| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[348] 8. аран̃н̃аж̇аад̇агаван̣н̣анаа
[348] 8. Araññajātakavaṇṇanā
аран̃н̃аа г̇аамамааг̇аммаад̇и ид̣̇ам̣ сад̇т̇аа ж̇зд̇аванз вихаранд̇о т̇уллагумааригаабалобханам̣ аараб̣бха гат̇зси. вад̇т̇у жуул̣анаарад̣̇агассабаж̇аад̇агз (ж̇аа. 1.13.40 аад̣̇аяо) аави бхависсад̇и.
Araññāgāmamāgammāti idaṃ satthā jetavane viharanto thullakumārikāpalobhanaṃ ārabbha kathesi. Vatthu cūḷanāradakassapajātake (jā. 1.13.40 ādayo) āvi bhavissati.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилааяам̣ уг̇г̇ахид̇асиббо бхарияааяа гаалагад̇ааяа буд̇д̇ам̣ г̇ахзд̇ваа исибаб̣б̣аж̇ж̇ам̣ баб̣б̣аж̇ид̇ваа химаванд̇з васанд̇о буд̇д̇ам̣ ассамабад̣̇з табзд̇ваа палаапалад̇т̇ааяа г̇ажчад̇и. д̇ад̣̇аа жорзсу бажжанд̇аг̇аамам̣ бахарид̇ваа гарамарз г̇ахзд̇ваа г̇ажчанд̇зсу згаа гумааригаа балааяид̇ваа д̇ам̣ ассамабад̣̇ам̣ бад̇ваа д̇аабасагумаарам̣ балобхзд̇ваа сийлавинаасам̣ баабзд̇ваа ‘‘зхи г̇ажчаамаа’’д̇и ааха. ‘‘бид̇аа д̇аава мз ааг̇ажчад̇у, д̇ам̣ бассид̇ваа г̇амиссаамий’’д̇и. ‘‘д̇зна хи д̣̇исваа ааг̇ажчаа’’д̇и нигкамид̇ваа анд̇араамаг̇г̇з нисийд̣̇и. д̇аабасагумааро бид̇ари ааг̇ад̇з батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto brāhmaṇakule nibbattitvā vayappatto takkasilāyaṃ uggahitasippo bhariyāya kālakatāya puttaṃ gahetvā isipabbajjaṃ pabbajitvā himavante vasanto puttaṃ assamapade ṭhapetvā phalāphalatthāya gacchati. Tadā coresu paccantagāmaṃ paharitvā karamare gahetvā gacchantesu ekā kumārikā palāyitvā taṃ assamapadaṃ patvā tāpasakumāraṃ palobhetvā sīlavināsaṃ pāpetvā ‘‘ehi gacchāmā’’ti āha. ‘‘Pitā tāva me āgacchatu, taṃ passitvā gamissāmī’’ti. ‘‘Tena hi disvā āgacchā’’ti nikkhamitvā antarāmagge nisīdi. Tāpasakumāro pitari āgate paṭhamaṃ gāthamāha –
185.
185.
‘‘аран̃н̃аа г̇аамамааг̇амма, гим̣сийлам̣ гим̣вад̇ам̣ ахам̣;
‘‘Araññā gāmamāgamma, kiṃsīlaṃ kiṃvataṃ ahaṃ;
бурисам̣ д̇аад̇а сзвзяяам̣, д̇ам̣ мз агкаахи бужчид̇о’’д̇и.
Purisaṃ tāta seveyyaṃ, taṃ me akkhāhi pucchito’’ti.
д̇ад̇т̇а аран̃н̃аа г̇аамамааг̇аммаад̇и д̇аад̇а ахам̣ ид̇о аран̃н̃ад̇о мануссабат̇ам̣ васанад̇т̇ааяа г̇ад̇о васанаг̇аамам̣ бад̇ваа гим̣ гаромийд̇и.
Tattha araññā gāmamāgammāti tāta ahaṃ ito araññato manussapathaṃ vasanatthāya gato vasanagāmaṃ patvā kiṃ karomīti.
ат̇асса бид̇аа оваад̣̇ам̣ д̣̇ад̣̇анд̇о д̇иссо г̇аат̇аа абхааси –
Athassa pitā ovādaṃ dadanto tisso gāthā abhāsi –
186.
186.
‘‘яо д̇ам̣ виссаасаяз д̇аад̇а, виссаасан̃жа камзяяа д̇з;
‘‘Yo taṃ vissāsaye tāta, vissāsañca khameyya te;
суссуусий жа д̇ид̇игкий жа, д̇ам̣ бхаж̇зхи ид̇о г̇ад̇о.
Sussūsī ca titikkhī ca, taṃ bhajehi ito gato.
187.
187.
‘‘яасса гааязна ваажааяа, манасаа над̇т̇и д̣̇уггадам̣;
‘‘Yassa kāyena vācāya, manasā natthi dukkaṭaṃ;
урасийва бад̇идтааяа, д̇ам̣ бхаж̇зхи ид̇о г̇ад̇о.
Urasīva patiṭṭhāya, taṃ bhajehi ito gato.
188.
188.
‘‘халид̣̇д̣̇ирааг̇ам̣ габижид̇д̇ам̣, бурисам̣ рааг̇авирааг̇инам̣;
‘‘Haliddirāgaṃ kapicittaṃ, purisaṃ rāgavirāginaṃ;
д̇аад̣̇исам̣ д̇аад̇а маа сзви, ниммануссамби жз сияаа’’д̇и.
Tādisaṃ tāta mā sevi, nimmanussampi ce siyā’’ti.
д̇ад̇т̇а яо д̇ам̣ виссаасаязд̇и яо бурисо д̇ам̣ виссаасзяяа на барисан̇гзяяа. виссаасан̃жа камзяяа д̇зд̇и яо жа ад̇д̇ани гаяирамаанам̣ д̇ава виссаасам̣ бад̇д̇о нираасан̇го д̇ам̣ камзяяа. суссуусийд̇и яо жа д̇ава виссаасаважанам̣ сод̇умижчад̇и. д̇ид̇игкийд̇и яо жа д̇аяаа гад̇ам̣ абараад̇хам̣ камад̇и. д̇ам̣ бхаж̇зхийд̇и д̇ам̣ бурисам̣ бхаж̇зяяааси баяирубаасзяяааси. урасийва бад̇идтааяаад̇и яат̇аа д̇асса ураси бад̇идтааяа вад̣дхид̇о орасабуд̇д̇о д̇вамби д̇аад̣̇исо ураси бад̇идтид̇абуд̇д̇о вияа худ̇ваа зваруубам̣ бурисам̣ бхаж̇зяяаасийд̇и ад̇т̇о.
Tattha yo taṃ vissāsayeti yo puriso taṃ vissāseyya na parisaṅkeyya. Vissāsañca khameyya teti yo ca attani kayiramānaṃ tava vissāsaṃ patto nirāsaṅko taṃ khameyya. Sussūsīti yo ca tava vissāsavacanaṃ sotumicchati. Titikkhīti yo ca tayā kataṃ aparādhaṃ khamati. Taṃ bhajehīti taṃ purisaṃ bhajeyyāsi payirupāseyyāsi. Urasīva patiṭṭhāyāti yathā tassa urasi patiṭṭhāya vaḍḍhito orasaputto tvampi tādiso urasi patiṭṭhitaputto viya hutvā evarūpaṃ purisaṃ bhajeyyāsīti attho.
халид̣̇д̣̇ирааг̇анд̇и халид̣̇д̣̇ирааг̇асад̣̇исам̣ ат̇иражид̇д̇ам̣. габижид̇д̇анд̇и лахубаривад̇д̇ид̇ааяа маггадажид̇д̇ам̣. рааг̇авирааг̇инанд̇и мухуд̇д̇знзва раж̇ж̇анавираж̇ж̇анасабхаавам̣. ниммануссамби жз сияаад̇и сажзби сагалам̣ ж̇амб̣уд̣̇ийбад̇алам̣ гааяад̣̇ужжарид̇аад̣̇ивирахид̇асса мануссасса абхаавзна ниммануссам̣ сияаа , д̇ат̇ааби, д̇аад̇а, д̇аад̣̇исам̣ лахужид̇д̇ам̣ маа сзви, саб̣б̣амби мануссабат̇ам̣ вижинид̇ваа хздтаа вуд̇д̇аг̇ун̣асамбаннамзва бхаж̇зяяаасийд̇и ад̇т̇о.
Haliddirāganti haliddirāgasadisaṃ athiracittaṃ. Kapicittanti lahuparivattitāya makkaṭacittaṃ. Rāgavirāginanti muhutteneva rajjanavirajjanasabhāvaṃ. Nimmanussampi ce siyāti sacepi sakalaṃ jambudīpatalaṃ kāyaduccaritādivirahitassa manussassa abhāvena nimmanussaṃ siyā , tathāpi, tāta, tādisaṃ lahucittaṃ mā sevi, sabbampi manussapathaṃ vicinitvā heṭṭhā vuttaguṇasampannameva bhajeyyāsīti attho.
д̇ам̣ суд̇ваа д̇аабасагумааро ‘‘ахам̣, д̇аад̇а, имзхи г̇ун̣зхи саманнааг̇ад̇ам̣ бурисам̣ гад̇т̇а лабхиссаами, на г̇ажчаами, д̇умхааган̃н̃зва санд̇игз васиссаамий’’д̇и вад̇ваа нивад̇д̇и. ат̇асса бид̇аа гасин̣абаригаммам̣ аажигки. убхоби абарихийнаж̇жхаанаа б̣рахмалогабарааяан̣аа ахзсум̣.
Taṃ sutvā tāpasakumāro ‘‘ahaṃ, tāta, imehi guṇehi samannāgataṃ purisaṃ kattha labhissāmi, na gacchāmi, tumhākaññeva santike vasissāmī’’ti vatvā nivatti. Athassa pitā kasiṇaparikammaṃ ācikkhi. Ubhopi aparihīnajjhānā brahmalokaparāyaṇā ahesuṃ.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа буд̇д̇о жа гумааригаа жа зд̇зязва ахзсум̣, бид̇аа д̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā putto ca kumārikā ca eteyeva ahesuṃ, pitā tāpaso pana ahameva ahosi’’nti.
аран̃н̃аж̇аад̇агаван̣н̣анаа адтамаа.
Araññajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 348. аран̃н̃аж̇аад̇агам̣ • 348. Araññajātakaṃ
