| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[100] 10. асаад̇аруубаж̇аад̇агаван̣н̣анаа
[100] 10. Asātarūpajātakavaṇṇanā
асаад̇ам̣ саад̇аруубзнаад̇и ид̣̇ам̣ сад̇т̇аа гун̣д̣ияанаг̇арам̣ убаниссааяа гун̣д̣ад̇хаанаванз вихаранд̇о голияарааж̇ад̇хийд̇арам̣ суббаваасам̣ убаасигам̣ аараб̣бха гат̇зси. саа хи д̇асмим̣ самаяз сад̇д̇а вассаани гужчинаа г̇аб̣бхам̣ барихарид̇ваа сад̇д̇аахам̣ муул̣хаг̇аб̣бхаа ахоси, ад̇химад̇д̇аа взд̣̇анаа бавад̇д̇им̣су. саа звам̣ ад̇химад̇д̇авзд̣̇анаабхибхууд̇ааби ‘‘саммаасамб̣уд̣̇д̇хо вад̇а со бхаг̇аваа, яо зваруубасса д̣̇угкасса бахаанааяа д̇хаммам̣ д̣̇зсзд̇и. суббадибанно вад̇а д̇асса бхаг̇авад̇о саавагасан̇гхо, яо зваруубасса д̣̇угкасса бахаанааяа бадибанно. сусукам̣ вад̇а ниб̣б̣аанам̣, яад̇т̇зва руубам̣ д̣̇угкам̣ над̇т̇ий’’д̇и (уд̣̇аа. 18) имзхи д̇ийхи вид̇аггзхи ад̇хиваасзси. саа саамигам̣ баггосзд̇ваа д̇ан̃жа ад̇д̇ано бавад̇д̇им̣ ванд̣̇анасаасанан̃жа аарожзд̇ум̣ сад̇т̇у санд̇игам̣ бзсзси. сад̇т̇аа ванд̣̇анасаасанам̣ суд̇ваава ‘‘сукиний ход̇у суббаваасаа голияад̇хийд̇аа, сукиний арог̇аа арог̇ам̣ буд̇д̇ам̣ виж̇ааяад̇уу’’д̇и ааха. саха важанзнзва бана бхаг̇авад̇о суббаваасаа голияад̇хийд̇аа сукиний арог̇аа арог̇ам̣ буд̇д̇ам̣ виж̇ааяи. ат̇ассаа саамиго г̇зхам̣ г̇анд̇ваа д̇ам̣ виж̇аад̇ам̣ д̣̇исваа ‘‘ажчарияам̣ вад̇а, бхо’’д̇и ад̇ивияа д̇ат̇ааг̇ад̇асса аанубхаавзна ажчарияаб̣бхуд̇ажид̇д̇аж̇аад̇о ахоси.
Asātaṃ sātarūpenāti idaṃ satthā kuṇḍiyanagaraṃ upanissāya kuṇḍadhānavane viharanto koliyarājadhītaraṃ suppavāsaṃ upāsikaṃ ārabbha kathesi. Sā hi tasmiṃ samaye satta vassāni kucchinā gabbhaṃ pariharitvā sattāhaṃ mūḷhagabbhā ahosi, adhimattā vedanā pavattiṃsu. Sā evaṃ adhimattavedanābhibhūtāpi ‘‘sammāsambuddho vata so bhagavā, yo evarūpassa dukkhassa pahānāya dhammaṃ deseti. Suppaṭipanno vata tassa bhagavato sāvakasaṅgho, yo evarūpassa dukkhassa pahānāya paṭipanno. Susukhaṃ vata nibbānaṃ, yattheva rūpaṃ dukkhaṃ natthī’’ti (udā. 18) imehi tīhi vitakkehi adhivāsesi. Sā sāmikaṃ pakkosetvā tañca attano pavattiṃ vandanasāsanañca ārocetuṃ satthu santikaṃ pesesi. Satthā vandanasāsanaṃ sutvāva ‘‘sukhinī hotu suppavāsā koliyadhītā, sukhinī arogā arogaṃ puttaṃ vijāyatū’’ti āha. Saha vacaneneva pana bhagavato suppavāsā koliyadhītā sukhinī arogā arogaṃ puttaṃ vijāyi. Athassā sāmiko gehaṃ gantvā taṃ vijātaṃ disvā ‘‘acchariyaṃ vata, bho’’ti ativiya tathāgatassa ānubhāvena acchariyabbhutacittajāto ahosi.
суббаваасааби буд̇д̇ам̣ виж̇ааяид̇ваа сад̇д̇аахам̣ б̣уд̣̇д̇хаббамукасса сан̇гхасса д̣̇аанам̣ д̣̇аад̇угаамаа буна ниманд̇анад̇т̇ааяа д̇ам̣ бзсзси. д̇зна ко бана самаязна махаамог̇г̇аллаанасса убадтаагзна б̣уд̣̇д̇хаббамуко сан̇гхо ниманд̇ид̇о ход̇и. сад̇т̇аа суббаваасааяа д̣̇аанасса огаасад̣̇аанад̇т̇ааяа т̇зрам̣ д̇асса санд̇игам̣ бзсзд̇ваа д̇ам̣ сан̃н̃аабзд̇ваа сад̇д̇аахам̣ д̇ассаа д̣̇аанам̣ бадиг̇г̇ахзси сад̣̇д̇хим̣ бхигкусан̇гхзна. сад̇д̇амз бана д̣̇ивасз суббаваасаа буд̇д̇ам̣ сийвалигумаарам̣ ман̣д̣зд̇ваа сад̇т̇ааран̃жзва бхигкусан̇гхан̃жа ванд̣̇аабзси. д̇асмим̣ бадибаадияаа саарибуд̇д̇ад̇т̇зрасса санд̇игам̣ нийд̇з т̇зро д̇зна сад̣̇д̇хим̣ ‘‘гажжи д̇з, сийвали, каманийяа’’нд̇и бадисант̇аарамагааси. со ‘‘гуд̇о мз, бханд̇з, сукам̣, сваахам̣ сад̇д̇а вассаани лохид̇агумбхияам̣ васи’’нд̇и т̇зрзна сад̣̇д̇хим̣ зваруубам̣ гат̇ам̣ гат̇зси. суббааваасаа д̇асса важанам̣ суд̇ваа ‘‘сад̇д̇аахаж̇аад̇о мз буд̇д̇о ануб̣уд̣̇д̇хзна д̇хаммасзнаабад̇инаа сад̣̇д̇хим̣ манд̇зд̇ий’’д̇и соманассаббад̇д̇аа ахоси. сад̇т̇аа ‘‘аби ну суббаваасз ан̃н̃зби зваруубз буд̇д̇з ижчасий’’д̇и ааха. ‘‘сажз, бханд̇з, зваруубз ан̃н̃з сад̇д̇а буд̇д̇з лабхзяяам̣, ижчзяяамзвааха’’нд̇и. сад̇т̇аа уд̣̇аанам̣ уд̣̇аанзд̇ваа анумод̣̇анам̣ гад̇ваа баггаами. сийвалигумаароби ко сад̇д̇авассигагаалзязва саасанз урам̣ д̣̇ад̇ваа баб̣б̣аж̇ид̇ваа барибун̣н̣авассо убасамбад̣̇ам̣ лабхид̇ваа бун̃н̃аваа лаабхаг̇г̇аббад̇д̇о худ̇ваа бат̇авим̣ уннаад̣̇зд̇ваа арахад̇д̇ам̣ бад̇ваа бун̃н̃аванд̇аанам̣ анд̇арз зд̇ад̣̇аг̇г̇адтаанам̣ баабун̣и.
Suppavāsāpi puttaṃ vijāyitvā sattāhaṃ buddhappamukhassa saṅghassa dānaṃ dātukāmā puna nimantanatthāya taṃ pesesi. Tena kho pana samayena mahāmoggallānassa upaṭṭhākena buddhappamukho saṅgho nimantito hoti. Satthā suppavāsāya dānassa okāsadānatthāya theraṃ tassa santikaṃ pesetvā taṃ saññāpetvā sattāhaṃ tassā dānaṃ paṭiggahesi saddhiṃ bhikkhusaṅghena. Sattame pana divase suppavāsā puttaṃ sīvalikumāraṃ maṇḍetvā satthārañceva bhikkhusaṅghañca vandāpesi. Tasmiṃ paṭipāṭiyā sāriputtattherassa santikaṃ nīte thero tena saddhiṃ ‘‘kacci te, sīvali, khamanīya’’nti paṭisanthāramakāsi. So ‘‘kuto me, bhante, sukhaṃ, svāhaṃ satta vassāni lohitakumbhiyaṃ vasi’’nti therena saddhiṃ evarūpaṃ kathaṃ kathesi. Suppāvāsā tassa vacanaṃ sutvā ‘‘sattāhajāto me putto anubuddhena dhammasenāpatinā saddhiṃ mantetī’’ti somanassappattā ahosi. Satthā ‘‘api nu suppavāse aññepi evarūpe putte icchasī’’ti āha. ‘‘Sace, bhante, evarūpe aññe satta putte labheyyaṃ, iccheyyamevāha’’nti. Satthā udānaṃ udānetvā anumodanaṃ katvā pakkāmi. Sīvalikumāropi kho sattavassikakāleyeva sāsane uraṃ datvā pabbajitvā paripuṇṇavasso upasampadaṃ labhitvā puññavā lābhaggappatto hutvā pathaviṃ unnādetvā arahattaṃ patvā puññavantānaṃ antare etadaggaṭṭhānaṃ pāpuṇi.
ат̇згад̣̇ивасам̣ бхигкуу д̇хаммасабхааяам̣ саннибад̇ид̇ваа ‘‘аавусо, сийвалид̇т̇зро наама зваруубо махаабун̃н̃о бад̇т̇ид̇абад̇т̇ано бажчимабхавигасад̇д̇о сад̇д̇а вассаани лохид̇агумбхияам̣ васид̇ваа сад̇д̇аахам̣ муул̣хаг̇аб̣бхабхаавам̣ аабаж̇ж̇и, ахо маад̇аабуд̇д̇аа маханд̇ам̣ д̣̇угкам̣ анубхавим̣су, гим̣ ну ко гаммам̣ агам̣суу’’д̇и гат̇ам̣ самудтаабзсум̣. сад̇т̇аа д̇ад̇т̇ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘бхигкавз, сийвалино махаабун̃н̃ад̇ова сад̇д̇а вассаани лохид̇агумбхияам̣ ниваасо жа сад̇д̇аахам̣ муул̣хаг̇аб̣бхабхааваббад̇д̇и жа ад̇д̇анаа гад̇агаммамуулагаава, суббаваасааяаби сад̇д̇а вассаани гужчинаа г̇аб̣бхабарихаран̣ад̣̇угкан̃жа сад̇д̇аахам̣ муул̣хаг̇аб̣бхад̣̇угкан̃жа ад̇д̇анаа гад̇агаммамуулагамзваа’’д̇и вад̇ваа д̇зхи яаажид̇о ад̇ийд̇ам̣ аахари.
Athekadivasaṃ bhikkhū dhammasabhāyaṃ sannipatitvā ‘‘āvuso, sīvalitthero nāma evarūpo mahāpuñño patthitapatthano pacchimabhavikasatto satta vassāni lohitakumbhiyaṃ vasitvā sattāhaṃ mūḷhagabbhabhāvaṃ āpajji, aho mātāputtā mahantaṃ dukkhaṃ anubhaviṃsu, kiṃ nu kho kammaṃ akaṃsū’’ti kathaṃ samuṭṭhāpesuṃ. Satthā tatthāgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘bhikkhave, sīvalino mahāpuññatova satta vassāni lohitakumbhiyaṃ nivāso ca sattāhaṃ mūḷhagabbhabhāvappatti ca attanā katakammamūlakāva, suppavāsāyapi satta vassāni kucchinā gabbhapariharaṇadukkhañca sattāhaṃ mūḷhagabbhadukkhañca attanā katakammamūlakamevā’’ti vatvā tehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса аг̇г̇амахзсияаа гужчисмим̣ бадисанд̇хим̣ г̇ан̣хид̇ваа ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа бид̇у ажжаязна раж̇ж̇ам̣ бад̇ваа д̇хаммзна раж̇ж̇ам̣ гаарзси. д̇асмим̣ самаяз госаламахаарааж̇аа маханд̇зна б̣алзнааг̇анд̇ваа б̣аараан̣асим̣ г̇ахзд̇ваа рааж̇аанам̣ маарзд̇ваа д̇ассзва аг̇г̇амахзсим̣ ад̇д̇ано аг̇г̇амахзсим̣ агааси. б̣аараан̣асиран̃н̃о бана буд̇д̇о бид̇у маран̣агаалз нид̣̇д̇хаманад̣̇ваарзна балааяид̇ваа б̣алам̣ сам̣харид̇ваа б̣аараан̣асим̣ ааг̇анд̇ваа авид̣̇уурз нисийд̣̇ид̇ваа д̇асса ран̃н̃о бан̣н̣ам̣ бзсзси ‘‘раж̇ж̇ам̣ ваа д̣̇зд̇у яуд̣̇д̇хам̣ ваа’’д̇и. со ‘‘яуд̣̇д̇хам̣ д̣̇змий’’д̇и бадибан̣н̣ам̣ бзсзси. рааж̇агумаарасса бана маад̇аа д̇ам̣ саасанам̣ суд̇ваа ‘‘яуд̣̇д̇хзна гаммам̣ над̇т̇и, саб̣б̣ад̣̇исаасу сан̃жаарам̣ бажчинд̣̇ид̇ваа б̣аараан̣асинаг̇арам̣ бариваарзд̇у, д̇ад̇о д̣̇аарууд̣̇агабхад̇д̇абаригкаязна гиланд̇амануссам̣ наг̇арам̣ винаава яуд̣̇д̇хзна г̇ан̣хиссасий’’д̇и бан̣н̣ам̣ бзсзси. со маад̇у саасанам̣ суд̇ваа сад̇д̇а д̣̇ивасаани сан̃жаарам̣ бажчинд̣̇ид̇ваа наг̇арам̣ рунд̇хи, нааг̇араа сан̃жаарам̣ алабхамаанаа сад̇д̇амз д̣̇ивасз д̇асса ран̃н̃о сийсам̣ г̇ахзд̇ваа гумаарасса ад̣̇ам̣су. гумааро бана наг̇арам̣ бависид̇ваа раж̇ж̇ам̣ г̇ахзд̇ваа ж̇ийвид̇абарияосаанз яат̇аагаммам̣ г̇ад̇о.
Atīte bārāṇasiyaṃ brahmadatte rajjaṃ kārente bodhisatto tassa aggamahesiyā kucchismiṃ paṭisandhiṃ gaṇhitvā vayappatto takkasilāyaṃ sabbasippāni uggaṇhitvā pitu accayena rajjaṃ patvā dhammena rajjaṃ kāresi. Tasmiṃ samaye kosalamahārājā mahantena balenāgantvā bārāṇasiṃ gahetvā rājānaṃ māretvā tasseva aggamahesiṃ attano aggamahesiṃ akāsi. Bārāṇasirañño pana putto pitu maraṇakāle niddhamanadvārena palāyitvā balaṃ saṃharitvā bārāṇasiṃ āgantvā avidūre nisīditvā tassa rañño paṇṇaṃ pesesi ‘‘rajjaṃ vā detu yuddhaṃ vā’’ti. So ‘‘yuddhaṃ demī’’ti paṭipaṇṇaṃ pesesi. Rājakumārassa pana mātā taṃ sāsanaṃ sutvā ‘‘yuddhena kammaṃ natthi, sabbadisāsu sañcāraṃ pacchinditvā bārāṇasinagaraṃ parivāretu, tato dārūdakabhattaparikkhayena kilantamanussaṃ nagaraṃ vināva yuddhena gaṇhissasī’’ti paṇṇaṃ pesesi. So mātu sāsanaṃ sutvā satta divasāni sañcāraṃ pacchinditvā nagaraṃ rundhi, nāgarā sañcāraṃ alabhamānā sattame divase tassa rañño sīsaṃ gahetvā kumārassa adaṃsu. Kumāro pana nagaraṃ pavisitvā rajjaṃ gahetvā jīvitapariyosāne yathākammaṃ gato.
со зд̇арахи сад̇д̇а д̣̇ивасаани сан̃жаарам̣ бажчинд̣̇ид̇ваа наг̇арам̣ рунд̇хид̇ваа г̇ахид̇агамманиссанд̣̇зна сад̇д̇а вассаани лохид̇агумбхияам̣ васид̇ваа сад̇д̇аахам̣ муул̣хаг̇аб̣бхабхаавам̣ аабаж̇ж̇и. яам̣ бана со бад̣̇умуд̇д̇арасса бхаг̇авад̇о баад̣̇амуулз ‘‘лаабхийнам̣ аг̇г̇о бхавзяяа’’нд̇и махаад̣̇аанам̣ д̣̇ад̇ваа бад̇т̇анам̣ агааси, яан̃жа вибассиб̣уд̣̇д̇хагаалз нааг̇арзхи сад̣̇д̇хим̣ сахассаг̇гханагам̣ г̇ул̣ад̣̇ад̇хим̣ д̣̇ад̇ваа бад̇т̇анамагааси, д̇ассаанубхаавзна лаабхийнам̣ аг̇г̇о ж̇аад̇о. суббаваасааби ‘‘наг̇арам̣ рунд̇хид̇ваа г̇ан̣ха, д̇аад̇аа’’д̇и бзсид̇абхаавзна сад̇д̇а вассаани гужчинаа г̇аб̣бхам̣ барихарид̇ваа сад̇д̇аахам̣ муул̣хаг̇аб̣бхаа ж̇аад̇аа.
So etarahi satta divasāni sañcāraṃ pacchinditvā nagaraṃ rundhitvā gahitakammanissandena satta vassāni lohitakumbhiyaṃ vasitvā sattāhaṃ mūḷhagabbhabhāvaṃ āpajji. Yaṃ pana so padumuttarassa bhagavato pādamūle ‘‘lābhīnaṃ aggo bhaveyya’’nti mahādānaṃ datvā patthanaṃ akāsi, yañca vipassibuddhakāle nāgarehi saddhiṃ sahassagghanakaṃ guḷadadhiṃ datvā patthanamakāsi, tassānubhāvena lābhīnaṃ aggo jāto. Suppavāsāpi ‘‘nagaraṃ rundhitvā gaṇha, tātā’’ti pesitabhāvena satta vassāni kucchinā gabbhaṃ pariharitvā sattāhaṃ mūḷhagabbhā jātā.
сад̇т̇аа имам̣ ад̇ийд̇ам̣ аахарид̇ваа абхисамб̣уд̣̇д̇хо худ̇ваа имам̣ г̇аат̇амааха –
Satthā imaṃ atītaṃ āharitvā abhisambuddho hutvā imaṃ gāthamāha –
100.
100.
‘‘асаад̇ам̣ саад̇аруубзна, бияаруубзна аббияам̣;
‘‘Asātaṃ sātarūpena, piyarūpena appiyaṃ;
д̣̇угкам̣ сукасса руубзна, бамад̇д̇амад̇ивад̇д̇ад̇ий’’д̇и.
Dukkhaṃ sukhassa rūpena, pamattamativattatī’’ti.
д̇ад̇т̇а асаад̇ам̣ саад̇аруубзнаад̇и амад̇хурамзва мад̇хурабад̇ируубагзна. бамад̇д̇амад̇ивад̇д̇ад̇ийд̇и асаад̇ам̣ аббияам̣ д̣̇угканд̇и зд̇ам̣ д̇ивид̇хамби зд̇зна саад̇аруубаад̣̇инаа аагаарзна сад̇ивиббаваасавасзна бамад̇д̇ам̣ буг̇г̇алам̣ ад̇ивад̇д̇ад̇и абхибхавад̇и аж̇жход̇т̇арад̇ийд̇и ад̇т̇о. ид̣̇ам̣ бхаг̇авад̇аа яан̃жа д̇з маад̇аабуд̇д̇аа иминаа г̇аб̣бхабарихаран̣аг̇аб̣бхаваасасан̇каад̇зна асаад̇аад̣̇инаа буб̣б̣з наг̇арарунд̇ханасаад̇аад̣̇ибад̇ируубагзна аж̇жход̇т̇адаа, яан̃жа ид̣̇аани саа убаасигаа бунаби сад̇д̇агкад̇д̇ум̣ зваруубам̣ асаад̇ам̣ аббияам̣ д̣̇угкам̣ бзмавад̇т̇убхууд̇зна буд̇д̇асан̇каад̇зна саад̇аад̣̇ибад̇ируубагзна аж̇жход̇т̇адаа худ̇ваа д̇ат̇аа аважа, д̇ам̣ саб̣б̣амби санд̇хааяа вуд̇д̇анд̇и взд̣̇ид̇аб̣б̣ам̣.
Tattha asātaṃ sātarūpenāti amadhurameva madhurapatirūpakena. Pamattamativattatīti asātaṃ appiyaṃ dukkhanti etaṃ tividhampi etena sātarūpādinā ākārena sativippavāsavasena pamattaṃ puggalaṃ ativattati abhibhavati ajjhottharatīti attho. Idaṃ bhagavatā yañca te mātāputtā iminā gabbhapariharaṇagabbhavāsasaṅkhātena asātādinā pubbe nagararundhanasātādipatirūpakena ajjhotthaṭā, yañca idāni sā upāsikā punapi sattakkhattuṃ evarūpaṃ asātaṃ appiyaṃ dukkhaṃ pemavatthubhūtena puttasaṅkhātena sātādipatirūpakena ajjhotthaṭā hutvā tathā avaca, taṃ sabbampi sandhāya vuttanti veditabbaṃ.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа наг̇арам̣ рунд̇хид̇ваа раж̇ж̇аббад̇д̇агумааро сийвали ахоси, маад̇аа суббаваасаа, бид̇аа бана б̣аараан̣асирааж̇аа ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā nagaraṃ rundhitvā rajjappattakumāro sīvali ahosi, mātā suppavāsā, pitā pana bārāṇasirājā ahameva ahosi’’nti.
асаад̇аруубаж̇аад̇агаван̣н̣анаа д̣̇асамаа.
Asātarūpajātakavaṇṇanā dasamā.
лид̇д̇аваг̇г̇о д̣̇асамо.
Littavaggo dasamo.
д̇ассуд̣̇д̣̇аанам̣ –
Tassuddānaṃ –
лид̇д̇ад̇зж̇ам̣ махаасаарам̣, виссааса ломахам̣санам̣;
Littatejaṃ mahāsāraṃ, vissāsa lomahaṃsanaṃ;
суд̣̇ассана д̇злабад̇д̇ам̣, наамасид̣̇д̇хи гуудаваан̣иж̇ам̣;
Sudassana telapattaṃ, nāmasiddhi kūṭavāṇijaṃ;
баросахасса асаад̇аруубанд̇и.
Parosahassa asātarūpanti.
маж̇жхимабан̣н̣аасаго нидтид̇о.
Majjhimapaṇṇāsako niṭṭhito.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 100. асаад̇аруубаж̇аад̇агам̣ • 100. Asātarūpajātakaṃ
