| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
(౧౨) ౨. ఆపాయికవగ్గో
(12) 2. Āpāyikavaggo
౧. ఆపాయికసుత్తవణ్ణనా
1. Āpāyikasuttavaṇṇanā
౧౧౪. దుతియస్స పఠమే అపాయం గచ్ఛిస్సన్తీతి ఆపాయికా. నిరయం గచ్ఛిస్సన్తీతి నేరయికా. ఇదమప్పహాయాతి ఇదం బ్రహ్మచారిపటిఞ్ఞతాదిం పాపధమ్మత్తయం అవిజహిత్వా. బ్రహ్మచారిపటిఞ్ఞోతి బ్రహ్మచారిపటిరూపకో, తేసం వా ఆకప్పం అవిజహనేన ‘‘అహమ్పి బ్రహ్మచారీ’’తి ఏవంపటిఞ్ఞో. అనుద్ధంసేతీతి అక్కోసతి పరిభాసతి చోదేతి. నత్థి కామేసు దోసోతి కిలేసకామేన వత్థుకామే సేవన్తస్స నత్థి దోసో. పాతబ్యతన్తి పివితబ్బతం పరిభుఞ్జితబ్బతం నిరాసఙ్కేన చిత్తేన పిపాసితస్స పానీయపివనసదిసం పరిభుఞ్జితబ్బతం. ఇమస్మిం సుత్తే వట్టమేవ కథితం.
114. Dutiyassa paṭhame apāyaṃ gacchissantīti āpāyikā. Nirayaṃ gacchissantīti nerayikā. Idamappahāyāti idaṃ brahmacāripaṭiññatādiṃ pāpadhammattayaṃ avijahitvā. Brahmacāripaṭiññoti brahmacāripaṭirūpako, tesaṃ vā ākappaṃ avijahanena ‘‘ahampi brahmacārī’’ti evaṃpaṭiñño. Anuddhaṃsetīti akkosati paribhāsati codeti. Natthi kāmesu dosoti kilesakāmena vatthukāme sevantassa natthi doso. Pātabyatanti pivitabbataṃ paribhuñjitabbataṃ nirāsaṅkena cittena pipāsitassa pānīyapivanasadisaṃ paribhuñjitabbataṃ. Imasmiṃ sutte vaṭṭameva kathitaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౧. ఆపాయికసుత్తం • 1. Āpāyikasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧. ఆపాయికసుత్తవణ్ణనా • 1. Āpāyikasuttavaṇṇanā
