| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. абан̣н̣агасуд̇д̇ам̣
6. Apaṇṇakasuttaṃ
119. ‘‘д̇иссо имаа, бхигкавз, вибад̇д̇ияо. гад̇амаа д̇иссо? сийлавибад̇д̇и, жид̇д̇авибад̇д̇и, д̣̇идтивибад̇д̇и. гад̇амаа жа, бхигкавз, сийлавибад̇д̇и? ид̇ха, бхигкавз, згажжо баан̣аад̇ибаад̇ий ход̇и…бз… сампаббалаабий ход̇и. аяам̣ вужжад̇и, бхигкавз, сийлавибад̇д̇и.
119. ‘‘Tisso imā, bhikkhave, vipattiyo. Katamā tisso? Sīlavipatti, cittavipatti, diṭṭhivipatti. Katamā ca, bhikkhave, sīlavipatti? Idha, bhikkhave, ekacco pāṇātipātī hoti…pe… samphappalāpī hoti. Ayaṃ vuccati, bhikkhave, sīlavipatti.
‘‘гад̇амаа жа, бхигкавз, жид̇д̇авибад̇д̇и? ид̇ха, бхигкавз, згажжо абхиж̇жхаалу ход̇и б̣яаабаннажид̇д̇о. аяам̣ вужжад̇и, бхигкавз, жид̇д̇авибад̇д̇и.
‘‘Katamā ca, bhikkhave, cittavipatti? Idha, bhikkhave, ekacco abhijjhālu hoti byāpannacitto. Ayaṃ vuccati, bhikkhave, cittavipatti.
‘‘гад̇амаа жа, бхигкавз, д̣̇идтивибад̇д̇и? ид̇ха, бхигкавз, згажжо мижчаад̣̇идтиго ход̇и вибарийд̇ад̣̇ассано – ‘над̇т̇и д̣̇иннам̣, над̇т̇и яидтам̣…бз… яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’д̇и. аяам̣ вужжад̇и, бхигкавз, д̣̇идтивибад̇д̇и. сийлавибад̇д̇ихзд̇у ваа, бхигкавз…бз… д̣̇идтивибад̇д̇ихзд̇у ваа, бхигкавз, сад̇д̇аа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇и. сзяяат̇ааби, бхигкавз, абан̣н̣аго ман̣и уд̣̇д̇хам̣ кид̇д̇о язна язнзва бад̇идтаад̇и суббад̇идтид̇ам̣язва бад̇идтаад̇и; звамзвам̣ ко, бхигкавз, сийлавибад̇д̇ихзд̇у ваа сад̇д̇аа…бз… убабаж̇ж̇анд̇и. имаа ко, бхигкавз, д̇иссо вибад̇д̇ияод̇и.
‘‘Katamā ca, bhikkhave, diṭṭhivipatti? Idha, bhikkhave, ekacco micchādiṭṭhiko hoti viparītadassano – ‘natthi dinnaṃ, natthi yiṭṭhaṃ…pe… ye imañca lokaṃ parañca lokaṃ sayaṃ abhiññā sacchikatvā pavedentī’ti. Ayaṃ vuccati, bhikkhave, diṭṭhivipatti. Sīlavipattihetu vā, bhikkhave…pe… diṭṭhivipattihetu vā, bhikkhave, sattā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjanti. Seyyathāpi, bhikkhave, apaṇṇako maṇi uddhaṃ khitto yena yeneva patiṭṭhāti suppatiṭṭhitaṃyeva patiṭṭhāti; evamevaṃ kho, bhikkhave, sīlavipattihetu vā sattā…pe… upapajjanti. Imā kho, bhikkhave, tisso vipattiyoti.
‘‘д̇иссо имаа, бхигкавз, самбад̣̇аа. гад̇амаа д̇иссо? сийласамбад̣̇аа, жид̇д̇асамбад̣̇аа, д̣̇идтисамбад̣̇аа . гад̇амаа жа, бхигкавз, сийласамбад̣̇аа? ид̇ха, бхигкавз, згажжо баан̣аад̇ибаад̇аа бадивирад̇о ход̇и…бз… аяам̣ вужжад̇и, бхигкавз, сийласамбад̣̇аа.
‘‘Tisso imā, bhikkhave, sampadā. Katamā tisso? Sīlasampadā, cittasampadā, diṭṭhisampadā . Katamā ca, bhikkhave, sīlasampadā? Idha, bhikkhave, ekacco pāṇātipātā paṭivirato hoti…pe… ayaṃ vuccati, bhikkhave, sīlasampadā.
‘‘гад̇амаа жа, бхигкавз, жид̇д̇асамбад̣̇аа? ид̇ха, бхигкавз, згажжо анабхиж̇жхаалу ход̇и аб̣яаабаннажид̇д̇о. аяам̣ вужжад̇и, бхигкавз, жид̇д̇асамбад̣̇аа.
‘‘Katamā ca, bhikkhave, cittasampadā? Idha, bhikkhave, ekacco anabhijjhālu hoti abyāpannacitto. Ayaṃ vuccati, bhikkhave, cittasampadā.
‘‘гад̇амаа жа, бхигкавз, д̣̇идтисамбад̣̇аа? ид̇ха, бхигкавз, згажжо саммаад̣̇идтиго ход̇и авибарийд̇ад̣̇ассано – ‘ад̇т̇и д̣̇иннам̣, ад̇т̇и яидтам̣…бз… яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’д̇и. аяам̣ вужжад̇и, бхигкавз, д̣̇идтисамбад̣̇аа. сийласамбад̣̇аахзд̇у ваа , бхигкавз, сад̇д̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и. жид̇д̇асамбад̣̇аахзд̇у ваа…бз… д̣̇идтисамбад̣̇аахзд̇у ваа, бхигкавз, сад̇д̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и. сзяяат̇ааби, бхигкавз, абан̣н̣аго ман̣и уд̣̇д̇хам̣ кид̇д̇о язна язнзва бад̇идтаад̇и суббад̇идтид̇ам̣язва бад̇идтаад̇и; звамзвам̣ ко, бхигкавз, сийласамбад̣̇аахзд̇у ваа сад̇д̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и, жид̇д̇асамбад̣̇аахзд̇у ваа сад̇д̇аа…бз… д̣̇идтисамбад̣̇аахзд̇у ваа сад̇д̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и. имаа ко, бхигкавз, д̇иссо самбад̣̇аа’’д̇и. чадтам̣.
‘‘Katamā ca, bhikkhave, diṭṭhisampadā? Idha, bhikkhave, ekacco sammādiṭṭhiko hoti aviparītadassano – ‘atthi dinnaṃ, atthi yiṭṭhaṃ…pe… ye imañca lokaṃ parañca lokaṃ sayaṃ abhiññā sacchikatvā pavedentī’ti. Ayaṃ vuccati, bhikkhave, diṭṭhisampadā. Sīlasampadāhetu vā , bhikkhave, sattā kāyassa bhedā paraṃ maraṇā sugatiṃ saggaṃ lokaṃ upapajjanti. Cittasampadāhetu vā…pe… diṭṭhisampadāhetu vā, bhikkhave, sattā kāyassa bhedā paraṃ maraṇā sugatiṃ saggaṃ lokaṃ upapajjanti. Seyyathāpi, bhikkhave, apaṇṇako maṇi uddhaṃ khitto yena yeneva patiṭṭhāti suppatiṭṭhitaṃyeva patiṭṭhāti; evamevaṃ kho, bhikkhave, sīlasampadāhetu vā sattā kāyassa bhedā paraṃ maraṇā sugatiṃ saggaṃ lokaṃ upapajjanti, cittasampadāhetu vā sattā…pe… diṭṭhisampadāhetu vā sattā kāyassa bhedā paraṃ maraṇā sugatiṃ saggaṃ lokaṃ upapajjanti. Imā kho, bhikkhave, tisso sampadā’’ti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. абан̣н̣агасуд̇д̇аван̣н̣анаа • 6. Apaṇṇakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6-7. абан̣н̣агасуд̇д̇аад̣̇иван̣н̣анаа • 6-7. Apaṇṇakasuttādivaṇṇanā
