| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૪. અસ્સખળુઙ્કસુત્તવણ્ણના
4. Assakhaḷuṅkasuttavaṇṇanā
૧૪. ચતુત્થે ‘‘પેહી’’તિ વુત્તોતિ ‘‘ગચ્છા’’તિ વુત્તો. પિટ્ઠિતો રથં પવત્તેતીતિ ખન્ધટ્ઠિકેન યુગં ઉપ્પીળિત્વા પચ્છિમભાગેન રથં પવટ્ટેન્તો ઓસક્કતિ. પચ્છા લઙ્ઘતિ, કુબ્બરં હનતીતિ દ્વે પચ્છિમપાદે ઉક્ખિપિત્વા તેહિ પહરિત્વા રથકુબ્બરં ભિન્દતિ. તિદણ્ડં ભઞ્જતીતિ રથસ્સ પુરતો તયો દણ્ડકા હોન્તિ, તે ભઞ્જતિ. રથીસાય સત્થિં ઉસ્સજ્જિત્વાતિ સીસં નામેત્વા યુગં ભૂમિયં પાતેત્વા સત્થિના રથીસં પહરિત્વા. અજ્ઝોમદ્દતીતિ દ્વીહિ પુરિમપાદેહિ ઈસં મદ્દન્તો તિટ્ઠતિ. ઉબ્બટુમં રથં કરોતીતિ થલં વા કણ્ડકટ્ઠાનં વા રથં આરોપેતિ. અનાદિયિત્વાતિ અમનસિકત્વા અગણિત્વા. મુખાધાનન્તિ મુખઠપનત્થાય દિન્નં અયસઙ્ખલિકં. ખીલટ્ઠાયીતિ ચત્તારો પાદે થમ્ભે વિય નિચ્ચલં ઠપેત્વા ખીલટ્ઠાનસદિસેન ઠાનેન તિટ્ઠતિ. ઇમસ્મિં સુત્તે વટ્ટમેવ કથિતં.
14. Catutthe ‘‘pehī’’ti vuttoti ‘‘gacchā’’ti vutto. Piṭṭhito rathaṃ pavattetīti khandhaṭṭhikena yugaṃ uppīḷitvā pacchimabhāgena rathaṃ pavaṭṭento osakkati. Pacchā laṅghati, kubbaraṃ hanatīti dve pacchimapāde ukkhipitvā tehi paharitvā rathakubbaraṃ bhindati. Tidaṇḍaṃ bhañjatīti rathassa purato tayo daṇḍakā honti, te bhañjati. Rathīsāya satthiṃ ussajjitvāti sīsaṃ nāmetvā yugaṃ bhūmiyaṃ pātetvā satthinā rathīsaṃ paharitvā. Ajjhomaddatīti dvīhi purimapādehi īsaṃ maddanto tiṭṭhati. Ubbaṭumaṃ rathaṃ karotīti thalaṃ vā kaṇḍakaṭṭhānaṃ vā rathaṃ āropeti. Anādiyitvāti amanasikatvā agaṇitvā. Mukhādhānanti mukhaṭhapanatthāya dinnaṃ ayasaṅkhalikaṃ. Khīlaṭṭhāyīti cattāro pāde thambhe viya niccalaṃ ṭhapetvā khīlaṭṭhānasadisena ṭhānena tiṭṭhati. Imasmiṃ sutte vaṭṭameva kathitaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૪. અસ્સખળુઙ્કસુત્તં • 4. Assakhaḷuṅkasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૩-૪. અસ્સાજાનીયસુત્તાદિવણ્ણના • 3-4. Assājānīyasuttādivaṇṇanā
