| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၃. အသုရိန္ဒကသုတ္တဝဏ္ဏနာ
3. Asurindakasuttavaṇṇanā
၁၈၉. တတိယေ အသုရိန္ဒကဘာရဒ္ဝာဇောတိ အက္ကောသကဘာရဒ္ဝာဇသ္သ ကနိဋ္ဌော။ ကုပိတောတိ တေနေဝ ကာရဏေန ကုဒ္ဓော။ ဇယဉ္စေဝသ္သ တံ ဟောတီတိ အသ္သေဝ တံ ဇယံ ဟောတိ, သော ဇယော ဟောတီတိ အတ္ထော ။ ကတမသ္သာတိ? ယာ တိတိက္ခာ ဝိဇာနတော အဓိဝာသနာယ ဂုဏံ ဝိဇာနန္တသ္သ တိတိက္ခာ အဓိဝာသနာ, အယံ တသ္သ ဝိဇာနတောဝ ဇယော။ ဗာလော ပန ဖရုသံ ဘဏန္တော ‘‘မယ္ဟံ ဇယော’’တိ ကေဝလံ ဇယံ မညတိ။ တတိယံ။
189. Tatiye asurindakabhāradvājoti akkosakabhāradvājassa kaniṭṭho. Kupitoti teneva kāraṇena kuddho. Jayañcevassa taṃ hotīti asseva taṃ jayaṃ hoti, so jayo hotīti attho . Katamassāti? Yā titikkhā vijānato adhivāsanāya guṇaṃ vijānantassa titikkhā adhivāsanā, ayaṃ tassa vijānatova jayo. Bālo pana pharusaṃ bhaṇanto ‘‘mayhaṃ jayo’’ti kevalaṃ jayaṃ maññati. Tatiyaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. အသုရိန္ဒကသုတ္တံ • 3. Asurindakasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၃. အသုရိန္ဒကသုတ္တဝဏ္ဏနာ • 3. Asurindakasuttavaṇṇanā
