| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੭-੧੦. ਅਸਪ੍ਪੁਰਿਸਦਾਨਸੁਤ੍ਤਾਦਿવਣ੍ਣਨਾ
7-10. Asappurisadānasuttādivaṇṇanā
੧੪੭-੧੫੦. ਸਤ੍ਤਮੇ ਅਸਕ੍ਕਚ੍ਚਨ੍ਤਿ ਅਨਾਦਰਂ ਕਤ੍વਾ। ਦੇਯ੍ਯਧਮ੍ਮਸ੍ਸ ਅਸਕ੍ਕਚ੍ਚਕਰਣਂ ਨਾਮ ਅਸਮ੍ਪਨ੍ਨਂ ਕਰੋਤੀਤਿ ਆਹ ‘‘ਨ ਸਕ੍ਕਰਿਤ੍વਾ ਸੁਚਿਂ ਕਤ੍વਾ ਦੇਤੀ’’ਤਿ, ਉਤ੍ਤਣ੍ਡੁਲਾਦਿਦੋਸવਿਰਹਿਤਂ ਸੁਚਿਸਮ੍ਪਨ੍ਨਂ ਕਤ੍વਾ ਨ ਦੇਤੀਤਿ ਅਤ੍ਥੋ। ਅਚਿਤ੍ਤੀਕਤ੍વਾਤਿ ਨ ਚਿਤ੍ਤੇ ਕਤ੍વਾ, ਨ ਪੂਜੇਤ੍વਾਤਿ ਅਤ੍ਥੋ। ਪੂਜੇਨ੍ਤੋ ਹਿ ਪੂਜੇਤਬ੍ਬવਤ੍ਥੁਂ ਚਿਤ੍ਤੇ ਠਪੇਤਿ, ਨ ਤਤੋ ਬਹਿ ਕਰੋਤਿ। ਚਿਤ੍ਤਂ વਾ ਅਚ੍ਛਰਿਯਂ ਕਤ੍વਾ ਪਟਿਪਤ੍ਤਿવਿਕਰਣਂ ਸਮ੍ਭਾવਨਕਿਰਿਯਾ, ਤਪ੍ਪਟਿਕ੍ਖੇਪਤੋ ਅਚਿਤ੍ਤੀਕਰਣਂ ਅਸਮ੍ਭਾવਨਕਿਰਿਯਾ। ਅਗਾਰવੇਨ ਦੇਤੀਤਿ ਪੁਗ੍ਗਲੇ ਅਗਰੁਂ ਕਰੋਨ੍ਤੋ ਨਿਸੀਦਨਟ੍ਠਾਨੇ ਅਸਮ੍ਮਜ੍ਜਿਤ੍વਾ ਯਤ੍ਥ વਾ ਤਤ੍ਥ વਾ ਨਿਸੀਦਾਪੇਤ੍વਾ ਯਂ વਾ ਤਂ વਾ ਆਧਾਰਕਂ ਠਪੇਤ੍વਾ ਦਾਨਂ ਦੇਤਿ। ਅਸਹਤ੍ਥਾਤਿ ਨ ਅਤ੍ਤਨੋ ਹਤ੍ਥੇਨ ਦੇਤਿ, ਦਾਸਕਮ੍ਮਕਰੋਦੀਹਿ ਦਾਪੇਤਿ। ਅਪવਿਦ੍ਧਂ ਦੇਤੀਤਿ ਅਨ੍ਤਰਾ ਅਪવਿਦ੍ਧਂ વਿਚ੍ਛੇਦਂ ਕਤ੍વਾ ਦੇਤਿ। ਤੇਨਾਹ ‘‘ਨ ਨਿਰਨ੍ਤਰਂ ਦੇਤੀ’’ਤਿ। ਅਥ વਾ ਅਪવਿਦ੍ਧਂ ਦੇਤੀਤਿ ਉਚ੍ਛਿਟ੍ਠਾਦਿਛਡ੍ਡਨੀਯਧਮ੍ਮਂ વਿਯ ਅવਕ੍ਖਿਤ੍ਤਕਂ ਕਤ੍વਾ ਦੇਤਿ। ਤੇਨਾਹ ‘‘ਛਡ੍ਡੇਤੁਕਾਮੋ વਿਯ ਦੇਤੀ’’ਤਿ। ‘‘ਅਦ੍ਧਾ ਇਮਸ੍ਸ ਦਾਨਸ੍ਸ ਫਲਮੇવ ਆਗਚ੍ਛਤੀ’’ਤਿ ਏવਂ ਯਸ੍ਸ ਕਮ੍ਮਸ੍ਸਕਤਾਦਿਟ੍ਠਿ ਅਤ੍ਥਿ, ਸੋ ਆਗਮਨਦਿਟ੍ਠਿਕੋ, ਅਯਂ ਪਨ ਨ ਤਾਦਿਸੋਤਿ ਅਨਾਗਮਨਦਿਟ੍ਠਿਕੋ। ਤੇਨਾਹ ‘‘ਕਤਸ੍ਸ ਨਾਮ ਫਲਂ ਆਗਮਿਸ੍ਸਤੀ’’ਤਿਆਦਿ। ਅਟ੍ਠਮਾਦੀਸੁ ਨਤ੍ਥਿ વਤ੍ਤਬ੍ਬਂ।
147-150. Sattame asakkaccanti anādaraṃ katvā. Deyyadhammassa asakkaccakaraṇaṃ nāma asampannaṃ karotīti āha ‘‘na sakkaritvā suciṃ katvā detī’’ti, uttaṇḍulādidosavirahitaṃ sucisampannaṃ katvā na detīti attho. Acittīkatvāti na citte katvā, na pūjetvāti attho. Pūjento hi pūjetabbavatthuṃ citte ṭhapeti, na tato bahi karoti. Cittaṃ vā acchariyaṃ katvā paṭipattivikaraṇaṃ sambhāvanakiriyā, tappaṭikkhepato acittīkaraṇaṃ asambhāvanakiriyā. Agāravena detīti puggale agaruṃ karonto nisīdanaṭṭhāne asammajjitvā yattha vā tattha vā nisīdāpetvā yaṃ vā taṃ vā ādhārakaṃ ṭhapetvā dānaṃ deti. Asahatthāti na attano hatthena deti, dāsakammakarodīhi dāpeti. Apaviddhaṃ detīti antarā apaviddhaṃ vicchedaṃ katvā deti. Tenāha ‘‘na nirantaraṃ detī’’ti. Atha vā apaviddhaṃ detīti ucchiṭṭhādichaḍḍanīyadhammaṃ viya avakkhittakaṃ katvā deti. Tenāha ‘‘chaḍḍetukāmo viya detī’’ti. ‘‘Addhā imassa dānassa phalameva āgacchatī’’ti evaṃ yassa kammassakatādiṭṭhi atthi, so āgamanadiṭṭhiko, ayaṃ pana na tādisoti anāgamanadiṭṭhiko. Tenāha ‘‘katassa nāma phalaṃ āgamissatī’’tiādi. Aṭṭhamādīsu natthi vattabbaṃ.
ਅਸਪ੍ਪੁਰਿਸਦਾਨਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Asappurisadānasuttādivaṇṇanā niṭṭhitā.
ਤਿਕਣ੍ਡਕੀવਗ੍ਗવਣ੍ਣਨਾ ਨਿਟ੍ਠਿਤਾ।
Tikaṇḍakīvaggavaṇṇanā niṭṭhitā.
ਤਤਿਯਪਣ੍ਣਾਸਕਂ ਨਿਟ੍ਠਿਤਂ।
Tatiyapaṇṇāsakaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੭. ਅਸਪ੍ਪੁਰਿਸਦਾਨਸੁਤ੍ਤਂ • 7. Asappurisadānasuttaṃ
੮. ਸਪ੍ਪੁਰਿਸਦਾਨਸੁਤ੍ਤਂ • 8. Sappurisadānasuttaṃ
੯. ਪਠਮਸਮਯવਿਮੁਤ੍ਤਸੁਤ੍ਤਂ • 9. Paṭhamasamayavimuttasuttaṃ
੧੦. ਦੁਤਿਯਸਮਯવਿਮੁਤ੍ਤਸੁਤ੍ਤਂ • 10. Dutiyasamayavimuttasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੭. ਅਸਪ੍ਪੁਰਿਸਦਾਨਸੁਤ੍ਤવਣ੍ਣਨਾ • 7. Asappurisadānasuttavaṇṇanā
੮. ਸਪ੍ਪੁਰਿਸਦਾਨਸੁਤ੍ਤવਣ੍ਣਨਾ • 8. Sappurisadānasuttavaṇṇanā
੯. ਪਠਮਸਮਯવਿਮੁਤ੍ਤਸੁਤ੍ਤવਣ੍ਣਨਾ • 9. Paṭhamasamayavimuttasuttavaṇṇanā
