| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
11. அதீதானாக³தஸமன்னாக³தகதா²வண்ணனா
11. Atītānāgatasamannāgatakathāvaṇṇanā
568-570. இதா³னி அதீதானாக³தேஹி ஸமன்னாக³தகதா² நாம ஹோதி. தத்த² ஸமன்னாக³தபஞ்ஞத்தி படிலாப⁴பஞ்ஞத்தீதி த்³வே பஞ்ஞத்தியோ வேதி³தப்³பா³. தாஸு பச்சுப்பன்னத⁴ம்மஸமங்கீ³ ஸமன்னாக³தோதி வுச்சதி. அட்ட² ஸமாபத்திலாபி⁴னோ பன ஸமாபத்தியோ கிஞ்சாபி ந ஏகக்க²ணே பவத்தந்தி, அஞ்ஞா அதீதா ஹொந்தி, அஞ்ஞா அனாக³தா, அஞ்ஞா பச்சுப்பன்னா, படிவிஜ்ஜி²த்வா அபரிஹீனதாய பன லாபீ⁴தி வுச்சதி. தத்த² யேஸங் இமங் விபா⁴க³ங் அக்³க³ஹெத்வா யஸ்மா ஜா²னலாபீ⁴னங் அதீதானாக³தானி ஜா²னானிபி அத்தி², தஸ்மா ‘‘தே அதீதேனபி அனாக³தேனபி ஸமன்னாக³தா’’தி லத்³தி⁴, ஸெய்யதா²பி அந்த⁴கானங். தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. ஸேஸமெத்த² உத்தானத்த²மேவாதி. ‘‘அட்ட²விமொக்க²ஜா²யீ’’திஆதி³ பன லாபீ⁴பா⁴வஸ்ஸ ஸாத⁴கங், ந ஸமன்னாக³தபா⁴வஸ்ஸாதி.
568-570. Idāni atītānāgatehi samannāgatakathā nāma hoti. Tattha samannāgatapaññatti paṭilābhapaññattīti dve paññattiyo veditabbā. Tāsu paccuppannadhammasamaṅgī samannāgatoti vuccati. Aṭṭha samāpattilābhino pana samāpattiyo kiñcāpi na ekakkhaṇe pavattanti, aññā atītā honti, aññā anāgatā, aññā paccuppannā, paṭivijjhitvā aparihīnatāya pana lābhīti vuccati. Tattha yesaṃ imaṃ vibhāgaṃ aggahetvā yasmā jhānalābhīnaṃ atītānāgatāni jhānānipi atthi, tasmā ‘‘te atītenapi anāgatenapi samannāgatā’’ti laddhi, seyyathāpi andhakānaṃ. Te sandhāya pucchā sakavādissa, paṭiññā itarassa. Sesamettha uttānatthamevāti. ‘‘Aṭṭhavimokkhajhāyī’’tiādi pana lābhībhāvassa sādhakaṃ, na samannāgatabhāvassāti.
அதீதானாக³தஸமன்னாக³தகதா²வண்ணனா.
Atītānāgatasamannāgatakathāvaṇṇanā.
நவமோ வக்³கோ³.
Navamo vaggo.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (94) 11. அதீதானாக³தஸமன்னாக³தகதா² • (94) 11. Atītānāgatasamannāgatakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 11. அதீதானாக³தஸமன்னாக³தகதா²வண்ணனா • 11. Atītānāgatasamannāgatakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 11. அதீதானாக³தஸமன்னாக³தகதா²வண்ணனா • 11. Atītānāgatasamannāgatakathāvaṇṇanā
