| Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā) |
9. аадаанаадияасуд̇д̇аван̣н̣анаа
9. Āṭānāṭiyasuttavaṇṇanā
батамабхаан̣аваараван̣н̣анаа
Paṭhamabhāṇavāravaṇṇanā
275. ‘‘жад̇уд̣̇д̣̇исам̣ рагкам̣ табзд̇ваа’’д̇и ид̣̇ам̣ д̣̇вийсу таанзсу жад̇уусу д̣̇исаасу табид̇ам̣ рагкам̣ санд̇хааяа вуд̇д̇анд̇и д̇ад̣̇убхаяам̣ д̣̇ассзд̇ум̣ ‘‘асурасзнааяаа’’д̇иаад̣̇и вуд̇д̇ам̣. ад̇д̇ано хи ад̇хигаарз, ад̇д̇ано рагкааяа жа аббамаж̇ж̇анзна д̇зсам̣ ид̣̇ам̣ д̣̇вийсу таанзсу жад̇уусу д̣̇исаасу аарагкадтабанам̣. яан̃хи д̇ам̣ асурасзнааяа бадисзд̇ханад̇т̇ам̣ д̣̇звабурз жад̇уусу д̣̇исаасу саггасса д̣̇зваанаминд̣̇асса аарагкадтабанам̣, д̇ам̣ ад̇д̇ано ад̇хигаарз аббамаж̇ж̇анам̣. яам̣ бана нзсам̣ бхаг̇авад̇о санд̇игам̣ убасан̇гаманз жад̇уусу д̣̇исаасу аарагкадтабанам̣, д̇ам̣ ад̇д̇ано гад̇аа рагкааяа аббамаж̇ж̇анам̣. д̇зна вуд̇д̇ам̣ ‘‘асурасзнааяа нивааран̣ад̇т̇а’’нд̇иаад̣̇и. баал̣ияам̣ жад̇уд̣̇д̣̇исанд̇и бхуммад̇т̇з убаяог̇аважананд̇и бхуммавасзна д̇ад̣̇ад̇т̇ам̣ д̣̇ассзнд̇о ‘‘жад̇уусу д̣̇исаасуу’’д̇и ааха. аарагкам̣ табзд̇ваад̇и взссаван̣аад̣̇аяо жад̇д̇ааро махаарааж̇аано ад̇д̇анаа ад̇д̇анаа рагкид̇аб̣б̣ад̣̇исаасу аарагкам̣ табзд̇ваа г̇уд̇д̇им̣ саммад̣̇зва вид̣̇ахид̇ваа. б̣алаг̇умб̣ам̣ табзд̇ваад̇и яагкасзнаад̣̇исзнааб̣аласамуухам̣ табзд̇ваа. оваран̣ам̣ табзд̇ваад̇и бадибагканисзд̇ханасамад̇т̇ам̣ ааваран̣ам̣ табзд̇ваа. ид̇и д̇ийхи бад̣̇зхи яат̇ааггамам̣ бажжзгам̣ д̣̇званаг̇арад̣̇ваарасса анд̇о, д̣̇ваарасамийбз, д̣̇ваарад̇о б̣ахи, д̣̇исаарагкаавасанод̇и д̇ивид̇хааяа рагкааяа табид̇абхааво ваа д̣̇ийбид̇о. д̇знааха ‘‘звам̣ саггасса…бз… гад̇ваа’’д̇и. сад̇д̇а б̣уд̣̇д̇хз аараб̣бхаад̇и зд̇т̇а сад̇д̇зва б̣уд̣̇д̇хз аараб̣бха бариб̣анд̇ханагааран̣ам̣ махаабад̣̇аанадийгааяам̣ (д̣̇ий. ни. дий. 2.12) вуд̇д̇анаязнзва взд̣̇ид̇аб̣б̣ам̣. д̇хаммааан̣анд̇и д̇хаммамаяам̣ аан̣ам̣, сад̇т̇у д̇хаммажагганд̇и ад̇т̇о. ‘‘барисад̇о б̣аахирабхааво, асамбхог̇о’’д̇и звамаад̣̇им̣ ид̣̇ан̃жид̣̇ан̃жа виваж̇ж̇анагаран̣ам̣ гариссаамаад̇и. саавананд̇и жад̇уннамби барисаанам̣ д̇игкад̇д̇ум̣ бариваарзна анусааванам̣, яат̇аа сагго д̣̇зваанаминд̣̇о асурасзнааяа нивааран̣ад̇т̇ам̣ жад̇уусу д̣̇исаасу аарагкам̣ табаабзд̇и, звам̣ махаарааж̇ааноби д̇аад̣̇исз гижжависзсз ад̇д̇ано аарагкам̣ табзнд̇и. имзсамби хи д̇ад̇о саасан̇гам̣ саббадибхаяанд̇и. д̇зна вуд̇д̇ам̣ ‘‘ад̇д̇анобий’’д̇иаад̣̇и.
275. ‘‘Catuddisaṃ rakkhaṃ ṭhapetvā’’ti idaṃ dvīsu ṭhānesu catūsu disāsu ṭhapitaṃ rakkhaṃ sandhāya vuttanti tadubhayaṃ dassetuṃ ‘‘asurasenāyā’’tiādi vuttaṃ. Attano hi adhikāre, attano rakkhāya ca appamajjanena tesaṃ idaṃ dvīsu ṭhānesu catūsu disāsu ārakkhaṭṭhapanaṃ. Yañhi taṃ asurasenāya paṭisedhanatthaṃ devapure catūsu disāsu sakkassa devānamindassa ārakkhaṭṭhapanaṃ, taṃ attano adhikāre appamajjanaṃ. Yaṃ pana nesaṃ bhagavato santikaṃ upasaṅkamane catūsu disāsu ārakkhaṭṭhapanaṃ, taṃ attano katā rakkhāya appamajjanaṃ. Tena vuttaṃ ‘‘asurasenāya nivāraṇattha’’ntiādi. Pāḷiyaṃ catuddisanti bhummatthe upayogavacananti bhummavasena tadatthaṃ dassento ‘‘catūsu disāsū’’ti āha. Ārakkhaṃ ṭhapetvāti vessavaṇādayo cattāro mahārājāno attanā attanā rakkhitabbadisāsu ārakkhaṃ ṭhapetvā guttiṃ sammadeva vidahitvā. Balagumbaṃ ṭhapetvāti yakkhasenādisenābalasamūhaṃ ṭhapetvā. Ovaraṇaṃ ṭhapetvāti paṭipakkhanisedhanasamatthaṃ āvaraṇaṃ ṭhapetvā. Iti tīhi padehi yathākkamaṃ paccekaṃ devanagaradvārassa anto, dvārasamīpe, dvārato bahi, disārakkhāvasanoti tividhāya rakkhāya ṭhapitabhāvo vā dīpito. Tenāha ‘‘evaṃ sakkassa…pe… katvā’’ti. Satta buddhe ārabbhāti ettha satteva buddhe ārabbha paribandhanakāraṇaṃ mahāpadānaṭīkāyaṃ (dī. ni. ṭī. 2.12) vuttanayeneva veditabbaṃ. Dhammaāṇanti dhammamayaṃ āṇaṃ, satthu dhammacakkanti attho. ‘‘Parisato bāhirabhāvo, asambhogo’’ti evamādiṃ idañcidañca vivajjanakaraṇaṃ karissāmāti. Sāvananti catunnampi parisānaṃ tikkhattuṃ parivārena anusāvanaṃ, yathā sakko devānamindo asurasenāya nivāraṇatthaṃ catūsu disāsu ārakkhaṃ ṭhapāpeti, evaṃ mahārājānopi tādise kiccavisese attano ārakkhaṃ ṭhapenti. Imesampi hi tato sāsaṅkaṃ sappaṭibhayanti. Tena vuttaṃ ‘‘attanopī’’tiādi.
абхигганд̇аад̇и ад̇игганд̇аа, виг̇ад̇аад̇и ад̇т̇од̇и ааха ‘‘каяз д̣̇иссад̇ий’’д̇и. д̇знзва хи ‘‘нигканд̇о батамо яаамо’’д̇и ананд̇арам̣ вуд̇д̇ам̣. абхигганд̇ад̇арод̇и ад̇ивияа ганд̇ад̇аро. д̇аад̣̇исо жа сунд̣̇аро бхад̣̇д̣̇аго наама ход̇ийд̇и ааха ‘‘сунд̣̇арз д̣̇иссад̇ий’’д̇и.
Abhikkantāti atikkantā, vigatāti atthoti āha ‘‘khaye dissatī’’ti. Teneva hi ‘‘nikkhanto paṭhamo yāmo’’ti anantaraṃ vuttaṃ. Abhikkantataroti ativiya kantataro. Tādiso ca sundaro bhaddako nāma hotīti āha ‘‘sundare dissatī’’ti.
год̇и д̣̇званааг̇аяагкаг̇анд̇хаб̣б̣аад̣̇ийсу го гад̇амо. мзд̇и мама. баад̣̇аанийд̇и баад̣̇з. ид̣̇д̇хияаад̇и имааяа зваруубааяа д̣̇звид̣̇д̇хияаа. ‘‘яасасаа’’д̇и иминаа зд̣̇исзна бариваарзна, барижчзд̣̇зна жа. ж̇аланд̇и виж̇ж̇од̇амаано. абхигганд̇знаад̇и ад̇ивияа ганд̇зна гаманийязна абхируубзна. ван̣н̣знаад̇и сарийраван̣н̣анибхааяа. саб̣б̣аа обхаасаяам̣ д̣̇исаад̇и д̣̇асаби д̣̇исаа бабхаасзнд̇о жанд̣̇о вияа, суурияо вияа жа згобхаасам̣ згаалогам̣ гаронд̇од̇и г̇аат̇ааяа ад̇т̇о. абхируубзд̇и ул̣аараруубз самбаннаруубз. аб̣бханумод̣̇анзд̇и самбахам̣санз. ид̇ха банаад̇и ‘‘абхигганд̇ааяа рад̇д̇ияаа’’д̇и зд̇асмим̣ бад̣̇з. д̇знаад̇и каяабарияааяад̇д̇аа.
Koti devanāgayakkhagandhabbādīsu ko katamo. Meti mama. Pādānīti pāde. Iddhiyāti imāya evarūpāya deviddhiyā. ‘‘Yasasā’’ti iminā edisena parivārena, paricchedena ca. Jalanti vijjotamāno. Abhikkantenāti ativiya kantena kamanīyena abhirūpena. Vaṇṇenāti sarīravaṇṇanibhāya. Sabbā obhāsayaṃ disāti dasapi disā pabhāsento cando viya, sūriyo viya ca ekobhāsaṃ ekālokaṃ karontoti gāthāya attho. Abhirūpeti uḷārarūpe sampannarūpe. Abbhanumodaneti sampahaṃsane. Idha panāti ‘‘abhikkantāya rattiyā’’ti etasmiṃ pade. Tenāti khayapariyāyattā.
руубааяад̇анаад̣̇ийсууд̇и аад̣̇и-сад̣̇д̣̇зна агкараад̣̇ийнам̣ сан̇г̇ахо д̣̇адтаб̣б̣о. суван̣н̣аван̣н̣од̇и суван̣н̣ажчавийд̇и аяамзд̇т̇а ад̇т̇од̇и ааха ‘‘чавияа’’нд̇и. д̇ат̇аа хи вуд̇д̇ам̣ ‘‘ган̃жанасаннибхад̇д̇ажо’’д̇и (д̣̇ий. ни. 2.35; 3.200, 218; ма. ни. 2.386) сан̃н̃уул̣хаад̇и сан̇г̇ант̇ид̇аа. ван̣н̣аад̇и г̇ун̣аван̣н̣анаад̇и ааха ‘‘т̇уд̇ияа’’нд̇и, т̇оманааяанд̇и ад̇т̇о. гулаваг̇г̇зд̇и кад̇д̇ияаад̣̇игулагодтаасз. д̇ад̇т̇а ‘‘ажчо виббасанно’’д̇иаад̣̇инаа ван̣н̣ид̇аб̣б̣адтзна ван̣н̣о, чави. ван̣н̣анадтзна ван̣н̣о, т̇уд̇и. абхид̇т̇аванадтзна ван̣н̣о, т̇уд̇и, ан̃н̃аман̃н̃ам̣ асан̇гарад̇о ван̣н̣ид̇аб̣б̣ад̇о табзд̇аб̣б̣ад̇о ван̣н̣о, кад̇д̇ияаад̣̇игулаваг̇г̇о. ван̣н̣ийяад̇и н̃аабийяад̇и зд̇знаад̇и ван̣н̣о, н̃аабагам̣ гааран̣ам̣. ван̣н̣анад̇о т̇ууларассаад̣̇ибхаавзна убадтаанад̇о ван̣н̣о, сан̣таанам̣. ‘‘маханд̇ам̣ куд̣̇д̣̇агам̣, маж̇жхима’’нд̇и ван̣н̣зд̇аб̣б̣ад̇о бамаан̣зд̇аб̣б̣ад̇о ван̣н̣о, бамаан̣ам̣. ван̣н̣ийяад̇и жагкунаа виварийяад̇ийд̇и ван̣н̣о, руубааяад̇ананд̇и звам̣ д̇асмим̣ д̇асмим̣ ад̇т̇з ван̣н̣а-сад̣̇д̣̇асса бавад̇д̇и взд̣̇ид̇аб̣б̣аа. сод̇и ван̣н̣асад̣̇д̣̇о. чавияам̣ д̣̇адтаб̣б̣о руубааяад̇анз г̇аяхамаанасса чавимукзнзва г̇ахзд̇аб̣б̣ад̇о. ‘‘чавиг̇ад̇аа бана ван̣н̣ад̇хаад̇у зва суван̣н̣аван̣н̣од̇и зд̇т̇а ван̣н̣аг̇г̇ахан̣зна г̇ахид̇аа’’д̇и абарз.
Rūpāyatanādīsūti ādi-saddena akkharādīnaṃ saṅgaho daṭṭhabbo. Suvaṇṇavaṇṇoti suvaṇṇacchavīti ayamettha atthoti āha ‘‘chaviya’’nti. Tathā hi vuttaṃ ‘‘kañcanasannibhattaco’’ti (dī. ni. 2.35; 3.200, 218; ma. ni. 2.386) saññūḷhāti saṅganthitā. Vaṇṇāti guṇavaṇṇanāti āha ‘‘thutiya’’nti, thomanāyanti attho. Kulavaggeti khattiyādikulakoṭṭhāse. Tattha ‘‘accho vippasanno’’tiādinā vaṇṇitabbaṭṭhena vaṇṇo, chavi. Vaṇṇanaṭṭhena vaṇṇo, thuti. Abhitthavanaṭṭhena vaṇṇo, thuti, aññamaññaṃ asaṅkarato vaṇṇitabbato ṭhapetabbato vaṇṇo, khattiyādikulavaggo. Vaṇṇīyati ñāpīyati etenāti vaṇṇo, ñāpakaṃ kāraṇaṃ. Vaṇṇanato thūlarassādibhāvena upaṭṭhānato vaṇṇo, saṇṭhānaṃ. ‘‘Mahantaṃ khuddakaṃ, majjhima’’nti vaṇṇetabbato pamāṇetabbato vaṇṇo, pamāṇaṃ. Vaṇṇīyati cakkhunā vivarīyatīti vaṇṇo, rūpāyatananti evaṃ tasmiṃ tasmiṃ atthe vaṇṇa-saddassa pavatti veditabbā. Soti vaṇṇasaddo. Chaviyaṃ daṭṭhabbo rūpāyatane gayhamānassa chavimukheneva gahetabbato. ‘‘Chavigatā pana vaṇṇadhātu eva suvaṇṇavaṇṇoti ettha vaṇṇaggahaṇena gahitā’’ti apare.
гзвалабарибун̣н̣анд̇и згад̣̇зсамби асзсзд̇ваа ниравасзсад̇ова барибун̣н̣анд̇и аяамзд̇т̇а ад̇т̇од̇и ааха ‘‘анавасзсад̇аа ад̇т̇о’’д̇и. гзвалагаббаад̇и габба-сад̣̇д̣̇о нибаад̇о бад̣̇абууран̣амад̇д̇ам̣, гзвалам̣ ижжзва ад̇т̇о . гзвала-сад̣̇д̣̇о б̣ахулаваажийд̇и ааха ‘‘язбхуяяад̇аа ад̇т̇о’’д̇и. гзжи бана ‘‘ийсагам̣ асамад̇д̇аа гзвалагаббаа’’д̇и вад̣̇анд̇и. звам̣ сад̇и анавасзсад̇т̇о зва гзвала-сад̣̇д̣̇ад̇т̇о сияаа, анад̇т̇анд̇арзна бана габба-сад̣̇д̣̇зна бад̣̇авад̣дханам̣ гад̇ам̣ гзваламзва гзвалагаббанд̇и. ат̇а ваа габбанийяад̇аа, бан̃н̃аабзд̇аб̣б̣ад̇аа гзвалагаббаа. аб̣яаамиссад̇аа виж̇аад̇иязна асан̇гараа суд̣̇д̇хад̇аа. анад̇ирзгад̇аа д̇ам̣барамад̇аа висзсаабхааво. гзвалагаббанд̇и гзвалам̣ д̣̇ал̣хам̣ гад̇ваад̇и ад̇т̇о. гзвалам̣ вужжад̇и ниб̣б̣аанам̣ саб̣б̣асан̇кад̇авивид̇д̇ад̇д̇аа. д̇ам̣ зд̇асса ад̇хиг̇ад̇ам̣ ад̇т̇ийд̇и гзвалий, сажчигад̇анирод̇хо кийн̣аасаво.
Kevalaparipuṇṇanti ekadesampi asesetvā niravasesatova paripuṇṇanti ayamettha atthoti āha ‘‘anavasesatā attho’’ti. Kevalakappāti kappa-saddo nipāto padapūraṇamattaṃ, kevalaṃ icceva attho . Kevala-saddo bahulavācīti āha ‘‘yebhuyyatā attho’’ti. Keci pana ‘‘īsakaṃ asamattā kevalakappā’’ti vadanti. Evaṃ sati anavasesattho eva kevala-saddattho siyā, anatthantarena pana kappa-saddena padavaḍḍhanaṃ kataṃ kevalameva kevalakappanti. Atha vā kappanīyatā, paññāpetabbatā kevalakappā. Abyāmissatā vijātiyena asaṅkarā suddhatā. Anatirekatā taṃparamatā visesābhāvo. Kevalakappanti kevalaṃ daḷhaṃ katvāti attho. Kevalaṃ vuccati nibbānaṃ sabbasaṅkhatavivittattā. Taṃ etassa adhigataṃ atthīti kevalī, sacchikatanirodho khīṇāsavo.
габба-сад̣̇д̣̇о банааяам̣ са-убасаг̇г̇о, анубасаг̇г̇о жаад̇и ад̇хиббааязна огаббанияабад̣̇з лаб̣бхамаанам̣ габбанияасад̣̇д̣̇амад̇д̇ам̣ нид̣̇ассзд̇и, ан̃н̃ат̇аа габба-сад̣̇д̣̇асса ад̇т̇уд̣̇д̇хаарз огаббанияабад̣̇ам̣ анид̣̇ассанамзва сияаа. саман̣агаббзхийд̇и винаяаггамасид̣̇д̇хзхи саман̣авохаарзхи. нижжагаббанд̇и нижжагаалам̣. бан̃н̃ад̇д̇ийд̇и нааман̃хзд̇ам̣ д̇асса ааяасмад̇о, яад̣̇ид̣̇ам̣ габбод̇и. габбид̇агзсамассууд̇и гад̇д̇арияаа чзд̣̇ид̇агзсамассу. д̣̇ван̇г̇улагаббод̇и маж̇жханхигавзлааяа вийд̇игганд̇ааяа д̣̇ван̇г̇улад̇аавигаббо. лзсод̇и абад̣̇зсо. анавасзсам̣ парид̇ум̣ самад̇т̇асса обхаасасса гзнажи гааран̣зна згад̣̇зсапаран̣амби сияаа, аяам̣ бана саб̣б̣асова парийд̇и д̣̇ассзд̇ум̣ саманд̇ад̇т̇о габба-сад̣̇д̣̇о г̇ахид̇од̇и ааха ‘‘анавасзсам̣ саманд̇ад̇о’’д̇и.
Kappa-saddo panāyaṃ sa-upasaggo, anupasaggo cāti adhippāyena okappaniyapade labbhamānaṃ kappaniyasaddamattaṃ nidasseti, aññathā kappa-saddassa atthuddhāre okappaniyapadaṃ anidassanameva siyā. Samaṇakappehīti vinayakkamasiddhehi samaṇavohārehi. Niccakappanti niccakālaṃ. Paññattīti nāmañhetaṃ tassa āyasmato, yadidaṃ kappoti. Kappitakesamassūti kattariyā cheditakesamassu. Dvaṅgulakappoti majjhanhikavelāya vītikkantāya dvaṅgulatāvikappo. Lesoti apadeso. Anavasesaṃ pharituṃ samatthassa obhāsassa kenaci kāraṇena ekadesapharaṇampi siyā, ayaṃ pana sabbasova pharīti dassetuṃ samantattho kappa-saddo gahitoti āha ‘‘anavasesaṃ samantato’’ti.
яасмаа д̣̇звад̇аанам̣ сарийраббабхаа д̣̇ваад̣̇асаяож̇анамад̇д̇ам̣ таанам̣, д̇ад̇о бхияяоби парид̇ваа д̇идтад̇и, д̇ат̇аа вад̇т̇аабхаран̣аад̣̇ийхи самудтид̇аа бабхаа, д̇асмаа вуд̇д̇ам̣ ‘‘жанд̣̇имаа вияа, суурияо вияа жа згобхаасам̣ згам̣ баж̇ж̇од̇ам̣ гарид̇ваа’’д̇и. гасмаа зд̇з махаарааж̇аано бхаг̇авад̇о санд̇игз нисийд̣̇им̣су? нану язбхуяязна д̣̇звад̇аа бхаг̇авад̇о санд̇игам̣ убаг̇ад̇аа тад̇ваава гат̇зд̇аб̣б̣ам̣ гат̇знд̇аа г̇ажчанд̇ийд̇и? сажжамзд̇ам̣, ид̇ха бана нисийд̣̇анз гааран̣ам̣ ад̇т̇и, д̇ам̣ д̣̇ассзд̇ум̣ ‘‘д̣̇звад̇аана’’нд̇иаад̣̇и вуд̇д̇ам̣. ‘‘ид̣̇ам̣ барид̇д̇ам̣ наама сад̇д̇аб̣уд̣̇д̇хабадисам̣яуд̇д̇ам̣ г̇ару, д̇асмаа на амхзхи тад̇ваа г̇ахзд̇аб̣б̣а’’нд̇и жинд̇зд̇ваа барид̇д̇аг̇аарававасзна нисийд̣̇им̣су.
Yasmā devatānaṃ sarīrappabhā dvādasayojanamattaṃ ṭhānaṃ, tato bhiyyopi pharitvā tiṭṭhati, tathā vatthābharaṇādīhi samuṭṭhitā pabhā, tasmā vuttaṃ ‘‘candimā viya, sūriyo viya ca ekobhāsaṃ ekaṃ pajjotaṃ karitvā’’ti. Kasmā ete mahārājāno bhagavato santike nisīdiṃsu? Nanu yebhuyyena devatā bhagavato santikaṃ upagatā ṭhatvāva kathetabbaṃ kathentā gacchantīti? Saccametaṃ, idha pana nisīdane kāraṇaṃ atthi, taṃ dassetuṃ ‘‘devatāna’’ntiādi vuttaṃ. ‘‘Idaṃ parittaṃ nāma sattabuddhapaṭisaṃyuttaṃ garu, tasmā na amhehi ṭhatvā gahetabba’’nti cintetvā parittagāravavasena nisīdiṃsu.
276. гасмаа банзд̇т̇а взссаван̣о зва гат̇зси, на ид̇арзсу яо гожийд̇и? д̇ад̇т̇а гааран̣ам̣ д̣̇ассзд̇ум̣ ‘‘гин̃жаабий’’д̇иаад̣̇и вуд̇д̇ам̣. виссаасиго абхин̣хам̣ убасан̇гаманзна. б̣яад̇д̇од̇и висаарад̣̇о, д̇ан̃жасса взяяад̇д̇ияам̣ судту сигкид̇абхаавзнаад̇и ааха ‘‘сусигкид̇о’’д̇и. мануссзсу вияа хи д̣̇звзсуби гожид̣̇зва буримаж̇аад̇ибарижаязна сусигкид̇о ход̇и, д̇ад̇рааби гожид̣̇зва яат̇аад̇хиббзд̇амад̇т̇ам̣ вад̇д̇ум̣ самад̇т̇о барибун̣н̣абад̣̇аб̣яан̃ж̇анааяа борияаа ваажааяа саманнааг̇ад̇о. ‘‘махзсагкаа’’д̇и имасса ад̇т̇аважанам̣ ‘‘аанубхаавасамбаннаа’’д̇и, махзсагкаад̇и ваа махаабариваараад̇и ад̇т̇о. баан̣аад̇ибаад̇з аад̣̇ийнавад̣̇ассанзнзва д̇ам̣ вибарияааяад̇о д̇ад̇о взраман̣ияам̣ аанисам̣со баагадо ход̇ийд̇и ‘‘аад̣̇ийнавам̣ д̣̇ассзд̇ваа’’ ижжзва вуд̇д̇ам̣. д̇зсу сзнаасанзсууд̇и яаани ‘‘аран̃н̃аванаббад̇т̇ааний’’д̇иаад̣̇инаа (ма. ни. 1.34-45) вуд̇д̇аани бхигкуунам̣ васанадтаанабхууд̇аани аран̃н̃ааяад̇анаани, д̇зсу бхигкуухи саяид̇аб̣б̣ад̇о, аасид̇аб̣б̣ад̇о жа сзнаасанасан̃н̃ид̇зсу. ниб̣ад̣̇д̇хаваасинод̇и ругкабаб̣б̣ад̇абадиб̣ад̣̇д̇хзсу вимаанзсу нижжаваасид̇ааяа ниб̣ад̣̇д̇хаваасино. б̣ад̣̇д̇хад̇д̇аад̇и г̇аат̇аабхаавзна г̇ант̇ид̇ад̇д̇аа самб̣анд̇хид̇ад̇д̇аа.
276. Kasmā panettha vessavaṇo eva kathesi, na itaresu yo kocīti? Tattha kāraṇaṃ dassetuṃ ‘‘kiñcāpī’’tiādi vuttaṃ. Vissāsiko abhiṇhaṃ upasaṅkamanena. Byattoti visārado, tañcassa veyyattiyaṃ suṭṭhu sikkhitabhāvenāti āha ‘‘susikkhito’’ti. Manussesu viya hi devesupi kocideva purimajātiparicayena susikkhito hoti, tatrāpi kocideva yathādhippetamatthaṃ vattuṃ samattho paripuṇṇapadabyañjanāya poriyā vācāya samannāgato. ‘‘Mahesakkhā’’ti imassa atthavacanaṃ ‘‘ānubhāvasampannā’’ti, mahesakkhāti vā mahāparivārāti attho. Pāṇātipāte ādīnavadassaneneva taṃ vipariyāyato tato veramaṇiyaṃ ānisaṃso pākaṭo hotīti ‘‘ādīnavaṃ dassetvā’’ icceva vuttaṃ. Tesu senāsanesūti yāni ‘‘araññavanappatthānī’’tiādinā (ma. ni. 1.34-45) vuttāni bhikkhūnaṃ vasanaṭṭhānabhūtāni araññāyatanāni, tesu bhikkhūhi sayitabbato, āsitabbato ca senāsanasaññitesu. Nibaddhavāsinoti rukkhapabbatapaṭibaddhesu vimānesu niccavāsitāya nibaddhavāsino. Baddhattāti gāthābhāvena ganthitattā sambandhitattā.
‘‘уг̇г̇ан̣хаад̇у бханд̇з бхаг̇аваа’’д̇и ад̇д̇анаа вужжамаанам̣ барид̇д̇ам̣ бхаг̇аванд̇ам̣ уг̇г̇ан̣хаабзд̇угаамо взссаван̣о авожаад̇и ад̇хиббааязна жод̣̇аго ‘‘гим̣ бана бхаг̇авад̇о аббажжагкад̇хаммо наама ад̇т̇ий’’д̇и жод̣̇зси. аажарияо саб̣б̣ад̇т̇а аббадихад̇ан̃аан̣ажаарасса бхаг̇авад̇о на гин̃жи аббажжагканд̇и д̣̇ассзнд̇о ‘‘над̇т̇ий’’д̇и вад̇ваа ‘‘уг̇г̇ан̣хаад̇у бханд̇з бхаг̇аваа’’д̇и вад̣̇ад̇о взссаван̣асса ад̇хиббааяам̣ виваранд̇о ‘‘огаасагаран̣ад̇т̇а’’нд̇иаад̣̇имааха. яат̇аа хи бан̃жасико г̇анд̇хаб̣б̣ад̣̇звабуд̇д̇о д̣̇зваанам̣ д̇аавад̇им̣саанам̣, б̣рахмуно жа санан̇гумаарасса саммукаа ад̇д̇ано яат̇аасуд̇ам̣ д̇хаммам̣ бхаг̇авад̇о санд̇игам̣ убаг̇анд̇ваа бавзд̣̇зд̇и, звамаяамби махаарааж̇аа ид̇арзхи сад̣̇д̇хим̣ аадаанааданаг̇арз г̇аат̇аавасзна б̣анд̇хид̇ам̣ барид̇д̇ам̣ бхаг̇авад̇о бавзд̣̇зд̇ум̣ огаасам̣ гаарзнд̇о ‘‘уг̇г̇ан̣хаад̇у бханд̇з бхаг̇аваа’’д̇и ааха, на нам̣ д̇асса барияаабун̣анз нияож̇знд̇о. д̇асмаа уг̇г̇ан̣хаад̇ууд̇и яат̇ид̣̇ам̣ барид̇д̇ам̣ маяаа бавзд̣̇ид̇амад̇д̇амзва худ̇ваа жад̇уннам̣ барисаанам̣ жирагаалам̣ хид̇аавахам̣ ход̇и, звам̣ уд̣̇д̇хам̣ аарагкааяа г̇ан̣хаад̇у, самбадижчад̇ууд̇и ад̇т̇о. сад̇т̇у гат̇ид̇зд̇и сад̇т̇у аарожид̇з, жад̇уннам̣ барисаанам̣ сад̇т̇у гат̇анз ваад̇и ад̇т̇о. сукавихаарааяаад̇и яагкаад̣̇ийхи авихим̣сааяа лад̣̇д̇хаб̣б̣асукавихаарааяа.
‘‘Uggaṇhātu bhante bhagavā’’ti attanā vuccamānaṃ parittaṃ bhagavantaṃ uggaṇhāpetukāmo vessavaṇo avocāti adhippāyena codako ‘‘kiṃ pana bhagavato appaccakkhadhammo nāma atthī’’ti codesi. Ācariyo sabbattha appaṭihatañāṇacārassa bhagavato na kiñci appaccakkhanti dassento ‘‘natthī’’ti vatvā ‘‘uggaṇhātu bhante bhagavā’’ti vadato vessavaṇassa adhippāyaṃ vivaranto ‘‘okāsakaraṇattha’’ntiādimāha. Yathā hi pañcasikho gandhabbadevaputto devānaṃ tāvatiṃsānaṃ, brahmuno ca sanaṅkumārassa sammukhā attano yathāsutaṃ dhammaṃ bhagavato santikaṃ upagantvā pavedeti, evamayampi mahārājā itarehi saddhiṃ āṭānāṭanagare gāthāvasena bandhitaṃ parittaṃ bhagavato pavedetuṃ okāsaṃ kārento ‘‘uggaṇhātu bhante bhagavā’’ti āha, na naṃ tassa pariyāpuṇane niyojento. Tasmā uggaṇhātūti yathidaṃ parittaṃ mayā paveditamattameva hutvā catunnaṃ parisānaṃ cirakālaṃ hitāvahaṃ hoti, evaṃ uddhaṃ ārakkhāya gaṇhātu, sampaṭicchatūti attho. Satthu kathiteti satthu ārocite, catunnaṃ parisānaṃ satthu kathane vāti attho. Sukhavihārāyāti yakkhādīhi avihiṃsāya laddhabbasukhavihārāya.
277. сад̇д̇аби б̣уд̣̇д̇хаа жагкуманд̇о бан̃жахи жагкуухи жагкумабхаавз висзсаабхаавад̇о. д̇асмаад̇и яасмаа жагкумабхааво вияа саб̣б̣абхууд̇аанугамбид̇аад̣̇аяо саб̣б̣зби висзсаа сад̇д̇аннамби б̣уд̣̇д̇хаанам̣ саад̇хааран̣аа, д̇асмаа, г̇ун̣анзмид̇д̇агаанзва ваа яасмаа б̣уд̣̇д̇хаанам̣ наамаани наама, на лин̇г̇игаавад̇т̇игаяаад̣̇ижчагаани, д̇асмаа б̣уд̣̇д̇хаанам̣ г̇ун̣ависзсад̣̇ийбанаани ‘‘жагкуманд̇ассаа’’д̇иаад̣̇инаа (д̣̇ий. ни. 3.277) вуд̇д̇аани зд̇аани згзгасса сад̇д̇а сад̇д̇а наамаани хонд̇и. д̇зсам̣ наамаанам̣ саад̇хааран̣абхаавам̣ ад̇т̇авасзна яож̇зд̇аб̣б̣аад̇и д̣̇ассзд̇ум̣ ‘‘саб̣б̣збий’’д̇иаад̣̇и вуд̇д̇ам̣. саб̣б̣абхууд̇аанугамбинод̇и анан̃н̃асаад̇хааран̣амахаагарун̣ааяа саб̣б̣асад̇д̇аанам̣ анугамбигаа. нхаад̇агилзсад̇д̇аад̇и адтан̇г̇игзна арияамаг̇г̇аж̇алзна сабарасанд̇аанзсу ниравасзсад̇о д̇ход̇агилзсамалад̇д̇аа. маарасзнаабамад̣̇д̣̇инод̇и сабариваарз бан̃жаби маарз бамад̣̇д̣̇ид̇аванд̇о. вусид̇аванд̇од̇и маг̇г̇аб̣рахмажарияаваасам̣, д̣̇асавид̇хам̣ арияаваасан̃жа вусид̇аванд̇о. вусид̇аванд̇ад̇ааяа зва б̣аахид̇абаабад̇аа вуд̇д̇аа ход̇ийд̇и ‘‘б̣раахман̣ассаа’’д̇и бад̣̇ам̣ анаамадтам̣. вимуд̇д̇аад̇и анан̃н̃асаад̇хааран̣аанам̣ бан̃жаннамби вимуд̇д̇ийнам̣ васзна ниравасзсад̇о муд̇д̇аа. ан̇г̇ад̇од̇и сарийран̇г̇ад̇о, н̃аан̣ан̇г̇ад̇о жа, д̣̇вад̇д̇им̣самахаабурисалагкан̣а- (д̣̇ий. ни. 2.33; 3.200; ма. ни. 2.385) асийд̇иануб̣яан̃ж̇анзхи нигкаманаббабхаа, б̣яаамаббабхаа, гзд̇умаалааун̣хийсаббабхаа жа сарийран̇г̇ад̇о нигкаманагарасмияо, яамагамахаабаадихаарияаад̣̇ийсу уббаж̇ж̇анагаббабхаа н̃аан̣ан̇г̇ад̇о нигкаманагарасмияо. на зд̇аанзва ‘‘жагкумаа’’д̇иаад̣̇инаа (д̣̇ий. ни. 3.277) вуд̇д̇аани сад̇д̇а наамаани, ат̇а ко ан̃н̃ааниби б̣ахууни абаримид̇аани наамаани. гат̇анд̇и ааха ‘‘асан̇кязяяаани наамаани саг̇ун̣зна махзсинод̇и вуд̇д̇а’’нд̇и (д̇ха. са. адта. 1313; уд̣̇аа. адта. 53; бади. адта. 76). гзна вуд̇д̇ам̣? д̇хаммасзнаабад̇инаа.
277.Sattapibuddhā cakkhumanto pañcahi cakkhūhi cakkhumabhāve visesābhāvato. Tasmāti yasmā cakkhumabhāvo viya sabbabhūtānukampitādayo sabbepi visesā sattannampi buddhānaṃ sādhāraṇā, tasmā, guṇanemittakāneva vā yasmā buddhānaṃ nāmāni nāma, na liṅgikāvatthikayādicchakāni, tasmā buddhānaṃ guṇavisesadīpanāni ‘‘cakkhumantassā’’tiādinā (dī. ni. 3.277) vuttāni etāni ekekassa satta satta nāmāni honti. Tesaṃ nāmānaṃ sādhāraṇabhāvaṃ atthavasena yojetabbāti dassetuṃ ‘‘sabbepī’’tiādi vuttaṃ. Sabbabhūtānukampinoti anaññasādhāraṇamahākaruṇāya sabbasattānaṃ anukampikā. Nhātakilesattāti aṭṭhaṅgikena ariyamaggajalena saparasantānesu niravasesato dhotakilesamalattā. Mārasenāpamaddinoti saparivāre pañcapi māre pamadditavanto. Vusitavantoti maggabrahmacariyavāsaṃ, dasavidhaṃ ariyavāsañca vusitavanto. Vusitavantatāya eva bāhitapāpatā vuttā hotīti ‘‘brāhmaṇassā’’ti padaṃ anāmaṭṭhaṃ. Vimuttāti anaññasādhāraṇānaṃ pañcannampi vimuttīnaṃ vasena niravasesato muttā. Aṅgatoti sarīraṅgato, ñāṇaṅgato ca, dvattiṃsamahāpurisalakkhaṇa- (dī. ni. 2.33; 3.200; ma. ni. 2.385) asītianubyañjanehi nikkhamanappabhā, byāmappabhā, ketumālāuṇhīsappabhā ca sarīraṅgato nikkhamanakarasmiyo, yamakamahāpāṭihāriyādīsu uppajjanakappabhā ñāṇaṅgato nikkhamanakarasmiyo. Na etāneva ‘‘cakkhumā’’tiādinā (dī. ni. 3.277) vuttāni satta nāmāni, atha kho aññānipi bahūni aparimitāni nāmāni. Kathanti āha ‘‘asaṅkhyeyyāni nāmāni saguṇena mahesinoti vutta’’nti (dha. sa. aṭṭha. 1313; udā. aṭṭha. 53; paṭi. aṭṭha. 76). Kena vuttaṃ? Dhammasenāpatinā.
яад̣̇и звам̣ гасмаа взссаван̣о зд̇аанзва г̇ан̣хийд̇и ааха ‘‘ад̇д̇ано баагаданаамавасзнаа’’д̇и. кийн̣аасаваа ж̇анаад̇и ад̇хиббзд̇аа. д̇з хи гаммагилзсзхи ж̇аад̇ааби звам̣ на буна ж̇ааяиссанд̇ийд̇и иминаа ад̇т̇зна ж̇анаа. яат̇ааха ‘‘яо жа гаалагхасо бхууд̇о’’д̇и (ж̇аа. 1.2.190) д̣̇зсанаасийсамад̇д̇анд̇и нид̣̇ассанамад̇д̇анд̇и ад̇т̇о, аваяавзна ваа самуд̣̇ааяубалагкан̣амзд̇ам̣. сад̇и жа бисун̣аваажаббахаанз парусаваажаа бахийнаава ход̇и, баг̇зва жа мусааваад̣̇од̇и ‘‘абисун̣аа’’ ижжзва вуд̇д̇аа. махад̇д̇аад̇и махаа ад̇д̇аа сабхааво зд̇зсанд̇и махад̇д̇аа. д̇знааха ‘‘маханд̇абхаавам̣ бад̇д̇аа’’д̇и. маханд̇аад̇и ваа махаа анд̇аа, бариниб̣б̣аанабарияосаанаад̇и вуд̇д̇ам̣ ход̇и. маханд̇зхи ваа сийлаад̣̇ийхи саманнааг̇ад̇аа. аяам̣ д̇аава адтагат̇ааяам̣ ааг̇ад̇анаязна ад̇т̇о. ид̇арзсам̣ бана мад̇зна б̣уд̣̇д̇хаад̣̇ийхи ариязхи маханийяад̇о бууж̇анийяад̇о махам̣ наама ниб̣б̣аанам̣, махаманд̇о зд̇зсанд̇и маханд̇аа, ниб̣б̣аанад̣̇идтаад̇и ад̇т̇о. ниссаарад̣̇аад̇и саараж̇ж̇арахид̇аа, ниб̣бхаяаад̇и ад̇т̇о. д̇знааха ‘‘виг̇ад̇аломахам̣саа’’д̇и.
Yadi evaṃ kasmā vessavaṇo etāneva gaṇhīti āha ‘‘attano pākaṭanāmavasenā’’ti. Khīṇāsavājanāti adhippetā. Te hi kammakilesehi jātāpi evaṃ na puna jāyissantīti iminā atthena janā. Yathāha ‘‘yo ca kālaghaso bhūto’’ti (jā. 1.2.190) desanāsīsamattanti nidassanamattanti attho, avayavena vā samudāyupalakkhaṇametaṃ. Sati ca pisuṇavācappahāne pharusavācā pahīnāva hoti, pageva ca musāvādoti ‘‘apisuṇā’’ icceva vuttā. Mahattāti mahā attā sabhāvo etesanti mahattā. Tenāha ‘‘mahantabhāvaṃ pattā’’ti. Mahantāti vā mahā antā, parinibbānapariyosānāti vuttaṃ hoti. Mahantehi vā sīlādīhi samannāgatā. Ayaṃ tāva aṭṭhakathāyaṃ āgatanayena attho. Itaresaṃ pana matena buddhādīhi ariyehi mahanīyato pūjanīyato mahaṃ nāma nibbānaṃ, mahamanto etesanti mahantā, nibbānadiṭṭhāti attho. Nissāradāti sārajjarahitā, nibbhayāti attho. Tenāha ‘‘vigatalomahaṃsā’’ti.
хид̇анд̇и хид̇ажид̇д̇ам̣, сад̇д̇аанам̣ хид̇зсийд̇и ад̇т̇о. яат̇аабхууд̇ам̣ вибассисунд̇и бан̃жубаад̣̇аанагканд̇хзсу самуд̣̇аяаад̣̇ид̇о яаат̇аавад̇о вивид̇хзнаагаарзна бассим̣су. ‘‘яз жаабий’’д̇и буб̣б̣з бажжад̇д̇аб̣ахуважанзна анияамад̇о вуд̇д̇з д̇зсамбийд̇и ад̇т̇ам̣ самбад̣̇аанаб̣ахуважанавасзна нияамзд̇ваа ‘‘намад̇т̇уу’’д̇и жа бад̣̇ам̣ аанзд̇ваа яож̇зд̇и яам̣ д̇ам̣-сад̣̇д̣̇аанам̣ аб̣яабхижаарид̇асамб̣анд̇хабхаавад̇о. вибассим̣су намассанд̇ийд̇и ваа яож̇анаа. батамаг̇аат̇ааяаад̇и ‘‘яз жааби ниб̣б̣уд̇аа логз’’д̇и звам̣ вуд̇д̇аг̇аат̇ааяа. д̣̇уд̇ияаг̇аат̇ааяаад̇и д̇ад̣̇анд̇араг̇аат̇ааяа. д̇ад̇т̇а д̣̇зсанаамукамад̇д̇анд̇и ид̇арзсамби б̣уд̣̇д̇хаанам̣ наамаг̇г̇ахан̣з бад̇д̇з имассзва бхаг̇авад̇о наамаг̇г̇ахан̣ам̣ д̇ат̇аа д̣̇зсанааяа мукамад̇д̇ам̣, д̇асмаа д̇зби ад̇т̇ад̇о г̇ахид̇аа зваад̇и ад̇хиббааяо. д̇знааха ‘‘аяамби хий’’д̇иаад̣̇и. д̇ад̇т̇а аяанд̇и аяам̣ г̇аат̇аа. буримаяож̇анааяам̣ д̇ассаад̇и висзсид̇аб̣б̣ад̇ааяа абхаавад̇о ‘‘яанд̇и нибаад̇амад̇д̇а’’нд̇и вуд̇д̇ам̣, ид̇ха бана ‘‘д̇асса намад̇т̇уу’’д̇и звам̣ самб̣анд̇хасса жа ижчид̇ад̇д̇аа ‘‘яа’’нд̇и наамабад̣̇ам̣ убаяог̇згаважананд̇и д̣̇ассзнд̇о ‘‘яам̣ намассанд̇и г̇од̇ама’’нд̇и ааха.
Hitanti hitacittaṃ, sattānaṃ hitesīti attho. Yathābhūtaṃ vipassisunti pañcupādānakkhandhesu samudayādito yāthāvato vividhenākārena passiṃsu. ‘‘Ye cāpī’’ti pubbe paccattabahuvacanena aniyamato vutte tesampīti atthaṃ sampadānabahuvacanavasena niyametvā ‘‘namatthū’’ti ca padaṃ ānetvā yojeti yaṃ taṃ-saddānaṃ abyabhicāritasambandhabhāvato. Vipassiṃsu namassantīti vā yojanā. Paṭhamagāthāyāti ‘‘ye cāpi nibbutā loke’’ti evaṃ vuttagāthāya. Dutiyagāthāyāti tadantaragāthāya. Tattha desanāmukhamattanti itaresampi buddhānaṃ nāmaggahaṇe patte imasseva bhagavato nāmaggahaṇaṃ tathā desanāya mukhamattaṃ, tasmā tepi atthato gahitā evāti adhippāyo. Tenāha ‘‘ayampi hī’’tiādi. Tattha ayanti ayaṃ gāthā. Purimayojanāyaṃ tassāti visesitabbatāya abhāvato ‘‘yanti nipātamatta’’nti vuttaṃ, idha pana ‘‘tassa namatthū’’ti evaṃ sambandhassa ca icchitattā ‘‘ya’’nti nāmapadaṃ upayogekavacananti dassento ‘‘yaṃ namassanti gotama’’nti āha.
278. ‘‘яад̇о уг̇г̇ажчад̇и суурияо’’д̇иаад̣̇игам̣ гасмаа аарад̣̇д̇хам̣? яам̣ яз яагкаад̣̇аяо сад̇т̇у д̇хаммааан̣ам̣, ад̇д̇ано жа рааж̇аан̣ам̣ наад̣̇ияанд̇и, д̇зсам̣ ‘‘ид̣̇ан̃жид̣̇ан̃жа ниг̇г̇ахам̣ гариссаамаа’’д̇и сааванам̣ гаад̇угаамаа д̇ад̇т̇а д̇ад̇т̇а д̣̇висахассабарид̇д̇ад̣̇ийбабариваарзсу жад̇уусу махаад̣̇ийбзсу ад̇д̇ано аан̣ааяа вад̇д̇аанам̣ ад̇д̇ано буд̇д̇аанам̣, адтавийсад̇ияаа яагкасзнаабад̇иаад̣̇ийнан̃жа сад̇т̇ари басаад̣̇аг̇аараваб̣ахумаанан̃жа бавзд̣̇зд̇ваа ниг̇г̇ахаарахаанам̣ санд̇аж̇ж̇анад̇т̇ам̣ аарад̣̇д̇хам̣. д̇ад̇т̇а ‘‘яад̇о уг̇г̇ажчад̇ий’’д̇иаад̣̇ийсу ‘‘яад̇о таанад̇о уд̣̇зд̇ий’’д̇и вужжад̇и, гуд̇о бана таанад̇о уд̣̇зд̇ийд̇и вужжад̇и? буб̣б̣авид̣̇зхаваасийнам̣ д̇аава маж̇жханхигадтаанз тид̇о ж̇амб̣уд̣̇ийбаваасийнам̣ уд̣̇зд̇ийд̇и вужжад̇и, уд̇д̇арагуругаанам̣ бана ог̇г̇ажчад̇ийд̇и иминаа наязна сзсад̣̇ийбзсуби суурияасса уг̇г̇ажчаног̇г̇ажчанабарияааяо взд̣̇ид̇аб̣б̣о. аяан̃жа ад̇т̇о хздтаа аг̇г̇ан̃н̃асуд̇д̇аван̣н̣анааяам̣ (д̣̇ий. ни. адта. 3.121) багаасид̇о зва. ад̣̇ид̇ияаа буд̇д̇од̇и логасамуд̣̇аажааравасзна вуд̇д̇ам̣. логияаа хи д̣̇звз ад̣̇ид̇ияаа буд̇д̇аа, асурз ад̇ит̇ияаа буд̇д̇аад̇и вад̣̇анд̇и. аад̣̇иббанад̇о бана аад̣̇ижжо, згаббахаарзнзва д̇ийсу д̣̇ийбзсу аалогавид̣̇ам̣санзна самуж̇ж̇аланад̇од̇и ад̇т̇о. ман̣д̣алийд̇и зд̇т̇а ий-гааро бхусад̇т̇од̇и ааха ‘‘маханд̇ам̣ ман̣д̣алам̣ ассаад̇и ман̣д̣алий’’д̇и. маханд̇ам̣ хисса вимаанаман̣д̣алам̣ бан̃н̃аасаяож̇анааяаамавид̇т̇аарад̇о. ‘‘сам̣варийби нируж̇жхад̇ий’’д̇и иминаава д̣̇ивасоби ж̇ааяад̇ийд̇и аяамби ад̇т̇о вуд̇д̇од̇и взд̣̇ид̇аб̣б̣о. рад̇д̇и анд̇арад̇хааяад̇ийд̇и синзрубажчааяаалагкан̣асса анд̇хагаарасса виг̇ажчанад̇о.
278. ‘‘Yato uggacchati sūriyo’’tiādikaṃ kasmā āraddhaṃ? Yaṃ ye yakkhādayo satthu dhammaāṇaṃ, attano ca rājāṇaṃ nādiyanti, tesaṃ ‘‘idañcidañca niggahaṃ karissāmā’’ti sāvanaṃ kātukāmā tattha tattha dvisahassaparittadīpaparivāresu catūsu mahādīpesu attano āṇāya vattānaṃ attano puttānaṃ, aṭṭhavīsatiyā yakkhasenāpatiādīnañca satthari pasādagāravabahumānañca pavedetvā niggahārahānaṃ santajjanatthaṃ āraddhaṃ. Tattha ‘‘yato uggacchatī’’tiādīsu ‘‘yato ṭhānato udetī’’ti vuccati, kuto pana ṭhānato udetīti vuccati? Pubbavidehavāsīnaṃ tāva majjhanhikaṭṭhāne ṭhito jambudīpavāsīnaṃ udetīti vuccati, uttarakurukānaṃ pana oggacchatīti iminā nayena sesadīpesupi sūriyassa uggacchanoggacchanapariyāyo veditabbo. Ayañca attho heṭṭhā aggaññasuttavaṇṇanāyaṃ (dī. ni. aṭṭha. 3.121) pakāsito eva. Aditiyā puttoti lokasamudācāravasena vuttaṃ. Lokiyā hi deve aditiyā puttā, asure atithiyā puttāti vadanti. Ādippanato pana ādicco, ekappahāreneva tīsu dīpesu ālokavidaṃsanena samujjalanatoti attho. Maṇḍalīti ettha ī-kāro bhusatthoti āha ‘‘mahantaṃ maṇḍalaṃ assāti maṇḍalī’’ti. Mahantaṃ hissa vimānamaṇḍalaṃ paññāsayojanāyāmavitthārato. ‘‘Saṃvarīpinirujjhatī’’ti imināva divasopi jāyatīti ayampi attho vuttoti veditabbo. Ratti antaradhāyatīti sinerupacchāyālakkhaṇassa andhakārassa vigacchanato.
уд̣̇агарахад̣̇од̇и ж̇алад̇хи. ‘‘д̇асмим̣ таанз’’д̇и ид̣̇ам̣ бурад̇т̇имасамуд̣̇д̣̇асса убарибхааг̇зна суурияасса г̇аманам̣ санд̇хааяа вуд̇д̇ам̣. д̇ат̇аа хи ж̇амб̣уд̣̇ийбз тид̇аанам̣ бурад̇т̇имасамуд̣̇д̣̇ад̇о суурияо уг̇г̇ажчанд̇о вияа убадтаад̇и. д̇знааха ‘‘яад̇о уг̇г̇ажчад̇и суурияо’’д̇и. самуд̣̇д̣̇анадтзна ад̇д̇ани бад̇ид̇асса саммад̣̇зва, саб̣б̣асо жа унд̣̇анадтзна гилзд̣̇анадтзна самуд̣̇д̣̇о. самуд̣̇д̣̇о хи гилзд̣̇анадто рахад̣̇о. саарид̇од̣̇агод̇и анзгаани яож̇анасахассаани вид̇т̇ин̣н̣од̣̇аго, сарид̇аа над̣̇ияо уд̣̇агз зд̇ассаад̇и ваа сарид̇од̣̇аго.
Udakarahadoti jaladhi. ‘‘Tasmiṃ ṭhāne’’ti idaṃ puratthimasamuddassa uparibhāgena sūriyassa gamanaṃ sandhāya vuttaṃ. Tathā hi jambudīpe ṭhitānaṃ puratthimasamuddato sūriyo uggacchanto viya upaṭṭhāti. Tenāha ‘‘yato uggacchati sūriyo’’ti. Samuddanaṭṭhena attani patitassa sammadeva, sabbaso ca undanaṭṭhena kiledanaṭṭhena samuddo. Samuddo hi kiledanaṭṭho rahado. Sāritodakoti anekāni yojanasahassāni vitthiṇṇodako, saritā nadiyo udake etassāti vā saritodako.
синзрубаб̣б̣ад̇арааж̇аа жаггаваал̣асса взмаж̇жхз тид̇о, д̇ам̣ бад̇хаанам̣ гад̇ваа вад̇д̇аб̣б̣анд̇и ад̇хиббааязна ‘‘ид̇од̇и синзруд̇о’’д̇и вад̇ваа д̇ат̇аа бана д̣̇исаававад̇т̇аанам̣ анавадтид̇анд̇и ‘‘д̇зсам̣ нисиннадтаанад̇о ваа’’д̇и вуд̇д̇ам̣. д̇зсанд̇и жад̇уннам̣ махаарааж̇аанам̣. нисиннадтаанам̣ аадаанааданаг̇арам̣. д̇ад̇т̇а хи нисиннаа д̇з имам̣ барид̇д̇ам̣ б̣анд̇хим̣су. д̇зсам̣ нисиннадтаанад̇од̇и ваа сад̇т̇у санд̇игз д̇зсам̣ нисиннадтаанад̇о. убхаяат̇ааби суурияасса уд̣̇аяадтаанаа бурад̇т̇имаа д̣̇исаа наама ход̇и. буримабагкам̣язвзд̇т̇а ван̣н̣знд̇и. д̇зна вуд̇д̇ам̣ ‘‘ид̇о саа буримаа д̣̇исаа’’д̇и. суурияо, бана жанд̣̇анагкад̇д̇аад̣̇аяо жа синзрум̣ д̣̇агкин̣ад̇о, жаггаваал̣абаб̣б̣ад̇ан̃жа ваамад̇о гад̇ваа баривад̇д̇знд̇и. яад̇т̇а жа нзсам̣ уг̇г̇аманам̣ бан̃н̃ааяад̇и, саа бурад̇т̇имаа д̣̇исаа. яад̇т̇а оггаманам̣ бан̃н̃ааяад̇и, саа бажчимаа д̣̇исаа. д̣̇агкин̣абассз уд̇д̇араа д̣̇исаа, ваамабассз д̣̇агкин̣аа д̣̇исаад̇и жад̇умахаад̣̇ийбаваасийнам̣ бажжзгам̣ синзру уд̇д̇араад̣̇исааяамзва, д̇асмаа анавадтид̇аа д̣̇исаававад̇т̇аад̇и ааха ‘‘ид̇и нам̣ аажигкад̇и ж̇ано’’д̇и. яам̣ д̣̇исанд̇и яам̣ бурад̇т̇имад̣̇исам̣ яасассийд̇и махаабаривааро. годисад̇асахассабаримаан̣аа хи д̣̇звад̇аа абхин̣хам̣ бариваарзнд̇и. жанд̣̇ананааг̇аругкаад̣̇ийсу осад̇хид̇ин̣аванаббад̇исуг̇анд̇хаанам̣ аб̣б̣анад̇о, д̇зхи д̣̇ид̇д̇абхаавуубаг̇аманад̇о ‘‘г̇анд̇хаб̣б̣аа’’д̇и лад̣̇д̇ханаамаанам̣ жаад̇умахаарааж̇игад̣̇зваанам̣ ад̇хибад̇и бхаавад̇о. мз суд̇анд̇и зд̇т̇а мзд̇и нибаад̇амад̇д̇ам̣. суд̇анд̇и виссуд̇анд̇и ад̇т̇о. аяан̃хзд̇т̇а яож̇анаа – д̇асса д̇хад̇арадтамахаарааж̇асса буд̇д̇ааби б̣ахаво. гид̇д̇агаа? асийд̇и, д̣̇аса зго жа. зганаамаа. гат̇ам̣? инд̣̇анаамаа. ‘‘махабпалаа’’д̇и жа суд̇ам̣ виссуд̇амзд̇ам̣ логзд̇и.
Sinerupabbatarājā cakkavāḷassa vemajjhe ṭhito, taṃ padhānaṃ katvā vattabbanti adhippāyena ‘‘itoti sineruto’’ti vatvā tathā pana disāvavatthānaṃ anavaṭṭhitanti ‘‘tesaṃ nisinnaṭṭhānato vā’’ti vuttaṃ. Tesanti catunnaṃ mahārājānaṃ. Nisinnaṭṭhānaṃ āṭānāṭanagaraṃ. Tattha hi nisinnā te imaṃ parittaṃ bandhiṃsu. Tesaṃ nisinnaṭṭhānatoti vā satthu santike tesaṃ nisinnaṭṭhānato. Ubhayathāpi sūriyassa udayaṭṭhānā puratthimā disā nāma hoti. Purimapakkhaṃyevettha vaṇṇenti. Tena vuttaṃ ‘‘ito sā purimā disā’’ti. Sūriyo, pana candanakkhattādayo ca sineruṃ dakkhiṇato, cakkavāḷapabbatañca vāmato katvā parivattenti. Yattha ca nesaṃ uggamanaṃ paññāyati, sā puratthimā disā. Yattha okkamanaṃ paññāyati, sā pacchimā disā. Dakkhiṇapasse uttarā disā, vāmapasse dakkhiṇā disāti catumahādīpavāsīnaṃ paccekaṃ sineru uttarādisāyameva, tasmā anavaṭṭhitā disāvavatthāti āha ‘‘iti naṃ ācikkhati jano’’ti. Yaṃ disanti yaṃ puratthimadisaṃ yasassīti mahāparivāro. Koṭisatasahassaparimāṇā hi devatā abhiṇhaṃ parivārenti. Candananāgarukkhādīsu osadhitiṇavanappatisugandhānaṃ abbanato, tehi dittabhāvūpagamanato ‘‘gandhabbā’’ti laddhanāmānaṃ cātumahārājikadevānaṃ adhipati bhāvato. Me sutanti ettha meti nipātamattaṃ. Sutanti vissutanti attho. Ayañhettha yojanā – tassa dhataraṭṭhamahārājassa puttāpi bahavo. Kittakā? Asīti, dasa eko ca. Ekanāmā. Kathaṃ? Indanāmā. ‘‘Mahapphalā’’ti ca sutaṃ vissutametaṃ loketi.
аад̣̇ижжо г̇од̇амаг̇од̇д̇о, бхаг̇авааби г̇од̇амаг̇од̇д̇о, аад̣̇ижжзна самаанаг̇од̇д̇ад̇ааяа аад̣̇ижжо б̣анд̇ху зд̇ассаад̇иби аад̣̇ижжаб̣анд̇ху, аад̣̇ижжасса ваа б̣анд̇хууд̇и аад̣̇ижжаб̣анд̇ху, д̇ам̣ аад̣̇ижжаб̣анд̇хунам̣. анаваж̇ж̇знаад̇и аваж̇ж̇абадибагкзна б̣рахмавихаарзна. самзгкаси од̇хисо, анод̇хисо жа паран̣зна ологзсиаасаяаанусаяажарияаад̇химуд̇д̇иаад̣̇ивибхааг̇ааваб̣од̇хавасзна. вад̇ваа ванд̣̇анд̇ийд̇и ‘‘логасса анугамбаго’’д̇и гид̇д̇зд̇ваа ванд̣̇анд̇и. суд̇ам̣ нзд̇анд̇и суд̇ам̣ нанууд̇и зд̇асмим̣ ад̇т̇з ну-сад̣̇д̣̇о. адтагат̇ааяам̣ бана ногаарояанд̇и ад̇хиббааязна амхзхийд̇и ад̇т̇о вуд̇д̇о. зд̇анд̇и зд̇ам̣ д̇ат̇аа баригид̇д̇зд̇ваа амануссаанам̣ д̣̇звад̇аанам̣ ванд̣̇анам̣. вад̣̇анд̇и д̇хад̇арадтамахаарааж̇асса буд̇д̇аа.
Ādicco gotamagotto, bhagavāpi gotamagotto, ādiccena samānagottatāya ādicco bandhu etassātipi ādiccabandhu, ādiccassa vā bandhūti ādiccabandhu, taṃ ādiccabandhunaṃ.Anavajjenāti avajjapaṭipakkhena brahmavihārena. Samekkhasi odhiso, anodhiso ca pharaṇena olokesiāsayānusayacariyādhimuttiādivibhāgāvabodhavasena. Vatvā vandantīti ‘‘lokassa anukampako’’ti kittetvā vandanti. Sutaṃ netanti sutaṃ nanūti etasmiṃ atthe nu-saddo. Aṭṭhakathāyaṃ pana nokāroyanti adhippāyena amhehīti attho vutto. Etanti etaṃ tathā parikittetvā amanussānaṃ devatānaṃ vandanaṃ. Vadanti dhataraṭṭhamahārājassa puttā.
279. язна бзд̇аа бавужжанд̇ийд̇и зд̇т̇а важанасзсзна ад̇т̇о взд̣̇ид̇аб̣б̣о, на яат̇ааруд̇авасзнзваад̇и д̣̇ассзнд̇о ‘‘язна д̣̇исаабхааг̇зна нийхарийяанд̇ууд̇и вужжанд̇ий’’д̇и ааха. д̣аяханд̇у ваад̇и бзд̇з санд̇хааяа вад̣̇ад̇и. чиж̇ж̇анд̇у ваа хад̇т̇абаад̣̇аад̣̇игз бисун̣аа бидтимам̣сигаа. хан̃н̃анд̇у баан̣аад̇ибаад̇инод̇иаад̣̇игаа. бавужжанд̇ийд̇и ваа самужжанд̇и, ‘‘алам̣ д̇зса’’нд̇и самаажинийяанд̇ийд̇и ад̇т̇о. зван̃хи важанасзсзна винаа зва ад̇т̇о сид̣̇д̇хо ход̇и. рахассан̇г̇анд̇и б̣ийж̇ам̣ санд̇хааяа вад̣̇ад̇и.
279.Yenapetā pavuccantīti ettha vacanasesena attho veditabbo, na yathārutavasenevāti dassento ‘‘yena disābhāgena nīharīyantūti vuccantī’’ti āha. Ḍayhantu vāti pete sandhāya vadati. Chijjantu vā hatthapādādike pisuṇā piṭṭhimaṃsikā. Haññantu pāṇātipātinotiādikā. Pavuccantīti vā samuccanti, ‘‘alaṃ tesa’’nti samācinīyantīti attho. Evañhi vacanasesena vinā eva attho siddho hoti. Rahassaṅganti bījaṃ sandhāya vadati.
280. яасмим̣ д̣̇исаабхааг̇з суурияо ад̇т̇ам̣ г̇ажчад̇ийд̇и зд̇т̇а ‘‘яад̇о таанад̇о уд̣̇зд̇ий’’д̇и зд̇т̇а вуд̇д̇анаяаанусаарзна ад̇т̇о взд̣̇ид̇аб̣б̣о.
280.Yasmiṃ disābhāge sūriyo atthaṃ gacchatīti ettha ‘‘yato ṭhānato udetī’’ti ettha vuttanayānusārena attho veditabbo.
281. язна д̣̇исаабхааг̇зна уд̇д̇арагуру раммо авадтид̇о, ид̇о саа уд̇д̇араа д̣̇исаад̇и яож̇анаа . махаанзрууд̇и маханд̇о, маханийяо жа нзрусан̇каад̇о баб̣б̣ад̇о. д̇знааха ‘‘махаасинзру баб̣б̣ад̇арааж̇аа’’д̇и. раж̇ад̇амаяам̣. д̇ат̇аа хи д̇асса бабхааяа аж̇жход̇т̇ад̇ам̣ д̇ассам̣ д̣̇исааяам̣ самуд̣̇д̣̇од̣̇агам̣ кийрам̣ вияа бан̃н̃ааяад̇и. ман̣имаяанд̇и инд̣̇анийламаяам̣. д̇ат̇аа хи д̣̇агкин̣ад̣̇исааяа самуд̣̇д̣̇од̣̇агам̣ язбхуяязна нийлаван̣н̣ам̣ худ̇ваа бан̃н̃ааяад̇и, д̇ат̇аа аагаасам̣. мануссаа ж̇ааяанд̇и. гат̇ам̣ ж̇ааяанд̇и? амамаа абариг̇г̇ахаад̇и яож̇анаа. мамад̇д̇авирахид̇аад̇и ‘‘ид̣̇ам̣ мама ид̣̇ам̣ мамаа’’д̇и маман̇гааравирахид̇аад̇и ад̇хиббааяо. яад̣̇и д̇зсам̣ ‘‘аяам̣ маяхам̣ бхарияаа’’д̇и бариг̇г̇ахо над̇т̇и, ‘‘аяам̣ мз маад̇аа, аяам̣ бхаг̇иний’’д̇и зваруубаа ид̇ха вияа марияаад̣̇ааби на сияаа маад̇уаад̣̇ибхаавасса аж̇аананад̇од̇и жод̣̇анам̣ санд̇хааяааха ‘‘маад̇арам̣ ваа’’д̇иаад̣̇и. чанд̣̇арааг̇о нуббаж̇ж̇ад̇ийд̇и зд̇т̇а ‘‘д̇хаммад̇аасид̣̇д̇хасса сийласса аанубхаавзна буд̇д̇з д̣̇идтамад̇д̇з зва маад̇у т̇анад̇о т̇ан̃н̃ам̣ баг̇гхарад̇и, д̇зна сан̃н̃аан̣зна нзсам̣ маад̇ари буд̇д̇асса маад̇усан̃н̃аа, маад̇у жа буд̇д̇з буд̇д̇асан̃н̃аа бажжубадтид̇аа’’д̇и гзжи.
281. Yena disābhāgena uttarakuru rammo avaṭṭhito, ito sā uttarā disāti yojanā . Mahānerūti mahanto, mahanīyo ca nerusaṅkhāto pabbato. Tenāha ‘‘mahāsineru pabbatarājā’’ti. Rajatamayaṃ. Tathā hi tassa pabhāya ajjhotthataṃ tassaṃ disāyaṃ samuddodakaṃ khīraṃ viya paññāyati. Maṇimayanti indanīlamayaṃ. Tathā hi dakkhiṇadisāya samuddodakaṃ yebhuyyena nīlavaṇṇaṃ hutvā paññāyati, tathā ākāsaṃ. Manussā jāyanti. Kathaṃ jāyanti? Amamā apariggahāti yojanā. Mamattavirahitāti ‘‘idaṃ mama idaṃ mamā’’ti mamaṅkāravirahitāti adhippāyo. Yadi tesaṃ ‘‘ayaṃ mayhaṃ bhariyā’’ti pariggaho natthi, ‘‘ayaṃ me mātā, ayaṃ bhaginī’’ti evarūpā idha viya mariyādāpi na siyā mātuādibhāvassa ajānanatoti codanaṃ sandhāyāha ‘‘mātaraṃ vā’’tiādi. Chandarāgo nuppajjatīti ettha ‘‘dhammatāsiddhassa sīlassa ānubhāvena putte diṭṭhamatte eva mātu thanato thaññaṃ paggharati, tena saññāṇena nesaṃ mātari puttassa mātusaññā, mātu ca putte puttasaññā paccupaṭṭhitā’’ti keci.
нан̇г̇алаад̇и лин̇г̇авибаллаасзна вуд̇д̇анд̇и ааха ‘‘нан̇г̇алаанибий’’д̇и. агадтзд̇и агасид̇з агад̇агасигаммз.
Naṅgalāti liṅgavipallāsena vuttanti āha ‘‘naṅgalānipī’’ti. Akaṭṭheti akasite akatakasikamme.
д̇ан̣д̣улаава д̇асса паланд̇и сад̇д̇аанам̣ бун̃н̃аанубхаавахзд̇угаа т̇усаад̣̇иабхаавзна д̇ан̣д̣улаа зва д̇асса саалисса палам̣. д̇ун̣д̣игиранд̇и бажанабхааж̇анасса нааманд̇и вуд̇д̇ам̣ ‘‘угкалияа’’нд̇и. аагирид̇ваад̇и д̇ан̣д̣улаани багкибид̇ваа. нид̣̇д̇хууман̇г̇аарзнаад̇и д̇хууман̇г̇аарарахид̇зна гзвалзна аг̇г̇инаа. ж̇од̇игабаасаан̣ад̇о аг̇г̇имхи удтаханд̇з гуд̇о д̇хууман̇г̇аараанам̣ самбхаво. бхож̇ананд̇и од̣̇анамзваад̇хиббзд̇анд̇и ‘‘бхож̇анамзваа’’д̇и авад̇хааран̣ам̣ гад̇ваа д̇зна нивад̇д̇зд̇аб̣б̣ам̣ д̣̇ассзнд̇о ‘‘ан̃н̃о суубо ваа б̣яан̃ж̇анам̣ ваа на ход̇ий’’д̇и ааха. яад̣̇и звам̣ расависзсаяуд̇д̇о д̇зсам̣ аахааро на ход̇ийд̇и? нод̇и д̣̇ассзнд̇о ‘‘бхун̃ж̇анд̇аанам̣…бз… расо ход̇ий’’д̇и ааха. мажчарияажид̇д̇ам̣ наама на ход̇ийд̇и д̇хаммад̇аасид̣̇д̇хасса сийласса аанубхаавзна. д̇ат̇аа хи д̇з гад̇т̇ажиби амамаа бариг̇г̇ахаава худ̇ваа васанд̇и.
Taṇḍulāva tassa phalanti sattānaṃ puññānubhāvahetukā thusādiabhāvena taṇḍulā eva tassa sālissa phalaṃ. Tuṇḍikiranti pacanabhājanassa nāmanti vuttaṃ ‘‘ukkhaliya’’nti. Ākiritvāti taṇḍulāni pakkhipitvā. Niddhūmaṅgārenāti dhūmaṅgārarahitena kevalena agginā. Jotikapāsāṇato aggimhi uṭṭhahante kuto dhūmaṅgārānaṃ sambhavo. Bhojananti odanamevādhippetanti ‘‘bhojanamevā’’ti avadhāraṇaṃ katvā tena nivattetabbaṃ dassento ‘‘añño sūpo vā byañjanaṃ vā na hotī’’ti āha. Yadi evaṃ rasavisesayutto tesaṃ āhāro na hotīti? Noti dassento ‘‘bhuñjantānaṃ…pe… raso hotī’’ti āha. Macchariyacittaṃ nāma na hotīti dhammatāsiddhassa sīlassa ānubhāvena. Tathā hi te katthacipi amamā pariggahāva hutvā vasanti.
абижа д̇ад̇т̇а уд̇д̇арагуругаанам̣ бун̃н̃аанубхаавасид̣̇д̇хо аяамби висзсо взд̣̇ид̇аб̣б̣о – д̇ад̇т̇а гира д̇зсу д̇зсу бад̣̇зсзсу гханажид̇абад̇д̇асан̃чаннасаакаабасаакаа гуудааг̇ааруубамаа манорамаа ругкаа д̇зсам̣ мануссаанам̣ нивзсанагижжам̣ саад̇хзнд̇и, яад̇т̇а сукам̣ нивасанд̇и, ан̃н̃зби д̇ад̇т̇а ругкаа суж̇аад̇аа саб̣б̣ад̣̇ааби бубпид̇аг̇г̇аа д̇идтанд̇и, ж̇алаасаяааби вигасид̇агамалагувалаяабун̣д̣арийгасог̇анд̇хигаад̣̇ибубпасан̃чаннаа саб̣б̣агаалам̣ барамасуг̇анд̇хам̣ саманд̇ад̇о бавааяанд̇аа д̇идтанд̇и. сарийрамби д̇зсам̣ ад̇ид̣̇ийгхад̇аад̣̇ид̣̇осарахид̇ам̣ аарохабарин̣аахасамбаннам̣ ж̇арааяа анабхибхууд̇ад̇д̇аа валибалид̇аад̣̇ид̣̇осарахид̇ам̣ яаавад̇ааяугам̣ абаригкийн̣аж̇аваб̣алабараггамасобхамзва худ̇ваа д̇идтад̇и. анудтаанапалуубаж̇ийвид̇ааяа на жа нзсам̣ гасиваан̣иж̇ж̇аад̣̇ивасзна, аахаарабарияздтивасзна д̣̇угкам̣ ад̇т̇и, д̇ад̇о зва на д̣̇аасад̣̇аасигаммагараад̣̇ибариг̇г̇ахо ад̇т̇и, на жа д̇ад̇т̇а сийд̇ун̣хад̣ам̣самагасаваад̇аад̇абасарийсабаваал̣аад̣̇ибариссаяо ад̇т̇и. яат̇аа наамзд̇т̇а г̇имхаанам̣ бажчимз маасз бажжуусавзлааяам̣ самасийд̇ун̣хауд̇у ход̇и, звамзва саб̣б̣агаалам̣ самасийд̇ун̣хова уд̇у ход̇и, на жа д̇зсам̣ гожи убагхаад̇о, вихзсаа ваа уббаж̇ж̇ад̇и. агадтабаагимамзва саалим̣ аган̣ам̣ ат̇усам̣ суг̇анд̇хам̣ д̇ан̣д̣улапалам̣ барибхун̃ж̇анд̇аанам̣ нзсам̣ гудтам̣, г̇ан̣д̣о, гилаасо, сосо, гаасо, саасо, абамааро, ж̇арод̇и звамаад̣̇иго на гожи рог̇о уббаж̇ж̇ад̇и. на д̇з куж̇ж̇аа ваа вааманагаа ваа гаан̣аа ваа гун̣ий ваа кан̃ж̇аа ваа багкахад̇аа ваа вигалан̇г̇аа ваа вигалинд̣̇рияаа ваа хонд̇и. ид̇т̇ияоби д̇ад̇т̇а наад̇ид̣̇ийгхаа наад̇ирассаа наад̇игисаа наад̇ит̇уулаа наад̇игаал̣аа наажжод̣̇аад̇аа собхаг̇г̇аббад̇д̇аруубаа хонд̇и. д̇ат̇аа хи д̣̇ийгхан̇г̇улий д̇амб̣анакий ламб̣ад̇т̇анаа д̇анумаж̇жхаа бун̣н̣ажанд̣̇амукий висаалагкий муд̣̇уг̇ад̇д̇аа сам̣хид̇ууруу од̣̇аад̇ад̣̇анд̇аа г̇амбхийранаабхий д̇ануж̇ан̇гхаа д̣̇ийгханийлавзллид̇агзсий бут̇уласусон̣ий наад̇иломаанааломаа субхаг̇аа уд̇усукасампассаа сан̣хаа сакиласамбхаасаа наанаабхаран̣авибхуусид̇аа вижаранд̇и. саб̣б̣ад̣̇аа хи сол̣асавассуд̣̇д̣̇зсигаа вияа хонд̇и. бурисаа жа бан̃жавийсад̇ивассуд̣̇д̣̇зсигаа вияа, на буд̇д̇ад̣̇аарзсу раж̇ж̇анд̇и. аяам̣ д̇ад̇т̇а д̇хаммад̇аа.
Apica tattha uttarakurukānaṃ puññānubhāvasiddho ayampi viseso veditabbo – tattha kira tesu tesu padesesu ghanacitapattasañchannasākhāpasākhā kūṭāgārūpamā manoramā rukkhā tesaṃ manussānaṃ nivesanakiccaṃ sādhenti, yattha sukhaṃ nivasanti, aññepi tattha rukkhā sujātā sabbadāpi pupphitaggā tiṭṭhanti, jalāsayāpi vikasitakamalakuvalayapuṇḍarīkasogandhikādipupphasañchannā sabbakālaṃ paramasugandhaṃ samantato pavāyantā tiṭṭhanti. Sarīrampi tesaṃ atidīghatādidosarahitaṃ ārohapariṇāhasampannaṃ jarāya anabhibhūtattā valipalitādidosarahitaṃ yāvatāyukaṃ aparikkhīṇajavabalaparakkamasobhameva hutvā tiṭṭhati. Anuṭṭhānaphalūpajīvitāya na ca nesaṃ kasivāṇijjādivasena, āhārapariyeṭṭhivasena dukkhaṃ atthi, tato eva na dāsadāsikammakarādipariggaho atthi, na ca tattha sītuṇhaḍaṃsamakasavātātapasarīsapavāḷādiparissayo atthi. Yathā nāmettha gimhānaṃ pacchime māse paccūsavelāyaṃ samasītuṇhautu hoti, evameva sabbakālaṃ samasītuṇhova utu hoti, na ca tesaṃ koci upaghāto, vihesā vā uppajjati. Akaṭṭhapākimameva sāliṃ akaṇaṃ athusaṃ sugandhaṃ taṇḍulaphalaṃ paribhuñjantānaṃ nesaṃ kuṭṭhaṃ, gaṇḍo, kilāso, soso, kāso, sāso, apamāro, jaroti evamādiko na koci rogo uppajjati. Na te khujjā vā vāmanakā vā kāṇā vā kuṇī vā khañjā vā pakkhahatā vā vikalaṅgā vā vikalindriyā vā honti. Itthiyopi tattha nātidīghā nātirassā nātikisā nātithūlā nātikāḷā nāccodātā sobhaggappattarūpā honti. Tathā hi dīghaṅgulī tambanakhī lambatthanā tanumajjhā puṇṇacandamukhī visālakkhī mudugattā saṃhitūrū odātadantā gambhīranābhī tanujaṅghā dīghanīlavellitakesī puthulasusoṇī nātilomānālomā subhagā utusukhasamphassā saṇhā sakhilasambhāsā nānābharaṇavibhūsitā vicaranti. Sabbadā hi soḷasavassuddesikā viya honti. Purisā ca pañcavīsativassuddesikā viya, na puttadāresu rajjanti. Ayaṃ tattha dhammatā.
сад̇д̇аахигамзва жа д̇ад̇т̇а ид̇т̇ибурисаа гаамарад̇ияаа вихаранд̇и, д̇ад̇о вийд̇арааг̇аа яат̇аасагам̣ г̇ажчанд̇и. на д̇ад̇т̇а ид̇ха вияа г̇аб̣бхогганд̇имуулагам̣, г̇аб̣бхабарихаран̣амуулагам̣ , виж̇ааяанамуулагам̣ ваа д̣̇угкам̣ ход̇и. рад̇д̇аган̃жугад̇о ган̃жанабадимаа вияа д̣̇аарагаа маад̇угужчид̇о амагкид̇аа зва сзмхаад̣̇инаа сукзнзва нигкаманд̇и, аяам̣ д̇ад̇т̇а д̇хаммад̇аа.
Sattāhikameva ca tattha itthipurisā kāmaratiyā viharanti, tato vītarāgā yathāsakaṃ gacchanti. Na tattha idha viya gabbhokkantimūlakaṃ, gabbhapariharaṇamūlakaṃ , vijāyanamūlakaṃ vā dukkhaṃ hoti. Rattakañcukato kañcanapaṭimā viya dārakā mātukucchito amakkhitā eva semhādinā sukheneva nikkhamanti, ayaṃ tattha dhammatā.
маад̇аа бана буд̇д̇ам̣ ваа д̇хийд̇арам̣ ваа виж̇ааяид̇ваа д̇зсам̣ вижаран̣аббад̣̇зсз табзд̇ваа анабзгкаа яат̇ааружи г̇ажчад̇и. д̇зсам̣ д̇ад̇т̇а саяид̇аанам̣ яз бассанд̇и бурисаа, ид̇т̇ияо ваа, д̇з ад̇д̇ано ан̇г̇улияо убанаамзнд̇и, д̇зсам̣ гаммаб̣алзна д̇ад̇о кийрам̣ бавад̇д̇ад̇и, д̇зна д̣̇аарагаа яаабзнд̇и. звам̣ бана вад̣дханд̇аа гад̇ибаяад̣̇ивасзхзва лад̣̇д̇хаб̣алаа худ̇ваа д̣̇ааригаа ид̇т̇ияо убаг̇ажчанд̇и, д̣̇аарагаа бурисз. габбаругкад̇о зва жа д̇зсам̣ д̇ад̇т̇а д̇ад̇т̇а вад̇т̇аабхаран̣аани ниббаж̇ж̇анд̇и. наанаавирааг̇аван̣н̣авижид̇д̇аани хи сукумаани муд̣̇усукасампассаани вад̇т̇аани д̇ад̇т̇а д̇ад̇т̇а габбаругкзсу оламб̣анд̇аани идтанд̇и. наанаавид̇харам̣сиж̇ааласамуж̇ж̇алавивид̇хаван̣н̣арад̇анавинад̣̇д̇хаани анзгавид̇хамаалаагаммалад̇аагаммабхид̇д̇игаммавижид̇д̇аани сийсуубаг̇аг̇ийвуубаг̇ахад̇т̇уубаг̇агадуубаг̇абаад̣̇уубаг̇аани сован̣н̣амаяаани аабхаран̣аани жа габбаругкад̇о оламб̣анд̇и. д̇ат̇аа вийн̣аамуд̣̇ин̇г̇абан̣авасаммад̇аал̣асан̇кавам̣савзд̇аал̣абаривааниваллагийбабхуд̇игаа д̇уурияабхан̣д̣ааби д̇ад̇о д̇ад̇о оламб̣анд̇и. д̇ад̇т̇а жа б̣ахуу паларугкаа гумбхамад̇д̇аани палаани паланд̇и мад̇хурарасаани, яаани барибхун̃ж̇ид̇ваа д̇з сад̇д̇аахамби куббибаасаахи на б̣аад̇хийяанд̇и. наж̇ж̇оби д̇ад̇т̇а сувисуд̣̇д̇хаж̇алаа субад̇ид̇т̇аа раман̣ийяаа агад̣̇д̣̇амаа ваалугад̇алаа наад̇исийд̇аа наажжун̣хаа сурабхиг̇анд̇хийхи ж̇алаж̇абубпзхи сан̃чаннаа саб̣б̣агаалам̣ сурабхим̣ вааяанд̇ияо санд̣̇анд̇и. на д̇ад̇т̇а ган̣дагад̇ин̣агагкал̣аг̇ажчалад̇аа хонд̇и, аган̣дагаа бубпапаласамбаннаа зва хонд̇и. жанд̣̇ананааг̇аругкаа саяамзва расам̣ баг̇гхаранд̇и . нхааяид̇угаамаа жа над̣̇ийд̇ид̇т̇з згаж̇жхам̣ вад̇т̇аабхаран̣аани табзд̇ваа над̣̇им̣ од̇арид̇ваа нхад̇ваа уд̇д̇ин̣н̣уд̇д̇ин̣н̣аа убаридтимам̣ вад̇т̇аабхаран̣ам̣ г̇ан̣ханд̇и, на д̇зсам̣ звам̣ ход̇и ‘‘ид̣̇ам̣ мама, ид̣̇ам̣ барассаа’’д̇и, д̇ад̇о зва на д̇зсам̣ гожи виг̇г̇ахо ваа виваад̣̇о ваа. сад̇д̇аахигаа зва жа нзсам̣ гаамарад̇игийл̣аа ход̇и, д̇ад̇о вийд̇арааг̇аа вияа вижаранд̇и. яад̇т̇а жа ругкз саяид̇угаамаа хонд̇и, д̇ад̇т̇зва саяанам̣ убалабханд̇и. мад̇з жа сад̇д̇з д̣̇исваа на род̣̇анд̇и, на сожанд̇и, д̇ан̃жа ман̣д̣аяид̇ваа нигкибанд̇и. д̇аавад̣̇зва жа нзсам̣ д̇ат̇ааруубаа сагун̣аа убаг̇анд̇ваа мад̇ам̣ д̣̇ийбанд̇арам̣ нзнд̇и. д̇асмаа сусаанам̣ ваа асужидтаанам̣ ваа д̇ад̇т̇а над̇т̇и. на жа д̇ад̇о мад̇аа нираяам̣ ваа д̇иражчаанаяоним̣ ваа бзд̇д̇ивисаяам̣ ваа убабаж̇ж̇анд̇и. ‘‘д̇хаммад̇аасид̣̇д̇хасса бан̃жасийласса аанубхаавзна д̇з д̣̇звалогз ниб̣б̣ад̇д̇анд̇ий’’д̇и вад̣̇анд̇и. вассасахассамзва жа нзсам̣ саб̣б̣агаалам̣ ааяуббамаан̣ам̣. саб̣б̣амзд̇ам̣ д̇зсам̣ бан̃жасийлам̣ вияа д̇хаммад̇аасид̣̇д̇хам̣ зваад̇и взд̣̇ид̇аб̣б̣ам̣. д̇ад̇т̇аад̇и д̇асмим̣ уд̇д̇арагуруд̣̇ийбз.
Mātā pana puttaṃ vā dhītaraṃ vā vijāyitvā tesaṃ vicaraṇappadese ṭhapetvā anapekkhā yathāruci gacchati. Tesaṃ tattha sayitānaṃ ye passanti purisā, itthiyo vā, te attano aṅguliyo upanāmenti, tesaṃ kammabalena tato khīraṃ pavattati, tena dārakā yāpenti. Evaṃ pana vaḍḍhantā katipayadivaseheva laddhabalā hutvā dārikā itthiyo upagacchanti, dārakā purise. Kapparukkhato eva ca tesaṃ tattha tattha vatthābharaṇāni nippajjanti. Nānāvirāgavaṇṇavicittāni hi sukhumāni mudusukhasamphassāni vatthāni tattha tattha kapparukkhesu olambantāni iṭṭhanti. Nānāvidharaṃsijālasamujjalavividhavaṇṇaratanavinaddhāni anekavidhamālākammalatākammabhittikammavicittāni sīsūpagagīvūpagahatthūpagakaṭūpagapādūpagāni sovaṇṇamayāni ābharaṇāni ca kapparukkhato olambanti. Tathā vīṇāmudiṅgapaṇavasammatāḷasaṅkhavaṃsavetāḷaparivānivallakīpabhutikā tūriyabhaṇḍāpi tato tato olambanti. Tattha ca bahū phalarukkhā kumbhamattāni phalāni phalanti madhurarasāni, yāni paribhuñjitvā te sattāhampi khuppipāsāhi na bādhīyanti. Najjopi tattha suvisuddhajalā supatitthā ramaṇīyā akaddamā vālukatalā nātisītā nāccuṇhā surabhigandhīhi jalajapupphehi sañchannā sabbakālaṃ surabhiṃ vāyantiyo sandanti. Na tattha kaṇṭakatiṇakakkhaḷagacchalatā honti, akaṇṭakā pupphaphalasampannā eva honti. Candananāgarukkhā sayameva rasaṃ paggharanti . Nhāyitukāmā ca nadītitthe ekajjhaṃ vatthābharaṇāni ṭhapetvā nadiṃ otaritvā nhatvā uttiṇṇuttiṇṇā upariṭṭhimaṃ vatthābharaṇaṃ gaṇhanti, na tesaṃ evaṃ hoti ‘‘idaṃ mama, idaṃ parassā’’ti, tato eva na tesaṃ koci viggaho vā vivādo vā. Sattāhikā eva ca nesaṃ kāmaratikīḷā hoti, tato vītarāgā viya vicaranti. Yattha ca rukkhe sayitukāmā honti, tattheva sayanaṃ upalabhanti. Mate ca satte disvā na rodanti, na socanti, tañca maṇḍayitvā nikkhipanti. Tāvadeva ca nesaṃ tathārūpā sakuṇā upagantvā mataṃ dīpantaraṃ nenti. Tasmā susānaṃ vā asuciṭṭhānaṃ vā tattha natthi. Na ca tato matā nirayaṃ vā tiracchānayoniṃ vā pettivisayaṃ vā upapajjanti. ‘‘Dhammatāsiddhassa pañcasīlassa ānubhāvena te devaloke nibbattantī’’ti vadanti. Vassasahassameva ca nesaṃ sabbakālaṃ āyuppamāṇaṃ. Sabbametaṃ tesaṃ pañcasīlaṃ viya dhammatāsiddhaṃ evāti veditabbaṃ. Tatthāti tasmiṃ uttarakurudīpe.
згакурам̣ гад̇ваад̇и анзгасапамби згасапам̣ вияа гад̇ваа, ассам̣ вияа гад̇ваад̇и ад̇т̇о. ‘‘г̇аави’’нд̇и вад̇ваа буна ‘‘басу’’нд̇и вуд̇д̇ад̇д̇аа г̇аавид̇о ид̇аро саб̣б̣о жад̇уббад̣̇о ид̇ха ‘‘басуу’’д̇и ад̇хиббзд̇од̇и ааха ‘‘табзд̇ваа г̇аави’’нд̇и.
Ekakhuraṃ katvāti anekasaphampi ekasaphaṃ viya katvā, assaṃ viya katvāti attho. ‘‘Gāvi’’nti vatvā puna ‘‘pasu’’nti vuttattā gāvito itaro sabbo catuppado idha ‘‘pasū’’ti adhippetoti āha ‘‘ṭhapetvā gāvi’’nti.
д̇ассаад̇и г̇аб̣бхинид̇т̇ияаа. бидти онамид̇ум̣ сахад̇ийд̇и гужчияаа г̇арубхаарад̇ааяа д̇зсам̣ аарул̣хагаалз бидти онамад̇и, д̇зсам̣ нисаж̇ж̇ам̣ сахад̇и баллан̇гз нисиннаа вияа хонд̇и. саммаад̣̇идтигзд̇и гаммабат̇асаммаад̣̇идтияаа саммаад̣̇идтигз. зд̇т̇аад̇и ж̇амб̣уд̣̇ийбз. зд̇т̇а хи ж̇анабад̣̇авохааро, на уд̇д̇арагурумхи. д̇ат̇аа хи ‘‘бажжанд̇имамилагкуваасигз’’д̇и жа вуд̇д̇ам̣.
Tassāti gabbhinitthiyā. Piṭṭhi onamituṃ sahatīti kucchiyā garubhāratāya tesaṃ āruḷhakāle piṭṭhi onamati, tesaṃ nisajjaṃ sahati pallaṅke nisinnā viya honti. Sammādiṭṭhiketi kammapathasammādiṭṭhiyā sammādiṭṭhike. Etthāti jambudīpe. Ettha hi janapadavohāro, na uttarakurumhi. Tathā hi ‘‘paccantimamilakkhuvāsike’’ti ca vuttaṃ.
д̇асса ран̃н̃од̇и взссаван̣амахаарааж̇асса. ид̇и со ад̇д̇аанамзва барам̣ вияа гад̇ваа вад̣̇ад̇и. зсзва наяо барад̇оби. б̣ахувид̇хам̣ наанаарад̇анавижид̇д̇ам̣ наанаасан̣таанам̣ рат̇аад̣̇и д̣̇иб̣б̣аяаанам̣ убадтид̇амзва ход̇и суд̣̇анд̇авааханаяуд̇д̇ам̣, на нзсам̣ яаанаанам̣ убадтаабанз уссуггам̣ аабаж̇ж̇ид̇аб̣б̣ам̣ ад̇т̇и. зд̇аанийд̇и хад̇т̇ияаанаад̣̇ийни. нзсанд̇и взссаван̣абарижааригаанам̣. габбид̇аани худ̇ваа удтид̇аани аарухид̇ум̣ убагаббанаяаанаани. нибаннааби нисиннааби вижаранд̇и жанд̣̇имасуурияаа вияа яат̇аасагам̣ вимаанзсу.
Tassa raññoti vessavaṇamahārājassa. Iti so attānameva paraṃ viya katvā vadati. Eseva nayo paratopi. Bahuvidhaṃ nānāratanavicittaṃ nānāsaṇṭhānaṃ rathādi dibbayānaṃ upaṭṭhitameva hoti sudantavāhanayuttaṃ, na nesaṃ yānānaṃ upaṭṭhāpane ussukkaṃ āpajjitabbaṃ atthi. Etānīti hatthiyānādīni. Nesanti vessavaṇaparicārikānaṃ. Kappitāni hutvā uṭṭhitāni āruhituṃ upakappanayānāni. Nipannāpi nisinnāpi vicaranti candimasūriyā viya yathāsakaṃ vimānesu.
наг̇араа ахууд̇и лин̇г̇авибаллаасзна вуд̇д̇анд̇и ааха ‘‘наг̇араани бхавим̣сууд̇и ад̇т̇о’’д̇и. аадаанаадаа наамаад̇и ид̇т̇илин̇г̇авасзна лад̣̇д̇ханаамам̣ наг̇арам̣ ааси.
Nagarāahūti liṅgavipallāsena vuttanti āha ‘‘nagarāni bhaviṃsūti attho’’ti. Āṭānāṭā nāmāti itthiliṅgavasena laddhanāmaṃ nagaraṃ āsi.
д̇асмим̣ тад̇ваад̇и д̇асмим̣ бад̣̇зсз барагусиданаадаанаамагз наг̇арз тад̇ваа. д̇ад̇о уж̇ум̣ уд̇д̇арад̣̇исааяам̣. зд̇ассаад̇и гасиванд̇анаг̇арасса. абарабхааг̇з абарагодтаасз, барад̇о ижжзва ад̇т̇о.
Tasmiṃ ṭhatvāti tasmiṃ padese parakusiṭanāṭānāmake nagare ṭhatvā. Tato ujuṃ uttaradisāyaṃ. Etassāti kasivantanagarassa. Aparabhāge aparakoṭṭhāse, parato icceva attho.
гувзрод̇и д̇асса буримаж̇аад̇исамуд̣̇ааг̇ад̇ам̣ нааманд̇и д̇знзва басан̇г̇зна язнааяам̣ самбад̇д̇и ад̇хиг̇ад̇аа, д̇ад̣̇асса буб̣б̣агаммам̣ аажигкид̇ум̣ ‘‘аяам̣ гираа’’д̇иаад̣̇и вуд̇д̇ам̣. ужчуваббанд̇и ужчусассам̣. авасзсасаалаахийд̇и авасзсаяанд̇асаалаахи, ниссаггаважанан̃жзд̇ам̣. д̇ад̇т̇зваад̇и бун̃н̃ад̇т̇ам̣ д̣̇иннасаалааяамзва.
Kuveroti tassa purimajātisamudāgataṃ nāmanti teneva pasaṅgena yenāyaṃ sampatti adhigatā, tadassa pubbakammaṃ ācikkhituṃ ‘‘ayaṃ kirā’’tiādi vuttaṃ. Ucchuvappanti ucchusassaṃ. Avasesasālāhīti avasesayantasālāhi, nissakkavacanañcetaṃ. Tatthevāti puññatthaṃ dinnasālāyameva.
бадизсанд̇од̇и бад̇и бад̇и ад̇т̇з зсанд̇о виймам̣санд̇о. на гзвалам̣ д̇з виймам̣санд̇и зва, ат̇а ко д̇амад̇т̇ам̣ бад̇идтаабзнд̇ийд̇и ааха ‘‘висум̣ висум̣ ад̇т̇з убабаригкамаанаа анусаасамаанаа’’д̇и. яагкарадтигаад̇и яагкарадтаад̇хибад̇ино. яагкаа жа взссаван̣асса ран̃н̃о нивзсанад̣̇ваарз нияуд̇д̇аа жаад̇и яагкад̣̇овааригаа, д̇зсам̣ яагкад̣̇овааригаанам̣.
Paṭiesantoti pati pati atthe esanto vīmaṃsanto. Na kevalaṃ te vīmaṃsanti eva, atha kho tamatthaṃ patiṭṭhāpentīti āha ‘‘visuṃ visuṃ atthe upaparikkhamānā anusāsamānā’’ti. Yakkharaṭṭhikāti yakkharaṭṭhādhipatino. Yakkhā ca vessavaṇassa rañño nivesanadvāre niyuttā cāti yakkhadovārikā, tesaṃ yakkhadovārikānaṃ.
яасмаа д̇харан̣ийборагкан̣ид̇о бураан̣од̣̇агам̣ бхассаяанд̇ам̣ хздтаа вудти худ̇ваа нигкамад̇и, д̇асмаа д̇ам̣ д̇ад̇о г̇ахзд̇ваа мзгхзхи бавудтам̣ вияа ход̇ийд̇и вуд̇д̇ам̣ ‘‘яад̇о богкаран̣ид̇о уд̣̇агам̣ г̇ахзд̇ваа мзгхаа бавассанд̇ий’’д̇и. яад̇од̇и яад̇о д̇харан̣ийбогкаран̣ид̇о. сабхаад̇и яагкаанам̣ убадтаанасабхаа.
Yasmā dharaṇīporakkhaṇito purāṇodakaṃ bhassayantaṃ heṭṭhā vuṭṭhi hutvā nikkhamati, tasmā taṃ tato gahetvā meghehi pavuṭṭhaṃ viya hotīti vuttaṃ ‘‘yato pokkharaṇito udakaṃ gahetvā meghā pavassantī’’ti. Yatoti yato dharaṇīpokkharaṇito. Sabhāti yakkhānaṃ upaṭṭhānasabhā.
д̇асмим̣ таанзд̇и д̇ассаа богкаран̣ияаа д̇ийрз яагкаанам̣ васанаванз. сад̣̇аа палид̇аад̇и нижжагаалам̣ сан̃ж̇аад̇апалаа. нижжабубпид̇аад̇и нижжам̣ сан̃ж̇аад̇абубпаа. наанаад̣̇иж̇аг̇ан̣ааяуд̇аад̇и наанаавид̇хзхи д̣̇иж̇аг̇ан̣зхи яуд̇д̇аа. д̇зхи бана сагун̣асан̇гхзхи ид̇о жид̇о жа самбад̇анд̇зхи бариб̣бхаманд̇зхи яасмаа саа богкаран̣ий аагулаа вияа ход̇и, д̇асмаа вуд̇д̇ам̣ ‘‘вивид̇хабагкисан̇гхасамаагулаа’’д̇и. гон̃жасагун̣зхийд̇и саарасасагунд̇зхи.
Tasmiṃ ṭhāneti tassā pokkharaṇiyā tīre yakkhānaṃ vasanavane. Sadā phalitāti niccakālaṃ sañjātaphalā. Niccapupphitāti niccaṃ sañjātapupphā. Nānādijagaṇāyutāti nānāvidhehi dijagaṇehi yuttā. Tehi pana sakuṇasaṅghehi ito cito ca sampatantehi paribbhamantehi yasmā sā pokkharaṇī ākulā viya hoti, tasmā vuttaṃ ‘‘vividhapakkhisaṅghasamākulā’’ti. Koñcasakuṇehīti sārasasakuntehi.
‘‘звам̣ вираванд̇аана’’нд̇и иминаа д̇ат̇аа вассид̇авасзна ‘‘ж̇ийван̃ж̇ийвагаа’’д̇и аяам̣ д̇зсам̣ саман̃н̃аад̇и д̣̇ассзд̇и. удтаважид̇д̇агаад̇и зд̇т̇ааби зсзва наяо. д̇знааха ‘‘звам̣ вассамаанаа’’д̇и. богкарасаад̇агаад̇и богкарасан̣таанад̇ааяа ‘‘богкарасаад̇агаа’’д̇и звам̣ лад̣̇д̇ханаамаа.
‘‘Evaṃ viravantāna’’nti iminā tathā vassitavasena ‘‘jīvañjīvakā’’ti ayaṃ tesaṃ samaññāti dasseti. Uṭṭhavacittakāti etthāpi eseva nayo. Tenāha ‘‘evaṃ vassamānā’’ti. Pokkharasātakāti pokkharasaṇṭhānatāya ‘‘pokkharasātakā’’ti evaṃ laddhanāmā.
саб̣б̣агаалам̣ собхад̇ийд̇и саб̣б̣ауд̇уусу собхад̇и, на д̇ассаа хзманд̇аад̣̇ивасзна собхаавирад̇о ад̇т̇и. звам̣бхууд̇аа жа нижжам̣ бубпид̇аж̇алаж̇ат̇алаж̇абубпад̇ааяа, палабхаарабхарид̇аругкабариваарид̇ад̇ааяа, адтан̇г̇асаманнааг̇ад̇асалилад̇ааяа жа ниранд̇арам̣ собхад̇и.
Sabbakālaṃsobhatīti sabbautūsu sobhati, na tassā hemantādivasena sobhāvirato atthi. Evaṃbhūtā ca niccaṃ pupphitajalajathalajapupphatāya, phalabhārabharitarukkhaparivāritatāya, aṭṭhaṅgasamannāgatasalilatāya ca nirantaraṃ sobhati.
282. баригамманд̇и буб̣б̣убажаарам̣. барисод̇хзд̇ваад̇и згагкарассааби авираад̇ханавасзна аажарияасанд̇игз саб̣б̣ам̣ сод̇хзд̇ваа. судту уг̇г̇ахид̇аад̇и бариман̣д̣алабад̣̇аб̣яан̃ж̇анааяа борияаа ваажааяа виссадтааяа анзлаг̇ал̣ааяа ад̇т̇асса вин̃н̃аабанийяаа саммад̣̇зва уг̇г̇ахид̇аа. д̇ат̇аа хи ‘‘ад̇т̇ан̃жа б̣яан̃ж̇анан̃жа барисод̇хзд̇ваа’’д̇и вуд̇д̇ам̣. ад̇т̇ам̣ ж̇аанад̇о зва хи б̣яан̃ж̇анам̣ барисуж̇жхад̇и, но аж̇аанад̇о. бад̣̇аб̣яан̃ж̇анаанийд̇и бад̣̇ан̃жзва б̣яан̃ж̇анан̃жа ахаабзд̇ваа. зван̃хи барибун̣н̣аа наама ход̇ийд̇и. висам̣ваад̣̇зд̇ваад̇и ан̃н̃ат̇аа гад̇ваа. д̇зж̇аванд̇ам̣ на ход̇и вираж̇жханад̇о жзва вимхаяад̇т̇абхаавад̇о жа. саб̣б̣асод̇и анавасзсад̇о аад̣̇имаж̇жхабарияосаанад̇о. д̇зж̇аванд̇ам̣ ход̇ийд̇и сабхааванируд̇д̇им̣ авираад̇хзд̇ваа суббавад̇д̇ибхаавзна саад̇ханад̇о. звам̣ баяог̇авибад̇д̇им̣ бахааяа баяог̇асамбад̇д̇ияаа сад̇и барид̇д̇асса ад̇т̇асаад̇хагад̇ам̣ д̣̇ассзд̇ваа ид̣̇аани аж̇жхаасаяавибад̇д̇им̣ бахааяа аж̇жхаасаяасамбад̇д̇ияаа ад̇т̇асаад̇хагад̇ам̣ д̣̇ассзд̇ум̣ ‘‘лаабхахзд̇уу’’д̇иаад̣̇и вуд̇д̇ам̣. ид̣̇ам̣ барид̇д̇абхан̣анам̣ сад̇д̇аанам̣ анад̇т̇абадиб̣ааханахзд̇ууд̇и д̇асса н̃аан̣агарун̣аабуб̣б̣агад̇аа ниссаран̣абагко. мзд̇д̇ам̣ бурзжааригам̣ гад̇ваад̇и мзд̇д̇ааманасигаарзна сад̇д̇зсу хид̇апаран̣ам̣ бурагкад̇ваа.
282.Parikammanti pubbupacāraṃ. Parisodhetvāti ekakkharassāpi avirādhanavasena ācariyasantike sabbaṃ sodhetvā. Suṭṭhu uggahitāti parimaṇḍalapadabyañjanāya poriyā vācāya vissaṭṭhāya anelagaḷāya atthassa viññāpanīyā sammadeva uggahitā. Tathā hi ‘‘atthañca byañjanañca parisodhetvā’’ti vuttaṃ. Atthaṃ jānato eva hi byañjanaṃ parisujjhati, no ajānato. Padabyañjanānīti padañceva byañjanañca ahāpetvā. Evañhi paripuṇṇā nāma hotīti. Visaṃvādetvāti aññathā katvā. Tejavantaṃ na hoti virajjhanato ceva vimhayatthabhāvato ca. Sabbasoti anavasesato ādimajjhapariyosānato. Tejavantaṃ hotīti sabhāvaniruttiṃ avirādhetvā suppavattibhāvena sādhanato. Evaṃ payogavipattiṃ pahāya payogasampattiyā sati parittassa atthasādhakataṃ dassetvā idāni ajjhāsayavipattiṃ pahāya ajjhāsayasampattiyā atthasādhakataṃ dassetuṃ ‘‘lābhahetū’’tiādi vuttaṃ. Idaṃ parittabhaṇanaṃ sattānaṃ anatthapaṭibāhanahetūti tassa ñāṇakaruṇāpubbakatā nissaraṇapakkho. Mettaṃ purecārikaṃ katvāti mettāmanasikārena sattesu hitapharaṇaṃ purakkhatvā.
‘‘вад̇т̇ум̣ ваа’’д̇иаад̣̇и буб̣б̣з жад̇убарисамаж̇жхз гад̇ааяа саад̇ханааяа бхаг̇авад̇о бавзд̣̇анам̣. гхаравад̇т̇унд̇и васанаг̇зхам̣. ниб̣ад̣̇д̇хаваасанд̇и бараг̇зхзби нзваасигабхаавзна ваасам̣ на лабхзяяа, яам̣ бана махаарааж̇аанам̣, яагкасзнаабад̇ийнан̃жа аж̇аананд̇аанам̣язва гад̣̇аажи васид̇ваа г̇аманам̣, д̇ам̣ аббамаан̣анд̇и ад̇хиббааяо. самид̇инд̇и яагкаад̣̇исамааг̇амам̣. гаамам̣ баал̣ияам̣ ‘‘на мз со’’д̇и ааг̇ад̇ам̣, ид̇арзсамби бана махаарааж̇аанамад̇д̇анаа згаж̇жхаасаяад̇ааяа д̇зсамби аж̇жхаасаяам̣ хад̣̇аяз табзд̇ваа взссаван̣о д̇ат̇аа авожа. ган̃н̃ам̣ ану ану вахид̇ум̣ аяуд̇д̇о анааваяхо, саб̣б̣агаалам̣ ган̃н̃ам̣ лад̣̇д̇хум̣ аяуд̇д̇од̇и ад̇т̇о, д̇ам̣ анааваяхам̣. д̇знааха ‘‘на ааваахаяуд̇д̇а’’нд̇и. на виваяханд̇и авиваяхам̣, ган̃н̃ам̣ г̇ахзд̇умаяуд̇д̇анд̇и ад̇т̇о. д̇знааха ‘‘на виваахаяуд̇д̇а’’нд̇и. аахид̇о ахам̣маано зд̇т̇аад̇и ад̇д̇аа, ад̇д̇абхааво. ад̇д̇аа висаяабхууд̇о зд̇аасам̣ ад̇т̇ийд̇и ад̇д̇аа, барибхаасаа, д̇аахи. барияад̇д̇ам̣ гад̇ваа важанзна барибун̣н̣аахи. яат̇аа яагкаа аггосид̇аб̣б̣аа, звам̣ бавад̇д̇аа аггосаа яагкааггосаа наама, д̇зхи. д̇з бана ‘‘гал̣аарагки гал̣аарад̣̇анд̇аа гаал̣аван̣н̣аа’’д̇и звам̣ аад̣̇аяо.
‘‘Vatthuṃ vā’’tiādi pubbe catuparisamajjhe katāya sādhanāya bhagavato pavedanaṃ. Gharavatthunti vasanagehaṃ. Nibaddhavāsanti paragehepi nevāsikabhāvena vāsaṃ na labheyya, yaṃ pana mahārājānaṃ, yakkhasenāpatīnañca ajānantānaṃyeva kadāci vasitvā gamanaṃ, taṃ appamāṇanti adhippāyo. Samitinti yakkhādisamāgamaṃ. Kāmaṃ pāḷiyaṃ ‘‘na me so’’ti āgataṃ, itaresampi pana mahārājānamattanā ekajjhāsayatāya tesampi ajjhāsayaṃ hadaye ṭhapetvā vessavaṇo tathā avoca. Kaññaṃ anu anu vahituṃ ayutto anāvayho, sabbakālaṃ kaññaṃ laddhuṃ ayuttoti attho, taṃ anāvayhaṃ. Tenāha ‘‘na āvāhayutta’’nti. Na vivayhanti avivayhaṃ, kaññaṃ gahetumayuttanti attho. Tenāha ‘‘na vivāhayutta’’nti. Āhito ahaṃmāno etthāti attā, attabhāvo. Attā visayabhūto etāsaṃ atthīti attā, paribhāsā, tāhi. Pariyattaṃ katvā vacanena paripuṇṇāhi. Yathā yakkhā akkositabbā, evaṃ pavattā akkosā yakkhaakkosā nāma, tehi. Te pana ‘‘kaḷārakkhi kaḷāradantā kāḷavaṇṇā’’ti evaṃ ādayo.
вируд̣̇д̇хаад̇и вируж̇жханагаа барзхи вирод̇хино. рабхасаад̇и саарамбхагаад̇и ад̇хиббааяо. д̇знааха ‘‘гаран̣уд̇д̇арияаа’’д̇и. рабхасаад̇и ваа саахасигаа. саамино манасо ассаваад̇и манассаа, гин̇гараа. яз хи ‘‘гим̣ гароми бхад̣̇д̣̇анд̇з’’д̇и саамигасса васз вад̇д̇анд̇и, д̇з звам̣ вужжанд̇и. д̇зна вуд̇д̇ам̣ ‘‘яагкасзнаабад̇ийнам̣ яз манассаа, д̇зса’’нд̇и. аан̣ааяа аварод̇хид̇убажаараа аваруд̣̇д̇хаа, д̇з бана аан̣аавад̇о бажжад̇т̇игаа наама хонд̇ийд̇и ‘‘бажжаамид̇д̇аа взрино’’д̇и вуд̇д̇ам̣. уж̇жхаабзд̇аб̣б̣анд̇и хздтаа гад̇ваа жинд̇аабзд̇аб̣б̣ам̣, д̇ам̣ бана уж̇жхаабанам̣ д̇зсам̣ нийжагирияааяа ж̇аанаабанам̣ ход̇ийд̇и ааха ‘‘ж̇аанаабзд̇аб̣б̣аа’’д̇и.
Viruddhāti virujjhanakā parehi virodhino. Rabhasāti sārambhakāti adhippāyo. Tenāha ‘‘karaṇuttariyā’’ti. Rabhasāti vā sāhasikā. Sāmino manaso assavāti manassā, kiṅkarā. Ye hi ‘‘kiṃ karomi bhaddante’’ti sāmikassa vase vattanti, te evaṃ vuccanti. Tena vuttaṃ ‘‘yakkhasenāpatīnaṃ ye manassā, tesa’’nti. Āṇāya avarodhitupacārā avaruddhā, te pana āṇāvato paccatthikā nāma hontīti ‘‘paccāmittā verino’’ti vuttaṃ. Ujjhāpetabbanti heṭṭhā katvā cintāpetabbaṃ, taṃ pana ujjhāpanaṃ tesaṃ nīcakiriyāya jānāpanaṃ hotīti āha ‘‘jānāpetabbā’’ti.
барид̇д̇абаригаммагат̇ааван̣н̣анаа
Parittaparikammakathāvaṇṇanā
барид̇д̇асса баригаммам̣ гат̇зд̇аб̣б̣анд̇и аадаанаадияабарид̇д̇асса баригаммам̣ буб̣б̣убажаарадтаанияам̣ мзд̇д̇асуд̇д̇аад̣̇и гат̇зд̇аб̣б̣ам̣. зван̃хи д̇ам̣ лад̣̇д̇хаасзванам̣ худ̇ваа д̇зж̇аванд̇ам̣ ход̇и. д̇знааха ‘‘батамамзва хий’’д̇иаад̣̇и. бидтам̣ ваа мам̣сам̣ ваад̇и ваа-сад̣̇д̣̇о анияамад̇т̇о, д̇зна мажчагхад̇асуубаад̣̇им̣ сан̇г̇ан̣хаад̇и. од̇аарам̣ лабханд̇и ад̇д̇анаа бияааяид̇аб̣б̣ааахааравасзна бияааяид̇аб̣б̣адтаанавасзна жа. ‘‘барид̇д̇а…бз… нисийд̣̇ид̇аб̣б̣а’’нд̇и иминаава барид̇д̇агаарагасса бхигкуно барисуд̣̇д̇хиби ижчид̇аб̣б̣аад̇и д̣̇ассзд̇и.
Parittassa parikammaṃ kathetabbanti āṭānāṭiyaparittassa parikammaṃ pubbupacāraṭṭhāniyaṃ mettasuttādi kathetabbaṃ. Evañhi taṃ laddhāsevanaṃ hutvā tejavantaṃ hoti. Tenāha ‘‘paṭhamameva hī’’tiādi. Piṭṭhaṃ vā maṃsaṃ vāti vā-saddo aniyamattho, tena macchaghatasūpādiṃ saṅgaṇhāti. Otāraṃ labhanti attanā piyāyitabbaāhāravasena piyāyitabbaṭṭhānavasena ca. ‘‘Paritta…pe… nisīditabba’’nti imināva parittakārakassa bhikkhuno parisuddhipi icchitabbāti dasseti.
‘‘барид̇д̇агаараго…бз… самбариваарид̇знаа’’д̇и ид̣̇ам̣ барид̇д̇агаран̣з б̣аахирарагкаасам̣вид̇хаанам̣. ‘‘мзд̇д̇ажид̇д̇ам̣ …бз… гаад̇аб̣б̣а’’нд̇и ид̣̇ам̣ аб̣бханд̇арарагкаа убхаяад̇о рагкаасам̣вид̇хаанам̣. зван̃хи амануссаа барид̇д̇агаран̣асса анд̇арааяам̣ гаад̇ум̣ на висаханд̇и. ман̇г̇алагат̇аа вад̇д̇аб̣б̣аа буб̣б̣убажааравасзна. саб̣б̣асаннибаад̇од̇и д̇асмим̣ вихаарз, д̇асмим̣ ваа г̇аамакзд̇д̇з саб̣б̣зсам̣ бхигкуунам̣ саннибаад̇о. гхосзд̇аб̣б̣о,‘‘жзд̇ияан̇г̇ан̣з саб̣б̣зхи саннибад̇ид̇аб̣б̣а’’нд̇и. анааг̇анд̇ум̣ наама на лаб̣бхад̇и амануссзна б̣уд̣̇д̇хаан̣аабхаязна, рааж̇аан̣аабхаязна жа. г̇ахид̇агаабад̣̇зсзна амануссова бужчид̇о ход̇ийд̇и ааха ‘‘амануссаг̇г̇ахид̇аго ‘д̇вам̣ го наамаа’д̇и бужчид̇аб̣б̣о’’д̇и. маалааг̇анд̇хаад̣̇ийсу бууж̇анад̇т̇ам̣ винияун̃ж̇ияамаанзсу. бад̇д̇ийд̇и д̇уяхам̣ бад̇д̇ид̣̇аанам̣. бин̣д̣абаад̇з бад̇д̇ийд̇и бин̣д̣абаад̇з д̣̇ияяамаанз бад̇д̇ид̣̇аанам̣. д̣̇звад̇аананд̇и яагкасзнаабад̇ийнам̣. барид̇д̇ам̣ бхан̣ид̇аб̣б̣анд̇и зд̇т̇ааби ‘‘мзд̇д̇ажид̇д̇ам̣ бурзжааригам̣ гад̇ваа’’д̇и жа ‘‘ман̇г̇алагат̇аа вад̇д̇аб̣б̣аа’’д̇и жа ‘‘вихаарасса убаванз’’д̇и звамаад̣̇и жа саб̣б̣ам̣ г̇ихийнам̣ барид̇д̇агаран̣з вуд̇д̇ам̣ баригаммам̣ гаад̇аб̣б̣амзва.
‘‘Parittakārako…pe… samparivāritenā’’ti idaṃ parittakaraṇe bāhirarakkhāsaṃvidhānaṃ. ‘‘Mettacittaṃ …pe… kātabba’’nti idaṃ abbhantararakkhā ubhayato rakkhāsaṃvidhānaṃ. Evañhi amanussā parittakaraṇassa antarāyaṃ kātuṃ na visahanti. Maṅgalakathā vattabbā pubbupacāravasena. Sabbasannipātoti tasmiṃ vihāre, tasmiṃ vā gāmakhette sabbesaṃ bhikkhūnaṃ sannipāto. Ghosetabbo,‘‘cetiyaṅgaṇe sabbehi sannipatitabba’’nti. Anāgantuṃ nāma na labbhati amanussena buddhāṇābhayena, rājāṇābhayena ca. Gahitakāpadesena amanussova pucchito hotīti āha ‘‘amanussaggahitako ‘tvaṃ ko nāmā’ti pucchitabbo’’ti. Mālāgandhādīsu pūjanatthaṃ viniyuñjiyamānesu. Pattīti tuyhaṃ pattidānaṃ. Piṇḍapāte pattīti piṇḍapāte diyyamāne pattidānaṃ. Devatānanti yakkhasenāpatīnaṃ. Parittaṃ bhaṇitabbanti etthāpi ‘‘mettacittaṃ purecārikaṃ katvā’’ti ca ‘‘maṅgalakathā vattabbā’’ti ca ‘‘vihārassa upavane’’ti evamādi ca sabbaṃ gihīnaṃ parittakaraṇe vuttaṃ parikammaṃ kātabbameva.
сарийрз ад̇химужжад̇ийд̇и сарийрам̣ анубависид̇ваа вияа аависанд̇о яат̇аа г̇ахид̇агасса васзна на вад̇д̇ад̇и, ад̇д̇ано зва васзна вад̇д̇ад̇и, звам̣ ад̇химужжад̇и ад̇хидтахид̇ваа д̇идтад̇и. д̇знааха ‘‘аависад̇ийд̇и д̇ассзва взважана’’нд̇и. лаг̇г̇ад̇ийд̇и д̇ад̇т̇зва лаг̇г̇о аллийно ход̇и. д̇знааха ‘‘на абзд̇ий’’д̇и. рог̇ам̣ вад̣дхзнд̇од̇и д̇хаад̇уунам̣ самабхаавзна вад̇д̇ид̇ум̣ аббад̣̇аанавасзна уббаннам̣ рог̇ам̣ вад̣дхзнд̇о. д̇хаад̇уунам̣ висамабхааваабад̇д̇ияаа жа аахаарасса жа аружжанзна г̇ахид̇агасса сарийрз лохид̇ам̣ суссад̇и, мам̣сам̣ милааяад̇и, д̇ам̣ банасса яагко д̇хаад̇угкобханимид̇д̇ад̇ааяа гаронд̇о вияа ход̇ийд̇и вуд̇д̇ам̣ ‘‘аббамам̣салохид̇ам̣ гаронд̇о’’д̇и.
Sarīre adhimuccatīti sarīraṃ anupavisitvā viya āvisanto yathā gahitakassa vasena na vattati, attano eva vasena vattati, evaṃ adhimuccati adhiṭṭhahitvā tiṭṭhati. Tenāha ‘‘āvisatītitasseva vevacana’’nti. Laggatīti tattheva laggo allīno hoti. Tenāha ‘‘na apetī’’ti. Rogaṃvaḍḍhentoti dhātūnaṃ samabhāvena vattituṃ appadānavasena uppannaṃ rogaṃ vaḍḍhento. Dhātūnaṃ visamabhāvāpattiyā ca āhārassa ca aruccanena gahitakassa sarīre lohitaṃ sussati, maṃsaṃ milāyati, taṃ panassa yakkho dhātukkhobhanimittatāya karonto viya hotīti vuttaṃ ‘‘appamaṃsalohitaṃ karonto’’ti.
283. д̇зсам̣ наамаани инд̣̇аад̣̇инаамабхаавзна вохарид̇аб̣б̣ад̇о. д̇ад̇од̇и д̇ад̇о аарожанад̇о барам̣. д̇зд̇и яагкасзнаабад̇аяо. огаасо на бхависсад̇ийд̇и бхигкубхигкунияо, убаасагаубаасигааяо вихзтзд̇ум̣ авасаро на бхависсад̇и саммад̣̇зва аарагкааяа вихид̇ад̇д̇аад̇и.
283.Tesaṃ nāmāni indādināmabhāvena voharitabbato. Tatoti tato ārocanato paraṃ. Teti yakkhasenāpatayo. Okāso na bhavissatīti bhikkhubhikkhuniyo, upāsakaupāsikāyo viheṭhetuṃ avasaro na bhavissati sammadeva ārakkhāya vihitattāti.
аадаанаадияасуд̇д̇аван̣н̣анааяа лийнад̇т̇аббагаасанаа.
Āṭānāṭiyasuttavaṇṇanāya līnatthappakāsanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 9. аадаанаадияасуд̇д̇ам̣ • 9. Āṭānāṭiyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 9. аадаанаадияасуд̇д̇аван̣н̣анаа • 9. Āṭānāṭiyasuttavaṇṇanā
