̣иссаамий’’д̇и ад̇урид̇ажааригам̣ баггаами. т̇зроби ‘‘бхаг̇авад̇о нигканд̇абхаавам̣ ран̃н̃о аарожзссаамий’’д̇и взхаасам̣ аб̣бхуг̇г̇анд̇ваа ран̃н̃о нивзсанз баад̇урахоси. рааж̇аа т̇зрам̣ д̣̇исваа д̇удтажид̇д̇о махаарахз баллан̇гз нисийд̣̇аабзд̇ваа ад̇д̇ано бадияаад̣̇ид̇асса наанаг̇г̇арасабхож̇анасса бад̇д̇ам̣ буурзд̇ваа ад̣̇ааси. т̇зро удтааяа г̇аманаагаарам̣ д̣̇ассзси. нисийд̣̇ид̇ваа бхун̃ж̇ат̇а, д̇аад̇аад̇и. сад̇т̇у санд̇игам̣ г̇анд̇ваа бхун̃ж̇иссаами, махаарааж̇аад̇и. гахам̣ бана, д̇аад̇а, сад̇т̇аад̇и? вийсад̇исахассабхигкубаривааро д̇умхаагам̣ д̣̇ассанад̇т̇ааяа жааригам̣ нигканд̇о, махаарааж̇аад̇и. рааж̇аа д̇удтамаанасо ааха ‘‘д̇умхз имам̣ барибхун̃ж̇ид̇ваа яаава мама буд̇д̇о имам̣ наг̇арам̣ баабун̣аад̇и, д̇аавасса ид̇ова бин̣д̣абаад̇ам̣ харат̇аа’’д̇и. т̇зро ад̇хиваасзси. рааж̇аа т̇зрам̣ баривисид̇ваа бад̇д̇ам̣ г̇анд̇хажун̣н̣зна уб̣б̣аддзд̇ваа уд̇д̇амабхож̇анасса буурзд̇ваа ‘‘д̇ат̇ааг̇ад̇асса д̣̇зт̇аа’’д̇и т̇зрасса хад̇т̇з бад̇идтаабзси. т̇зро саб̣б̣зсам̣ бассанд̇аанам̣язва бад̇д̇ам̣ аагаасз кибид̇ваа саяамби взхаасам̣ аб̣бхуг̇г̇анд̇ваа бин̣д̣абаад̇ам̣ аахарид̇ваа сад̇т̇у хад̇т̇з табзси. сад̇т̇аа д̇ам̣ барибхун̃ж̇и. зд̇знубааязна т̇зро д̣̇ивасз д̣̇ивасз аахари, сад̇т̇ааби анд̇араамаг̇г̇з ран̃н̃оязва бин̣д̣абаад̇ам̣ барибхун̃ж̇и. т̇зроби бхад̇д̇агижжаавасаанз д̣̇ивасз д̣̇ивасз ‘‘аж̇ж̇а зд̇д̇агам̣ бхаг̇аваа ааг̇ад̇о, аж̇ж̇а зд̇д̇ага’’нд̇и б̣уд̣̇д̇хаг̇ун̣абадисам̣яуд̇д̇ааяа гат̇ааяа сагалам̣ рааж̇агулам̣ сад̇т̇у д̣̇ассанам̣ винааязва сад̇т̇ари сан̃ж̇аад̇аббасаад̣̇ам̣ агааси. д̇знзва нам̣ бхаг̇аваа ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ гулаббасаад̣̇агаанам̣ яад̣̇ид̣̇ам̣ гаал̣уд̣̇ааяий’’д̇и (а. ни. 1.219, 225) зд̇ад̣̇аг̇г̇з табзси.

    Bhagavā aṅgamagadhavāsīnaṃ kulaputtānaṃ dasahi sahassehi, kapilavatthuvāsīnaṃ dasahi sahassehīti sabbeheva vīsatisahassehi khīṇāsavabhikkhūhi parivuto rājagahā nikkhamitvā divase divase yojanaṃ gacchati. ‘‘Rājagahato saṭṭhiyojanaṃ kapilavatthuṃ dvīhi māsehi pāpuṇissāmī’’ti aturitacārikaṃ pakkāmi. Theropi ‘‘bhagavato nikkhantabhāvaṃ rañño ārocessāmī’’ti vehāsaṃ abbhuggantvā rañño nivesane pāturahosi. Rājā theraṃ disvā tuṭṭhacitto mahārahe pallaṅke nisīdāpetvā attano paṭiyāditassa nānaggarasabhojanassa pattaṃ pūretvā adāsi. Thero uṭṭhāya gamanākāraṃ dassesi. Nisīditvā bhuñjatha, tātāti. Satthu santikaṃ gantvā bhuñjissāmi, mahārājāti. Kahaṃ pana, tāta, satthāti? Vīsatisahassabhikkhuparivāro tumhākaṃ dassanatthāya cārikaṃ nikkhanto, mahārājāti. Rājā tuṭṭhamānaso āha ‘‘tumhe imaṃ paribhuñjitvā yāva mama putto imaṃ nagaraṃ pāpuṇāti, tāvassa itova piṇḍapātaṃ harathā’’ti. Thero adhivāsesi. Rājā theraṃ parivisitvā pattaṃ gandhacuṇṇena ubbaṭṭetvā uttamabhojanassa pūretvā ‘‘tathāgatassa dethā’’ti therassa hatthe patiṭṭhāpesi. Thero sabbesaṃ passantānaṃyeva pattaṃ ākāse khipitvā sayampi vehāsaṃ abbhuggantvā piṇḍapātaṃ āharitvā satthu hatthe ṭhapesi. Satthā taṃ paribhuñji. Etenupāyena thero divase divase āhari, satthāpi antarāmagge raññoyeva piṇḍapātaṃ paribhuñji. Theropi bhattakiccāvasāne divase divase ‘‘ajja ettakaṃ bhagavā āgato, ajja ettaka’’nti buddhaguṇapaṭisaṃyuttāya kathāya sakalaṃ rājakulaṃ satthu dassanaṃ vināyeva satthari sañjātappasādaṃ akāsi. Teneva naṃ bhagavā ‘‘etadaggaṃ, bhikkhave, mama sāvakānaṃ bhikkhūnaṃ kulappasādakānaṃ yadidaṃ kāḷudāyī’’ti (a. ni. 1.219, 225) etadagge ṭhapesi.

    саагияааби ко ‘‘ануббад̇д̇з бхаг̇авад̇и амхаагам̣ н̃аад̇исздтам̣ бассиссаамаа’’д̇и саннибад̇ид̇ваа бхаг̇авад̇о васанадтаанам̣ виймам̣самаанаа ‘‘ниг̇род̇хасаггасса аараамо раман̣ийяо’’д̇и саллагкзд̇ваа д̇ад̇т̇а саб̣б̣ам̣ бадиж̇аг̇г̇анавид̇хим̣ гаарзд̇ваа г̇анд̇хабубпахад̇т̇аа бажжуг̇г̇аманам̣ гаронд̇аа саб̣б̣аалан̇гаарабадиман̣д̣ид̇з д̣̇ахарад̣̇ахарз нааг̇арад̣̇аарагз жа нааг̇арад̣̇ааригааяо жа батамам̣ бахин̣им̣су, д̇ад̇о рааж̇агумаарз жа рааж̇агумааригааяо жа, д̇зсам̣ ананд̇арам̣ саамам̣ г̇анд̇хабубпажун̣н̣аад̣̇ийхи бууж̇аяамаанаа бхаг̇аванд̇ам̣ г̇ахзд̇ваа ниг̇род̇хаараамамзва аг̇амам̣су. д̇ад̇ра бхаг̇аваа вийсад̇исахассакийн̣аасавабаривуд̇о бан̃н̃ад̇д̇авараб̣уд̣̇д̇хаасанз нисийд̣̇и. саагияаа наама маанаж̇аад̇игаа маанад̇т̇ад̣̇д̇хаа, д̇з ‘‘сид̣̇д̇хад̇т̇агумааро амхзхи д̣̇ахарад̇аро, амхаагам̣ ганидто, бхааг̇инзяяо, буд̇д̇о, над̇д̇аа’’д̇и жинд̇зд̇ваа д̣̇ахарад̣̇ахарз рааж̇агумаарз аахам̣су ‘‘д̇умхз ванд̣̇ат̇а, маяам̣ д̇умхаагам̣ бидтид̇о нисийд̣̇иссаамаа’’д̇и.

    Sākiyāpi kho ‘‘anuppatte bhagavati amhākaṃ ñātiseṭṭhaṃ passissāmā’’ti sannipatitvā bhagavato vasanaṭṭhānaṃ vīmaṃsamānā ‘‘nigrodhasakkassa ārāmo ramaṇīyo’’ti sallakkhetvā tattha sabbaṃ paṭijagganavidhiṃ kāretvā gandhapupphahatthā paccuggamanaṃ karontā sabbālaṅkārapaṭimaṇḍite daharadahare nāgaradārake ca nāgaradārikāyo ca paṭhamaṃ pahiṇiṃsu, tato rājakumāre ca rājakumārikāyo ca, tesaṃ anantaraṃ sāmaṃ gandhapupphacuṇṇādīhi pūjayamānā bhagavantaṃ gahetvā nigrodhārāmameva agamaṃsu. Tatra bhagavā vīsatisahassakhīṇāsavaparivuto paññattavarabuddhāsane nisīdi. Sākiyā nāma mānajātikā mānatthaddhā, te ‘‘siddhatthakumāro amhehi daharataro, amhākaṃ kaniṭṭho, bhāgineyyo, putto, nattā’’ti cintetvā daharadahare rājakumāre āhaṃsu ‘‘tumhe vandatha, mayaṃ tumhākaṃ piṭṭhito nisīdissāmā’’ti.

    д̇зсу звам̣ аванд̣̇ид̇ваа нисиннзсу бхаг̇аваа д̇зсам̣ аж̇жхаасаяам̣ ологзд̇ваа ‘‘на мам̣ н̃аад̇аяо ванд̣̇анд̇и, ханд̣̇а д̣̇аани нз ванд̣̇аабзссаамий’’д̇и абхин̃н̃аабаад̣̇агам̣ жад̇уд̇т̇аж̇жхаанам̣ самаабаж̇ж̇ид̇ваа д̇ад̇о вудтааяа аагаасам̣ аб̣бхуг̇г̇анд̇ваа д̇зсам̣ сийсз баад̣̇абам̣сум̣ огирамаано вияа ган̣д̣амб̣аругкамуулз яамагабаадихаарияасад̣̇исам̣ баадихаарияам̣ агааси. рааж̇аа д̇ам̣ ажчарияам̣ д̣̇исваа ааха – ‘‘бхаг̇аваа д̇умхаагам̣ ж̇аад̇ад̣̇ивасз гаал̣ад̣̇зваласса ванд̣̇анад̇т̇ам̣ убанийд̇аанам̣ баад̣̇з во баривад̇д̇ид̇ваа б̣раахман̣асса мад̇т̇агз бад̇идтид̇з д̣̇исвааби ахам̣ д̇умхз ванд̣̇им̣, аяам̣ мз батамаванд̣̇анаа. ваббаман̇г̇алад̣̇ивасз ж̇амб̣ужчааяааяа сирисаяанз нисиннаанам̣ во ж̇амб̣ужчааяааяа абаривад̇д̇анам̣ д̣̇исвааби баад̣̇з ванд̣̇им̣, аяам̣ мз д̣̇уд̇ияаванд̣̇анаа. ид̣̇аани имам̣ ад̣̇идтабуб̣б̣ам̣ баадихаарияам̣ д̣̇исвааби ахам̣ д̇умхаагам̣ баад̣̇з ванд̣̇аами, аяам̣ мз д̇ад̇ияаванд̣̇анаа’’д̇и. ран̃н̃аа бана ванд̣̇ид̇з бхаг̇аванд̇ам̣ аванд̣̇ид̇ваа таад̇ум̣ самад̇т̇о наама згасаагияоби наахоси, саб̣б̣з ванд̣̇им̣суязва.

    Tesu evaṃ avanditvā nisinnesu bhagavā tesaṃ ajjhāsayaṃ oloketvā ‘‘na maṃ ñātayo vandanti, handa dāni ne vandāpessāmī’’ti abhiññāpādakaṃ catutthajjhānaṃ samāpajjitvā tato vuṭṭhāya ākāsaṃ abbhuggantvā tesaṃ sīse pādapaṃsuṃ okiramāno viya kaṇḍambarukkhamūle yamakapāṭihāriyasadisaṃ pāṭihāriyaṃ akāsi. Rājā taṃ acchariyaṃ disvā āha – ‘‘bhagavā tumhākaṃ jātadivase kāḷadevalassa vandanatthaṃ upanītānaṃ pāde vo parivattitvā brāhmaṇassa matthake patiṭṭhite disvāpi ahaṃ tumhe vandiṃ, ayaṃ me paṭhamavandanā. Vappamaṅgaladivase jambucchāyāya sirisayane nisinnānaṃ vo jambucchāyāya aparivattanaṃ disvāpi pāde vandiṃ, ayaṃ me dutiyavandanā. Idāni imaṃ adiṭṭhapubbaṃ pāṭihāriyaṃ disvāpi ahaṃ tumhākaṃ pāde vandāmi, ayaṃ me tatiyavandanā’’ti. Raññā pana vandite bhagavantaṃ avanditvā ṭhātuṃ samattho nāma ekasākiyopi nāhosi, sabbe vandiṃsuyeva.

    ид̇и бхаг̇аваа н̃аад̇аяо ванд̣̇аабзд̇ваа аагаасад̇о од̇арид̇ваа бан̃н̃ад̇д̇аасанз нисийд̣̇и. нисиннз бхаг̇авад̇и сикаабад̇д̇о н̃аад̇исамааг̇амо ахоси , саб̣б̣з згаг̇г̇ажид̇д̇аа худ̇ваа нисийд̣̇им̣су. д̇ад̇о махаамзгхо богкаравассам̣ васси. д̇амб̣аван̣н̣ам̣ уд̣̇агам̣ хздтаа вираванд̇ам̣ г̇ажчад̇и, д̇змид̇угаамова д̇змзд̇и, ад̇змид̇угаамасса сарийрз згаб̣инд̣̇умад̇д̇амби на бад̇ад̇и. д̇ам̣ д̣̇исваа саб̣б̣з ажчарияаб̣бхуд̇ажид̇д̇аж̇аад̇аа ‘‘ахо ажчарияам̣, ахо аб̣бхуд̇а’’нд̇и гат̇ам̣ самудтаабзсум̣. сад̇т̇аа ‘‘на ид̣̇аанзва маяхам̣ н̃аад̇исамааг̇амз богкаравассам̣ вассад̇и, ад̇ийд̇зби вассий’’д̇и имиссаа адтуббад̇д̇ияаа взссанд̇араж̇аад̇агам̣ гат̇зси. д̇хаммад̣̇зсанам̣ суд̇ваа саб̣б̣з удтааяа ванд̣̇ид̇ваа баггамим̣су. згоби рааж̇аа ваа рааж̇амахаамад̇д̇о ваа ‘‘свз амхаагам̣ бхигкам̣ г̇ан̣хат̇аа’’д̇и вад̇ваа г̇ад̇о наама над̇т̇и.

    Iti bhagavā ñātayo vandāpetvā ākāsato otaritvā paññattāsane nisīdi. Nisinne bhagavati sikhāpatto ñātisamāgamo ahosi , sabbe ekaggacittā hutvā nisīdiṃsu. Tato mahāmegho pokkharavassaṃ vassi. Tambavaṇṇaṃ udakaṃ heṭṭhā viravantaṃ gacchati, temitukāmova temeti, atemitukāmassa sarīre ekabindumattampi na patati. Taṃ disvā sabbe acchariyabbhutacittajātā ‘‘aho acchariyaṃ, aho abbhuta’’nti kathaṃ samuṭṭhāpesuṃ. Satthā ‘‘na idāneva mayhaṃ ñātisamāgame pokkharavassaṃ vassati, atītepi vassī’’ti imissā aṭṭhuppattiyā vessantarajātakaṃ kathesi. Dhammadesanaṃ sutvā sabbe uṭṭhāya vanditvā pakkamiṃsu. Ekopi rājā vā rājamahāmatto vā ‘‘sve amhākaṃ bhikkhaṃ gaṇhathā’’ti vatvā gato nāma natthi.

    сад̇т̇аа бунад̣̇ивасз вийсад̇исахассабхигкубаривуд̇о габилавад̇т̇ум̣ бин̣д̣ааяа баависи. д̇ам̣ на гожи г̇анд̇ваа ниманд̇зси, бад̇д̇ам̣ ваа аг̇г̇ахоси. бхаг̇аваа инд̣̇акийлз тид̇ова ааваж̇ж̇зси ‘‘гат̇ам̣ ну ко буб̣б̣аб̣уд̣̇д̇хаа гуланаг̇арз бин̣д̣ааяа жарим̣су, гим̣ уббадибаадияаа иссараж̇анаанам̣ гхараани аг̇амам̣су, уд̣̇ааху сабад̣̇аанажааригам̣ жарим̣суу’’д̇и. д̇ад̇о згаб̣уд̣̇д̇хассаби уббадибаадияаа г̇аманам̣ ад̣̇исваа ‘‘маяааби ид̣̇аани аяамзва вам̣со, аяам̣ бавзн̣ий баг̇г̇ахзд̇аб̣б̣аа, ааяад̇ин̃жа мз саавагааби маман̃н̃зва анусигканд̇аа бин̣д̣ажааригавад̇д̇ам̣ барибуурзссанд̇ий’’д̇и годияам̣ нивидтаг̇зхад̇о бадтааяа сабад̣̇аанам̣ бин̣д̣ааяа жари. ‘‘аяяо гира сид̣̇д̇хад̇т̇агумааро бин̣д̣ааяа жарад̇ий’’д̇и д̣̇вибхуумагад̇ибхуумагаад̣̇ийсу баасаад̣̇зсу сийхабан̃ж̇арз виварид̇ваа махааж̇ано д̣̇ассанаб̣яаавадо ахоси.

    Satthā punadivase vīsatisahassabhikkhuparivuto kapilavatthuṃ piṇḍāya pāvisi. Taṃ na koci gantvā nimantesi, pattaṃ vā aggahosi. Bhagavā indakhīle ṭhitova āvajjesi ‘‘kathaṃ nu kho pubbabuddhā kulanagare piṇḍāya cariṃsu, kiṃ uppaṭipāṭiyā issarajanānaṃ gharāni agamaṃsu, udāhu sapadānacārikaṃ cariṃsū’’ti. Tato ekabuddhassapi uppaṭipāṭiyā gamanaṃ adisvā ‘‘mayāpi idāni ayameva vaṃso, ayaṃ paveṇī paggahetabbā, āyatiñca me sāvakāpi mamaññeva anusikkhantā piṇḍacārikavattaṃ paripūressantī’’ti koṭiyaṃ niviṭṭhagehato paṭṭhāya sapadānaṃ piṇḍāya cari. ‘‘Ayyo kira siddhatthakumāro piṇḍāya caratī’’ti dvibhūmakatibhūmakādīsu pāsādesu sīhapañjare vivaritvā mahājano dassanabyāvaṭo ahosi.

    раахуламаад̇ааби д̣̇звий ‘‘аяяабуд̇д̇о гира имасмим̣язва наг̇арз маханд̇зна рааж̇аанубхаавзна суван̣н̣асивигаад̣̇ийхи вижарид̇ваа ид̣̇аани гзсамассум̣ охаарзд̇ваа гаасааяавад̇т̇авасано габаалахад̇т̇о бин̣д̣ааяа жарад̇и, собхад̇и ну ко’’д̇и сийхабан̃ж̇арам̣ виварид̇ваа ологаяамаанаа бхаг̇аванд̇ам̣ наанаавирааг̇асамуж̇ж̇алааяа сарийраббабхааяа наг̇аравийт̇ияо обхаасзд̇ваа б̣яаамаббабхаабаригкзбасаман̇г̇ийбхууд̇ааяа асийд̇иануб̣яан̃ж̇анаавабхаасид̇ааяа д̣̇вад̇д̇им̣самахаабурисалагкан̣абадиман̣д̣ид̇ааяа анобамааяа б̣уд̣̇д̇хасирияаа вирожамаанам̣ д̣̇исваа ун̣хийсад̇о бадтааяа яаава баад̣̇ад̇алаа –

    Rāhulamātāpi devī ‘‘ayyaputto kira imasmiṃyeva nagare mahantena rājānubhāvena suvaṇṇasivikādīhi vicaritvā idāni kesamassuṃ ohāretvā kāsāyavatthavasano kapālahattho piṇḍāya carati, sobhati nu kho’’ti sīhapañjaraṃ vivaritvā olokayamānā bhagavantaṃ nānāvirāgasamujjalāya sarīrappabhāya nagaravīthiyo obhāsetvā byāmappabhāparikkhepasamaṅgībhūtāya asītianubyañjanāvabhāsitāya dvattiṃsamahāpurisalakkhaṇapaṭimaṇḍitāya anopamāya buddhasiriyā virocamānaṃ disvā uṇhīsato paṭṭhāya yāva pādatalā –

    ‘‘синид̣̇д̇ханийламуд̣̇угун̃жид̇агзсо , суурияаниммалад̇алаабхиналаадо;

    ‘‘Siniddhanīlamudukuñcitakeso , sūriyanimmalatalābhinalāṭo;

    яуд̇д̇ад̇ун̇г̇амуд̣̇угааяад̇анаасо, рам̣сиж̇аалавид̇ад̇о нарасийхо.

    Yuttatuṅgamudukāyatanāso, raṃsijālavitato narasīho.

    ‘‘жаггаваран̇гид̇арад̇д̇асубаад̣̇о, лагкан̣аман̣д̣ид̇аааяад̇абан̣хи;

    ‘‘Cakkavaraṅkitarattasupādo, lakkhaṇamaṇḍitaāyatapaṇhi;

    жаамарихад̇т̇авибхуусид̇абан̣хо, зса хи д̇уяхам̣ бид̇аа нарасийхо.

    Cāmarihatthavibhūsitapaṇho, esa hi tuyhaṃ pitā narasīho.

    ‘‘сагяагумааро варад̣̇о сукумаало, лагкан̣авижид̇д̇абасаннасарийро;

    ‘‘Sakyakumāro varado sukhumālo, lakkhaṇavicittapasannasarīro;

    логахид̇ааяа ааг̇ад̇о наравийро, зса хи д̇уяхам̣ бид̇аа нарасийхо.

    Lokahitāya āgato naravīro, esa hi tuyhaṃ pitā narasīho.

    ‘‘ааяад̇аяуд̇д̇асусан̣тид̇асод̇о, г̇обакумо абхинийланзд̇д̇о;

    ‘‘Āyatayuttasusaṇṭhitasoto, gopakhumo abhinīlanetto;

    инд̣̇ад̇хануабхинийлабхамуго, зса хи д̇уяхам̣ бид̇аа нарасийхо.

    Indadhanuabhinīlabhamuko, esa hi tuyhaṃ pitā narasīho.

    ‘‘бун̣н̣ажанд̣̇анибхо мукаван̣н̣о, д̣̇званараанам̣ бияо наранааг̇о;

    ‘‘Puṇṇacandanibho mukhavaṇṇo, devanarānaṃ piyo naranāgo;

    мад̇д̇аг̇аж̇инд̣̇авилаасид̇аг̇аамий, зса хи д̇уяхам̣ бид̇аа нарасийхо.

    Mattagajindavilāsitagāmī, esa hi tuyhaṃ pitā narasīho.

    ‘‘синид̣̇д̇хасуг̇амбхийраман̃ж̇усагхосо, хин̇г̇улаван̣н̣арад̇д̇асуж̇ивхо;

    ‘‘Siniddhasugambhīramañjusaghoso, hiṅgulavaṇṇarattasujivho;

    вийсад̇ивийсад̇исзд̇асуд̣̇анд̇о, зса хи д̇уяхам̣ бид̇аа нарасийхо.

    Vīsativīsatisetasudanto, esa hi tuyhaṃ pitā narasīho.

    ‘‘кад̇д̇ияасамбхавааг̇г̇агулинд̣̇о, д̣̇звамануссанамассид̇абаад̣̇о;

    ‘‘Khattiyasambhavaaggakulindo, devamanussanamassitapādo;

    сийласамаад̇хибад̇идтид̇ажид̇д̇о, зса хи д̇уяхам̣ бид̇аа нарасийхо.

    Sīlasamādhipatiṭṭhitacitto, esa hi tuyhaṃ pitā narasīho.

    ‘‘ваддасуваддасусан̣тид̇аг̇ийво , сийхаханумиг̇арааж̇асарийро;

    ‘‘Vaṭṭasuvaṭṭasusaṇṭhitagīvo , sīhahanumigarājasarīro;

    ган̃жанасужчавиуд̇д̇амаван̣н̣о, зса хи д̇уяхам̣ бид̇аа нарасийхо.

    Kañcanasucchaviuttamavaṇṇo, esa hi tuyhaṃ pitā narasīho.

    ‘‘ан̃ж̇анасамаван̣н̣асунийлагзсо, ган̃жанабаддависуд̣̇д̇ханалаадо;

    ‘‘Añjanasamavaṇṇasunīlakeso, kañcanapaṭṭavisuddhanalāṭo;

    осад̇хибан̣д̣арасуд̣̇д̇хасуун̣н̣о, зса хи д̇уяхам̣ бид̇аа нарасийхо.

    Osadhipaṇḍarasuddhasuuṇṇo, esa hi tuyhaṃ pitā narasīho.

    ‘‘г̇ажчанд̇онилабат̇з вияа жанд̣̇о, д̇аарааг̇ан̣абаривад̣дхид̇аруубо;

    ‘‘Gacchantonilapathe viya cando, tārāgaṇaparivaḍḍhitarūpo;

    саавагамаж̇жхаг̇ад̇о саман̣инд̣̇о, зса хи д̇уяхам̣ бид̇аа нарасийхо’’д̇и. –

    Sāvakamajjhagato samaṇindo, esa hi tuyhaṃ pitā narasīho’’ti. –

    звамимаахи д̣̇асахи нарасийхаг̇аат̇аахи наама абхид̇т̇авид̇ваа ‘‘д̇умхаагам̣ буд̇д̇о гира ид̣̇аани бин̣д̣ааяа жарад̇ий’’д̇и ран̃н̃о аарожзси. рааж̇аа сам̣виг̇г̇ахад̣̇аяо хад̇т̇зна саадагам̣ сан̣табзнд̇о д̇урид̇ад̇урид̇ам̣ нигкамид̇ваа взг̇зна г̇анд̇ваа бхаг̇авад̇о бурад̇о тад̇ваа ааха – ‘‘гим̣, бханд̇з, амхз лаж̇ж̇аабзт̇а, гимад̇т̇ам̣ бин̣д̣ааяа жарат̇а, гим̣ ‘зд̇д̇агаанам̣ бхигкуунам̣ на саггаа бхад̇д̇ам̣ лад̣̇д̇ху’нд̇и сан̃н̃ам̣ гарид̇т̇аа’’д̇и. вам̣сажаарид̇д̇амзд̇ам̣, махаарааж̇а, амхааганд̇и. нану, бханд̇з, амхаагам̣ махаасаммад̇акад̇д̇ияавам̣со наама вам̣со, д̇ад̇т̇а жа згакад̇д̇ияоби бхигкаажаро наама над̇т̇ийд̇и. ‘‘аяам̣, махаарааж̇а, рааж̇авам̣со наама д̇ава вам̣со, амхаагам̣ бана д̣̇ийбан̇гаро гон̣д̣ан̃н̃о…бз… гассабод̇и аяам̣ б̣уд̣̇д̇хавам̣со наама. зд̇з жа ан̃н̃з жа анзгасахассасан̇каа б̣уд̣̇д̇хаа бхигкаажараа, бхигкаажаарзнзва ж̇ийвигам̣ габбзсу’’нд̇и анд̇аравийт̇ияам̣ тид̇ова –

    Evamimāhi dasahi narasīhagāthāhi nāma abhitthavitvā ‘‘tumhākaṃ putto kira idāni piṇḍāya caratī’’ti rañño ārocesi. Rājā saṃviggahadayo hatthena sāṭakaṃ saṇṭhapento turitaturitaṃ nikkhamitvā vegena gantvā bhagavato purato ṭhatvā āha – ‘‘kiṃ, bhante, amhe lajjāpetha, kimatthaṃ piṇḍāya caratha, kiṃ ‘ettakānaṃ bhikkhūnaṃ na sakkā bhattaṃ laddhu’nti saññaṃ karitthā’’ti. Vaṃsacārittametaṃ, mahārāja, amhākanti. Nanu, bhante, amhākaṃ mahāsammatakhattiyavaṃso nāma vaṃso, tattha ca ekakhattiyopi bhikkhācaro nāma natthīti. ‘‘Ayaṃ, mahārāja, rājavaṃso nāma tava vaṃso, amhākaṃ pana dīpaṅkaro koṇḍañño…pe… kassapoti ayaṃ buddhavaṃso nāma. Ete ca aññe ca anekasahassasaṅkhā buddhā bhikkhācarā, bhikkhācāreneva jīvikaṃ kappesu’’nti antaravīthiyaṃ ṭhitova –

    ‘‘уд̇д̇идтз наббамаж̇ж̇зяяа, д̇хаммам̣ сужарид̇ам̣ жарз;

    ‘‘Uttiṭṭhe nappamajjeyya, dhammaṃ sucaritaṃ care;

    д̇хаммажаарий сукам̣ сзд̇и, асмим̣ логз барамхи жаа’’д̇и. (д̇ха. ба. 168) –

    Dhammacārī sukhaṃ seti, asmiṃ loke paramhi cā’’ti. (dha. pa. 168) –

    имам̣ г̇аат̇амааха. г̇аат̇аабарияосаанз рааж̇аа сод̇аабад̇д̇ипалз бад̇идтааси.

    Imaṃ gāthamāha. Gāthāpariyosāne rājā sotāpattiphale patiṭṭhāsi.

    ‘‘д̇хаммам̣ жарз сужарид̇ам̣, на нам̣ д̣̇ужжарид̇ам̣ жарз;

    ‘‘Dhammaṃ care sucaritaṃ, na naṃ duccaritaṃ care;

    д̇хаммажаарий сукам̣ сзд̇и, асмим̣ логз барамхи жаа’’д̇и. (д̇ха. ба. 169) –

    Dhammacārī sukhaṃ seti, asmiṃ loke paramhi cā’’ti. (dha. pa. 169) –

    имам̣ бана г̇аат̇ам̣ суд̇ваа сагад̣̇ааг̇аамипалз бад̇идтааси. махаад̇хаммабаалаж̇аад̇агам̣ (ж̇аа. 1.10.92 аад̣̇аяо) суд̇ваа анааг̇аамипалз бад̇идтааси, маран̣асамаяз сзд̇ажчад̇д̇асса хздтаа сирисаяанз нибанноязва арахад̇д̇ам̣ баабун̣и. аран̃н̃аваасзна бана бад̇хаанаануяог̇агижжам̣ ран̃н̃о наахоси. сод̇аабад̇д̇ипалам̣ сажчигад̇вааязва бана бхаг̇авад̇о бад̇д̇ам̣ г̇ахзд̇ваа сабарисам̣ бхаг̇аванд̇ам̣ махаабаасаад̣̇ам̣ ааробзд̇ваа бан̣ийд̇зна каад̣̇анийязна бхож̇анийязна баривиси. бхад̇д̇агижжабарияосаанз саб̣б̣ам̣ ид̇т̇ааг̇аарам̣ ааг̇анд̇ваа бхаг̇аванд̇ам̣ ванд̣̇и табзд̇ваа раахуламаад̇арам̣. саа бана ‘‘г̇ажча, аяяабуд̇д̇ам̣ ванд̣̇аахий’’д̇и бариж̇анзна вужжамаанааби ‘‘сажз маяхам̣ г̇ун̣о ад̇т̇и, саяамзва мама санд̇игам̣ аяяабуд̇д̇о ааг̇амиссад̇и, ааг̇ад̇амзва нам̣ ванд̣̇иссаамий’’д̇и вад̇ваа на аг̇амааси.

    Imaṃ pana gāthaṃ sutvā sakadāgāmiphale patiṭṭhāsi. Mahādhammapālajātakaṃ (jā. 1.10.92 ādayo) sutvā anāgāmiphale patiṭṭhāsi, maraṇasamaye setacchattassa heṭṭhā sirisayane nipannoyeva arahattaṃ pāpuṇi. Araññavāsena pana padhānānuyogakiccaṃ rañño nāhosi. Sotāpattiphalaṃ sacchikatvāyeva pana bhagavato pattaṃ gahetvā saparisaṃ bhagavantaṃ mahāpāsādaṃ āropetvā paṇītena khādanīyena bhojanīyena parivisi. Bhattakiccapariyosāne sabbaṃ itthāgāraṃ āgantvā bhagavantaṃ vandi ṭhapetvā rāhulamātaraṃ. Sā pana ‘‘gaccha, ayyaputtaṃ vandāhī’’ti parijanena vuccamānāpi ‘‘sace mayhaṃ guṇo atthi, sayameva mama santikaṃ ayyaputto āgamissati, āgatameva naṃ vandissāmī’’ti vatvā na agamāsi.

    бхаг̇аваа рааж̇аанам̣ бад̇д̇ам̣ г̇аахаабзд̇ваа д̣̇вийхи аг̇г̇асаавагзхи сад̣̇д̇хим̣ рааж̇ад̇хийд̇ааяа сириг̇аб̣бхам̣ г̇анд̇ваа ‘‘рааж̇ад̇хийд̇аа яат̇ааружи ванд̣̇амаанаа на гин̃жи вад̇д̇аб̣б̣аа’’д̇и вад̇ваа бан̃н̃ад̇д̇аасанз нисийд̣̇и. саа взг̇знааг̇анд̇ваа г̇обпагзсу г̇ахзд̇ваа баад̣̇абидтияам̣ сийсам̣ баривад̇д̇зд̇ваа яат̇аааж̇жхаасаяам̣ ванд̣̇и. рааж̇аа рааж̇ад̇хийд̇ааяа бхаг̇авад̇и синзхаб̣ахумаанаад̣̇иг̇ун̣асамбад̇д̇ияо гат̇зси ‘‘бханд̇з, мама д̇хийд̇аа ‘д̇умхзхи гаасааяаани вад̇т̇аани ниваасид̇ааний’д̇и суд̇ваа д̇ад̇о бадтааяа гаасааяавад̇т̇анивад̇т̇аа ж̇аад̇аа, д̇умхаагам̣ згабхад̇д̇игабхаавам̣ суд̇ваа згабхад̇д̇игаава ж̇аад̇аа, д̇умхзхи махаасаяанасса чад̣д̣ид̇абхаавам̣ суд̇ваа баддигааман̃жагзязва нибаннаа, д̇умхаагам̣ маалааг̇анд̇хаад̣̇ийхи вирад̇абхаавам̣ н̃ад̇ваа вирад̇амаалааг̇анд̇хаава ж̇аад̇аа, ад̇д̇ано н̃аад̇агзхи ‘маяам̣ бадиж̇аг̇г̇иссаамаа’д̇и саасанз бзсид̇зби зган̃аад̇агамби на ологзси, звам̣ г̇ун̣асамбаннаа мз д̇хийд̇аа бхаг̇аваа’’д̇и. ‘‘анажчарияам̣, махаарааж̇а, яам̣ ид̣̇аани д̇аяаа рагкияамаанаа рааж̇ад̇хийд̇аа барибаггз н̃аан̣з ад̇д̇аанам̣ рагкзяяа, зсаа буб̣б̣з анаарагкаа баб̣б̣ад̇абаад̣̇з вижарамаанаа абарибаггз н̃аан̣з ад̇д̇аанам̣ рагкий’’д̇и вад̇ваа жанд̣̇агиннарийж̇аад̇агам̣ (ж̇аа. 1.14.18 аад̣̇аяо) гат̇зд̇ваа удтааяаасанаа баггаами.

    Bhagavā rājānaṃ pattaṃ gāhāpetvā dvīhi aggasāvakehi saddhiṃ rājadhītāya sirigabbhaṃ gantvā ‘‘rājadhītā yathāruci vandamānā na kiñci vattabbā’’ti vatvā paññattāsane nisīdi. Sā vegenāgantvā gopphakesu gahetvā pādapiṭṭhiyaṃ sīsaṃ parivattetvā yathāajjhāsayaṃ vandi. Rājā rājadhītāya bhagavati sinehabahumānādiguṇasampattiyo kathesi ‘‘bhante, mama dhītā ‘tumhehi kāsāyāni vatthāni nivāsitānī’ti sutvā tato paṭṭhāya kāsāyavatthanivatthā jātā, tumhākaṃ ekabhattikabhāvaṃ sutvā ekabhattikāva jātā, tumhehi mahāsayanassa chaḍḍitabhāvaṃ sutvā paṭṭikāmañcakeyeva nipannā, tumhākaṃ mālāgandhādīhi viratabhāvaṃ ñatvā viratamālāgandhāva jātā, attano ñātakehi ‘mayaṃ paṭijaggissāmā’ti sāsane pesitepi ekañātakampi na olokesi, evaṃ guṇasampannā me dhītā bhagavā’’ti. ‘‘Anacchariyaṃ, mahārāja, yaṃ idāni tayā rakkhiyamānā rājadhītā paripakke ñāṇe attānaṃ rakkheyya, esā pubbe anārakkhā pabbatapāde vicaramānā aparipakke ñāṇe attānaṃ rakkhī’’ti vatvā candakinnarījātakaṃ (jā. 1.14.18 ādayo) kathetvā uṭṭhāyāsanā pakkāmi.

    д̣̇уд̇ияад̣̇ивасз бана нанд̣̇асса рааж̇агумаарасса абхисзгаг̇зхаббавзсанавиваахаман̇г̇алзсу вад̇д̇амаанзсу д̇асса г̇зхам̣ г̇анд̇ваа гумаарам̣ бад̇д̇ам̣ г̇аахаабзд̇ваа баб̣б̣ааж̇зд̇угаамо ман̇г̇алам̣ вад̇ваа удтааяаасанаа баггаами. ж̇анабад̣̇агаляаан̣ий гумаарам̣ г̇ажчанд̇ам̣ д̣̇исваа ‘‘д̇увадам̣ ко, аяяабуд̇д̇а, ааг̇ажчзяяаасий’’д̇и вад̇ваа г̇ийвам̣ басаарзд̇ваа ологзси. соби бхаг̇аванд̇ам̣ ‘‘бад̇д̇ам̣ г̇ан̣хат̇аа’’д̇и вад̇д̇ум̣ ависахамаано вихаарам̣язва аг̇амааси, д̇ам̣ анижчамаанам̣язва бхаг̇аваа баб̣б̣ааж̇зси. ид̇и бхаг̇аваа габилавад̇т̇ум̣ г̇анд̇ваа д̇ад̇ияад̣̇ивасз нанд̣̇ам̣ баб̣б̣ааж̇зси.

    Dutiyadivase pana nandassa rājakumārassa abhisekagehappavesanavivāhamaṅgalesu vattamānesu tassa gehaṃ gantvā kumāraṃ pattaṃ gāhāpetvā pabbājetukāmo maṅgalaṃ vatvā uṭṭhāyāsanā pakkāmi. Janapadakalyāṇī kumāraṃ gacchantaṃ disvā ‘‘tuvaṭaṃ kho, ayyaputta, āgaccheyyāsī’’ti vatvā gīvaṃ pasāretvā olokesi. Sopi bhagavantaṃ ‘‘pattaṃ gaṇhathā’’ti vattuṃ avisahamāno vihāraṃyeva agamāsi, taṃ anicchamānaṃyeva bhagavā pabbājesi. Iti bhagavā kapilavatthuṃ gantvā tatiyadivase nandaṃ pabbājesi.

    сад̇д̇амз д̣̇ивасз раахуламаад̇аа гумаарам̣ алан̇гарид̇ваа бхаг̇авад̇о санд̇игам̣ бзсзси ‘‘басса, д̇аад̇а, зд̇ам̣ вийсад̇исахассасаман̣абаривуд̇ам̣ суван̣н̣аван̣н̣ам̣ б̣рахмаруубаван̣н̣ам̣ саман̣ам̣, аяам̣ д̇з бид̇аа, зд̇асса маханд̇аа нид̇хаяо ахзсум̣, д̇яаасса нигкаманагаалад̇о бадтааяа на бассаама, г̇ажча, нам̣ д̣̇ааяаж̇ж̇ам̣ яаажаахи – ‘ахам̣ д̇аад̇а гумааро абхисзгам̣ бад̇ваа жаггавад̇д̇ий бхависсаами, д̇ханзна мз ад̇т̇о, д̇ханам̣ мз д̣̇зхи. саамиго хи буд̇д̇о бид̇у санд̇агассаа’д̇и’’. гумааро жа бхаг̇авад̇о санд̇игам̣ г̇анд̇ваа бид̇у синзхам̣ бадилабхид̇ваа хадтад̇удто ‘‘сукаа д̇з, саман̣а, чааяаа’’д̇и вад̇ваа ан̃н̃ан̃жа б̣ахум̣ ад̇д̇ано ануруубам̣ вад̣̇анд̇о адтааси. бхаг̇аваа гад̇абхад̇д̇агижжо анумод̣̇анам̣ гад̇ваа удтааяаасанаа баггаами. гумаароби ‘‘д̣̇ааяаж̇ж̇ам̣ мз, саман̣а, д̣̇зхи, д̣̇ааяаж̇ж̇ам̣ мз, саман̣а, д̣̇зхий’’д̇и бхаг̇аванд̇ам̣ ануб̣анд̇хи. бхаг̇аваа гумаарам̣ на нивад̇д̇аабзси, бариж̇аноби бхаг̇авад̇аа сад̣̇д̇хим̣ г̇ажчанд̇ам̣ нивад̇д̇зд̇ум̣ наасагки. ид̇и со бхаг̇авад̇аа сад̣̇д̇хим̣ аараамамзва аг̇амааси.

    Sattame divase rāhulamātā kumāraṃ alaṅkaritvā bhagavato santikaṃ pesesi ‘‘passa, tāta, etaṃ vīsatisahassasamaṇaparivutaṃ suvaṇṇavaṇṇaṃ brahmarūpavaṇṇaṃ samaṇaṃ, ayaṃ te pitā, etassa mahantā nidhayo ahesuṃ, tyāssa nikkhamanakālato paṭṭhāya na passāma, gaccha, naṃ dāyajjaṃ yācāhi – ‘ahaṃ tāta kumāro abhisekaṃ patvā cakkavattī bhavissāmi, dhanena me attho, dhanaṃ me dehi. Sāmiko hi putto pitu santakassā’ti’’. Kumāro ca bhagavato santikaṃ gantvā pitu sinehaṃ paṭilabhitvā haṭṭhatuṭṭho ‘‘sukhā te, samaṇa, chāyā’’ti vatvā aññañca bahuṃ attano anurūpaṃ vadanto aṭṭhāsi. Bhagavā katabhattakicco anumodanaṃ katvā uṭṭhāyāsanā pakkāmi. Kumāropi ‘‘dāyajjaṃ me, samaṇa, dehi, dāyajjaṃ me, samaṇa, dehī’’ti bhagavantaṃ anubandhi. Bhagavā kumāraṃ na nivattāpesi, parijanopi bhagavatā saddhiṃ gacchantaṃ nivattetuṃ nāsakkhi. Iti so bhagavatā saddhiṃ ārāmameva agamāsi.

    д̇ад̇о бхаг̇аваа жинд̇зси ‘‘яам̣ аяам̣ бид̇у санд̇агам̣ д̇ханам̣ ижчад̇и, д̇ам̣ ваддаануг̇ад̇ам̣ савигхаад̇ам̣, ханд̣̇асса б̣од̇химан̣д̣з бадилад̣̇д̇хам̣ сад̇д̇авид̇хам̣ арияад̇ханам̣ д̣̇зми, логуд̇д̇арад̣̇ааяаж̇ж̇асса нам̣ саамигам̣ гаромий’’д̇и ааяасманд̇ам̣ саарибуд̇д̇ам̣ ааманд̇зси ‘‘д̇зна хи, д̇вам̣ саарибуд̇д̇а, раахулагумаарам̣ баб̣б̣ааж̇зхий’’д̇и. т̇зро д̇ам̣ баб̣б̣ааж̇зси. баб̣б̣аж̇ид̇з бана гумаарз ран̃н̃о ад̇химад̇д̇ам̣ д̣̇угкам̣ уббаж̇ж̇и. д̇ам̣ ад̇хиваасзд̇ум̣ асаггонд̇о бхаг̇авад̇о нивзд̣̇зд̇ваа ‘‘саад̇ху, бханд̇з, аяяаа маад̇аабид̇уухи ананун̃н̃аад̇ам̣ буд̇д̇ам̣ на баб̣б̣ааж̇зяяу’’нд̇и варам̣ яаажи. бхаг̇аваа д̇асса д̇ам̣ варам̣ д̣̇ад̇ваа бунад̣̇ивасз рааж̇анивзсанз гад̇абаад̇араасо згаманд̇ам̣ нисиннзна ран̃н̃аа ‘‘бханд̇з, д̇умхаагам̣ д̣̇уггарагааригагаалз згаа д̣̇звад̇аа мам̣ убасан̇гамид̇ваа ‘буд̇д̇о д̇з гаалагад̇о’д̇и ааха, д̇ассаа важанам̣ асад̣̇д̣̇аханд̇о ‘на маяхам̣ буд̇д̇о б̣од̇хим̣ аббад̇ваа гаалам̣ гарод̇ий’д̇и д̇ам̣ бадигкиби’’нд̇и вуд̇д̇з ‘‘ид̣̇аани гим̣ сад̣̇д̣̇ахиссат̇а, яз д̇умхз буб̣б̣зби адтигаани д̣̇ассзд̇ваа ‘буд̇д̇о д̇з мад̇о’д̇и вуд̇д̇з на сад̣̇д̣̇ахид̇т̇аа’’д̇и имиссаа адтуббад̇д̇ияаа махаад̇хаммабаалаж̇аад̇агам̣ гат̇зси. гат̇аабарияосаанз рааж̇аа анааг̇аамипалз бад̇идтааси.

    Tato bhagavā cintesi ‘‘yaṃ ayaṃ pitu santakaṃ dhanaṃ icchati, taṃ vaṭṭānugataṃ savighātaṃ, handassa bodhimaṇḍe paṭiladdhaṃ sattavidhaṃ ariyadhanaṃ demi, lokuttaradāyajjassa naṃ sāmikaṃ karomī’’ti āyasmantaṃ sāriputtaṃ āmantesi ‘‘tena hi, tvaṃ sāriputta, rāhulakumāraṃ pabbājehī’’ti. Thero taṃ pabbājesi. Pabbajite pana kumāre rañño adhimattaṃ dukkhaṃ uppajji. Taṃ adhivāsetuṃ asakkonto bhagavato nivedetvā ‘‘sādhu, bhante, ayyā mātāpitūhi ananuññātaṃ puttaṃ na pabbājeyyu’’nti varaṃ yāci. Bhagavā tassa taṃ varaṃ datvā punadivase rājanivesane katapātarāso ekamantaṃ nisinnena raññā ‘‘bhante, tumhākaṃ dukkarakārikakāle ekā devatā maṃ upasaṅkamitvā ‘putto te kālakato’ti āha, tassā vacanaṃ asaddahanto ‘na mayhaṃ putto bodhiṃ appatvā kālaṃ karotī’ti taṃ paṭikkhipi’’nti vutte ‘‘idāni kiṃ saddahissatha, ye tumhe pubbepi aṭṭhikāni dassetvā ‘putto te mato’ti vutte na saddahitthā’’ti imissā aṭṭhuppattiyā mahādhammapālajātakaṃ kathesi. Kathāpariyosāne rājā anāgāmiphale patiṭṭhāsi.

    ид̇и бхаг̇аваа бид̇арам̣ д̇ийсу палзсу бад̇идтаабзд̇ваа бхигкусан̇гхабаривуд̇о бунад̣̇зва рааж̇аг̇ахам̣ г̇анд̇ваа взл̣уванз вихааси. д̇асмим̣ самаяз анаат̇абин̣д̣иго г̇ахабад̇и бан̃жахи сагадасад̇зхи бхан̣д̣ам̣ аад̣̇ааяа рааж̇аг̇ахз ад̇д̇ано бияасахааяагасса сздтино г̇зхам̣ г̇анд̇ваа д̇ад̇т̇а б̣уд̣̇д̇хасса бхаг̇авад̇о уббаннабхаавам̣ суд̇ваа б̣алавабажжуусасамаяз д̣̇звад̇аанубхаавзна вивадзна д̣̇ваарзна сад̇т̇аарам̣ убасан̇гамид̇ваа д̇хаммам̣ суд̇ваа сод̇аабад̇д̇ипалз бад̇идтааяа д̣̇уд̇ияад̣̇ивасз б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа саавад̇т̇им̣ ааг̇аманад̇т̇ааяа сад̇т̇у бадин̃н̃ам̣ г̇ахзд̇ваа анд̇араамаг̇г̇з бан̃жажад̇д̇аалийсаяож̇анадтаанз сад̇асахассам̣ сад̇асахассам̣ д̣̇ад̇ваа яож̇анигз яож̇анигз вихаарз гаарзд̇ваа ж̇зд̇аванам̣ годисант̇аарзна адтаарасахиран̃н̃агодийхи гин̣ид̇ваа навагаммам̣ бадтабзси. со маж̇жхз д̣̇асаб̣аласса г̇анд̇хагудим̣ гаарзси, д̇ам̣ бариваарзд̇ваа асийд̇имахаат̇зраанам̣ баадиязггасаннивзсанз ааваасз згагуудааг̇аарад̣̇вигуудааг̇аарахам̣саваддагад̣̇ийгхасаалааман̣д̣абаад̣̇ивасзна сзсасзнаасанаани богкаран̣ийжан̇гаманарад̇д̇идтаанад̣̇иваадтаанаани жаад̇и адтаарасагодибарижжааг̇зна раман̣ийяз бхуумибхааг̇з манорамам̣ вихаарам̣ гаараабзд̇ваа д̣̇асаб̣аласса ааг̇аманад̇т̇ааяа д̣̇ууд̇ам̣ бзсзси. сад̇т̇аа д̣̇ууд̇асса важанам̣ суд̇ваа махаабхигкусан̇гхабаривуд̇о рааж̇аг̇ахаа нигкамид̇ваа анубуб̣б̣зна саавад̇т̇инаг̇арам̣ баабун̣и.

    Iti bhagavā pitaraṃ tīsu phalesu patiṭṭhāpetvā bhikkhusaṅghaparivuto punadeva rājagahaṃ gantvā veḷuvane vihāsi. Tasmiṃ samaye anāthapiṇḍiko gahapati pañcahi sakaṭasatehi bhaṇḍaṃ ādāya rājagahe attano piyasahāyakassa seṭṭhino gehaṃ gantvā tattha buddhassa bhagavato uppannabhāvaṃ sutvā balavapaccūsasamaye devatānubhāvena vivaṭena dvārena satthāraṃ upasaṅkamitvā dhammaṃ sutvā sotāpattiphale patiṭṭhāya dutiyadivase buddhappamukhassa bhikkhusaṅghassa mahādānaṃ datvā sāvatthiṃ āgamanatthāya satthu paṭiññaṃ gahetvā antarāmagge pañcacattālīsayojanaṭṭhāne satasahassaṃ satasahassaṃ datvā yojanike yojanike vihāre kāretvā jetavanaṃ koṭisanthārena aṭṭhārasahiraññakoṭīhi kiṇitvā navakammaṃ paṭṭhapesi. So majjhe dasabalassa gandhakuṭiṃ kāresi, taṃ parivāretvā asītimahātherānaṃ pāṭiyekkasannivesane āvāse ekakūṭāgāradvikūṭāgārahaṃsavaṭṭakadīghasālāmaṇḍapādivasena sesasenāsanāni pokkharaṇīcaṅkamanarattiṭṭhānadivāṭṭhānāni cāti aṭṭhārasakoṭipariccāgena ramaṇīye bhūmibhāge manoramaṃ vihāraṃ kārāpetvā dasabalassa āgamanatthāya dūtaṃ pesesi. Satthā dūtassa vacanaṃ sutvā mahābhikkhusaṅghaparivuto rājagahā nikkhamitvā anupubbena sāvatthinagaraṃ pāpuṇi.

    махаасздтиби ко вихаарамахам̣ саж̇ж̇зд̇ваа д̇ат̇ааг̇ад̇асса ж̇зд̇аванаббависанад̣̇ивасз буд̇д̇ам̣ саб̣б̣аалан̇гаарабадиман̣д̣ид̇ам̣ гад̇ваа алан̇гад̇абадияад̇д̇зхзва бан̃жахи гумаарасад̇зхи сад̣̇д̇хим̣ бзсзси. со сабаривааро бан̃жаван̣н̣авад̇т̇асамуж̇ж̇алаани бан̃жа д̇хаж̇асад̇аани г̇ахзд̇ваа д̣̇асаб̣аласса бурад̇о ахоси. д̇зсам̣ бажчад̇о махаасубхад̣̇д̣̇аа жуул̣асубхад̣̇д̣̇аад̇и д̣̇вз сздтид̇хийд̇аро бан̃жахи гумааригаасад̇зхи сад̣̇д̇хим̣ бун̣н̣агхадз г̇ахзд̇ваа нигкамим̣су. д̇аасам̣ бажчад̇о сздтибхарияаа саб̣б̣аалан̇гаарабадиман̣д̣ид̇аа бан̃жахи маад̇уг̇аамасад̇зхи сад̣̇д̇хим̣ бун̣н̣абаад̇ияо г̇ахзд̇ваа нигками. саб̣б̣зсам̣ бажчад̇о саяам̣ махаасздти ахад̇авад̇т̇анивад̇т̇о ахад̇авад̇т̇анивад̇т̇зхзва бан̃жахи сздтисад̇зхи сад̣̇д̇хим̣ бхаг̇аванд̇ам̣ аб̣бхуг̇г̇ан̃чи. бхаг̇аваа имам̣ убаасагабарисам̣ бурад̇о гад̇ваа махаабхигкусан̇гхабаривуд̇о ад̇д̇ано сарийраббабхааяа суван̣н̣арасасзгабин̃ж̇араани вияа вананд̇араани гурумаано ананд̇ааяа б̣уд̣̇д̇халийл̣ааяа абадисамааяа б̣уд̣̇д̇хасирияаа ж̇зд̇аванавихаарам̣ баависи.

    Mahāseṭṭhipi kho vihāramahaṃ sajjetvā tathāgatassa jetavanappavisanadivase puttaṃ sabbālaṅkārapaṭimaṇḍitaṃ katvā alaṅkatapaṭiyatteheva pañcahi kumārasatehi saddhiṃ pesesi. So saparivāro pañcavaṇṇavatthasamujjalāni pañca dhajasatāni gahetvā dasabalassa purato ahosi. Tesaṃ pacchato mahāsubhaddā cūḷasubhaddāti dve seṭṭhidhītaro pañcahi kumārikāsatehi saddhiṃ puṇṇaghaṭe gahetvā nikkhamiṃsu. Tāsaṃ pacchato seṭṭhibhariyā sabbālaṅkārapaṭimaṇḍitā pañcahi mātugāmasatehi saddhiṃ puṇṇapātiyo gahetvā nikkhami. Sabbesaṃ pacchato sayaṃ mahāseṭṭhi ahatavatthanivattho ahatavatthanivattheheva pañcahi seṭṭhisatehi saddhiṃ bhagavantaṃ abbhuggañchi. Bhagavā imaṃ upāsakaparisaṃ purato katvā mahābhikkhusaṅghaparivuto attano sarīrappabhāya suvaṇṇarasasekapiñjarāni viya vanantarāni kurumāno anantāya buddhalīḷāya apaṭisamāya buddhasiriyā jetavanavihāraṃ pāvisi.

    ат̇а нам̣ анаат̇абин̣д̣иго бужчи – ‘‘гат̇аахам̣, бханд̇з, имасмим̣ вихаарз бадибаж̇ж̇аамий’’д̇и. д̇зна хи г̇ахабад̇и имам̣ вихаарам̣ ааг̇ад̇аанааг̇ад̇асса жаад̇уд̣̇д̣̇исасса бхигкусан̇гхасса д̣̇зхийд̇и. ‘‘саад̇ху, бханд̇з’’д̇и махаасздти суван̣н̣абхин̇гаарам̣ аад̣̇ааяа д̣̇асаб̣аласса хад̇т̇з уд̣̇агам̣ баад̇зд̇ваа ‘‘имам̣ ж̇зд̇аванавихаарам̣ ааг̇ад̇аанааг̇ад̇асса жаад̇уд̣̇д̣̇исасса бхигкусан̇гхасса д̣̇аммий’’д̇и ад̣̇ааси. сад̇т̇аа вихаарам̣ бадиг̇г̇ахзд̇ваа анумод̣̇анам̣ гаронд̇о –

    Atha naṃ anāthapiṇḍiko pucchi – ‘‘kathāhaṃ, bhante, imasmiṃ vihāre paṭipajjāmī’’ti. Tena hi gahapati imaṃ vihāraṃ āgatānāgatassa cātuddisassa bhikkhusaṅghassa dehīti. ‘‘Sādhu, bhante’’ti mahāseṭṭhi suvaṇṇabhiṅkāraṃ ādāya dasabalassa hatthe udakaṃ pātetvā ‘‘imaṃ jetavanavihāraṃ āgatānāgatassa cātuddisassa bhikkhusaṅghassa dammī’’ti adāsi. Satthā vihāraṃ paṭiggahetvā anumodanaṃ karonto –

    ‘‘сийд̇ам̣ ун̣хам̣ бадиханд̇и, д̇ад̇о ваал̣амиг̇аани жа;

    ‘‘Sītaṃ uṇhaṃ paṭihanti, tato vāḷamigāni ca;

    сарийсабз жа магасз, сисирз жааби вудтияо.

    Sarīsape ca makase, sisire cāpi vuṭṭhiyo.

    ‘‘д̇ад̇о ваад̇аад̇або гхоро, сан̃ж̇аад̇о бадихан̃н̃ад̇и;

    ‘‘Tato vātātapo ghoro, sañjāto paṭihaññati;

    лзн̣ад̇т̇ан̃жа сукад̇т̇ан̃жа, жхааяид̇ун̃жа вибассид̇ум̣.

    Leṇatthañca sukhatthañca, jhāyituñca vipassituṃ.

    ‘‘вихаарад̣̇аанам̣ сан̇гхасса, аг̇г̇ам̣ б̣уд̣̇д̇хзна ван̣н̣ид̇ам̣;

    ‘‘Vihāradānaṃ saṅghassa, aggaṃ buddhena vaṇṇitaṃ;

    д̇асмаа хи бан̣д̣ид̇о босо, самбассам̣ ад̇т̇амад̇д̇ано.

    Tasmā hi paṇḍito poso, sampassaṃ atthamattano.

    ‘‘вихаарз гаараяз раммз, ваасаязд̇т̇а б̣ахуссуд̇з;

    ‘‘Vihāre kāraye ramme, vāsayettha bahussute;

    д̇зсам̣ аннан̃жа баанан̃жа, вад̇т̇асзнаасанаани жа.

    Tesaṃ annañca pānañca, vatthasenāsanāni ca.

    ‘‘д̣̇ад̣̇зяяа уж̇убхууд̇зсу, виббасаннзна жзд̇асаа;

    ‘‘Dadeyya ujubhūtesu, vippasannena cetasā;

    д̇з д̇асса д̇хаммам̣ д̣̇зсзнд̇и, саб̣б̣ад̣̇угкаабанууд̣̇анам̣;

    Te tassa dhammaṃ desenti, sabbadukkhāpanūdanaṃ;

    яам̣ со д̇хаммам̣ ид̇хан̃н̃ааяа, бариниб̣б̣аад̇и анаасаво’’д̇и. (жуул̣ава. 295) –

    Yaṃ so dhammaṃ idhaññāya, parinibbāti anāsavo’’ti. (cūḷava. 295) –

    вихаараанисам̣сам̣ гат̇зси. анаат̇абин̣д̣иго д̣̇уд̇ияад̣̇ивасад̇о бадтааяа вихаарамахам̣ аарабхи. висаакааяа баасаад̣̇амахо жад̇уухи маасзхи нидтид̇о, анаат̇абин̣д̣игасса бана вихаарамахо навахи маасзхи нидтааси. вихаарамахзби адтаарасзва годияо барижжааг̇ам̣ аг̇амам̣су. ид̇и згасмим̣язва вихаарз жад̇убан̣н̣аасагодисан̇кяам̣ д̇ханам̣ барижжаж̇и.

    Vihārānisaṃsaṃ kathesi. Anāthapiṇḍiko dutiyadivasato paṭṭhāya vihāramahaṃ ārabhi. Visākhāya pāsādamaho catūhi māsehi niṭṭhito, anāthapiṇḍikassa pana vihāramaho navahi māsehi niṭṭhāsi. Vihāramahepi aṭṭhāraseva koṭiyo pariccāgaṃ agamaṃsu. Iti ekasmiṃyeva vihāre catupaṇṇāsakoṭisaṅkhyaṃ dhanaṃ pariccaji.

    ад̇ийд̇з бана вибассисса бхаг̇авад̇о гаалз бунаб̣б̣асумид̇д̇о наама сздти суван̣н̣идтагаасант̇аарзна гин̣ид̇ваа д̇асмим̣язва таанз яож̇анаббамаан̣ам̣ сан̇гхаараамам̣ гаарзси. сикисса бхаг̇авад̇о гаалз сиривад̣дхо наама сздти суван̣н̣апааласант̇аарзна гин̣ид̇ваа д̇асмим̣язва таанз д̇иг̇аавуд̇аббамаан̣ам̣ сан̇гхаараамам̣ гаарзси. взссабхусса бхаг̇авад̇о гаалз сод̇т̇иж̇о наама сздти суван̣н̣ахад̇т̇ибад̣̇асант̇аарзна гин̣ид̇ваа д̇асмим̣язва таанз ад̣дхаяож̇анаббамаан̣ам̣ сан̇гхаараамам̣ гаарзси. гагусанд̇хасса бхаг̇авад̇о гаалз ажжуд̇о наама сздти суван̣н̣идтагаасант̇аарзна гин̣ид̇ваа д̇асмим̣язва таанз г̇аавуд̇аббамаан̣ам̣ сан̇гхаараамам̣ гаарзси. гон̣ааг̇аманасса бхаг̇авад̇о гаалз уг̇г̇о наама сздти суван̣н̣агажчабасант̇аарзна гин̣ид̇ваа д̇асмим̣язва таанз ад̣дхаг̇аавуд̇аббамаан̣ам̣ сан̇гхаараамам̣ гаарзси. гассабасса бхаг̇авад̇о гаалз суман̇г̇ало наама сздти суван̣н̣агаддисант̇аарзна гин̣ид̇ваа д̇асмим̣язва таанз сол̣асагарийсаббамаан̣ам̣ сан̇гхаараамам̣ гаарзси. амхаагам̣ бана бхаг̇авад̇о гаалз анаат̇абин̣д̣иго наама сздти гахаабан̣агодисант̇аарзна гин̣ид̇ваа д̇асмим̣язва таанз адтагарийсаббамаан̣ам̣ сан̇гхаараамам̣ гаарзси. ид̣̇ам̣ гира таанам̣ саб̣б̣аб̣уд̣̇д̇хаанам̣ авиж̇ахид̇адтаанамзва.

    Atīte pana vipassissa bhagavato kāle punabbasumitto nāma seṭṭhi suvaṇṇiṭṭhakāsanthārena kiṇitvā tasmiṃyeva ṭhāne yojanappamāṇaṃ saṅghārāmaṃ kāresi. Sikhissa bhagavato kāle sirivaḍḍho nāma seṭṭhi suvaṇṇaphālasanthārena kiṇitvā tasmiṃyeva ṭhāne tigāvutappamāṇaṃ saṅghārāmaṃ kāresi. Vessabhussa bhagavato kāle sotthijo nāma seṭṭhi suvaṇṇahatthipadasanthārena kiṇitvā tasmiṃyeva ṭhāne aḍḍhayojanappamāṇaṃ saṅghārāmaṃ kāresi. Kakusandhassa bhagavato kāle accuto nāma seṭṭhi suvaṇṇiṭṭhakāsanthārena kiṇitvā tasmiṃyeva ṭhāne gāvutappamāṇaṃ saṅghārāmaṃ kāresi. Koṇāgamanassa bhagavato kāle uggo nāma seṭṭhi suvaṇṇakacchapasanthārena kiṇitvā tasmiṃyeva ṭhāne aḍḍhagāvutappamāṇaṃ saṅghārāmaṃ kāresi. Kassapassa bhagavato kāle sumaṅgalo nāma seṭṭhi suvaṇṇakaṭṭisanthārena kiṇitvā tasmiṃyeva ṭhāne soḷasakarīsappamāṇaṃ saṅghārāmaṃ kāresi. Amhākaṃ pana bhagavato kāle anāthapiṇḍiko nāma seṭṭhi kahāpaṇakoṭisanthārena kiṇitvā tasmiṃyeva ṭhāne aṭṭhakarīsappamāṇaṃ saṅghārāmaṃ kāresi. Idaṃ kira ṭhānaṃ sabbabuddhānaṃ avijahitaṭṭhānameva.

    ид̇и махааб̣од̇химан̣д̣з саб̣б̣ан̃н̃уд̇аббад̇д̇ид̇о яаава махаабариниб̣б̣аанаман̃жаа яасмим̣ яасмим̣ таанз бхаг̇аваа вихааси, ид̣̇ам̣ санд̇игзнид̣̇аанам̣ наама, д̇асса васзна саб̣б̣аж̇аад̇агаани ван̣н̣аяиссаама.

    Iti mahābodhimaṇḍe sabbaññutappattito yāva mahāparinibbānamañcā yasmiṃ yasmiṃ ṭhāne bhagavā vihāsi, idaṃ santikenidānaṃ nāma, tassa vasena sabbajātakāni vaṇṇayissāma.

    нид̣̇аанагат̇аа нидтид̇аа.

    Nidānakathā niṭṭhitā.

    1. згаганибаад̇о

    1. Ekakanipāto

    1. абан̣н̣агаваг̇г̇о

    1. Apaṇṇakavaggo

    1. абан̣н̣агаж̇аад̇агаван̣н̣анаа

    1. Apaṇṇakajātakavaṇṇanā

    имам̣ д̇аава абан̣н̣агад̇хаммад̣̇зсанам̣ бхаг̇аваа саавад̇т̇им̣ убаниссааяа ж̇зд̇аванамахаавихаарз вихаранд̇о гат̇зси. гам̣ бана аараб̣бха аяам̣ гат̇аа самудтид̇аад̇и? сздтисса сахааяагз бан̃жасад̇з д̇ид̇т̇ияасаавагз. згасмин̃хи д̣̇ивасз анаат̇абин̣д̣иго сздти ад̇д̇ано сахааяагз бан̃жасад̇з ан̃н̃ад̇ид̇т̇ияасаавагз аад̣̇ааяа б̣ахум̣ маалааг̇анд̇хавилзбанан̃жзва саббид̇зламад̇хупаан̣ид̇авад̇т̇ажчаад̣̇анаани жа г̇аахаабзд̇ваа ж̇зд̇аванам̣ г̇анд̇ваа бхаг̇аванд̇ам̣ ванд̣̇ид̇ваа г̇анд̇хамаалаад̣̇ийхи бууж̇зд̇ваа бхзсаж̇ж̇аани жзва вад̇т̇аани жа бхигкусан̇гхасса виссаж̇ж̇зд̇ваа ча нисаж̇ж̇аад̣̇осз важ̇ж̇зд̇ваа згаманд̇ам̣ нисийд̣̇и. д̇зби ан̃н̃ад̇ид̇т̇ияасаавагаа д̇ат̇ааг̇ад̇ам̣ ванд̣̇ид̇ваа сад̇т̇у бун̣н̣ажанд̣̇асассиригам̣ мукам̣, лагкан̣аануб̣яан̃ж̇анабадиман̣д̣ид̇ам̣ б̣яаамаббабхаабаригкид̇д̇ам̣ б̣рахмагааяам̣, аавзл̣аавзл̣аа яамагаяамагаа худ̇ваа нижчаранд̇ияо гханаб̣уд̣̇д̇харасмияо жа ологаяамаанаа анаат̇абин̣д̣игасса самийбзязва нисийд̣̇им̣су.

    Imaṃ tāva apaṇṇakadhammadesanaṃ bhagavā sāvatthiṃ upanissāya jetavanamahāvihāre viharanto kathesi. Kaṃ pana ārabbha ayaṃ kathā samuṭṭhitāti? Seṭṭhissa sahāyake pañcasate titthiyasāvake. Ekasmiñhi divase anāthapiṇḍiko seṭṭhi attano sahāyake pañcasate aññatitthiyasāvake ādāya bahuṃ mālāgandhavilepanañceva sappitelamadhuphāṇitavatthacchādanāni ca gāhāpetvā jetavanaṃ gantvā bhagavantaṃ vanditvā gandhamālādīhi pūjetvā bhesajjāni ceva vatthāni ca bhikkhusaṅghassa vissajjetvā cha nisajjādose vajjetvā ekamantaṃ nisīdi. Tepi aññatitthiyasāvakā tathāgataṃ vanditvā satthu puṇṇacandasassirikaṃ mukhaṃ, lakkhaṇānubyañjanapaṭimaṇḍitaṃ byāmappabhāparikkhittaṃ brahmakāyaṃ, āveḷāveḷā yamakayamakā hutvā niccharantiyo ghanabuddharasmiyo ca olokayamānā anāthapiṇḍikassa samīpeyeva nisīdiṃsu.

    ат̇а нзсам̣ сад̇т̇аа маносилаад̇алз сийханаад̣̇ам̣ над̣̇анд̇о д̇арун̣асийхо вияа г̇аж̇ж̇анд̇о баавуссагамзгхо вияа жа аагаасаг̇ан̇г̇ам̣ од̇аарзнд̇о вияа жа рад̇анад̣̇аамам̣ г̇ант̇знд̇о вияа жа адтан̇г̇асаманнааг̇ад̇зна саванийязна гаманийязна б̣рахмассарзна наанаанаяавижид̇д̇ам̣ мад̇хурад̇хаммагат̇ам̣ гат̇зси. д̇з сад̇т̇у д̇хаммад̣̇зсанам̣ суд̇ваа басаннажид̇д̇аа удтааяа д̣̇асаб̣алам̣ ванд̣̇ид̇ваа ан̃н̃ад̇ид̇т̇ияасаран̣ам̣ бхинд̣̇ид̇ваа б̣уд̣̇д̇хам̣ саран̣ам̣ аг̇амам̣су. д̇з д̇ад̇о бадтааяа нижжагаалам̣ анаат̇абин̣д̣игзна сад̣̇д̇хим̣ г̇анд̇хамаалаад̣̇ихад̇т̇аа вихаарам̣ г̇анд̇ваа д̇хаммам̣ сун̣анд̇и, д̣̇аанам̣ д̣̇знд̇и, сийлам̣ рагканд̇и, убосат̇агаммам̣ гаронд̇и.

    Atha nesaṃ satthā manosilātale sīhanādaṃ nadanto taruṇasīho viya gajjanto pāvussakamegho viya ca ākāsagaṅgaṃ otārento viya ca ratanadāmaṃ ganthento viya ca aṭṭhaṅgasamannāgatena savanīyena kamanīyena brahmassarena nānānayavicittaṃ madhuradhammakathaṃ kathesi. Te satthu dhammadesanaṃ sutvā pasannacittā uṭṭhāya dasabalaṃ vanditvā aññatitthiyasaraṇaṃ bhinditvā buddhaṃ saraṇaṃ agamaṃsu. Te tato paṭṭhāya niccakālaṃ anāthapiṇḍikena saddhiṃ gandhamālādihatthā vihāraṃ gantvā dhammaṃ suṇanti, dānaṃ denti, sīlaṃ rakkhanti, uposathakammaṃ karonti.

    ат̇а бхаг̇аваа саавад̇т̇ид̇о бунад̣̇зва рааж̇аг̇ахам̣ аг̇амааси. д̇з д̇ат̇ааг̇ад̇асса г̇ад̇агаалз д̇ам̣ саран̣ам̣ бхинд̣̇ид̇ваа буна ан̃н̃ад̇ид̇т̇ияасаран̣ам̣ г̇анд̇ваа ад̇д̇ано мууладтаанзязва бад̇идтид̇аа. бхаг̇авааби сад̇д̇адта маасз вийд̇инаамзд̇ваа буна ж̇зд̇аванамзва аг̇амааси. анаат̇абин̣д̣иго бунаби д̇з аад̣̇ааяа сад̇т̇у санд̇игам̣ г̇анд̇ваа сад̇т̇аарам̣ г̇анд̇хамаалаад̣̇ийхи бууж̇зд̇ваа ванд̣̇ид̇ваа згаманд̇ам̣ нисийд̣̇и. д̇зби бхаг̇аванд̇ам̣ ванд̣̇ид̇ваа згаманд̇ам̣ нисийд̣̇им̣су. ат̇а нзсам̣ д̇ат̇ааг̇ад̇з жааригам̣ багганд̇з г̇ахид̇асаран̣ам̣ бхинд̣̇ид̇ваа буна ан̃н̃ад̇ид̇т̇ияасаран̣амзва г̇ахзд̇ваа муулз бад̇идтид̇абхаавам̣ бхаг̇авад̇о аарожзси.

    Atha bhagavā sāvatthito punadeva rājagahaṃ agamāsi. Te tathāgatassa gatakāle taṃ saraṇaṃ bhinditvā puna aññatitthiyasaraṇaṃ gantvā attano mūlaṭṭhāneyeva patiṭṭhitā. Bhagavāpi sattaṭṭha māse vītināmetvā puna jetavanameva agamāsi. Anāthapiṇḍiko punapi te ādāya satthu santikaṃ gantvā satthāraṃ gandhamālādīhi pūjetvā vanditvā ekamantaṃ nisīdi. Tepi bhagavantaṃ vanditvā ekamantaṃ nisīdiṃsu. Atha nesaṃ tathāgate cārikaṃ pakkante gahitasaraṇaṃ bhinditvā puna aññatitthiyasaraṇameva gahetvā mūle patiṭṭhitabhāvaṃ bhagavato ārocesi.

    бхаг̇аваа абаримид̇агаббагодияо ниранд̇арам̣ бавад̇д̇ид̇аважийсужарид̇аанубхаавзна д̣̇иб̣б̣аг̇анд̇хаг̇анд̇хид̇ам̣ наанааг̇анд̇хабуурид̇ам̣ рад̇анагаран̣д̣агам̣ виваранд̇о вияа мукабад̣̇умам̣ виварид̇ваа мад̇хурассарам̣ нижчаарзнд̇о ‘‘сажжам̣ гира д̇умхз убаасагаа д̇ийн̣и саран̣аани бхинд̣̇ид̇ваа ан̃н̃ад̇ид̇т̇ияасаран̣ам̣ г̇ад̇аа’’д̇и бужчи. ат̇а д̇зхи бадижчаад̣̇зд̇ум̣ асаггонд̇зхи ‘‘сажжам̣ бхаг̇аваа’’д̇и вуд̇д̇з сад̇т̇аа ‘‘убаасагаа хздтаа авийжим̣ убари бхаваг̇г̇ам̣ барижчзд̣̇ам̣ гад̇ваа д̇ирияам̣ абаримаан̣аасу логад̇хаад̇уусу сийлаад̣̇ийхи г̇ун̣зхи б̣уд̣̇д̇хзна сад̣̇исо наама над̇т̇и, гуд̇о ад̇хигад̇аро’’д̇и. ‘‘яаавад̇аа, бхигкавз, сад̇д̇аа абад̣̇аа ваа д̣̇вибад̣̇аа ваа жад̇уббад̣̇аа ваа б̣ахуббад̣̇аа ваа, д̇ат̇ааг̇ад̇о д̇зсам̣ аг̇г̇амагкааяад̇и (сам̣. ни. 5.139; а. ни. 4.34), яам̣ гин̃жи вид̇д̇ам̣ ид̇ха ваа хурам̣ ваа…бз… (ку. баа. 6.3; су. ни. 226) аг̇г̇ад̇о вз басаннаана’’нд̇иаад̣̇ийхи (а. ни. 4.34; ид̇иву. 90) суд̇д̇зхи багаасид̇з рад̇анад̇д̇аяаг̇ун̣з багаасзд̇ваа ‘‘звам̣ уд̇д̇амаг̇ун̣зхи саманнааг̇ад̇ам̣ рад̇анад̇д̇аяам̣ саран̣ам̣ г̇ад̇аа убаасагаа ваа убаасигаа ваа нираяаад̣̇ийсу ниб̣б̣ад̇д̇агаа наама над̇т̇и, абааяаниб̣б̣ад̇д̇ид̇о бана мужжид̇ваа д̣̇звалогз уббаж̇ж̇ид̇ваа махаасамбад̇д̇им̣ анубхонд̇и, д̇асмаа д̇умхзхи зваруубам̣ саран̣ам̣ бхинд̣̇ид̇ваа ан̃н̃ад̇ид̇т̇ияасаран̣ам̣ г̇ажчанд̇зхи аяуд̇д̇ам̣ гад̇а’’нд̇и ааха.

    Bhagavā aparimitakappakoṭiyo nirantaraṃ pavattitavacīsucaritānubhāvena dibbagandhagandhitaṃ nānāgandhapūritaṃ ratanakaraṇḍakaṃ vivaranto viya mukhapadumaṃ vivaritvā madhurassaraṃ nicchārento ‘‘saccaṃ kira tumhe upāsakā tīṇi saraṇāni bhinditvā aññatitthiyasaraṇaṃ gatā’’ti pucchi. Atha tehi paṭicchādetuṃ asakkontehi ‘‘saccaṃ bhagavā’’ti vutte satthā ‘‘upāsakā heṭṭhā avīciṃ upari bhavaggaṃ paricchedaṃ katvā tiriyaṃ aparimāṇāsu lokadhātūsu sīlādīhi guṇehi buddhena sadiso nāma natthi, kuto adhikataro’’ti. ‘‘Yāvatā, bhikkhave, sattā apadā vā dvipadā vā catuppadā vā bahuppadā vā, tathāgato tesaṃ aggamakkhāyati (saṃ. ni. 5.139; a. ni. 4.34), yaṃ kiñci vittaṃ idha vā huraṃ vā…pe… (khu. pā. 6.3; su. ni. 226) aggato ve pasannāna’’ntiādīhi (a. ni. 4.34; itivu. 90) suttehi pakāsite ratanattayaguṇe pakāsetvā ‘‘evaṃ uttamaguṇehi samannāgataṃ ratanattayaṃ saraṇaṃ gatā upāsakā vā upāsikā vā nirayādīsu nibbattakā nāma natthi, apāyanibbattito pana muccitvā devaloke uppajjitvā mahāsampattiṃ anubhonti, tasmā tumhehi evarūpaṃ saraṇaṃ bhinditvā aññatitthiyasaraṇaṃ gacchantehi ayuttaṃ kata’’nti āha.

    зд̇т̇а жа д̇ийн̣и рад̇анаани могкавасзна уд̇д̇амавасзна саран̣аг̇ад̇аанам̣ абааязсу ниб̣б̣ад̇д̇ияаа абхаавад̣̇ийбанад̇т̇ам̣ имаани суд̇д̇аани д̣̇ассзд̇аб̣б̣аани –

    Ettha ca tīṇi ratanāni mokkhavasena uttamavasena saraṇagatānaṃ apāyesu nibbattiyā abhāvadīpanatthaṃ imāni suttāni dassetabbāni –

    ‘‘яз гзжи б̣уд̣̇д̇хам̣ саран̣ам̣ г̇ад̇аасз, на д̇з г̇амиссанд̇и абааяабхуумим̣;

    ‘‘Ye keci buddhaṃ saraṇaṃ gatāse, na te gamissanti apāyabhūmiṃ;

    бахааяа маанусам̣ д̣̇зхам̣, д̣̇звагааяам̣ барибуурзссанд̇и. (д̣̇ий. ни. 2.332; сам̣. ни. 1.37);

    Pahāya mānusaṃ dehaṃ, devakāyaṃ paripūressanti. (dī. ni. 2.332; saṃ. ni. 1.37);

    ‘‘яз гзжи д̇хаммам̣ саран̣ам̣ г̇ад̇аасз, на д̇з г̇амиссанд̇и абааяабхуумим̣;

    ‘‘Ye keci dhammaṃ saraṇaṃ gatāse, na te gamissanti apāyabhūmiṃ;

    бахааяа маанусам̣ д̣̇зхам̣, д̣̇звагааяам̣ барибуурзссанд̇и.

    Pahāya mānusaṃ dehaṃ, devakāyaṃ paripūressanti.

    ‘‘яз гзжи сан̇гхам̣ саран̣ам̣ г̇ад̇аасз, на д̇з г̇амиссанд̇и абааяабхуумим̣;

    ‘‘Ye keci saṅghaṃ saraṇaṃ gatāse, na te gamissanti apāyabhūmiṃ;

    бахааяа маанусам̣ д̣̇зхам̣, д̣̇звагааяам̣ барибуурзссанд̇и.

    Pahāya mānusaṃ dehaṃ, devakāyaṃ paripūressanti.

    ‘‘б̣ахум̣ вз саран̣ам̣ яанд̇и, баб̣б̣ад̇аани ванаани жа;

    ‘‘Bahuṃ ve saraṇaṃ yanti, pabbatāni vanāni ca;

    аараамаругкажзд̇яаани, мануссаа бхаяад̇аж̇ж̇ид̇аа.

    Ārāmarukkhacetyāni, manussā bhayatajjitā.

    ‘‘нзд̇ам̣ ко саран̣ам̣ кзмам̣, нзд̇ам̣ саран̣амуд̇д̇амам̣;

    ‘‘Netaṃ kho saraṇaṃ khemaṃ, netaṃ saraṇamuttamaṃ;

    нзд̇ам̣ саран̣амааг̇амма, саб̣б̣ад̣̇угкаа бамужжад̇и.

    Netaṃ saraṇamāgamma, sabbadukkhā pamuccati.

    ‘‘яо жа б̣уд̣̇д̇хан̃жа д̇хамман̃жа, сан̇гхан̃жа саран̣ам̣ г̇ад̇о;

    ‘‘Yo ca buddhañca dhammañca, saṅghañca saraṇaṃ gato;

    жад̇д̇аари арияасажжаани, саммаббан̃н̃ааяа бассад̇и.

    Cattāri ariyasaccāni, sammappaññāya passati.

    ‘‘д̣̇угкам̣ д̣̇угкасамуббаад̣̇ам̣, д̣̇угкасса жа ад̇иггамам̣;

    ‘‘Dukkhaṃ dukkhasamuppādaṃ, dukkhassa ca atikkamaṃ;

    арияан̃жадтан̇г̇игам̣ маг̇г̇ам̣, д̣̇угкуубасамаг̇ааминам̣.

    Ariyañcaṭṭhaṅgikaṃ maggaṃ, dukkhūpasamagāminaṃ.

    ‘‘зд̇ам̣ ко саран̣ам̣ кзмам̣, зд̇ам̣ саран̣амуд̇д̇амам̣;

    ‘‘Etaṃ kho saraṇaṃ khemaṃ, etaṃ saraṇamuttamaṃ;

    зд̇ам̣ саран̣амааг̇амма, саб̣б̣ад̣̇угкаа бамужжад̇ий’’д̇и. (д̇ха. ба. 188-192);

    Etaṃ saraṇamāgamma, sabbadukkhā pamuccatī’’ti. (dha. pa. 188-192);

    на гзвалан̃жа нзсам̣ сад̇т̇аа зд̇д̇агам̣язва д̇хаммам̣ д̣̇зсзси, абижа ко ‘‘убаасагаа б̣уд̣̇д̇хаануссад̇игаммадтаанам̣ наама, д̇хаммаануссад̇игаммадтаанам̣ наама, сан̇гхаануссад̇игаммадтаанам̣ наама сод̇аабад̇д̇имаг̇г̇ам̣ д̣̇зд̇и, сод̇аабад̇д̇ипалам̣ д̣̇зд̇и, сагад̣̇ааг̇аамимаг̇г̇ам̣ д̣̇зд̇и, сагад̣̇ааг̇аамипалам̣ д̣̇зд̇и, анааг̇аамимаг̇г̇ам̣ д̣̇зд̇и, анааг̇аамипалам̣ д̣̇зд̇и, арахад̇д̇амаг̇г̇ам̣ д̣̇зд̇и, арахад̇д̇апалам̣ д̣̇зд̇ий’’д̇извамаад̣̇ийхиби наязхи д̇хаммам̣ д̣̇зсзд̇ваа ‘‘зваруубам̣ наама саран̣ам̣ бхинд̣̇анд̇зхи аяуд̇д̇ам̣ д̇умхзхи гад̇а’’нд̇и ааха. зд̇т̇а жа б̣уд̣̇д̇хаануссад̇игаммадтаанаад̣̇ийнам̣ сод̇аабад̇д̇имаг̇г̇аад̣̇иббад̣̇аанам̣ ‘‘згад̇хаммо, бхигкавз, бхаавид̇о б̣ахулийгад̇о зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. гад̇амо згад̇хаммо? б̣уд̣̇д̇хаануссад̇ий’’д̇извамаад̣̇ийхи (а. ни. 1.296) суд̇д̇зхи д̣̇ийбзд̇аб̣б̣ам̣.

    Na kevalañca nesaṃ satthā ettakaṃyeva dhammaṃ desesi, apica kho ‘‘upāsakā buddhānussatikammaṭṭhānaṃ nāma, dhammānussatikammaṭṭhānaṃ nāma, saṅghānussatikammaṭṭhānaṃ nāma sotāpattimaggaṃ deti, sotāpattiphalaṃ deti, sakadāgāmimaggaṃ deti, sakadāgāmiphalaṃ deti, anāgāmimaggaṃ deti, anāgāmiphalaṃ deti, arahattamaggaṃ deti, arahattaphalaṃ detī’’tievamādīhipi nayehi dhammaṃ desetvā ‘‘evarūpaṃ nāma saraṇaṃ bhindantehi ayuttaṃ tumhehi kata’’nti āha. Ettha ca buddhānussatikammaṭṭhānādīnaṃ sotāpattimaggādippadānaṃ ‘‘ekadhammo, bhikkhave, bhāvito bahulīkato ekantanibbidāya virāgāya nirodhāya upasamāya abhiññāya sambodhāya nibbānāya saṃvattati. Katamo ekadhammo? Buddhānussatī’’tievamādīhi (a. ni. 1.296) suttehi dīpetabbaṃ.

    звам̣ бхаг̇аваа наанаббагаарзхи убаасагз овад̣̇ид̇ваа ‘‘убаасагаа буб̣б̣зби мануссаа асаран̣ам̣ ‘саран̣а’нд̇и д̇аггаг̇г̇аахзна вирад̣̇д̇хаг̇г̇аахзна г̇ахзд̇ваа амануссабариг̇г̇ахид̇з ганд̇аарз яагкабхагкаа худ̇ваа махаавинаасам̣ бад̇д̇аа, абан̣н̣агаг̇г̇аахам̣ бана згам̣сигаг̇г̇аахам̣ авирад̣̇д̇хаг̇г̇аахам̣ г̇ахид̇амануссаа д̇асмим̣язва ганд̇аарз сод̇т̇ибхаавам̣ бад̇д̇аа’’д̇и вад̇ваа д̇ун̣хий ахоси. ат̇а ко анаат̇абин̣д̣иго г̇ахабад̇и удтааяаасанаа бхаг̇аванд̇ам̣ ванд̣̇ид̇ваа абхид̇т̇авид̇ваа сирасмим̣ ан̃ж̇алим̣ бад̇идтаабзд̇ваа звамааха ‘‘бханд̇з, ид̣̇аани д̇аава имзсам̣ убаасагаанам̣ уд̇д̇амасаран̣ам̣ бхинд̣̇ид̇ваа д̇аггаг̇г̇ахан̣ам̣ амхаагам̣ баагадам̣, буб̣б̣з бана амануссабариг̇г̇ахид̇з ганд̇аарз д̇аггигаанам̣ винаасо, абан̣н̣агаг̇г̇аахам̣ г̇ахид̇амануссаанан̃жа сод̇т̇ибхааво амхаагам̣ бадижчанно, д̇умхаагамзва баагадо, саад̇ху вад̇а но бхаг̇аваа аагаасз бун̣н̣ажанд̣̇ам̣ удтаабзнд̇о вияа имам̣ гааран̣ам̣ баагадам̣ гарод̇уу’’д̇и. ат̇а бхаг̇аваа ‘‘маяаа ко, г̇ахабад̇и, абаримид̇агаалам̣ д̣̇аса баарамияо буурзд̇ваа логасса ган̇кажчзд̣̇анад̇т̇амзва саб̣б̣ан̃н̃уд̇ан̃н̃аан̣ам̣ бадивид̣̇д̇хам̣, сийхавасааяа суван̣н̣анаал̣им̣ буурзнд̇о вияа саггажжам̣ сод̇ам̣ од̣̇ахид̇ваа сун̣охий’’д̇и сздтино сад̇уббаад̣̇ам̣ ж̇анзд̇ваа химаг̇аб̣бхам̣ бад̣̇аалзд̇ваа бун̣н̣ажанд̣̇ам̣ нийхаранд̇о вияа бхаванд̇арзна бадижчаннагааран̣ам̣ баагадам̣ агааси.

    Evaṃ bhagavā nānappakārehi upāsake ovaditvā ‘‘upāsakā pubbepi manussā asaraṇaṃ ‘saraṇa’nti takkaggāhena viraddhaggāhena gahetvā amanussapariggahite kantāre yakkhabhakkhā hutvā mahāvināsaṃ pattā, apaṇṇakaggāhaṃ pana ekaṃsikaggāhaṃ aviraddhaggāhaṃ gahitamanussā tasmiṃyeva kantāre sotthibhāvaṃ pattā’’ti vatvā tuṇhī ahosi. Atha kho anāthapiṇḍiko gahapati uṭṭhāyāsanā bhagavantaṃ vanditvā abhitthavitvā sirasmiṃ añjaliṃ patiṭṭhāpetvā evamāha ‘‘bhante, idāni tāva imesaṃ upāsakānaṃ uttamasaraṇaṃ bhinditvā takkaggahaṇaṃ amhākaṃ pākaṭaṃ, pubbe pana amanussapariggahite kantāre takkikānaṃ vināso, apaṇṇakaggāhaṃ gahitamanussānañca sotthibhāvo amhākaṃ paṭicchanno, tumhākameva pākaṭo, sādhu vata no bhagavā ākāse puṇṇacandaṃ uṭṭhāpento viya imaṃ kāraṇaṃ pākaṭaṃ karotū’’ti. Atha bhagavā ‘‘mayā kho, gahapati, aparimitakālaṃ dasa pāramiyo pūretvā lokassa kaṅkhacchedanatthameva sabbaññutaññāṇaṃ paṭividdhaṃ, sīhavasāya suvaṇṇanāḷiṃ pūrento viya sakkaccaṃ sotaṃ odahitvā suṇohī’’ti seṭṭhino satuppādaṃ janetvā himagabbhaṃ padāletvā puṇṇacandaṃ nīharanto viya bhavantarena paṭicchannakāraṇaṃ pākaṭaṃ akāsi.

    ад̇ийд̇з гаасирадтз б̣аараан̣асинаг̇арз б̣рахмад̣̇ад̇д̇о наама рааж̇аа ахоси. д̇ад̣̇аа б̣од̇хисад̇д̇о сад̇т̇аваахагулз бадисанд̇хим̣ г̇ахзд̇ваа д̣̇асамаасажжаязна маад̇угужчид̇о нигкамид̇ваа анубуб̣б̣зна ваяаббад̇д̇о бан̃жахи сагадасад̇зхи ван̣иж̇ж̇ам̣ гаронд̇о вижарад̇и. со гад̣̇аажи буб̣б̣анд̇ад̇о абаранд̇ам̣ г̇ажчад̇и, гад̣̇аажи абаранд̇ад̇о буб̣б̣анд̇ам̣. б̣аараан̣асияам̣язва ан̃н̃оби сад̇т̇аваахабуд̇д̇о ад̇т̇и б̣аало аб̣яад̇д̇о анубааяагусало. д̇ад̣̇аа б̣од̇хисад̇д̇о б̣аараан̣асид̇о махаг̇гхам̣ бхан̣д̣ам̣ г̇ахзд̇ваа бан̃жа сагадасад̇аани буурзд̇ваа г̇аманасаж̇ж̇аани гад̇ваа табзси. соби б̣ааласад̇т̇аваахабуд̇д̇о д̇ат̇зва бан̃жа сагадасад̇аани буурзд̇ваа г̇аманасаж̇ж̇аани гад̇ваа табзси.

    Atīte kāsiraṭṭhe bārāṇasinagare brahmadatto nāma rājā ahosi. Tadā bodhisatto satthavāhakule paṭisandhiṃ gahetvā dasamāsaccayena mātukucchito nikkhamitvā anupubbena vayappatto pañcahi sakaṭasatehi vaṇijjaṃ karonto vicarati. So kadāci pubbantato aparantaṃ gacchati, kadāci aparantato pubbantaṃ. Bārāṇasiyaṃyeva aññopi satthavāhaputto atthi bālo abyatto anupāyakusalo. Tadā bodhisatto bārāṇasito mahagghaṃ bhaṇḍaṃ gahetvā pañca sakaṭasatāni pūretvā gamanasajjāni katvā ṭhapesi. Sopi bālasatthavāhaputto tatheva pañca sakaṭasatāni pūretvā gamanasajjāni katvā ṭhapesi.

    д̇ад̣̇аа б̣од̇хисад̇д̇о жинд̇зси ‘‘сажз аяам̣ б̣ааласад̇т̇аваахабуд̇д̇о маяаа сад̣̇д̇хим̣язва г̇амиссад̇и, сагадасахассз згад̇о маг̇г̇ам̣ г̇ажчанд̇з маг̇г̇оби наббахоссад̇и, мануссаанам̣ д̣̇ааруд̣̇агаад̣̇ийниби, б̣алиб̣ад̣̇д̣̇аанам̣ д̇ин̣ааниби д̣̇уллабхаани бхависсанд̇и, зд̇зна ваа маяаа ваа бурад̇о г̇анд̇ум̣ ваддад̇ий’’д̇и. со д̇ам̣ баггосаабзд̇ваа зд̇амад̇т̇ам̣ аарожзд̇ваа ‘‘д̣̇вийхиби амхзхи згад̇о г̇анд̇ум̣ на саггаа, гим̣ д̇вам̣ бурад̇о г̇амиссаси, уд̣̇ааху бажчад̇о’’д̇и ааха. со жинд̇зси ‘‘маяи бурад̇о г̇ажчанд̇з б̣ахуу аанисам̣саа, маг̇г̇зна абхиннзнзва г̇амиссаами, г̇он̣аа анаамадтад̇ин̣ам̣ каад̣̇иссанд̇и, мануссаанам̣ анаамадтам̣ суубзяяабан̣н̣ам̣ бхависсад̇и, басаннам̣ уд̣̇агам̣ бхависсад̇и, яат̇ааружим̣ аг̇гхам̣ табзд̇ваа бхан̣д̣ам̣ виггин̣иссаамий’’д̇и. со ‘‘ахам̣, самма, бурад̇о г̇амиссаамий’’д̇и ааха. б̣од̇хисад̇д̇оби бажчад̇о г̇аманз б̣ахуу аанисам̣сз ад̣̇д̣̇аса. звам̣ хисса ахоси – ‘‘бурад̇о г̇ажчанд̇аа маг̇г̇з висамадтаанам̣ самам̣ гариссанд̇и, ахам̣ д̇зхи г̇ад̇амаг̇г̇зна г̇амиссаами, бурад̇о г̇ад̇зхи б̣алиб̣ад̣̇д̣̇зхи барин̣ад̇ат̇ад̣̇д̇хад̇ин̣з каад̣̇ид̇з мама г̇он̣аа буна удтид̇аани мад̇хурад̇ин̣аани каад̣̇иссанд̇и, г̇ахид̇абан̣н̣адтаанад̇о удтид̇ам̣ мануссаанам̣ суубзяяабан̣н̣ам̣ мад̇хурам̣ бхависсад̇и, ануд̣̇агз таанз ааваадам̣ канид̇ваа зд̇з уд̣̇агам̣ уббаад̣̇зссанд̇и, д̇зхи гад̇зсу ааваадзсу маяам̣ уд̣̇агам̣ бивиссаама, аг̇гхадтабанам̣ наама мануссаанам̣ ж̇ийвид̇аа воробанасад̣̇исам̣, ахам̣ бажчад̇о г̇анд̇ваа зд̇зхи табид̇аг̇гхзна бхан̣д̣ам̣ виггин̣иссаамий’’д̇и. ат̇а со зд̇д̇агз аанисам̣сз д̣̇исваа ‘‘самма, д̇вам̣ бурад̇о г̇ажчаахий’’д̇и ааха. ‘‘саад̇ху, саммаа’’д̇и б̣ааласад̇т̇аваахо сагадаани яож̇зд̇ваа нигканд̇о анубуб̣б̣зна мануссааваасам̣ ад̇иггамид̇ваа ганд̇аарамукам̣ баабун̣и.

    Tadā bodhisatto cintesi ‘‘sace ayaṃ bālasatthavāhaputto mayā saddhiṃyeva gamissati, sakaṭasahasse ekato maggaṃ gacchante maggopi nappahossati, manussānaṃ dārudakādīnipi, balibaddānaṃ tiṇānipi dullabhāni bhavissanti, etena vā mayā vā purato gantuṃ vaṭṭatī’’ti. So taṃ pakkosāpetvā etamatthaṃ ārocetvā ‘‘dvīhipi amhehi ekato gantuṃ na sakkā, kiṃ tvaṃ purato gamissasi, udāhu pacchato’’ti āha. So cintesi ‘‘mayi purato gacchante bahū ānisaṃsā, maggena abhinneneva gamissāmi, goṇā anāmaṭṭhatiṇaṃ khādissanti, manussānaṃ anāmaṭṭhaṃ sūpeyyapaṇṇaṃ bhavissati, pasannaṃ udakaṃ bhavissati, yathāruciṃ agghaṃ ṭhapetvā bhaṇḍaṃ vikkiṇissāmī’’ti. So ‘‘ahaṃ, samma, purato gamissāmī’’ti āha. Bodhisattopi pacchato gamane bahū ānisaṃse addasa. Evaṃ hissa ahosi – ‘‘purato gacchantā magge visamaṭṭhānaṃ samaṃ karissanti, ahaṃ tehi gatamaggena gamissāmi, purato gatehi balibaddehi pariṇatathaddhatiṇe khādite mama goṇā puna uṭṭhitāni madhuratiṇāni khādissanti, gahitapaṇṇaṭṭhānato uṭṭhitaṃ manussānaṃ sūpeyyapaṇṇaṃ madhuraṃ bhavissati, anudake ṭhāne āvāṭaṃ khanitvā ete udakaṃ uppādessanti, tehi katesu āvāṭesu mayaṃ udakaṃ pivissāma, agghaṭṭhapanaṃ nāma manussānaṃ jīvitā voropanasadisaṃ, ahaṃ pacchato gantvā etehi ṭhapitagghena bhaṇḍaṃ vikkiṇissāmī’’ti. Atha so ettake ānisaṃse disvā ‘‘samma, tvaṃ purato gacchāhī’’ti āha. ‘‘Sādhu, sammā’’ti bālasatthavāho sakaṭāni yojetvā nikkhanto anupubbena manussāvāsaṃ atikkamitvā kantāramukhaṃ pāpuṇi.

    ганд̇аарам̣ наама – жораганд̇аарам̣, ваал̣аганд̇аарам̣, нируд̣̇агаганд̇аарам̣, амануссаганд̇аарам̣, аббабхагкаганд̇ааранд̇и бан̃жавид̇хам̣. д̇ад̇т̇а жорзхи ад̇хидтид̇амаг̇г̇о жораганд̇аарам̣ наама. сийхаад̣̇ийхи ад̇хидтид̇амаг̇г̇о ваал̣аганд̇аарам̣ наама. яад̇т̇а нхааяид̇ум̣ ваа баад̇ум̣ ваа уд̣̇агам̣ над̇т̇и, ид̣̇ам̣ нируд̣̇агаганд̇аарам̣ наама. амануссаад̇хидтид̇ам̣ амануссаганд̇аарам̣ наама. муулакаад̣̇анийяаад̣̇ивирахид̇ам̣ аббабхагкаганд̇аарам̣ наама. имасмим̣ бан̃жавид̇хз ганд̇аарз д̇ам̣ ганд̇аарам̣ нируд̣̇агаганд̇ааран̃жзва амануссаганд̇ааран̃жа. д̇асмаа со б̣ааласад̇т̇аваахабуд̇д̇о сагадзсу маханд̇амаханд̇аа жаадияо табзд̇ваа уд̣̇агасса буураабзд̇ваа садтияож̇анигам̣ ганд̇аарам̣ бадибаж̇ж̇и.

    Kantāraṃ nāma – corakantāraṃ, vāḷakantāraṃ, nirudakakantāraṃ, amanussakantāraṃ, appabhakkhakantāranti pañcavidhaṃ. Tattha corehi adhiṭṭhitamaggo corakantāraṃ nāma. Sīhādīhi adhiṭṭhitamaggo vāḷakantāraṃ nāma. Yattha nhāyituṃ vā pātuṃ vā udakaṃ natthi, idaṃ nirudakakantāraṃ nāma. Amanussādhiṭṭhitaṃ amanussakantāraṃ nāma. Mūlakhādanīyādivirahitaṃ appabhakkhakantāraṃ nāma. Imasmiṃ pañcavidhe kantāre taṃ kantāraṃ nirudakakantārañceva amanussakantārañca. Tasmā so bālasatthavāhaputto sakaṭesu mahantamahantā cāṭiyo ṭhapetvā udakassa pūrāpetvā saṭṭhiyojanikaṃ kantāraṃ paṭipajji.

    ат̇асса ганд̇аарамаж̇жхам̣ г̇ад̇агаалз ганд̇аарз ад̇хивад̇т̇аяагко ‘‘имзхи мануссзхи г̇ахид̇ам̣ уд̣̇агам̣ чад̣д̣аабзд̇ваа д̣̇уб̣б̣алз гад̇ваа саб̣б̣зва нз каад̣̇иссаамий’’д̇и саб̣б̣асзд̇ад̇арун̣аб̣алиб̣ад̣̇д̣̇аяуд̇д̇ам̣ манорамам̣ яаанагам̣ маабзд̇ваа д̇ханугалаабапалагаавуд̇хахад̇т̇зхи д̣̇асахи д̣̇ваад̣̇асахи амануссзхи баривуд̇о уббалагумуд̣̇аани бил̣анд̇хид̇ваа аллагосо аллавад̇т̇о иссарабурисо вияа д̇асмим̣ яаанагз нисийд̣̇ид̇ваа гад̣̇д̣̇амамагкид̇зхи жаггзхи бадибат̇ам̣ аг̇амааси. бариваараамануссаабисса бурад̇о жа бажчад̇о жа г̇ажчанд̇аа аллагзсаа аллавад̇т̇аа уббалагумуд̣̇амаалаа бил̣анд̇хид̇ваа бад̣̇умабун̣д̣арийгагалаабз г̇ахзд̇ваа бхисамул̣аалаани каад̣̇анд̇аа уд̣̇агаб̣инд̣̇уухи жзва галалзхи жа баг̇гхаранд̇зхи аг̇амам̣су. сад̇т̇аваахаа жа наама яад̣̇аа д̇хураваад̇о вааяад̇и, д̇ад̣̇аа яаанагз нисийд̣̇ид̇ваа убадтаагабаривуд̇аа раж̇ам̣ барихаранд̇аа бурад̇о г̇ажчанд̇и. яад̣̇аа бажчад̇о ваад̇о вааяад̇и, д̇ад̣̇аа д̇знзва наязна бажчад̇о г̇ажчанд̇и. д̇ад̣̇аа бана д̇хураваад̇о ахоси, д̇асмаа со сад̇т̇аваахабуд̇д̇о бурад̇о аг̇амааси.

    Athassa kantāramajjhaṃ gatakāle kantāre adhivatthayakkho ‘‘imehi manussehi gahitaṃ udakaṃ chaḍḍāpetvā dubbale katvā sabbeva ne khādissāmī’’ti sabbasetataruṇabalibaddayuttaṃ manoramaṃ yānakaṃ māpetvā dhanukalāpaphalakāvudhahatthehi dasahi dvādasahi amanussehi parivuto uppalakumudāni piḷandhitvā allakoso allavattho issarapuriso viya tasmiṃ yānake nisīditvā kaddamamakkhitehi cakkehi paṭipathaṃ agamāsi. Parivāraamanussāpissa purato ca pacchato ca gacchantā allakesā allavatthā uppalakumudamālā piḷandhitvā padumapuṇḍarīkakalāpe gahetvā bhisamuḷālāni khādantā udakabindūhi ceva kalalehi ca paggharantehi agamaṃsu. Satthavāhā ca nāma yadā dhuravāto vāyati, tadā yānake nisīditvā upaṭṭhākaparivutā rajaṃ pariharantā purato gacchanti. Yadā pacchato vāto vāyati, tadā teneva nayena pacchato gacchanti. Tadā pana dhuravāto ahosi, tasmā so satthavāhaputto purato agamāsi.

    яагко д̇ам̣ ааг̇ажчанд̇ам̣ д̣̇исваа ад̇д̇ано яаанагам̣ маг̇г̇аа оггамаабзд̇ваа ‘‘гахам̣ г̇ажчат̇аа’’д̇и д̇зна сад̣̇д̇хим̣ бадисант̇аарам̣ агааси. сад̇т̇аваахоби ад̇д̇ано яаанагам̣ маг̇г̇аа оггамаабзд̇ваа сагадаанам̣ г̇аманогаасам̣ д̣̇ад̇ваа згаманд̇з тид̇о д̇ам̣ яагкам̣ авожа ‘‘бхо, амхз д̇аава б̣аараан̣асид̇о ааг̇ажчаама. д̇умхз бана уббалагумуд̣̇аани бил̣анд̇хид̇ваа бад̣̇умабун̣д̣арийгахад̇т̇аа бхисамул̣аалаани каад̣̇анд̇аа гад̣̇д̣̇амамагкид̇аа уд̣̇агаб̣инд̣̇уухи баг̇гхаранд̇зхи ааг̇ажчат̇а. гим̣ ну ко д̇умхзхи ааг̇ад̇амаг̇г̇з д̣̇зво вассад̇и, уббалаад̣̇исан̃чаннаани ваа сараани ад̇т̇ий’’д̇и бужчи. яагко д̇асса гат̇ам̣ суд̇ваа ‘‘самма, гим̣ наамзд̇ам̣ гат̇зси. зсаа нийлаванарааж̇и бан̃н̃ааяад̇и. д̇ад̇о бадтааяа сагалам̣ аран̃н̃ам̣ згод̣̇агам̣, ниб̣ад̣̇д̇хам̣ д̣̇зво вассад̇и, ганд̣̇араа буураа, д̇асмим̣ д̇асмим̣ таанз бад̣̇умаад̣̇исан̃чаннаани сараани ад̇т̇ий’’д̇и вад̇ваа бадибаадияаа г̇ажчанд̇зсу сагадзсу ‘‘имаани сагадаани аад̣̇ааяа гахам̣ г̇ажчат̇аа’’д̇и бужчи. ‘‘асугаж̇анабад̣̇ам̣ наамаа’’д̇и. ‘‘имасмим̣ жимасмин̃жа сагадз гим̣ наама бхан̣д̣а’’нд̇и? ‘‘асуган̃жа асуган̃жаа’’д̇и. ‘‘бажчад̇о ааг̇ажчанд̇ам̣ сагадам̣ ад̇ивияа г̇аругам̣ худ̇ваа ааг̇ажчад̇и, зд̇асмим̣ гим̣ бхан̣д̣а’’нд̇и? ‘‘уд̣̇агам̣ зд̇т̇аа’’д̇и. ‘‘барад̇о д̇аава уд̣̇агам̣ аанзнд̇зхи во манаабам̣ гад̇ам̣, ид̇о бадтааяа бана уд̣̇агзна гижжам̣ над̇т̇и, бурад̇о б̣аху уд̣̇агам̣, жаадияо бхинд̣̇ид̇ваа уд̣̇агам̣ чад̣д̣зд̇ваа сукзна г̇ажчат̇аа’’д̇и ааха. зван̃жа бана вад̇ваа ‘‘д̇умхз г̇ажчат̇а, амхаагам̣ бабан̃жо ход̇ий’’д̇и т̇огам̣ г̇анд̇ваа д̇зсам̣ ад̣̇ассанам̣ бад̇ваа ад̇д̇ано яагканаг̇арамзва аг̇амааси.

    Yakkho taṃ āgacchantaṃ disvā attano yānakaṃ maggā okkamāpetvā ‘‘kahaṃ gacchathā’’ti tena saddhiṃ paṭisanthāraṃ akāsi. Satthavāhopi attano yānakaṃ maggā okkamāpetvā sakaṭānaṃ gamanokāsaṃ datvā ekamante ṭhito taṃ yakkhaṃ avoca ‘‘bho, amhe tāva bārāṇasito āgacchāma. Tumhe pana uppalakumudāni piḷandhitvā padumapuṇḍarīkahatthā bhisamuḷālāni khādantā kaddamamakkhitā udakabindūhi paggharantehi āgacchatha. Kiṃ nu kho tumhehi āgatamagge devo vassati, uppalādisañchannāni vā sarāni atthī’’ti pucchi. Yakkho tassa kathaṃ sutvā ‘‘samma, kiṃ nāmetaṃ kathesi. Esā nīlavanarāji paññāyati. Tato paṭṭhāya sakalaṃ araññaṃ ekodakaṃ, nibaddhaṃ devo vassati, kandarā pūrā, tasmiṃ tasmiṃ ṭhāne padumādisañchannāni sarāni atthī’’ti vatvā paṭipāṭiyā gacchantesu sakaṭesu ‘‘imāni sakaṭāni ādāya kahaṃ gacchathā’’ti pucchi. ‘‘Asukajanapadaṃ nāmā’’ti. ‘‘Imasmiṃ cimasmiñca sakaṭe kiṃ nāma bhaṇḍa’’nti? ‘‘Asukañca asukañcā’’ti. ‘‘Pacchato āgacchantaṃ sakaṭaṃ ativiya garukaṃ hutvā āgacchati, etasmiṃ kiṃ bhaṇḍa’’nti? ‘‘Udakaṃ etthā’’ti. ‘‘Parato tāva udakaṃ ānentehi vo manāpaṃ kataṃ, ito paṭṭhāya pana udakena kiccaṃ natthi, purato bahu udakaṃ, cāṭiyo bhinditvā udakaṃ chaḍḍetvā sukhena gacchathā’’ti āha. Evañca pana vatvā ‘‘tumhe gacchatha, amhākaṃ papañco hotī’’ti thokaṃ gantvā tesaṃ adassanaṃ patvā attano yakkhanagarameva agamāsi.

    соби б̣ааласад̇т̇аваахо ад̇д̇ано б̣аалад̇ааяа яагкасса важанам̣ г̇ахзд̇ваа жаадияо бхинд̣̇аабзд̇ваа басад̇амад̇д̇амби уд̣̇агам̣ анавасзсзд̇ваа саб̣б̣ам̣ чад̣д̣аабзд̇ваа сагадаани бааж̇аабзси, бурад̇о аббамад̇д̇агамби уд̣̇агам̣ наахоси, мануссаа баанийяам̣ алабханд̇аа гиламим̣су. д̇з яаава суурияад̇т̇ан̇г̇аманаа г̇анд̇ваа сагадаани можзд̇ваа бариваддагзна табзд̇ваа г̇он̣з жаггзсу б̣анд̇хим̣су. нзва г̇он̣аанам̣ уд̣̇агам̣ ахоси, на мануссаанам̣ яааг̇убхад̇д̇ам̣ ваа. д̣̇уб̣б̣аламануссаа д̇ад̇т̇а д̇ад̇т̇а нибаж̇ж̇ид̇ваа саяим̣су. рад̇д̇ибхааг̇асамананд̇арз яагкаа яагканаг̇арад̇о ааг̇анд̇ваа саб̣б̣зби г̇он̣з жа мануссз жа ж̇ийвид̇агкаяам̣ баабзд̇ваа мам̣сам̣ каад̣̇ид̇ваа адтийни авасзсзд̇ваа аг̇амам̣су. звамзгам̣ б̣ааласад̇т̇аваахабуд̇д̇ам̣ ниссааяа саб̣б̣зби д̇з винаасам̣ баабун̣им̣су, хад̇т̇адтигаад̣̇ийни д̣̇исаавид̣̇исаасу виббагин̣н̣аани ахзсум̣. бан̃жа сагадасад̇аани яат̇аабуурид̇аанзва адтам̣су.

    Sopi bālasatthavāho attano bālatāya yakkhassa vacanaṃ gahetvā cāṭiyo bhindāpetvā pasatamattampi udakaṃ anavasesetvā sabbaṃ chaḍḍāpetvā sakaṭāni pājāpesi, purato appamattakampi udakaṃ nāhosi, manussā pānīyaṃ alabhantā kilamiṃsu. Te yāva sūriyatthaṅgamanā gantvā sakaṭāni mocetvā parivaṭṭakena ṭhapetvā goṇe cakkesu bandhiṃsu. Neva goṇānaṃ udakaṃ ahosi, na manussānaṃ yāgubhattaṃ vā. Dubbalamanussā tattha tattha nipajjitvā sayiṃsu. Rattibhāgasamanantare yakkhā yakkhanagarato āgantvā sabbepi goṇe ca manusse ca jīvitakkhayaṃ pāpetvā maṃsaṃ khāditvā aṭṭhīni avasesetvā agamaṃsu. Evamekaṃ bālasatthavāhaputtaṃ nissāya sabbepi te vināsaṃ pāpuṇiṃsu, hatthaṭṭhikādīni disāvidisāsu vippakiṇṇāni ahesuṃ. Pañca sakaṭasatāni yathāpūritāneva aṭṭhaṃsu.

    б̣од̇хисад̇д̇оби ко б̣ааласад̇т̇аваахабуд̇д̇асса нигканд̇ад̣̇ивасад̇о маасад̣дхамаасам̣ вийд̇инаамзд̇ваа бан̃жахи сагадасад̇зхи наг̇араа нигкамма анубуб̣б̣зна ганд̇аарамукам̣ баабун̣и. со д̇ад̇т̇а уд̣̇агажаадияо буурзд̇ваа б̣ахум̣ уд̣̇агам̣ аад̣̇ааяа канд̇хааваарз бхзрим̣ жараабзд̇ваа мануссз саннибаад̇зд̇ваа звамааха ‘‘д̇умхз мам̣ анаабужчид̇ваа басад̇амад̇д̇амби уд̣̇агам̣ маа вал̣ан̃ж̇аяид̇т̇а, ганд̇аарз висаругкаа наама хонд̇и, бад̇д̇ам̣ ваа бубпам̣ ваа палам̣ ваа д̇умхзхи бурз акаад̣̇ид̇абуб̣б̣ам̣ мам̣ анаабужчид̇ваа маа каад̣̇ид̇т̇аа’’д̇и. звам̣ мануссаанам̣ оваад̣̇ам̣ д̣̇ад̇ваа бан̃жахи сагадасад̇зхи ганд̇аарам̣ бадибаж̇ж̇и. д̇асмим̣ ганд̇аарамаж̇жхам̣ самбад̇д̇з со яагко буриманаязнзва б̣од̇хисад̇д̇асса бадибат̇з ад̇д̇аанам̣ д̣̇ассзси. б̣од̇хисад̇д̇о д̇ам̣ д̣̇исваава ан̃н̃ааси ‘‘имасмим̣ ганд̇аарз уд̣̇агам̣ над̇т̇и, нируд̣̇агаганд̇ааро наамзса, аяан̃жа ниб̣бхаяо рад̇д̇анзд̇д̇о, чааяаабисса на бан̃н̃ааяад̇и, ниссам̣саяам̣ иминаа бурад̇о г̇ад̇о б̣ааласад̇т̇аваахабуд̇д̇о саб̣б̣ам̣ уд̣̇агам̣ чад̣д̣аабзд̇ваа гиламзд̇ваа сабарисо каад̣̇ид̇о бхависсад̇и, маяхам̣ бана бан̣д̣ид̇абхаавам̣ убааяагосаллам̣ на ж̇аанаад̇и ман̃н̃з’’д̇и. д̇ад̇о нам̣ ааха ‘‘г̇ажчат̇а д̇умхз, маяам̣ ваан̣иж̇аа наама ан̃н̃ам̣ уд̣̇агам̣ ад̣̇исваа г̇ахид̇ауд̣̇агам̣ на чад̣д̣зма, д̣̇идтадтаанз бана чад̣д̣зд̇ваа сагадаани саллахугаани гад̇ваа г̇амиссаамаа’’д̇и яагко т̇огам̣ г̇анд̇ваа ад̣̇ассанам̣ убаг̇амма ад̇д̇ано яагканаг̇арамзва г̇ад̇о.

    Bodhisattopi kho bālasatthavāhaputtassa nikkhantadivasato māsaḍḍhamāsaṃ vītināmetvā pañcahi sakaṭasatehi nagarā nikkhamma anupubbena kantāramukhaṃ pāpuṇi. So tattha udakacāṭiyo pūretvā bahuṃ udakaṃ ādāya khandhāvāre bheriṃ carāpetvā manusse sannipātetvā evamāha ‘‘tumhe maṃ anāpucchitvā pasatamattampi udakaṃ mā vaḷañjayittha, kantāre visarukkhā nāma honti, pattaṃ vā pupphaṃ vā phalaṃ vā tumhehi pure akhāditapubbaṃ maṃ anāpucchitvā mā khāditthā’’ti. Evaṃ manussānaṃ ovādaṃ datvā pañcahi sakaṭasatehi kantāraṃ paṭipajji. Tasmiṃ kantāramajjhaṃ sampatte so yakkho purimanayeneva bodhisattassa paṭipathe attānaṃ dassesi. Bodhisatto taṃ disvāva aññāsi ‘‘imasmiṃ kantāre udakaṃ natthi, nirudakakantāro nāmesa, ayañca nibbhayo rattanetto, chāyāpissa na paññāyati, nissaṃsayaṃ iminā purato gato bālasatthavāhaputto sabbaṃ udakaṃ chaḍḍāpetvā kilametvā sapariso khādito bhavissati, mayhaṃ pana paṇḍitabhāvaṃ upāyakosallaṃ na jānāti maññe’’ti. Tato naṃ āha ‘‘gacchatha tumhe, mayaṃ vāṇijā nāma aññaṃ udakaṃ adisvā gahitaudakaṃ na chaḍḍema, diṭṭhaṭṭhāne pana chaḍḍetvā sakaṭāni sallahukāni katvā gamissāmā’’ti yakkho thokaṃ gantvā adassanaṃ upagamma attano yakkhanagarameva gato.

    яагкз бана г̇ад̇з мануссаа б̣од̇хисад̇д̇ам̣ аахам̣су ‘‘аяяа, зд̇з мануссаа ‘зсаа нийлаванарааж̇и бан̃н̃ааяад̇и, д̇ад̇о бадтааяа ниб̣ад̣̇д̇хам̣ д̣̇зво вассад̇ий’д̇и вад̇ваа уббалагумуд̣̇амаалаад̇хаарино бад̣̇умабун̣д̣арийгагалаабз аад̣̇ааяа бхисамул̣аалаани каад̣̇анд̇аа аллавад̇т̇аа аллагзсаа уд̣̇агаб̣инд̣̇уухи баг̇гхаранд̇зхи ааг̇ад̇аа, уд̣̇агам̣ чад̣д̣зд̇ваа саллахугзхи сагадзхи киббам̣ г̇ажчаамаа’’д̇и. б̣од̇хисад̇д̇о д̇зсам̣ гат̇ам̣ суд̇ваа сагадаани табаабзд̇ваа саб̣б̣з мануссз саннибаад̇аабзд̇ваа ‘‘д̇умхзхи ‘имасмим̣ ганд̇аарз саро ваа богкаран̣ий ваа ад̇т̇ий’д̇и гассажи суд̇абуб̣б̣а’’нд̇и бужчи. ‘‘на, аяяа, суд̇абуб̣б̣а’’нд̇и. нируд̣̇агаганд̇ааро наама зсо, ид̣̇аани згажжз мануссаа ‘‘зд̇ааяа нийлаванарааж̇ияаа бурад̇о д̣̇зво вассад̇ий’’д̇и вад̣̇анд̇и, ‘‘вудтиваад̇о наама гид̇д̇агам̣ таанам̣ вааяад̇ий’’д̇и? ‘‘яож̇анамад̇д̇ам̣, аяяаа’’д̇и. ‘‘гажжи бана во згассааби сарийрам̣ вудтиваад̇о бахарад̇ий’’д̇и? ‘‘над̇т̇и аяяаа’’д̇и. ‘‘мзгхасийсам̣ наама гид̇д̇агз таанз бан̃н̃ааяад̇ий’’д̇и? ‘‘д̇ияож̇анамад̇д̇з аяяаа’’д̇и. ‘‘ад̇т̇и бана во гзнажи згамби мзгхасийсам̣ д̣̇идта’’нд̇и? ‘‘над̇т̇и, аяяаа’’д̇и. ‘‘виж̇ж̇улад̇аа наама гид̇д̇агз таанз бан̃н̃ааяад̇ий’’д̇и? ‘‘жад̇уббан̃жаяож̇анамад̇д̇з, аяяаа’’д̇и. ‘‘ад̇т̇и бана во гзнажи виж̇ж̇улад̇обхаасо д̣̇идто’’д̇и? ‘‘над̇т̇и, аяяаа’’д̇и. ‘‘мзгхасад̣̇д̣̇о наама гид̇д̇агз таанз суяяад̇ий’’д̇и? ‘‘згад̣̇вияож̇анамад̇д̇з, аяяаа’’д̇и. ‘‘ад̇т̇и бана во гзнажи мзгхасад̣̇д̣̇о суд̇о’’д̇и? ‘‘над̇т̇и, аяяаа’’д̇и. ‘‘на зд̇з мануссаа, яагкаа зд̇з, амхз уд̣̇агам̣ чад̣д̣аабзд̇ваа д̣̇уб̣б̣алз гад̇ваа каад̣̇ид̇угаамаа ааг̇ад̇аа бхависсанд̇и. бурад̇о г̇ад̇о б̣ааласад̇т̇аваахабуд̇д̇о на убааяагусало. ад̣̇д̇хаа со зд̇зхи уд̣̇агам̣ чад̣д̣аабзд̇ваа гиламзд̇ваа каад̣̇ид̇о бхависсад̇и, бан̃жа сагадасад̇аани яат̇аабуурид̇аанзва тид̇аани бхависсанд̇и. аж̇ж̇а маяам̣ д̇аани бассиссаама, басад̇амад̇д̇амби уд̣̇агам̣ ачад̣д̣зд̇ваа сийгхасийгхам̣ бааж̇зт̇аа’’д̇и бааж̇аабзси.

    Yakkhe pana gate manussā bodhisattaṃ āhaṃsu ‘‘ayya, ete manussā ‘esā nīlavanarāji paññāyati, tato paṭṭhāya nibaddhaṃ devo vassatī’ti vatvā uppalakumudamālādhārino padumapuṇḍarīkakalāpe ādāya bhisamuḷālāni khādantā allavatthā allakesā udakabindūhi paggharantehi āgatā, udakaṃ chaḍḍetvā sallahukehi sakaṭehi khippaṃ gacchāmā’’ti. Bodhisatto tesaṃ kathaṃ sutvā sakaṭāni ṭhapāpetvā sabbe manusse sannipātāpetvā ‘‘tumhehi ‘imasmiṃ kantāre saro vā pokkharaṇī vā atthī’ti kassaci sutapubba’’nti pucchi. ‘‘Na, ayya, sutapubba’’nti. Nirudakakantāro nāma eso, idāni ekacce manussā ‘‘etāya nīlavanarājiyā purato devo vassatī’’ti vadanti, ‘‘vuṭṭhivāto nāma kittakaṃ ṭhānaṃ vāyatī’’ti? ‘‘Yojanamattaṃ, ayyā’’ti. ‘‘Kacci pana vo ekassāpi sarīraṃ vuṭṭhivāto paharatī’’ti? ‘‘Natthi ayyā’’ti. ‘‘Meghasīsaṃ nāma kittake ṭhāne paññāyatī’’ti? ‘‘Tiyojanamatte ayyā’’ti. ‘‘Atthi pana vo kenaci ekampi meghasīsaṃ diṭṭha’’nti? ‘‘Natthi, ayyā’’ti. ‘‘Vijjulatā nāma kittake ṭhāne paññāyatī’’ti? ‘‘Catuppañcayojanamatte, ayyā’’ti. ‘‘Atthi pana vo kenaci vijjulatobhāso diṭṭho’’ti? ‘‘Natthi, ayyā’’ti. ‘‘Meghasaddo nāma kittake ṭhāne suyyatī’’ti? ‘‘Ekadviyojanamatte, ayyā’’ti. ‘‘Atthi pana vo kenaci meghasaddo suto’’ti? ‘‘Natthi, ayyā’’ti. ‘‘Na ete manussā, yakkhā ete, amhe udakaṃ chaḍḍāpetvā dubbale katvā khāditukāmā āgatā bhavissanti. Purato gato bālasatthavāhaputto na upāyakusalo. Addhā so etehi udakaṃ chaḍḍāpetvā kilametvā khādito bhavissati, pañca sakaṭasatāni yathāpūritāneva ṭhitāni bhavissanti. Ajja mayaṃ tāni passissāma, pasatamattampi udakaṃ achaḍḍetvā sīghasīghaṃ pājethā’’ti pājāpesi.

    со г̇ажчанд̇о яат̇аабуурид̇аанзва бан̃жа сагадасад̇аани г̇он̣амануссаанан̃жа хад̇т̇адтигаад̣̇ийни д̣̇исаавид̣̇исаасу виббагин̣н̣аани д̣̇исваа сагадаани можаабзд̇ваа сагадабариваддагзна канд̇хааваарам̣ б̣анд̇хаабзд̇ваа гаалассзва мануссз жа г̇он̣з жа сааяамаасабхад̇д̇ам̣ бхож̇аабзд̇ваа мануссаанам̣ маж̇жхз г̇он̣з нибаж̇ж̇аабзд̇ваа саяам̣ б̣аланааяаго худ̇ваа каг̇г̇ахад̇т̇о д̇ияаамарад̇д̇им̣ аарагкам̣ г̇ахзд̇ваа тид̇агова арун̣ам̣ удтаабзси. бунад̣̇ивасз бана баад̇ова саб̣б̣агижжаани нидтаабзд̇ваа г̇он̣з бхож̇зд̇ваа д̣̇уб̣б̣аласагадаани чад̣д̣аабзд̇ваа т̇ираани г̇аахаабзд̇ваа аббаг̇гхам̣ бхан̣д̣ам̣ чад̣д̣аабзд̇ваа махаг̇гхам̣ бхан̣д̣ам̣ ааробаабзд̇ваа яат̇аад̇хиббзд̇ам̣ таанам̣ г̇анд̇ваа д̣̇иг̇ун̣ад̇иг̇ун̣зна муулзна бхан̣д̣ам̣ виггин̣ид̇ваа саб̣б̣ам̣ барисам̣ аад̣̇ааяа буна ад̇д̇ано наг̇арамзва аг̇амааси.

    So gacchanto yathāpūritāneva pañca sakaṭasatāni goṇamanussānañca hatthaṭṭhikādīni disāvidisāsu vippakiṇṇāni disvā sakaṭāni mocāpetvā sakaṭaparivaṭṭakena khandhāvāraṃ bandhāpetvā kālasseva manusse ca goṇe ca sāyamāsabhattaṃ bhojāpetvā manussānaṃ majjhe goṇe nipajjāpetvā sayaṃ balanāyako hutvā khaggahattho tiyāmarattiṃ ārakkhaṃ gahetvā ṭhitakova aruṇaṃ uṭṭhāpesi. Punadivase pana pātova sabbakiccāni niṭṭhāpetvā goṇe bhojetvā dubbalasakaṭāni chaḍḍāpetvā thirāni gāhāpetvā appagghaṃ bhaṇḍaṃ chaḍḍāpetvā mahagghaṃ bhaṇḍaṃ āropāpetvā yathādhippetaṃ ṭhānaṃ gantvā diguṇatiguṇena mūlena bhaṇḍaṃ vikkiṇitvā sabbaṃ parisaṃ ādāya puna attano nagarameva agamāsi.

    сад̇т̇аа имам̣ д̇хаммагат̇ам̣ гат̇зд̇ваа ‘‘звам̣, г̇ахабад̇и, буб̣б̣з д̇аггаг̇г̇аахаг̇аахино махаавинаасам̣ бад̇д̇аа, абан̣н̣агаг̇г̇аахаг̇аахино бана амануссаанам̣ хад̇т̇ад̇о мужжид̇ваа сод̇т̇инаа ижчид̇адтаанам̣ г̇анд̇ваа буна сагадтаанамзва бажжааг̇амим̣суу’’д̇и вад̇ваа д̣̇взби вад̇т̇ууни гхадзд̇ваа имиссаа абан̣н̣агад̇хаммад̣̇зсанааяа абхисамб̣уд̣̇д̇хо худ̇ваа имам̣ г̇аат̇амааха –

    Satthā imaṃ dhammakathaṃ kathetvā ‘‘evaṃ, gahapati, pubbe takkaggāhagāhino mahāvināsaṃ pattā, apaṇṇakaggāhagāhino pana amanussānaṃ hatthato muccitvā sotthinā icchitaṭṭhānaṃ gantvā puna sakaṭṭhānameva paccāgamiṃsū’’ti vatvā dvepi vatthūni ghaṭetvā imissā apaṇṇakadhammadesanāya abhisambuddho hutvā imaṃ gāthamāha –

    1.

    1.

    ‘‘абан̣н̣агам̣ таанамзгз, д̣̇уд̇ияам̣ ааху д̇аггигаа;

    ‘‘Apaṇṇakaṃ ṭhānameke, dutiyaṃ āhu takkikā;

    зд̇ад̣̇ан̃н̃ааяа мзд̇хаавий, д̇ам̣ г̇ан̣хз яад̣̇абан̣н̣ага’’нд̇и.

    Etadaññāya medhāvī, taṃ gaṇhe yadapaṇṇaka’’nti.

    д̇ад̇т̇а абан̣н̣аганд̇и згам̣сигам̣ авирад̣̇д̇хам̣ нияяаанигам̣. таананд̇и гааран̣ам̣. гааран̣ан̃хи яасмаа д̇ад̣̇ааяад̇д̇авуд̇д̇ид̇ааяа палам̣ д̇идтад̇и наама, д̇асмаа ‘‘таана’’нд̇и вужжад̇и, ‘‘таанан̃жа таанад̇о адтаанан̃жа адтаанад̇о’’д̇иаад̣̇ийсу (вибха. 809) жасса баяог̇о взд̣̇ид̇аб̣б̣о. ид̇и ‘‘абан̣н̣агам̣ таана’’нд̇и бад̣̇ад̣̇ваязнааби ‘‘яам̣ зганд̇ахид̇асукаавахад̇д̇аа бан̣д̣ид̇зхи бадибаннам̣ згам̣сигагааран̣ам̣ авирад̣̇д̇хагааран̣ам̣ нияяаанигагааран̣ам̣, д̇ам̣ ид̣̇а’’нд̇и д̣̇ийбзд̇и. аяамзд̇т̇а сан̇кзбо, бабхзд̣̇ад̇о бана д̇ийн̣и саран̣аг̇аманаани, бан̃жа сийлаани, д̣̇аса сийлаани, баад̇имогкасам̣варо, инд̣̇рияасам̣варо, ааж̇ийвабаарисуд̣̇д̇хи, бажжаяабадисзванам̣, саб̣б̣амби жад̇убаарисуд̣̇д̇хисийлам̣; инд̣̇риязсу г̇уд̇д̇ад̣̇ваарад̇аа, бхож̇анз мад̇д̇ан̃н̃уд̇аа, ж̇ааг̇арияаануяог̇о, жхаанам̣, вибассанаа, абхин̃н̃аа, самаабад̇д̇и, арияамаг̇г̇о, арияапалам̣, саб̣б̣амбзд̇ам̣ абан̣н̣агадтаанам̣ абан̣н̣агабадибад̣̇аа, нияяаанигабадибад̣̇аад̇и ад̇т̇о.

    Tattha apaṇṇakanti ekaṃsikaṃ aviraddhaṃ niyyānikaṃ. Ṭhānanti kāraṇaṃ. Kāraṇañhi yasmā tadāyattavuttitāya phalaṃ tiṭṭhati nāma, tasmā ‘‘ṭhāna’’nti vuccati, ‘‘ṭhānañca ṭhānato aṭṭhānañca aṭṭhānato’’tiādīsu (vibha. 809) cassa payogo veditabbo. Iti ‘‘apaṇṇakaṃ ṭhāna’’nti padadvayenāpi ‘‘yaṃ ekantahitasukhāvahattā paṇḍitehi paṭipannaṃ ekaṃsikakāraṇaṃ aviraddhakāraṇaṃ niyyānikakāraṇaṃ, taṃ ida’’nti dīpeti. Ayamettha saṅkhepo, pabhedato pana tīṇi saraṇagamanāni, pañca sīlāni, dasa sīlāni, pātimokkhasaṃvaro, indriyasaṃvaro, ājīvapārisuddhi, paccayapaṭisevanaṃ, sabbampi catupārisuddhisīlaṃ; indriyesu guttadvāratā, bhojane mattaññutā, jāgariyānuyogo, jhānaṃ, vipassanā, abhiññā, samāpatti, ariyamaggo, ariyaphalaṃ, sabbampetaṃ apaṇṇakaṭṭhānaṃ apaṇṇakapaṭipadā, niyyānikapaṭipadāti attho.

    яасмаа жа бана нияяаанигабадибад̣̇ааяа зд̇ам̣ наамам̣, д̇асмааязва бхаг̇аваа абан̣н̣агабадибад̣̇ам̣ д̣̇ассзнд̇о имам̣ суд̇д̇амааха –

    Yasmā ca pana niyyānikapaṭipadāya etaṃ nāmaṃ, tasmāyeva bhagavā apaṇṇakapaṭipadaṃ dassento imaṃ suttamāha –

    ‘‘д̇ийхи, бхигкавз, д̇хаммзхи саманнааг̇ад̇о бхигку абан̣н̣агабадибад̣̇ам̣ бадибанно ход̇и, яони жасса аарад̣̇д̇хаа ход̇и аасаваанам̣ каяааяа . гад̇амзхи д̇ийхи? ид̇ха, бхигкавз , бхигку инд̣̇риязсу г̇уд̇д̇ад̣̇вааро ход̇и, бхож̇анз мад̇д̇ан̃н̃уу ход̇и, ж̇ааг̇арияам̣ ануяуд̇д̇о ход̇и. гат̇ан̃жа, бхигкавз, бхигку инд̣̇риязсу г̇уд̇д̇ад̣̇вааро ход̇и? ид̇ха, бхигкавз, бхигку жагкунаа руубам̣ д̣̇исваа на нимид̇д̇аг̇г̇аахий ход̇и…бз… звам̣ ко, бхигкавз, бхигку инд̣̇риязсу г̇уд̇д̇ад̣̇вааро ход̇и.

    ‘‘Tīhi, bhikkhave, dhammehi samannāgato bhikkhu apaṇṇakapaṭipadaṃ paṭipanno hoti, yoni cassa āraddhā hoti āsavānaṃ khayāya . Katamehi tīhi? Idha, bhikkhave , bhikkhu indriyesu guttadvāro hoti, bhojane mattaññū hoti, jāgariyaṃ anuyutto hoti. Kathañca, bhikkhave, bhikkhu indriyesu guttadvāro hoti? Idha, bhikkhave, bhikkhu cakkhunā rūpaṃ disvā na nimittaggāhī hoti…pe… evaṃ kho, bhikkhave, bhikkhu indriyesu guttadvāro hoti.

    ‘‘гат̇ан̃жа, бхигкавз, бхигку бхож̇анз мад̇д̇ан̃н̃уу ход̇и? ид̇ха, бхигкавз, бхигку бадисан̇каа яонисо аахаарам̣ аахаарзд̇и нзва д̣̇авааяа на мад̣̇ааяа…бз… звам̣ ко, бхигкавз, бхигку бхож̇анз мад̇д̇ан̃н̃уу ход̇и.

    ‘‘Kathañca, bhikkhave, bhikkhu bhojane mattaññū hoti? Idha, bhikkhave, bhikkhu paṭisaṅkhā yoniso āhāraṃ āhāreti neva davāya na madāya…pe… evaṃ kho, bhikkhave, bhikkhu bhojane mattaññū hoti.

    ‘‘гат̇ан̃жа, бхигкавз, бхигку ж̇ааг̇арияам̣ ануяуд̇д̇о ход̇и. ид̇ха, бхигкавз, бхигку д̣̇ивасам̣ жан̇гамзна нисаж̇ж̇ааяа…бз… звам̣ ко, бхигкавз, бхигку ж̇ааг̇арияам̣ ануяуд̇д̇о ход̇ий’’д̇и (а. ни. 3.16).

    ‘‘Kathañca, bhikkhave, bhikkhu jāgariyaṃ anuyutto hoti. Idha, bhikkhave, bhikkhu divasaṃ caṅkamena nisajjāya…pe… evaṃ kho, bhikkhave, bhikkhu jāgariyaṃ anuyutto hotī’’ti (a. ni. 3.16).

    имасмин̃жааби суд̇д̇з д̇аяова д̇хаммаа вуд̇д̇аа. аяам̣ бана абан̣н̣агабадибад̣̇аа яаава арахад̇д̇апалам̣ лаб̣бхад̇зва . д̇ад̇т̇а арахад̇д̇апаламби, паласамаабад̇д̇ивихаарасса жзва, анубаад̣̇аабариниб̣б̣аанасса жа, бадибад̣̇ааязва наама ход̇и.

    Imasmiñcāpi sutte tayova dhammā vuttā. Ayaṃ pana apaṇṇakapaṭipadā yāva arahattaphalaṃ labbhateva . Tattha arahattaphalampi, phalasamāpattivihārassa ceva, anupādāparinibbānassa ca, paṭipadāyeva nāma hoti.

    згзд̇и згажжз бан̣д̣ид̇амануссаа. д̇ад̇т̇а гин̃жааби ‘‘асугаа наамаа’’д̇и нияамо над̇т̇и, ид̣̇ам̣ бана сабарисам̣ б̣од̇хисад̇д̇ам̣язва санд̇хааяа вуд̇д̇анд̇и взд̣̇ид̇аб̣б̣ам̣. д̣̇уд̇ияам̣ ааху д̇аггигаад̇и д̣̇уд̇ияанд̇и батамад̇о абан̣н̣агадтаанад̇о нияяаанигагааран̣ад̇о д̣̇уд̇ияам̣ д̇аггаг̇г̇аахагааран̣ам̣ анияяаанигагааран̣ам̣. ааху д̇аггигаад̇и зд̇т̇а бана сад̣̇д̇хим̣ буримабад̣̇зна аяам̣ яож̇анаа – абан̣н̣агадтаанам̣ згам̣сигагааран̣ам̣ авирад̣̇д̇хагааран̣ам̣ нияяаанигагааран̣ам̣ згз б̣од̇хисад̇д̇аббамукаа бан̣д̣ид̇амануссаа г̇ан̣хим̣су. яз бана б̣ааласад̇т̇аваахабуд̇д̇аббамукаа д̇аггигаа ааху, д̇з д̣̇уд̇ияам̣ саабараад̇хам̣ анзгам̣сигадтаанам̣ вирад̣̇д̇хагааран̣ам̣ анияяаанигагааран̣ам̣ аг̇г̇ахзсум̣. д̇зсу яз абан̣н̣агадтаанам̣ аг̇г̇ахзсум̣, д̇з суггабадибад̣̇ам̣ бадибаннаа. яз д̣̇уд̇ияам̣ ‘‘бурад̇о бхавид̇аб̣б̣ам̣ уд̣̇агзнаа’’д̇и д̇аггаг̇г̇аахасан̇каад̇ам̣ анияяаанигагааран̣ам̣ аг̇г̇ахзсум̣. д̇з ган̣хабадибад̣̇ам̣ бадибаннаа.

    Eketi ekacce paṇḍitamanussā. Tattha kiñcāpi ‘‘asukā nāmā’’ti niyamo natthi, idaṃ pana saparisaṃ bodhisattaṃyeva sandhāya vuttanti veditabbaṃ. Dutiyaṃ āhu takkikāti dutiyanti paṭhamato apaṇṇakaṭṭhānato niyyānikakāraṇato dutiyaṃ takkaggāhakāraṇaṃ aniyyānikakāraṇaṃ. Āhu takkikāti ettha pana saddhiṃ purimapadena ayaṃ yojanā – apaṇṇakaṭṭhānaṃ ekaṃsikakāraṇaṃ aviraddhakāraṇaṃ niyyānikakāraṇaṃ eke bodhisattappamukhā paṇḍitamanussā gaṇhiṃsu. Ye pana bālasatthavāhaputtappamukhā takkikā āhu, te dutiyaṃ sāparādhaṃ anekaṃsikaṭṭhānaṃ viraddhakāraṇaṃ aniyyānikakāraṇaṃ aggahesuṃ. Tesu ye apaṇṇakaṭṭhānaṃ aggahesuṃ, te sukkapaṭipadaṃ paṭipannā. Ye dutiyaṃ ‘‘purato bhavitabbaṃ udakenā’’ti takkaggāhasaṅkhātaṃ aniyyānikakāraṇaṃ aggahesuṃ. Te kaṇhapaṭipadaṃ paṭipannā.

    д̇ад̇т̇а суггабадибад̣̇аа абарихаанибадибад̣̇аа, ган̣хабадибад̣̇аа барихаанибадибад̣̇аа. д̇асмаа яз суггабадибад̣̇ам̣ бадибаннаа, д̇з абарихийнаа сод̇т̇ибхаавам̣ бад̇д̇аа. яз бана ган̣хабадибад̣̇ам̣ бадибаннаа, д̇з барихийнаа анаяаб̣яасанам̣ аабаннаад̇и имамад̇т̇ам̣ бхаг̇аваа анаат̇абин̣д̣игасса г̇ахабад̇ино вад̇ваа уд̇д̇ари ид̣̇амааха ‘‘зд̇ад̣̇ан̃н̃ааяа мзд̇хаавий, д̇ам̣ г̇ан̣хз яад̣̇абан̣н̣ага’’нд̇и.

    Tattha sukkapaṭipadā aparihānipaṭipadā, kaṇhapaṭipadā parihānipaṭipadā. Tasmā ye sukkapaṭipadaṃ paṭipannā, te aparihīnā sotthibhāvaṃ pattā. Ye pana kaṇhapaṭipadaṃ paṭipannā, te parihīnā anayabyasanaṃ āpannāti imamatthaṃ bhagavā anāthapiṇḍikassa gahapatino vatvā uttari idamāha ‘‘etadaññāya medhāvī, taṃ gaṇhe yadapaṇṇaka’’nti.

    д̇ад̇т̇а зд̇ад̣̇ан̃н̃ааяа мзд̇хаавийд̇и ‘‘мзд̇хаа’’д̇и лад̣̇д̇ханаамааяа вибулааяа висуд̣̇д̇хааяа уд̇д̇амааяа бан̃н̃ааяа саманнааг̇ад̇о гулабуд̇д̇о зд̇ам̣ абан̣н̣агз жзва сабан̣н̣агз жаад̇и д̣̇вийсу ад̇аггаг̇г̇аахад̇аггаг̇г̇аахасан̇каад̇зсу таанзсу г̇ун̣ад̣̇осам̣ вуд̣̇д̇хихааним̣ ад̇т̇аанад̇т̇ам̣ н̃ад̇ваад̇и ад̇т̇о. д̇ам̣ г̇ан̣хз яад̣̇абан̣н̣аганд̇и яам̣ абан̣н̣агам̣ згам̣сигам̣ суггабадибад̣̇ааабарихаанияабадибад̣̇аасан̇каад̇ам̣ нияяаанигагааран̣ам̣, д̇ад̣̇зва г̇ан̣хзяяа. гасмаа? згам̣сигаад̣̇ибхаавад̇оязва. ид̇арам̣ бана на г̇ан̣хзяяа. гасмаа? анзгам̣сигаад̣̇ибхаавад̇оязва. аяан̃хи абан̣н̣агабадибад̣̇аа наама саб̣б̣зсам̣ б̣уд̣̇д̇хабажжзгаб̣уд̣̇д̇хаб̣уд̣̇д̇хабуд̇д̇аанам̣ бадибад̣̇аа. саб̣б̣аб̣уд̣̇д̇хаа хи абан̣н̣агабадибад̣̇ааяамзва тад̇ваа д̣̇ал̣хзна вийриязна баарамияо буурзд̇ваа б̣од̇химуулз б̣уд̣̇д̇хаа наама хонд̇и, бажжзгаб̣уд̣̇д̇хаа бажжзгаб̣од̇хим̣ уббаад̣̇знд̇и, б̣уд̣̇д̇хабуд̇д̇аа саавагабаарамин̃аан̣ам̣ бадивиж̇жханд̇и.

    Tattha etadaññāya medhāvīti ‘‘medhā’’ti laddhanāmāya vipulāya visuddhāya uttamāya paññāya samannāgato kulaputto etaṃ apaṇṇake ceva sapaṇṇake cāti dvīsu atakkaggāhatakkaggāhasaṅkhātesu ṭhānesu guṇadosaṃ vuddhihāniṃ atthānatthaṃ ñatvāti attho. Taṃ gaṇhe yadapaṇṇakanti yaṃ apaṇṇakaṃ ekaṃsikaṃ sukkapaṭipadāaparihāniyapaṭipadāsaṅkhātaṃ niyyānikakāraṇaṃ, tadeva gaṇheyya. Kasmā? Ekaṃsikādibhāvatoyeva. Itaraṃ pana na gaṇheyya. Kasmā? Anekaṃsikādibhāvatoyeva. Ayañhi apaṇṇakapaṭipadā nāma sabbesaṃ buddhapaccekabuddhabuddhaputtānaṃ paṭipadā. Sabbabuddhā hi apaṇṇakapaṭipadāyameva ṭhatvā daḷhena vīriyena pāramiyo pūretvā bodhimūle buddhā nāma honti, paccekabuddhā paccekabodhiṃ uppādenti, buddhaputtā sāvakapāramiñāṇaṃ paṭivijjhanti.

    ид̇и бхаг̇аваа д̇зсам̣ убаасагаанам̣ д̇иссо гуласамбад̇д̇ияо жа ча гаамасаг̇г̇з б̣рахмалогасамбад̇д̇ияо жа д̣̇ад̇вааби барияосаанз арахад̇д̇амаг̇г̇апалад̣̇ааяигаа абан̣н̣агабадибад̣̇аа наама, жад̇уусу абааязсу бан̃жасу жа нийжагулзсу ниб̣б̣ад̇д̇ид̣̇ааяигаа сабан̣н̣агабадибад̣̇аа наамаад̇и имам̣ абан̣н̣агад̇хаммад̣̇зсанам̣ д̣̇ассзд̇ваа уд̇д̇ари жад̇д̇аари сажжаани сол̣асахи аагаарзхи багаасзси. жад̇усажжабарияосаанз саб̣б̣зби д̇з бан̃жасад̇аа убаасагаа сод̇аабад̇д̇ипалз бад̇идтахим̣су.

    Iti bhagavā tesaṃ upāsakānaṃ tisso kulasampattiyo ca cha kāmasagge brahmalokasampattiyo ca datvāpi pariyosāne arahattamaggaphaladāyikā apaṇṇakapaṭipadā nāma, catūsu apāyesu pañcasu ca nīcakulesu nibbattidāyikā sapaṇṇakapaṭipadā nāmāti imaṃ apaṇṇakadhammadesanaṃ dassetvā uttari cattāri saccāni soḷasahi ākārehi pakāsesi. Catusaccapariyosāne sabbepi te pañcasatā upāsakā sotāpattiphale patiṭṭhahiṃsu.

    сад̇т̇аа имам̣ д̇хаммад̣̇зсанам̣ аахарид̇ваа д̣̇ассзд̇ваа д̣̇вз вад̇т̇ууни гат̇зд̇ваа анусанд̇хим̣ гхадзд̇ваа ж̇аад̇агам̣ самод̇хаанзд̇ваа д̣̇ассзси – ‘‘д̇асмим̣ самаяз б̣ааласад̇т̇аваахабуд̇д̇о д̣̇звад̣̇ад̇д̇о ахоси, д̇асса барисаа д̣̇звад̣̇ад̇д̇абарисаава, бан̣д̣ид̇асад̇т̇аваахабуд̇д̇абарисаа б̣уд̣̇д̇хабарисаа, бан̣д̣ид̇асад̇т̇аваахабуд̇д̇о бана ахамзва ахоси’’нд̇и д̣̇зсанам̣ нидтаабзси.

    Satthā imaṃ dhammadesanaṃ āharitvā dassetvā dve vatthūni kathetvā anusandhiṃ ghaṭetvā jātakaṃ samodhānetvā dassesi – ‘‘tasmiṃ samaye bālasatthavāhaputto devadatto ahosi, tassa parisā devadattaparisāva, paṇḍitasatthavāhaputtaparisā buddhaparisā, paṇḍitasatthavāhaputto pana ahameva ahosi’’nti desanaṃ niṭṭhāpesi.

    абан̣н̣агаж̇аад̇агаван̣н̣анаа батамаа.

    Apaṇṇakajātakavaṇṇanā paṭhamā.




    Next: 2. ван̣н̣убат̇аж̇аад̇агаван̣н̣анаа • 2. Vaṇṇupathajātakavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 1. абан̣н̣агаж̇аад̇агам̣ • 1. Apaṇṇakajātakaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact