| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
(૧૯) ૪. અરઞ્ઞવગ્ગો
(19) 4. Araññavaggo
૧. આરઞ્ઞિકસુત્તવણ્ણના
1. Āraññikasuttavaṇṇanā
૧૮૧. ચતુત્થસ્સ પઠમે અપ્પીચ્છતંયેવ નિસ્સાયાતિઆદીસુ ‘‘ઇતિ અપ્પિચ્છો ભવિસ્સામી’’તિ ઇદં મે આરઞ્ઞિકઙ્ગં અપ્પિચ્છતાય સંવત્તિસ્સતિ, ‘‘ઇતિ સન્તુટ્ઠો ભવિસ્સામી’’તિ ઇદં મે આરઞ્ઞિકઙ્ગં સન્તુટ્ઠિયા સંવત્તિસ્સતિ, ‘‘ઇતિ કિલેસે સલ્લિખિસ્સામી’’તિ ઇદં મે આરઞ્ઞિકઙ્ગં કિલેસસલ્લિખનત્થાય સંવત્તિસ્સતીતિ આરઞ્ઞિકો હોતિ. અગ્ગોતિ જેટ્ઠકો. સેસાનિ તસ્સેવ વેવચનાનિ.
181. Catutthassa paṭhame appīcchataṃyeva nissāyātiādīsu ‘‘iti appiccho bhavissāmī’’ti idaṃ me āraññikaṅgaṃ appicchatāya saṃvattissati, ‘‘iti santuṭṭho bhavissāmī’’ti idaṃ me āraññikaṅgaṃ santuṭṭhiyā saṃvattissati, ‘‘iti kilese sallikhissāmī’’ti idaṃ me āraññikaṅgaṃ kilesasallikhanatthāya saṃvattissatīti āraññiko hoti. Aggoti jeṭṭhako. Sesāni tasseva vevacanāni.
ગવા ખીરન્તિ ગાવિતો ખીરં નામ હોતિ, ન ગાવિયા દધિ. ખીરમ્હા દધીતિઆદીસુપિ એસેવ નયો. એવમેવન્તિ યથા એતેસુ પઞ્ચસુ ગોરસેસુ સપ્પિમણ્ડો અગ્ગો, એવમેવં ઇમેસુ પઞ્ચસુ આરઞ્ઞિકેસુ યો અયં અપ્પિચ્છતાદીનિ નિસ્સાય આરઞ્ઞિકો હોતિ, અયં અગ્ગો ચેવ સેટ્ઠો ચ મોક્ખો ચ પવરો ચ. ઇમેસુ આરઞ્ઞિકેસુ જાતિઆરઞ્ઞિકા વેદિતબ્બા, ન આરઞ્ઞિકનામમત્તેન આરઞ્ઞિકાતિ વેદિતબ્બા. પંસુકૂલિકાદીસુપિ એસેવ નયો.
Gavā khīranti gāvito khīraṃ nāma hoti, na gāviyā dadhi. Khīramhā dadhītiādīsupi eseva nayo. Evamevanti yathā etesu pañcasu gorasesu sappimaṇḍo aggo, evamevaṃ imesu pañcasu āraññikesu yo ayaṃ appicchatādīni nissāya āraññiko hoti, ayaṃ aggo ceva seṭṭho ca mokkho ca pavaro ca. Imesu āraññikesu jātiāraññikā veditabbā, na āraññikanāmamattena āraññikāti veditabbā. Paṃsukūlikādīsupi eseva nayo.
આરઞ્ઞિકસુત્તવણ્ણના નિટ્ઠિતા.
Āraññikasuttavaṇṇanā niṭṭhitā.
અરઞ્ઞવગ્ગવણ્ણના નિટ્ઠિતા.
Araññavaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧. આરઞ્ઞિકસુત્તં • 1. Āraññikasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧. આરઞ્ઞિકસુત્તવણ્ણના • 1. Āraññikasuttavaṇṇanā
