| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
9. அபரினிப்ப²ன்னகதா²வண்ணனா
9. Aparinipphannakathāvaṇṇanā
917-918. இதா³னி அபரினிப்ப²ன்னகதா² நாம ஹோதி. தத்த² –
917-918. Idāni aparinipphannakathā nāma hoti. Tattha –
‘‘து³க்க²மேவ ஹி ஸம்போ⁴தி, து³க்க²ங் திட்ட²தி வேதி ச;
‘‘Dukkhameva hi sambhoti, dukkhaṃ tiṭṭhati veti ca;
நாஞ்ஞத்ர து³க்கா² ஸம்போ⁴தி, நாஞ்ஞங் து³க்கா² நிருஜ்ஜ²தீ’’தி. (ஸங்॰ நி॰ 1.171) –
Nāññatra dukkhā sambhoti, nāññaṃ dukkhā nirujjhatī’’ti. (saṃ. ni. 1.171) –
வசனங் நிஸ்ஸாய து³க்க²ஞ்ஞேவ பரினிப்ப²ன்னங், ஸேஸா க²ந்தா⁴யதனதா⁴துஇந்த்³ரியத⁴ம்மா அபரினிப்ப²ன்னாதி யேஸங் லத்³தி⁴, ஸெய்யதா²பி ஏகச்சானங் உத்தரபத²கானஞ்சேவ ஹேதுவாதா³னஞ்ச; தே ஸந்தா⁴ய ரூபங் அபரினிப்ப²ன்னந்தி புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் ‘‘ஸசே ரூபங் அபரினிப்ப²ன்னங், ந அனிச்சாதி³ஸபா⁴வங் ஸியா’’தி சோதே³துங் ரூபங் ந அனிச்சந்திஆதி³மாஹ. இதரோ ததா²ரூபங் ரூபங் அபஸ்ஸந்தோ படிக்கி²பதி. ஸகவாதீ³ நனு ரூபங் அனிச்சந்திஆதி³ வசனேன தஸ்ஸ ஏகங் லத்³தி⁴ங் படிஸேதெ⁴த்வா து³தியங் புச்ச²ந்தோ து³க்க²ஞ்ஞேவ பரினிப்ப²ன்னந்திஆதி³மாஹ. அத²ஸ்ஸ தம்பி லத்³தி⁴ங் படிஸேதே⁴துங் ந யத³னிச்சந்திஆதி³மாஹ. தத்ராயங் அதி⁴ப்பாயோ – ந கேவலஞ்ஹி பட²மஸச்சமேவ து³க்க²ங். யங் பன கிஞ்சி அனிச்சங், தங் து³க்க²மேவ. ரூபஞ்ச அனிச்சங், தஸ்மா தம்பி பரினிப்ப²ன்னங். இதி யங் த்வங் வதே³ஸி ‘‘ரூபங் அபரினிப்ப²ன்னங், து³க்க²ஞ்ஞேவ பரினிப்ப²ன்ன’’ந்தி, தங் நோ வத ரே வத்தப்³பே³ ‘‘து³க்க²ஞ்ஞேவ பரினிப்ப²ன்ன’’ந்தி. வேத³னாதி³மூலிகாதீ³ஸுபி யோஜனாஸு ஏஸேவ நயோ. த⁴ம்மாயதனத⁴ம்மதா⁴தூஸு பன ட²பெத்வா நிப்³பா³னங் ஸேஸத⁴ம்மானங் வஸேன அனிச்சதா வேதி³தப்³பா³. இந்த்³ரியானி அனிச்சானேவாதி.
Vacanaṃ nissāya dukkhaññeva parinipphannaṃ, sesā khandhāyatanadhātuindriyadhammā aparinipphannāti yesaṃ laddhi, seyyathāpi ekaccānaṃ uttarapathakānañceva hetuvādānañca; te sandhāya rūpaṃ aparinipphannanti pucchā sakavādissa, paṭiññā itarassa. Atha naṃ ‘‘sace rūpaṃ aparinipphannaṃ, na aniccādisabhāvaṃ siyā’’ti codetuṃ rūpaṃ na aniccantiādimāha. Itaro tathārūpaṃ rūpaṃ apassanto paṭikkhipati. Sakavādī nanu rūpaṃ aniccantiādi vacanena tassa ekaṃ laddhiṃ paṭisedhetvā dutiyaṃ pucchanto dukkhaññeva parinipphannantiādimāha. Athassa tampi laddhiṃ paṭisedhetuṃ na yadaniccantiādimāha. Tatrāyaṃ adhippāyo – na kevalañhi paṭhamasaccameva dukkhaṃ. Yaṃ pana kiñci aniccaṃ, taṃ dukkhameva. Rūpañca aniccaṃ, tasmā tampi parinipphannaṃ. Iti yaṃ tvaṃ vadesi ‘‘rūpaṃ aparinipphannaṃ, dukkhaññeva parinipphanna’’nti, taṃ no vata re vattabbe ‘‘dukkhaññeva parinipphanna’’nti. Vedanādimūlikādīsupi yojanāsu eseva nayo. Dhammāyatanadhammadhātūsu pana ṭhapetvā nibbānaṃ sesadhammānaṃ vasena aniccatā veditabbā. Indriyāni aniccānevāti.
அபரினிப்ப²ன்னகதா²வண்ணனா.
Aparinipphannakathāvaṇṇanā.
தேவீஸதிமோ வக்³கோ³.
Tevīsatimo vaggo.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (226) 9. அபரினிப்ப²ன்னகதா² • (226) 9. Aparinipphannakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 9. அபரினிப்ப²ன்னகதா²வண்ணனா • 9. Aparinipphannakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 9. அபரினிப்ப²ன்னகதா²வண்ணனா • 9. Aparinipphannakathāvaṇṇanā
