| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
7-8. аасавасуд̇д̇ад̣̇ваяаван̣н̣анаа
7-8. Āsavasuttadvayavaṇṇanā
56-57. сад̇д̇амз гаамаасавод̇и гаамзсу аасаво, гаамасан̇каад̇о ваа аасаво гаамаасаво , ад̇т̇ад̇о бана гаамарааг̇о руубаад̣̇иабхирад̇и жа гаамаасаво. руубааруубабхавзсу чанд̣̇арааг̇о жхаананиганд̇и сассад̇ад̣̇идтисахаг̇ад̇о рааг̇о бхавабад̇т̇анаа жа бхаваасаво. авиж̇ж̇аава авиж̇ж̇аасаво.
56-57. Sattame kāmāsavoti kāmesu āsavo, kāmasaṅkhāto vā āsavo kāmāsavo , atthato pana kāmarāgo rūpādiabhirati ca kāmāsavo. Rūpārūpabhavesu chandarāgo jhānanikanti sassatadiṭṭhisahagato rāgo bhavapatthanā ca bhavāsavo. Avijjāva avijjāsavo.
аасаваанан̃жа самбхаванд̇и зд̇т̇а аяонисоманасигааро авиж̇ж̇аад̣̇аяо жа гилзсаа аасаваанам̣ самбхаво. вуд̇д̇ан̃хзд̇ам̣ –
Āsavānañca sambhavanti ettha ayonisomanasikāro avijjādayo ca kilesā āsavānaṃ sambhavo. Vuttañhetaṃ –
‘‘аяонисо, бхигкавз, манасигарод̇о ануббаннаа жзва аасаваа уббаж̇ж̇анд̇и, уббаннаа жа аасаваа бавад̣дханд̇ий’’д̇и (ма. ни. 1.15).
‘‘Ayoniso, bhikkhave, manasikaroto anuppannā ceva āsavā uppajjanti, uppannā ca āsavā pavaḍḍhantī’’ti (ma. ni. 1.15).
‘‘авиж̇ж̇аа, бхигкавз, буб̣б̣ан̇г̇амаа агусалаанам̣ д̇хаммаанам̣ самаабад̇д̇ияаа анвад̣̇зва ахиригам̣ анод̇д̇абба’’нд̇и (ид̇иву. 40) жа.
‘‘Avijjā, bhikkhave, pubbaṅgamā akusalānaṃ dhammānaṃ samāpattiyā anvadeva ahirikaṃ anottappa’’nti (itivu. 40) ca.
маг̇г̇ан̃жа каяаг̇ааминанд̇и аасаваанам̣ каяаг̇ааминам̣ арияамаг̇г̇ан̃жа. д̇ад̇т̇а гаамаасаво анааг̇аамимаг̇г̇зна бахийяад̇и, бхаваасаво авиж̇ж̇аасаво жа арахад̇д̇амаг̇г̇зна. гаамубаад̣̇аанам̣ вияа гаамаасавоби аг̇г̇амаг̇г̇аваж̇жход̇и жа вад̣̇анд̇и. сзсам̣ вуд̇д̇анаяамзва. адтамз абуб̣б̣ам̣ над̇т̇и.
Maggañca khayagāminanti āsavānaṃ khayagāminaṃ ariyamaggañca. Tattha kāmāsavo anāgāmimaggena pahīyati, bhavāsavo avijjāsavo ca arahattamaggena. Kāmupādānaṃ viya kāmāsavopi aggamaggavajjhoti ca vadanti. Sesaṃ vuttanayameva. Aṭṭhame apubbaṃ natthi.
сад̇д̇амаадтамасуд̇д̇аван̣н̣анаа нидтид̇аа.
Sattamaaṭṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi
7. батамааасавасуд̇д̇ам̣ • 7. Paṭhamaāsavasuttaṃ
8. д̣̇уд̇ияааасавасуд̇д̇ам̣ • 8. Dutiyaāsavasuttaṃ
