| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. आरामदायकत्थेरअपदानं
7. Ārāmadāyakattheraapadānaṃ
३२.
32.
‘‘सिद्धत्थस्स भगवतो, आरामो रोपितो मया।
‘‘Siddhatthassa bhagavato, ārāmo ropito mayā;
३३.
33.
‘‘अद्दसं विरजं बुद्धं, आहुतीनं पटिग्गहं।
‘‘Addasaṃ virajaṃ buddhaṃ, āhutīnaṃ paṭiggahaṃ;
आरामं अभिनामेसिं, लोकजेट्ठं नरासभं॥
Ārāmaṃ abhināmesiṃ, lokajeṭṭhaṃ narāsabhaṃ.
३४.
34.
‘‘हट्ठो हट्ठेन चित्तेन, फलं पुप्फमदासहं।
‘‘Haṭṭho haṭṭhena cittena, phalaṃ pupphamadāsahaṃ;
ततो जातप्पसादोव, तं वनं परिणामयिं॥
Tato jātappasādova, taṃ vanaṃ pariṇāmayiṃ.
३५.
35.
‘‘बुद्धस्स यमिदं दासिं, विप्पसन्नेन चेतसा।
‘‘Buddhassa yamidaṃ dāsiṃ, vippasannena cetasā;
भवे निब्बत्तमानम्हि, निब्बत्तति फलं मम॥
Bhave nibbattamānamhi, nibbattati phalaṃ mama.
३६.
36.
‘‘चतुन्नवुतितो कप्पे, यं आराममदं तदा।
‘‘Catunnavutito kappe, yaṃ ārāmamadaṃ tadā;
दुग्गतिं नाभिजानामि, आरामस्स इदं फलं॥
Duggatiṃ nābhijānāmi, ārāmassa idaṃ phalaṃ.
३७.
37.
‘‘सत्ततिंसे इतो कप्पे, सत्तासुं मुदुसीतला।
‘‘Sattatiṃse ito kappe, sattāsuṃ mudusītalā;
सत्तरतनसम्पन्ना, चक्कवत्ती महब्बला॥
Sattaratanasampannā, cakkavattī mahabbalā.
३८.
38.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा आरामदायको थेरो इमा गाथायो अभासित्थाति।
Itthaṃ sudaṃ āyasmā ārāmadāyako thero imā gāthāyo abhāsitthāti.
आरामदायकत्थेरस्सापदानं सत्तमं।
Ārāmadāyakattherassāpadānaṃ sattamaṃ.
Footnotes:
