| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೩. ಅತಿನಿವಾಸಸುತ್ತಂ
3. Atinivāsasuttaṃ
೨೨೩. ‘‘ಪಞ್ಚಿಮೇ , ಭಿಕ್ಖವೇ, ಆದೀನವಾ ಅತಿನಿವಾಸೇ। ಕತಮೇ ಪಞ್ಚ? ಬಹುಭಣ್ಡೋ ಹೋತಿ ಬಹುಭಣ್ಡಸನ್ನಿಚಯೋ, ಬಹುಭೇಸಜ್ಜೋ ಹೋತಿ ಬಹುಭೇಸಜ್ಜಸನ್ನಿಚಯೋ, ಬಹುಕಿಚ್ಚೋ ಹೋತಿ ಬಹುಕರಣೀಯೋ ಬ್ಯತ್ತೋ ಕಿಂಕರಣೀಯೇಸು, ಸಂಸಟ್ಠೋ ವಿಹರತಿ ಗಹಟ್ಠಪಬ್ಬಜಿತೇಹಿ ಅನನುಲೋಮಿಕೇನ ಗಿಹಿಸಂಸಗ್ಗೇನ, ತಮ್ಹಾ ಚ ಆವಾಸಾ ಪಕ್ಕಮನ್ತೋ ಸಾಪೇಕ್ಖೋ ಪಕ್ಕಮತಿ। ಇಮೇ ಖೋ, ಭಿಕ್ಖವೇ, ಪಞ್ಚ ಆದೀನವಾ ಅತಿನಿವಾಸೇ।
223. ‘‘Pañcime , bhikkhave, ādīnavā atinivāse. Katame pañca? Bahubhaṇḍo hoti bahubhaṇḍasannicayo, bahubhesajjo hoti bahubhesajjasannicayo, bahukicco hoti bahukaraṇīyo byatto kiṃkaraṇīyesu, saṃsaṭṭho viharati gahaṭṭhapabbajitehi ananulomikena gihisaṃsaggena, tamhā ca āvāsā pakkamanto sāpekkho pakkamati. Ime kho, bhikkhave, pañca ādīnavā atinivāse.
‘‘ಪಞ್ಚಿಮೇ, ಭಿಕ್ಖವೇ, ಆನಿಸಂಸಾ ಸಮವತ್ಥವಾಸೇ। ಕತಮೇ ಪಞ್ಚ? ನ ಬಹುಭಣ್ಡೋ ಹೋತಿ ನ ಬಹುಭಣ್ಡಸನ್ನಿಚಯೋ, ನ ಬಹುಭೇಸಜ್ಜೋ ಹೋತಿ ನ ಬಹುಭೇಸಜ್ಜಸನ್ನಿಚಯೋ, ನ ಬಹುಕಿಚ್ಚೋ ಹೋತಿ ನ ಬಹುಕರಣೀಯೋ ನ ಬ್ಯತ್ತೋ ಕಿಂಕರಣೀಯೇಸು, ಅಸಂಸಟ್ಠೋ ವಿಹರತಿ ಗಹಟ್ಠಪಬ್ಬಜಿತೇಹಿ ಅನನುಲೋಮಿಕೇನ ಗಿಹಿಸಂಸಗ್ಗೇನ, ತಮ್ಹಾ ಚ ಆವಾಸಾ ಪಕ್ಕಮನ್ತೋ ಅನಪೇಕ್ಖೋ ಪಕ್ಕಮತಿ। ಇಮೇ ಖೋ, ಭಿಕ್ಖವೇ, ಪಞ್ಚ ಆನಿಸಂಸಾ ಸಮವತ್ಥವಾಸೇ’’ತಿ। ತತಿಯಂ।
‘‘Pañcime, bhikkhave, ānisaṃsā samavatthavāse. Katame pañca? Na bahubhaṇḍo hoti na bahubhaṇḍasannicayo, na bahubhesajjo hoti na bahubhesajjasannicayo, na bahukicco hoti na bahukaraṇīyo na byatto kiṃkaraṇīyesu, asaṃsaṭṭho viharati gahaṭṭhapabbajitehi ananulomikena gihisaṃsaggena, tamhā ca āvāsā pakkamanto anapekkho pakkamati. Ime kho, bhikkhave, pañca ānisaṃsā samavatthavāse’’ti. Tatiyaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೩-೪. ಅತಿನಿವಾಸಸುತ್ತಾದಿವಣ್ಣನಾ • 3-4. Atinivāsasuttādivaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೧೦. ಪಠಮದೀಘಚಾರಿಕಸುತ್ತಾದಿವಣ್ಣನಾ • 1-10. Paṭhamadīghacārikasuttādivaṇṇanā
