| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੦. ਅਸਨਬੋਧਿਯਤ੍ਥੇਰਅਪਦਾਨવਣ੍ਣਨਾ
10. Asanabodhiyattheraapadānavaṇṇanā
ਜਾਤਿਯਾ ਸਤ੍ਤવਸ੍ਸੋਹਨ੍ਤਿਆਦਿਕਂ ਆਯਸ੍ਮਤੋ ਅਸਨਬੋਧਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਤਿਸ੍ਸਸ੍ਸ ਭਗવਤੋ ਕਾਲੇ ਅਞ੍ਞਤਰਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਸੁਖਪ੍ਪਤ੍ਤੋ ਸਾਸਨੇ ਪਸਨ੍ਨੋ ਅਸਨਬੋਧਿਤੋ ਫਲਂ ਗਹੇਤ੍વਾ ਤਤੋ વੁਟ੍ਠਿਤਬੋਧਿਤਰੁਣੇ ਗਹੇਤ੍વਾ ਬੋਧਿਂ ਰੋਪੇਸਿ, ਯਥਾ ਨ વਿਨਸ੍ਸਤਿ ਤਥਾ ਉਦਕਾਸਿਞ੍ਚਨਾਦਿਕਮ੍ਮੇਨ ਰਕ੍ਖਿਤ੍વਾ ਪੂਜੇਸਿ। ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ ਪਰਿਪਕ੍ਕਸਮ੍ਭਾਰਤ੍ਤਾ ਸਤ੍ਤવਸ੍ਸਿਕੋવ ਸਮਾਨੋ ਪਬ੍ਬਜਿਤ੍વਾ ਖੁਰਗ੍ਗੇਯੇવ ਅਰਹਤ੍ਤਂ ਪਾਪੁਣਿ, ਪੁਰਾਕਤਪੁਞ੍ਞਨਾਮੇਨ ਅਸਨਬੋਧਿਯਤ੍ਥੇਰੋਤਿ ਪਾਕਟੋ।
Jātiyā sattavassohantiādikaṃ āyasmato asanabodhiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle aññatarasmiṃ kulagehe nibbatto vuddhippatto sukhappatto sāsane pasanno asanabodhito phalaṃ gahetvā tato vuṭṭhitabodhitaruṇe gahetvā bodhiṃ ropesi, yathā na vinassati tathā udakāsiñcanādikammena rakkhitvā pūjesi. So tena puññena devamanussesu sampattiyo anubhavitvā imasmiṃ buddhuppāde kulagehe nibbatto paripakkasambhārattā sattavassikova samāno pabbajitvā khuraggeyeva arahattaṃ pāpuṇi, purākatapuññanāmena asanabodhiyattheroti pākaṭo.
੭੮. ਸੋ ਪੁਬ੍ਬਸਮ੍ਭਾਰਮਨੁਸ੍ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਜਾਤਿਯਾ ਸਤ੍ਤવਸ੍ਸੋਹਨ੍ਤਿਆਦਿਮਾਹ। ਤਤ੍ਥ ਜਾਤਿਯਾਤਿ ਮਾਤੁਗਬ੍ਭਤੋ ਨਿਕ੍ਖਨ੍ਤਕਾਲਤੋ ਪਟ੍ਠਾਯਾਤਿ ਅਤ੍ਥੋ। ਸਤ੍ਤવਸ੍ਸੋ ਪਰਿਪੁਣ੍ਣਸਰਦੋ ਅਹਂ ਲੋਕਨਾਯਕਂ ਤਿਸ੍ਸਂ ਭਗવਨ੍ਤਂ ਅਦ੍ਦਸਨ੍ਤਿ ਸਮ੍ਬਨ੍ਧੋ। ਪਸਨ੍ਨਚਿਤ੍ਤੋ ਸੁਮਨੋਤਿ ਪਕਾਰੇਨ ਪਸਨ੍ਨਅਨਾਲੁਲ਼ਿਤਅવਿਕਮ੍ਪਿਤਚਿਤ੍ਤੋ, ਸੁਮਨੋ ਸੁਨ੍ਦਰਮਨੋ ਸੋਮਨਸ੍ਸਸਹਗਤਚਿਤ੍ਤੋਤਿ ਅਤ੍ਥੋ।
78. So pubbasambhāramanussaritvā somanassajāto pubbacaritāpadānaṃ pakāsento jātiyā sattavassohantiādimāha. Tattha jātiyāti mātugabbhato nikkhantakālato paṭṭhāyāti attho. Sattavasso paripuṇṇasarado ahaṃ lokanāyakaṃ tissaṃ bhagavantaṃ addasanti sambandho. Pasannacitto sumanoti pakārena pasannaanāluḷitaavikampitacitto, sumano sundaramano somanassasahagatacittoti attho.
੭੯. ਤਿਸ੍ਸਸ੍ਸਾਹਂ ਭਗવਤੋਤਿ ਤਿਕ੍ਖਤ੍ਤੁਂ ਜਾਤੋਤਿ ਤਿਸ੍ਸੋ, ਸੋ ਮਾਤੁਗਬ੍ਭਤੋ, ਮਨੁਸ੍ਸਜਾਤਿਤੋ, ਪਞ੍ਚਕ੍ਖਨ੍ਧਤੋ ਚ ਮੁਤ੍ਤੋ ਹੁਤ੍વਾ ਜਾਤੋ ਨਿਬ੍ਬਤ੍ਤੋ ਬੁਦ੍ਧੋ ਜਾਤੋਤਿ ਅਤ੍ਥੋ। ਤਸ੍ਸ ਤਿਸ੍ਸਸ੍ਸ ਭਗવਤੋ ਤਾਦਿਨੋ, ਲੋਕਜੇਟ੍ਠਸ੍ਸ ਅਸਨਬੋਧਿਂ ਉਤ੍ਤਮਂ ਰੋਪਯਿਨ੍ਤਿ ਸਮ੍ਬਨ੍ਧੋ।
79.Tissassāhaṃ bhagavatoti tikkhattuṃ jātoti tisso, so mātugabbhato, manussajātito, pañcakkhandhato ca mutto hutvā jāto nibbatto buddho jātoti attho. Tassa tissassa bhagavato tādino, lokajeṭṭhassa asanabodhiṃ uttamaṃ ropayinti sambandho.
੮੦. ਅਸਨੋ ਨਾਮਧੇਯ੍ਯੇਨਾਤਿ ਨਾਮਪਞ੍ਞਤ੍ਤਿਯਾ ਨਾਮਸਞ੍ਞਾਯ ਅਸਨੋ ਨਾਮ ਅਸਨਰੁਕ੍ਖੋ ਬੋਧਿ ਅਹੋਸੀਤਿ ਅਤ੍ਥੋ। ਧਰਣੀਰੁਹਪਾਦਪੋਤਿ વਲ੍ਲਿਰੁਕ੍ਖਪਬ੍ਬਤਗਙ੍ਗਾਸਾਗਰਾਦਯੋ ਧਾਰੇਤੀਤਿ ਧਰਣੀ, ਕਾ ਸਾ? ਪਥવੀ, ਤਸ੍ਸਂ ਰੁਹਤਿ ਪਤਿਟ੍ਠਹਤੀਤਿ ਧਰਣੀਰੁਹੋ, ਪਾਦੇਨ ਪਿવਤੀਤਿ ਪਾਦਪੋ, ਪਾਦਸਙ੍ਖਾਤੇਨ ਮੂਲੇਨ ਸਿਞ੍ਚਿਤੋਦਕਂ ਪਿવਤਿ ਆਪੋਰਸਂ ਸਿਨੇਹਂ ਧਾਰੇਤੀਤਿ ਅਤ੍ਥੋ। ਧਰਣੀਰੁਹੋ ਚ ਸੋ ਪਾਦਪੋ ਚਾਤਿ ਧਰਣੀਰੁਹਪਾਦਪੋ, ਤਂ ਉਤ੍ਤਮਂ ਅਸਨਂ ਬੋਧਿਂ ਪਞ੍ਚ વਸ੍ਸਾਨਿ ਪਰਿਚਰਿਂ ਪੋਸੇਸਿਨ੍ਤਿ ਅਤ੍ਥੋ।
80.Asano nāmadheyyenāti nāmapaññattiyā nāmasaññāya asano nāma asanarukkho bodhi ahosīti attho. Dharaṇīruhapādapoti vallirukkhapabbatagaṅgāsāgarādayo dhāretīti dharaṇī, kā sā? Pathavī, tassaṃ ruhati patiṭṭhahatīti dharaṇīruho, pādena pivatīti pādapo, pādasaṅkhātena mūlena siñcitodakaṃ pivati āporasaṃ sinehaṃ dhāretīti attho. Dharaṇīruho ca so pādapo cāti dharaṇīruhapādapo, taṃ uttamaṃ asanaṃ bodhiṃ pañca vassāni paricariṃ posesinti attho.
੮੧. ਪੁਪ੍ਫਿਤਂ ਪਾਦਪਂ ਦਿਸ੍વਾਤਿ ਤਂ ਮਯਾ ਪੋਸਿਤਂ ਅਸਨਬੋਧਿਰੁਕ੍ਖਂ ਪੁਪ੍ਫਿਤਂ ਅਚ੍ਛਰਯੋਗ੍ਗਭੂਤਪੁਪ੍ਫਤ੍ਤਾ ਅਬ੍ਭੁਤਂ ਲੋਮਹਂਸਕਰਣਂ ਦਿਸ੍વਾ ਸਕਂ ਕਮ੍ਮਂ ਅਤ੍ਤਨੋ ਕਮ੍ਮਂ ਪਕਿਤ੍ਤੇਨ੍ਤੋ ਪਕਾਰੇਨ ਕਥਯਨ੍ਤੋ ਬੁਦ੍ਧਸੇਟ੍ਠਸ੍ਸ ਸਨ੍ਤਿਕਂ ਅਗਮਾਸਿਨ੍ਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
81.Pupphitaṃ pādapaṃ disvāti taṃ mayā positaṃ asanabodhirukkhaṃ pupphitaṃ accharayoggabhūtapupphattā abbhutaṃ lomahaṃsakaraṇaṃ disvā sakaṃkammaṃ attano kammaṃ pakittento pakārena kathayanto buddhaseṭṭhassa santikaṃ agamāsinti attho. Sesaṃ sabbattha uttānatthamevāti.
ਅਸਨਬੋਧਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Asanabodhiyattheraapadānavaṇṇanā samattā.
ਛਟ੍ਠવਗ੍ਗવਣ੍ਣਨਾ ਸਮਤ੍ਤਾ।
Chaṭṭhavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧੦. ਅਸਨਬੋਧਿਯਤ੍ਥੇਰਅਪਦਾਨਂ • 10. Asanabodhiyattheraapadānaṃ
