| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೫-೬. ಅಪ್ಪಮಾದಸುತ್ತಾದಿವಣ್ಣನಾ
5-6. Appamādasuttādivaṇṇanā
೧೫-೧೬. ಪಞ್ಚಮೇ ಕಾರಾಪಕಅಪ್ಪಮಾದೋ ನಾಮ ‘‘ಇಮೇ ಅಕುಸಲಾ ಧಮ್ಮಾ ಪಹಾತಬ್ಬಾ, ಇಮೇ ಕುಸಲಾ ಧಮ್ಮಾ ಉಪಸಮ್ಪಾದೇತಬ್ಬಾ’’ತಿ ತಂತಂಪರಿವಜ್ಜೇತಬ್ಬವಜ್ಜನಸಮ್ಪಾದೇತಬ್ಬಸಮ್ಪಾದನವಸೇನ ಪವತ್ತೋ ಅಪ್ಪಮಾದೋ। ಏಸಾತಿ ಅಪ್ಪಮಾದೋ। ಲೋಕಿಯೋವ ನ ಲೋಕುತ್ತರೋ। ಅಯಞ್ಚಾತಿ ಚ ಏಸಾತಿ ಚ ಅಪ್ಪಮಾದಮೇವ ವದತಿ। ತೇಸನ್ತಿ ಚಾತುಭೂಮಕಧಮ್ಮಾನಂ। ಪಟಿಲಾಭಕತ್ತೇನಾತಿ ಪಟಿಲಾಭಾಪನಕತ್ತೇನ।
15-16. Pañcame kārāpakaappamādo nāma ‘‘ime akusalā dhammā pahātabbā, ime kusalā dhammā upasampādetabbā’’ti taṃtaṃparivajjetabbavajjanasampādetabbasampādanavasena pavatto appamādo. Esāti appamādo. Lokiyova na lokuttaro. Ayañcāti ca esāti ca appamādameva vadati. Tesanti cātubhūmakadhammānaṃ. Paṭilābhakattenāti paṭilābhāpanakattena.
ಜಙ್ಗಲಾನನ್ತಿ ಜಙ್ಗಲಚಾರೀನಂ। ಜಙ್ಗಲ-ಸದ್ದೋ ಚೇತ್ಥ ಖರಭಾವಸಾಮಞ್ಞೇನ ಪಥವೀಪರಿಯಾಯೋ, ನ ಅನುಪಟ್ಠಾನವಿದೂರದೇಸವಾಚೀ। ತೇನಾಹ ‘‘ಪಥವೀತಲಚಾರೀನ’’ನ್ತಿ। ಪದಾನಂ ವುಚ್ಚಮಾನತ್ತಾ ‘‘ಸಪಾದಕಪಾಣಾನ’’ನ್ತಿ ವಿಸೇಸೇತ್ವಾ ವುತ್ತಂ। ಸಮೋಧಾನನ್ತಿ ಅನ್ತೋಗಧಭಾವಂ। ತೇನಾಹ ‘‘ಓಧಾನಂ ಪಕ್ಖೇಪ’’ನ್ತಿ। ‘‘ಉಪಕ್ಖೇಪ’’ನ್ತಿಪಿ ಪಠನ್ತಿ, ಉಪನೇತ್ವಾ ಪಕ್ಖಿಪಿತಬ್ಬನ್ತಿ ಅತ್ಥೋ। ವಸ್ಸಿಕಾಯ ಪುಪ್ಫಂ ವಸ್ಸಿಕಂ ಯಥಾ ‘‘ಆಮಲಕಿಯಾ ಫಲಂ ಆಮಲಕ’’ನ್ತಿ। ಮಹಾತಲಸ್ಮಿನ್ತಿ ಉಪರಿಪಾಸಾದೇ। ಛಟ್ಠಂ ಉತ್ತಾನಮೇವ।
Jaṅgalānanti jaṅgalacārīnaṃ. Jaṅgala-saddo cettha kharabhāvasāmaññena pathavīpariyāyo, na anupaṭṭhānavidūradesavācī. Tenāha ‘‘pathavītalacārīna’’nti. Padānaṃ vuccamānattā ‘‘sapādakapāṇāna’’nti visesetvā vuttaṃ. Samodhānanti antogadhabhāvaṃ. Tenāha ‘‘odhānaṃ pakkhepa’’nti. ‘‘Upakkhepa’’ntipi paṭhanti, upanetvā pakkhipitabbanti attho. Vassikāya pupphaṃ vassikaṃ yathā ‘‘āmalakiyā phalaṃ āmalaka’’nti. Mahātalasminti uparipāsāde. Chaṭṭhaṃ uttānameva.
ಅಪ್ಪಮಾದಸುತ್ತಾದಿವಣ್ಣನಾ ನಿಟ್ಠಿತಾ।
Appamādasuttādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೫. ಅಪ್ಪಮಾದಸುತ್ತಂ • 5. Appamādasuttaṃ
೬. ಆಹುನೇಯ್ಯಸುತ್ತಂ • 6. Āhuneyyasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā)
೫. ಅಪ್ಪಮಾದಸುತ್ತವಣ್ಣನಾ • 5. Appamādasuttavaṇṇanā
೬. ಆಹುನೇಯ್ಯಸುತ್ತವಣ್ಣನಾ • 6. Āhuneyyasuttavaṇṇanā
