| Library / Tipiṭaka / ತಿಪಿಟಕ • Tipiṭaka / ಅಪದಾನ-ಅಟ್ಠಕಥಾ • Apadāna-aṭṭhakathā |
೩೨. ಆರಕ್ಖದಾಯಕವಗ್ಗೋ
32. Ārakkhadāyakavaggo
೧-೧೦. ಆರಕ್ಖದಾಯಕತ್ಥೇರಅಪದಾನಾದಿವಣ್ಣನಾ
1-10. Ārakkhadāyakattheraapadānādivaṇṇanā
ಬಾತ್ತಿಂಸತಿಮವಗ್ಗೇ ಪಠಮದುತಿಯತತಿಯಾಪದಾನಾನಿ ಸುವಿಞ್ಞೇಯ್ಯಾನೇವ।
Bāttiṃsatimavagge paṭhamadutiyatatiyāpadānāni suviññeyyāneva.
೧೬. ಚತುತ್ಥಾಪದಾನೇ ಜಲಜಗ್ಗೇಹಿ ಓಕಿರಿನ್ತಿ ಜಲಜೇಹಿ ಉತ್ತಮೇಹಿ ಉಪ್ಪಲಪದುಮಾದೀಹಿ ಪುಪ್ಫೇಹಿ ಓಕಿರಿಂ ಪೂಜೇಸಿನ್ತಿ ಅತ್ಥೋ।
16. Catutthāpadāne jalajaggehi okirinti jalajehi uttamehi uppalapadumādīhi pupphehi okiriṃ pūjesinti attho.
ಪಞ್ಚಮಾಪದಾನಂ ಉತ್ತಾನಮೇವ।
Pañcamāpadānaṃ uttānameva.
೨೬-೨೭. ಛಟ್ಠಾಪದಾನೇ ಚೇತಿಯಂ ಉತ್ತಮಂ ನಾಮ, ಸಿಖಿನೋ ಲೋಕಬನ್ಧುನೋತಿ ಸಕಲಲೋಕತ್ತಯಸ್ಸ ಬನ್ಧುನೋ ಞಾತಕಸ್ಸ ಸಿಖಿಸ್ಸ ಭಗವತೋ ಉತ್ತಮಂ ಚೇತಿಯಂ। ಇರೀಣೇ ಜನಸಞ್ಚರವಿರಹಿತೇ ವನೇ ಮನುಸ್ಸಾನಂ ಕೋಲಾಹಲವಿರಹಿತೇ ಮಹಾಅರಞ್ಞೇ ಅಹೋಸೀತಿ ಸಮ್ಬನ್ಧೋ। ಅನ್ಧಾಹಿಣ್ಡಾಮಹಂ ತದಾತಿ ತಸ್ಮಿಂ ಕಾಲೇ ವನೇ ಮಗ್ಗಮೂಳ್ಹಭಾವೇನ ಅನ್ಧೋ, ನ ಚಕ್ಖುನಾ ಅನ್ಧೋ, ಅಹಂ ಆಹಿಣ್ಡಾಮಿ ಮಗ್ಗಂ ಪರಿಯೇಸಾಮೀತಿ ಅತ್ಥೋ। ಪವನಾ ನಿಕ್ಖಮನ್ತೇನಾತಿ ಮಹಾವನತೋ ನಿಕ್ಖಮನ್ತೇನ ಮಯಾ ಸೀಹಾಸನಂ ಉತ್ತಮಾಸನಂ, ಸೀಹಸ್ಸ ವಾ ಭಗವತೋ ಆಸನಂ ದಿಟ್ಠನ್ತಿ ಅತ್ಥೋ। ಏಕಂಸಂ ಅಞ್ಜಲಿಂ ಕತ್ವಾತಿ ಏಕಂಸಂ ಉತ್ತರಾಸಙ್ಗಂ ಕತ್ವಾ ಸಿರಸಿ ಅಞ್ಜಲಿಂ ಠಪೇತ್ವಾತಿ ಅತ್ಥೋ। ಸನ್ಥವಿಂ ಲೋಕನಾಯಕನ್ತಿ ಸಕಲಲೋಕತ್ತಯನಯಂ ತಂ ನಿಬ್ಬಾನಂ ಪಾಪೇನ್ತಂ ಥೋಮಿತಂ ಥುತಿಂ ಅಕಾಸಿನ್ತಿ ಅತ್ಥೋ।
26-27. Chaṭṭhāpadāne cetiyaṃ uttamaṃ nāma, sikhino lokabandhunoti sakalalokattayassa bandhuno ñātakassa sikhissa bhagavato uttamaṃ cetiyaṃ. Irīṇe janasañcaravirahite vane manussānaṃ kolāhalavirahite mahāaraññe ahosīti sambandho. Andhāhiṇḍāmahaṃ tadāti tasmiṃ kāle vane maggamūḷhabhāvena andho, na cakkhunā andho, ahaṃ āhiṇḍāmi maggaṃ pariyesāmīti attho. Pavanā nikkhamantenāti mahāvanato nikkhamantena mayā sīhāsanaṃ uttamāsanaṃ, sīhassa vā bhagavato āsanaṃ diṭṭhanti attho. Ekaṃsaṃ añjaliṃ katvāti ekaṃsaṃ uttarāsaṅgaṃ katvā sirasi añjaliṃ ṭhapetvāti attho. Santhaviṃ lokanāyakanti sakalalokattayanayaṃ taṃ nibbānaṃ pāpentaṃ thomitaṃ thutiṃ akāsinti attho.
೩೪. ಸತ್ತಮಾಪದಾನೇ ಸುದಸ್ಸನೋ ಮಹಾವೀರೋತಿ ಸುನ್ದರದಸ್ಸನೋ ದ್ವತ್ತಿಂಸಮಹಾಪುರಿಸಲಕ್ಖಣಸಮ್ಪನ್ನಸರೀರತ್ತಾ ಮನೋಹರದಸ್ಸನೋ ಮಹಾವೀರಿಯೋ ಸಿದ್ಧತ್ಥೋ ಭಗವಾತಿ ಸಮ್ಬನ್ಧೋ। ವಸತಿಘರಮುತ್ತಮೇತಿ ಉತ್ತಮೇ ವಿಹಾರೇ ವಸತೀತಿ ಅತ್ಥೋ।
34. Sattamāpadāne sudassano mahāvīroti sundaradassano dvattiṃsamahāpurisalakkhaṇasampannasarīrattā manoharadassano mahāvīriyo siddhattho bhagavāti sambandho. Vasatigharamuttameti uttame vihāre vasatīti attho.
ಅಟ್ಠಮನವಮದಸಮಾಪದಾನಾನಿ ಉತ್ತಾನಾನೇವಾತಿ।
Aṭṭhamanavamadasamāpadānāni uttānānevāti.
ಬಾತ್ತಿಂಸತಿಮವಗ್ಗವಣ್ಣನಾ ಸಮತ್ತಾ।
Bāttiṃsatimavaggavaṇṇanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಅಪದಾನಪಾಳಿ • Apadānapāḷi
೪. ಸತ್ತಪದುಮಿಯತ್ಥೇರಅಪದಾನಂ • 4. Sattapadumiyattheraapadānaṃ
೬. ಆಸನಸನ್ಥವಿಕತ್ಥೇರಅಪದಾನಂ • 6. Āsanasanthavikattheraapadānaṃ
೭. ಸದ್ದಸಞ್ಞಕತ್ಥೇರಅಪದಾನಂ • 7. Saddasaññakattheraapadānaṃ
