| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੫-੬. ਅਪ੍ਪਮਾਦਸੁਤ੍ਤਾਦਿવਣ੍ਣਨਾ
5-6. Appamādasuttādivaṇṇanā
੧੫-੧੬. ਪਞ੍ਚਮੇ ਕਾਰਾਪਕਅਪ੍ਪਮਾਦੋ ਨਾਮ ‘‘ਇਮੇ ਅਕੁਸਲਾ ਧਮ੍ਮਾ ਪਹਾਤਬ੍ਬਾ, ਇਮੇ ਕੁਸਲਾ ਧਮ੍ਮਾ ਉਪਸਮ੍ਪਾਦੇਤਬ੍ਬਾ’’ਤਿ ਤਂਤਂਪਰਿવਜ੍ਜੇਤਬ੍ਬવਜ੍ਜਨਸਮ੍ਪਾਦੇਤਬ੍ਬਸਮ੍ਪਾਦਨવਸੇਨ ਪવਤ੍ਤੋ ਅਪ੍ਪਮਾਦੋ। ਏਸਾਤਿ ਅਪ੍ਪਮਾਦੋ। ਲੋਕਿਯੋવ ਨ ਲੋਕੁਤ੍ਤਰੋ। ਅਯਞ੍ਚਾਤਿ ਚ ਏਸਾਤਿ ਚ ਅਪ੍ਪਮਾਦਮੇવ વਦਤਿ। ਤੇਸਨ੍ਤਿ ਚਾਤੁਭੂਮਕਧਮ੍ਮਾਨਂ। ਪਟਿਲਾਭਕਤ੍ਤੇਨਾਤਿ ਪਟਿਲਾਭਾਪਨਕਤ੍ਤੇਨ।
15-16. Pañcame kārāpakaappamādo nāma ‘‘ime akusalā dhammā pahātabbā, ime kusalā dhammā upasampādetabbā’’ti taṃtaṃparivajjetabbavajjanasampādetabbasampādanavasena pavatto appamādo. Esāti appamādo. Lokiyova na lokuttaro. Ayañcāti ca esāti ca appamādameva vadati. Tesanti cātubhūmakadhammānaṃ. Paṭilābhakattenāti paṭilābhāpanakattena.
ਜਙ੍ਗਲਾਨਨ੍ਤਿ ਜਙ੍ਗਲਚਾਰੀਨਂ। ਜਙ੍ਗਲ-ਸਦ੍ਦੋ ਚੇਤ੍ਥ ਖਰਭਾવਸਾਮਞ੍ਞੇਨ ਪਥવੀਪਰਿਯਾਯੋ, ਨ ਅਨੁਪਟ੍ਠਾਨવਿਦੂਰਦੇਸવਾਚੀ। ਤੇਨਾਹ ‘‘ਪਥવੀਤਲਚਾਰੀਨ’’ਨ੍ਤਿ। ਪਦਾਨਂ વੁਚ੍ਚਮਾਨਤ੍ਤਾ ‘‘ਸਪਾਦਕਪਾਣਾਨ’’ਨ੍ਤਿ વਿਸੇਸੇਤ੍વਾ વੁਤ੍ਤਂ। ਸਮੋਧਾਨਨ੍ਤਿ ਅਨ੍ਤੋਗਧਭਾવਂ। ਤੇਨਾਹ ‘‘ਓਧਾਨਂ ਪਕ੍ਖੇਪ’’ਨ੍ਤਿ। ‘‘ਉਪਕ੍ਖੇਪ’’ਨ੍ਤਿਪਿ ਪਠਨ੍ਤਿ, ਉਪਨੇਤ੍વਾ ਪਕ੍ਖਿਪਿਤਬ੍ਬਨ੍ਤਿ ਅਤ੍ਥੋ। વਸ੍ਸਿਕਾਯ ਪੁਪ੍ਫਂ વਸ੍ਸਿਕਂ ਯਥਾ ‘‘ਆਮਲਕਿਯਾ ਫਲਂ ਆਮਲਕ’’ਨ੍ਤਿ। ਮਹਾਤਲਸ੍ਮਿਨ੍ਤਿ ਉਪਰਿਪਾਸਾਦੇ। ਛਟ੍ਠਂ ਉਤ੍ਤਾਨਮੇવ।
Jaṅgalānanti jaṅgalacārīnaṃ. Jaṅgala-saddo cettha kharabhāvasāmaññena pathavīpariyāyo, na anupaṭṭhānavidūradesavācī. Tenāha ‘‘pathavītalacārīna’’nti. Padānaṃ vuccamānattā ‘‘sapādakapāṇāna’’nti visesetvā vuttaṃ. Samodhānanti antogadhabhāvaṃ. Tenāha ‘‘odhānaṃ pakkhepa’’nti. ‘‘Upakkhepa’’ntipi paṭhanti, upanetvā pakkhipitabbanti attho. Vassikāya pupphaṃ vassikaṃ yathā ‘‘āmalakiyā phalaṃ āmalaka’’nti. Mahātalasminti uparipāsāde. Chaṭṭhaṃ uttānameva.
ਅਪ੍ਪਮਾਦਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Appamādasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੫. ਅਪ੍ਪਮਾਦਸੁਤ੍ਤਂ • 5. Appamādasuttaṃ
੬. ਆਹੁਨੇਯ੍ਯਸੁਤ੍ਤਂ • 6. Āhuneyyasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੫. ਅਪ੍ਪਮਾਦਸੁਤ੍ਤવਣ੍ਣਨਾ • 5. Appamādasuttavaṇṇanā
੬. ਆਹੁਨੇਯ੍ਯਸੁਤ੍ਤવਣ੍ਣਨਾ • 6. Āhuneyyasuttavaṇṇanā
