| Library / Tipiṭaka / તિપિટક • Tipiṭaka / પરિવારપાળિ • Parivārapāḷi |
૬. આરામવગ્ગો
6. Ārāmavaggo
૨૩૬. જાનં સભિક્ખુકં આરામં અનાપુચ્છા પવિસન્તી દ્વે આપત્તિયો આપજ્જતિ. પઠમં પાદં પરિક્ખેપં અતિક્કામેતિ, આપત્તિ દુક્કટસ્સ; દુતિયં પાદં અતિક્કામેતિ, આપત્તિ પાચિત્તિયસ્સ.
236. Jānaṃ sabhikkhukaṃ ārāmaṃ anāpucchā pavisantī dve āpattiyo āpajjati. Paṭhamaṃ pādaṃ parikkhepaṃ atikkāmeti, āpatti dukkaṭassa; dutiyaṃ pādaṃ atikkāmeti, āpatti pācittiyassa.
ભિક્ખું અક્કોસન્તી પરિભાસન્તી દ્વે આપત્તિયો આપજ્જતિ. અક્કોસતિ, પયોગે દુક્કટં; અક્કોસિતે, આપત્તિ પાચિત્તિયસ્સ.
Bhikkhuṃ akkosantī paribhāsantī dve āpattiyo āpajjati. Akkosati, payoge dukkaṭaṃ; akkosite, āpatti pācittiyassa.
ચણ્ડીકતા ગણં પરિભાસન્તી દ્વે આપત્તિયો આપજ્જતિ. પરિભાસતિ, પયોગે દુક્કટં; પરિભાસિતે, આપત્તિ પાચિત્તિયસ્સ.
Caṇḍīkatā gaṇaṃ paribhāsantī dve āpattiyo āpajjati. Paribhāsati, payoge dukkaṭaṃ; paribhāsite, āpatti pācittiyassa.
નિમન્તિતા વા પવારિતા વા ખાદનીયં વા ભોજનીયં વા ભુઞ્જન્તી દ્વે આપત્તિયો આપજ્જતિ. ‘‘ખાદિસ્સામિ ભુઞ્જિસ્સામી’’તિ પટિગ્ગણ્હાતિ, આપત્તિ દુક્કટસ્સ; અજ્ઝોહારે અજ્ઝોહારે આપત્તિ પાચિત્તિયસ્સ.
Nimantitā vā pavāritā vā khādanīyaṃ vā bhojanīyaṃ vā bhuñjantī dve āpattiyo āpajjati. ‘‘Khādissāmi bhuñjissāmī’’ti paṭiggaṇhāti, āpatti dukkaṭassa; ajjhohāre ajjhohāre āpatti pācittiyassa.
કુલં મચ્છરાયન્તી દ્વે આપત્તિયો આપજ્જતિ. મચ્છરાયતિ, પયોગે દુક્કટં; મચ્છરિતે, આપત્તિ પાચિત્તિયસ્સ.
Kulaṃ maccharāyantī dve āpattiyo āpajjati. Maccharāyati, payoge dukkaṭaṃ; maccharite, āpatti pācittiyassa.
અભિક્ખુકે આવાસે વસ્સં વસન્તી દ્વે આપત્તિયો આપજ્જતિ. ‘‘વસ્સં વસિસ્સામી’’તિ સેનાસનં પઞ્ઞપેતિ પાનીયં પરિભોજનીયં ઉપટ્ઠપેતિ પરિવેણં સમ્મજ્જતિ, આપત્તિ દુક્કટસ્સ; સહ અરુણુગ્ગમના આપત્તિ પાચિત્તિયસ્સ.
Abhikkhuke āvāse vassaṃ vasantī dve āpattiyo āpajjati. ‘‘Vassaṃ vasissāmī’’ti senāsanaṃ paññapeti pānīyaṃ paribhojanīyaṃ upaṭṭhapeti pariveṇaṃ sammajjati, āpatti dukkaṭassa; saha aruṇuggamanā āpatti pācittiyassa.
વસ્સંવુટ્ઠા ભિક્ખુની ઉભતોસઙ્ઘે તીહિ ઠાનેહિ ન પવારેન્તી એકં આપત્તિં આપજ્જતિ. પાચિત્તિયં.
Vassaṃvuṭṭhā bhikkhunī ubhatosaṅghe tīhi ṭhānehi na pavārentī ekaṃ āpattiṃ āpajjati. Pācittiyaṃ.
ઓવાદાય વા સંવાસાય વા ન ગચ્છન્તી એકં આપત્તિં આપજ્જતિ. પાચિત્તિયં.
Ovādāya vā saṃvāsāya vā na gacchantī ekaṃ āpattiṃ āpajjati. Pācittiyaṃ.
ઉપોસથમ્પિ ન પુચ્છન્તી ઓવાદમ્પિ ન યાચન્તી એકં આપત્તિં આપજ્જતિ. પાચિત્તિયં.
Uposathampi na pucchantī ovādampi na yācantī ekaṃ āpattiṃ āpajjati. Pācittiyaṃ.
પસાખે જાતં ગણ્ડં વા રુધિતં વા અનપલોકેત્વા સઙ્ઘં વા ગણં વા પુરિસેન સદ્ધિં એકેનેકા ભેદાપેન્તી દ્વે આપત્તિયો આપજ્જતિ. ભેદાપેતિ, પયોગે દુક્કટં; ભિન્ને, આપત્તિ પાચિત્તિયસ્સ.
Pasākhe jātaṃ gaṇḍaṃ vā rudhitaṃ vā anapaloketvā saṅghaṃ vā gaṇaṃ vā purisena saddhiṃ ekenekā bhedāpentī dve āpattiyo āpajjati. Bhedāpeti, payoge dukkaṭaṃ; bhinne, āpatti pācittiyassa.
આરામવગ્ગો છટ્ઠો.
Ārāmavaggo chaṭṭho.
