| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. араханд̇асуд̇д̇ам̣
4. Arahantasuttaṃ
1094. саавад̇т̇инид̣̇аанам̣. яз хи гзжи, бхигкавз, ад̇ийд̇амад̣̇д̇хаанам̣ араханд̇о саммаасамб̣уд̣̇д̇хаа яат̇аабхууд̇ам̣ абхисамб̣уж̇жхим̣су, саб̣б̣з д̇з жад̇д̇аари арияасажжаани яат̇аабхууд̇ам̣ абхисамб̣уж̇жхим̣су. яз хи 1 гзжи, бхигкавз, анааг̇ад̇амад̣̇д̇хаанам̣ араханд̇о саммаасамб̣уд̣̇д̇хаа яат̇аабхууд̇ам̣ абхисамб̣уж̇жхиссанд̇и, саб̣б̣з д̇з жад̇д̇аари арияасажжаани яат̇аабхууд̇ам̣ абхисамб̣уж̇жхиссанд̇и. яз хи гзжи, бхигкавз, зд̇арахи араханд̇о саммаасамб̣уд̣̇д̇хаа яат̇аабхууд̇ам̣ абхисамб̣уж̇жханд̇и, саб̣б̣з д̇з жад̇д̇аари арияасажжаани яат̇аабхууд̇ам̣ абхисамб̣уж̇жханд̇и.
1094. Sāvatthinidānaṃ. Ye hi keci, bhikkhave, atītamaddhānaṃ arahanto sammāsambuddhā yathābhūtaṃ abhisambujjhiṃsu, sabbe te cattāri ariyasaccāni yathābhūtaṃ abhisambujjhiṃsu. Ye hi 2 keci, bhikkhave, anāgatamaddhānaṃ arahanto sammāsambuddhā yathābhūtaṃ abhisambujjhissanti, sabbe te cattāri ariyasaccāni yathābhūtaṃ abhisambujjhissanti. Ye hi keci, bhikkhave, etarahi arahanto sammāsambuddhā yathābhūtaṃ abhisambujjhanti, sabbe te cattāri ariyasaccāni yathābhūtaṃ abhisambujjhanti.
‘‘гад̇амаани жад̇д̇аари? д̣̇угкам̣ арияасажжам̣, д̣̇угкасамуд̣̇аяам̣ арияасажжам̣, д̣̇угканирод̇хам̣ арияасажжам̣, д̣̇угканирод̇хаг̇ааминий бадибад̣̇аа арияасажжам̣. яз хи, гзжи, бхигкавз, ад̇ийд̇амад̣̇д̇хаанам̣ араханд̇о саммаасамб̣уд̣̇д̇хаа яат̇аабхууд̇ам̣ абхисамб̣уж̇жхим̣су…бз… абхисамб̣уж̇жхиссанд̇и…бз… абхисамб̣уж̇жханд̇и, саб̣б̣з д̇з имаани жад̇д̇аари арияасажжаани яат̇аабхууд̇ам̣ абхисамб̣уж̇жханд̇и.
‘‘Katamāni cattāri? Dukkhaṃ ariyasaccaṃ, dukkhasamudayaṃ ariyasaccaṃ, dukkhanirodhaṃ ariyasaccaṃ, dukkhanirodhagāminī paṭipadā ariyasaccaṃ. Ye hi, keci, bhikkhave, atītamaddhānaṃ arahanto sammāsambuddhā yathābhūtaṃ abhisambujjhiṃsu…pe… abhisambujjhissanti…pe… abhisambujjhanti, sabbe te imāni cattāri ariyasaccāni yathābhūtaṃ abhisambujjhanti.
‘‘д̇асмаад̇иха, бхигкавз, ‘ид̣̇ам̣ д̣̇угка’нд̇и яог̇о гаран̣ийяо…бз… ‘аяам̣ д̣̇угканирод̇хаг̇ааминий бадибад̣̇аа’д̇и яог̇о гаран̣ийяо’’д̇и. жад̇уд̇т̇ам̣.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Catutthaṃ.
Footnotes:
