| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೬. ಅಪ್ಪಮಾದಸುತ್ತಂ
6. Appamādasuttaṃ
೧೧೬. ‘‘ಚತೂಹಿ, ಭಿಕ್ಖವೇ, ಠಾನೇಹಿ ಅಪ್ಪಮಾದೋ ಕರಣೀಯೋ। ಕತಮೇಹಿ ಚತೂಹಿ? ಕಾಯದುಚ್ಚರಿತಂ, ಭಿಕ್ಖವೇ, ಪಜಹಥ, ಕಾಯಸುಚರಿತಂ ಭಾವೇಥ; ತತ್ಥ ಚ ಮಾ ಪಮಾದತ್ಥ। ವಚೀದುಚ್ಚರಿತಂ, ಭಿಕ್ಖವೇ, ಪಜಹಥ, ವಚೀಸುಚರಿತಂ ಭಾವೇಥ; ತತ್ಥ ಚ ಮಾ ಪಮಾದತ್ಥ। ಮನೋದುಚ್ಚರಿತಂ, ಭಿಕ್ಖವೇ, ಪಜಹಥ, ಮನೋಸುಚರಿತಂ ಭಾವೇಥ; ತತ್ಥ ಚ ಮಾ ಪಮಾದತ್ಥ। ಮಿಚ್ಛಾದಿಟ್ಠಿಂ, ಭಿಕ್ಖವೇ, ಪಜಹಥ, ಸಮ್ಮಾದಿಟ್ಠಿಂ ಭಾವೇಥ ; ತತ್ಥ ಚ ಮಾ ಪಮಾದತ್ಥ।
116. ‘‘Catūhi, bhikkhave, ṭhānehi appamādo karaṇīyo. Katamehi catūhi? Kāyaduccaritaṃ, bhikkhave, pajahatha, kāyasucaritaṃ bhāvetha; tattha ca mā pamādattha. Vacīduccaritaṃ, bhikkhave, pajahatha, vacīsucaritaṃ bhāvetha; tattha ca mā pamādattha. Manoduccaritaṃ, bhikkhave, pajahatha, manosucaritaṃ bhāvetha; tattha ca mā pamādattha. Micchādiṭṭhiṃ, bhikkhave, pajahatha, sammādiṭṭhiṃ bhāvetha ; tattha ca mā pamādattha.
‘‘ಯತೋ ಖೋ, ಭಿಕ್ಖವೇ, ಭಿಕ್ಖುನೋ ಕಾಯದುಚ್ಚರಿತಂ ಪಹೀನಂ ಹೋತಿ ಕಾಯಸುಚರಿತಂ ಭಾವಿತಂ, ವಚೀದುಚ್ಚರಿತಂ ಪಹೀನಂ ಹೋತಿ ವಚೀಸುಚರಿತಂ ಭಾವಿತಂ, ಮನೋದುಚ್ಚರಿತಂ ಪಹೀನಂ ಹೋತಿ ಮನೋಸುಚರಿತಂ ಭಾವಿತಂ, ಮಿಚ್ಛಾದಿಟ್ಠಿ ಪಹೀನಾ ಹೋತಿ ಸಮ್ಮಾದಿಟ್ಠಿ ಭಾವಿತಾ, ಸೋ ನ ಭಾಯತಿ ಸಮ್ಪರಾಯಿಕಸ್ಸ ಮರಣಸ್ಸಾ’’ತಿ। ಛಟ್ಠಂ।
‘‘Yato kho, bhikkhave, bhikkhuno kāyaduccaritaṃ pahīnaṃ hoti kāyasucaritaṃ bhāvitaṃ, vacīduccaritaṃ pahīnaṃ hoti vacīsucaritaṃ bhāvitaṃ, manoduccaritaṃ pahīnaṃ hoti manosucaritaṃ bhāvitaṃ, micchādiṭṭhi pahīnā hoti sammādiṭṭhi bhāvitā, so na bhāyati samparāyikassa maraṇassā’’ti. Chaṭṭhaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೬. ಅಪ್ಪಮಾದಸುತ್ತವಣ್ಣನಾ • 6. Appamādasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೭. ಕೇಸಿಸುತ್ತಾದಿವಣ್ಣನಾ • 1-7. Kesisuttādivaṇṇanā
