| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೬. ಅಸ್ಸಾದಸುತ್ತಂ
6. Assādasuttaṃ
೧೧೨. ‘‘ತಯೋಮೇ, ಭಿಕ್ಖವೇ, ಧಮ್ಮಾ। ಕತಮೇ ತಯೋ? ಅಸ್ಸಾದದಿಟ್ಠಿ, ಅತ್ತಾನುದಿಟ್ಠಿ, ಮಿಚ್ಛಾದಿಟ್ಠಿ। ಇಮೇ ಖೋ, ಭಿಕ್ಖವೇ, ತಯೋ ಧಮ್ಮಾ। ಇಮೇಸಂ ಖೋ , ಭಿಕ್ಖವೇ, ತಿಣ್ಣಂ ಧಮ್ಮಾನಂ ಪಹಾನಾಯ ತಯೋ ಧಮ್ಮಾ ಭಾವೇತಬ್ಬಾ। ಕತಮೇ ತಯೋ? ಅಸ್ಸಾದದಿಟ್ಠಿಯಾ ಪಹಾನಾಯ ಅನಿಚ್ಚಸಞ್ಞಾ ಭಾವೇತಬ್ಬಾ, ಅತ್ತಾನುದಿಟ್ಠಿಯಾ ಪಹಾನಾಯ ಅನತ್ತಸಞ್ಞಾ ಭಾವೇತಬ್ಬಾ, ಮಿಚ್ಛಾದಿಟ್ಠಿಯಾ ಪಹಾನಾಯ ಸಮ್ಮಾದಿಟ್ಠಿ ಭಾವೇತಬ್ಬಾ । ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಧಮ್ಮಾನಂ ಪಹಾನಾಯ ಇಮೇ ತಯೋ ಧಮ್ಮಾ ಭಾವೇತಬ್ಬಾ’’ತಿ। ಛಟ್ಠಂ।
112. ‘‘Tayome, bhikkhave, dhammā. Katame tayo? Assādadiṭṭhi, attānudiṭṭhi, micchādiṭṭhi. Ime kho, bhikkhave, tayo dhammā. Imesaṃ kho , bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Assādadiṭṭhiyā pahānāya aniccasaññā bhāvetabbā, attānudiṭṭhiyā pahānāya anattasaññā bhāvetabbā, micchādiṭṭhiyā pahānāya sammādiṭṭhi bhāvetabbā . Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Chaṭṭhaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೬. ಅಸ್ಸಾದಸುತ್ತವಣ್ಣನಾ • 6. Assādasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೧೧. ಪಾತುಭಾವಸುತ್ತಾದಿವಣ್ಣನಾ • 1-11. Pātubhāvasuttādivaṇṇanā
