| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā |
੭-੮. ਆਸવਸੁਤ੍ਤਦ੍વਯવਣ੍ਣਨਾ
7-8. Āsavasuttadvayavaṇṇanā
੫੬-੫੭. ਸਤ੍ਤਮੇ ਕਾਮਾਸવੋਤਿ ਕਾਮੇਸੁ ਆਸવੋ, ਕਾਮਸਙ੍ਖਾਤੋ વਾ ਆਸવੋ ਕਾਮਾਸવੋ , ਅਤ੍ਥਤੋ ਪਨ ਕਾਮਰਾਗੋ ਰੂਪਾਦਿਅਭਿਰਤਿ ਚ ਕਾਮਾਸવੋ। ਰੂਪਾਰੂਪਭવੇਸੁ ਛਨ੍ਦਰਾਗੋ ਝਾਨਨਿਕਨ੍ਤਿ ਸਸ੍ਸਤਦਿਟ੍ਠਿਸਹਗਤੋ ਰਾਗੋ ਭવਪਤ੍ਥਨਾ ਚ ਭવਾਸવੋ। ਅવਿਜ੍ਜਾવ ਅવਿਜ੍ਜਾਸવੋ।
56-57. Sattame kāmāsavoti kāmesu āsavo, kāmasaṅkhāto vā āsavo kāmāsavo , atthato pana kāmarāgo rūpādiabhirati ca kāmāsavo. Rūpārūpabhavesu chandarāgo jhānanikanti sassatadiṭṭhisahagato rāgo bhavapatthanā ca bhavāsavo. Avijjāva avijjāsavo.
ਆਸવਾਨਞ੍ਚ ਸਮ੍ਭવਨ੍ਤਿ ਏਤ੍ਥ ਅਯੋਨਿਸੋਮਨਸਿਕਾਰੋ ਅવਿਜ੍ਜਾਦਯੋ ਚ ਕਿਲੇਸਾ ਆਸવਾਨਂ ਸਮ੍ਭવੋ। વੁਤ੍ਤਞ੍ਹੇਤਂ –
Āsavānañca sambhavanti ettha ayonisomanasikāro avijjādayo ca kilesā āsavānaṃ sambhavo. Vuttañhetaṃ –
‘‘ਅਯੋਨਿਸੋ, ਭਿਕ੍ਖવੇ, ਮਨਸਿਕਰੋਤੋ ਅਨੁਪ੍ਪਨ੍ਨਾ ਚੇવ ਆਸવਾ ਉਪ੍ਪਜ੍ਜਨ੍ਤਿ, ਉਪ੍ਪਨ੍ਨਾ ਚ ਆਸવਾ ਪવਡ੍ਢਨ੍ਤੀ’’ਤਿ (ਮ॰ ਨਿ॰ ੧.੧੫)।
‘‘Ayoniso, bhikkhave, manasikaroto anuppannā ceva āsavā uppajjanti, uppannā ca āsavā pavaḍḍhantī’’ti (ma. ni. 1.15).
‘‘ਅવਿਜ੍ਜਾ, ਭਿਕ੍ਖવੇ, ਪੁਬ੍ਬਙ੍ਗਮਾ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ ਅਨ੍વਦੇવ ਅਹਿਰਿਕਂ ਅਨੋਤ੍ਤਪ੍ਪ’’ਨ੍ਤਿ (ਇਤਿવੁ॰ ੪੦) ਚ।
‘‘Avijjā, bhikkhave, pubbaṅgamā akusalānaṃ dhammānaṃ samāpattiyā anvadeva ahirikaṃ anottappa’’nti (itivu. 40) ca.
ਮਗ੍ਗਞ੍ਚ ਖਯਗਾਮਿਨਨ੍ਤਿ ਆਸવਾਨਂ ਖਯਗਾਮਿਨਂ ਅਰਿਯਮਗ੍ਗਞ੍ਚ। ਤਤ੍ਥ ਕਾਮਾਸવੋ ਅਨਾਗਾਮਿਮਗ੍ਗੇਨ ਪਹੀਯਤਿ, ਭવਾਸવੋ ਅવਿਜ੍ਜਾਸવੋ ਚ ਅਰਹਤ੍ਤਮਗ੍ਗੇਨ। ਕਾਮੁਪਾਦਾਨਂ વਿਯ ਕਾਮਾਸવੋਪਿ ਅਗ੍ਗਮਗ੍ਗવਜ੍ਝੋਤਿ ਚ વਦਨ੍ਤਿ। ਸੇਸਂ વੁਤ੍ਤਨਯਮੇવ। ਅਟ੍ਠਮੇ ਅਪੁਬ੍ਬਂ ਨਤ੍ਥਿ।
Maggañca khayagāminanti āsavānaṃ khayagāminaṃ ariyamaggañca. Tattha kāmāsavo anāgāmimaggena pahīyati, bhavāsavo avijjāsavo ca arahattamaggena. Kāmupādānaṃ viya kāmāsavopi aggamaggavajjhoti ca vadanti. Sesaṃ vuttanayameva. Aṭṭhame apubbaṃ natthi.
ਸਤ੍ਤਮਅਟ੍ਠਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sattamaaṭṭhamasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਇਤਿવੁਤ੍ਤਕਪਾਲ਼ਿ • Itivuttakapāḷi
੭. ਪਠਮਆਸવਸੁਤ੍ਤਂ • 7. Paṭhamaāsavasuttaṃ
੮. ਦੁਤਿਯਆਸવਸੁਤ੍ਤਂ • 8. Dutiyaāsavasuttaṃ
