| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
4. அரியரூபகதா²வண்ணனா
4. Ariyarūpakathāvaṇṇanā
698-699. இதா³னி அரியரூபகதா² நாம ஹோதி. தத்த² ஸம்மாவாசாகம்மந்தா ரூபங், தஞ்ச கோ² ‘‘ஸப்³ப³ங் ரூபங் சத்தாரி ச மஹாபூ⁴தானி சதுன்னஞ்ச மஹாபூ⁴தானங் உபாதா³யரூப’’ந்தி (ம॰ நி॰ 3.67) வசனதோ உபாதா³யரூபந்தி யேஸங் லத்³தி⁴, ஸெய்யதா²பி உத்தராபத²கானங்; தே ஸந்தா⁴ய அரியரூபங் மஹாபூ⁴தானங் உபாதா³யாதி புச்சா² ஸகவாதி³ஸ்ஸ. தத்த² அரியானங் ரூபங், அரியங் வா ரூபந்தி அரியரூபங். ஆமந்தாதி லத்³தி⁴யங் ட²த்வா படிஞ்ஞா இதரஸ்ஸ. குஸலந்தி புட்டோ² லத்³தி⁴வஸேனேவ படிஜானாதி. அனாஸவபுச்சா²தீ³ஸுபி ஏஸேவ நயோ. யங் கிஞ்சி ரூபந்தி ஸுத்தங் ட²பெத்வா பூ⁴தானி ஸேஸரூபஸ்ஸ உபாதா³பா⁴வங் தீ³பேதி, ந ஸம்மாவாசாகம்மந்தானங். தேஸஞ்ஹி ரூபமத்தஞ்ஞேவ அஸித்³த⁴ங், குதோ உபாதா³ரூபதா; தஸ்மா அஸாத⁴கந்தி.
698-699. Idāni ariyarūpakathā nāma hoti. Tattha sammāvācākammantā rūpaṃ, tañca kho ‘‘sabbaṃ rūpaṃ cattāri ca mahābhūtāni catunnañca mahābhūtānaṃ upādāyarūpa’’nti (ma. ni. 3.67) vacanato upādāyarūpanti yesaṃ laddhi, seyyathāpi uttarāpathakānaṃ; te sandhāya ariyarūpaṃ mahābhūtānaṃ upādāyāti pucchā sakavādissa. Tattha ariyānaṃ rūpaṃ, ariyaṃ vā rūpanti ariyarūpaṃ. Āmantāti laddhiyaṃ ṭhatvā paṭiññā itarassa. Kusalanti puṭṭho laddhivaseneva paṭijānāti. Anāsavapucchādīsupi eseva nayo. Yaṃ kiñci rūpanti suttaṃ ṭhapetvā bhūtāni sesarūpassa upādābhāvaṃ dīpeti, na sammāvācākammantānaṃ. Tesañhi rūpamattaññeva asiddhaṃ, kuto upādārūpatā; tasmā asādhakanti.
அரியரூபகதா²வண்ணனா.
Ariyarūpakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (139) 4. அரியரூபகதா² • (139) 4. Ariyarūpakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 4. அரியரூபகதா²வண்ணனா • 4. Ariyarūpakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 4. அரியரூபகதா²வண்ணனா • 4. Ariyarūpakathāvaṇṇanā
