| Library / Tipiṭaka / తిపిటక • Tipiṭaka / మహావగ్గపాళి • Mahāvaggapāḷi |
౫౨. అరహన్తఘాతకవత్థు
52. Arahantaghātakavatthu
౧౧౪. తేన ఖో పన సమయేన సమ్బహులా భిక్ఖూ సాకేతా సావత్థిం అద్ధానమగ్గప్పటిపన్నా హోన్తి. అన్తరామగ్గే చోరా నిక్ఖమిత్వా ఏకచ్చే భిక్ఖూ అచ్ఛిన్దింసు, ఏకచ్చే భిక్ఖూ హనింసు. సావత్థియా రాజభటా నిక్ఖమిత్వా ఏకచ్చే చోరే అగ్గహేసుం, ఏకచ్చే చోరా పలాయింసు. యే తే పలాయింసు తే భిక్ఖూసు పబ్బజింసు, యే తే గహితా తే వధాయ ఓనియ్యన్తి . అద్దసంసు ఖో తే పలాయిత్వా పబ్బజితా తే చోరే వధాయ ఓనియ్యమానే, దిస్వాన ఏవమాహంసు – ‘‘సాధు ఖో మయం పలాయిమ్హా, సచా చ 1 మయం గయ్హేయ్యామ 2, మయమ్పి ఏవమేవ హఞ్ఞేయ్యామా’’తి . భిక్ఖూ ఏవమాహంసు – ‘‘కిం పన తుమ్హే, ఆవుసో, అకత్థా’’తి? అథ ఖో తే పబ్బజితా భిక్ఖూనం ఏతమత్థం ఆరోచేసుం. భిక్ఖూ భగవతో ఏతమత్థం ఆరోచేసుం. అరహన్తో ఏతే, భిక్ఖవే, భిక్ఖూ. అరహన్తఘాతకో, భిక్ఖవే, అనుపసమ్పన్నో న ఉపసమ్పాదేతబ్బో, ఉపసమ్పన్నో నాసేతబ్బోతి.
114. Tena kho pana samayena sambahulā bhikkhū sāketā sāvatthiṃ addhānamaggappaṭipannā honti. Antarāmagge corā nikkhamitvā ekacce bhikkhū acchindiṃsu, ekacce bhikkhū haniṃsu. Sāvatthiyā rājabhaṭā nikkhamitvā ekacce core aggahesuṃ, ekacce corā palāyiṃsu. Ye te palāyiṃsu te bhikkhūsu pabbajiṃsu, ye te gahitā te vadhāya oniyyanti . Addasaṃsu kho te palāyitvā pabbajitā te core vadhāya oniyyamāne, disvāna evamāhaṃsu – ‘‘sādhu kho mayaṃ palāyimhā, sacā ca 3 mayaṃ gayheyyāma 4, mayampi evameva haññeyyāmā’’ti . Bhikkhū evamāhaṃsu – ‘‘kiṃ pana tumhe, āvuso, akatthā’’ti? Atha kho te pabbajitā bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ. Arahanto ete, bhikkhave, bhikkhū. Arahantaghātako, bhikkhave, anupasampanno na upasampādetabbo, upasampanno nāsetabboti.
Footnotes:
Related texts:
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావగ్గ-అట్ఠకథా • Mahāvagga-aṭṭhakathā / మాతుఘాతకాదివత్థుకథా • Mātughātakādivatthukathā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / మాతుఘాతకాదివత్థుకథావణ్ణనా • Mātughātakādivatthukathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / మాతుఘాతకాదికథావణ్ణనా • Mātughātakādikathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౫౦. మాతుఘాతకాదివత్థుకథా • 50. Mātughātakādivatthukathā
