| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[76] 6. асан̇гияаж̇аад̇агаван̣н̣анаа
[76] 6. Asaṅkiyajātakavaṇṇanā
асан̇гияомхи г̇аамамхийд̇и ид̣̇ам̣ сад̇т̇аа ж̇зд̇аванз вихаранд̇о згам̣ саавад̇т̇иваасим̣ убаасагам̣ аараб̣бха гат̇зси. со гира сод̇аабанно арияасааваго гзнажид̣̇зва гаран̣ийязна згзна сагадасад̇т̇аваахзна сад̣̇д̇хим̣ маг̇г̇ам̣ бадибаж̇ж̇ид̇ваа згасмим̣ аран̃н̃адтаанз сагадаани можзд̇ваа канд̇хааваараб̣анд̇хз гад̇з сад̇т̇аваахасса авид̣̇уурз ан̃н̃ад̇арасмим̣ ругкамуулз жан̇гамад̇и. ат̇ад̇д̇ано гаалам̣ саллагкзд̇ваа бан̃жасад̇аа жораа ‘‘канд̇хааваарам̣ вилумбиссаамаа’’д̇и д̇ханумуг̇г̇араад̣̇ихад̇т̇аа д̇ам̣ таанам̣ бариваараяим̣су. убаасагоби жан̇гамад̇иязва. жораа нам̣ д̣̇исваа ‘‘ад̣̇д̇хаа зса канд̇хааваарарагкаго бхависсад̇и, имасса нид̣̇д̣̇ам̣ огганд̇агаалз вилумбиссаамаа’’д̇и аж̇жход̇т̇арид̇ум̣ асаггонд̇аа д̇ад̇т̇а д̇ад̇т̇зва адтам̣су. соби убаасаго батамаяаамзби маж̇жхимаяаамзби бажчимаяаамзби жан̇гаманд̇оязва адтааси. бажжуусагаалз ж̇аад̇з жораа огаасам̣ алабханд̇аа г̇ахид̇з баасаан̣амуг̇г̇араад̣̇аяо чад̣д̣зд̇ваа балааяим̣су.
Asaṅkiyomhigāmamhīti idaṃ satthā jetavane viharanto ekaṃ sāvatthivāsiṃ upāsakaṃ ārabbha kathesi. So kira sotāpanno ariyasāvako kenacideva karaṇīyena ekena sakaṭasatthavāhena saddhiṃ maggaṃ paṭipajjitvā ekasmiṃ araññaṭṭhāne sakaṭāni mocetvā khandhāvārabandhe kate satthavāhassa avidūre aññatarasmiṃ rukkhamūle caṅkamati. Athattano kālaṃ sallakkhetvā pañcasatā corā ‘‘khandhāvāraṃ vilumpissāmā’’ti dhanumuggarādihatthā taṃ ṭhānaṃ parivārayiṃsu. Upāsakopi caṅkamatiyeva. Corā naṃ disvā ‘‘addhā esa khandhāvārarakkhako bhavissati, imassa niddaṃ okkantakāle vilumpissāmā’’ti ajjhottharituṃ asakkontā tattha tattheva aṭṭhaṃsu. Sopi upāsako paṭhamayāmepi majjhimayāmepi pacchimayāmepi caṅkamantoyeva aṭṭhāsi. Paccūsakāle jāte corā okāsaṃ alabhantā gahite pāsāṇamuggarādayo chaḍḍetvā palāyiṃsu.
убаасагоби ад̇д̇ано гаммам̣ нидтаабзд̇ваа буна саавад̇т̇им̣ ааг̇анд̇ваа сад̇т̇аарам̣ убасан̇гамид̇ваа ‘‘бханд̇з, ад̇д̇аанам̣ рагкамаанаа барарагкагаа хонд̇ий’’д̇и бужчи. ‘‘аама, убаасага, ад̇д̇аанам̣ рагканд̇о барамби рагкад̇и, барам̣ рагканд̇о ад̇д̇аанамби рагкад̇ий’’д̇и. со ‘‘яаава субхаасид̇ан̃жид̣̇ам̣, бханд̇з, бхаг̇авад̇аа, ахам̣ згзна сад̇т̇аваахзна сад̣̇д̇хим̣ маг̇г̇ам̣ бадибанно ругкамуулз жан̇гаманд̇о ‘мам̣ рагкиссаамий’д̇и сагаласад̇т̇ам̣ рагки’’нд̇и ааха. сад̇т̇аа ‘‘убаасага, буб̣б̣зби бан̣д̣ид̇аа ад̇д̇аанам̣ рагканд̇аа барам̣ рагким̣суу’’д̇и вад̇ваа д̇зна яаажид̇о ад̇ийд̇ам̣ аахари.
Upāsakopi attano kammaṃ niṭṭhāpetvā puna sāvatthiṃ āgantvā satthāraṃ upasaṅkamitvā ‘‘bhante, attānaṃ rakkhamānā pararakkhakā hontī’’ti pucchi. ‘‘Āma, upāsaka, attānaṃ rakkhanto parampi rakkhati, paraṃ rakkhanto attānampi rakkhatī’’ti. So ‘‘yāva subhāsitañcidaṃ, bhante, bhagavatā, ahaṃ ekena satthavāhena saddhiṃ maggaṃ paṭipanno rukkhamūle caṅkamanto ‘maṃ rakkhissāmī’ti sakalasatthaṃ rakkhi’’nti āha. Satthā ‘‘upāsaka, pubbepi paṇḍitā attānaṃ rakkhantā paraṃ rakkhiṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣раахман̣агулз ниб̣б̣ад̇д̇ид̇ваа ваяаббад̇д̇о гаамзсу аад̣̇ийнавам̣ д̣̇исваа исибаб̣б̣аж̇ж̇ам̣ баб̣б̣аж̇ид̇ваа химаванд̇з васанд̇о лон̣амб̣иласзванад̇т̇ааяа ж̇анабад̣̇ам̣ ааг̇анд̇ваа ж̇анабад̣̇ажааригам̣ жаранд̇о згзна сад̇т̇аваахзна сад̣̇д̇хим̣ маг̇г̇ам̣ бадибаж̇ж̇ид̇ваа згасмим̣ аран̃н̃адтаанз сад̇т̇з нивидтз сад̇т̇ад̇о авид̣̇уурз жхаанасукзна вийд̇инаамзнд̇о ан̃н̃ад̇арасмим̣ ругкамуулз жан̇гаманд̇о адтааси. ат̇а ко бан̃жасад̇аа жораа ‘‘сааяамаасабхад̇д̇асса бхуд̇д̇агаалз д̇ам̣ сагадасад̇т̇ам̣ вилумбиссаамаа’’д̇и ааг̇анд̇ваа бариваараяим̣су. д̇з д̇ам̣ д̇аабасам̣ д̣̇исваа ‘‘сажз аяам̣ амхз бассиссад̇и, сад̇т̇аваасигаанам̣ аарожзссад̇и, зд̇асса нид̣̇д̣̇уубаг̇ад̇авзлааяа вилумбиссаамаа’’д̇и д̇ад̇т̇зва адтам̣су. д̇аабасо сагаламби рад̇д̇им̣ жан̇гамиязва. жораа огаасам̣ алабхид̇ваа г̇ахид̇аг̇ахид̇з муг̇г̇арабаасаан̣з чад̣д̣зд̇ваа сагадасад̇т̇аваасийнам̣ сад̣̇д̣̇ам̣ д̣̇ад̇ваа ‘‘бхонд̇о, сад̇т̇аваасино сажз зса ругкамуулз жан̇гаманагад̇аабасо аж̇ж̇а наабхависса, саб̣б̣з махаавилобам̣ бад̇д̇аа абхависсат̇а, свз д̇аабасасса махаасаггаарам̣ гарзяяаат̇аа’’д̇и вад̇ваа баггамим̣су.
Atīte bārāṇasiyaṃ brahmadatte rajjaṃ kārente bodhisatto brāhmaṇakule nibbattitvā vayappatto kāmesu ādīnavaṃ disvā isipabbajjaṃ pabbajitvā himavante vasanto loṇambilasevanatthāya janapadaṃ āgantvā janapadacārikaṃ caranto ekena satthavāhena saddhiṃ maggaṃ paṭipajjitvā ekasmiṃ araññaṭṭhāne satthe niviṭṭhe satthato avidūre jhānasukhena vītināmento aññatarasmiṃ rukkhamūle caṅkamanto aṭṭhāsi. Atha kho pañcasatā corā ‘‘sāyamāsabhattassa bhuttakāle taṃ sakaṭasatthaṃ vilumpissāmā’’ti āgantvā parivārayiṃsu. Te taṃ tāpasaṃ disvā ‘‘sace ayaṃ amhe passissati, satthavāsikānaṃ ārocessati, etassa niddūpagatavelāya vilumpissāmā’’ti tattheva aṭṭhaṃsu. Tāpaso sakalampi rattiṃ caṅkamiyeva. Corā okāsaṃ alabhitvā gahitagahite muggarapāsāṇe chaḍḍetvā sakaṭasatthavāsīnaṃ saddaṃ datvā ‘‘bhonto, satthavāsino sace esa rukkhamūle caṅkamanakatāpaso ajja nābhavissa, sabbe mahāvilopaṃ pattā abhavissatha, sve tāpasassa mahāsakkāraṃ kareyyāthā’’ti vatvā pakkamiṃsu.
д̇з бабхаад̇ааяа рад̇д̇ияаа жорзхи чад̣д̣ид̇з муг̇г̇арабаасаан̣аад̣̇аяо д̣̇исваа бхийд̇аа б̣од̇хисад̇д̇асса санд̇игам̣ г̇анд̇ваа ванд̣̇ид̇ваа ‘‘бханд̇з, д̣̇идтаа во жораа’’д̇и бужчим̣су. ‘‘аамаавусо, д̣̇идтаа’’д̇и. ‘‘бханд̇з, зд̇д̇агзво жорз д̣̇исваа бхаяам̣ ваа саараж̇ж̇ам̣ ваа на уббаж̇ж̇ий’’д̇и? б̣од̇хисад̇д̇о ‘‘аавусо жорз д̣̇исваа бхаяам̣ наама сад̇ханасса ход̇и, ахам̣ бана нид̣̇д̇хано, сваахам̣ гим̣ бхааяиссаами. маяхан̃хи г̇аамзби аран̃н̃зби васанд̇асса бхаяам̣ ваа саараж̇ж̇ам̣ ваа над̇т̇ий’’д̇и вад̇ваа д̇зсам̣ д̇хаммам̣ д̣̇зсзнд̇о имам̣ г̇аат̇амааха –
Te pabhātāya rattiyā corehi chaḍḍite muggarapāsāṇādayo disvā bhītā bodhisattassa santikaṃ gantvā vanditvā ‘‘bhante, diṭṭhā vo corā’’ti pucchiṃsu. ‘‘Āmāvuso, diṭṭhā’’ti. ‘‘Bhante, ettakevo core disvā bhayaṃ vā sārajjaṃ vā na uppajjī’’ti? Bodhisatto ‘‘āvuso core disvā bhayaṃ nāma sadhanassa hoti, ahaṃ pana niddhano, svāhaṃ kiṃ bhāyissāmi. Mayhañhi gāmepi araññepi vasantassa bhayaṃ vā sārajjaṃ vā natthī’’ti vatvā tesaṃ dhammaṃ desento imaṃ gāthamāha –
76.
76.
‘‘асан̇гияомхи г̇аамамхи, аран̃н̃з над̇т̇и мз бхаяам̣;
‘‘Asaṅkiyomhi gāmamhi, araññe natthi me bhayaṃ;
уж̇умаг̇г̇ам̣ самаарул̣хо, мзд̇д̇ааяа гарун̣ааяа жаа’’д̇и.
Ujumaggaṃ samāruḷho, mettāya karuṇāya cā’’ti.
д̇ад̇т̇а асан̇гияомхи г̇аамамхийд̇и сан̇гааяа нияуд̇д̇о бад̇идтид̇од̇и сан̇гияо, на сан̇гияо асан̇гияо. ахам̣ г̇аамз васанд̇оби сан̇гааяа аббад̇идтид̇ад̇д̇аа асан̇гияо ниб̣бхаяо нираасан̇год̇и д̣̇ийбзд̇и. аран̃н̃зд̇и г̇аамаг̇аамуубажааравинимуд̇д̇з таанз. уж̇умаг̇г̇ам̣ самаарул̣хо, мзд̇д̇ааяа гарун̣ааяа жаад̇и ахам̣ д̇игажад̇уггаж̇жхаанигаахи мзд̇д̇аагарун̣аахи гааяаван̇гаад̣̇ивирахид̇ам̣ уж̇ум̣ б̣рахмалогаг̇аамимаг̇г̇ам̣ аарул̣ход̇и вад̣̇ад̇и. ат̇а ваа барисуд̣̇д̇хасийлад̇ааяа гааяаважийманован̇гавирахид̇ам̣ уж̇ум̣ д̣̇звалогамаг̇г̇ам̣ аарул̣хомхийд̇и д̣̇ассзд̇ваа д̇ад̇о уд̇д̇ари мзд̇д̇ааяа гарун̣ааяа жа бад̇идтид̇ад̇д̇аа уж̇ум̣ б̣рахмалогамаг̇г̇амби аарул̣хомхийд̇иби д̣̇ассзд̇и. абарихийнаж̇жхаанасса хи зганд̇зна б̣рахмалогабарааяан̣ад̇д̇аа мзд̇д̇аагарун̣аад̣̇аяо уж̇умаг̇г̇аа наама.
Tattha asaṅkiyomhi gāmamhīti saṅkāya niyutto patiṭṭhitoti saṅkiyo, na saṅkiyo asaṅkiyo. Ahaṃ gāme vasantopi saṅkāya appatiṭṭhitattā asaṅkiyo nibbhayo nirāsaṅkoti dīpeti. Araññeti gāmagāmūpacāravinimutte ṭhāne. Ujumaggaṃ samāruḷho, mettāya karuṇāya cāti ahaṃ tikacatukkajjhānikāhi mettākaruṇāhi kāyavaṅkādivirahitaṃ ujuṃ brahmalokagāmimaggaṃ āruḷhoti vadati. Atha vā parisuddhasīlatāya kāyavacīmanovaṅkavirahitaṃ ujuṃ devalokamaggaṃ āruḷhomhīti dassetvā tato uttari mettāya karuṇāya ca patiṭṭhitattā ujuṃ brahmalokamaggampi āruḷhomhītipi dasseti. Aparihīnajjhānassa hi ekantena brahmalokaparāyaṇattā mettākaruṇādayo ujumaggā nāma.
звам̣ б̣од̇хисад̇д̇о имааяа г̇аат̇ааяа д̇хаммам̣ д̣̇зсзд̇ваа д̇удтажид̇д̇зхи д̇зхи мануссзхи саггад̇о бууж̇ид̇о яааваж̇ийвам̣ жад̇д̇ааро б̣рахмавихаарз бхаавзд̇ваа б̣рахмалогз ниб̣б̣ад̇д̇и.
Evaṃ bodhisatto imāya gāthāya dhammaṃ desetvā tuṭṭhacittehi tehi manussehi sakkato pūjito yāvajīvaṃ cattāro brahmavihāre bhāvetvā brahmaloke nibbatti.
сад̇т̇аа имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа сад̇т̇аваасино б̣уд̣̇д̇хабарисаа ахзсум̣, д̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā satthavāsino buddhaparisā ahesuṃ, tāpaso pana ahameva ahosi’’nti.
асан̇гияаж̇аад̇агаван̣н̣анаа чадтаа.
Asaṅkiyajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 76. асан̇гияаж̇аад̇агам̣ • 76. Asaṅkiyajātakaṃ
