| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. ассаж̇исуд̇д̇ам̣
6. Assajisuttaṃ
88. згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна ааяасмаа ассаж̇и гассабагаараамз вихарад̇и ааб̣аад̇хиго д̣̇угкид̇о б̣аал̣хаг̇илаано. ат̇а ко ааяасмаа ассаж̇и убадтаагз ааманд̇зси – ‘‘зт̇а д̇умхз, аавусо, язна бхаг̇аваа д̇знубасан̇гамат̇а; убасан̇гамид̇ваа мама важанзна бхаг̇авад̇о баад̣̇з сирасаа ванд̣̇ат̇а – ‘ассаж̇и, бханд̇з, бхигку ааб̣аад̇хиго д̣̇угкид̇о б̣аал̣хаг̇илаано. со бхаг̇авад̇о баад̣̇з сирасаа ванд̣̇ад̇ий’д̇и. зван̃жа вад̣̇зт̇а – ‘саад̇ху гира, бханд̇з, бхаг̇аваа язна ассаж̇и бхигку д̇знубасан̇гамад̇у анугамбам̣ убаад̣̇ааяаа’’’д̇и. ‘‘звамаавусо’’д̇и ко д̇з бхигкуу ааяасмад̇о ассаж̇исса бадиссуд̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘ассаж̇и, бханд̇з, бхигку ааб̣аад̇хиго…бз… саад̇ху гира, бханд̇з, бхаг̇аваа язна ассаж̇и бхигку д̇знубасан̇гамад̇у анугамбам̣ убаад̣̇ааяаа’’д̇и. ад̇хиваасзси бхаг̇аваа д̇ун̣хийбхаавзна.
88. Ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena āyasmā assaji kassapakārāme viharati ābādhiko dukkhito bāḷhagilāno. Atha kho āyasmā assaji upaṭṭhāke āmantesi – ‘‘etha tumhe, āvuso, yena bhagavā tenupasaṅkamatha; upasaṅkamitvā mama vacanena bhagavato pāde sirasā vandatha – ‘assaji, bhante, bhikkhu ābādhiko dukkhito bāḷhagilāno. So bhagavato pāde sirasā vandatī’ti. Evañca vadetha – ‘sādhu kira, bhante, bhagavā yena assaji bhikkhu tenupasaṅkamatu anukampaṃ upādāyā’’’ti. ‘‘Evamāvuso’’ti kho te bhikkhū āyasmato assajissa paṭissutvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘assaji, bhante, bhikkhu ābādhiko…pe… sādhu kira, bhante, bhagavā yena assaji bhikkhu tenupasaṅkamatu anukampaṃ upādāyā’’ti. Adhivāsesi bhagavā tuṇhībhāvena.
ат̇а ко бхаг̇аваа сааяанхасамаяам̣ бадисаллаанаа вудтид̇о язнааяасмаа ассаж̇и д̇знубасан̇гами. ад̣̇д̣̇асаа ко ааяасмаа ассаж̇и бхаг̇аванд̇ам̣ д̣̇уурад̇ова ааг̇ажчанд̇ам̣. д̣̇исваана ман̃жагз самад̇хоси. ат̇а ко бхаг̇аваа ааяасманд̇ам̣ ассаж̇им̣ 1 зд̇ад̣̇авожа – ‘‘алам̣, ассаж̇и, маа д̇вам̣ ман̃жагз самад̇хоси. санд̇имаани аасанаани бан̃н̃ад̇д̇аани, д̇ад̇т̇аахам̣ нисийд̣̇иссаамий’’д̇и. нисийд̣̇и бхаг̇аваа бан̃н̃ад̇д̇з аасанз. нисаж̇ж̇а ко бхаг̇аваа ааяасманд̇ам̣ ассаж̇им̣ зд̇ад̣̇авожа – ‘‘гажжи д̇з, ассаж̇и, каманийяам̣, гажжи яаабанийяам̣…бз… бадиггамосаанам̣ бан̃н̃ааяад̇и но абхиггамо’’д̇и?
Atha kho bhagavā sāyanhasamayaṃ paṭisallānā vuṭṭhito yenāyasmā assaji tenupasaṅkami. Addasā kho āyasmā assaji bhagavantaṃ dūratova āgacchantaṃ. Disvāna mañcake samadhosi. Atha kho bhagavā āyasmantaṃ assajiṃ 2 etadavoca – ‘‘alaṃ, assaji, mā tvaṃ mañcake samadhosi. Santimāni āsanāni paññattāni, tatthāhaṃ nisīdissāmī’’ti. Nisīdi bhagavā paññatte āsane. Nisajja kho bhagavā āyasmantaṃ assajiṃ etadavoca – ‘‘kacci te, assaji, khamanīyaṃ, kacci yāpanīyaṃ…pe… paṭikkamosānaṃ paññāyati no abhikkamo’’ti?
‘‘на мз, бханд̇з, каманийяам̣…бз… абхиггамосаанам̣ бан̃н̃ааяад̇и но бадиггамо’’д̇и. ‘‘гажжи д̇з, ассаж̇и, на гин̃жи гуггужжам̣ на гожи виббадисааро’’д̇и? ‘‘д̇аг̇гха мз, бханд̇з, анаббагам̣ гуггужжам̣ анаббаго виббадисааро’’д̇и. ‘‘гажжи бана д̇ам̣, ассаж̇и, ад̇д̇аа сийлад̇о на убавад̣̇ад̇ий’’д̇и? ‘‘на ко мам̣, бханд̇з, ад̇д̇аа сийлад̇о убавад̣̇ад̇ий’’д̇и. ‘‘но жз гира д̇ам̣, ассаж̇и, ад̇д̇аа сийлад̇о убавад̣̇ад̇и, ат̇а гин̃жа д̇з гуггужжам̣ го жа виббадисааро’’д̇и? ‘‘буб̣б̣з кваахам̣, бханд̇з, г̇злан̃н̃з бассамбхзд̇ваа бассамбхзд̇ваа гааяасан̇каарз вихараами, сохам̣ самаад̇хим̣ наббадилабхаами. д̇асса маяхам̣, бханд̇з, д̇ам̣ самаад̇хим̣ аббадилабхад̇о звам̣ ход̇и – ‘но жассаахам̣ барихааяаамий’’’д̇и. ‘‘яз д̇з, ассаж̇и, саман̣аб̣раахман̣аа самаад̇хисаарагаа самаад̇хисааман̃н̃аа д̇зсам̣ д̇ам̣ самаад̇хим̣ аббадилабхад̇ам̣ звам̣ ход̇и – ‘но жассу маяам̣ барихааяаамаа’’’д̇и.
‘‘Na me, bhante, khamanīyaṃ…pe… abhikkamosānaṃ paññāyati no paṭikkamo’’ti. ‘‘Kacci te, assaji, na kiñci kukkuccaṃ na koci vippaṭisāro’’ti? ‘‘Taggha me, bhante, anappakaṃ kukkuccaṃ anappako vippaṭisāro’’ti. ‘‘Kacci pana taṃ, assaji, attā sīlato na upavadatī’’ti? ‘‘Na kho maṃ, bhante, attā sīlato upavadatī’’ti. ‘‘No ce kira taṃ, assaji, attā sīlato upavadati, atha kiñca te kukkuccaṃ ko ca vippaṭisāro’’ti? ‘‘Pubbe khvāhaṃ, bhante, gelaññe passambhetvā passambhetvā kāyasaṅkhāre viharāmi, sohaṃ samādhiṃ nappaṭilabhāmi. Tassa mayhaṃ, bhante, taṃ samādhiṃ appaṭilabhato evaṃ hoti – ‘no cassāhaṃ parihāyāmī’’’ti. ‘‘Ye te, assaji, samaṇabrāhmaṇā samādhisārakā samādhisāmaññā tesaṃ taṃ samādhiṃ appaṭilabhataṃ evaṃ hoti – ‘no cassu mayaṃ parihāyāmā’’’ti.
‘‘д̇ам̣ гим̣ ман̃н̃аси, ассаж̇и, руубам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’…бз… вин̃н̃аан̣ам̣ …бз… д̇асмаад̇иха…бз… звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ийд̇и. со сукам̣ жз взд̣̇анам̣ взд̣̇аяад̇и 3, саа ‘анижжаа’д̇и баж̇аанаад̇и. ‘анаж̇жхосид̇аа’д̇и баж̇аанаад̇и. ‘анабхинанд̣̇ид̇аа’д̇и баж̇аанаад̇и. д̣̇угкам̣ жз взд̣̇анам̣ взд̣̇аяад̇и, саа ‘анижжаа’д̇и баж̇аанаад̇и. ‘анаж̇жхосид̇аа’д̇и баж̇аанаад̇и. ‘анабхинанд̣̇ид̇аа’д̇и баж̇аанаад̇и. ад̣̇угкамасукам̣ жз взд̣̇анам̣ взд̣̇аяад̇и, саа ‘анижжаа’д̇и баж̇аанаад̇и…бз… ‘анабхинанд̣̇ид̇аа’д̇и баж̇аанаад̇и. со сукам̣ жз взд̣̇анам̣ взд̣̇аяад̇и , висам̣яуд̇д̇о нам̣ взд̣̇аяад̇и; д̣̇угкам̣ жз взд̣̇анам̣ взд̣̇аяад̇и, висам̣яуд̇д̇о нам̣ взд̣̇аяад̇и; ад̣̇угкамасукам̣ жз взд̣̇анам̣ взд̣̇аяад̇и, висам̣яуд̇д̇о нам̣ взд̣̇аяад̇и. со гааяабарияанд̇игам̣ жз взд̣̇анам̣ взд̣̇аяамаано ‘гааяабарияанд̇игам̣ взд̣̇анам̣ взд̣̇аяаамий’д̇и баж̇аанаад̇и. ж̇ийвид̇абарияанд̇игам̣ жз взд̣̇анам̣ взд̣̇аяамаанааз ‘ж̇ийвид̇абарияанд̇игам̣ взд̣̇анам̣ взд̣̇аяаамий’д̇и баж̇аанаад̇и. ‘гааяасса бхзд̣̇аа уд̣̇д̇хам̣ ж̇ийвид̇абарияаад̣̇аанаа ид̇хзва саб̣б̣авзд̣̇аяид̇аани анабхинанд̣̇ид̇аани сийд̇ийбхависсанд̇ий’д̇и баж̇аанаад̇и.
‘‘Taṃ kiṃ maññasi, assaji, rūpaṃ niccaṃ vā aniccaṃ vā’’ti? ‘‘Aniccaṃ, bhante’’…pe… viññāṇaṃ …pe… tasmātiha…pe… evaṃ passaṃ…pe… nāparaṃ itthattāyāti pajānātīti. So sukhaṃ ce vedanaṃ vedayati 4, sā ‘aniccā’ti pajānāti. ‘Anajjhositā’ti pajānāti. ‘Anabhinanditā’ti pajānāti. Dukkhaṃ ce vedanaṃ vedayati, sā ‘aniccā’ti pajānāti. ‘Anajjhositā’ti pajānāti. ‘Anabhinanditā’ti pajānāti. Adukkhamasukhaṃ ce vedanaṃ vedayati, sā ‘aniccā’ti pajānāti…pe… ‘anabhinanditā’ti pajānāti. So sukhaṃ ce vedanaṃ vedayati , visaṃyutto naṃ vedayati; dukkhaṃ ce vedanaṃ vedayati, visaṃyutto naṃ vedayati; adukkhamasukhaṃ ce vedanaṃ vedayati, visaṃyutto naṃ vedayati. So kāyapariyantikaṃ ce vedanaṃ vedayamāno ‘kāyapariyantikaṃ vedanaṃ vedayāmī’ti pajānāti. Jīvitapariyantikaṃ ce vedanaṃ vedayamānāe ‘jīvitapariyantikaṃ vedanaṃ vedayāmī’ti pajānāti. ‘Kāyassa bhedā uddhaṃ jīvitapariyādānā idheva sabbavedayitāni anabhinanditāni sītībhavissantī’ti pajānāti.
‘‘сзяяат̇ааби , ассаж̇и, д̇злан̃жа бадижжа, ваддин̃жа бадижжа, д̇злаббад̣̇ийбо жхааязяяа; д̇ассзва д̇зласса жа ваддияаа жа барияаад̣̇аанаа анаахааро ниб̣б̣ааязяяа. звамзва ко, ассаж̇и, бхигку гааяабарияанд̇игам̣ взд̣̇анам̣ взд̣̇аяамаано ‘гааяабарияанд̇игам̣ взд̣̇анам̣ взд̣̇аяаамий’д̇и баж̇аанаад̇и. ж̇ийвид̇абарияанд̇игам̣ взд̣̇анам̣ взд̣̇аяамаано ‘ж̇ийвид̇абарияанд̇игам̣ взд̣̇анам̣ взд̣̇аяаамий’д̇и баж̇аанаад̇и. ‘гааяасса бхзд̣̇аа уд̣̇д̇хам̣ ж̇ийвид̇абарияаад̣̇аанаа ид̇хзва саб̣б̣авзд̣̇аяид̇аани анабхинанд̣̇ид̇аани сийд̇ийбхависсанд̇ий’д̇и баж̇аанаад̇ий’’д̇и. чадтам̣.
‘‘Seyyathāpi , assaji, telañca paṭicca, vaṭṭiñca paṭicca, telappadīpo jhāyeyya; tasseva telassa ca vaṭṭiyā ca pariyādānā anāhāro nibbāyeyya. Evameva kho, assaji, bhikkhu kāyapariyantikaṃ vedanaṃ vedayamāno ‘kāyapariyantikaṃ vedanaṃ vedayāmī’ti pajānāti. Jīvitapariyantikaṃ vedanaṃ vedayamāno ‘jīvitapariyantikaṃ vedanaṃ vedayāmī’ti pajānāti. ‘Kāyassa bhedā uddhaṃ jīvitapariyādānā idheva sabbavedayitāni anabhinanditāni sītībhavissantī’ti pajānātī’’ti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. ассаж̇исуд̇д̇аван̣н̣анаа • 6. Assajisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. ассаж̇исуд̇д̇аван̣н̣анаа • 6. Assajisuttavaṇṇanā
