| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[169] 9. арагаж̇аад̇агаван̣н̣анаа
[169] 9. Arakajātakavaṇṇanā
яо вз мзд̇д̇зна жид̇д̇знаад̇и ид̣̇ам̣ сад̇т̇аа ж̇зд̇аванз вихаранд̇о мзд̇д̇асуд̇д̇ам̣ аараб̣бха гат̇зси. згасмин̃хи самаяз сад̇т̇аа бхигкуу ааманд̇зси – ‘‘мзд̇д̇ааяа, бхигкавз, жзд̇овимуд̇д̇ияаа аасзвид̇ааяа бхаавид̇ааяа б̣ахулийгад̇ааяа яаанийгад̇ааяа вад̇т̇угад̇ааяа анудтид̇ааяа барижид̇ааяа сусамаарад̣̇д̇хааяа згаад̣̇асаанисам̣саа баадиган̇каа. гад̇амз згаад̣̇аса? сукам̣ субад̇и, сукам̣ бадиб̣уж̇жхад̇и, на баабагам̣ субинам̣ бассад̇и, мануссаанам̣ бияо ход̇и, амануссаанам̣ бияо ход̇и, д̣̇звад̇аа рагканд̇и, наасса аг̇г̇и ваа висам̣ ваа сад̇т̇ам̣ ваа гамад̇и, д̇увадам̣ жид̇д̇ам̣ самаад̇хияад̇и, мукаван̣н̣о виббасийд̣̇ад̇и, асаммуул̣хо гаалам̣ гарод̇и, уд̇д̇ари аббадивиж̇жханд̇о б̣рахмалогуубаг̇о ход̇и. мзд̇д̇ааяа, бхигкавз, жзд̇овимуд̇д̇ияаа аасзвид̇ааяа…бз… сусамаарад̣̇д̇хааяа имз згаад̣̇асаанисам̣саа баадиган̇каа’’д̇и (а. ни. 11.15). имз згаад̣̇асаанисам̣сз г̇ахзд̇ваа тид̇ам̣ мзд̇д̇аабхааванам̣ ван̣н̣зд̇ваа ‘‘бхигкавз, бхигкунаа наама саб̣б̣асад̇д̇зсу од̣̇иссагаанод̣̇иссагавасзна мзд̇д̇аа бхаавзд̇аб̣б̣аа, хид̇оби хид̇зна парид̇аб̣б̣о, ахид̇оби хид̇зна парид̇аб̣б̣о, маж̇жхад̇д̇оби хид̇зна парид̇аб̣б̣о. звам̣ саб̣б̣асад̇д̇зсу од̣̇иссагаанод̣̇иссагавасзна мзд̇д̇аа бхаавзд̇аб̣б̣аа, гарун̣аа муд̣̇ид̇аа убзгкаа бхаавзд̇аб̣б̣аа, жад̇уусу б̣рахмавихаарзсу гаммам̣ гаад̇аб̣б̣амзва. звам̣ гаронд̇о хи маг̇г̇ам̣ ваа палам̣ ваа алабханд̇оби б̣рахмалогабарааяан̣о ахоси, бораан̣агабан̣д̣ид̇ааби сад̇д̇а вассаани мзд̇д̇ам̣ бхаавзд̇ваа сад̇д̇а сам̣ваддавиваддагаббз б̣рахмалогасмим̣язва васим̣суу’’д̇и вад̇ваа ад̇ийд̇ам̣ аахари.
Yove mettena cittenāti idaṃ satthā jetavane viharanto mettasuttaṃ ārabbha kathesi. Ekasmiñhi samaye satthā bhikkhū āmantesi – ‘‘mettāya, bhikkhave, cetovimuttiyā āsevitāya bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya ekādasānisaṃsā pāṭikaṅkhā. Katame ekādasa? Sukhaṃ supati, sukhaṃ paṭibujjhati, na pāpakaṃ supinaṃ passati, manussānaṃ piyo hoti, amanussānaṃ piyo hoti, devatā rakkhanti, nāssa aggi vā visaṃ vā satthaṃ vā kamati, tuvaṭaṃ cittaṃ samādhiyati, mukhavaṇṇo vippasīdati, asammūḷho kālaṃ karoti, uttari appaṭivijjhanto brahmalokūpago hoti. Mettāya, bhikkhave, cetovimuttiyā āsevitāya…pe… susamāraddhāya ime ekādasānisaṃsā pāṭikaṅkhā’’ti (a. ni. 11.15). Ime ekādasānisaṃse gahetvā ṭhitaṃ mettābhāvanaṃ vaṇṇetvā ‘‘bhikkhave, bhikkhunā nāma sabbasattesu odissakānodissakavasena mettā bhāvetabbā, hitopi hitena pharitabbo, ahitopi hitena pharitabbo, majjhattopi hitena pharitabbo. Evaṃ sabbasattesu odissakānodissakavasena mettā bhāvetabbā, karuṇā muditā upekkhā bhāvetabbā, catūsu brahmavihāresu kammaṃ kātabbameva. Evaṃ karonto hi maggaṃ vā phalaṃ vā alabhantopi brahmalokaparāyaṇo ahosi, porāṇakapaṇḍitāpi satta vassāni mettaṃ bhāvetvā satta saṃvaṭṭavivaṭṭakappe brahmalokasmiṃyeva vasiṃsū’’ti vatvā atītaṃ āhari.
ад̇ийд̇з згасмим̣ габбз б̣од̇хисад̇д̇о б̣раахман̣агулз ниб̣б̣ад̇д̇ид̇ваа ваяаббад̇д̇о гаамз бахааяа исибаб̣б̣аж̇ж̇ам̣ баб̣б̣аж̇ид̇ваа жад̇уннам̣ б̣рахмавихаараанам̣ лаабхий араго наама сад̇т̇аа худ̇ваа химаванд̇абад̣̇зсз ваасам̣ габбзси, д̇асса махаа баривааро ахоси. со исиг̇ан̣ам̣ овад̣̇анд̇о ‘‘баб̣б̣аж̇ид̇зна наама мзд̇д̇аа бхаавзд̇аб̣б̣аа, гарун̣аа муд̣̇ид̇аа убзгкаа бхаавзд̇аб̣б̣аа. мзд̇д̇ажид̇д̇ан̃хи наамзд̇ам̣ аббанааббад̇д̇ам̣ б̣рахмалогабарааяан̣ад̇ам̣ саад̇хзд̇ий’’д̇и мзд̇д̇ааяа аанисам̣сам̣ багаасзнд̇о имаа г̇аат̇аа ааха –
Atīte ekasmiṃ kappe bodhisatto brāhmaṇakule nibbattitvā vayappatto kāme pahāya isipabbajjaṃ pabbajitvā catunnaṃ brahmavihārānaṃ lābhī arako nāma satthā hutvā himavantapadese vāsaṃ kappesi, tassa mahā parivāro ahosi. So isigaṇaṃ ovadanto ‘‘pabbajitena nāma mettā bhāvetabbā, karuṇā muditā upekkhā bhāvetabbā. Mettacittañhi nāmetaṃ appanāppattaṃ brahmalokaparāyaṇataṃ sādhetī’’ti mettāya ānisaṃsaṃ pakāsento imā gāthā āha –
37.
37.
‘‘яо вз мзд̇д̇зна жид̇д̇зна, саб̣б̣алогаанугамбад̇и;
‘‘Yo ve mettena cittena, sabbalokānukampati;
уд̣̇д̇хам̣ ад̇хо жа д̇ирияам̣, аббамаан̣зна саб̣б̣асо.
Uddhaṃ adho ca tiriyaṃ, appamāṇena sabbaso.
38.
38.
‘‘аббамаан̣ам̣ хид̇ам̣ жид̇д̇ам̣, барибун̣н̣ам̣ субхаавид̇ам̣;
‘‘Appamāṇaṃ hitaṃ cittaṃ, paripuṇṇaṃ subhāvitaṃ;
яам̣ бамаан̣агад̇ам̣ гаммам̣, на д̇ам̣ д̇ад̇раавасиссад̇ий’’д̇и.
Yaṃ pamāṇakataṃ kammaṃ, na taṃ tatrāvasissatī’’ti.
д̇ад̇т̇а яо вз мзд̇д̇зна жид̇д̇зна, саб̣б̣алогаанугамбад̇ийд̇и кад̇д̇ияаад̣̇ийсу ваа саман̣аб̣раахман̣зсу ваа яо гожи аббамаан̣зна мзд̇д̇зна жид̇д̇зна сагалам̣ сад̇д̇алогам̣ анугамбад̇и. уд̣̇д̇ханд̇и бат̇авид̇о яаава нзвасан̃н̃аанаасан̃н̃ааяад̇анаб̣рахмалогаа. ад̇ход̇и бат̇авияаа хздтаа уссад̣̇з махаанираяз. д̇ирияанд̇и мануссалогз, яад̇д̇агаани жаггаваал̣аани жа д̇зсу саб̣б̣зсу зд̇д̇агз таанз ниб̣б̣ад̇д̇аа саб̣б̣з сад̇д̇аа авзраа хонд̇у, аб̣яаабаж̇жхаа анийгхаа, сукий ад̇д̇аанам̣ барихаранд̇ууд̇и звам̣ бхаавид̇зна мзд̇д̇зна жид̇д̇знаад̇и ад̇т̇о. аббамаан̣знаад̇и аббамаан̣асад̇д̇аанам̣ аббамаан̣аарамман̣ад̇д̇аа аббамаан̣зна. саб̣б̣асод̇и саб̣б̣аагаарзна, уд̣̇д̇хам̣ ад̇хо д̇ирияанд̇и звам̣ саб̣б̣асуг̇ад̇ид̣̇уг̇г̇ад̇ивасзнаад̇и ад̇т̇о.
Tattha yo ve mettena cittena, sabbalokānukampatīti khattiyādīsu vā samaṇabrāhmaṇesu vā yo koci appamāṇena mettena cittena sakalaṃ sattalokaṃ anukampati. Uddhanti pathavito yāva nevasaññānāsaññāyatanabrahmalokā. Adhoti pathaviyā heṭṭhā ussade mahāniraye. Tiriyanti manussaloke, yattakāni cakkavāḷāni ca tesu sabbesu ettake ṭhāne nibbattā sabbe sattā averā hontu, abyāpajjhā anīghā, sukhī attānaṃ pariharantūti evaṃ bhāvitena mettena cittenāti attho. Appamāṇenāti appamāṇasattānaṃ appamāṇārammaṇattā appamāṇena. Sabbasoti sabbākārena, uddhaṃ adho tiriyanti evaṃ sabbasugatiduggativasenāti attho.
аббамаан̣ам̣ хид̇ам̣ жид̇д̇анд̇и аббамаан̣ам̣ гад̇ваа бхаавид̇ам̣ саб̣б̣асад̇д̇зсу хид̇ажид̇д̇ам̣. барибун̣н̣анд̇и авигалам̣. субхаавид̇анд̇и сувад̣дхид̇ам̣, аббанаажид̇д̇ассзд̇ам̣ наамам̣. яам̣ бамаан̣агад̇ам̣ гамманд̇и яам̣ ‘‘аббамаан̣ам̣ аббамаан̣аарамман̣а’’нд̇и звам̣ аарамман̣ад̇д̇игавасзна жа васийбхааваббад̇д̇ивасзна жа авад̣дхид̇ваа гад̇ам̣ барид̇д̇ам̣ гаамааважарагаммам̣. на д̇ам̣ д̇ад̇раавасиссад̇ийд̇и д̇ам̣ барид̇д̇ам̣ гаммам̣ яам̣ д̇ам̣ ‘‘аббамаан̣ам̣ хид̇ам̣ жид̇д̇а’’нд̇и сан̇каг̇ад̇ам̣ руубааважарагаммам̣, д̇ад̇ра на авасиссад̇и. яат̇аа наама махогхзна аж̇жход̇т̇адам̣ барид̇д̇од̣̇агам̣ огхасса аб̣бханд̇арз д̇зна асам̣хийрамаанам̣ наавасиссад̇и на д̇идтад̇и, ат̇а ко махогхова д̇ам̣ аж̇жход̇т̇арид̇ваа д̇идтад̇и, звамзва д̇ам̣ барид̇д̇агаммам̣ д̇асса махаг̇г̇ад̇агаммасса аб̣бханд̇арз д̇зна махаг̇г̇ад̇агаммзна ажчинд̣̇ид̇ваа аг̇г̇ахид̇авибаагогаасам̣ худ̇ваа на авасиссад̇и на д̇идтад̇и, на саггод̇и ад̇д̇ано вибаагам̣ д̣̇аад̇ум̣, ат̇а ко махаг̇г̇ад̇агаммамзва д̇ам̣ аж̇жход̇т̇арид̇ваа д̇идтад̇и вибаагам̣ д̣̇зд̇ийд̇и.
Appamāṇaṃ hitaṃ cittanti appamāṇaṃ katvā bhāvitaṃ sabbasattesu hitacittaṃ. Paripuṇṇanti avikalaṃ. Subhāvitanti suvaḍḍhitaṃ, appanācittassetaṃ nāmaṃ. Yaṃ pamāṇakataṃ kammanti yaṃ ‘‘appamāṇaṃ appamāṇārammaṇa’’nti evaṃ ārammaṇattikavasena ca vasībhāvappattivasena ca avaḍḍhitvā kataṃ parittaṃ kāmāvacarakammaṃ. Na taṃ tatrāvasissatīti taṃ parittaṃ kammaṃ yaṃ taṃ ‘‘appamāṇaṃ hitaṃ citta’’nti saṅkhagataṃ rūpāvacarakammaṃ, tatra na avasissati. Yathā nāma mahoghena ajjhotthaṭaṃ parittodakaṃ oghassa abbhantare tena asaṃhīramānaṃ nāvasissati na tiṭṭhati, atha kho mahoghova taṃ ajjhottharitvā tiṭṭhati, evameva taṃ parittakammaṃ tassa mahaggatakammassa abbhantare tena mahaggatakammena acchinditvā aggahitavipākokāsaṃ hutvā na avasissati na tiṭṭhati, na sakkoti attano vipākaṃ dātuṃ, atha kho mahaggatakammameva taṃ ajjhottharitvā tiṭṭhati vipākaṃ detīti.
звам̣ б̣од̇хисад̇д̇о анд̇зваасигаанам̣ мзд̇д̇аабхааванааяа аанисам̣сам̣ гат̇зд̇ваа абарихийнаж̇жхаано б̣рахмалогз ниб̣б̣ад̇д̇ид̇ваа сад̇д̇а сам̣ваддавиваддагаббз на имам̣ логам̣ буна аг̇амааси.
Evaṃ bodhisatto antevāsikānaṃ mettābhāvanāya ānisaṃsaṃ kathetvā aparihīnajjhāno brahmaloke nibbattitvā satta saṃvaṭṭavivaṭṭakappe na imaṃ lokaṃ puna agamāsi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа исиг̇ан̣о б̣уд̣̇д̇хабарисаа ахоси, араго бана сад̇т̇аа ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā isigaṇo buddhaparisā ahosi, arako pana satthā ahameva ahosi’’nti.
арагаж̇аад̇агаван̣н̣анаа навамаа.
Arakajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 169. арагаж̇аад̇агам̣ • 169. Arakajātakaṃ
