| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
11. ад̇ийд̇аанааг̇ад̇асаманнааг̇ад̇агат̇ааван̣н̣анаа
11. Atītānāgatasamannāgatakathāvaṇṇanā
568-570. ид̣̇аани ад̇ийд̇аанааг̇ад̇зхи саманнааг̇ад̇агат̇аа наама ход̇и. д̇ад̇т̇а саманнааг̇ад̇абан̃н̃ад̇д̇и бадилаабхабан̃н̃ад̇д̇ийд̇и д̣̇вз бан̃н̃ад̇д̇ияо взд̣̇ид̇аб̣б̣аа. д̇аасу бажжуббаннад̇хаммасаман̇г̇ий саманнааг̇ад̇од̇и вужжад̇и. адта самаабад̇д̇илаабхино бана самаабад̇д̇ияо гин̃жааби на згагкан̣з бавад̇д̇анд̇и, ан̃н̃аа ад̇ийд̇аа хонд̇и, ан̃н̃аа анааг̇ад̇аа, ан̃н̃аа бажжуббаннаа, бадивиж̇жхид̇ваа абарихийнад̇ааяа бана лаабхийд̇и вужжад̇и. д̇ад̇т̇а язсам̣ имам̣ вибхааг̇ам̣ аг̇г̇ахзд̇ваа яасмаа жхааналаабхийнам̣ ад̇ийд̇аанааг̇ад̇аани жхаанааниби ад̇т̇и, д̇асмаа ‘‘д̇з ад̇ийд̇знаби анааг̇ад̇знаби саманнааг̇ад̇аа’’д̇и лад̣̇д̇хи, сзяяат̇ааби анд̇хагаанам̣. д̇з санд̇хааяа бужчаа сагаваад̣̇исса, бадин̃н̃аа ид̇арасса. сзсамзд̇т̇а уд̇д̇аанад̇т̇амзваад̇и. ‘‘адтавимогкажхааяий’’д̇иаад̣̇и бана лаабхийбхаавасса саад̇хагам̣, на саманнааг̇ад̇абхаавассаад̇и.
568-570. Idāni atītānāgatehi samannāgatakathā nāma hoti. Tattha samannāgatapaññatti paṭilābhapaññattīti dve paññattiyo veditabbā. Tāsu paccuppannadhammasamaṅgī samannāgatoti vuccati. Aṭṭha samāpattilābhino pana samāpattiyo kiñcāpi na ekakkhaṇe pavattanti, aññā atītā honti, aññā anāgatā, aññā paccuppannā, paṭivijjhitvā aparihīnatāya pana lābhīti vuccati. Tattha yesaṃ imaṃ vibhāgaṃ aggahetvā yasmā jhānalābhīnaṃ atītānāgatāni jhānānipi atthi, tasmā ‘‘te atītenapi anāgatenapi samannāgatā’’ti laddhi, seyyathāpi andhakānaṃ. Te sandhāya pucchā sakavādissa, paṭiññā itarassa. Sesamettha uttānatthamevāti. ‘‘Aṭṭhavimokkhajhāyī’’tiādi pana lābhībhāvassa sādhakaṃ, na samannāgatabhāvassāti.
ад̇ийд̇аанааг̇ад̇асаманнааг̇ад̇агат̇ааван̣н̣анаа.
Atītānāgatasamannāgatakathāvaṇṇanā.
навамо ваг̇г̇о.
Navamo vaggo.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (94) 11. ад̇ийд̇аанааг̇ад̇асаманнааг̇ад̇агат̇аа • (94) 11. Atītānāgatasamannāgatakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 11. ад̇ийд̇аанааг̇ад̇асаманнааг̇ад̇агат̇ааван̣н̣анаа • 11. Atītānāgatasamannāgatakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 11. ад̇ийд̇аанааг̇ад̇асаманнааг̇ад̇агат̇ааван̣н̣анаа • 11. Atītānāgatasamannāgatakathāvaṇṇanā
