| Library / Tipiṭaka / તિપિટક • Tipiṭaka / મહાવગ્ગપાળિ • Mahāvaggapāḷi |
૨૪૭. અપ્પટિકમ્મે ઉક્ખેપનીયકમ્મકથા
247. Appaṭikamme ukkhepanīyakammakathā
૪૧૬. ઇધ પન, ભિક્ખવે, ભિક્ખુ આપત્તિં આપજ્જિત્વા ન ઇચ્છતિ આપત્તિં પટિકાતું. તત્ર ચે ભિક્ખૂનં એવં હોતિ – ‘‘અયં ખો, આવુસો, ભિક્ખુ આપત્તિં આપજ્જિત્વા ન ઇચ્છતિ આપત્તિં પટિકાતું. હન્દસ્સ મયં આપત્તિયા અપ્પટિકમ્મે ઉક્ખેપનીયકમ્મં કરોમા’’તિ . તે તસ્સ આપત્તિયા અપ્પટિકમ્મે ઉક્ખેપનીયકમ્મં કરોન્તિ – અધમ્મેન વગ્ગા. સો તમ્હા આવાસા અઞ્ઞં આવાસં ગચ્છતિ. તત્થપિ ભિક્ખૂનં એવં હોતિ – ‘‘અયં ખો, આવુસો, ભિક્ખુ સઙ્ઘેન આપત્તિયા અપ્પટિકમ્મે ઉક્ખેપનીયકમ્મકતો અધમ્મેન વગ્ગેહિ. હન્દસ્સ મયં આપત્તિયા અપ્પટિકમ્મે ઉક્ખેપનીયકમ્મં કરોમા’’તિ. તે તસ્સ આપત્તિયા અપ્પટિકમ્મે ઉક્ખેપનીયકમ્મં કરોન્તિ – અધમ્મેન સમગ્ગા…પે॰… ધમ્મેન વગ્ગા… ધમ્મપતિરૂપકેન વગ્ગા… ધમ્મપતિરૂપકેન સમગ્ગા…પે॰….
416. Idha pana, bhikkhave, bhikkhu āpattiṃ āpajjitvā na icchati āpattiṃ paṭikātuṃ. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu āpattiṃ āpajjitvā na icchati āpattiṃ paṭikātuṃ. Handassa mayaṃ āpattiyā appaṭikamme ukkhepanīyakammaṃ karomā’’ti . Te tassa āpattiyā appaṭikamme ukkhepanīyakammaṃ karonti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena āpattiyā appaṭikamme ukkhepanīyakammakato adhammena vaggehi. Handassa mayaṃ āpattiyā appaṭikamme ukkhepanīyakammaṃ karomā’’ti. Te tassa āpattiyā appaṭikamme ukkhepanīyakammaṃ karonti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
ચક્કં કાતબ્બં.
Cakkaṃ kātabbaṃ.
અપ્પટિકમ્મે ઉક્ખેપનીયકમ્મકથા નિટ્ઠિતા.
Appaṭikamme ukkhepanīyakammakathā niṭṭhitā.
