| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
2. аарамман̣абажжаяанид̣̇д̣̇зсаван̣н̣анаа
2. Ārammaṇapaccayaniddesavaṇṇanā
2. аарамман̣абажжаяанид̣̇д̣̇зсз руубааяад̇ананд̇и руубасан̇каад̇ам̣ ааяад̇анам̣. сзсзсуби зсзва наяо. жагкувин̃н̃аан̣ад̇хаад̇уяаад̇и жагкувин̃н̃аан̣асан̇каад̇ааяа д̇хаад̇уяаа. сзсабад̣̇зсуби зсзва наяо. д̇ам̣самбаяуд̇д̇агаананд̇и д̇ааяа жагкувин̃н̃аан̣ад̇хаад̇уяаа самбаяуд̇д̇агаанам̣ д̇ин̣н̣ам̣ канд̇хаанам̣, саб̣б̣зсамби жагкубасаад̣̇авад̇т̇угаанам̣ жад̇уннам̣ канд̇хаанам̣ руубааяад̇анам̣ аарамман̣абажжаязна бажжаяод̇и ад̇т̇о. ид̇о барзсуби зсзва наяо. манод̇хаад̇уяаад̇и сасамбаяуд̇д̇ад̇хаммааяа д̇ивид̇хааяаби манод̇хаад̇уяаа руубааяад̇анаад̣̇ийни бан̃жа аарамман̣абажжаязна бажжаяо, но жа ко згагкан̣з. саб̣б̣з д̇хаммаад̇и зд̇аани жа руубааяад̇анаад̣̇ийни бан̃жа авасзсаа жа саб̣б̣зби н̃зяяад̇хаммаа имаа ча д̇хаад̇уяо табзд̇ваа сзсааяа сасамбаяуд̇д̇ад̇хаммааяа мановин̃н̃аан̣ад̇хаад̇уяаа аарамман̣абажжаязна бажжаяод̇и ад̇т̇о. яам̣ яам̣ д̇хаммам̣ аараб̣бхаад̇и иминаа яз зд̇з зд̇аасам̣ сад̇д̇аннам̣ вин̃н̃аан̣ад̇хаад̇уунам̣ аарамман̣ад̇хаммаа вуд̇д̇аа, д̇з д̇аасам̣ д̇хаад̇уунам̣ аарамман̣ам̣ гад̇ваа уббаж̇ж̇анагкан̣зязва аарамман̣абажжаяо хонд̇ийд̇и д̣̇ийбзд̇и. звам̣ хонд̇ааби жа на згад̇о хонд̇и, яам̣ яам̣ аараб̣бха яз яз уббаж̇ж̇анд̇и, д̇зсам̣ д̇зсам̣ д̇з д̇з висум̣ висум̣ аарамман̣абажжаяо хонд̇ийд̇иби д̣̇ийбзд̇и. уббаж̇ж̇анд̇ийд̇и ид̣̇ам̣ яат̇аа наж̇ж̇о санд̣̇анд̇и, баб̣б̣ад̇аа д̇идтанд̇ийд̇и саб̣б̣агааласан̇г̇ахавасзна, звам̣ вуд̇д̇анд̇и взд̣̇ид̇аб̣б̣ам̣. д̇зна язби аараб̣бха яз уббаж̇ж̇им̣су, язби уббаж̇ж̇иссанд̇и, д̇з саб̣б̣з аарамман̣абажжаязнзва уббаж̇ж̇им̣су жа уббаж̇ж̇иссанд̇и жаад̇и сид̣̇д̇хам̣ ход̇и. жид̇д̇ажзд̇асигаа д̇хаммаад̇и ид̣̇ам̣ ‘‘яз яз д̇хаммаа’’д̇и вуд̇д̇аанам̣ саруубад̇о нид̣̇ассанам̣. д̇з д̇з д̇хаммаад̇и д̇з д̇з аарамман̣ад̇хаммаа. д̇зсам̣ д̇зсанд̇и д̇зсам̣ д̇зсам̣ жид̇д̇ажзд̇асигад̇хаммаанам̣. аяам̣ д̇аавзд̇т̇а баал̣иван̣н̣анаа.
2. Ārammaṇapaccayaniddese rūpāyatananti rūpasaṅkhātaṃ āyatanaṃ. Sesesupi eseva nayo. Cakkhuviññāṇadhātuyāti cakkhuviññāṇasaṅkhātāya dhātuyā. Sesapadesupi eseva nayo. Taṃsampayuttakānanti tāya cakkhuviññāṇadhātuyā sampayuttakānaṃ tiṇṇaṃ khandhānaṃ, sabbesampi cakkhupasādavatthukānaṃ catunnaṃ khandhānaṃ rūpāyatanaṃ ārammaṇapaccayena paccayoti attho. Ito paresupi eseva nayo. Manodhātuyāti sasampayuttadhammāya tividhāyapi manodhātuyā rūpāyatanādīni pañca ārammaṇapaccayena paccayo, no ca kho ekakkhaṇe. Sabbe dhammāti etāni ca rūpāyatanādīni pañca avasesā ca sabbepi ñeyyadhammā imā cha dhātuyo ṭhapetvā sesāya sasampayuttadhammāya manoviññāṇadhātuyā ārammaṇapaccayena paccayoti attho. Yaṃ yaṃ dhammaṃ ārabbhāti iminā ye ete etāsaṃ sattannaṃ viññāṇadhātūnaṃ ārammaṇadhammā vuttā, te tāsaṃ dhātūnaṃ ārammaṇaṃ katvā uppajjanakkhaṇeyeva ārammaṇapaccayo hontīti dīpeti. Evaṃ hontāpi ca na ekato honti, yaṃ yaṃ ārabbha ye ye uppajjanti, tesaṃ tesaṃ te te visuṃ visuṃ ārammaṇapaccayo hontītipi dīpeti. Uppajjantīti idaṃ yathā najjo sandanti, pabbatā tiṭṭhantīti sabbakālasaṅgahavasena, evaṃ vuttanti veditabbaṃ. Tena yepi ārabbha ye uppajjiṃsu, yepi uppajjissanti, te sabbe ārammaṇapaccayeneva uppajjiṃsu ca uppajjissanti cāti siddhaṃ hoti. Cittacetasikā dhammāti idaṃ ‘‘ye ye dhammā’’ti vuttānaṃ sarūpato nidassanaṃ. Te te dhammāti te te ārammaṇadhammā. Tesaṃ tesanti tesaṃ tesaṃ cittacetasikadhammānaṃ. Ayaṃ tāvettha pāḷivaṇṇanā.
ид̣̇ам̣ бана аарамман̣ам̣ наама руубаарамман̣ам̣ сад̣̇д̣̇аг̇анд̇харасаподтаб̣б̣ад̇хаммаарамман̣анд̇и годтаасад̇о чаб̣б̣ид̇хам̣ ход̇и. д̇ад̇т̇а табзд̇ваа бан̃н̃ад̇д̇им̣ авасзсам̣ бхуумид̇о гаамааважарам̣…бз… абарияаабаннанд̇и жад̇уб̣б̣ид̇хам̣ ход̇и. д̇ад̇т̇а гаамааважарам̣ гусалаагусалавибаагагирияаруубабхзд̣̇ад̇о бан̃жавид̇хам̣; руубааважарам̣ гусалавибаагагирияад̇о д̇ивид̇хам̣, д̇ат̇аа аруубааважарам̣, абарияаабаннам̣ гусалавибааганиб̣б̣аанавасзна д̇ивид̇хам̣ ход̇и. саб̣б̣амзва ваа зд̇ам̣ гусалаагусалавибаагагирияаруубаниб̣б̣аанабан̃н̃ад̇д̇ибхзд̣̇ад̇о сад̇д̇авид̇хам̣ ход̇и. д̇ад̇т̇а гусалам̣ бхуумибхзд̣̇ад̇о жад̇уб̣б̣ид̇хам̣ ход̇и, агусалам̣ гаамааважарамзва, вибаагам̣ жад̇убхуумагам̣, гирияам̣ д̇ибхуумагам̣, руубам̣ згабхуумагам̣ гаамааважарамзва, ниб̣б̣аанамби згабхуумагам̣ абарияаабаннамзва, бан̃н̃ад̇д̇и бхуумивинимуд̇д̇аад̇и звамзд̇т̇а наанаббагаарабхзд̣̇ад̇о вин̃н̃аад̇аб̣б̣о винижчаяо.
Idaṃ pana ārammaṇaṃ nāma rūpārammaṇaṃ saddagandharasaphoṭṭhabbadhammārammaṇanti koṭṭhāsato chabbidhaṃ hoti. Tattha ṭhapetvā paññattiṃ avasesaṃ bhūmito kāmāvacaraṃ…pe… apariyāpannanti catubbidhaṃ hoti. Tattha kāmāvacaraṃ kusalākusalavipākakiriyarūpabhedato pañcavidhaṃ; rūpāvacaraṃ kusalavipākakiriyato tividhaṃ, tathā arūpāvacaraṃ, apariyāpannaṃ kusalavipākanibbānavasena tividhaṃ hoti. Sabbameva vā etaṃ kusalākusalavipākakiriyarūpanibbānapaññattibhedato sattavidhaṃ hoti. Tattha kusalaṃ bhūmibhedato catubbidhaṃ hoti, akusalaṃ kāmāvacarameva, vipākaṃ catubhūmakaṃ, kiriyaṃ tibhūmakaṃ, rūpaṃ ekabhūmakaṃ kāmāvacarameva, nibbānampi ekabhūmakaṃ apariyāpannameva, paññatti bhūmivinimuttāti evamettha nānappakārabhedato viññātabbo vinicchayo.
звам̣ бхиннз банзд̇асмим̣ аарамман̣з гаамааважарагусалаарамман̣ам̣ гаамааважарагусаласса, руубааважарагусаласса, агусаласса, гаамааважаравибаагасса, гаамааважарагирияасса, руубааважарагирияасса жаад̇и имзсам̣ чаннам̣ раасийнам̣ аарамман̣абажжаяо ход̇и. руубааважарагусалаарамман̣ам̣ д̇зсу часу раасийсу гаамааважаравибаагаваж̇ж̇аанам̣ бан̃жаннам̣ раасийнам̣ аарамман̣абажжаяо ход̇и. аруубааважарагусалаарамман̣ам̣ гаамааважарагусаласса, руубааважарагусаласса, аруубааважарагусаласса, агусаласса, аруубааваражаравибаагасса, гаамааважарагирияасса, руубааважарагирияасса, аруубааважарагирияасса жаад̇и имзсам̣ адтаннам̣ раасийнам̣ аарамман̣абажжаяо ход̇и. абарияаабаннагусалаарамман̣ам̣ гаамааважараруубааважарад̇о гусалагирияаанамзва аарамман̣абажжаяо ход̇и. агусалаарамман̣ам̣ гаамааважараруубааважарагусаласса, агусаласса, гаамааважаравибаагасса, гаамааважараруубааважарагирияасса жаад̇и имзсам̣ чаннам̣ раасийнам̣ аарамман̣абажжаяо ход̇и.
Evaṃ bhinne panetasmiṃ ārammaṇe kāmāvacarakusalārammaṇaṃ kāmāvacarakusalassa, rūpāvacarakusalassa, akusalassa, kāmāvacaravipākassa, kāmāvacarakiriyassa, rūpāvacarakiriyassa cāti imesaṃ channaṃ rāsīnaṃ ārammaṇapaccayo hoti. Rūpāvacarakusalārammaṇaṃ tesu chasu rāsīsu kāmāvacaravipākavajjānaṃ pañcannaṃ rāsīnaṃ ārammaṇapaccayo hoti. Arūpāvacarakusalārammaṇaṃ kāmāvacarakusalassa, rūpāvacarakusalassa, arūpāvacarakusalassa, akusalassa, arūpāvaracaravipākassa, kāmāvacarakiriyassa, rūpāvacarakiriyassa, arūpāvacarakiriyassa cāti imesaṃ aṭṭhannaṃ rāsīnaṃ ārammaṇapaccayo hoti. Apariyāpannakusalārammaṇaṃ kāmāvacararūpāvacarato kusalakiriyānameva ārammaṇapaccayo hoti. Akusalārammaṇaṃ kāmāvacararūpāvacarakusalassa, akusalassa, kāmāvacaravipākassa, kāmāvacararūpāvacarakiriyassa cāti imesaṃ channaṃ rāsīnaṃ ārammaṇapaccayo hoti.
гаамааважаравибаагаарамман̣ам̣ гаамааважараруубааважарагусаласса, агусаласса, гаамааважаравибаагасса, гаамааважараруубааважарагирияасса жаад̇и имзсам̣ чаннам̣ раасийнам̣ аарамман̣абажжаяо ход̇и. руубааважаравибаагаарамман̣ам̣ гаамааважараруубааважарагусаласса, агусаласса, гаамааважараруубааважарагирияасса жаад̇и имзсам̣ бан̃жаннам̣ раасийнам̣ аарамман̣абажжаяо ход̇и. аруубааважаравибаагаарамман̣амби имзсам̣язва бан̃жаннам̣ раасийнам̣ аарамман̣абажжаяо ход̇и. абарияаабаннавибаагаарамман̣ам̣ гаамааважараруубааважарагусалагирияаанан̃н̃зва аарамман̣абажжаяо ход̇и.
Kāmāvacaravipākārammaṇaṃ kāmāvacararūpāvacarakusalassa, akusalassa, kāmāvacaravipākassa, kāmāvacararūpāvacarakiriyassa cāti imesaṃ channaṃ rāsīnaṃ ārammaṇapaccayo hoti. Rūpāvacaravipākārammaṇaṃ kāmāvacararūpāvacarakusalassa, akusalassa, kāmāvacararūpāvacarakiriyassa cāti imesaṃ pañcannaṃ rāsīnaṃ ārammaṇapaccayo hoti. Arūpāvacaravipākārammaṇampi imesaṃyeva pañcannaṃ rāsīnaṃ ārammaṇapaccayo hoti. Apariyāpannavipākārammaṇaṃ kāmāvacararūpāvacarakusalakiriyānaññeva ārammaṇapaccayo hoti.
гаамааважарагирияаарамман̣ам̣ гаамааважараруубааважарагусаласса, агусаласса, гаамааважаравибаагасса, гаамааважараруубааважарагирияасса жаад̇и имзсам̣ чаннам̣ раасийнам̣ аарамман̣абажжаяо ход̇и. руубааважарагирияаарамман̣ам̣ имзсу часу раасийсу гаамааважаравибаагаваж̇ж̇аанам̣ бан̃жаннам̣ раасийнам̣ аарамман̣абажжаяо ход̇и. аруубааважарагирияаарамман̣ам̣ д̇зсам̣ бан̃жаннам̣ аруубааважарагирияасса жаад̇и имзсам̣ чаннам̣ раасийнам̣ аарамман̣абажжаяо ход̇и. жад̇усамудтаанам̣ руубагканд̇хасан̇каад̇ам̣ руубаарамман̣ам̣ гаамааважараруубааважарагусаласса агусаласса гаамааважаравибаагасса гаамааважараруубааважарагирияасса жаад̇и имзсам̣ чаннам̣ раасийнам̣ аарамман̣абажжаяо ход̇и. ниб̣б̣аанаарамман̣ам̣ гаамааважараруубааважарагусаласса, абарияаабаннад̇о гусалавибаагасса, гаамааважараруубааважарагирияасса жаад̇и имзсам̣ чаннам̣ раасийнам̣ аарамман̣абажжаяо ход̇и. руубааважарагусалагирияаанам̣ гзжи нижчанд̇и, д̇ам̣ яуд̇д̇ид̇о убад̇хаарзд̇аб̣б̣ам̣. наанаббагаарагам̣ бана бан̃н̃ад̇д̇иаарамман̣ам̣ д̇збхуумагагусаласса, агусаласса, руубааважаравибаагасса, аруубааважаравибаагасса, д̇збхуумагагирияасса жаад̇и имзсам̣ наваннам̣ раасийнам̣ аарамман̣абажжаяо ход̇и. д̇ад̇т̇а яам̣ яам̣ аарамман̣ам̣ язсам̣ язсам̣ бажжаяо, д̇з д̇з д̇ам̣д̇ам̣бажжаяуббаннаа наама хонд̇ийд̇и звамзд̇т̇а бажжаяуббаннад̇оби вин̃н̃аад̇аб̣б̣о винижчаяод̇и.
Kāmāvacarakiriyārammaṇaṃ kāmāvacararūpāvacarakusalassa, akusalassa, kāmāvacaravipākassa, kāmāvacararūpāvacarakiriyassa cāti imesaṃ channaṃ rāsīnaṃ ārammaṇapaccayo hoti. Rūpāvacarakiriyārammaṇaṃ imesu chasu rāsīsu kāmāvacaravipākavajjānaṃ pañcannaṃ rāsīnaṃ ārammaṇapaccayo hoti. Arūpāvacarakiriyārammaṇaṃ tesaṃ pañcannaṃ arūpāvacarakiriyassa cāti imesaṃ channaṃ rāsīnaṃ ārammaṇapaccayo hoti. Catusamuṭṭhānaṃ rūpakkhandhasaṅkhātaṃ rūpārammaṇaṃ kāmāvacararūpāvacarakusalassa akusalassa kāmāvacaravipākassa kāmāvacararūpāvacarakiriyassa cāti imesaṃ channaṃ rāsīnaṃ ārammaṇapaccayo hoti. Nibbānārammaṇaṃ kāmāvacararūpāvacarakusalassa, apariyāpannato kusalavipākassa, kāmāvacararūpāvacarakiriyassa cāti imesaṃ channaṃ rāsīnaṃ ārammaṇapaccayo hoti. Rūpāvacarakusalakiriyānaṃ keci nicchanti, taṃ yuttito upadhāretabbaṃ. Nānappakārakaṃ pana paññattiārammaṇaṃ tebhūmakakusalassa, akusalassa, rūpāvacaravipākassa, arūpāvacaravipākassa, tebhūmakakiriyassa cāti imesaṃ navannaṃ rāsīnaṃ ārammaṇapaccayo hoti. Tattha yaṃ yaṃ ārammaṇaṃ yesaṃ yesaṃ paccayo, te te taṃtaṃpaccayuppannā nāma hontīti evamettha paccayuppannatopi viññātabbo vinicchayoti.
аарамман̣абажжаяанид̣̇д̣̇зсаван̣н̣анаа.
Ārammaṇapaccayaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
