| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
9. абаринибпаннагат̇ааван̣н̣анаа
9. Aparinipphannakathāvaṇṇanā
917-918. анижжаад̣̇иго бхаавод̇и анижжасан̇каарабадижжасамуббаннад̇аад̣̇иго бхааво д̇хаммо багад̇и зд̇ассаад̇и ад̇т̇о. д̣̇угкан̃н̃зва баринибпаннанд̇и ‘‘д̣̇угкасажжам̣ санд̇хааяа бужчаа гад̇аа, на д̣̇угкад̇аамад̇д̇а’’нд̇и аяамад̇т̇о вин̃н̃ааяад̇и ‘‘на гзвалан̃хи батамасажжамзва д̣̇угка’’нд̇и важанзна. д̇ат̇аа сад̇и бараваад̣̇инаа жагкааяад̇анаад̣̇ийнам̣ ан̃н̃зсан̃жа д̇ам̣саригкагаанам̣ д̇хаммаанам̣ баринибпаннад̇аа наануж̇аанид̇аб̣б̣аа сияаа. гасмаа? д̇зсамби хи д̣̇угкасажжзна сан̇г̇ахо, на ид̇арасажжзхи. яан̃хи самуд̣̇аяасажжад̇о ниб̣б̣ад̇д̇ам̣, д̇ам̣ ниббарияааяад̇о д̣̇угкасажжам̣ , ид̇арам̣ сан̇каарад̣̇угкад̇ааяа д̣̇угканд̇и имамад̇т̇ам̣ д̣̇ассзнд̇о ‘‘на гзвалан̃хий’’д̇иаад̣̇имааха. д̇ад̇т̇а на хи анубаад̣̇иннаанийд̇и иминаа жагкааяад̇анаад̣̇ийнам̣ самуд̣̇аяасажжзна сан̇г̇ахаабхаавамааха. логуд̇д̇араанийд̇и иминаа нирод̇хамаг̇г̇асажжзхи. яад̣̇и звамзд̇т̇а яуд̇д̇и вад̇д̇аб̣б̣аа, гимзд̇т̇а вад̇д̇аб̣б̣ам̣? сабхааво хзса бараваад̣̇иваад̣̇асса, яад̣̇ид̣̇ам̣ буб̣б̣знаабарамасам̣санд̣̇анам̣. д̇ат̇аа хи со вин̃н̃уухи бадигкид̇д̇о. д̇ат̇аа жзва д̇ам̣ амхзхи д̇ад̇т̇а д̇ад̇т̇а вибхаавид̇ам̣. зд̇анд̇и ‘‘руубам̣ абаринибпаннам̣, д̣̇угкан̃н̃зва баринибпанна’’нд̇и яад̣̇зд̇ам̣ д̇аяаа вуд̇д̇ам̣, зд̇ам̣ но вад̇а рз вад̇д̇аб̣б̣з. гасмаа? руубасса жа д̣̇угкад̇д̇аа. руубан̃хи анижжам̣ д̣̇угкаад̇хидтаанан̃жа. д̇зна вуд̇д̇ам̣ ‘‘яад̣̇анижжам̣ д̇ам̣ д̣̇угкам̣. сам̣кид̇д̇зна бан̃жубаад̣̇аанагканд̇хаа д̣̇угкаа’’д̇и жа.
917-918. Aniccādikobhāvoti aniccasaṅkhārapaṭiccasamuppannatādiko bhāvo dhammo pakati etassāti attho. Dukkhaññeva parinipphannanti ‘‘dukkhasaccaṃ sandhāya pucchā katā, na dukkhatāmatta’’nti ayamattho viññāyati ‘‘na kevalañhi paṭhamasaccameva dukkha’’nti vacanena. Tathā sati paravādinā cakkhāyatanādīnaṃ aññesañca taṃsarikkhakānaṃ dhammānaṃ parinipphannatā nānujānitabbā siyā. Kasmā? Tesampi hi dukkhasaccena saṅgaho, na itarasaccehi. Yañhi samudayasaccato nibbattaṃ, taṃ nippariyāyato dukkhasaccaṃ , itaraṃ saṅkhāradukkhatāya dukkhanti imamatthaṃ dassento ‘‘na kevalañhī’’tiādimāha. Tattha na hi anupādinnānīti iminā cakkhāyatanādīnaṃ samudayasaccena saṅgahābhāvamāha. Lokuttarānīti iminā nirodhamaggasaccehi. Yadi evamettha yutti vattabbā, kimettha vattabbaṃ? Sabhāvo hesa paravādivādassa, yadidaṃ pubbenāparamasaṃsandanaṃ. Tathā hi so viññūhi paṭikkhitto. Tathā ceva taṃ amhehi tattha tattha vibhāvitaṃ. Etanti ‘‘rūpaṃ aparinipphannaṃ, dukkhaññeva parinipphanna’’nti yadetaṃ tayā vuttaṃ, etaṃ no vata re vattabbe. Kasmā? Rūpassa ca dukkhattā. Rūpañhi aniccaṃ dukkhādhiṭṭhānañca. Tena vuttaṃ ‘‘yadaniccaṃ taṃ dukkhaṃ. Saṃkhittena pañcupādānakkhandhā dukkhā’’ti ca.
абаринибпаннагат̇ааван̣н̣анаа нидтид̇аа.
Aparinipphannakathāvaṇṇanā niṭṭhitā.
д̇звийсад̇имаваг̇г̇аван̣н̣анаа нидтид̇аа.
Tevīsatimavaggavaṇṇanā niṭṭhitā.
гат̇аавад̇т̇убагаран̣а-анудийгаа самад̇д̇аа.
Kathāvatthupakaraṇa-anuṭīkā samattā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (226) 9. абаринибпаннагат̇аа • (226) 9. Aparinipphannakathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 9. абаринибпаннагат̇ааван̣н̣анаа • 9. Aparinipphannakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 9. абаринибпаннагат̇ааван̣н̣анаа • 9. Aparinipphannakathāvaṇṇanā
