| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
14. асамбад̣̇аанаваг̇г̇о
14. Asampadānavaggo
[131] 1. асамбад̣̇аанаж̇аад̇агаван̣н̣анаа
[131] 1. Asampadānajātakavaṇṇanā
асамбад̣̇аанзнид̇арийд̇арассаад̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇ам̣ аараб̣бха гат̇зси. д̇асмин̃хи гаалз бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо д̣̇звад̣̇ад̇д̇о, агад̇ан̃н̃уу д̇ат̇ааг̇ад̇асса г̇ун̣ам̣ на ж̇аанаад̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва д̣̇звад̣̇ад̇д̇о агад̇ан̃н̃уу, буб̣б̣зби агад̇ан̃н̃ууязваа’’д̇и вад̇ваа ад̇ийд̇ам̣ аахари.
Asampadānenitarītarassāti idaṃ satthā veḷuvane viharanto devadattaṃ ārabbha kathesi. Tasmiñhi kāle bhikkhū dhammasabhāyaṃ kathaṃ samuṭṭhāpesuṃ ‘‘āvuso devadatto, akataññū tathāgatassa guṇaṃ na jānātī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva devadatto akataññū, pubbepi akataññūyevā’’ti vatvā atītaṃ āhari.
ад̇ийд̇з маг̇ад̇харадтз рааж̇аг̇ахз згасмим̣ маг̇ад̇харан̃н̃з раж̇ж̇ам̣ гаарзнд̇з б̣од̇хисад̇д̇о д̇ассзва сздти ахоси асийд̇игодивибхаво сан̇касздтийд̇и наамзна. б̣аараан̣асияам̣ бийл̣ияасздти наама асийд̇игодивибхавова ахоси. д̇з ан̃н̃аман̃н̃ам̣ сахааяагаа ахзсум̣. д̇зсу б̣аараан̣асияам̣ бийл̣ияасздтисса гзнажид̣̇зва гааран̣зна маханд̇ам̣ бхаяам̣ уббаж̇ж̇и, саб̣б̣ам̣ саабад̇зяяам̣ барихааяи. со д̣̇алид̣̇д̣̇о аббадисаран̣о худ̇ваа бхарияам̣ аад̣̇ааяа сан̇касздтим̣ бажжаяам̣ гад̇ваа б̣аараан̣асид̇о нигкамид̇ваа бад̣̇асаава рааж̇аг̇ахам̣ бад̇ваа сан̇касздтисса нивзсанам̣ аг̇амааси. со д̇ам̣ д̣̇исваава ‘‘сахааяо мз ааг̇ад̇о’’д̇и бариссаж̇ид̇ваа саггаарасаммаанам̣ гад̇ваа гад̇ибаахам̣ вийд̇инаамзд̇ваа згад̣̇ивасам̣ ‘‘самма, гзнадтзна ааг̇ад̇осий’’д̇и бужчи. ‘‘бхаяам̣ мз, самма, уббаннам̣, саб̣б̣ам̣ д̇ханам̣ баригкийн̣ам̣, убад̇т̇амбхо мз хохий’’д̇и. ‘‘саад̇ху самма, маа бхааяий’’д̇и бхан̣д̣ааг̇аарам̣ вивараабзд̇ваа жад̇д̇аалийса хиран̃н̃агодияо д̣̇аабзд̇ваа сзсамби барижчад̣̇абариваарам̣ саб̣б̣ам̣ ад̇д̇ано санд̇агам̣ савин̃н̃аан̣агам̣ авин̃н̃аан̣агам̣ маж̇жхз бхинд̣̇ид̇ваа убад̣дхамзва ад̣̇ааси. со д̇ам̣ вибхавам̣ аад̣̇ааяа буна б̣аараан̣асим̣ г̇анд̇ваа ниваасам̣ габбзси.
Atīte magadharaṭṭhe rājagahe ekasmiṃ magadharaññe rajjaṃ kārente bodhisatto tasseva seṭṭhi ahosi asītikoṭivibhavo saṅkhaseṭṭhīti nāmena. Bārāṇasiyaṃ pīḷiyaseṭṭhi nāma asītikoṭivibhavova ahosi. Te aññamaññaṃ sahāyakā ahesuṃ. Tesu bārāṇasiyaṃ pīḷiyaseṭṭhissa kenacideva kāraṇena mahantaṃ bhayaṃ uppajji, sabbaṃ sāpateyyaṃ parihāyi. So daliddo appaṭisaraṇo hutvā bhariyaṃ ādāya saṅkhaseṭṭhiṃ paccayaṃ katvā bārāṇasito nikkhamitvā padasāva rājagahaṃ patvā saṅkhaseṭṭhissa nivesanaṃ agamāsi. So taṃ disvāva ‘‘sahāyo me āgato’’ti parissajitvā sakkārasammānaṃ katvā katipāhaṃ vītināmetvā ekadivasaṃ ‘‘samma, kenaṭṭhena āgatosī’’ti pucchi. ‘‘Bhayaṃ me, samma, uppannaṃ, sabbaṃ dhanaṃ parikkhīṇaṃ, upatthambho me hohī’’ti. ‘‘Sādhu samma, mā bhāyī’’ti bhaṇḍāgāraṃ vivarāpetvā cattālīsa hiraññakoṭiyo dāpetvā sesampi paricchadaparivāraṃ sabbaṃ attano santakaṃ saviññāṇakaṃ aviññāṇakaṃ majjhe bhinditvā upaḍḍhameva adāsi. So taṃ vibhavaṃ ādāya puna bārāṇasiṃ gantvā nivāsaṃ kappesi.
абарабхааг̇з сан̇касздтиссаби д̇аад̣̇исамзва бхаяам̣ уббаж̇ж̇и. со ад̇д̇ано бадисаран̣ам̣ убад̇хаарзнд̇о ‘‘сахааяасса мз махааубагааро гад̇о, убад̣дхавибхаво д̣̇инно. на со мам̣ д̣̇исваа барижжаж̇иссад̇и, д̇асса санд̇игам̣ г̇амиссаамий’’д̇и жинд̇зд̇ваа бхарияам̣ аад̣̇ааяа бад̣̇асаава б̣аараан̣асим̣ г̇анд̇ваа бхарияам̣ ааха ‘‘бхад̣̇д̣̇з, д̇ава маяаа сад̣̇д̇хим̣ анд̇аравийт̇ияаа г̇аманам̣ наама на яуд̇д̇ам̣, маяаа бзсид̇аяаанамааруяха маханд̇зна бариваарзна бажчаа ааг̇амиссаси. яаава яаанам̣ бзсзми, д̇аава ид̇хзва хохий’’д̇и вад̇ваа д̇ам̣ саалааяа табзд̇ваа саяам̣ наг̇арам̣ бависид̇ваа сздтисса гхарам̣ г̇анд̇ваа ‘‘рааж̇аг̇аханаг̇арад̇о д̇умхаагам̣ сахааяо сан̇касздти наама ааг̇ад̇о’’д̇и аарожаабзси. со ‘‘ааг̇ажчад̇уу’’д̇и баггосаабзд̇ваа д̇ам̣ д̣̇исваа нзва аасанаа вудтааси, на бадисант̇аарам̣ агааси, гзвалам̣ ‘‘гимад̇т̇ам̣ ааг̇ад̇осий’’д̇и бужчи. ‘‘д̇умхаагам̣ д̣̇ассанад̇т̇ам̣ ааг̇ад̇омхий’’д̇и. ‘‘ниваасо д̇з гахам̣ г̇ахид̇о’’д̇и? ‘‘на д̇аава ниваасадтаанам̣ ад̇т̇и, сздтигхаран̣имби саалааяа табзд̇ваава ааг̇ад̇омхий’’д̇и. ‘‘д̇умхаагам̣ ид̇ха ниваасадтаанам̣ над̇т̇и, ниваабам̣ г̇ахзд̇ваа згасмим̣ таанз бажаабзд̇ваа бхун̃ж̇ид̇ваа г̇ажчат̇а, буна амхаагам̣ гхарам̣ маа бависат̇аа’’д̇и вад̇ваа ‘‘маяхам̣ сахааяасса д̣̇уссанд̇з б̣анд̇хид̇ваа згам̣ б̣ахалабалаабад̇умб̣ам̣ д̣̇зхий’’д̇и д̣̇аасам̣ аан̣аабзси. д̇ам̣ д̣̇ивасам̣ гира со рад̇д̇асаалийнам̣ сагадасахассамад̇д̇ам̣ опунаабзд̇ваа годтааг̇аарам̣ буураабзси, жад̇д̇аалийсагодид̇ханам̣ г̇ахзд̇ваа ааг̇ад̇о агад̇ан̃н̃уу махаажоро сахааяагасса д̇умб̣амад̇д̇з балаабз д̣̇аабзси. д̣̇аасо бажчияам̣ згам̣ балаабад̇умб̣ам̣ багкибид̇ваа б̣од̇хисад̇д̇асса санд̇игам̣ аг̇амааси.
Aparabhāge saṅkhaseṭṭhissapi tādisameva bhayaṃ uppajji. So attano paṭisaraṇaṃ upadhārento ‘‘sahāyassa me mahāupakāro kato, upaḍḍhavibhavo dinno. Na so maṃ disvā pariccajissati, tassa santikaṃ gamissāmī’’ti cintetvā bhariyaṃ ādāya padasāva bārāṇasiṃ gantvā bhariyaṃ āha ‘‘bhadde, tava mayā saddhiṃ antaravīthiyā gamanaṃ nāma na yuttaṃ, mayā pesitayānamāruyha mahantena parivārena pacchā āgamissasi. Yāva yānaṃ pesemi, tāva idheva hohī’’ti vatvā taṃ sālāya ṭhapetvā sayaṃ nagaraṃ pavisitvā seṭṭhissa gharaṃ gantvā ‘‘rājagahanagarato tumhākaṃ sahāyo saṅkhaseṭṭhi nāma āgato’’ti ārocāpesi. So ‘‘āgacchatū’’ti pakkosāpetvā taṃ disvā neva āsanā vuṭṭhāsi, na paṭisanthāraṃ akāsi, kevalaṃ ‘‘kimatthaṃ āgatosī’’ti pucchi. ‘‘Tumhākaṃ dassanatthaṃ āgatomhī’’ti. ‘‘Nivāso te kahaṃ gahito’’ti? ‘‘Na tāva nivāsaṭṭhānaṃ atthi, seṭṭhigharaṇimpi sālāya ṭhapetvāva āgatomhī’’ti. ‘‘Tumhākaṃ idha nivāsaṭṭhānaṃ natthi, nivāpaṃ gahetvā ekasmiṃ ṭhāne pacāpetvā bhuñjitvā gacchatha, puna amhākaṃ gharaṃ mā pavisathā’’ti vatvā ‘‘mayhaṃ sahāyassa dussante bandhitvā ekaṃ bahalapalāpatumbaṃ dehī’’ti dāsaṃ āṇāpesi. Taṃ divasaṃ kira so rattasālīnaṃ sakaṭasahassamattaṃ ophunāpetvā koṭṭhāgāraṃ pūrāpesi, cattālīsakoṭidhanaṃ gahetvā āgato akataññū mahācoro sahāyakassa tumbamatte palāpe dāpesi. Dāso pacchiyaṃ ekaṃ palāpatumbaṃ pakkhipitvā bodhisattassa santikaṃ agamāsi.
б̣од̇хисад̇д̇о жинд̇зси – ‘‘аяам̣ асаббурисо мама санд̇игаа жад̇д̇аалийсагодид̇ханам̣ лабхид̇ваа ид̣̇аани балаабад̇умб̣ам̣ д̣̇аабзси, г̇ан̣хаами ну ко, на г̇ан̣хаамий’’д̇и? ат̇асса зд̇ад̣̇ахоси ‘‘аяам̣ д̇аава агад̇ан̃н̃уу мид̇д̇ад̣̇уб̣бхий гад̇авинаасагабхаавзна маяаа сад̣̇д̇хим̣ мид̇д̇абхаавам̣ бхинд̣̇и. сажаахам̣ зд̇зна д̣̇иннам̣ балаабад̇умб̣ам̣ лаамагад̇д̇аа на г̇ан̣хиссаами, ахамби мид̇д̇абхаавам̣ бхинд̣̇иссаами. анд̇хаб̣аалаа барид̇д̇агам̣ лад̣̇д̇хам̣ аг̇г̇ан̣ханд̇аа мид̇д̇абхаавам̣ винаасзнд̇и, ахам̣ бана зд̇зна д̣̇иннам̣ балаабад̇умб̣ам̣ г̇ахзд̇ваа мама васзна мид̇д̇абхаавам̣ бад̇идтаабзссаамий’’д̇и. со балаабад̇умб̣ам̣ д̣̇уссанд̇з б̣анд̇хид̇ваа баасаад̣̇аа оруяха саалам̣ аг̇амааси. ат̇а нам̣ бхарияаа ‘‘гим̣ д̇з, аяяа, лад̣̇д̇ха’’нд̇и бужчи. ‘‘бхад̣̇д̣̇з амхаагам̣ сахааяо бийл̣ияасздти балаабад̇умб̣ам̣ д̣̇ад̇ваа амхз аж̇ж̇зва виссаж̇ж̇зсий’’д̇и. саа ‘‘аяяа, гимад̇т̇ам̣ аг̇г̇ахзси, гим̣ зд̇ам̣ жад̇д̇аалийсагодид̇ханасса анужчавига’’нд̇и род̣̇ид̇ум̣ аарабхи. б̣од̇хисад̇д̇оби ‘‘бхад̣̇д̣̇з, маа род̣̇и, ахам̣ д̇зна сад̣̇д̇хим̣ мид̇д̇абхаавабхзд̣̇анабхаязна мама васзна мид̇д̇абхаавам̣ бад̇идтаабзд̇ум̣ г̇ан̣хим̣, д̇вам̣ гим̣гааран̣аа род̣̇асий’’д̇и вад̇ваа имам̣ г̇аат̇амааха –
Bodhisatto cintesi – ‘‘ayaṃ asappuriso mama santikā cattālīsakoṭidhanaṃ labhitvā idāni palāpatumbaṃ dāpesi, gaṇhāmi nu kho, na gaṇhāmī’’ti? Athassa etadahosi ‘‘ayaṃ tāva akataññū mittadubbhī katavināsakabhāvena mayā saddhiṃ mittabhāvaṃ bhindi. Sacāhaṃ etena dinnaṃ palāpatumbaṃ lāmakattā na gaṇhissāmi, ahampi mittabhāvaṃ bhindissāmi. Andhabālā parittakaṃ laddhaṃ aggaṇhantā mittabhāvaṃ vināsenti, ahaṃ pana etena dinnaṃ palāpatumbaṃ gahetvā mama vasena mittabhāvaṃ patiṭṭhāpessāmī’’ti. So palāpatumbaṃ dussante bandhitvā pāsādā oruyha sālaṃ agamāsi. Atha naṃ bhariyā ‘‘kiṃ te, ayya, laddha’’nti pucchi. ‘‘Bhadde amhākaṃ sahāyo pīḷiyaseṭṭhi palāpatumbaṃ datvā amhe ajjeva vissajjesī’’ti. Sā ‘‘ayya, kimatthaṃ aggahesi, kiṃ etaṃ cattālīsakoṭidhanassa anucchavika’’nti rodituṃ ārabhi. Bodhisattopi ‘‘bhadde, mā rodi, ahaṃ tena saddhiṃ mittabhāvabhedanabhayena mama vasena mittabhāvaṃ patiṭṭhāpetuṃ gaṇhiṃ, tvaṃ kiṃkāraṇā rodasī’’ti vatvā imaṃ gāthamāha –
131.
131.
‘‘асамбад̣̇аанзнид̇арийд̇арасса, б̣ааласса мид̇д̇аани галийбхаванд̇и;
‘‘Asampadānenitarītarassa, bālassa mittāni kalībhavanti;
д̇асмаа хараами бхусам̣ ад̣дхамаанам̣, маа мз мид̇д̇и ж̇ийяид̇т̇а сассад̇ааяа’’нд̇и.
Tasmā harāmi bhusaṃ aḍḍhamānaṃ, mā me mitti jīyittha sassatāya’’nti.
д̇ад̇т̇а асамбад̣̇аанзнаад̇и асамбаад̣̇аанзна. агааралобз санд̇хи, аг̇г̇ахан̣знаад̇и ад̇т̇о. ид̇арийд̇арассаад̇и яасса гассажи лаамагаалаамагасса. б̣ааласса мид̇д̇аани галийбхаванд̇ийд̇и д̣̇анд̇хасса абан̃н̃асса мид̇д̇аани галийни гаал̣аган̣н̣исад̣̇исаани хонд̇и, бхиж̇ж̇анд̇ийд̇и ад̇т̇о. д̇асмаа хараами бхусам̣ ад̣дхамаананд̇и д̇зна гааран̣зна ахам̣ сахааязна д̣̇иннам̣ згабалаабад̇умб̣ам̣ хараами г̇ан̣хаамийд̇и д̣̇ассзд̇и. ‘‘маана’’нд̇и хи адтаннам̣ наал̣ийнам̣ наамам̣, жад̇уннам̣ ад̣дхамаанам̣, жад̇ассо жа наал̣ияо д̇умб̣о наама. д̇зна вуд̇д̇ам̣ ‘‘балаабад̇умб̣а’’нд̇и. маа мз мид̇д̇и ж̇ийяид̇т̇а сассад̇ааяанд̇и мама сахааязна сад̣̇д̇хим̣ мид̇д̇и маа бхиж̇ж̇ид̇т̇а, сассад̇аава аяам̣ ход̇ууд̇и ад̇т̇о.
Tattha asampadānenāti asampādānena. Akāralope sandhi, aggahaṇenāti attho. Itarītarassāti yassa kassaci lāmakālāmakassa. Bālassa mittāni kalībhavantīti dandhassa apaññassa mittāni kalīni kāḷakaṇṇisadisāni honti, bhijjantīti attho. Tasmā harāmi bhusaṃ aḍḍhamānanti tena kāraṇena ahaṃ sahāyena dinnaṃ ekapalāpatumbaṃ harāmi gaṇhāmīti dasseti. ‘‘Māna’’nti hi aṭṭhannaṃ nāḷīnaṃ nāmaṃ, catunnaṃ aḍḍhamānaṃ, catasso ca nāḷiyo tumbo nāma. Tena vuttaṃ ‘‘palāpatumba’’nti. Mā me mitti jīyittha sassatāyanti mama sahāyena saddhiṃ mitti mā bhijjittha, sassatāva ayaṃ hotūti attho.
звам̣ вуд̇д̇зби сздтибхарияаа род̣̇ад̇зва. д̇асмим̣ кан̣з сан̇касздтинаа бийл̣ияасздтисса д̣̇инно гамманд̇ад̣̇аасо саалаад̣̇ваарзна ааг̇ажчанд̇о сздтибхарияааяа род̣̇анасад̣̇д̣̇ам̣ суд̇ваа саалам̣ бависид̇ваа ад̇д̇ано саамигз д̣̇исваа баад̣̇зсу нибад̇ид̇ваа род̣̇ид̇ваа ганд̣̇ид̇ваа ‘‘гимад̇т̇ам̣ ид̇хааг̇ад̇ад̇т̇а, саамий’’д̇и бужчи. сздти саб̣б̣ам̣ аарожзси. гамманд̇ад̣̇аасо ‘‘ход̇у, саами, маа жинд̇аяид̇т̇аа’’д̇и убхоби ассаасзд̇ваа ад̇д̇ано г̇зхам̣ нзд̇ваа г̇анд̇ход̣̇агзна нхаабзд̇ваа бхож̇зд̇ваа ‘‘саамигаа, во ааг̇ад̇аа’’д̇и сзсад̣̇аасз саннибаад̇зд̇ваа д̣̇ассзд̇ваа гад̇ибаахам̣ вийд̇инаамзд̇ваа саб̣б̣з д̣̇аасз г̇ахзд̇ваа рааж̇ан̇г̇ан̣ам̣ г̇анд̇ваа убаравам̣ агааси. рааж̇аа баггосаабзд̇ваа ‘‘гим̣ зд̇а’’нд̇и бужчи, д̇з саб̣б̣ам̣ д̇ам̣ бавад̇д̇им̣ ран̃н̃о аарожзсум̣.
Evaṃ vuttepi seṭṭhibhariyā rodateva. Tasmiṃ khaṇe saṅkhaseṭṭhinā pīḷiyaseṭṭhissa dinno kammantadāso sālādvārena āgacchanto seṭṭhibhariyāya rodanasaddaṃ sutvā sālaṃ pavisitvā attano sāmike disvā pādesu nipatitvā roditvā kanditvā ‘‘kimatthaṃ idhāgatattha, sāmī’’ti pucchi. Seṭṭhi sabbaṃ ārocesi. Kammantadāso ‘‘hotu, sāmi, mā cintayitthā’’ti ubhopi assāsetvā attano gehaṃ netvā gandhodakena nhāpetvā bhojetvā ‘‘sāmikā, vo āgatā’’ti sesadāse sannipātetvā dassetvā katipāhaṃ vītināmetvā sabbe dāse gahetvā rājaṅgaṇaṃ gantvā uparavaṃ akāsi. Rājā pakkosāpetvā ‘‘kiṃ eta’’nti pucchi, te sabbaṃ taṃ pavattiṃ rañño ārocesuṃ.
рааж̇аа д̇зсам̣ важанам̣ суд̇ваа убхоби сздтий баггосаабзд̇ваа сан̇касздтим̣ бужчи ‘‘сажжам̣ гира д̇аяаа махаасздти бийл̣ияасздтисса жад̇д̇аалийсагодид̇ханам̣ д̣̇инна’’нд̇и? ‘‘аама, махаарааж̇а, мама сахааяасса мам̣ д̇аггзд̇ваа рааж̇аг̇ахам̣ ааг̇ад̇асса на гзвалам̣ д̇ханам̣, саб̣б̣ам̣ вибхаваж̇аад̇ам̣ савин̃н̃аан̣агам̣ авин̃н̃аан̣агам̣ д̣̇вз годтаасз гад̇ваа самабхааг̇з ад̣̇аасинд̇и. рааж̇аа ‘‘сажжамзд̇а’’нд̇и бийл̣ияасздтим̣ бужчи. ‘‘аама, д̣̇зваа’’д̇и. ‘‘д̇аяаа банасса д̇ан̃н̃зва д̇аггзд̇ваа ааг̇ад̇асса ад̇т̇и гожи саггааро ваа саммаано ваа гад̇о’’д̇и. со д̇ун̣хий ахоси. аби бана д̇з зд̇асса балаабад̇умб̣амад̇д̇ам̣ д̣̇уссанд̇з багкибаабзд̇ваа д̣̇аабид̇ам̣ ад̇т̇ийд̇и. д̇амби суд̇ваа д̇ун̣хийязва ахоси. рааж̇аа ‘‘гим̣ гаад̇аб̣б̣а’’нд̇и амажжзхи сад̣̇д̇хим̣ манд̇зд̇ваа д̇ам̣ барибхаасид̇ваа ‘‘г̇ажчат̇а, бийл̣ияасздтисса гхарз саб̣б̣ам̣ вибхавам̣ сан̇касздтисса д̣̇зт̇аа’’д̇и ааха. б̣од̇хисад̇д̇о ‘‘махаарааж̇а, маяхам̣ барасанд̇агзна ад̇т̇о над̇т̇и, маяаа д̣̇иннамад̇д̇амзва бана д̣̇аабзт̇аа’’д̇и ааха. рааж̇аа б̣од̇хисад̇д̇асса санд̇агам̣ д̣̇аабзси. б̣од̇хисад̇д̇о саб̣б̣ам̣ ад̇д̇ано д̣̇иннавибхавам̣ бадилабхид̇ваа д̣̇аасабаривуд̇о рааж̇аг̇ахамзва г̇анд̇ваа гудумб̣ам̣ сан̣табзд̇ваа д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Rājā tesaṃ vacanaṃ sutvā ubhopi seṭṭhī pakkosāpetvā saṅkhaseṭṭhiṃ pucchi ‘‘saccaṃ kira tayā mahāseṭṭhi pīḷiyaseṭṭhissa cattālīsakoṭidhanaṃ dinna’’nti? ‘‘Āma, mahārāja, mama sahāyassa maṃ takketvā rājagahaṃ āgatassa na kevalaṃ dhanaṃ, sabbaṃ vibhavajātaṃ saviññāṇakaṃ aviññāṇakaṃ dve koṭṭhāse katvā samabhāge adāsinti. Rājā ‘‘saccameta’’nti pīḷiyaseṭṭhiṃ pucchi. ‘‘Āma, devā’’ti. ‘‘Tayā panassa taññeva takketvā āgatassa atthi koci sakkāro vā sammāno vā kato’’ti. So tuṇhī ahosi. Api pana te etassa palāpatumbamattaṃ dussante pakkhipāpetvā dāpitaṃ atthīti. Tampi sutvā tuṇhīyeva ahosi. Rājā ‘‘kiṃ kātabba’’nti amaccehi saddhiṃ mantetvā taṃ paribhāsitvā ‘‘gacchatha, pīḷiyaseṭṭhissa ghare sabbaṃ vibhavaṃ saṅkhaseṭṭhissa dethā’’ti āha. Bodhisatto ‘‘mahārāja, mayhaṃ parasantakena attho natthi, mayā dinnamattameva pana dāpethā’’ti āha. Rājā bodhisattassa santakaṃ dāpesi. Bodhisatto sabbaṃ attano dinnavibhavaṃ paṭilabhitvā dāsaparivuto rājagahameva gantvā kuṭumbaṃ saṇṭhapetvā dānādīni puññāni katvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа бийл̣ияасздти д̣̇звад̣̇ад̇д̇о ахоси, сан̇касздти бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā pīḷiyaseṭṭhi devadatto ahosi, saṅkhaseṭṭhi pana ahameva ahosi’’nti.
асамбад̣̇аанаж̇аад̇агаван̣н̣анаа батамаа.
Asampadānajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 131. асамбад̣̇аанаж̇аад̇агам̣ • 131. Asampadānajātakaṃ
