| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
2. அரியந்திகதா²வண்ணனா
2. Ariyantikathāvaṇṇanā
357. ஸங்கா²ரே ஸந்தா⁴ய படிஜானந்தஸ்ஸாதி தி³ட்டி²யா பரிகப்பிதேன ஸத்தேன ஸுஞ்ஞே ஸங்கா²ரே ஸந்தா⁴ய ‘‘ஸுஞ்ஞதஞ்ச மனஸி கரோதீ’’தி புச்சா²ய ‘‘ஆமந்தா’’தி படிஜானந்தஸ்ஸ. த்³வின்னங் ப²ஸ்ஸானங் ஸமோதா⁴னங் கத²ங் ஆபஜ்ஜதி டா²னாடா²னபூ⁴தே ஸங்கா²ரே வுத்தனயேன ஸுஞ்ஞதங் மனஸி கரொந்தஸ்ஸாதி அதி⁴ப்பாயோ. யதா²வுத்தனயேனாதி ‘‘தி³ட்டி²யா பரிகப்பிதேன ஸத்தேன ஸுஞ்ஞா பஞ்சக்க²ந்தா⁴’’தி பகாரேன நயேன. அத² வா யதா²வுத்தனயேனாதி ‘‘டா²னாடா²னமனஸிகாரோ ஸங்கா²ராரம்மணோ, ஸுஞ்ஞதாமனஸிகாரோ நிப்³பா³னாரம்மணோ’’தி ஏவங் வுத்தனயேன. ‘‘ஸங்கா²ரே ஸந்தா⁴ய படிஜானந்தஸ்ஸா’’தி வுத்தத்தா ‘‘த்³வின்னங் ப²ஸ்ஸானங் ஸமோதா⁴னங் கத²ங் ஆபஜ்ஜதீ’’தி ஆஹ. ஸத்தஸுஞ்ஞதாய ஸுஞ்ஞத்தேபி ஸங்கா²ரானங் அஞ்ஞோவ டா²னாடா²னமனஸிகாரோ, அஞ்ஞோ ஸுஞ்ஞதாமனஸிகாரோதி யுஜ்ஜதேவ த்³வின்னங் ப²ஸ்ஸானங் ஸமோதா⁴னாபத்திசோத³னா, ஸங்கா²ரே ஸந்தா⁴ய படிஜானந்தஸ்ஸ பன கத²ங் அரியபா⁴வஸித்³தி⁴ டா²னாடா²னஞாணாதீ³னந்தி விசாரேதப்³ப³ங். கிங் வா ஏதாய யுத்திசிந்தாய. உம்மத்தகபச்சி²ஸதி³ஸோ ஹி பரவாதி³வாதோ³. அஞ்ஞேஸுபி டா²னேஸு ஈதி³ஸேஸு ஏஸேவ நயோ. ஆரோபெத்வாதி இத்தி²புரிஸாதி³ஆகாரங், ஸத்தாகாரமேவ வா அஸந்தங் ரூபாதி³உபாதா³னே ஆரோபெத்வா. அபூ⁴தாரோபனஞ்ஹெத்த² பணித³ஹனந்தி அதி⁴ப்பேதங். தேனாஹ ‘‘பரிகப்பனவஸேனா’’தி. ஸோதி யதா²வுத்தோ பணிதி⁴. ஏகஸ்மிம்பி க²ந்தே⁴.
357. Saṅkhāresandhāya paṭijānantassāti diṭṭhiyā parikappitena sattena suññe saṅkhāre sandhāya ‘‘suññatañca manasi karotī’’ti pucchāya ‘‘āmantā’’ti paṭijānantassa. Dvinnaṃ phassānaṃ samodhānaṃ kathaṃ āpajjati ṭhānāṭhānabhūte saṅkhāre vuttanayena suññataṃ manasi karontassāti adhippāyo. Yathāvuttanayenāti ‘‘diṭṭhiyā parikappitena sattena suññā pañcakkhandhā’’ti pakārena nayena. Atha vā yathāvuttanayenāti ‘‘ṭhānāṭhānamanasikāro saṅkhārārammaṇo, suññatāmanasikāro nibbānārammaṇo’’ti evaṃ vuttanayena. ‘‘Saṅkhāre sandhāya paṭijānantassā’’ti vuttattā ‘‘dvinnaṃ phassānaṃ samodhānaṃ kathaṃ āpajjatī’’ti āha. Sattasuññatāya suññattepi saṅkhārānaṃ aññova ṭhānāṭhānamanasikāro, añño suññatāmanasikāroti yujjateva dvinnaṃ phassānaṃ samodhānāpatticodanā, saṅkhāre sandhāya paṭijānantassa pana kathaṃ ariyabhāvasiddhi ṭhānāṭhānañāṇādīnanti vicāretabbaṃ. Kiṃ vā etāya yutticintāya. Ummattakapacchisadiso hi paravādivādo. Aññesupi ṭhānesu īdisesu eseva nayo. Āropetvāti itthipurisādiākāraṃ, sattākārameva vā asantaṃ rūpādiupādāne āropetvā. Abhūtāropanañhettha paṇidahananti adhippetaṃ. Tenāha ‘‘parikappanavasenā’’ti. Soti yathāvutto paṇidhi. Ekasmimpi khandhe.
அரியந்திகதா²வண்ணனா நிட்டி²தா.
Ariyantikathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (22) 2. அரியந்திகதா² • (22) 2. Ariyantikathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 2. அரியந்திகதா²வண்ணனா • 2. Ariyantikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 2. அரியந்திகதா²வண்ணனா • 2. Ariyantikathāvaṇṇanā
