| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૫-૬. અપ્પમાદસુત્તાદિવણ્ણના
5-6. Appamādasuttādivaṇṇanā
૧૫-૧૬. પઞ્ચમે કારાપકઅપ્પમાદો નામ ‘‘ઇમે અકુસલા ધમ્મા પહાતબ્બા, ઇમે કુસલા ધમ્મા ઉપસમ્પાદેતબ્બા’’તિ તંતંપરિવજ્જેતબ્બવજ્જનસમ્પાદેતબ્બસમ્પાદનવસેન પવત્તો અપ્પમાદો. એસાતિ અપ્પમાદો. લોકિયોવ ન લોકુત્તરો. અયઞ્ચાતિ ચ એસાતિ ચ અપ્પમાદમેવ વદતિ. તેસન્તિ ચાતુભૂમકધમ્માનં. પટિલાભકત્તેનાતિ પટિલાભાપનકત્તેન.
15-16. Pañcame kārāpakaappamādo nāma ‘‘ime akusalā dhammā pahātabbā, ime kusalā dhammā upasampādetabbā’’ti taṃtaṃparivajjetabbavajjanasampādetabbasampādanavasena pavatto appamādo. Esāti appamādo. Lokiyova na lokuttaro. Ayañcāti ca esāti ca appamādameva vadati. Tesanti cātubhūmakadhammānaṃ. Paṭilābhakattenāti paṭilābhāpanakattena.
જઙ્ગલાનન્તિ જઙ્ગલચારીનં. જઙ્ગલ-સદ્દો ચેત્થ ખરભાવસામઞ્ઞેન પથવીપરિયાયો, ન અનુપટ્ઠાનવિદૂરદેસવાચી. તેનાહ ‘‘પથવીતલચારીન’’ન્તિ. પદાનં વુચ્ચમાનત્તા ‘‘સપાદકપાણાન’’ન્તિ વિસેસેત્વા વુત્તં. સમોધાનન્તિ અન્તોગધભાવં. તેનાહ ‘‘ઓધાનં પક્ખેપ’’ન્તિ. ‘‘ઉપક્ખેપ’’ન્તિપિ પઠન્તિ, ઉપનેત્વા પક્ખિપિતબ્બન્તિ અત્થો. વસ્સિકાય પુપ્ફં વસ્સિકં યથા ‘‘આમલકિયા ફલં આમલક’’ન્તિ. મહાતલસ્મિન્તિ ઉપરિપાસાદે. છટ્ઠં ઉત્તાનમેવ.
Jaṅgalānanti jaṅgalacārīnaṃ. Jaṅgala-saddo cettha kharabhāvasāmaññena pathavīpariyāyo, na anupaṭṭhānavidūradesavācī. Tenāha ‘‘pathavītalacārīna’’nti. Padānaṃ vuccamānattā ‘‘sapādakapāṇāna’’nti visesetvā vuttaṃ. Samodhānanti antogadhabhāvaṃ. Tenāha ‘‘odhānaṃ pakkhepa’’nti. ‘‘Upakkhepa’’ntipi paṭhanti, upanetvā pakkhipitabbanti attho. Vassikāya pupphaṃ vassikaṃ yathā ‘‘āmalakiyā phalaṃ āmalaka’’nti. Mahātalasminti uparipāsāde. Chaṭṭhaṃ uttānameva.
અપ્પમાદસુત્તાદિવણ્ણના નિટ્ઠિતા.
Appamādasuttādivaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya
૫. અપ્પમાદસુત્તં • 5. Appamādasuttaṃ
૬. આહુનેય્યસુત્તં • 6. Āhuneyyasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā)
૫. અપ્પમાદસુત્તવણ્ણના • 5. Appamādasuttavaṇṇanā
૬. આહુનેય્યસુત્તવણ્ણના • 6. Āhuneyyasuttavaṇṇanā
