| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൩. അപ്പമേയ്യസുത്തവണ്ണനാ
3. Appameyyasuttavaṇṇanā
൧൧൬. തതിയേ സുഖേന മേതബ്ബോതി സുപ്പമേയ്യോ. ദുക്ഖേന മേതബ്ബോതി ദുപ്പമേയ്യോ. പമേതും ന സക്കോതീതി അപ്പമേയ്യോ. ഉന്നളോതി ഉഗ്ഗതനളോ, തുച്ഛമാനം ഉക്ഖിപിത്വാ ഠിതോതി അത്ഥോ. ചപലോതി പത്തമണ്ഡനാദിനാ ചാപല്ലേന സമന്നാഗതോ. മുഖരോതി മുഖഖരോ. വികിണ്ണവാചോതി അസഞ്ഞതവചനോ. അസമാഹിതോതി ചിത്തേകഗ്ഗതാരഹിതോ. വിബ്ഭന്തചിത്തോതി ഭന്തചിത്തോ ഭന്തഗാവിഭന്തമിഗസപ്പടിഭാഗോ. പാകതിന്ദ്രിയോതി വിവടിന്ദ്രിയോ. സേസമേത്ഥ ഉത്താനമേവാതി.
116. Tatiye sukhena metabboti suppameyyo. Dukkhena metabboti duppameyyo. Pametuṃ na sakkotīti appameyyo. Unnaḷoti uggatanaḷo, tucchamānaṃ ukkhipitvā ṭhitoti attho. Capaloti pattamaṇḍanādinā cāpallena samannāgato. Mukharoti mukhakharo. Vikiṇṇavācoti asaññatavacano. Asamāhitoti cittekaggatārahito. Vibbhantacittoti bhantacitto bhantagāvibhantamigasappaṭibhāgo. Pākatindriyoti vivaṭindriyo. Sesamettha uttānamevāti.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൩. അപ്പമേയ്യസുത്തം • 3. Appameyyasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൩. അപ്പമേയ്യസുത്തവണ്ണനാ • 3. Appameyyasuttavaṇṇanā
