| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౧౦. ఆసవక్ఖయసుత్తం
10. Āsavakkhayasuttaṃ
౯౯౬. ఆసవానం ఖయాయ సంవత్తతి. కథం భావితో చ, భిక్ఖవే, ఆనాపానస్సతిసమాధి కథం బహులీకతో సంయోజనప్పహానాయ సంవత్తతి… అనుసయసముగ్ఘాతాయ సంవత్తతి… అద్ధానపరిఞ్ఞాయ సంవత్తతి… ఆసవానం ఖయాయ సంవత్తతి? ఇధ, భిక్ఖవే, భిక్ఖు అరఞ్ఞగతో వా రుక్ఖమూలగతో వా…పే॰ … పటినిస్సగ్గానుపస్సీ అస్ససిస్సామీతి సిక్ఖతి, పటినిస్సగ్గానుపస్సీ పస్ససిస్సామీతి సిక్ఖతి. ఏవం భావితో ఖో, భిక్ఖవే, ఆనాపానస్సతిసమాధి ఏవం బహులీకతో సంయోజనప్పహానాయ సంవత్తతి…పే॰… అనుసయసముగ్ఘాతాయ సంవత్తతి…పే॰… అద్ధానపరిఞ్ఞాయ సంవత్తతి…పే॰… ఆసవానం ఖయాయ సంవత్తతీతి. దసమం.
996. Āsavānaṃ khayāya saṃvattati. Kathaṃ bhāvito ca, bhikkhave, ānāpānassatisamādhi kathaṃ bahulīkato saṃyojanappahānāya saṃvattati… anusayasamugghātāya saṃvattati… addhānapariññāya saṃvattati… āsavānaṃ khayāya saṃvattati? Idha, bhikkhave, bhikkhu araññagato vā rukkhamūlagato vā…pe. … paṭinissaggānupassī assasissāmīti sikkhati, paṭinissaggānupassī passasissāmīti sikkhati. Evaṃ bhāvito kho, bhikkhave, ānāpānassatisamādhi evaṃ bahulīkato saṃyojanappahānāya saṃvattati…pe… anusayasamugghātāya saṃvattati…pe… addhānapariññāya saṃvattati…pe… āsavānaṃ khayāya saṃvattatīti. Dasamaṃ.
దుతియో వగ్గో.
Dutiyo vaggo.
తస్సుద్దానం –
Tassuddānaṃ –
ఇచ్ఛానఙ్గలం కఙ్ఖేయ్యం, ఆనన్దా అపరే దువే;
Icchānaṅgalaṃ kaṅkheyyaṃ, ānandā apare duve;
భిక్ఖూ సంయోజనానుసయా, అద్ధానం ఆసవక్ఖయన్తి.
Bhikkhū saṃyojanānusayā, addhānaṃ āsavakkhayanti.
ఆనాపానసంయుత్తం దసమం.
Ānāpānasaṃyuttaṃ dasamaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౩-౧౦. పఠమఆనన్దసుత్తాదివణ్ణనా • 3-10. Paṭhamaānandasuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౩-౧౦. పఠమఆనన్దసుత్తాదివణ్ణనా • 3-10. Paṭhamaānandasuttādivaṇṇanā
