| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
15. ад̇д̇ад̣̇ан̣д̣асуд̇д̇аван̣н̣анаа
15. Attadaṇḍasuttavaṇṇanā
942. ад̇д̇ад̣̇ан̣д̣аа бхаяам̣ ж̇аад̇анд̇и ад̇д̇ад̣̇ан̣д̣асуд̇д̇ам̣. гаа уббад̇д̇и? яо со саммаабариб̣б̣ааж̇анийяасуд̇д̇асса уббад̇д̇ияам̣ вужжамаанааяа саагияаголияаанам̣ уд̣̇агам̣ бадижжа галахо ван̣н̣ид̇о, д̇ам̣ н̃ад̇ваа бхаг̇аваа ‘‘н̃аад̇агаа галахам̣ гаронд̇и, ханд̣̇а нз ваарзссаамий’’д̇и д̣̇виннам̣ сзнаанам̣ маж̇жхз тад̇ваа имам̣ суд̇д̇амабхааси.
942.Attadaṇḍābhayaṃ jātanti attadaṇḍasuttaṃ. Kā uppatti? Yo so sammāparibbājanīyasuttassa uppattiyaṃ vuccamānāya sākiyakoliyānaṃ udakaṃ paṭicca kalaho vaṇṇito, taṃ ñatvā bhagavā ‘‘ñātakā kalahaṃ karonti, handa ne vāressāmī’’ti dvinnaṃ senānaṃ majjhe ṭhatvā imaṃ suttamabhāsi.
д̇ад̇т̇а батамаг̇аат̇ааяад̇т̇о – яам̣ логасса д̣̇идтад̇хаммигам̣ ваа самбарааяигам̣ ваа бхаяам̣ ж̇аад̇ам̣, д̇ам̣ саб̣б̣ам̣ ад̇д̇ад̣̇ан̣д̣аа бхаяам̣ ж̇аад̇ам̣ ад̇д̇ано д̣̇ужжарид̇агааран̣аа ж̇аад̇ам̣, звам̣ санд̇зби ж̇анам̣ бассат̇а мзд̇хаг̇ам̣, имам̣ саагияаад̣̇иж̇анам̣ бассат̇а ан̃н̃аман̃н̃ам̣ мзд̇хаг̇ам̣ хим̣сагам̣ б̣аад̇хаганд̇и. звам̣ д̇ам̣ бадивируд̣̇д̇хам̣ виббадибаннам̣ ж̇анам̣ барибхаасид̇ваа ад̇д̇ано саммаабадибад̇д̇ид̣̇ассанзна д̇асса сам̣взг̇ам̣ ж̇анзд̇ум̣ ааха ‘‘сам̣взг̇ам̣ гид̇д̇аяиссаами, яат̇аа сам̣виж̇ид̇ам̣ маяаа’’д̇и, буб̣б̣з б̣од̇хисад̇д̇знзва сад̇аад̇и ад̇хиббааяо.
Tattha paṭhamagāthāyattho – yaṃ lokassa diṭṭhadhammikaṃ vā samparāyikaṃ vā bhayaṃ jātaṃ, taṃ sabbaṃ attadaṇḍā bhayaṃ jātaṃ attano duccaritakāraṇā jātaṃ, evaṃ santepi janaṃ passatha medhagaṃ, imaṃ sākiyādijanaṃ passatha aññamaññaṃ medhagaṃ hiṃsakaṃ bādhakanti. Evaṃ taṃ paṭiviruddhaṃ vippaṭipannaṃ janaṃ paribhāsitvā attano sammāpaṭipattidassanena tassa saṃvegaṃ janetuṃ āha ‘‘saṃvegaṃ kittayissāmi, yathā saṃvijitaṃ mayā’’ti, pubbe bodhisatteneva satāti adhippāyo.
943. ид̣̇аани яат̇аанзна сам̣виж̇ид̇ам̣, д̇ам̣ багаарам̣ д̣̇ассзнд̇о ‘‘панд̣̇амаана’’нд̇иаад̣̇имааха. д̇ад̇т̇а панд̣̇амаананд̇и д̇ан̣хаад̣̇ийхи гамбамаанам̣. аббод̣̇агзд̇и аббауд̣̇агз. ан̃н̃аман̃н̃зхи б̣яааруд̣̇д̇хз д̣̇исваад̇и наанаасад̇д̇з жа ан̃н̃аман̃н̃зхи сад̣̇д̇хим̣ вируд̣̇д̇хз д̣̇исваа. мам̣ бхаяамаависийд̇и мам̣ бхаяам̣ бавидтам̣.
943. Idāni yathānena saṃvijitaṃ, taṃ pakāraṃ dassento ‘‘phandamāna’’ntiādimāha. Tattha phandamānanti taṇhādīhi kampamānaṃ. Appodaketi appaudake. Aññamaññehi byāruddhe disvāti nānāsatte ca aññamaññehi saddhiṃ viruddhe disvā. Maṃ bhayamāvisīti maṃ bhayaṃ paviṭṭhaṃ.
944. саманд̇амасааро логод̇и нираяам̣ аад̣̇им̣ гад̇ваа саманд̇ад̇о лого асааро нижжасаараад̣̇ирахид̇о. д̣̇исаа саб̣б̣аа самзрид̇аад̇и саб̣б̣аа д̣̇исаа анижжад̇ааяа гамбид̇аа. ижчам̣ бхаванамад̇д̇анод̇и ад̇д̇ано д̇аан̣ам̣ ижчанд̇о. наад̣̇д̣̇асаасим̣ аносид̇анд̇и гин̃жи таанам̣ ж̇араад̣̇ийхи анаж̇жхаавуд̇т̇ам̣ наад̣̇д̣̇агким̣.
944.Samantamasāro lokoti nirayaṃ ādiṃ katvā samantato loko asāro niccasārādirahito. Disā sabbā sameritāti sabbā disā aniccatāya kampitā. Icchaṃ bhavanamattanoti attano tāṇaṃ icchanto. Nāddasāsiṃ anositanti kiñci ṭhānaṃ jarādīhi anajjhāvutthaṃ nāddakkhiṃ.
945. осаанзд̇взва б̣яааруд̣̇д̇хз, д̣̇исваа мз арад̇ий ахууд̇и яоб̣б̣ан̃н̃аад̣̇ийнам̣ осаанз зва анд̇аг̇амагз зва винаасагз зва ж̇араад̣̇ийхи б̣яааруд̣̇д̇хз аахад̇ажид̇д̇з сад̇д̇з д̣̇исваа арад̇и мз ахоси. ат̇зд̇т̇а салланд̇и ат̇а зд̇зсу сад̇д̇зсу рааг̇аад̣̇исаллам̣. хад̣̇аяаниссид̇анд̇и жид̇д̇аниссид̇ам̣.
945.Osānetveva byāruddhe, disvā me aratī ahūti yobbaññādīnaṃ osāne eva antagamake eva vināsake eva jarādīhi byāruddhe āhatacitte satte disvā arati me ahosi. Athettha sallanti atha etesu sattesu rāgādisallaṃ. Hadayanissitanti cittanissitaṃ.
946. ‘‘гат̇ам̣аанубхаавам̣ салла’’нд̇и жз – язна саллзна од̇ин̣н̣од̇и г̇аат̇аа. д̇ад̇т̇а д̣̇исаа саб̣б̣аа вид̇хаавад̇ийд̇и саб̣б̣аа д̣̇ужжарид̇ад̣̇исааби бурад̇т̇имаад̣̇ид̣̇исаавид̣̇исааби д̇хаавад̇и. д̇амзва салламаб̣б̣уяха, на д̇хаавад̇и на сийд̣̇ад̇ийд̇и д̇амзва саллам̣ уд̣̇д̇харид̇ваа д̇аа жа д̣̇исаа на д̇хаавад̇и, жад̇урогхз жа на сийд̣̇ад̇ийд̇и.
946. ‘‘Kathaṃānubhāvaṃ salla’’nti ce – yena sallena otiṇṇoti gāthā. Tattha disā sabbā vidhāvatīti sabbā duccaritadisāpi puratthimādidisāvidisāpi dhāvati. Tameva sallamabbuyha, na dhāvati na sīdatīti tameva sallaṃ uddharitvā tā ca disā na dhāvati, caturoghe ca na sīdatīti.
947. звам̣махаанубхаавзна саллзна од̇ин̣н̣зсваби жа сад̇д̇зсу – д̇ад̇т̇а сигкаануг̇ийяанд̇и, яаани логз г̇ад̇хид̇аанийд̇и г̇аат̇аа. д̇ассад̇т̇о – яз логз бан̃жа гаамаг̇ун̣аа бадилаабхааяа г̇иж̇жханд̇ийд̇и гад̇ваа ‘‘г̇ад̇хид̇ааний’’д̇и вужжанд̇и, жирагаалаасзвид̇ад̇д̇аа ваа ‘‘г̇ад̇хид̇ааний’’д̇и вужжанд̇и, д̇ад̇т̇а д̇ам̣ нимид̇д̇ам̣ хад̇т̇исигкаад̣̇игаа анзгаа сигкаа гат̇ийяанд̇и уг̇г̇аяханд̇и ваа. бассат̇а яаава бамад̇д̇о вааяам̣ лого, яад̇о бан̣д̣ид̇о гулабуд̇д̇о д̇зсу ваа г̇ад̇хид̇зсу д̇аасу ваа сигкаасу ад̇химуд̇д̇о на сияаа, ан̃н̃ад̣̇ад̇т̇у анижжаад̣̇ид̣̇ассанзна ниб̣б̣иж̇жха саб̣б̣асо гаамз ад̇д̇ано ниб̣б̣аанамзва сигкзд̇и.
947. Evaṃmahānubhāvena sallena otiṇṇesvapi ca sattesu – tattha sikkhānugīyanti, yāni loke gadhitānīti gāthā. Tassattho – ye loke pañca kāmaguṇā paṭilābhāya gijjhantīti katvā ‘‘gadhitānī’’ti vuccanti, cirakālāsevitattā vā ‘‘gadhitānī’’ti vuccanti, tattha taṃ nimittaṃ hatthisikkhādikā anekā sikkhā kathīyanti uggayhanti vā. Passatha yāva pamatto vāyaṃ loko, yato paṇḍito kulaputto tesu vā gadhitesu tāsu vā sikkhāsu adhimutto na siyā, aññadatthu aniccādidassanena nibbijjha sabbaso kāme attano nibbānameva sikkheti.
948. ид̣̇аани яат̇аа ниб̣б̣аанааяа сигкид̇аб̣б̣ам̣, д̇ам̣ д̣̇ассзнд̇о ‘‘сажжо сияаа’’д̇иаад̣̇имааха. д̇ад̇т̇а сажжод̇и ваажаасажжзна н̃аан̣асажжзна маг̇г̇асажжзна жа саманнааг̇ад̇о. рид̇д̇абзсун̣од̇и бахийнабзсун̣о. взвижчанд̇и мажчарияам̣.
948. Idāni yathā nibbānāya sikkhitabbaṃ, taṃ dassento ‘‘sacco siyā’’tiādimāha. Tattha saccoti vācāsaccena ñāṇasaccena maggasaccena ca samannāgato. Rittapesuṇoti pahīnapesuṇo. Vevicchanti macchariyaṃ.
949. нид̣̇д̣̇ам̣ д̇анд̣̇им̣ сахз т̇ийнанд̇и бажалааяиган̃жа гааяааласияан̃жа жид̇д̇ааласияан̃жаад̇и имз д̇аяо д̇хаммз абхибхавзяяа. ниб̣б̣аанаманасод̇и ниб̣б̣аананиннажид̇д̇о.
949.Niddaṃ tandiṃ sahe thīnanti pacalāyikañca kāyālasiyañca cittālasiyañcāti ime tayo dhamme abhibhaveyya. Nibbānamanasoti nibbānaninnacitto.
950-51. саахасаад̇и рад̇д̇асса рааг̇ажарияаад̣̇ибхзд̣̇аа саахасагаран̣аа. бураан̣ам̣ наабхинанд̣̇зяяаад̇и ад̇ийд̇аруубаад̣̇им̣ наабхинанд̣̇зяяа. навзд̇и бажжуббаннз. хияяамаанзд̇и винассамаанз. аагаасам̣ на сид̇о сияаад̇и д̇ан̣хааниссид̇о на бхавзяяа. д̇ан̣хаа хи руубаад̣̇ийнам̣ аагаасанад̇о ‘‘аагаасо’’д̇и вужжад̇и.
950-51.Sāhasāti rattassa rāgacariyādibhedā sāhasakaraṇā. Purāṇaṃ nābhinandeyyāti atītarūpādiṃ nābhinandeyya. Naveti paccuppanne. Hiyyamāneti vinassamāne. Ākāsaṃ na sito siyāti taṇhānissito na bhaveyya. Taṇhā hi rūpādīnaṃ ākāsanato ‘‘ākāso’’ti vuccati.
952. ‘‘гим̣гааран̣аа аагаасам̣ на сид̇о сияаа’’д̇и жз – ‘‘г̇зд̇хам̣ б̣руумий’’д̇и г̇аат̇аа. д̇ассад̇т̇о – ахан̃хи имам̣ аагаасасан̇каад̇ам̣ д̇ан̣хам̣ руубаад̣̇ийсу г̇иж̇жханад̇о г̇зд̇хам̣ б̣рууми ‘‘г̇зд̇хо’’д̇и вад̣̇аами. гин̃жа бхияяо – авахананадтзна ‘‘огхо’’д̇и жа ааж̇аванадтзна ‘‘ааж̇ава’’нд̇и жа ‘‘ид̣̇ам̣ маяхам̣, ид̣̇ам̣ маяха’’нд̇и ж̇аббагааран̣ад̇о ‘‘ж̇аббана’’нд̇и жа д̣̇уммун̃жанадтзна ‘‘аарамман̣а’’нд̇и жа гамбагаран̣зна ‘‘багамбана’’нд̇и жа б̣рууми, зсаа жа логасса балиб̣од̇хадтзна д̣̇урад̇иггаманийяадтзна жа гаамабан̇го д̣̇уражжаяод̇и. ‘‘аагаасам̣ на сид̇о сияаа’’д̇и звам̣ вуд̇д̇з ваа ‘‘гимзд̇ам̣ аагааса’’нд̇и жз? г̇зд̇хам̣ б̣руумийд̇и. звамби д̇ассаа г̇аат̇ааяа самб̣анд̇хо взд̣̇ид̇аб̣б̣о. д̇ад̇т̇а бад̣̇аяож̇анаа – аагаасанд̇и г̇зд̇хам̣ б̣руумийд̇и. д̇ат̇аа явааяам̣ махогход̇и вужжад̇и. д̇ам̣ б̣рууми, ааж̇авам̣ б̣рууми, ж̇аббанам̣ б̣рууми, багамбанам̣ б̣рууми, явааяам̣ сад̣̇звагз логз гаамабан̇го д̣̇уражжаяо, д̇ам̣ б̣руумийд̇и.
952. ‘‘Kiṃkāraṇā ākāsaṃ na sito siyā’’ti ce – ‘‘gedhaṃ brūmī’’ti gāthā. Tassattho – ahañhi imaṃ ākāsasaṅkhātaṃ taṇhaṃ rūpādīsu gijjhanato gedhaṃ brūmi ‘‘gedho’’ti vadāmi. Kiñca bhiyyo – avahananaṭṭhena ‘‘ogho’’ti ca ājavanaṭṭhena ‘‘ājava’’nti ca ‘‘idaṃ mayhaṃ, idaṃ mayha’’nti jappakāraṇato ‘‘jappana’’nti ca dummuñcanaṭṭhena ‘‘ārammaṇa’’nti ca kampakaraṇena ‘‘pakampana’’nti ca brūmi, esā ca lokassa palibodhaṭṭhena duratikkamanīyaṭṭhena ca kāmapaṅko duraccayoti. ‘‘Ākāsaṃ na sito siyā’’ti evaṃ vutte vā ‘‘kimetaṃ ākāsa’’nti ce? Gedhaṃ brūmīti. Evampi tassā gāthāya sambandho veditabbo. Tattha padayojanā – ākāsanti gedhaṃ brūmīti. Tathā yvāyaṃ mahoghoti vuccati. Taṃ brūmi, ājavaṃ brūmi, jappanaṃ brūmi, pakampanaṃ brūmi, yvāyaṃ sadevake loke kāmapaṅko duraccayo, taṃ brūmīti.
953. звамзд̇ам̣ г̇зд̇хаад̣̇ибарияааяам̣ аагаасам̣ аниссид̇о – сажжаа авоггаммаад̇и г̇аат̇аа. д̇ассад̇т̇о – буб̣б̣з вуд̇д̇аа д̇ивид̇хааби сажжаа авоггамма монзяяаббад̇д̇ияаа мунийд̇и сан̇кяам̣ г̇ад̇о ниб̣б̣аанад̇т̇алз д̇идтад̇и б̣раахман̣о, са вз зваруубо саб̣б̣аани ааяад̇анаани ниссаж̇ж̇ид̇ваа ‘‘санд̇о’’д̇и вужжад̇ийд̇и.
953. Evametaṃ gedhādipariyāyaṃ ākāsaṃ anissito – saccā avokkammāti gāthā. Tassattho – pubbe vuttā tividhāpi saccā avokkamma moneyyappattiyā munīti saṅkhyaṃ gato nibbānatthale tiṭṭhati brāhmaṇo, sa ve evarūpo sabbāni āyatanāni nissajjitvā ‘‘santo’’ti vuccatīti.
954. гин̃жа бхияяо – са вз вид̣̇ваад̇и г̇аат̇аа. д̇ад̇т̇а н̃ад̇ваа д̇хамманд̇и анижжаад̣̇инаязна сан̇кад̇ад̇хаммам̣ н̃ад̇ваа. саммаа со логз ирияаанод̇и асаммааирияанагараанам̣ гилзсаанам̣ бахаанаа саммаа со логз ирияамаано.
954. Kiñca bhiyyo – sa ve vidvāti gāthā. Tattha ñatvā dhammanti aniccādinayena saṅkhatadhammaṃ ñatvā. Sammā so loke iriyānoti asammāiriyanakarānaṃ kilesānaṃ pahānā sammā so loke iriyamāno.
955. звам̣ абихзнд̇о жа – яод̇ха гаамзд̇и г̇аат̇аа. д̇ад̇т̇а сан̇г̇анд̇и сад̇д̇авид̇хам̣ сан̇г̇ан̃жа яо ажжад̇ари нааж̇жхзд̇ийд̇и наабхиж̇жхааяад̇и.
955. Evaṃ apihento ca – yodha kāmeti gāthā. Tattha saṅganti sattavidhaṃ saṅgañca yo accatari nājjhetīti nābhijjhāyati.
956. д̇асмаа д̇умхзсуби яо зваруубо ход̇умижчад̇и, д̇ам̣ вад̣̇аами – яам̣ буб̣б̣зд̇и г̇аат̇аа. д̇ад̇т̇а яам̣ буб̣б̣зд̇и ад̇ийд̇з сан̇каарз аараб̣бха уббаж̇ж̇анад̇хаммам̣ гилзсаж̇аад̇ам̣ ад̇ийд̇агамман̃жа. бажчаа д̇з мааху гин̃жананд̇и анааг̇ад̇зби сан̇каарз аараб̣бха уббаж̇ж̇анад̇хаммам̣ рааг̇аад̣̇игин̃жанам̣ мааху. маж̇жхз жз но г̇ахзссасийд̇и бажжуббаннз руубаад̣̇ид̇хаммзби на г̇ахзссаси жз.
956. Tasmā tumhesupi yo evarūpo hotumicchati, taṃ vadāmi – yaṃ pubbeti gāthā. Tattha yaṃ pubbeti atīte saṅkhāre ārabbha uppajjanadhammaṃ kilesajātaṃ atītakammañca. Pacchā te māhu kiñcananti anāgatepi saṅkhāre ārabbha uppajjanadhammaṃ rāgādikiñcanaṃ māhu. Majjhe ce no gahessasīti paccuppanne rūpādidhammepi na gahessasi ce.
957. звам̣ ‘‘убасанд̇о жариссасий’’д̇и арахад̇д̇аббад̇д̇им̣ д̣̇ассзд̇ваа ид̣̇аани арахад̇о т̇уд̇ивасзна ид̇о бараа г̇аат̇ааяо абхааси. д̇ад̇т̇а саб̣б̣асод̇и г̇аат̇ааяа мамааяид̇анд̇и мамад̇д̇агаран̣ам̣, ‘‘мама ид̣̇а’’нд̇и г̇ахид̇ам̣ ваа вад̇т̇у. асад̇аа жа на сожад̇ийд̇и авиж̇ж̇амаанагааран̣аа асанд̇агааран̣аа на сожад̇и. на ж̇ийяад̇ийд̇и ж̇аанимби на г̇ажчад̇и.
957. Evaṃ ‘‘upasanto carissasī’’ti arahattappattiṃ dassetvā idāni arahato thutivasena ito parā gāthāyo abhāsi. Tattha sabbasoti gāthāya mamāyitanti mamattakaraṇaṃ, ‘‘mama ida’’nti gahitaṃ vā vatthu. Asatā ca na socatīti avijjamānakāraṇā asantakāraṇā na socati. Na jīyatīti jānimpi na gacchati.
958-9. гин̃жа бхияяо – яасса над̇т̇ийд̇и г̇аат̇аа. д̇ад̇т̇а гин̃жананд̇и гин̃жи руубаад̣̇ид̇хаммаж̇аад̇ам̣. гин̃жа бхияяо – анидтурийд̇и г̇аат̇аа. д̇ад̇т̇а анидтурийд̇и аниссугий. ‘‘анид̣̇д̇хурий’’д̇иби гзжи батанд̇и. саб̣б̣ад̇хий самод̇и саб̣б̣ад̇т̇а само, убзгкагод̇и ад̇хиббааяо. гим̣ вуд̇д̇ам̣ ход̇и? яо со ‘‘над̇т̇и мз’’д̇и на сожад̇и, д̇амахам̣ авигамбинам̣ буг̇г̇алам̣ будто самаано анидтурий анануг̇ид̣̇д̇хо анзж̇о саб̣б̣ад̇хи самод̇и имам̣ д̇асмим̣ буг̇г̇алз жад̇уб̣б̣ид̇хамаанисам̣сам̣ б̣руумийд̇и.
958-9. Kiñca bhiyyo – yassa natthīti gāthā. Tattha kiñcananti kiñci rūpādidhammajātaṃ. Kiñca bhiyyo – aniṭṭhurīti gāthā. Tattha aniṭṭhurīti anissukī. ‘‘Aniddhurī’’tipi keci paṭhanti. Sabbadhī samoti sabbattha samo, upekkhakoti adhippāyo. Kiṃ vuttaṃ hoti? Yo so ‘‘natthi me’’ti na socati, tamahaṃ avikampinaṃ puggalaṃ puṭṭho samāno aniṭṭhurī ananugiddho anejo sabbadhi samoti imaṃ tasmiṃ puggale catubbidhamānisaṃsaṃ brūmīti.
960. гин̃жа бхияяо – анзж̇ассаад̇и г̇аат̇аа. д̇ад̇т̇а нисан̇кад̇ийд̇и бун̃н̃аабхисан̇каараад̣̇ийсу яо гожи сан̇кааро. со хи яасмаа нисан̇карияад̇и нисан̇карод̇и ваа, д̇асмаа ‘‘нисан̇кад̇ий’’д̇и вужжад̇и. вияаарамбхаад̇и вивид̇хаа бун̃н̃аабхисан̇каараад̣̇игаа аарамбхаа. кзмам̣ бассад̇и саб̣б̣ад̇хийд̇и саб̣б̣ад̇т̇а абхаяамзва бассад̇и.
960. Kiñca bhiyyo – anejassāti gāthā. Tattha nisaṅkhatīti puññābhisaṅkhārādīsu yo koci saṅkhāro. So hi yasmā nisaṅkhariyati nisaṅkharoti vā, tasmā ‘‘nisaṅkhatī’’ti vuccati. Viyārambhāti vividhā puññābhisaṅkhārādikā ārambhā. Khemaṃ passati sabbadhīti sabbattha abhayameva passati.
961. звам̣ бассанд̇о на самзсууд̇и г̇аат̇аа. д̇ад̇т̇а на вад̣̇ад̇зд̇и ‘‘сад̣̇исохамасмий’’д̇иаад̣̇инаа маанавасзна самзсуби ад̇д̇аанам̣ на вад̣̇ад̇и омзсуби уссзсуби. наад̣̇зд̇и на нирассад̇ийд̇и руубаад̣̇ийсу ган̃жи д̇хаммам̣ на г̇ан̣хаад̇и; на ниссаж̇ж̇ад̇и. сзсам̣ саб̣б̣ад̇т̇а баагадамзва. звам̣ арахад̇д̇анигуудзна д̣̇зсанам̣ нидтаабзси, д̣̇зсанаабарияосаанз бан̃жасад̇аа саагияагумаараа жа голияагумаараа жа зхибхигкубаб̣б̣аж̇ж̇ааяа баб̣б̣аж̇ид̇аа, д̇з г̇ахзд̇ваа бхаг̇аваа махааванам̣ баависийд̇и.
961. Evaṃ passanto na samesūti gāthā. Tattha na vadateti ‘‘sadisohamasmī’’tiādinā mānavasena samesupi attānaṃ na vadati omesupi ussesupi. Nādeti na nirassatīti rūpādīsu kañci dhammaṃ na gaṇhāti; na nissajjati. Sesaṃ sabbattha pākaṭameva. Evaṃ arahattanikūṭena desanaṃ niṭṭhāpesi, desanāpariyosāne pañcasatā sākiyakumārā ca koliyakumārā ca ehibhikkhupabbajjāya pabbajitā, te gahetvā bhagavā mahāvanaṃ pāvisīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа ад̇д̇ад̣̇ан̣д̣асуд̇д̇аван̣н̣анаа нидтид̇аа.
Suttanipāta-aṭṭhakathāya attadaṇḍasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 15. ад̇д̇ад̣̇ан̣д̣асуд̇д̇ам̣ • 15. Attadaṇḍasuttaṃ
