| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. араханд̇асуд̇д̇ам̣
4. Arahantasuttaṃ
76. саавад̇т̇инид̣̇аанам̣. ‘‘руубам̣, бхигкавз, анижжам̣. яад̣̇анижжам̣ д̇ам̣ д̣̇угкам̣; яам̣ д̣̇угкам̣ д̇ад̣̇анад̇д̇аа; яад̣̇анад̇д̇аа д̇ам̣ ‘нзд̇ам̣ мама , нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. взд̣̇анаа… сан̃н̃аа… сан̇каараа… вин̃н̃аан̣ам̣ анижжам̣. яад̣̇анижжам̣ д̇ам̣ д̣̇угкам̣; яам̣ д̣̇угкам̣ д̇ад̣̇анад̇д̇аа; яад̣̇анад̇д̇аа д̇ам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣’’.
76. Sāvatthinidānaṃ. ‘‘Rūpaṃ, bhikkhave, aniccaṃ. Yadaniccaṃ taṃ dukkhaṃ; yaṃ dukkhaṃ tadanattā; yadanattā taṃ ‘netaṃ mama , nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Vedanā… saññā… saṅkhārā… viññāṇaṃ aniccaṃ. Yadaniccaṃ taṃ dukkhaṃ; yaṃ dukkhaṃ tadanattā; yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ’’.
‘‘звам̣ бассам̣, бхигкавз, суд̇аваа арияасааваго руубасмимби ниб̣б̣инд̣̇ад̇и, взд̣̇анааяаби… сан̃н̃ааяаби… сан̇каарзсуби… вин̃н̃аан̣асмимби ниб̣б̣инд̣̇ад̇и. ниб̣б̣инд̣̇ам̣ вираж̇ж̇ад̇и; вирааг̇аа вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. яаавад̇аа, бхигкавз, сад̇д̇ааваасаа, яаавад̇аа бхаваг̇г̇ам̣, зд̇з аг̇г̇аа, зд̇з сздтаа логасмим̣ яад̣̇ид̣̇ам̣ араханд̇о’’д̇и.
‘‘Evaṃ passaṃ, bhikkhave, sutavā ariyasāvako rūpasmimpi nibbindati, vedanāyapi… saññāyapi… saṅkhāresupi… viññāṇasmimpi nibbindati. Nibbindaṃ virajjati; virāgā vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Yāvatā, bhikkhave, sattāvāsā, yāvatā bhavaggaṃ, ete aggā, ete seṭṭhā lokasmiṃ yadidaṃ arahanto’’ti.
ид̣̇амавожа бхаг̇аваа. ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –
Idamavoca bhagavā. Idaṃ vatvāna sugato athāparaṃ etadavoca satthā –
‘‘сукино вад̇а араханд̇о, д̇ан̣хаа д̇зсам̣ на виж̇ж̇ад̇и;
‘‘Sukhino vata arahanto, taṇhā tesaṃ na vijjati;
асмимаано самужчинно, мохаж̇аалам̣ бад̣̇аалид̇ам̣.
Asmimāno samucchinno, mohajālaṃ padālitaṃ.
‘‘анзж̇ам̣ д̇з ануббад̇д̇аа, жид̇д̇ам̣ д̇зсам̣ анаавилам̣;
‘‘Anejaṃ te anuppattā, cittaṃ tesaṃ anāvilaṃ;
логз анубалид̇д̇аа д̇з, б̣рахмабхууд̇аа анаасаваа.
Loke anupalittā te, brahmabhūtā anāsavā.
‘‘бан̃жагканд̇хз барин̃н̃ааяа, сад̇д̇а сад̣̇д̇хаммаг̇ожараа;
‘‘Pañcakkhandhe pariññāya, satta saddhammagocarā;
басам̣сияаа саббурисаа, буд̇д̇аа б̣уд̣̇д̇хасса орасаа.
Pasaṃsiyā sappurisā, puttā buddhassa orasā.
‘‘сад̇д̇арад̇анасамбаннаа, д̇ийсу сигкаасу сигкид̇аа;
‘‘Sattaratanasampannā, tīsu sikkhāsu sikkhitā;
анувижаранд̇и махаавийраа, бахийнабхаяабхзраваа.
Anuvicaranti mahāvīrā, pahīnabhayabheravā.
‘‘д̣̇асахан̇г̇зхи самбаннаа, махаанааг̇аа самаахид̇аа;
‘‘Dasahaṅgehi sampannā, mahānāgā samāhitā;
зд̇з ко сздтаа логасмим̣, д̇ан̣хаа д̇зсам̣ на виж̇ж̇ад̇и.
Ete kho seṭṭhā lokasmiṃ, taṇhā tesaṃ na vijjati.
яо сааро б̣рахмажарияасса, д̇асмим̣ абарабажжаяаа.
Yo sāro brahmacariyassa, tasmiṃ aparapaccayā.
‘‘вид̇хаасу на вигамбанд̇и, виббамуд̇д̇аа бунаб̣бхаваа;
‘‘Vidhāsu na vikampanti, vippamuttā punabbhavā;
д̣̇анд̇абхуумимануббад̇д̇аа, д̇з логз виж̇ид̇аавино.
Dantabhūmimanuppattā, te loke vijitāvino.
‘‘уд̣̇д̇хам̣ д̇ирияам̣ абаажийнам̣, нанд̣̇ий д̇зсам̣ на виж̇ж̇ад̇и;
‘‘Uddhaṃ tiriyaṃ apācīnaṃ, nandī tesaṃ na vijjati;
над̣̇анд̇и д̇з сийханаад̣̇ам̣, б̣уд̣̇д̇хаа логз ануд̇д̇араа’’д̇и. жад̇уд̇т̇ам̣;
Nadanti te sīhanādaṃ, buddhā loke anuttarā’’ti. catutthaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. араханд̇асуд̇д̇аван̣н̣анаа • 4. Arahantasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. араханд̇асуд̇д̇аван̣н̣анаа • 4. Arahantasuttavaṇṇanā
