| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૭. આરક્ખસુત્તં
7. Ārakkhasuttaṃ
૧૧૭. ‘‘ચતૂસુ, ભિક્ખવે, ઠાનેસુ અત્તરૂપેન અપ્પમાદો સતિ ચેતસો આરક્ખો કરણીયો. કતમેસુ ચતૂસુ? ‘મા મે રજનીયેસુ ધમ્મેસુ ચિત્તં રજ્જી’તિ અત્તરૂપેન અપ્પમાદો સતિ ચેતસો આરક્ખો કરણીયો; ‘મા મે દોસનીયેસુ ધમ્મેસુ ચિત્તં દુસ્સી’તિ અત્તરૂપેન અપ્પમાદો સતિ ચેતસો આરક્ખો કરણીયો; ‘મા મે મોહનીયેસુ ધમ્મેસુ ચિત્તં મુય્હી’તિ અત્તરૂપેન અપ્પમાદો સતિ ચેતસો આરક્ખો કરણીયો; ‘મા મે મદનીયેસુ ધમ્મેસુ ચિત્તં મજ્જી’તિ અત્તરૂપેન અપ્પમાદો સતિ ચેતસો આરક્ખો કરણીયો.
117. ‘‘Catūsu, bhikkhave, ṭhānesu attarūpena appamādo sati cetaso ārakkho karaṇīyo. Katamesu catūsu? ‘Mā me rajanīyesu dhammesu cittaṃ rajjī’ti attarūpena appamādo sati cetaso ārakkho karaṇīyo; ‘mā me dosanīyesu dhammesu cittaṃ dussī’ti attarūpena appamādo sati cetaso ārakkho karaṇīyo; ‘mā me mohanīyesu dhammesu cittaṃ muyhī’ti attarūpena appamādo sati cetaso ārakkho karaṇīyo; ‘mā me madanīyesu dhammesu cittaṃ majjī’ti attarūpena appamādo sati cetaso ārakkho karaṇīyo.
‘‘યતો ખો, ભિક્ખવે, ભિક્ખુનો રજનીયેસુ ધમ્મેસુ ચિત્તં ન રજ્જતિ વીતરાગત્તા, દોસનીયેસુ ધમ્મેસુ ચિત્તં ન દુસ્સતિ વીતદોસત્તા, મોહનીયેસુ ધમ્મેસુ ચિત્તં ન મુય્હતિ વીતમોહત્તા, મદનીયેસુ ધમ્મેસુ ચિત્તં ન મજ્જતિ વીતમદત્તા, સો ન છમ્ભતિ ન કમ્પતિ ન વેધતિ ન સન્તાસં આપજ્જતિ, ન ચ પન સમણવચનહેતુપિ ગચ્છતી’’તિ. સત્તમં.
‘‘Yato kho, bhikkhave, bhikkhuno rajanīyesu dhammesu cittaṃ na rajjati vītarāgattā, dosanīyesu dhammesu cittaṃ na dussati vītadosattā, mohanīyesu dhammesu cittaṃ na muyhati vītamohattā, madanīyesu dhammesu cittaṃ na majjati vītamadattā, so na chambhati na kampati na vedhati na santāsaṃ āpajjati, na ca pana samaṇavacanahetupi gacchatī’’ti. Sattamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૭. આરક્ખસુત્તવણ્ણના • 7. Ārakkhasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૭. કેસિસુત્તાદિવણ્ણના • 1-7. Kesisuttādivaṇṇanā
